رواية قيود تعيقني الفصل الخامس وأربعون 45 - بقلم مريام

#قيود_تعيقني

بقلمي :- مريم احمد

صوتو للبارت وعلقو بين فقره وفقره القصه حلوه وتعبت بيها استاهل تصعد 🥹🥹💔

اخر بارت من قيود تعيقني جزء الثاني جان بس النيار والبرهم ♥️🥹

يلا نبدي

/////////////////////////////////////////////////////

( في الماضي )

فقدت وحسيت ع الوجع وصلنا المستشفى واعيط بصوت عالي الوجع ما جان ينحمل نزفت اهواي

بسرعه اخذتني دكتوره لغرفة الولاده وحاولت تحجي وياي بس اني الوجع ذبحني

:- ماما بيا شهر انت

:- ب9 راح اموت من الوجع ساعديني فدوه

:- صارلج شكد من داخله بشهرج امي انت

:- 3 ايام

تحجي وياي وترفع بملابس باوعت ع اثار ضرب مصدومه

:- متعرضه لتعنيف

هزيتلها راسها

:- منو سوه بيج هيج ولازم تقدمين شكوى

:- رجلي
ضربتني ابره نزيف اتوقف عندي بس الوجع مستمر اخذتلي سونار

وتدعي علي جان اثار الحزام واضحه ع بطني

اتأخرت بسونار

باوعت علي بصدمه وحجت

:- ماما طفل ميت بطنج

كمت اعيط

:- بس خلصيني راح اموت من الوجغ فدوه دكتوره

الممرضات حطلي مغذي وماعرف بعد شنو ما اتذكر ودخلوني صاله الولاده

كومه دعيت ع كرار بگلب محروك حرمني من ابني

سويت لعمليه جان اصعب يوم بحياتي وقررت اشتكي ع كرار

بتول :- يمه دخيلج الخاطري يمه سامحي واني اطلكج منه وارجعج البيت اهلج بأيدي

نيار :- خاله وابني واني كتل ابنيي ليش ليششش الله يرضاها

بتول :- يمه عليج الله الخاطري يمه

كعدت كومه تتوسل بيه قبلت وابني اخذه خالي راح دفنه

احتاجيت امي يمي احتاجيت ايمان وبرهم ردت احد يمي بس للاسف

محد اجاني رجعت للبيت مرت خالي كالت الغرفه جوه اخذيها عمليه ميصير تصعدين فوك

رتبتلي الغرفه موتني جسمي هم من الوجع وهم من العمليه

اخذت مسكنات وابر كرار ما شفته ابد

مرت خالي كالت بس تكومين بسلامه ارجعج الامج واني احجي وياها

مر 20 يوم وفتحت الخياطات كرار ابد ما شفته جانت العمليه كلش صغيره حتى كرش مصار عندي

بيوم نايمه بليل اسمع صوت ون يمي كمت متألممه واباوع كرار بزاويه ومثل عادته راسه بين رجله ويهز بنفسه

:- نيار اني احبج نيار اني احبج لتعوفيني لترحين

خفت منه حيل داطلع من الغرفه وجرني من ايدي ع كيف دموعه يجرن ويحجي وياي

كرار :- نيار لتعوفيني نيار لتعوفيني اني احبج تعاي

مشيت ويا سحبني ع جربايه خفت اروح لا هم يكتلني

كعدني ع جربايه وكعد بلكاع حضني من خصري

كرار :- لتعوفيني اني احبج اموت بدونج اني احبج نيار

نيار :- كرار كتلت ابني

كرار :- مو بوعي نيار اني احبج اعوضج والله ما امد ايدي عليج بعد

نيار :- كرار وخر

احجي ويا بهدوء وهو حاضني قوي حتى العمليه كامت تاذيني

كرار :- نيار ابوس ايدج لتعوفيني

ابتعد سحب ايدي يبوس بيها جريتها منه رجع حضني من خصري

نيار :- كرار هاهيه احنا لازم ننفصل

ابتعد فتح عيونه ويهز براسه

كرار :- لا لا نيار متعوفني نيار متعوفني نيار تحبني كام وكف ويهز براسه وضعه يقهر حيل

بيومها عرفت كرار مو بوعيه ويحتاجله دكتور نفسي

نيار:- كرار انت شوف حياتك واني اشوف حياتي هاهيه ما اريدك اني

كرار :- لا نيار متعوفني نيار حيل تحبني مو نيار تحبني مو

خفت لا يأذي نفسه لان اتهستر صحتله

نيار :- هاهيه ما اعوفك تعال

اجه حضني مسحت ع شعره هو صح يأذيني اهواي بس من يصير بهاي الحاله انقهر علي

حتى نام يمي وكامش ايدي حتى من غفه كامش ايدي قوي ماكدر افكها

ثاني يوم صبح كعدته

نيار :- كرار هد ايدي ارد اروح للحمام

هد ايدي كمت دخلت للحمام غسلت وجهي وفرشت

طلعت بصاله مرت خالي سوت الريوك وكعدنا سوه من اكوم اتأذه تأذيني عمليتي

حجه خالي وياي

فراس :- شلونج بنيتي خوما كرار سوالج شي البارحه

هزيتله راسي بمعنى لا

بتول :- اكلي زين شوفي شلون ضعفانه

كعدت لُجين تبجي خاله جابتها يمي يعني هسه شيصير لو ابني موجود

صعدت فوك الغرفتي ملابسه كاروكه كلهن مجهزات حطيتهن كبالي وابجي صعدلي كرار يلهث جان يركض

كرار :- عبالي رحتي

باوعت علي وكمت اشهك كعد يمي ويمسح بدموعي

كرار :- اني اسف اني اسفه لتبجين حبابه لتبجين اني اسف

نيار :- بسببك خسرت ابني بسببك

كرار :- مو بيدي مادري شصار مادري والله

باوعت علي قرب باس عيوني وابتعد

نيار :- انت مريض نفسي

كام وكف ويهز براسه لا

كرار :- مابيه شي اني مابيه شي

كمت اهدي بي قررت احاجي خاله ع موضوعه العصر

راح طلع بقينا اني ومرت خالي

نيار :- خاله ارد اكلج شغله بخصوص كرار

بتول :- اي كولي

نيار :- خاله كرار فرد نوب مرات زين وياي ومرات ينكلب ومن يضربني يأذيني احس علي الفجر بزاويه الغرفه كاعد وراسه بين رجله ويهز براسه ويكول نيار تحبني نيار متعوفني

صفنت عليه

بتول :- كملي

نيار :- ومن يتقربلي مرات يكون حنين وهادىء ومرات يضربني يعذبني

بتول :- ايي ؟

نيار :- ومن اكله عالج يم دكتور نفسي انت مريض يتهستر يبقى يجر بشعره ويهز براسه

يكلي لا مابيه شي اني ما اروح اني ما مخبل

نزلت دمعتها وحجت كلام صدمني

بتول :- يمه كرار من هو وصغير بي توحد وحاله نفسه

نيار :, ها ؟

بتول :- اي والله اخذنا الاحسن الاطباء بس من كبر وبدت مراهقته كرهه هلسالفه وكام كدامنه يبين طبيعي حتى شك راح من عدنا وكلنا صار زين

بس مرات بليل جنت امر من يمه غرفته واسمع صوته يون ادخل الغرفته والكه بزاويه كاعد شكد احجي ويا ولا ينتبهلي

يمه كرار خوش كرار والله بس جماعته خربو والله

هزيت راسي بصغرنا ابد ما شفته واعي جان كلش وكح حتى ما يحترم

مر شهرين كرار متحسن يعاملني بكل حب بس ابد ما يتقربلي وهلشي حيل مريحني

لُجين متعلقه بيه بشكل مو طبيعي حتى تشبهني مرت خالي تكول لان فترة حملي كبالي 24 ساعه

ماخذه من كرار الحلك ولخشم بس عيونها كبار وشامات بوجهه

حيل متعلقه بيها وهي كذالك امي ابد ما سئلت عليه ابد

باجر سنه مال ايمان خالي ذبح وسوه عشه وعزم جماعته وكرار راح جاب زنود ست كال مني هاي مو من ابويا

ابتسمتله وزعو بره وثاني يوم كال اخذج ونروح للنجف

دكت مرت خالي ع امي كلتله رحت اليوم ثاني يوم بدلت وطلعنا متوجهين للنجف

كرار كلساع شامر عليه نستله يكلي اكليهن اخير شي فتحلي عصير يكلي وجهج اصفر

وصلنا النجف اول ما نزلنا دنتمشه للقبر شفت برهم نايم ع الكبر كرار باوع عليه وكمش ايدي قوي

كرار :- سلام عليكم

كام برهم باوع علينه وجانت هاي اول مره اشوفه من تزوجت لسه

عيونه دم

برهم :- هلا كرار

نيار :- شلونك برهم

برهم :- بخير انتو شلونكم

كرار:- بخير الحمدلله

جانت ملابسه تراب مسح عيونه باوع عليه لحضات وترخص راح بسياره كعد

گلبي روحي راحت ويا ابد لحضه ما نسيته راح برهم

رحت كعدت يم الكبر وعيوني يجرن كمت اشهك واحجي وياها

نيار :- ايمان تعبانه اني خيتي تحسين بيه تحسين بتؤامج تعبانه لو لا ايمان حالي تعبان امي اتبرت مني وباعتني بلاش ايمان روحي تعبانه اخذيني يمج ممرتاحه والله

كمت اشهك وابجي بصوت عالي اجه كرار كومني

كرار :- كافي يروحه الكرار

باوعت علي عيونه حمر هو هم باجي

نيار :- عوفني شويه حباب

كرار :-ما اخذج والله براحتج بس لتبجين هيج گلبي ديتكطع

هزيتله راسي وجاب مي من السياره غسلي وجهي ومسح ع راسي

ابد ما فرض عليه البس حجاب عايفني براحتي بس من اروح الهيج اماكن لا البس حجاب لان اماكن مقدسه وهو اني مطالعه ابد

زرت اختي وقريتلها قران كملنا كلشي وكمنا كرار وزع فواكهه بلمقبره

رحنه فتنا من يم سياره برهم عيونه عليه ودعنا ورحنه

اتوجهنه للإمام علي وجانت اول مره ازوره بيها ابد مرايحين حتى بابا مجان ياخذنا بس للكاضم والكربلاء

كرار :- روحي زوري اني انتضرج اهنا

هزيتله راسي اول ما دخلت بلتفتيش اختنكت واني منه اختنك لو مكان ما يدخل بي هوى داطلع وصاحتني مره جبيره

:- ميصير تطلعين يمه بعد دخلتي كملي طريقج

نيار :- خاله اختنك ما اكدر

:- كولي يا علي وادخلي

سويت مثل مكالت ودخلت جان المكان كلش جبير وحلو امشي وي نسوان دخلت جانت مو هوسه حيل

زرت ودعيت كرار الله يهدي كملت وطلعت لكيت كرار منتضرني من شافني ابتسم رديتله الابتسامه

كمش ايدي ومشينا طلعنا رحنه اتغدينا بلمطعم واتوجهنه لبغداد

طريق هدوء محد حجه بينه اخير كرار حجه

كرار :- نيار اني احبج

هزيتله راسي

كرار :- انت تحبيني

باوعتله هذا شجاوبه بلا بقيت ساكته

كرار :- ادري بيج متحبيني

نيار :- لا مو ما احبك بس تبقى رجلي يعني لا اكرهك ولا احبك

ابتسملي

نزل يم محل مال ملابس بغداد

كرار :- انزلي اشتريلج ملابس علمود تنزعين الاسود باجر

باوعت علي

نيار :- بس اني ماريد انزعه

كرار :- ميخالف اخذي صح جنت تعبانه بي شسوي اصر عليه

نزلنا هو يختارلي ملابس جابلي بنطاير وقمصان فستاتين مال طلعه كومه اخذلي احذيه تكرمون

ملابس مال بيت اتراكات دشاديش هو بلبس مو مقيد ابد هم ع راحتي

ماحجيت اي شي

راح ع القسم ملابس داخليه استحيت اخذ جانت خالتي هي تجيبلي

هم هو الخذلي استغربت شلون يعرف قياساتي

هلكت من تعب طلعنا راح وكف يم مطعم نزل جاب عشى الاهله

يمكن صدك الله هدا رجعنا دنيا ليل كبل دخلت سبحت

مرت خالي هم اصرت عليه انزع الاسود وثاني يوم نزعته بس اهواي بجيت لان نزعته اتندمت حيل بليل دخل كرار للغرفه

اجه حضني بسرعه جان كل ما يحضني ما ابادله ابد بس هلمره بادلته وحضنته

احس فرح ابتعد عني باسني من شفتي بوسه سريع

كرار :- احبج اهوواي احبج

ابتسمتله رجع باسني بس ما ابادله ابد ابتعد

كرار :- ليش متبادلني من ابوسج

ماعرف شكله طلعت حجه انو مااعرف ابوس وما احب ابوس احد

كرار :- نيار صار سنه يمي واني ابوسج ما تعلمتي مني او ما تقبلتيني

نيار :- مادري

حاضني من خصري ويحجي وياي عينه ما نزلها عني

كرار :- بس مره وحده كوني وياي وخلي بالج يمي ومو يم برهم اعرف تحبي بس اني هم احبج والله بس مره وحده بادليني وحسسيني انو انت يمي بالج وروحج اريدهن يمي مو بس جسدج يمي

نيار اريدج ليله وحده بس تحسسيني انو يمي انت صدك

نيار :- احس انقهرت علي حيل يحجي بتوسل ابتسمتله وابتعدت

مددت هو هم مدد قرب مني حيل وقربني علي انقهرت علي حيل باسني وجانت هاي اول مره ابادله بادلته وجانت اول ليله الي اكون ويا بيها بالي وكلشي جان يمه

وهاي اول مره يتقربلي بعد ما ابني مات ابد ما مد ايده عليه بيومها وكل حب يعاملني

ثاني يوم كعدت دخلت سبحت شافني ابتسم واجه باسني ابتسمتله

كعد هو يمشطلي شعري عافلي مصروف مثل كل مره وراح طلع

طلعت يم مرت خالي شافتني ضحك

بتول :- هاي منو كارصج من ركبتك

نيار:- ها

خربت من ضحك استحيت منها ورحت شلت لُجين شويه ونضفت البيت وصعدت كتبت كلشي صارلي البارحه

غيرت غرفتي رتبتها طلعت ملابس كرار كلهن رتبتهن من جديد عطرت الغرفه ونزلت طبخ كله ع خالتي

العصريه رجع كرار من شغل كبل صعد سبح ونزل هو مهندس

صبيتله اكل وطلع راح للتمرين هو ضخم كلش من عمره 18 يتمرن وجسمه رياضي

مرت خالي طلعت للسوك لُجين يمي صعدتها فوك بغرفتي حطيت مكياج خفيف وفتحت شعري وهي فدوه تضحك للهوى

لبست شي خفيف لان مختنكه حاره نزلت جوه دخل كرار اجه باسني من راسي ابتسمتله هو يسبح اهناك ويجي يكلي ما احب اجيج وصخ لُجين نايمه حطيت فلم جان يصيحني

كرار :- تعاي خللعب بشعرج

نيار :- ليش

كرار ؛- بس تعاي

كعد بلكاع وفتح رجله ورحت كعدت بين رجله بقه يدلك براسي

كلساع بايس شعري خلص الفلم وهو مستمر اخير شي اني وخرت ايده

نيار :- نعست كافي

كرار :- ما ينمل ابد

ابتسمتله اجتي خالتي ابتعدت عنه وصعدت اغير ملابسي بدلت ودخل كرار داطلع من الغرفه جرني من ايدي سحبني علي

كرار :- مشتاقلج

نيار :- اممم اجتي خالتي انزل اعزل المسواك

كرار :- عوفي حبيبي

نيار :- كرار

كرار :- روحه

نيار :- ارد انزل

قرب باسني ادفع بي ما يقبل ثبت ايدي بأيده واستمر بادلته علمود يبتعد عني لان اذا ما ابادله يلزك ويمكن حتى يضربني شويه وابتعد عني

اباوع علي شو هذا نزع قميصه

نيار :- سدتسوي هاي شبيك خاله جوه تريدني

كرار :- اني كتلها لتصيحينا

نيار :- عزاا كرار عيب شبيك

وخر خلي انزل

بقه بدون قميص جرني من ايدي

نيار :- كرار خلي انزل فدوه

ضربني لان ما انطيته حقه بس سوه شغله خلتني صدك اكرهه حتى نفسي لعبت منه سوه كرهته حيل كرهته بهل ليله اهواي

دخلت سبحت ونزلت حتى العشه مكملته خالتي

نيار :- ااااء خاله

بتول :- يمه اني شعندي مادام يم كرار كلت خليهم

نيار :- خاله كرار رجع يضربني ماريده بعد ما اريده

بتول :- يمه شبيدي اني

هزيت راسي وحتى كلام كطعته ويا يتوسل بيه وكل ليله كاعد بزاويه مال الغرفه ويهز بنفسه سكتت عنه

مشت الايام هو كام ما يحاجيني بس كل ما يطلع يجيبلي ويا ملابس ويجي حتى نصهن صعدتهن بلمخزن

خالتي اتوسلت بيه اسامحه عاد الخاطرها وره ما سامحته رجل أدمي وزين عنده انفصام بلشخصيه ساعه يضربني وساعه يبجي عليه

بيوم كاعده بلغرفه

اتصل فوني گلبي رعش نزلت دموعي من شفت امي متصله بيه

جاوبتها وصوتي يرجف

نيار :- ماما

الحجيه :- يمه اني اسفه ع كلشي اعذريني والله وجان موت اختج مأثر بيه حيل اسفه يمه

كمت اشهك

نيار :- مشتاقتلك اهواي والله يمه اهواي اتأذيت

الحجيه :- نزلي كولي المرت خالج امي راح تجي اليوم

نيار :- ماشي

نزلت فرحانه دخل كرار يضحك

كرار :- شو تضحكين اليوم حبيبي وفرحانه

من حماسي طفرت حضنته وابوس بي

نيار :- امي اعتذرت مني وكالت راح اجي اليوم

اختفت ابتسامته وعافني وصعد فوك ليش ضاج مادري

اجتي امي حضنتني وتبجي وتعتذر مني كرار كاعد ع اعصابه ويهز برجله

الحجيه :- كرار باجر تطلك نيار

باوعت عليها وكرار باوع عليها وكام وكف يصيح واعصاب

كرار :- ما طلكهااا ما طلكها عرفت عرفت هاي جيتج راح تكليلي طلكها عمه مرتييي واريدها احبها ما طلكها هسه ردتيها من خابرتينه تكولين هي كتلت ايمان وما اريد اشوفها ما كلتي بنتييي

خاله نيار ما تاخذيها اصلاً وياج تجين تشوفيها هنا ع راسي بس مال تاخذيها لا عمه نيار متروح متروووووح

رحت أهدي بي

نيار :- بس اهدء كرار اهدء ما اروح كافي

كرار :- نيار تحبني نيار متروح

عرفت اجتي حالته طلعته بره صعدت فوك

نيار :- بس اهدء ما اروح

كرار :- ماريد نيار تروح اني احبها. نيار مرتي احبها

نيار :- اي ما اروح بس اسكت

كمشني من ايدي قوي ودخلني كلعاده مالته راح بزاويه كعد وكعدني يمه حاضن ايدي ع كلبه دكات گلبه سريعه

كرار :- مترحين مو انت متعوفيني

هزيتله راسي شو ماحس غير جر شعري قوي

نيار :- شبيك كرار شعري

كرار :- لا انت متحبيني انت متحبيني متردييم تبقين يمي

كام وركع راسي بلحافه مال الميز دم نزل ع عيوني

وضربني راشديات واحد وره لاخ عطت صعدت مرت خالي وامي

كوه جرو من عدني

كرار :- انت متحبينييي انت مترديينيي

بتول :- كافي يمه فدوه اهدئ

خشمه طك دم اجتي امي جرتني وكلتلي هسه تلمين ملابسج كرار بس يباوع ما حجه شي يباوع مستغرب

ما تحركت اني عاطت بيه امي

الحجيه :- كوووومييي

كرار يباوع عليه مسحت كصتي وباوع ع كرار يهز براسه لا

رحت طلعت الجنطه وحطيت بيهن كم قطعه ملابس وفوني ودخلت غسلت وطلعنا من البيت

الحجيه :- عقلي وييين جان ويييين جان من انطيتج الهم

بقيت ساكته امي جانت كل هلفتره عايفتني وهسه طالبت بيه وتريدني بقيت ساكته طريق كله

نزلنا يم بيتنا نزلت غراضي دخلت البيت مثل ما هو ونضيف ضاهر راجعه بي امي

اخذت غراضي بلغرفه حطيتهن اتذكرت كعداتنا اني وايمان شقانه ضحكنا برهم من جان يجينه

ابجي واضحك كرار كومه اتصل عليه وامي دزت خبر انو يجي يطلكني سيد وبعديين محكمه

لان من جنت حامل عقدنا محكمه

كرار اتخبل يوميه يجي الامي يتوسل بيها لو يحجي وياي ويبجي وامي قافله

اني ما بيدي شي لان من زمان ردت انفصل منه وهو مريض يعني احس عنده انفصام بشخصيه

مرت 4 اشهر وطلكت من كرار كوه حتى بلمحكمه يبجي

غابت شهريه عني شهرين وبعدين نزلت حيل فرحت كمت اشتغل واصرف ع امي كرار ما شفته بعد

مرت سنتين برهم اخر مره شفته بلمكبره وحجيت ويا ابد ما حجيت ويا بعد

الراتب صار ما يكفي علاج امي ومصروف البيت والكهرباء

كرار كام يتعرضلي ويتوسل بيه ارجعله يكلي عالجت نفسي بس ما كدرت

كل مره يتعرضلي واسكت ما اكول الامي راتب قليل راتب امي انكطع حالتنه تعبت

اذا نتغده ما نتعشى واذا نتعشى ما نتغده اريد اشتغل بشركه وكال ماكدر عرفت شيقصد

خابرت برهم كتله تعال محتاجتك بالاول رفض وحاجاني برود اتندمت بساعه الخابرته بيها ليل كله ابجي كمت تمر يوم ويومين بدون اكل اهم شي امي

ثاني يوم خابرني برهم كلي تعاي لفلان مكان كمت ارجف متوقعت بعد كل هلسنين اشوفه

نفس المكان جنه نلتقي بي اول ما وصلت صابتني رجفه مو طبيعيه صحته اباوع علي يرجف

مادري شلون طلعت مني وكتله مشتاقتلك بس تندمت لان طلعت مني شويه وكتله ع شغل كال سهله

هو وصلني للبيت انطاني فلوس باوعت علي وخزرته كال دين اخذتهن

بديت اشتغل اول راتب الي خابرته كال رجعت سافرت ما حجيت شي

وكرار جياته مستمره حتى اوراق مال علاجه جان يجيبهن ويا

بس ما قبلت ارجعله حتى خالي ومرت خالي اجوي وجنت رافضه تماماً ارجع

كرارا يتصل رسائل يدز مرت سنتين وصار 5 سنوات ع موتت ايمان بس جنت كل يوم ابجي عليها وهاي سنتين برهم ابد ما اتصل ولا اني اتصلت علي

من شغلي للبيت انام واطلع الصبح جان تعب واضح ع وجهي اسمع اشكال الكلام عني واسكت

واكتشفت انو المجتمع كل مطلقه حاطين عليها علامه اكس

بس رغم ذالك بقيت قويه بتعبي اجيب لكمه حلال

وخاصتن مهري كله جابه كرار ملابسي الي اشتراهن الي ما بقه شغله ما جابها جان كل مره يدزلي مصروف بس ارفضه

برهم ما سمعت عنه شي وره سنه كرار بده يهددني دزلي صور خلاني ارعش نزلت دموعي

صور من رابطني بلمحجر وبدون ملابس وصوري واني نايمه بملابس نوم

ودزلي رساله وياها

:- اذا ما رجعتيلي انشرهن

دزيتله بصمه واحس نار تطلع من عيوني

نيار :- يا ناقص لكك عرضك جنت عرضكك هيجج تسويي يا نكس متوقعت توصل بيك نكاسه الهاي درجه كرار الله ينتقم منك حسبي الله ونعم الوكيل بيك الله ينتقم منك كرار الله ينتقم منك

بقيت كاعده بلغرفه وابجي منو يساعدني ويخلصني منه منو ياربي منو اجه بالي برهم اتصلت علي

كبل جاوبني

برهم :- ها نيار

نيار :- برهم ساعدني الحكني برهم وين انت

برهم :- بلبصره شكو شبيج تبجيين

نيار :- برهم تعال بسرعه عليك الله برهم الحكني

برهم :- ولجججج شكووو احجي شصاير

نيار :- هذا كرار ديهددني برهم تعال

برهم :- هسه جاي

باوعت ع ساعه ب12 ضهر يعني برهم هو و6

كعدت ع اعصابي ارجف وابجي هذا مخبل يسويها والله مخبل

سويت اكل الامي واخذت علاجه ونامت اتصل برهم كلي تعاي

طلعت من البيت رحت للحديقه لكيت برهم ركضتله ابجي

نيار :- برهم برهم الحكني

برهم :- بس اهدي ابوي اهدي واحجيلي كلشي

انطاني مي شربني هديت وكعدني بديت احجيله

نيار :- جان يعذبني ويربطني بلمحجر وياخذلي صور

برهم :- ايي بهاي الحاله اذا ينشرهن هو راح ينفضح

نيار :- برهم مدتفهمني داكلك يعذبني ويربطني يعني حتى بدون ملابس

حجيتله ودنكت اشهك

برهم :- اي كملي

نيار :- واني نايمه مصورني بملابس نوم

برهم عيونه صارن دم اوردت ايده برزت

برهم :- هذااااا مخببببل مخبل

نيار :- ايي مخبل

برهم :- كله صوج امج كله صوجها شلون انطتج اله شلون

نيار :- مادري كالت جانت موتت ايمان مأثره بيه

برهم :- كلنا جنت موتت ايمان مأثرنا بينا كلنا اني الحد الان ما تخطيت موتتها سويت مثلها ؟ لا ما اذيت ناس احبهم

كمت ابجي واشهك

برهم :- امشي ارجعي للبيت واني اخابرج بليل واشوف حل

وصلني للبيت امي بعدها نايمه المسؤوليه كاسره ضهري مددت ع جربايه وابجي

ب1 اتصل برهم

نيار :- ها برهم

برهم :- كليله اني راح اخطب هذا الاسبوع

فتحت عيونها وايدي رجفت

نيار :- مراح يصدك هلجذبه

برهم :- مراح تكون جذبه حتكون حقيقه اجيب اهلي واجي اتقدملج

نيار :- شدتحجي انت برهم

برهم :- هاهيه نيار كولي الامج باجر برهم ييريد يجي هو واهله

نيار :- لا برهم ماكدر ماكدر انت حبيب اختي ورجلها هم ماكدر اخون ايمان

برهم :- ايمان راحت الدار حقها وهي وصتني عليج قبل لا تموت اذكرج هاهيه نيار سوي الكتلج علي

سده وحيلي يرجف كعدت ابجي احسها خيانه الاختي دزيت الكرار مثل ما كال برهم

كبل دزلي

كرار :- لا انت مالتي محد ياخذج مني

حضرته وثاني يوم حاجيت امي ورديت خبر البرهم امي اقتنعت بس امي متردده بعد كل هلسنين

اصير البرهم ؟

بليل خابرني برهم جان صوته مبحوح كلش

برهم :- نيار باجر نجيكم

نزلت دمعتي وحجيت كوه

نيار :- انت مستحيل تنسى ايمان وبعدك تحبها ليش تدمر حياتك

برهم :- ما راح دمر حياتي اطمئني بس ارد اصلح حياتج

نيار :- انت مالك علاقه برهم بأي شي

برهم :- غلطانه اني خليتج تحبيني وتتعلقين بيه

نيار :- لا برهم

برهم :- المهم انطي خبر الامج باجر راح يجون اخواني ونسوانهم

نيار :- وامك او ابوك ليش ما يجون

ضحك وحجه

برهم :- هو اصلاً مرات انسى عندي اب وام

نيار :- زين ليس هيج كاطعين وياكم

برهم :- سالفه طويله ختولي

نيار :- برهم اني ممحجبه اكيد مراح يقنعون اخوانك وخاصتن جدك هو شيخ كلتلي اكيد مراح يقبل

برهم :- نيار انت والله قديمه جدي مات من زمان

نيار :- يا ولا ادري يعني هسه منو شيخ

برهم :- محد يمعوده جدي عافها اصلاً من قبل لا يموت وصرنه حالنا حالكم حتى عمامي كاطعين وياهم

نيار :- بس اني ادري اخوك أجرام كلش محافض اكيد مراح يقبل بيه

برهم :- ولجج اني راح اتزوجج مو هو وبعديين مالهم علاقه هما ما يدخلون بأحد والله

سديته منه وكله تفكيري باجر كعدت صبح حضرت الكعك وامي وياي واصلاً برهم كال أجر بيت بلبصره ونكعد بي وامج ويانه

العصر اجوي وارجف ما طلعت الحد ما طلبو يشوفوني وطلعت ارجف سلمت عليهم وكعدت عيونهم كلهم عليه

بعدين حجو اخوان برهم وقررو كلشي

برهم :- بعد خمس ايام الخطوبه وراها ب10 ايام العرس

اخو جبير كرصه

ادهم :- متوازي رحمه الدينك

خربو من ضحك واني احس وجهي احسه يطلع نار

اترخصو الولد وبقو البنات يتعرفن عليه

حبيتهم كلش وكلهن حلوت و مرت اجرام تجنن عيونها خضر كلش

/////////////////////////
(الوقت الحالي)

مسار :- الولد راحو وبقينه احنا اتعرفنا عليها جانت كلش حبابه وطيبه وجميله لدرجه كاعده يمي

باوعت ع ايدها وع ايدي صح اني بيضه بس هي ابيض مني حسيت نفسي زركه

نيار :- جان دائماً يحجيلي عنكم برهم

نور :- يعني وره موتت ايمان بقيتو ع تواصل

نيار :- لا امي زوجتني مباشراً بثالث مال ايمان زوجتني

باوعنا عليها وشهكنا كلنا

نور :- شلون زين

حجتله كم شغله وليش انطتها كومه حجينا عرفت قصه حياتها ما اتقيدنا ابداً ولولد ماخذين فروخنا وياهم

قررنا يوم الخطوبه حتى نور بقت يم اهلها بس الولد رجعو

اجرام انطاني كال جيبولها ذهب رحنه العصر للسوك ويانه ام نور ونور واني وهي امها كالت ماكدر اروح اني

جبنالها ذهب وهي ابد ما حجت شنكللها تكول بكيفكم

اخذنالها فستان للخطوبه واحنه هم اشترينا اجه يوم الخطوبه وكلنا انجمعنا بيت جمال

نوب يرجف اجه ادهم شافه يرجف ما يكدر يضب السانه

ادهم :- شبيك رحمه لله ترا مراح تدخل عليك البنت

متنا من ضحك وبرهم خزره اجه اجرام شغلنا اغاني ونركص

اتمكيجنا وبدلنا لفروخنا وام مروه هي وجهالها هم اجتي واهل نور

صافنه ع اجرام شلون يهز خربت من ضحك شافني اضحك اجه جرني يمه وكلنا نركصنا خوب ادهم يمشي ويهز

اخذو سيد وياهم واتوجهنه لبيت نيار وصلنا نزلنا احنه البنات دخلنا جوه نهلهل وشغلو الديج جان ماكو عالم اهواي طالعه تجنن المكياج خفيف بس بارز جمالها كلش

عقدلهم سيد هي هم ايدها ترجف مادري ليش بجت من عقدلها سيد

رحت حاجيتها

مسار :- شبيج تبجين عمري

نيار :- جانت ايمان تكلي اتمنى يجيب اهله ويعرفهم عليهم ومن نخطب اهله موجودين

هديتها ومسحت دموعها بدون لا يخرب المكياج

دخل برهم مبتسم بس معاني وجهه مبين عليهن الحزن

بدون نهوس اله شال الحلقه ايده ترجف كوه لبسها وهي كذالك وباقي الذهب احنه لبسنا الها كصو الكيك

والولد دخلو جوه جان فستانها مستور دخلو الولد باركولهم

اخذنالهم صور سويه وكوه يضحكون رجعنا هلكانين من تعب بدلنا وكعدنا بلصاله بيت جمال

برهم :- مادري شلون افاتحكم بلموضوع

ادهم كبل حجه

ادهم :- تريد باجر تعرس مو

متنا من ضحك علي

برهم :- بس خلي احجييي رحمه الامك

ادهم :- يلا احجي

ادهم اندار ع برهم واتربع وصافن ع برهم حركته تخرب من ضحك

برهم :- اني أجر بيت بلبصره لان ماكدر اعوف امها اهنا

ادهم :-, دنجب يأجر ابو حلك شاف عنده فلوس اهواي ويريد يأجر ويطلع دنجب

اجرام طفه جكاره مالته ووحجه ويا

اجرام :- بيتنا جبير مو برهم وانت الك حق بي هم واحنه اخوان منطين وعد البعض مستحيل نفترك بيوم مو برهم

هز راسه برهم

أجرام :- احنه ربيناك رغم جنه اكبر منك بس بكم سنه اتعلمت طبعنا وكلشي يخصنا تذكر الوعد الي وعدنا بعض بستان جدي

برهم :- ايي شكد ما صارت مشاكل وضروف مستحيل نترك ايد بعض ونبقى سوه للابد ونعيش سوه

اجرام :- وهسه كاعد تكول اعزل انت لو ما متوسل بينه ع سفرك للخارج جان ما خلينك تروح وام نيار تجيبها تعيش يمنه هي نفر واحد

برهم :- ما اريد اقيدكم

اجرام :- ترا مراح تأثر احنه 3 زلم بلبيت شغلنه خير من الله

كام برهم حضن اجرام وجيت عليهم ادهم

بقينا بغداد ما رجعنا عزمنا مريم بس كالت بلبصره اني

قبل العرس بيومين رحنه للبصره ويانه نيار وامها

كلشي جهزنالهم حتى غرفه جديد جاب برهم كلشي كملنا من تجهيزات اجه موعد العرس

لا نيار ولا برهم قبل بقاعه اخذناها للصالون ومكيجوها صدك لاعبه

مسار :- مدري تشبهين يا ممثله

نيار :- إسراء بيلجيتش

مسار :- هاي تطلع مسلسل رامو مو ؟

نيار :- اي حبيبي

اجه اجرام اخذنا للبيت وصار عرس كلش حلو وبسيط زفيناهم للفندق وراد اجرام يحجز النا ولادهم بس رفضنا فروخنا وين انوديهم.

رجعنا للبيت هلكانين اتعشينا وكعدنا بصاله

ادهم :- واخيراً تزوج برهم كون احم

جابر :- ع ما أضن مو اول عرس اله

اجرام :- البنات كاعدات كافي استهتار لا احط رجلي تعرفون وين

ادهم :- بط ......

خزره اجرام

جابر :- شعجب ما حجيتو شي وهي ممحجبه

اجرام :- شعلينه احنه هي وبرهم ومحجبه او لا شي راجع الها ما نجبرها

ادهم :- اي صح وهي خوش بنيه مبينه خليها ع راحتها كم يوم وتعرفن طبعنا وتشوف البنات هسه هي تتحجب من ذاتها

كرصت اجرام

اجرام :- ها حبيبي شبيج انجلبتي

مسار :- لعد ليش خليتني البي الحجاب غصب عني

اجرام :- انت غير حبيبي اني غير اغار عليج.حيل وماريد تبين منج شعرايه وماريد واحد يباوع عليج

نيار :- مثلاً هسه برهم ميغار ع مرته لو يريد واحد يباوع عليها

اجرام :- حيبيبي برهم متعود عليها وهو ميجبرها تلبسه وتعرفين برهم ميحب يجبر مره ع شي

هزيت راسي

وصعدت فوك بطني كبرانه كم يوم واروح اسوي سونار

نايمه بحضن اجرام بليل

مسار :- اممم اجرامو اكول

أجرام :- كولي

مسار :- من جنت بداعش تعرف واحد اسمه رمح

اجرام :- ما أدري بويه. ناسي

مسار :- اتذكر زين

أجرام :- يمكن سامع بي بس ما شايفه

مسار :- اممم معقوله شسامع عنه

أجرام :- هو ابو ذيبه يصيحوله يمكن يكولون سبع

مسار :- زين تعرف عمو سلام اهناك

اجرام :- مسار شمعرفني بيه هذا منين

مسار :- مادري يمكن ضابط وهو مُلا

أجرام :- اها سامع بي بس هو مو بلبصره يمكن بغداد

مسار :- زين وعباس

أجرام :- مساررر منين ديجبيهم ذوله

مسار :- هاي شبيك بلقصص ع الوتباد ناشرين قصصهم

أجرام :- دنامي نامي

مسار :- بس هذا عباس يمكن تعرفه هم بلبصره هم ضابط هو وراهب ابو جمره

أجرام :- مسار نامي لا احطج واكتلج هسه ترا اني بسلك العسكري احد كايلج رئيس بدوله علمود اعرف

مسار :- لعد مو عقيد وكذا وعندك نجمتين ونسر ع جتفك متعرفهم

أجرام :- راح اشمرج من جربايه نامي وانجبي

هزيت ايدي ونمت

ثاني يوم اجوي من الفندق جنه كلشي مجهزين من ريوك

اجرام من صبح راح جاب كاهي وكيمر وزيتون واجبان

جهزنا سفره برهم يبتسم مجامله النا هو راح للمطبخ لحكته

مسار :- شبيك معبس شبيك

برهم :- ضايججج ضايج حييل

مسار :- شكو شبيك

برهم :- البارحه داصيح نيار وصحت ايمان هي ضاجت وكعدن تبجي تكلي ليش تزوجتني علمود تأذيني اكثر

مسار ؛- خرب بيومك

برهم :- حتى مصار بيناتنه شي

مسار :- بعديين تتعودون ع بعض وتكوم تحبها

برهم :- الله كريم

رحنه بصاله كعدنا شويه وبدت سوالف ادهم

ادهم :- اكلج نيار هذا شعرج طبيعي

نيار :- ايي

ادهم :- شتستعملين اله

نيار :- ما استعمل شي

ادهم :- ليش تجذبين ترا اني جذاب اعرفه

هي تضحك

الحجيه :- هي واختها الله يرحمها وارثات شعر من بيبتهم ام ابوهم

نيار :- ههههههه لا والله مداجذب صدك من بيبي وارثته

ادهم :-, لااا جذابه شفتينا فقره وكلتي خلب اضحك عليهم بساع يصدكون

ركعه اجرام بلنفاضه اجتي بجتفه

اجرام :- كوم ولي للشغل ادري انت العريس ومطالع اليوم

ادهم :- لا مو بمكاني مهندسين ثنين واني اخذت استراحه

باوع ع نيار العينها ع برهم وبرهم يبتسم ويهز براسه

ادهم :- مو داحجيي وياج وصافنه ع جلب شبيججج

خربنا من ضحك احسها خجلت

برهم :- هسه دسكت شكد حجيت دخيل ربك

كام برهم صعد ونزل بيده جكايره

ادهم :- والله وكت كام يدخن كدام اخوانه الكبار

برهم :- ع اساس اخواني انبياء ميشربون

فطسنا. من ضحك واجرام كاعد يكلب بلفون

ام نيار كلش حبابه اخذت غرفة جدي صعدت نيار الغرفتها حجه ادهم

ادهم :- شعجب انت رحت جيب جكايرك ما دزيت نيار

برهم :- امجايبها تخدمني شي اني اريده اروح اني اجيبه ما ادز احد غيري لان شغله اني احتاجها

ادهم :- قنعتني ولك

برهم :- تربيتكم انت واجرام بعد شتريدني

أجرام :- عاشت ايدك حبيبي

لا بأس الايمان دخلنا شهر الثالث وبرهم هو ونيار علاقتهم حلوه بس هو وياها مصيبه مره نزل سابح بلمي يكول لان اشاقيت وياها وذبيت عليها مي شويه هيج سوت يخربون من ضحك

بيوم كاعدين ادهم و برهم يمنه طلع البتوب مالته

شوفنه صورهم بلجامعه ويكول جانت اقرب صديقه الي احسها اختي

ادهم :- مثل اختك وزوجتها لو مو مثل اختك شتسوي

برهم :- كلشي قسمه ونصيب

...............

ولهنا تنتهي قصه قيود تعيقني اهواي انقهرت بيها وخاصتن هلبارت انقهرت مدري ليش

صدك كلشي قسمه ونصيب ع العموم يلا باي بعد ماكو انتهت القصه 😂😂❤️

حسابي الانستا :- mream_.98