رواية قيود تعيقني الفصل الرابع وأربعون 44 - بقلم مريام

ملاحضه :- جوه ال13 سنه ما انصح يقرون هلبارت رجائاً

كلشُ حَيّرتني وزاد نوحيِ
أول مَرّه هاي أبچي على رُوحِي 💔.

'///////////////////////////////////////
(في الماضي)

بلحضه بس خسرت بيها اعز شخص ع گلبي خسرت اختي وتؤامي بلحضه بسبب مرض قذر عاش بداخلها نفسه قتل ابويا اتمنيت اكون اني بمكانها

فتحت عيوني بلبيت اني طلعت بره نسوان خوالي وجوارينه شافتني بنت ام محمد اجتي حضنتني وتبجي

سجى:- البقيه في حياتج عمري

بعدتها عني اتمنيت حلم هلشي بس ثوب الاسود الي عليه والبجي ادور بعيوني ع امي ماهي

نيار :- ماما وين

سجى :- بلغرفه ثانيه

نيار :-, ايمان وين

سجى :- ارتاحي حبيبتي

اخذتني كعدتني واني لسه ممستوعبه الصار

سجى :- انت صارلج فاقده 13 ساعه اختج هسه راح يجيبوها يشيعوها

ابتعدت عنها دخلت للغرفه وجع بگلبي اتنفس سريع صوت القويي رجع

حطيت ايدي ع آذاني واعيط

نيار :- لااااااااا طفووووو طفوووووو يمممه برهممممم طفوووووو ايمااان طفوو صوتت طفوو راسييي حيطكك طفوو

دخلو عليه لزموني واني ادفع بيهم

نيار :- وخرووو طفوو طفووو راسيي راسيي حيطكك طفو

شويه وهدئت

سجى :- شبيج والله ممشغلين شي بس القرآن

سمعت صوت من برهه روحي انسحبت طلعت اركض ونسوان لزمني

نيار :- هدني خلطلع هدنييي

:-, لا اله الا الله

عضيت وحده وطلعت اركض

واشوف عالم اهواي وشايلين تابوت ومن ضمن الزلم صارت عيني ع برهم

اتقربو اكثر نزلت دمعتي وكعت بلكاع واهز براسي بمعنى لا

سجى :- كومي زلم راح يدخلو بلبيت شويه

نيار :- لا لا هاي مو اختي لا ايمان عايشه متروح ايمان متروح

كومتنييي كعدتني بصاله جابو تابوت حطو بصاله واني اتخبلت نمت فوكا وادك علي قوي واعيط

نيار :- كووووميييي ايمان كووومي والله ما اضوججج بعد كومي يروح اختجج ايمان ايماااان

موتت ابويا لسه مأذيتنييي لكم ليششش دتعذبونييي كومي كومي

ارد افتح التابوت ميخلونيي ماتذكرت شغلطت عليهم بعدوني كوه وشالو تابوت

اتخبلت خنكني بزايد

كمشتني سجى وطلعتني وراهم واني اشهك وكوه امشي احس ضهري انكسر

اصوات التشيع عاليه زرفت گلبي

حطوها فوك السياره ولفوها لكيت برهم مرتجي ع سياره وكالو بس نسولن ثنين يجن البنات ميصير يجن

رحتله اركض البرهم جلبت بأيده وابجي

نيار :- برهم فدوه برهم خلروح وياكم برهم اذا عفتوني ورحتو والله اكتل نفسي والحك ايمان برهم اخذني ابوس ايدك اخذني

برهم :- اصعدي وياي 

باوعت علي دموعه يجرن صوته يرجف

هزيت راسي وصعدت بسياره حتى مو هو ليسوق صعد يمي وره

حطيت راسي ع جامه واشهك احس گلبي يتكطع والله الوجع يموت راحت روحي هي تؤامي جانت من تتمرض اتمرض وياها من تحزن احزن وياها جنه روح وحده

حركت سياره غمضت عيوني واشهك برهم بصفي ايده ترجف حتى ماكدر اباوع علي

بقيت حاطه راسي ع جامه سمعت شهكت برهم

حطيت ايدي ع ايده وباوعت علي

نيار :- برهم راحت بعد مترجع مو ؟

هزلي راسي

حطيت راسي ع جتفه وثنينا نبجي ونشهك دموعه تنزل ع وجهي

غمضت عيوني وصار طيف ابوي وايمان  كبالي ومبتسم واني ابجي امد ايدي الهم اريد الوحهم ماكدر حتى ما اكدر امشي

ايمان ضحكتلي وهزتلي راسها ورفعت ايدها شلون تودعني سمعت صوت ايمان صاحت عليه

ايمان :- راح تعبيين اهوايي ديري بالج ع نفسج

عطت وفزيت اتنفس سريع

برهم :- شبيج نيار

باوعت علي واتنفس سريع حتى ماكدر احجي اختنكت

جريت البدي من ع ركبتي مختنكه حيل

برهم :- محمد افتح الجامه نيار اختنكت

فتح الجامه وطلعت راسي من جامه مختنكه حيل شربني مي برهم  ارتاحيت شويه

رجعت راسي ليوره وكله تفكيري يم لحلم يعني بابا صدك اخذ ايمان من عدنا يعني بقيت وحدي محد الي بعد

عصرت ع ايد برهم حيل حتى اضافر نبتت بأيده هو ما بدر منه اي شي بقى ساكت

بعد ساعتين دخلنا للمقبره وكفو يم المغيسل نزلت يم المغسيل اني وبرهم وبدو ينزلون بلتابوت

خشمي طك دم مسحته بأيدي برهم نزل تابوت وياهم

ودخلوها للمغسيل برهم بلكاع كعد ويبجي الولد راحو يمه

دخلت اني وياهم

وبدت المره تغسل بيها واكفه بعيد عنها واباوع عليها ودموعي يجرن

:- بعدها عروس مو

هزيتلها راسي

:- ربي يرحمها ويصبركم

مثل نومتها كل مره كلش صايره بيضه

كمت اشهك

:- فاتحه عيونها اكو واحد ما شايفته

هزيتلها راسي

نيار :- اي رجلها

:- خليجي روحي صيحي

طلعت اركض

نيار :- برهم تعال

كام من الكاع مسح دموعه ودخل اول ما شافها وكع بلكاع ويبجي

:- تعال احجي وياها

كوه مشى وراح يمها كعد اباوع علي يحجي يم اذنها شويه وابتعد طلعته بره

وكملت كلشي وجفنتها

شكد ما احجي هليوم جان صعب ما ينوصف كلش صعب ومؤذي

بدو يدفنون بيه كعدوني بعيد ما خلوني اتقرب كمت اعيط وبرهم اتخبل ما يقبل يدفنوها ويسحبون بي

حطيت راسي ع كبر وغمضت عيوني ودفان يقره

خلصو كلشي وصار لازم نرجع داصعد بسياره وسحبني كرار ابن خالي علي

نيار :- مالي خلكك والله وخر

كرار :- منو سمحلج تجين

نيار :- ما يخصك وخر

عصر ع ايدي قوي

كرار :- من احجي وياج ما تلاسنين لا اكسر سنونج بحلكج

نيار :- كرار عوفني والله مالي خلكك وخر

- ضربني راشدي فر راسي باوعت ع العالم يباوعون وما حجو شي

كرار :- لو مو العالم جان عرفت شتصرف

نيار :- خوش يلا وخر

كرار :- ويانه تصعديين

اجه برهم جرني من ايدي سحبني اله

برهم :- ايدك مره ثانيه لو مديتها اكسرها

كرار :- ميخصكك بنت خالي وانت هسه صرت غريب

سحبني كرار ودفعني بسياره مالتهم

مالي خلك مشاكل صعدت حطيت راسي ع جامه وغمضت عيوني

سمعت اصواتهم بسياره

كرار :- صعدت ويا ست الحسن نربيج من جديد

فراس :- كرار كافي تعبان

كرار :- حاضر يابه

بقيت مغمضه عيوني حتى ما فتحتهن ابد الحد ما وصلنا

نزلت ونسوان بعدهن دخلت الغرفت امي لكيتها مدده وتبجي

رحت يممها كمشت ايدي دفعتها

الحجيه :- الله لا يوفقج نيار كون انت الميته مو هي انت عار علينه والله عار

باوعت عليها دموعي ينزلن

نيار ؛- يمه لتحجين هيج

الحجيه :- بسببج ماتت بسببج عبالج ماعرف قرت مذكراتج وعرفت وما كدرت تتحمل هلشي

نيار :- يمه فدوه لا

الحجيه :- ماريد اشوف خلقتج ولي من يمي

طلعت من الغرفه رحت بغرفتي اجتي سجى

سجى :- كومي مو مال كعده نسوان بره اطلعي

طلعت وياها وبدينه نشتغل ليل ما نمت ثاني يوم اجتي سجى واختها ساعدوني فرغت الصاله

واجني نسوان الفاتحه كلها برهم شالها وإمي كل ما اروح يمها تطردني

بثالث اجه برهم كوه يمشي ومتغير حيل لم غراض ايمان

برهم :- شتحتاجون اتصلي عليه

بقيته بلغرفه كاعد وطلعت يم امي

الحجيه :- كتلج ماريد اشوفج نيار عوفينا ولي

نيار :- يمه اني وين اروح مو ذنبي والله

الحجيه :- روحي البيت خالج

باوعت عليها ودموعي يجرن

نيار :- يمه وانت ماكدر اعوفج ومااروح يمهم يعذبوني

الحجيه :- ايي وعساج بلموت ولي الاي مكان المهم ما اشوفج بسببج خسرت اختج الله لا يوفقج

نيار :- يمه

الحجيه :- اششش كلمه ما اريد حتى هسه اخابر خالج اكله تعال اخذها واعقدلهم هي وكرار

فتحت عيوني وكمت وكفت

نيار :- شدتحجييين انت شدتحجين

الحجيه :- هاهيه نيار اني مااريدج بعد ماكدر اشوفج كبالي لجج ماكدر

هزيت راسي ودخلت للغرفه برهم مكمل كلشي يمكن سمع كلام امي

برهم :- هسه كم يوم وترجع طبيعيه

طلع من الغرفه صفنت يعني اني جنت سبب بموتها ليش اعيش وهي جو التراب واني انحسب كتالتها

طلعت برهم كاعد يم امي ويحجي صعدت فوك

بلسطح اخذت جلاكان النفط

ذبيته عليه جداحه مادري وين خليتها طلعت بره سطح ادور عليها 

لكيتها ورجعت بسطح غمضت عيوني ونزلت دموعي

نيار :- ايمان اني اسفه مجنت اعرف راح تقريهن والله ما ردتج تموتين

جان نفط قليل ما منكعني كامل فتحت جداحه ولزمت طارف البدي عيوني مغمضتها بقوى

شغلت الجداحه اول ما شتعلت النار بيه

سمعت صوت برهم عاط

برهم :- لجججج لاااا

شتعل البدي مالتي وبرهم ركض بلبطانيه لفني وحضني

برهم :- لا نيار لا تزيدها علي لا نيار لا

نيار :- وخررررى وخررر ارد اموت علي طفيتني برهم ليش لك اني الكتلت اختيي وخرر

باقي حاضني قويي اريد ادفعه ماكدر

نيار :- وخررر برهم وخرر

دفعته حيل ملابسي البدي محترك حتى بطني محتركه بس حرك بسيط لان برهم بساع طفاني

جرني من ايدي ونزلني جوه يم اميي

برهم :- نيار مالها علاقه بأي شي اصلاً قبل لا تموت ايمان جانت تعرف نيار تحبني

جانت نايمه بحضني وتكلي اذا اموت انت اخذ نيار وجانت دائماً تلمحلي بحب نيار الي واني اغلس

مالها علاقه نيار خاله

الحجيه :- خابرت خالها راح يجي

كعدت بلكاع ابجي واجر بشعري

نيار :- ماريد اتزوج مااريد اختي بعدها ترابها اخضر يمه لا تكسريني هيج فدوه يمه لا

الحجيه :- كافييي صوتج

برهم:- خاله لا الخاطر ايمان

برهم كوه كمشني ودفعني للغرفه كلي غيري ملابسج

بطني حيل حركتني بدلت وطلعت برهم كاعد ع اعصابه

اندكت الباب ودخل خالي ومرته وكرار كعدو 

فراس :- ها حجيه شلونج يابه

الحجيه :- بخير الحمدلله

فراس ;- خير كلتي تعالو بسرعه شكو

باوعت عليه امي وبرهم كاعد يهز برجله دموعي لحضه ما وكفت

الحجيه :- باجر جيب سيد وتعالو اعقد الكرار ونيار

ضحك خالي ومرت خالي ضحكت

فراس :- هاهيه خيتي

الحجيه :- حتى بثوبها الاسود تاخذوها لا مهر ولا شي حتى صفكه ماكو

كرار :- بعد بالاحسن

بتول :-  ام ايمان بس اخاف نيار ما قابله

الحجيه :- غصباً ما عليها واصلا اني ما اريدها بعد

باوعلي كرار يضحك باستهزاء

حجه برهم

برهم :- يمه حرام حتى إيمان صارلها بس 3 ايام من ميته ميصير

الحجيه :- انت لتدخل وميخصك هلشي

فراس : اي صح ومالك اي حق تحجي

هز راسه برهم وشال الغراض وطلع ركضت وره كمشت ايده وابجي

نيار :- برهم عليك الله والله ماريد اتزوج برهم عليك الله
وخر ايدي عنه وباوعلي اخر نضره وطلع

حسيت اخر مره راح اشوفها بي اجه كرار دخلني جوه

رحت جلبت برجل امي

نيار :- يمه عليج الله لا تكسريني هيج

الحجيه :- اذا ما تزوجتي كرار بعد اتبره منج اليوم الدين

بجيت اهواي مرت خالي تباوعلي مقهور هزيت راسي ورحت للغرفه

بجيت اهواي كمت اشهك ماعرف وين اروح راح يبدي عذابي وراح اتأذه اكثر ليش نقذني برهم حتى دعيت علي لو عايفني اموت احسن

رفعت البدي بطني محتركه بس حرك خفيف جبت عصاره حطيتلها بس البدي جنت لابسه مايع

مددت ع جربايه وغمضت عيوني اتمنى يطلع هذا حلم ليل كله كعدت اردد

يارب حلم يآرب حلم يآرب

حتى نمت بدون مادري كعدت ثاني يوم كمت غسلت ودخلت سبحت عيوني مورمه من البجي

شافتني امي

الحجيه :- راح يجون جهزي نفسج

ضحكت بصوت وعيوني انملت دموع

نيار :- شجهز نفسي وانت كتيلهم بثوبها الأسود اخذوها

دخلت للغرفه رجعت ابجي واجوي بيت خالي وعقدلنا سيد حتى بدون اي شي بس صوت سيد

بجيت بصوت عالي ومرت عمي تسكت بيه

بتول :- كومي جهزي ملابسج امج كالت هسه تاخذوها وتسون عرس او لا بقت يمكم

كرهت امي وكرهت ساعه سوده الجابتني بيها للدنيا

لميت هدومي بدون اي صوت اخذت بس ملابسي السود ودفاتري

فتحت الفون دخلت ع برهم مفاتح صار 4 ايام اتصلت علي مغلق

دخلت ع صفحته الفيس فوك لكيت منشور قريته مره ومرتين و3 مرات صورت برهم بلانعاش

وكاتبين فوكاها

ادعو صديقي برهم بشفاء حالته حرجه

ربع ساعه صافنه ع صوره يعني برهم هم يريد يكسرني حلو

ضحكت من ضيمي وسديت الفون طلعت بغراضي بلصاله كرار يضحك للهوى وخالي مبتسم بس مرت خالي ضايجه

قبل لا اطلع حجيت وي امي

نيار :- راح اروح اني بس والله العظيم لو مو انت بنفسج راح تتندمين وتجين تتوسلين علمود ارجع فلا يطلع اسمي نيار

عفتها وطلعت قبلهم صعدت بسياره خالي ساق ومرت خالي يمه وكرار يمي

اول ما حركنا خالي شغل اغاني عطت بي

نيار :- طفيييييهن

فراس :- ترا اذا انتو عدكم فاتحه احنه عدنا عرس

كرار :- بضبط عليهن يابه

خالو عله صوت الاغاني اني سديت اذاني بأيدي

كرار سحب ايدي خلاها ع رجله وعصرها بأيده حيل ويضحك كامش ايدي كل قوته احسها اتكسرت بأيده

وصلنا للبيت واني ع عصابي ضحك كرار

كرار :- هلا بمرتيي وضوه عيوني
ابتسمت تك خد  ونزلت دخلنا للبيت

بتول :- يمه صعدي ملابسج الغرفه كرار وتعاي احجي وياج

هزتت راسي وصعدت وكرار بقى يم ابو دخلت اتفاجئت بلغرفه

ذوله يمكن مصدكين نفسهم راح اصير مرته وهيج مجهزين الغرفه حتى الفرشه بيضه

نزلت صاحتني مرت خالي بلمطبخ

بتول :- والله ماعرف شكلج بس تعرفين بساع صارت هلسالفه وامج متحجي وياج يعني ما علمتج اي شي

دنكت راسي

بتول :- اني مثل امج هسه وتعرفين بيه شكد احبج واعزج

هزيتلها راسي

بتول :- انت جبيره واعيه وراح تفهمين شحجي وياج هسه

عرفت شتريد تحجي وياي قبل لا تحجي قاطعتها

نيار :- خاله اني ممستعده لهل سالفه وكرار انت احجي ويا واعرف شتردين تحجي ما يحتاج تكولين

بتول :- يمه انت عروس اليوم

نيار :- عروس بملابس سود ؟ وموت اختها مصار اله سبوع ؟

بتول :- هاهي يمه هي هاي الحياة يوم وياك ويوم عليك

نيار :-ولا مره دنيا صارت وياي

هزتلي راسها واخذتني من ايدي وراحت بصاله يم خالي وكرار

فراس :- هلا بجنتني

حجاها وضحك اني ساكته

كرار :- واخيراً صرتي مرتيي

قرب بسرعه باسني من خدي دفعته

نيار :- دير بالك تعيدها مره ثانيه

خزرني وحجت امه

بتول :- عيب كرار شويه استحي

فراس :- ميصير هيج تدفعيي

نيار :- والله ابنك ما يعرف شي اسمه مستحى

عاط بيه وخاله بتول كرصتني 

بتول :- احم كرار دير بالك ع نيار تمام ولتسوي شي مو برضاتها اياك ثم اياك والله لو عرفت متجاوز وياها بشي مراح احجي وياك

كرار :- لا يمه طمني

عفتهم وصعدت فوك كعدت صافنه فتحت فوني كنك ع بيت خالي يعني ممغيرين الرمز

تصلت ع برهم ع امل يرد عليه ماكو 

دزيتله رساله ع الوتساب

:- اني اتزوجت برهم رحت جحيمي وهلمره مراح اكدر اطلع منه مره ثانيه الحمدلله ع سلامتك لاتنساني ابد وادعيلي اكون بخير

دزيتها وحضرته من كل البرامج

شوكت ما يكوم بخير يشوفها صعد كرار سديت التلفون

كرار :- شبيك يحلو شو ضايج

نيار :- ما يخصك

كرار :- غير مرتي هسه انت ولزم تحجي

اجه كعد بصفي لزك ابتعدت عنه وخزرته

نيار :- دير بالك تتقربلي

كرار :- ايي حبقى بس اباوع عليج

خزرته عافني وكام فرغ خانه من كنتوره

كرار :- هاي لملابسج حطيهن بيها

كمت فرغتهن ودفاتر حطيتهن جوه الملايس

كرار :-شو بس سود

نيار :- يعني اختي ميته مصار سبوع تريدني البس الوان

كرار :- اممم

طلع لابتوب مالته مادري شيسوي وكاعد هادئ متوقعت حيكون بهل هدوء شافني داباوع علي ابتسملي

استغربت منه لا معقوله هذا كرار رحت فتحت شعري صار يومين مضفور من فتحته صاير نكري

كرار :- يجنن شعرج

نيار :- ادري

كرار :- شتستعملين اله

نيار :- ما استعملله شي

هز راسه وسكت مشطته ايدي خدرت رحت طلعت فراش من الكنتور فرشت بلكاع

كرار :- نامي يمي

نيار :- لو اخر يوم بعمري

كرار :- نيار لتعاندين نامي يمي والله ما طخج

نيار :- لو تموت ما صدكك

كرار :- ولج ما اطخج والله

كام حط مخاد بيناتنه مددت وهم كام طلع حجيت بصوت وي نفسب

نيار :- لا هذا اخاف مغيري مو هو معقوله هو بس صار شريف

غطيت حتى راسي وغمضت عيوني كبل غفيت

مرت 4 ايام مرت خالي ذبحت ع روح ايمان وسوت عشه وزعت ما عزمت احد بجيت الحد ما عيوني راحت

دخل للغرفه كرار شافني ابجي اجه يمي مسح ع راسي

كرار :- حرام تبجين تأذيها هيج

باوعت عليه وعيوني يجرن

نيار :- شو انت صاير شريف

خزرني وطلع كمت مسحت وجهي ونزلت يم مرت خالي

كعدنا ع لعشه جان تصدمنا بخبر غصيت بلكمه

بتول :- اني حامل

باوعلها كرار يضحك

كرار:- صدك والله

بتول :- اي والله صارلي شهرين

فراس :- عمريي انت شلون خبر يجنن

كرار :- ع لخير يمه

نيار :- الف مبروك

بتول :- يوم الالكم

باوعلي كرار وضحك

كرار :- إنشاء الله يمه

فراس :- لعد ع هذا الخبر حضري نفسج باجر نروح الاربيل كم يوم ونرجع

بتول :- فدوه الكلبك حبيبي

كملو عشه غسلت الماوعين وصعدت فوك فرحت من مرت خالي حامل كرار عمره 24 سنه وبعد مصار شي اله رغم هسه عمرها جبير بس شلون حبلت

دعيت تولد بسلامه لان ادري العمرها جبير صعب عليها الحمل

صعد كرار كبل نام بدون ما يحجي وياي

معقوله هذا هدوئه وره شي

فتحت فوني لكيت رساله من رقم غريب

:- اني برهم ردي اريد احجي وياج

صابتني رجفه وكع الفون ع وجهي من رجفه شلت وكتبتله

:- ها برهم

بسرعه رد عليه

برهم :- شلونج

نيار :- زينه انت شلونك الحمدلله ع سلامه

برهم:- الله يسلمج شعرفج ؟

نيار:- شفت ع لفيس ناشرين الك

برهم :- مرتاحه ؟

نيار :- اي محد ضوجني من جيت الحد الان

برهم :- وكرار

نيار :- ماله اي علاقه بيه

برهم :- انت وين نايمه هسه

نيار :- يم كرار

برهم :- اها اني اترخص مع سلامه

نيار:- الله وياك

نهيت المحادثه ويا ومسحتها لا كرار يشوفها

كعدت صبح طالعين كلهم  بالي يم امي شأكلت شربت شلونها دخلت اريد اتصل عليها لكيتها حاضرتني كلش بجيت بيومها

العصر اجه كرار بيده علاكه شمرها عليه

كرار :- اتجهزيلي اليوم

باوعتله وضحكت

نيار :- كرار شدتحجي انت

كرار :- ما عيد بعد اتجهزيلي اليوم وبرضاتج احسن

نيار :- كرار شبيك

كرار :- يلا حدخل اسبح واطلع لو الكاج هيج مراح تتخيلين شسوي بيج

هي الغرفه سويت الحمام من ضمن الغرفه دخل يسبح نزلت دموعي ماريد مستحيل اتقبله فتحت لعلاكه فستان فاضح كلش شمرته بعيد وكعدت بزاويه ابجي

طلع من الحمام لابس روب شافني اشرلي بايده

كرار :- هاي بعدججج

نيار :- لا كرار فدوه لا

اجه جرني من ايدي كومني وضربني راشدين واحد وره الثاني

كرار :- غصباً عليج هو شنو لاا

ادفع بي وهو كامشني من ايدي رجع ضربني راشديات احس خدي انشلع

شمرني ع جربايه دينزع بروب كمت سحبني من ايدي وشمرني قيدني بأيد وحده وكمت الدشداشه مالتي شكها من طول

اخذ شي الوحيد البقه عندي اخذ شرفي بطريقه مقززه عذبني بهل ليله اهواي عذبني طلعت من الغرفه اركض عاريه ما يسترني اي شي

نزل ورايه لابس الروب و بيده حبل سحبني واني اتوسل بي

نيار :- كافي عليك الله كافي رجعني الامي زين اكتلني خلصني

كرار :- لااا اريدج

يسحبني من ايدي واني بلكاع ربطني بلمحجر مال درج خلصت طاقتي دم عبه المكان احس كوه بقيت صاحيه

ضحك بصوت عالي
كرار :-ههههههههههههههاي خلصورلج علمود اخاف اروح للشغل واشتاقلج

نيار :- شكد كواد وما عندك غيره

كرار :- تؤ تؤ لا حبيبتي ضلمتيني اهواي اني احبج غير

نيار :- الله ياخذك

اخذ صور وراح جاب جداحه

قربها من صدري روحي طلعت بعدها عني

كرار :- علمود تذكرني حبيبه

اتمنيت اموت واخلص فتح ايدي وشالني ماعندي طاقه اقاومه

دخلني للحمام حطني بلبانيو وبده يغسلي بجسمي

كرار :- اني اسف اني احبج لتعوفيني

كوه افتح عيوني شالني والمي ينكط مني كمت ارجف حطني ع جربايه وغطاني جاب منشفه نشف شعري

نيار :- حسبي الله ونعم الوكيل

كرار :- احبج اني احبج

نيار :- مخبل انت مخبل

يهز براسه بمعنى لا

كرار :- لا ما مخبل بس اني احبج واريدج

غلست عنه وغمضت عيوني ابتعد عني داكوم رجعني

كرار :- لتكومين حبابه شترديين

نيار :- اريد الله ياخذك

كرار :- حبابه كليلي شترييدني

نيار :- ملابس

هزا راسه وطلعلي دشداشه

كرار:- اني البسج

نيار:- ولي عني

ما سمعني كومني غصب ولبسني هو واجه يمي شي سحبني قوي الحضنه ارد اوخر عاصرتي

جسمي موتني من الألم حتى نمت بدون مادري ثاني يوم صبح ماهو كعدت ابجي الحد ما نفسي انكطع

طلعت ملابس ودخلت للحمام

الحمام جان متروس دم ما عده الفرشه مال جربايه

باوعت ع جسمي متشوهه من ضرب وجويه مفركسه

نضفت نفسي زين من قذارته نزلت جوه اتصلت مرت خالي احجي وياها وابجي

بتول :- احجيلي بتفاصيل

حجيتلها كلشي وصورتلها جسمي

بتول :- خيولي هلعار هسه اخابره اطيحلج حضه

سديته من عدها ساعه واجه كرار يرعد

ضربني موتني وبليل يكلي احبج اني لتعوفيني

5 ايام اغتصاب مستمر بأبشع طريقه اكتشفت انو هو مخبل رسمي

رجعو مرت خالي وخالتي رزلو رزاله زينه لان شافو اثار الضرب الي بوجهي

ركبتي جانت ما تنشاف مر شهر كامل كرار ما يضربني كام يعاملني بلنهار زين وبليل ينكلب بس قليل ضربه الي بس من اتجاوز علي

او امنعه من شغله يضربني ويسوي غصب عليه

كمت احس بدوخه ولعبان نفس شهريه ما اجتني

دزيت مرت خالي تجيبلي مال حمل وطلعت حامل

كلهم فرحو ما عدا اني ما تمنيت هلطفل ابد

كرار :- وأخيراً حصير اب ممصدك

فراس :- واني حصير جد بس شنو هسه اخوك وابنك سويه يكبرون

بتول :- اي صح

عفتهم وصعدت فوك شهر كامل محاجيه وي برهم كعدت ابجي ليش حضي هيج ليش وفوكاها صارت عندي فوبيا من الاماكن المغلقه من الحبسه بلبيت تفكيري يم طفل

بس اكيد يوكع من ضرب كرار بس ع حضي كام كرار ما يضربني بيوم طلع للشغل

حاجيت برهم طمنت علي

نيار :- برهم اني حامل

برهم :- مبروك

نيار :- ما اريده

برهم :- راح يعوضج

نيار :- إنشاء الله

مسحت المحادثه كرار يعاملني زين بس ما احسه عاقل

مرات احس علي بليل الكه كاعد بزاويه مال الغرفه حاط راسه بين رجله ويهز بنفسه ويحجي

كرار:-  اني احبج لتعوفيني

نيار :- كوم كرار شبيك اهنا كاعد

كرار :- اني احبج لتعوفيني اني احبج لترحيين

عفته ورجعت مددت ع جربايه وهو بقى ع هاي حالته إهواي حاولت اكومه قافل ولا تحرك

دخلت بشهر ٦  ومرت خالي باجر ولادتها وكلنا متحمسين بديت اتقبل كرار رغم حملي ما نزعت الاسود وكل خميس جنه نسوي ثواب الايمان

ولدت عمتي بنيه وسمتها لُجين طايرين بيها كرار وفراس اول بنيه بعائلتهم

امي كل ما تخابرها مرت خالي ابقى كاعده يمها عايشه بيت ام محمد

طبعاً ام محمد ماعدها رجال وابنها شهيد وامي عدها راتب يعني بفلوسها كاعده وبيتنا قافلته

برهم سافر للخارج صح اتقبلت كرار بس ما نسيت برهم لحضه لسه عايش بگلبي وحيل اشتاق الايمان بليل اكعد اقرالها قرآن

وما نسيت لازم اكتب كلشي صار الي يوميه لُجين تجنن اهواي متعلقه بيه ودائماُ يمي بلغرفه

اني دخلت بشهري وماكدر اشيلها هي صار عمرها شهرين تبديلها عليه ماكدر

مرات اذا كاعده اختنك اذا بابا مسدود او شباك حتى بليل من نام نعوف شباك مفتوح

بيومه اجه كرار كوه يمشي السانه ثكيل وريحته قذره

كرار :- تعايي لج

نيار :- ما اشتغل عندك ابو العرك

قرب من كمشني من شعري

كرار :- منو ابو العرك لج

نيار :- انت وخر عني قذر

كلش لعبت نفسي منه معدتي كلبت راد يبوسني دفعته هو اتخبل نزع الحزام وركعني بي ع ايدي روحي شاطت من الوجع

كرار :- منو القذر احجي

نيار :- الله لايوفقك

دفعني ع جربايه وماحس ركعات من وين يجن احمي بطني من ضربات بس ما كدرت

ضربات ع بطني موتتني وجع صار بطني قويي عطت وخالي ومرت خالي دخلو يركضون

بتول:- عزا العزاك شسويت انت

خالي ضربه راشدي واني نزفت حسيت روحي دتطلع حتى اتشاهدت

نزلوني جوه صعدوني بسياره مرت خالي كالت ولاده

سياره تمشي واني اعيط من الوجع الحد ما غوشت عيوني وفقدت

/////////////////////////////
( الوقت الحاضر )

مسار :- امشو ع كيفكم ترا وياكم حامل

ادهم :- لا هاي الحامل عرج ميطكها مليون مره وصلت للموت وكلشي ميصير بيها

مسار :- لا مو اني علمود طفل البطني

إجرام :- انجب لك راح اشمرك منه لتحجي حجي زايد

ادهم :- تنطي بيه كدام مرتك اجرام ؟ كولها كولها هي تقره براسك

خربت من ضحك

إجرام :- دنجب بدون ما تقره براسي اني ما ارضى واحد يحجي ع مرتي

ادهم :- هي شلون مره ذاك اليوم ماسحه ما دبرت تشد مادري شلون حبلت

اجرام :- هسه تنجب لو اهينك كدام مرتك وجهالك

ادهم :- اي سكتني سكتني انت صاير متحبني

إجرام :- ترا مو صاحبتك اني

متتت من ضحك عليهم اجرام يحجي بدون لا يبتسم وادهم يحجي وكوه خانك ضحكه

فهد :- يابه شكد حجيت دخيل ربك

ادهم :- اسكت لوكي لاا اشمرك من جامه

ايمان :- صدك بابا  اهواي حجيت

ادهم :- راح اكسر سنونكم بحلكم صوجي منطيكم مجال

فهد :- هههههه ضحكتني والله

ادهم :- بس خلي نوصل بسلامه لو ما اكتلك كتله من هاي زينه فلا اتسمى ادهم

فهد :- هو شلون ادهم فدوه للله

خربنا من ضحك فهد وادهم من يتناكرون يخربون من ضحك وراها يتراضون

وصلنا بسلامه بيت جمال اتلاكنا جمال وفروخه بره

نزلنا ونزل برهم اجرام نزل الغراض وسلمنا ع بعض وكعدنا

مروه :- صار اهواي ما شايفتكم والله

مسار :- ايي والله شلونج انت اخبارج

مروه :- بخير الحمدلله

جمال :- اي برهم ع الخير مقدماً

ابتسمله برهم

برهم :- الخير يصيبك تسلم حبيبي

مروه :-شوكت ترحون لعد

برهم :- ب4

صبو الغده وكعدنا سوالف همست المروه

مسار :- هذا جمال وذاك جمال الي بلمسلسل حيره

هزت راسها بقهر

مروه :- ذاك يشك شك بس حواجبه ضيم

كرصتها

مسار :- شنو قصدج اخويا مو حلو

ابتسمت وعضت شفتها

مروه :- اخوج يشك شك بس عيونه زرك ضيم

جمال لوتيي كلش وكاعد يم مروه اصلا يمكن سمع

جانت باديه اعاده مال المسلسل

جمال :- وهايي فريده الصاكه مروه باوعتله صفح

ادهم :- أي تجنن نوب اهناك شنو كلهم يندمجون وياها وهذا البطل جمال مدري شسمه مثل المطي شيحجون يصدك

جمال :- لك اي عفيه خبلني حتى كمت ما اباوعها

اجرام :- شكبركم وشكدكم كل واحد عنده درزن جهال تباوعون مسلسلات

برهم :- لا وازيدك من شعر بيت ذاك اليوم ادهم راح يجيب حمودي وايمان من روضه شو ما اسمع بس

طلع الزين من الحمام بطل يلبس حفوضه

باوعت علي يصفكلهم وهما ذابين لحم

خربنا من ضحك وصدك ادهم حافضها كلها هاي مرات كهرباء طافيه وجهال يردون بيبي هو يكعد يغنيلهم

ونخرب من ضحك بس بوكت صدك ادهم ينكلب 180 درجه

بدلنا وطلعنا البيت البنيه كلنا رحنا حتى جمال ومرته

اول ما نزلنا دك برهم الباب طلعت مره جبيره سلمت علينه ودخلتنه جوه برهم وجهه صار اصفر  البيت  حلو ومرتب

رغم كلشي بي بسيط بس حلو برهم كعد يم اجرام اباوع ع ايده ترعش اجرام كمش ايدها وابتسمله برهم يمسح بكصته

عبالك رايحين نخطبه اله الحجيه قدمت المي النا

حجه اجرام :- خاله تعرفين ع شنو جايين

الحجيه ،:- اي يمه برهم كلي وع روسنه نحطكم

اجرام :- سالم راسج خاله

ادهم :- شتأمرون انتو حاضريين واحنه البنت مشتريها

برهم مدنك ويهز برجله

الحجيه :- إنشاء الله خير

نور :- زين البنت وين خلتجي نشوفها ونسمع موافقتها

امها هزت راسها وراحت شويه واجتي

دخلت نيار جانت نسخه من المرحومه بس جانت جميله كلش اكبر مني بس وجهه طفولي حيل عيونها عيون غزال

اول ما شفتها اجت بالي ممثله نسيت اسمها

برهم رفع راسه عليها صارت عينه بعيونها بس استغربنا طالعه بدون شال

بس جان شعرها ما شاءالله صفنه علي كلنا يمكن طاخ ركبت رجلها

كعدت يم امها

الحجيه :- هاي نيار

ادهم :- الله يحفظها الج خاله

الحجيه:- تسلم يمه ويخليلك جهالك

صار كلام بينهم برهم ما حجه كلمه وعرفو الولد هي منفصله بس ما حجو اي شي لان مادام برهم راضي هاهيه

قررو الحاضر والغايب ومثلنا حطولها 15 ب10

حجه اجرام :- يابه نيار شرائيج انت

طلع صوتها واخيراً

نيار :- هاهيه براحتكم

هلهلنا وبرهم باوعلي نزلت دمعه من عيونه طلع بره بدون لا يخلي احد يشوفه استأذنت منهم وأجرام هزلي راسه

رحت بره ادور ع برهم لكيته طالع وبيده جكاره

مسار :- برهم

اندار عليه عيونه دم

برهم :- مسار سويته صح برائيج

مسار :-, مادري والله برهم مادري

برهم :- احس هلمره هم راح اضلمها وياي

مسار :- لا حبيبي انت كد المسؤوليه واول وتالي راح تزوج

مسحت ع جتفه ومسح عيونه ودخلنا جوه باوعت ع برهم وبرهم باوع عليها وهز راسه

///////////////////////////////////////

بربكم مو ادللكم اني لو لا 😏🙄
وبعديين شنو شوكت تصعد والله داتعب بيها اهواي

اتفاعلو وانشروها يمكم وسولي تاك ارد ترا اني 😂😂

جني مجديه ونبي بي شنوو حقي ترا ع العموم هذا حسابي مال الانستا

هاا باجر اخير بارت وراح اختمها بعد 😂😂♥️

حسابي الانستا :- mream_.98