رواية قيود تعيقني الفصل الثامن والعشرون 28 - بقلم مريام

رفعت راسي اله بصدمه

جمال :- ايي والله حامل لج دوختج ولعبان نفس العندج اكيد حامل

مسار. :- ممادري

عفته ورحت الغرفتي كعدت ع جربايه وافكر بكلام جمال معقوله صدك حامل ؟ ايي اكيد حامل شهريه من تزوجت لسه ما اجتنيي ابتسمت وخليت ايدي ع بطني واهمس بيني وبين نفسي

اي حامل اني حامل ههههه

نزلت الجمال كتله اخذني للمختبر حللت صدك طلعت حامل كلش فرحت وكمت ابجي جمال فرحان يكلي هلا حصير خال طلعنه من المختبر خابر دكتوره يعرفها  حجزلي يمها

وصلتها جمال انتضرني بره بسرعه دخلت سلمت عليه ومبينه بشوشه

دكتوره ساره :- انت اخت جمال

مسار :- ابي

دكتور ساره :- فدوه تخبلين ماشاءالله تنطين شبهه الاخوج

مسار :- اي صحح

بدت تفحصني وخجلانه منها

دكتوره :- متزوجه ؟

مسار :- ايي

دكتوره :- صار شكد حبيبتي

مسار :- ٣٨ يوم

دكتوره :- ماشاء الله حبيبتي صار شهر من حامل

مسار :- شنو بيه ولد لو بنيه

دكتوره :- هههههه بعدج حبيبتي كله شهر ما يبين هسه اقل شي 4 اشهر

ابتسمتلها كتبتلي علاج مال حمل مدري شنو

طلعت الجمال

:- ها حبيبتي

':- ها انطتني هذا كالت جيبي

:- اي جيبي

رحنه للصيدله جابلي لعلاج وجاب اكل من بره وصلنا للبيت كعدنا بصاله تغدينا وسويتله جاي

جمال :- راح تكولين الاجرام

مسار :- لا

جمال :- ميصير لزم تحجيين

مسار :- اني ماريده يعرف

جمال :- اول وتالي يعرف

مسار :- ايي الله كرييم عود

صعدت الغرفتيي سبحت وشربت علاج  القلب وكصيت من شعريي صار كلش قصير رحت مددت فتحت فونيي لكيت نور متصله عليه حضرتها ونمت

.
.
.
.
نور :- شهر كامل ع غياب مسار ومتعجبه محد منهم راحلها او سوه شي حتى جدي ما حجه كلمه وكل ماحجي ويا ادهم يكول بيا عين خليها اجرام ميقبل

شهر أجرام مرايح الدوامه وكلش ذبلان وقليل يحجي ويانه وكل ما ادخل الغرفته الكه ضفيره مسار ع المخده وكومه جكاير حتى غرفته هوسه

اهوايي حقدت ع مسار اهوايي دزيتلها بس مترد

بيوم كاعدين بلغرفه اني وادهم ونسمع عياط أجرام من الغرفه رحناله ركضض

مفلش الغرفه ويصيح

أجرام :- ولكمممم بجيتهاااا بجيتهاااا وعدتها ما ابجيهااا وبجيتهاااا ليششش

ادهم وكف يباوع علي ما اتحرك

راح يم ادهم دموعه ينزلن ويحجي ويا

أجرام :- بأذاني هايي سمعت صوت شهكاتهاا لك ادهم دموعها حركن گلبي والله حركن گلبي شهكاتها اخذت روحيي ادهممم والله راح اموت خويا والله نار بگلبي

وكع ع اركبه ويشهك كعد ادهم يمه ومسح وجهه

ادهم :- انت قويي أجرام ماكو شي يكسرك

أجرام :- افراكها كسرنيي والله

عفتهم وطلعت اختنكت نزلت دموعي لو اشوف مسار يمي يمكن اموتها بيدي  

رحت البرهم حاضن صورت ايمان ونايم

برهم حييل اتغير ويمشي ع عكازه هسه لحيته طويله وقليل يحجي ويانه ويا اجرام ابد ميحجي كله اله ترجع مسار يلا الساني يطخ السانك
.
.
.
.
مسار :- مر 4 اشهر وصرت بشهر الخامس أجرام ما اتصل ابد بيه بس بيوم برهم دزلي

:- اني مو وياهم ترا وماعرف بصار كله

جاوبته

:- ايي

:- مشتاقلج والله

:- اني هم والله شلون صرت

:- ع الله

كل ما اكتب اسئله ع أجرام اتراجع اخير شي هو دزلي

:- أجرام بلدوام صار 3 اشهر حتى احنا ميتواصل وياهم نسمع أخباره من جماعته

:- اني ما سئلتك علي

:- تحبي ؟

:- اكثر من ما تتخيل

اتصل عليه جاوبته صوته تعبان

برهم :- عااش من سمع صوتججج ولج

مسار :- ههههه مشتاقتلك والله

برهم :- اني هم اريد اجي اشوفج

مسار :- هااا

برهم :- بس انيي اجي

مسار :- هاا هلا بيييك شوكت متجييي حبيبي

برهم :- عمريي انت

شويه وسديته منا ملل وجمال بشغل وبطني كبرانه مو مال شهر 5 وعلاج القلب تركته كالولي ميصير تاخذيين اي علاج غير علاج الحمل

طلبت من جمال يحجزلي يم دكتوره علمود نعرف جنس البيبي وما قصر جمال اخذني واول مدخلتلها سلمت عليه

مسار :- اريد اعرف جنس حبابه

دكتوره :- اي بنيتي ماشاءالله بطنج كبيره يمكن توم

باوعت عليها بصدمه وبدت تاخذلي سونار شويه وضحكت

دكتوره :- ههههه مو كتلج بيج توم

كمت اضحك وابجييي اتمنيت يمي أجرام

دكتوره :- ليش تبجييين بنيتيي

مسار :- دموع الفرح

دكتوره :- بيج ولد وبنيه

هزيتلها راسي بفرحه

طلعت منها كلت الجمال حسيته ضاج بس ابتسم مجامله

رجعنا للبيت عاط بيه

جمال :- لجج ثنين كوليي الاجرام غلط غلط ديصير

مسار :- لتخاف اني اكوم اشتغل واصرف عليهم اذا ضايج علمود الصرف والمسؤليه

دفر الطاوله الي بصاله ويصيح

جمال :- موووو علمووود صرررف شكاعد تمسلتيييين مسااااار بسسس حرااااام لزم يعرف رجلج ميصير

كمت ابجي هدء وكعدني وويحجي وياي

جمال :- حبيبتي يرادلهم اب صح غلطو بس هسه انت حامل

عفته وصعدت الغرفتيي دزلي برهم رساله

برهم :- حضريلي عشه اني بغداد وراح امرلج

كتبتله هلا بيك حبيبي

رحت للكنتور اطلعلي شي عريض ما يبين بطني بش للاسف ماكو وكلت احلفه ميحجي

كلت الجمال راح يجي برهم وما رفض لان برهم مو وياهم

سويت دجاج شوي وبرياني وطبعا بمساعدت جمال

انطه جمال العنوان ب٨ اندكت الباب طلع جمال يفتحها

دخل برهم حييل فرحت حضنته وكمت ابجي بعدني يضحك مسح وجهي وكعدنا بصاله

برهم :- مشتاقلجج ولج شو حليانه

مسار :- من زمان اني حلوه بس انتو جنتو متعبيني

برهم :- اييي سوده عليه

جمال :- ايي شلونك برهم

برهم :- بخير الحمدلله انت شلونك شغل

جمال :- ع الله الحمدلله

صارت عين برهم ع بطني ورفع راسه يباوعلي مصدوم

ضحكتله

برهم :- انت حااااامل

مسار :- ههههه اييي وبثنين هم

برهم :- أجرام يدري

مسار :- لا وانت مراح تحجي كلمه

برهم :- تمام بس اول وتالي يعرف

مسار ،:- عود الله كرييم

برهم :- ترا جوعان

مسار :- هههههه تمام

كمت جبت سفره وجمال يجيب الأكل حييل فرحت من اجه برهم جمال كله تبات يمنى اخذنا صور اني وبرهم اهوايي

نام بغرفه جمال رحت داشوفه اخاف محتاج شي فتحت الباب وممنتبهه علي

:- برهم محتاج شيي

بسرعه اشرلييي اسكت ويحجي بلتلفون

برهم :- لا مو مسار ادهم لتلح ايي يلا مسار باي

سده واني صافنه علي

:- هذا ادهم سمع صوتج يكلي مسار هاي

:- اها

صعدت الغرفتي بدلت ومددت افكر بأجرام حييل اشتاقيتله فتحت فوني لكيته نشط بسرعه دزلي رديت علي

:- زيتونه

:- ها

:- اشتاقيتلج حيييل

:- ايي

:- ارجعيلي

:- خدعتونيي اجرام

:- شتردييين حاضر بس ارجعيلي

:- ماريد شي

:- انت مرتي خليها بالج وبس الي

سديت فوني وخليت ايدي ع وجهي وابجي واشهك

نمت كعدت ثاني يوم لكيت برهم كاعد هو وجمال ديشربون جايي صبحت عليهم وسويت ريوك جيت برهم فرحتني الحزن بعده بعيونه ولابس اسود

برهم :- يلا اني راح اروح

مسار :- ابقى اليوم

برهم :- لا والله طريق طوييل ولازم ارجع للبصره

جمال :- ماشي

وصلنا الباب طلع من جيبه فلوس دينطيني

مسار :- لالا والله ما اخذهن رجعهن

برهم :- انجبي لج اخذيهن وبلا حجي زايد

مسار :- والله ممحتاجه شي جمال ممقصر

برهم :- اي عادي

اخذتهن حضنته وحضن جمال وراح

جمال :- اني هم عندي شغل راح اروح ديري بالج ع نفسج

مسار :- ماشي

عافني وراح

كعدت نضفت ودخلت سبحت وكصيت من شعريي شويه حطيت مكياج خفيف ولبست تراك بطني كبرانه وكل ما اشوفها اضحك طالعه جني بطريق هههههه

حسيت بألام خفيف بگلبي ما اهتميت  اشتهيت اكل شي حامض

رحت للمطبخ طلعت 5 ليمونات كشرتهن وكصيتهن حطيت فوكاهن ملح ولامندوزي وسماك وكعدت اكل الحموضه كرثه اكلت الماعون كله

حسيت نفسي كامت تلعب

جبت بطانيه بلصاله وطفيت الضوه وشغلت فلم مصري داباوع وغفيت

حلمت كاعده بحديقه كلها ورد احمر وردي ويمي أجرام ايدي بايده فجاه الورود اشتعلت نار

فزييت من الحلم عركانه كلبي يدك سريع خفت حييل حطيت ايدي ع بطني اقرا ايات باوعت ع ساعه ب5 العصر وجمال ماكو لسه اتصلت علي مغلق ضل بالي

اتصلت ع برهم اجاني صوت ادهم

:- لتسدي اريد احجي وياج

:- ها

:- شلونج

:- زينه

:- ماكلج شي غير بس الدتسوييي غلط وحمدي ربج أجرام مخليج ع راحتج

:- هسه انت حاجيتني علمود هيج تكلي ؟

:- مسار ارجعي العقلج

:- باي

:- لحضه

:- هااا

:- ديري بالج ع نفسج وبلا هيلكه

سديته منه وندكت الباب رحت فتحتها لكيت مره جبيره بلعمر

مسار :- تفضلي ؟

ام علي :- بنيتي اريد مساعده  حالتنا تعبانه وجهالي بدون اكل فلوس اكل ملابس بكيفج شتنطيني نعمه

مسار :- صار خاله

رحت اخذت من فلوس برهم الانطاني ياهن وعندي ملابس جديده طلعتهن استحيت انطي مستعملات وجبت علاكه حطيت بيهن خضروات وطلعت دجاجه من المجمده وحطيتها الها

مسار :- تفضلي خاله

ام علي :- فدوه العمرج بنيتي ربي يحفضج ويسعدج بحياتج بنيتي ويخليج كل عزيز

مسار :- تسلمين خاله شتحتاجين اني موجوده

باستني وراحت حييل فرحت من ساعدتها

صارت ب8 وجمال ماكو حييل خفت علي كل ما اتصل مغلق شويه وبرهم اتصل فتحت خط

برهم :- ها زيتونه داكه علييه

مسار :- ايي برهم من طلعت طلع وراك جمال ولسه ما اجه وفونه مغلق

برهم :- صدك والله

مسار :- اي والله

برهم :- دقيقه واتصل عليج

سديته منه حيل توترت حتى بطني كامت توجعني اتاخر برهم وما اتصل عليه

شويه وسمعت الباب البره نفتحت طلعت بسرعه ولكيت جمال كله دم وكوه يمشي رحتله ركض خايفه

مسار :- ششبيك ججمال

جمال :- مابيه شي

دخلته جوه كعدته وانطيته مي وجهه كله دم وايده مشكوكه

مسار :- شبيييك احجيي عاد

جمال :- تعاركت

مسار :- ويامن ؟؟

جمال :- ولد بشارع

مسار :- جمال مالي غيرك كافي فدوه ترا اموت لو صارلك شي احجي ويا وابجي

مسح دموعي وكومته غسل وداويت جروحه

وكل هذا وبرهم ما متصل عود كلي دقيقه

سويت اكل الجمال وديته الغرفته نام واني رحت بصاله كلت خلدك ارزله البرهم

اتصلت مرتيين بثانيه فتح خط بسرعه حجيت

:- بعد وكت برهم مو كتلي دقيقه واتصل علييج ترا رجع جماال

اجاني صوت صار 4 اشهر مسامعته حنيتله حييل اجاني صوته وبي رجفه

:- مسار اشتاقيتلجج والله

:- اني هم

:- ليش مترجعيلي

:- صعبه

:- اخخ مسار ضاييييع والله ضااااايع

:- اسفه اني

:- اني الغلطان

:- اعرف

:- اريدجججج مسااااار والله اريدج

كمت اشهك وراها انسد الخط
.
.
.
.
نور :- دنغسل بلماوعين اني وسيرين ونسمع عياط اجرام وبرهم صعدنالهم لكينه إجرام كامش برهم من ياخته ويصيح علي

أجرام :- لكككك ليششش ما كتلييي عندك تواصل وياها وتحجيييي وياها ليش

برهم :-, هي مارضت احجي

أجرام :- لكك برهم 5 اشهر بعيده عنييي واتحسر ع صوتهااا اموت الف مره بليوم علمود اسمع صوتها

برهم :- اييي دوخررررر

دفع اجرام وعاط بي

برهم :- محد كلك اخدعها انت واخوك وجدك ضحكتو عليها وبعدتوها عن اخوهاااا كل شي دتسوييي تستاهله بسببك انت هسه هيي بعيده عنك هي وحامل

باوعنا علي بصدمه من كال حامل نزلت دمعت أجرام ويحجي بصوت هادئ

أجرام :- حامل ؟؟

برهم :- ها لا مو حامل

أجرام :- انت كلت حامل

برهم :-, بلغلط حجيتها هي مو حامل

أجرام :- ولخلقك لو طلع صح وضام عليه وكتها انسى انت اخويا

كمل كلامه وطلع من الغرفه التفنا الابرهم

:- صدك حامل ؟

برهم :- انت اطلعن مالي خلكجن

غمينا وطلعنا رحت اشوف فهوديي كعدت اوكله وحسيت بلعبان نفس بسرعه ذبيته ورحت استفرغت كلشي بمعدتيي

اجتني سيرين تركض وبيدها فهد دكت ع ضهري وشربتني مي وبعدها نفسي لعبانه دخل ادهم شافني اجاني يركض

ادهم :- شبيج نوره

سيرين :- جانت تستفرغ

ادهم :- ليش

نور :-, ماعرف والله

فهد كام يبجي يريدني شلته ورحت للغرفه اجاني ادهم خايف ويبوس بخدي

ادهم :- شبيج يروحيي

نور :- ماعرف والله نفسي لعبانه حييل صارلها ايام بس اليوم استفرغت

ادهم :- صارلها شكد غايبه ؟

نور :- شنو ؟؟

ادهم :- الشهريه

نور :- تقريبا شهرين

كملت جملتي وباوعت علي بصدمه وهو صفن عليه وضحكك

ادهم :- حااااامل حاااامل هههههههه

نور :- هههههه شلووون نسيت

ادهم :- باجر نروح تحللين بس لاتحجين الاحد مفاجأه

نور :- تمام

اخذ فهودي شاله وفهودي فرحان صاير نسخه من أجرام نفس العيون والخشم ولحلك بس فهودس ابيض

ادهم :- ماكو اخبار عن مسار

نور :- طلع برهم عده تواصل ويا مسار وأجرام لكفه بس كلب دنيا وبرهم عود صار عصبي وكله حامل بعديين كال لا

ادهم :- برهم هم كو ...

نور :- هههههه
.
.
.
.
مسار :- كعدت ثاني يوم سبحت ونشفت شعري ونزلت جمال ديطلع بس وجهه كله ازرك ضحكت علي

جمال :- دضحكين عليه ههههههه

مسار :- ايي شكلج يضحك ههههه

جمال :- تافهه شو قبل من جنتي تنكتلين وتنجوين ما اضحك عليج

مسار :- لان جنت حقير

جمال :- اااء

مسار :- والله جنت اتأيد ابويا بكلشي عبالك انساها من كتله بطلها من المدرسه

جمال :- جنت اتلوك الابويا علمود يشتريلي سياره

مسار :- وتتلوكله هييج شو اسكت

عفته ورحت للمطبخ صبيتله جايي شربه وهو واكف وطلع

فتحت ثلاجه طلعت كيمر عرب اشتهيت اكله بخاشوكه بدون خبزه اكلت رحت غسلت الماعون وكنست غيرت فراشاه الغرف وصاله ضهري انكسر

صار الام بطنيي قويي كمت ابجي طلعت بره لكيت المره ساعدتها البارحه كاعد تمشي وياها بنيه شابه صحت عليها اجتني تركض طبت للطرمه

ام علي :- شبيج يمه اسم الله

مسار :- خاله اني حامل وبطنيي موتتني الحكيني

ام علي :- بيا شهر يمه

مسار :- بلخامس

ام علي :- عادي ادخل جوه

هزيتلها راسي كمشتني بنتها وهي دخلني جوه للصاله خلاني امدد واني ألوب من الوجع

ام علي :- وين المطبخ

اشرتلها ع المطبخ وراحت وبنتها تمسد ع بطني واني ابجيي واشهكك شويه واجتي بيدها كلاص مدري شنو شربتني يا طعمه يلعب نفس

ربع ساعه واختفى الالم

ام علي :- ها يمه شلون صرتي

مسار :- زينه خاله اشكركم تعبتكم وياي 

ام علي :- لا خاله عادي لعد زوجج وين

باوعت عليه ماعرف شكللها

مسار :- امممم خاله بس اني واخويا عايشين اهنا

ام علي :- لعد ورجلج

مسار :- زعلانه

ام علي :- هاا

باوعت ع لبنيه الوياها تجنن ماشاء الله وهادئ كلش

ام علي :- هاي بنتي مروه

مسار :- ربي يخليها الج

ام علي :- يلا يمه اني اروح بنتي  الصغيره باقيه وحدها بلبيت

مسار :- ابقي شويه

ام علي :- تسلمين يمه بس والله البنت وحدها واني بيتي قريب منه كلش

مسار :- حبيتج اني انطيني رقمج علمود من تحتاجين شي تخابريني

ام علي :- ههههه انت من تحتاجين شي خابريني

طلعت تلفوها صغير انطيتها رقمي فرحت لان تعرفت عليهم كلش محبوبه المره وبنتها شويه تمسد ع بطني شويه ع راسي

راحن ودخل جمال

جمال :- منو هايي ؟

مسار :- اجاني وجع بطني قويي فا طلعت برا وصحت ع هاي المره واني جنت مساعدتها البارحه كلش حبابه

جمال :- هاا وهاي بنتها الوياها

مسار :- اي حبيبي

خلص اليوم واجه الليل اشتهيت شي حلو بس ماعندي كلهن خلصن رحت كعدت جمال

مسار :- جمال كوم كوم كوم كوم

فز خربت ضحك علي

جمال :- شبييييج راح تجيبييين

مسار :- لا يمعود اريد شي حلو راح اموت كاعد اتنسى

جمال :- ساعه ب12 مين اجيبلج

مسار :- ماعرف كوم دبرلييي كووم

جمال :- محد مفتح والله محد

مسار :- كوم حباب كومم راح اموت اريد شي حلو كووم

جمال :- انت ساعه حموضه ساعه حلا ادريي شنييي

مسار :- بداعتييي كوم حباب كوم

كام بدل ويدردم

جمال :- مخلفج وناسيج درينا اختي بس مو هييج ساعه سوده عدها رجال وملاحكتني

ضجت من كلامه  رغم جان يحجي شقه بدلي اخذج وياي متبقين وحدج دنيا ليل كيفت ورحت لبست صايه وشال وصعدت بسياره هستونه حركنا ونسمع واحد يصيح من ورانه وكف جمال اجتي مروه بنت ام  علي تبجي

مسار :- شبييج شبييج

مروه :- حبابه اختي اتخربطت وماكو احد ياخذنا للمستشفى فدوه الحكينا

مسار :- ايي حبيبتي ايي هسه صعدي

صعدت دلتنا ع البيت نزلنا دخلتنا للبيت جمال مدنك خطيه اختها فاقده شالها جماب صعدها بسياره قفلت الباب ع جهال الصغار ورحنا للمستشفى

بسرعه حولوها طوارئ

ام علي :- راحت بنتي والله

جمال :- كولي يا الله حجيه

ام علي :- يمه مريضه المفروض كل فتره غسل الكليتها بس صار اهوايي مموديها

تحجي وتبجيي

طلع دكتور كال راح نغسللها كليتها وجمال كل المصاريف هو شالها خطيه اختها تبجي وترجف رحت يمها

مسار :- كولي يا الله حبيبتي

مروه :- من هي وطفله متعذبه

مسار :- ابوج ويين

مروه :- متوفي ومحد يريدنا 

اباوع ع جمال يباوع ع مروه ومن اباوع علي يدير وجهه

لل5 الفجر يلا طلعنا من المستشفى ام علي اتشكرتنا ع وكفتنا وياهم وبنتها كل عمرها 15 سنه ومروه 20

وديناهم لبيتهم واحنه رجعنا لبيتنا

جمال :- كله من وره الحلويات مالاتج

مسار :- شعليه اني ليش مو من وره نكدك حتى ما اكلت

غمني وراح نام واني رحت الغرفتيي سبحت ونمت جفي ماكعدت غير ب2 الضهر نزلت مالكيت جمال بش عايفلي فلوس ورقه ع لميز اخذت الورقه مكتوب بيها

:- حبيبتي اني عندي شغل واتاخر لل10 بليل اقفلي الباب وديري بالج ع نفسج

سويتلي اكل وخابرت ام علي طمنت ع بنتها وكتلها دزيلي ابنج الصغير اريده

صدك دزتلي يا انطيته 10 كتله جيبلي حلويات بيها كلها صدك راح اجه جايبلي علاكه شكبرها كتله اوكف

جبت علاكه وقصمتلهم كتله الكم

:- لا خاله شكرا الج ذني

:- حبيبي اخذهن

:- لا خاله ما اخذهن

:- اني كلت الامك حبيبي اخذهن

كوه اخذهن مني اكلت كومه الحد ما شبعت

صارت ب6 المغرب حسيت الباب نفتحت عبالي جمال رجع طفت الكهرباء صحت

:- جمال شعجب اجيت هسه

ما حجه ولا كلمه بس صوت مشي كلبي انقبض حسيت أجرام قريب مني

فجاه ايد قيدت حلكي وضهري صار ع صدره وعطره سطرني

ما خفت ابد بس كلبي دكاته اتسارعت نزلت دمعتي عرفته هو

_________________________________

بعد انشرلكم يوميه اوعدك ❤️❤️

حسابي الانستا :- mream_.98