رواية قيود تعيقني الفصل التاسع والعشرون 29 - بقلم مريام

گلبي دكاته متسارعه ايده مقيده حلكي ضهري ع صدره نزلت ايده ثانيه ع بطني دارني واي شي ما شوف منه بس دموعي ينزلن همس بصوت ناصي

:- ليش مسار ليش

كمت اشهك اجتي الكهرباء. يباوع بعيوني ودموعه ينزلن

:- اذيتيني ححيل

:- انت هم اذيتني انت شخص الوحيد جانت ثقتي بي عميه بس ماجنت تستاهلها

:- ليش ما سمعتي مني

:- ماكو شي اسمعه

دفعني بخفه رجعت ليوره يحجي بعصبيه ويأشر بايده

:- حاااامل وضميتي عليه ليششش مسار ليشششش

ضرب ايده بلحايط حسيتها انكسرت

:- اهدئ بس

:- لججج مسااار حامل بأبني واني ماعرف ليش حرام عليج والله حرام

مسحت دموعي واتقربت منه اهدي وصلت يمه دفعني قويي وكعت بلكاع ع ضهري حسيته انكسر والألم البطني مو طبيعي كمت اعيط

مسار :- أجراااام اخخخ حموووت بطنييي لككك أجرام ليششش

اجاني بسرعه خاييف ومسح عيونه

أجرام :- اسف اسف مادري اسف كومي شو كومي

مسار :- ماكدر ماكدرررر

حسيت شي نزل مني باوع أجرام بلكاع بصدمه رفعت ايدي من الكاع واشوف دم كمت ابجيي واعيط الوجع ذبحني حسيت راح اموت شالني ويا طلعتنا شافتني ام علي واجتني تركض

ام علي :- شبيج يمه عزا العزاني

مسار:- خاله راحح اموت والله وكعت

صعدت وياي بسياره واجرام كلمه ما حجه كرهته حييل ولو اخسر اطفالي اكتله بايدي وصلنا للمستشفى واني لا شال ولا عبايه

أجرام شايليني وامي علي تركض ورانه

دخلتني الطبيبه للغرفه ملابسي كلهن دم وام علي دخلت وياي ابجي واشهك فحصتني دكتوره وماعرف شضربتني ابره خف الالم وكانونه بأيدي

دكتوره :- الحمدلله الاطفال ما بيهم شي لو وحده غيرج واكعه هاي لوكعه جان مات طفل بس اطفال الله كاتبلهم عمر

دتحجي وياي دكتوره ودخل أجرام عيونه حمر درت وجهي

دكتوره :- زوجها حضرتك

أجرام :- ايي شلونها

دكتوره :- زينه الحمدلله ما سقطت بس هي مهدده بالاسقاط ولزم تبقى مرتاحه وحركتها قليله ومتصعد درج ابد

أجرام :- انشاء الله

عافتنه وطلعت وحتى ام علي طلعت اجه يمي كمش ايدي جريتها منه

مسار :- أجرام روح

أجرام :- ياروح أجرام اسف

مسار :- مو كل مره اسامحك

أجرام :- ارحميني مسار فدوه ارحميني

مسار :- ليش انت رحمتني ؟

أجرام :- غلط وسوينا قبل

مسار :- هههه 6 اشهر أجرام اجيت ؟ سئلت عليه؟ لا

أجرام :- فدوه لتعذبيني فدوه شتردييين بس كليلي اني غلطت اسف والله اسف فدوه مسار لتعذبيني هيج مسار انت روحي اموت والله اموت

يحجي ودموعه ينزلن

مسار :- اشش كافي اسكت

رفعت ايدي مسحت دموعه

أجرام :- احبج والله لتعوفيني

مسار :- أنشاءالله

ضحك وباس وجهيي كله باس بطني ومشه ايده ع بطني ومبتسم

أجرام :- يتحرك مو

مسار :- لا لسه ما اتحركو

باوع علي ومال راسه واردف

أجرام :- ما اتحركو ؟

هزيتله راسي بابتسامه

مسار :- ثنين ثنين هههه

فتح عيونه والفرحه الفرحها متنوصف ميعرف شيسوييي باس بطنيي ايدي كام يفتر ويضحك اخير شي طلعت تلفونه وفتح سبيك

أجرام :- ادهمممممم

ادهم :- وسسسم شبيييك

أجرام :- هلهوله بروح امي

ادهم :-, هاااا طكن

أجرام :- ديلا بداعت فهد

ادهم ما صدك وجره بهلوله خربت من ضحك

ادهم :- انت هم هلهل

أجرام :- ليش ؟

ادهم :- حتصير عم للمره ثانيه

أجرام :- ههههه الف مبروكك

ادهم :- ما كتلي شبيك اليوم تخبلت ؟

أجرام :-, حتصير عم لاثنين

ادهم :- لا يا كواد

أجرام :- دكل تبن عار يلا ولي

سده من ادهم وكل ساع بايسني بس احس متقيده منه

.
.
.
.
جمال :- رجعت للبيت اصيح ع مسار ماكو اي صوت الها صارت عيني بلكاع دم ركضت الغرفت مسار ماهيي خفت لابيها شي طلعت ركض رحت البيت ام علي دكيت الباب طلعتلي بنتها الجبيره

جمال :- وين امج مسار يمكم

مروه :- امي راحت ويا مسار للمستشفى تكول واكعه وخذناها اني ورجلها

جمال :- رجلها ؟؟؟

مروه :- امي هسه دكت كلتلي

جمال :- ماشي شكرا

معقوله أجرام اجه ومسويلها شي واحد ما خلي عايش والله

رحتلهم للمستشفى لكيت أجرام يمشي مسار رحتله ع سريع اخذت مسار منه خليتها يم ام علي وركعته بوكس ع وجهه

جمال :- انت شجاااابككك

هو هم ضربني ع وجهيي لزمته من ياخته

جمال :- لككك لا عبالك خايف منك ادوسك برجلي والله

هو اضخم منيي واطول ركعني كله حسيت دخت اجوي الامن طلعونا بره عفت اجرام وشفت امي علي سانده مسار وكفت يمنه مسار وحجت بتهديد

مسار :- مو صوجكم والله صوجييي اني اعيش ويا اشخاص مثلكم كلكم نفس بعض وتحلمون بعد اعيش وياكم ولا تشوفني وجهكم ابد

جمال :- بس خلحجي

مسار :- اشش جمال اي شي ماريد اسمع

أجرام :- مسار شبيج

عاطت باجرام

مسار :- انت بلذااات اسكت

.
.
.
.
مسار :- واحد يضرب ثاني ما بدر مني اي ردت فعل عفتهم يتعاركون اجوي الامن طلعوهم وام علي ما عافتني ابد طلعتلهم برا رزلتهم

مسار :- خاله عادي ابقى يمج هلكم يوم

ام علي :- اشيلج ع راسي

عفتهم وام علي اخذت تكسي ونزلنا يم البيت اجيب ملابسي ما صعدت هيي صعدت جابتلي كم قطعه ودليتها ع فلوس جابتهم داطلع وصارو بوجهي جمال وأجرام مخنزريين

جمال :- وين توليين

مسار :- يم ام علي ابقى

أجرام :- ماكو روحه

ما درتلهم بال طلعت ام علي قبلي داطلع عتني من ايدي جمال وعاط بيه

جمال :- ولخلقك ادفنج لتشوفيين انطيتج مجال تاخذين راحتج

اجرام عاط بجمال

أجرام :- ايي ليششش لااا

جمال :- اختي لا تدخل

أجرام :- مرتيييي شرعا وقانونا وحامل بأطفالي واياك تحجي وياها هييج كداميي

كمت اعيط عليهم واجر بشعري واكسر بلغراض الي بلصاله

مسار :- كااافييي كافييي ارحموني راحح اموتت كافيييي

اجاني أجرام حضني من وره بس يريدني اهدء نسيت حملي ونسيت اني مهدده بالاسقاط كمت اضرب بيي

الكانونه جريتها ودم كام يطفر اجاني جمال

جمال :- كافيي حباب اسف والله اسف

مسار :- المني وبيه يأذيني شترجه من الغريب

أجرام. :- بس كافي فدوه كافي

دخلت الغرفه جمال وقفلت الباب وهم من وره الباب يحاجونيي

أجرام :- افتحي الباب فدوه

مسار :- عوفونييي

جمال :- اسف والله بس اطلعي خلحجي وياج

أجرام :- مسار مو زيين عليج هستوج رجعتي من المستشفى

مسار :-, اريد انام

راح صوتهم كمت مددت ع جربايه حسيت بحركه بطني ابتسمت زادت الحركه اول مره يتحركون كمت بسرعه فتحت الباب ورحت للصاله لكيتهم كاعدين

حاطه ايدي ع بطني واضحك

:- اجرام ديتحركون ههه

ابتسمولي وكامو جرني من ايدي أجرام كعدني ع تخم

:- حط ايدك شوفف

حط ايده ع بطنيي ويضحك

أجرام :- هههه ايي ايي داحس بيهم

جمال :- اجه الخال وخرو

ابتعد أجرام وجمال حط ايده ع بطني راحن الحركه

جمال :- شكد كواويد لعد

خربنا من ضحك علي

مسار :- اني ممسامحتكم

جمال :- وشلون تسامحينا حضرت الاميره

مسار :- كومو تباوسو

أجرام :- سوالف جهال

مسار :- لعد وخرو من يمي

جمال :- لا يالله هاهيه هسه نتراضه

كامو تحاضنو واحد باس ثاني حييل فرحت من اتصافو ونحل كلشي بهلسرعه بس بعدني ضايجه من أجرام وادهم

جمال :- اني جوعان

أجرام :- كوم نسوي عشا

جمال :- ساعه ب12 يا عشه هذا

مسار :- اني هم جوعانه وسولي شي حامض

أجرام :- شي حامض شنو ؟

جمال :- شلون اكلك انو مسار ساعه تتنسى ع شي حلو وساعه شي حامض شاكتني بنص

أجرام :- هههههه

كامو يسون عشه واني مددت بصاله ساعه كامله محد طالع من المطبخ واسمع بس صوت شي يتركع

صارت ب2 اني طفيييت ولا صحت عليهم ابد توني دانام واجوي بيدهم صينيه نزلت بلكاع تربعت وضحكت حطو صينيه اتفاجأت

تمن احمر ويا بتيته وفوكاها دجاج مشوي ومقبلات مسوين

مسار :- هاييي شمسوييين

جمال :- اكل غير اكلي وانجبي

أجرام :- انجب لكككك

مسار :- يلا اسكتو خل اكل .

رفعت الخاشوكه ونزلتها وهم يباعون عليه

أجرام :- ها شبيج

مسار :- اريد ليمون

جمال. :- يا نسيت

أجرام :- هسه اني اكوم

كام أجرام وصحت علي

مسار :- قطع اليمون وحط فوكا ملح ولامندوزي ومساك

صفن عليه وراح ما اتاخر دقيقتين واجه

كعدنا اكل كدامهم ليمون وهم مدري شبيهم اكلو شويه وكامو واني اكلت بس ليمون

أجرام :- اكليي عوفي ليمون

مسار :- كلش مشتهيتا

أجرام :- ايي كافي

عفته شالو صينيه كمت اريد اغسل كلت هسه المطبخ مكلوب كلاب حتى غمضت عيني من وصلن المطبخ بس شفته يلمع نضيف حتى الكاع ممسوحه غسلت ورجعت للصاله لكيت جمال ديفرش

مسار :- ها

جمال :- انت ميصير تصعديين فوك راح افرشلج انت وأجرام اهنا

هزيتله راسي فرشلنا وراح نام مددت ويمي أجرام اندار عليه وسحبني الحضنه حييل جنت مشتاقتله

مسار :- مشتاقتلك أجراميي

أجرام :- اني هم مسار حييل اشتاقيتلج

حاضني حييل ويبوس براسي

مسار :- احضني حييل

أجرام :- بهذلتي حاليي

رفعت راسي بسته من شفته وابتعدت

أجرام :- احبج

مسار :- غنيلي

أجرام :- لا يكعد جمال

مسار :- بصوت ناصي

بده يغني

لا تسولف علينه من يسئلون

عيون الناس لا تحسد عشكنا

واذا طلعت شمس فوت انت للبيت

لان شمسين معناها احتركنا

من احضنك احضن الدنيا بيديا

حبيبي وغاليه عيونك عليه

بسرعه الوكت صاير يخلص وياك

هواي انت واذا رحت اختنكنا

عيون الناس تحسد كل حبيبين

يردوني ابتعد عنك واعوفك

واذا انت جرح ماريدك تطيب

مكانك لا بگلبي ولا بلعيون

كل جسمي الك من جثمي للراس

مرات ارد ابوسك لكن احتار

اذا كلك خدود ميين تنباس

هو يغني وإني دموعي تنزل صوته وهو يغني يجنن وبحه صوته أحسه كوه يغني كمل ورفع راسي بايده

أجرام :- يروحيي دموعج يحركن گلبي

مسار :- اجرام حييل اشتاقيتلكك

أجرام :- محد كلج ابقي بعيده عن هلكد

مسار :- انتو جبرتوني

أجرام :- عوفينه من صار قبل

باسني وبادلته شويه وابتعد

أجرام :- يلا نامي

عصرني بحضنه وبطني طخ بطني حسيت بدفره قويه عطت بصوت ناصي

:- اخخ

كمز أجرام

:- شبيجج

:- دفروني جهالك هههه

:- ههههه

حط ايده ع بطنيي ومبتسم باسني من راسي ونمت بحضنا غفيت شويه وفزييت ع حلم عركانه وگلبي يدك سريع كعد أجرام ويا فزتي شربني مي

اجرام :- شبيج عمري

مسار :- أجرام هلمره ثانيه احلم هييج

أجرام :- شحلمتي

مسار :- كأن اني وياك بحديقه كلها ورد احمر وردي وفجاه يكب نار الورد واني احترك

أجرام :- ماكو شي حبيبتي

جرني الحضنه ويقرا علي ايات قرأنيه الحد ما غفيت

فتحت عيوني لكيت أجرام مدد ويباوع عليه ابتسمتله وكعدت

:- صباح الخير

:- صار اهواي ممصبح عليج

:- ايي

:- يلا اكلي علمود تاخذين علاجج

هزيتله راسي كمت غسلت وفتحت شعري شويه وهو يباوع عليه اخير شي حجه

:- مكرود هلشعر

:-, هههههه ماحبه يطول كل ما يطول شويه اكصه

:- هههه الله يطيح حضج

سوينه ريوك جمال طالع مموجود اكلنا وهو غسل لماوعين ولم الفراش باوعت ع ساعه ب2 الضهر

:- عزااا باع ساعه

:- ب2

:- ما حسيت بلوقت هههه

:- اي

:- اريد اسبح

:- ترا ما سوينا شي

ضربتا بلكوشه وضحكت اخذت من الملابس نزلتهن ام علي ودخلت سبحت واجرام شسورلي شعري

رحت مددت بحضنه ع تخم

أجرام :- احسج مو على بعضج

مسار :- خايفه ع اطفالي

أجرام :- ماكو شي يخوف

سكت شويه وبعديين كام ويباوع عليه بصدمه

مسار :- شبيييك

أجرام :- انت رحتي دكتور قلبيه من حبلتي ؟

مسار :- لا ويين ما رحت واصلا عايفه لعلاج

ركع دولكه المي بلكاع ويصيح

أجرام :- لججج شلووووون شلووووون وگلبج ؟؟؟؟

مسار :- ماعرف ومابي شي قليل يأذيني

أجرام :- امشي بدلي ع سريع

لبست صايه وشال وطلعنا

ماعرف رحنا المكان كومه مكتوب عبي لافتات مال دكاتره

نزلني يم عياده كوه امشي بطني كلش جبيره نزلت اجرام سولفله حالتي ودكتور وسالي تحاليل كومه اجرام كعدني برا وهو دخل يم دكتور حييل خفت ماعرف ليش حتى كمت ارجف

اجاني أجرام يضحك

:- شبيج يحيلي شو ترجفين وجهج اصفر

:- شكلك

:- ماكو شي بس كال عمليه تولد اذا طبيعي فا راح يأثر حييل

:-, ها

كومني صعدنا بسياره وميشمي سريع وصلنا للبيت لكينا جمال

جمال :- ويين جنتوو

أجرام :- رحنا دكتور قلبيه خفت لا يأثر الحمل عليها

جمال :-, هاا

كعدنا جمال جايب غده من برا اتغدينا وأجرام فتح موضوع رجعتي

جمال :- مسار مهدده بالاسقاط وطريق بعيد اخاف كلشي يصير

أجرام :- اني اريده تولد اهناك وعادي عود ما امشي سريع بسياره وكل ساعه ناخذ استراحه

جمال :- بقت يم مسار

مسار :- مو هسه ارجع واني خايفه ع اطفالي كلشي يصير

أجرام :- ماشي براحتج

حسيت جمال واجرام ضاجو عفتهم ودخلت الغرفه جمال انام شويه واتصل برهم جاوبته

برهم :- هااا حححب

مسار :-, ها گلبي

برهم :- اريد اجيكم اني بغداد عندي شغل

مسار :- ايي حبيبي هلا بيك

برهم :- اكمل شغل البيدي واجي

مسار :- ماشي

كمت طلعتلهم

أجرام :- ها مو رحتي تناميين ؟

مسار :- احم بس لاتعصب تمام

أجرام :- احجي ؟

مسار :- برهم راح يجي

أجرام :- كوووواد اعرف بي يجي مره مو شفت صوركم بتلفونه

مسار :- عليك الله لا تحاجي شي

أجرام :- لا شحاجي

ساعه وندكت الباب

أجرام :- راح ادخل جوه لا تكلوله اني اهنا

راح دخل جوا واجه برهم سلم علينه

برهم :- شنوو شوكت ناويه تكوليين الاجرام

مسار :- مو هسه

برهم :- خطييه شبيج

مسار :- لا

جان يجي صوت أجرام كلنا باوعنا علي واكف ومجتف ايده

برهم باوع ع أجرام بصدمه وذاك رفعله حاجبه وحجه

أجرام :- لعد ما حجيت انت اذا هي بربوك انت شبيك

برهم :- انت ياهو

اجرام :- ابوك الكو...اد

خربنا من ضحك كام برهم حضن أجرام وأجرام بادله وكعدو سويه شقه وضحك صار ليل كلنا نمنا بصاله ع تلفزييون جان يوم حلو ناقصها بس ادهم بس زعلانه منه

اجه صبح وكما كلنا بلمطبخ نسوي غده لان ساعه ب1 كعدنا

برهم :- اكلج شني هايي انت جنج بطريق نوب لابسه دشداشه ابيض واسود هههههه

مسار :- ههههه كل حامل هييج

برهم :- وين اكو جنج تانكي من بيتنا

أجرام :- دنجب لككك

جمال :- ما سمحلك تحجي ع اختي

برهم :- ههههههه شو دنجب

سوينا الغده وبرهم صورنا كلنا ودزها الادهم بس فتحها ادهم كبل اتصل كامره جاوب عليي ودارها عليه وع أجرام وذاككك صافن شكله يضحك بعديين عاط

ادهم :-, لا يا كواويد يا ناقصين يا من.... صدك ما تستحون وانت البربوك انيي الججج 6 اشهر طي.. شيبت وهسه واكفه يم هذا العار صدك انت من...

خربنا من ضحك علي ويحجي بعصبيه كام وسده برهم اتغدينا ساعتيين بس واتصل ادهم ع أجرام فتح خط

أجرام :- ها ولك ..... شنووو ... يلا هسه جايين

سده وكال

:- جديي مجلوط وهسه بلمستشفى وحالته خطره كوم برهم نروح

كاموو واريد اروح وياهم وما يرضون كمت ابجي عافون وراحو وراهم رحت الجمال ابجي

مسار :- حباب خلي نروحح علييك الله جمال جدي هذا صح غلط بسوه قبل بس والله حنين وياي جان حييل عليك الله خلنروح

جمال :- ماشي يلا

لبست اي شي حتى ملابس ما اخذت ساعتين سياره تمشي حسيت بالام بطني بس غلست للطريق 5 ساعات صار كلشش طويل وصلنا بيت جدي باوعت علي ونزلت دموعي قبل 6 اشهر شردت منه وهسه رجعتله دكينا طلعتلي سيرين باوعت علينا بصدمه كامت تبجي وحضنتني سلمت ع جمال دخلنا جوا بيت عمامي وعماتي كلهم جايين وكلهم يباعون عليه مصدوميين قربت نور مني بجت وحضنتني

ياسمين :- هااا شعندج راجعه لو حبلتي بنغل وجايه

مسار :- والله يا عيني اني مو مثل واحترمي نفسج احسلج

اجه ادهم ضربني بخفه ع راسي وحضني ويغلط عليه ضحكني

كمل كلامه عافهم وطلع وكلهم وجهم انگلب

كومتني نور هي وسيرين صعدني فوك الغرفت نور

نور :- شكد بربوك شكد دزيتلج ليش ما تردين

مسار :- جنت ضايجه منكم

سيرين :- احنه شذنبنا ترا ما جنه نعرف

نور :- يلا خلاص سدو الموضوع شي صار وراح

سيرين :- شوكت حبلتي

نور :- انت انجبي معلييج شكد الج مسار

مسار :- 6 اشهر

نور :- فدوه يعني اول ما تزوجتو

مسار :- ايي واصلا حامل بتوم

نور :- جذاااابه

مسار :- ونبي

سيرين :- ياييي ياييي فدوه فدوه كزكزتت

نور :- ماشاءالله يجون بسلامه

مسار :- امييين ياروحيي اميين

شويه واجانه ادهم يكول انزلو ترا جدي ديودع

نزلنا جوه كعدت يم دموعي نزلن شافني كمش ايدي ويحجي بصوت ناصي

الجد:- بنيتي اسف ع سويته سامحيني

مسار :- جديي مسامحتك والله بس كوم بسلامه علمود نروح الحريش وجريش

الجد :- لا بنيتي اني راح اموت اريدكم تبرولي الذمه كلكم

أجرام :- جديي انت عشت عادل وما ضلمت احد ابد

كلهم يبجون ادهم يبجي وبرهم وأجرام عيونه حمر دم

الجد :- مسار

مسار :- ها جدو

الجد :- اريدج قويه دائما

مسار :- ايي جدي

الجد :- اسمعوني كلكم مسار امانه بركبتكم كلكم

أجرام :- جدي بدون متحجي

الجد :- اشهد ان لا اله الا الله واشهد أن محمد رسول الله

اتشاهد وراها سكت عيونه مفتحه كمت اهز بي

مسار :- جدو لا لا ما شبعت منك اني اني اسفه والله

أجرام سد عيونه وكلهم كامو يبجون اسمع صوت برهم يحجي

برهم :- حتى انت كسرت ايمان بعدهاا لسه لابس عليها اسود وهسه جدي راح

ساعه وانكلب البيت اخذو جدو لبسنا اسود وكلنا نشتغل ونبجي حسيت بالام بطني بس ما حجيت صار تشيع ورميي اني خرطت زاد الوجع كمت كوه اتحرك دخلت الغرفت جديي وهم هوسه بره وللصبح الوجع ياكل بيه اكل

كمت اعيط من شفت دم وانزف بغزاره حسيت روحي كامت تطلع كلهم اجونيي حتى إجرام جانو هسه يلا راجعين من المقبره شالني بسرعه وكلبت دنيا بسياره

:- رااح اموت والله اخخخخخخ يممههه

أجرام :- كافي علييج الله هسه راح نوصل

:- لككك أجرام بسرعه نور كامشتني وجمال صاعد ويا أجرام وصلنا المستشفى شايليني ونزف بعده اخذتني دكتوره الغرف الولاده اهنا خرطت العافيه

كلام دكتوره اخترق گلبي حسيته سجينه ونبت بگلبي

الاطفال ميتين بطنها

كمت اعيط اتسهترت

:- لالا مابيهم شي عايشين ديتحركون صيحو أجرام صيحو

.
.
.
.
.
نور :- رحت ويا مسار كلشي ولا تسقط غير تموت نوب ثنين يارب تكوم بسلامه اخذتها دكتوره ونسمع عياطها أجرام تخبل بس يريد يدخل نوب صاحته دفع الباب ودخل دخلت ويا اباوع عليها تبجي وتعيط

مسار :- أجرامم تكول ميتين جذابه تريد تاخذهم مني ختولي ماريده جيب غيرهااا

اجرام يباوع عليها مصدوم حتى ميعرف شيحجي راح كمشها حضنها

دكتوره :- راح الام تتأذه اذا مسحبناهم هسه

أجرام ابتعد عنها

مسار :- ماريدها هايي تريد تكتلهم هيي والله أجرام مو جانو يتحركون البارحه

أجرام :- كافي مسار

عافها وطلع وهيي تعيط صرختها تطلع الروح طلعنا بره وبقت هي بلغرفه جمال يبجيي أجرام ولا بدر منه اي شي صرخاتها حييل عاليه كمت ابجي

اخير شي أجرام عاط ومخلي ايده ع اذانه

أجرام : كاااافيييي عوفوهاااا كااافيييي

راح يريد يدخل جوه وكمشه جمال واحد ما نعرفه وبس يريد يهد عنهم

أجرام :- راااااح تموووووت والله رااااح تمووووت عوفونييي

جمال :- بسس كافي اهدئ

أجرام :-, لكككك دتصيحنييي اسمعوهااا حرااااام والله حرااااام تريدينييي ولكم

جمال :- ميصير تدخل والله ميصير

ابتعد عنهم وكام يضرب بايده بلحياط ويصيح يمكن انكسرت ايده من ضرب

أجرام :- ارحمووهاااا عوفوهاا راحح تمووت راح تمووت والله بس اسمعو صوتهاا روحها كاعد تطلع

شويه وصوتها اختفه باوع علينه أجرام ودموعه ينزلن

أجرام :- ماتت مو حتى هي راحت

كمل كلامه وكع من طوله

_________________________________

شتوقعون شلون حيصير حال مسار ؟

حسابي الانستا كل شي يخص الروايه والابطال انشره

هذا حسابي :- mream_.98