"باوع بعيوني واردف وكلش قريب مني "
-مسار اني
بعده ممكمل الجمله وندك الباب
بسرعه ابتعد عني وكام فتح الباب
سيرين : أجرام انت اهنا ؟؟
أجرام : لا هذا جني مالتي
*ابتسمت سيرين واجتي يمي وأجرام واكف يم الباب مجتف ايده وصافن عليه "
سيرين : تدرين منو راح يجي ؟
مسار : لا
سيرين : حميده ام جدي
"فتحت عيوني واردفت بصوت شبهه عالي "
-عاااايشه ؟
أجرام : وجع شبيج
مسار : لا يعني نصدمت انو ام جدي عايشه
أجرام : قابل شكو
مسار : زين وين هي هسه شعجب مو اهنا
سيرين : هي بلموصل بس هسه صايره بلموصل فرد نوب دخلولها داعش فا تريد تجي قبل لا تسوء الحاله بلموصل ومتكدر تطلع بعد
أجرام : يلا رايح محتاجين شي ؟
"اردفنا سوه اني وسيرين "
-لا سلامتك
*طلع أجرام ولزكت بيه سيرين وكمشتني من ايدي*
سيرين : احجيلي شجان يسوي اجرام يمج
مسار : اجه يعتذرر
"شهكت بصوت عالي "
سيرين : أجرام يعتذر ؟؟؟؟
جفلتني من شهكت عطت بيها
-وجعع جفلتيني
-لج لا بس اول مره أجرام يعتذر من احد
-كبر دكومي خلننزل جوه
نزلنا جوه جايين بيت عمي حميد رحت يمه وكلهم كاعدين اردف عمي "
-هلا بجنتي
اتفاجئت من حجه
*ضحك وحجه أجرام بصوت عالي *
-هههههههه شهل لعبان نفس
حميد : انت عليمن حيوان
أجرام : كلمن يطلع ع اهله
عاط بي عمي علي
علي : أجرام كاافيي
"ضحك وهز ايده "
"اردف جدي "
-أجرام صار سنه خاطب بنت عمك شوكت ناوي تتزوج مو طولتها
*أجرام باوع ع جدي واردف *
-طولتها او لا بكيفي محد كللكم اخطبولي ياها
"عاط بي جدي "
-أجرام ترا استهترت حييل
أجرام : مالكم علاقه بيه
الجد : الشهر الجاي عرسك وهاهيه
أجرام : مو بكيفكم
الجد : أجرام لا تختبر صبري
"كام وكف أجرام "
- لعد بكيفكم تخططون العرسي اني ماريد هسه ليش تلحون
ادهم : جدي عوفه براحته لا تجبره
مرت عمي علي : لا ليش يعوفه صار سنه
"أجرام باوع ع امه وخزرها "
مرت عمي حميد : ايي صحيح ولبنيه صار كومه صابره
أجرام سكت ما حجه اي شي شويه واجوي ولد عمي حميد
رحت للحمام هو لحمام صاير جو درج وبصفه غرفه متروكه يعني مينشافن طلعت من الحمام وداغسل ماحس غير انسحبت من ايدي للغرفه وايد قيدت حلكي .
"فتحت عيوني بصدمه من شفت أجرام "
أجرام : اشش اسكتي بس اريد احجي وياج
هزيت راسي
وخر ايده من حلكي وكلش قريب مني گلبي دكاته اتسارعت ماعرف ليش من اكون قريبه منه گلبي دكاته يستارعن
"اردف وهو يباوع بعيوني "
وهمس يم أذني
أجرام : مسار اذا شفتج كاعده بديوان يمهم ادفنج
مسار : يعني وين اروح ابقى بغرفتي كاعده
أجرام : اني ادزلج سيرين ونور
مسار : هسه قابل شكو هم ولد عمي ترا ماكو غريب
أجرام : هي هاي لمشكله ماريدج يمهم
"هزيت راسي"
داطلع ورجع جرني من ايدي عطت بصوت ناصي
مسار : ااخ اجرام شبيك
سد حلكي بايده ويهمس بصوت ناصي
أجرام : ااششش
اريده يهدني ماكو وصار كلش قريب مني وعطره اخخ يجنن
"كمت ادفع بي اريد اطلع ماكو صافن بعيوني وما انطى اي ردت فعل لحضات وجسمه رخه دفعته وطلعت ركض للغرفه
صعدت الهث وگلبي دكاته مليون يمكن ذبيت الحجاب ودخلت سبحت طلعت دامشط بشعري ودخلت سيرين تركص
مسار : شبيج بس تركضين خبلتيني
سيرين : اجتي بيبي حميده
مسار : عبالي دخلونه داعش كبر
سيرين : كومي انزلي يلا
"هزيت راسي ونزلت سيرين قبلي
*توني حطيت رجلي ع درج ونسحبت*
"كلبي وكف من الهبطه"
*وحجيت بصوت عالي من شفت أجرام *
مسار : ايييييي هييي شنو كلساع ساحبني من ايدي مو حتى راح تنشلع من وراك
باوع عليه بخزره وعيونه احسهن يطلعن نار
أجرام : اكرهه العناد اني مو كتلج نزله جوه ماكو
مسار : ترا اجتي هاي مديه مدري مده مدري شسمها بيبيتكم
-اباوع علي شو هذا خرب من ضحك
أجرام : ههههههه روحي انزلي بس لتحجين ويا ولد حميد
"هزيتله راسي ونزلت مستغربه ليش ضحك
نزلت درج سريع وطلع بوجهي حسن ابن عمي حميد
"ابتسم ويباوع عليه من فوك ليجوه"
حسن : يحلو لتوكع من درج انزل ع كيف
ماحس غير أجرام نزل ركض وصل ليمي وحجه بصوت عالي
أجرام : نزلت سريع او عكيفها انت شكو
"حسن ضل يبلعم بعدين اردف"
حسن : انت شعليك اني داحجي وياها ليش تدخل
أجرام قرب علي وعصبي صاير بركان ماعرف ليش وليطخه ينفجر علي
أجرام : بنت عمي وبيتي وما اريد احد يحجي عليها
حسن : بنت عمي هم وانشاءالله بلمستقبل مرتي
ماحس غير إجرام كمش حسن قوي وصوتهم صار عالي
اتلمو كلهم يردون يفهمون سالفه ماكو بس عياط حسن وأجرام
كلهم يحجون ويصيحون يردون يفهمون شكو جابر كام يصيح ع أجرام ويغلط أجرام عاف حسن ولزم جابر ودنيا احتركت
اني بس ابجي والبنات متقربن ابد لا نور ولا سيرين بس مرت عمي حميد ضلت تفشر وتغلط
أجرام : أنذال مو اني اعرفكم شنو خلوني ساكت كلكم نفس نكاست عمي حسين
طلعو لولد بره وعمي حميد ومرته طلعو زعلانين وأجرام صعد فوك لغرفته
اني كعدت ع درج ابجي واشهك اجه يمي ادهم
ادهم : ليش تبجين
مسار : بسببي تعاركو هسه يكومون يكرهوني
ادهم : لا شعليج بيهم هم مجلوبين وخلي يكرهوج احنه نحبج
"زدت بلبجي اجتي نور يمي هي وسيرين يحاجني واني ازيد
ادهم : هاي كاعد تدلع تريدنا نشتريلها يلا تسكت
نور : لا ختولي شنو تشتريلها عود اني انطيها عصير وكيك
"واني ولا يمهم ازيد بلبجي ما انقص "
اخير شي عاط ادهم بيه خلاني اخنس
ادهم : اييي شنيي كافييي شكد تبجين ميخلصن دموعج شفتج وشفتيني بس تبجين اني من يمي مليت
"خنست وكمت بس اشهك"
اسمع عيطت أجرام من فوك
أجرام : ادهم اوكفلي جايك جايك انت تصيح ع مسار سهله
ادهم : خاب دطير انت وياها طي... رجف
أجرام نزل ع سريع جيت ع ادهم وكعو ثنيهم وأجرام صار فوك ادهم ويدغدغ بي ويضحك
ادهم : وجج يمه الحكينييي هههههههه لا بربك كافي
اجرام : منو ليطير ؟؟؟
يحجون وأجرام فوكا مستمر يدغدغ بي
ادهم : هههههههههه انت ومسار
أجرام : خوش
وبقه مستمر يدغدغ بي وخربانين من ضحك
ادهم : ههههههههههههه مو انت والله اتراجع ههههه
أجرام : ههههه والله ما اعوفك لحد متكلي مسار عوفي
"البنات واني خربنه من ضحك وجدي باب صاله ويباوع عليهم ويضحك ومحد اتقرب "
ادهم : ههههههه مساااااررر علييج الله كليله كافييي حموووتتت اخخخ جدييييي الحكنييي
جدي : هههههه طبك مرض تستاهل
مسار : ههههههه كافي عوفه مسامحته
"أجرام عاف ادهم وخربان من ضحك اول مره اشوفه يضحك من گلبه رغم هستوه اتعارك "
مرت عمي علي : الله وأكبر بيت ما بي راحه وهدوء
"أجرام باوع عليها صفح"
"واردف"
أجرام : سندس اعصابج ميعجبج ذاك بيت اهلج وروحي
غمت أجرام وراحت
رحنه للديوان وكعد يمي ادهم يكرص بيه وأجرام يباوع علي يريد يشوفه شديسويلي
أجرام : مسار تعاي يمي
رحت كعدت يمه واني اضحك واعيب ع ادهم
وأدهم يأشرلي بأيده سهله
أجرام : ايي مسوره محتاجه شي ؟
مسار : لا
"اردفت نور "
-اني محتاجه شي
"باوع عليها صفح واردف"
أجرام : انت نجبي
"كامت بزعل من يم ادهم وراحت يم جدي واردفت"
نور : جدي شبيهم وياي
الجد : كو...يد بنيتي
"إجرام وادهم باوعو ع جدي واردفو"
-رحم الله والديك
"ضحك جدي "
ادهم : سهله نور اني اعملج
نور : اويي عيني رجفت
"كام ادهم بشقه يهد ع نور وكامشه أجرام "
ادهم : عووفوني خلي اربيها
نور طلع السانها لادهم وتعيب علي واني خربانه من ضحك عليهم
الجد : دكعد لك لا اكوملك
ادهم : رجف طي...
"الجد كام الادهم وادهم ركض وره أجرام ويصيح"
ادهم : أجرام دخيلك ودخيل الله
أجرام : ههههه دوخر من وراي هي كتله ورايحه
الجد : تعال لك جبااان مو حتصير اب
ادهم : اب لو جد هههههههه
أجرام : دفع ادهم ع جدي وجدي لزمه بلعوجيه
واحنه خربانين من ضحك شويه ودخل برهم
برهم : سلامن عليكم
أجرام : هم انت
برهم ضحك وكعد يمي
برهم : شلونك سيدي
مسار : زينه انت شلونك
"باوع ع أجرام وحجه"
برهم : لكك إجرام هاي شمسوي بيهم ههههه
أجرام : منو
برهم : ولد حميد
أجرام : عبالي شو شنو
الجد : مشتهي سمج شوي
ماحس غير طفر ادهم
ادهم : لاااااا جدييييي
الجد : وجعع وسمم وزقوم شبيك
نور : ايي جدي فدوه نشتري من بره احسن انت شايف شتسوي بينه من نشوي
الجد : انعل والديكم والله كوم برهم جيب سمج وتعال
كام برهم يجيب سمج بعده مواصل باب الديوان وادهم ركض ع برهم كبل برهم ابتعد
منحس غير ادهم انركع بلحايط وكع
ادهم : اخخخخ بويا انعل ابوك برهم
_______________________
بليل وره ١٢ انزل بارت
شنو رأئيكم بلبارت ؟
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!