رواية لا تغيرت قل لي دنيتي وش تكون ! جثةٍ و إدفنوها داخل ترابها الفصل الثالث والعشرون 23 - بقلم Misoo

هذا اللي شايف نفسه ماشي ولا معبرني
يتلفت هنا وهناك ولا كنه شايفني
والله لا أوريكم فيه والله أنا ما أخلية
مو هو لعب وياي خلوه يتحملني
نسى ليالي بيروت لما ألي بحبك موت
وهلا جنبي بيفوت ولا كنه شايفني
ولما التقيتو في بجدة شايلي بأيدو وردة

رن موبايله و اسمها ظهر على شاشه، ضحك اول ما قراه كالعاده، نزل قلمه و مذكرته اللي كان يدرس منها و رد على ( الساحره المغفله )
بابتسامه عريضه رد عليها: هلا وغلا...
مايا: سـعود!!! انا شقايله عن هالكلام؟
سـعود: اسف مووو قصدي.. طلعت لا ايراديا... السلام عليكم..
مايا: وعليكم السلام .. شلونك..
سـعود: الحمد لله و انتي..
مايا: الحمد لله..
سعود: عساااااااه دووووم يالغاليه..
مايا: سـعووود!!!
سعود: السموحه.. بس انتي تراك فعلا غاليه على قلبي... و بمعزه وغلا وحده من خواااااااااااااااااااتي(( ومد على الكلمه.)
مايا في نفسها(ووووع انا و بنات الفقر في نفس المستوى.. هين انا اعلمك)) : وانت بمعزة تركي و احمد عندي... صحيح ان الشغل ماخذهم عني بس (وهي تغير نبرتها الى حزينه .. في الوقت اللي سعود كان يضحك )) بس الحمد لله ربي عوضني فيك..
سعود: ان شاء الله ربي ما يحرمك مني... واظل دايما الاخوووووووووو اللي مستعد يخدمك بعيونه..
مايا: تسلم..... سعود... اخبار الدراسه ايش؟
سعود: بصراحه ماخذه كل وقتي...
مايا: علشان كذا ما تتصل؟
سعود: Yes!!! موزه حبيبتي .. انا مضطر انهي الاتصال عندي امتحان ولازم استعد له...
مايا ما كان عندها مجال توقفه على كلمه حبيبتي : اوكي .. موفقــــ.
سعود قبل لا تكمل: مع السلامه.
وقفل السماعه...و انفجر ضحك: انا اعلمك ياااا مايااااا منوووو سعود!!!!!
مايا ضغطت على موبايلها بعصبيه...... مر اكثر من شهرين على علاقتهم اللي تتطورت بشكل سريع من عرف من هي .... بس هي ما هي حاسه باي تقدم او تطور.. يعالمها لما تتكلم معه بحب و غرام ومن ينتهي الاتصال ما يعبرها ولا كانها موجوده في قائمه الاسماء عنده....: هين يا سعووووود انا اعلمك...
-
-
-
-
هنادي كانت قدام المرايا مثل كل يوم تراقب جسمها و تقيس خصرها، خالد كالعاده كان يراقبها و يضحك: ما يحتاج تخافين؟ حلوه ضعيفه و متينه...
هنادي اللي انتفخ بطنها من دخلت الشهر الرابع التفتت له و على وجهها نظره حزن طفوليه: بس انا ما ابي اصير متينه!!!
خالد وهو يقرب منها ويخرب شعرها من جديد: ليش؟
هنادي دفعت يده بعصبيه، صارت حساسه و عصبيه بشكل فضيع مع التقدم في الحمل بعض الرجال يطفشون من هالفتره بس خالد كان مستمتع فيها: ملابسي كلها صارت ضيقه!!!!
خالد ضحك: بس كذا... بسيطه يا اميره انا اتصل بكل مصممي المملكه يفصلون لك ملابس جديده...
هنادي: بس انا ما احب الملابس الواسعه!!!!
خالد: عادي اخليهم يخترعون ملابس ما تبين الحمل ارتحتي الحين؟؟؟
هنادي حست انها زودتها واخرت خالد عن شغله، حتى اسماء اللي تنتظرها تأخرت عليها: اوكي...
خالد قرب منها و باس خدها: يالله مع السلامه!!!
هنادي: لحظة....
خالد راقبها وهي تحوط يده بايديها: بروح معك...اصلا اسماء تنتظرني...
خالد ابتسم و مشى معها....
-
-
-
-
اسماء كانت جالسه مع ام خالد وهيفاء.. اللي العلاقه بينهم كانت متوتره و مازلت، الحوار المعتاد بينهم كان مجرد كلمات ما تتجاوز الخمس في الساعه.. طبعا خالد فرش جناح جديد لهنادي و اقام عندها و هجر جناح هيفاء نهائيا... حتى هيفاء ما صارت تهتم بخالد او هنادي... احساسها بان نفور خالد منها له علاقه باللي اسمها سارا و ابوها، سالت ابوها و ما عطاها جواب و فهمها ان سارا كانت زوجت خالد قبلها بس اختفت و ما لقوها وان علاقته فيها ما كانت قويه علشان يصير معها موقف يكره خالد فيه، هيفاء كانت متجاهله هنادي بعد، مع ان هنادي اللي كانت حاسه بالذنب باللي يصير بهيفاء و ان هي اكيد غيرانه لانها حامل، حاولت تتقرب منها، لكن اللا مباله كان رد هيفاء على اغلب تصرفاتها...
ام خالد بابتسامه وهي تنظر لاسماء: شلونك يا بنتي؟ و شلون تركي و الاهل
اسماء و هي تبتسم: الحمد كلنا بخير و تركي يسلم عليك وعلى هيوف..
هيفاء من غير نفس: الله يسلمه..
ام خالد رمقت هيفاء بطرف عينها: ما في شيء بالطريق؟
اسماء استحت جاوبت هيفاء بسرعه: خالتي ،توهم متزوجين ما صار لهم شهرين؟؟؟
اسماء استغربت رد هيفاء مع ان الموضع يخصها هي، ام خالد ردت بسرعه: هههه سمعت هذي الاسطوانه من قبل... بس من منووو؟؟؟ أي ذكرت من..... ولا اقول بعدين احسن...
هيفاء قامت من مكانها مقهوره موضوع الحمل شيء صارت خالتها تستخدمه ضدها كل مره تتجرأ هيفاء فيها عليها.... مشت هيفاء لجهة الباب و تواجهت مع هنادي و خالد، هنادي ابتعدت عن خالد اول ما لمحتها...
تجاهلتهم هيفاء و مشت لجناحها خالد طلع و هنادي دخلت و سلمت على اسماء: شلونك قلبي!!
هنادي: بخير حياتي!!!
ام خالد ضحكت: هههه قلبي و حياتي بين الخوات اجل ايش لرجاجيكم؟؟
هنادي وهي تضحك: ما يبيلها تفكير يا استاذ خالد طبعا..
ام خالد ضحكت اكثر، علاقة هنادي و ام خالد تطورت بشكل سررررريع و كبير، صارت الطلعات اغلبها معها ودايما توفر لها أي شيء حتى قبل لا تطلبه، ومرات يسحب خالد هنادي من امه بالموت...
اسماء: عن اذنك يا خاله..
ام خالد وهي تحاول توقفهم: تو الناس.
هنادي: اسفين بس امي تنتظرنا على الغدا...
ام خالد: اجل ماني ماخرتكم سلموا لي عليها و اكدوا على الحفله لاني ما راح اقبل أي اعذار هذي المره..
هنادي: ان شاء الله...
-
-
-
في بيت بو سعود:
منال كانت تبخر و تعطر فستانها اللي راح تلبسه لحفله ام خالد، كانت اول مره ترضى امها انهم يرحون، لان ام سعود كانت رافضه الاختلاط في سيدات المجتمع و صديقات ام خالد، ماهم من طبعها و لاهي من طبعهم، لكن ام خالد اصرت انها تجي و رضت امم سعود تاخذ بانتها بعد اقناع من اسماء و هنادي اللي كانوا طالبين مها و منال منهم هذا الشيء...
خلصت منال من تجهيز فستانها و التفتت لاختها اللي كانت مندمجه في حوارهم على المسنجر مع محمد، خلال شهرين، ومحاولات كثييييره تطورت العلاقه اخيرا بين محمد و مها الى المسنجر.. اضافه الى مشكله سببها كان منال...
بتاأفف مشت منال لجهت اختها: خلصتي؟؟؟؟
مها من غير لا ترفع عينها عن الشاشه: دقايق!!!!1
منال ضربت كتفها: صار لك ساعه تقولين كذا!!!! ان جت اسماء و لقتك ما خلصتي شغلك راح تعصب...
مها بصراااااااااخ: يوووووووه عرفت بس عاد ....
كتبت

من : هو يستحق القلب ما جاه منك،، ولا عشانه يعشقكـ .. صرت انـاني..
محمد ترى بطلع.. تامر على شيء؟

محمد: M... A6l8 shi..
سلامتك سعود (مها مسميه نفسها سعود)

من : هو يستحق القلب ما جاه منك،، ولا عشانه يعشقكـ .. صرت انـاني..
مع السلامه

محمد: M... A6l8 shi..
حافظك الله يالغاليه..

مها حست انها بتموت طلعت من المسنجر و التفتت لاختها اللي كانت تراقبها بعصبيه: نعم؟؟؟
منال: نعامه ترفسك!!!!! انتي ما تستحين؟؟ اقولك كذاااااب ... ولسى تكلمينه؟؟
مها: ماهو كذااااب.. ولو المنتدى ما انقفلت ما ضفته على الايميل ولا تنسين انه عباله انا ولد!!!
منال: انا شاكه ان محمد هذااااا اللي واثقه فيه هو اللي قالي عنه العقرب... مها ديري باااااالك ارجوك..
مها: لا تخافين علي... انا اعرف شلون اقلب أي موقف لصالحي..

مشت مها لخزانتها و طلعت فستانها وبدت تعطره... منال تنهدت وهي تراقبها و تتذكر اخر حوار لها في المنتدى من كم اسبوع...

-
كانت في قسم المناقشات تسولف مع اسرار ( سيرينا) و بدور ( حبيبة شاروخان) من بين حوارهم كان من هو افضل كاتب في المنتدى..
اغلى الغاليات:
انا براي احسن كاتب (الفؤاد المكسور) خواطره مره روعه)

سيرينا
لا يا قلبي (الفتى نصف ميت ربع حي) نكته اروع و هو احسن واحد في المنتدى ..

حبيبة شاروخان:

لا احسن واحد يكتب (صمـت القلب) الحمد لله احسن من يرد على مشالكلنا اللي مالها اولا ولا اخر..

اغلى الغاليات وهي كانت ميته من الضحك في الواقع:
الله يخليه الاهله والله خوش ولد ماهو مثل عيال هالوقت..

بعد هذي العباره تدخل عضو معروف باسلوبه الجريئ مع العضوات، العقرب و صديقاته كثر في المنتدى و اغلبهم عنده في المسنجر..

العقرب:
ياا حليلكم يا البنات بسرعه تنضحك عليكم!

حبيبه شاروخان:
(سمايل متعجب) نعم انت ايش تخربط؟

العقرب:
انا ما اخربط ياا حلوه، اصلا غبائكم يا البنات هو اللي مخلي الشباب يضحكون عليكم، لان ما في ولد يضيع وقته يسمع مشاكل الغير ويحاول يعالجها من غير مقابل..

منال انصدمت من اللي تقراه و بكل وقاحه كان يقولها و يتفاخر بعد،،
كتبت و بسرعه:
اغلى الغاليات:
اخوي العقرب ممكن افهم معنى الكلام اللي تقوله؟؟؟؟

العقرب رد:
اللي فهمتيه يا عسل، صمت القلب اللي معجبين فيه بنت.... و راح تظهر حقيقته قريب و لان الحقيقه تنتصر في النهايه مثل ما يقول كونان هههههههههههه

اغلى الغاليات:
تنكت مع وجهك!!!!! (سمايل غاضب)

العقرب:
وااااووو عندنا وحده عصبيه و حاره في المنتدى.... دخلتي مزاجي، الرقم من فضلك كم؟

اغلى الغاليات انقهرت:
قليل ادب..

العقرب:
اوهههه اسف حقك علي انتي منتي من هالنوع صح؟

اغلى الغاليات:
( سمايل معصب)

العقرب:
(3 سمايلات تضحك) اجل ارسليه لي على الخاص علشان ما يدرون اهلك ان شافوه في المنتدى ههههههههههه

منال انقهرت و طلعت على طول.: وقح!!!!!!!!! الله ياخذه
رمت نفسها على وخدتها، مها كانت تشوف التلفزيون مشت لعندها: منال ايشفيك؟
منال: الحقير اللي اسمه العقرب، قالي كلام يقهر...
مها توسعت عيونها: العقرب؟؟؟
منال: أي اكبر نسونجي في المنتدى ما تعرفينه؟؟؟
مها: اعرفه، دايما القاه في صفحه محمد..
منال وكانها فهمت شيء : مها سمعيني، انا خايفه من محمد هذا..
مها و هي متنرفزه: ليش؟؟
منال : العقرب يقول انك بنت.. وراح ينكشف امرك قريب.. و انا خايفه انه يكون هو و اللي اسمه محمد مدبرين لك شي!!!
مها: شيء مثل ايش يعني؟؟
منال: ما ادري!!!
مها: لا تخافين يا منال،، انا وحده ما اسوي شيء غلط علشان اخاف..
منال: يعني لما تكلمين صبي اغلب وقتك ماهو غلط!!!
مها: انا ما كلمته بالتيلفون؟؟؟
منال: كله واحد كتابي ولا صوتي.
مها: افففففففففففففففف..
وطلعت و تركتها... منال ابدا ما كانت مرتاحه، حاسه ان مها بتتورط و خايفه عليها، كان لازم تتصرف.. تعلم امها المسكينه، ولا اسماء العصبيه ولا هنادي الحامل التعبانه... سحبت موبايلها و اتصلت على دانه..
دانه: هلاااااااااااااا منووووول..
منال: هلا حياتي شلونك.
دانه: ههههه منال تقولي لي حياتي .. اكيد الموضوع فيه شيء!!
منال: بصراحه محتاجتك بخدمه ضروريه!!!1
دانه حست بجديه الموقف من نبره صوت منال: خير منال ايشفيك؟
منال: ابيك تدزين فيروس للمنتدى اللي احنا مشتركين فيه!! و تخربينه..
دانه: هههههههه غالي و الطلب رخيص.. بس ايش المقابل..
منال بضحك: توك تقولين رخيص.... اوكي بشتري لك بطاط شبيس و بيبسي..
دانه: و سنيكرز و كتاكات و برينقلز ....ووو
منال: بسسسسسسسسسس خلصتي مصروفي.
دانه: خخخخخ اوكي .. عشر دقايق و يكون المنتدى في مبتدأ كان...
منال: لا ابيه يصير في خبر كان..
دانه: لا وع قواعد ما احبها.. بس الاسم و الفعل و المفعول لعنده..
منال: المفعول لاجله..
دانه: عادي كله واحد ههههههههههههه...
و بعد عشر دقايق صار اللي قالته دانه، وتعطل المنتدى بسبب سلسله لا نهائيه من الاختراقات نظمته دانه مع مجموعه متعرفه عليها من الهاكرز..
ظنت منال انه اخيرا ارتاحت من محمد و ان مها ما راح تقدر تتواصل معه، لكنها كانت غلطانه لان محمد مره عطاها ايميله صحيح مها ما ضافته لكنها ظلت محتفظ بالايميل، وعدم وجود المنتدى تسبب في انتقال محمد لمسنجر مها و زياده العلاقه بينهم..
-

تنهدت منال مره ثانيه و طلع من الغرفه في الوقت اللي كانت تغني فيه مها

هلي لا تحرموني منه ... هلي لا تبعدوني عنه ...
مثل ما هو قطعه مني ... أنا تراني قطعه منه
تحبه !!؟
أموت أنا أذوب أنا أدوخ أنا والله وميت فيه ...
تحبه !!؟
وعقلي وقلبي ورحي يا علني ما أبكية

هلي الله يسامحكم ... إذا ماكان عاجبكم
هلي تكفون طالبكم ... أحس بشوفه الجنه
تحبه !!؟
أموت أنا أذوب أنا أدوخ أنا والله وميت فيه ...
تحبه !!؟
وعقلي وقلبي ورحي يا علني ما أبكية

هلي تكفون خلوني ... معاه ولا تلوموني
هلي ما أريد أنا غيره ... ولا يغني أحد عنه
تحبه !!؟
أموت أنا أذوب أنا أدوخ أنا والله وميت فيه ...
تحبه !!؟
وعقلي وقلبي ورحي يا علني ما أبكية

حشى ما كنت له جاحد ... ولا حب من طرف واحد
شكيت لراشد الماجد ... بسبايكم هلي غنى
تحبه !!؟
أموت أنا أذوب أنا أدوخ أنا والله وميت فيه ...
تحبه !!؟
وعقلي وقلبي ورحي يا علني ما أبكية

حبيبي دايم فبالي ... ولا غيره يجي غالي
يا لبى قلب جوالي ... مبرمج بإسمه الرنه
تحبه !!؟
أموت أنا أذوب أنا أدوخ أنا والله وميت فيه ...
تحبه !!؟
وعقلي وقلبي ورحي يا علني ما أبكية

-
-
-

في بيت بو تركي:
دخلت هيفاء بسرعه لغرفة ابوها اللي كان يقرا الجريده و يشرب شايه: اهلا هيوف..
هيفاء كانت في قمه الحزن و الغضب و محتاجه تنفجر عند احد: يبه انا ابي اتطلق؟؟
بو تركي: ايش؟؟؟؟؟
هيفاء: اما بطلب من خالد يطلقني!!!
بو تركي تبدلت ملامحه الهاديه الى الغضب: انجنيتي انتي!!! بعد اللي سويته و اللي تحملتيه تطلبين الطلاق و بكل هذي السهوله!!!!!
هيفاء و الدموع تنزل من عيونها بجنون: ما يحبني يا يبه!!!!!!!!!!!!
بو تركي بتبرير: عااااادي يكفي انتي تحبينه و تموتين فيه!!!!
هيفاء: و هذا اللي بيذبحني، احبه!!!!! بس لما اشوف معها احس بقلبي يتقطع يبه تكفى خلني اتطلق!!!
بو تركي: و تتركين كل هذا الخير لبنت الفقر!!!!!!
هيفاء: خل تاخذه، انا ما ابي شيء، يكفي اللي ضاع من عمري!! انا كنت مستعده اعيش مع خالد جزء من الاثاث، اخت، خدامه، بس ما يتزوج وحده و يعاملها مثل الاميره قدامي...
بو تركي: تخسي و يخسي خالد...... تحملي يا هيفاء ... وان شاء الله خالد بيرجعك لك و بيترك بنت الفقر..
هيفاء: شلووووون... انا خايفه اتهور و ينفذ تهديده!!!
بو تركي: مستحيييييل يسويه..
هيفاء باستغلال للموقف: ليش!!!!! ايش اللي سويتوه لسارا و اللي مستحيل خالد يسويه لي؟؟؟؟
بو تركي: هالموضوع انتهينا منه ولا نسيتي!!!
هيفاء: يبه!!!!!
بو تركي: انسي الموضوع، وارجعي لبيتك!! قبل لا يرجع زوجك!! ويلقى بنت الفقر تنتظره..
هيفاء: ماني راجعه ام خالد مسويه حفله و ما دعتني لها ....
بوتركي: حفله؟
هيفاء: أي حفله وخالد بيجلس بره طول اليوم..
بوتركي ابتسم بخبث: هيفاء في طلب ابيك تنفذينه و بعدها ارجعي و اجلسي عندي كثر ما تبين..
-
-
-
-
لندن:

بعد مدة طويله قدرت سعاد تتحرك على رجولها بكل حريه طبعا باستخدام عكاز واحد، الضرر اللي اصاب ساقها منعها من الحركه مده طويله، لكن مع العلاج التجميلي و الفيزياء اضافه الى التدليك والعلاج الطبيعي قدرت تتحرك... في البدايه مده قصيره على الجسر اللي تتنسد عليه وهي تمشي و بعدها على عكازين مده قصيره و الحين اخيرا صارت تمشي بحريه بعكاز واحد خوف من انها ترهق ساقها و تسقط على الارض..
حوارها مع احمد كان بسيط جدا.. تطور من الصمت الى كلمات قليله، شلونك.. الحمد لله. ايش قال الطبيب.. قال كذا و كذا.. محتاجه مساعده؟؟ هذا كان اصعب جواب في البدايه كانت ترفض أي شيء شكل من اشكال المساعده لكن تدريجيا صارت تطلب منه الاشياء البسيطه، يعطيها شيء بعيد عنها، يرفع السرير، يبدل الزهور الذابله، الى اشياء اكثر ممكن تحضر لي من السوق كذا و كذا... و مع الوقت ولا اراديا صار احمد لما تحاول سعاد تمشيء يلبسها الجزمه و يغطي شعرها..
سعاد وهي تتنهد: اههههه يااا احمد ..
احمد كان وراها بس هي ما كانت حاسه فيه: هلاااا سعاد..
سعاد تفاجأت كانت بتتحرك بس تعثرت بالعكاز و كانت بتطيح بس.... احمد مسكها...سعاد حست باطراف جسمها تتصلب و ترتعش في الوقت نفسه، وجود ايدين احمد حول جسمها و محاولته تثبيتها على قدميها كان شيء صعب تتحمله.... حركت عيونها لجهته و كانت بتتكلم بس هو سبقها و ........
احمد: كنتي تبين شيء؟؟
سعاد بتوتر و وجها كان احمر: لااااااااا
احمد بخبث: اجل ليش كنتي تناديني؟
سعاد: اه.... انااااااااااااا
احمد: سبحان الله لما كنت اشوف هذا النوع من المشاهد في الافلام كنت اظنها مبالغ فيها......بس الحقيقه انها مواقف لذيذه..
سعاد ما عرفت ترد عليه: .............
احمد وهو لحد الحين النظره الخبيثه على وجهه: انتي عارفه ايش اللي المفروض يصير الحين؟؟
سعاد كانت مصدومه و استمرت تراقب ابتسامته، بشيء في قلبها و كانه اللي تكلم: سو اللي تبي...
احمد قرب من سعاد و بااااااااااااااااس راسها: هذا النوع دليل على الاحترام و التقدير..
احمد نزل سعاد على الارض و هو يضحك: النوع اللي في بالك ما راح يصير الا لما تفتحين قلبك البارد و تدفيني قبل لا ابرد من جديد..
عطى احمد سعاد ظهر ومشى بعيد عنها، سعاد كانت مصدومه و في نفس الوقت فرحانه، ما كانت متوقعه هالتصرف منه لكن سعيده منه.. علاقتهم مستمره في التحسن..
-
-
-
-
في سياره الواسعه، كانت ام سعود و بناتها متجهين لحفله ام خالد، مها و منال يتصرفون وكانهم سنديلاااااات ثنتين مو وحده ام سعود ساكته تدعي و تسبح كعادتها و هنادي و اسماء كل وحده تكلم رجالها..
لكن كل وحده باسلوب مختلف:
هنادي و خالد :
هنادي: يااا ويلك ان دخلت ازعل...
خالد: تغارين؟
هنادي: لا ما اغار.... اخاف يحسدونك..
خالد: يعني خايفه علي..
هنادي: لا ماني خايفه... بس اذا حسدوك و مرضت انا اللي ببتلش...
خالد: ههههههه يعني منتي خايفه اشوف وحده من هالرشيقات اللي في الحفله و اتزوجها عليك..
هنادي: اذبحك!!!!
خالد: و الحياه بتكون حلوه من غيري؟؟
هنادي بثقه: اعيش من غيرك احسن عندي من اني اشوف وحده ثانيه تاخذك مني
خالد: ههههههه نسيتي ان في وحده ثانيه تشاركك فيني.
هنادي بنبره حزينه: هيفاء ان اللي اخذتك منها ماهي ..........
خالد قطع كلامها: لا يا حلوه انا اتكلم عن اللي.......
هنادي حمرت: خااااااااااااالد!!!!!
خالد: هههههههه ولا تزعلين عن الحلوه اللي في بطنك..
هنادي: لا يا قلبي انا بجيب ولد علشان تغار منه لما ابوسه..
خالد: ههه ماهي مشكله اذا بستيه مره ابوسك مرتين!!!
هنادي: ما راح اسمح لك
خالد: هههههه مو ضروري تكونين صاحيه لما اسويها....
هنادي بنرفزه: خالد يا ويلك

في نفس الوقت: اسماء و تركي:
اسماء: لا تخاف علي كل الاذكار قريتها ...
تركي: الحمد لله، تدرين عمري الناس هالوقت ما تذكر ربها لاشافت الزين..
اسماء: يعني انا حلوه؟
تركي: احلى وحده في الكون..
اسماء ببرود: كذاب..
تركي: والله ما اكذب، انتي في نظري احلى وحده و حتى لا كبرتي بتظلين احلى وحده..
اسماء: حتى لو اوقف الرجيم؟
تركي: حتى لو توقفينه، جسمك عاجبني في كل الحالات..
اسماء: انت اهم شيء عنك الجسم..
تركي: ههه و صاحبة الجسم... و قلب صاحبه الجسم..
اسماء: لا القلب بعيد عن منالك..
تركي: راح اوصله يا اسماء..
اسماء: لحد الحين مصر؟
تركي: اكيـد و ما ارح استسلم.. ابدااا..
اسماء: بس التحدي كل ماله و يصعب..
تركي: قصدك كل ماله و يسهل يا عمري..
اسماء: تدري اني ما اقدر ارد عليك بنفسها..
تركي: قلبي و روحي و حياتي و عمري كله يا حبيبتي... يكفيني انك تسمعينها باذنك الحلوه..
اسماء: تركي بليـــــز
تركي: ضايقتك؟..
اسماء: ما اقدر اتضايق من كلامك انا.؟؟
تركي: الحمد لله...
ام سعود: افففففففففففففففف..... بس انتي وياها معنا بنات.
مها ومنال: كانوا يضحكون بصوت عالي .. وفجأ .طاااااخ..
صدم السايق سياره كانت شوي مسرعه، فؤاد اللي يجلس جنب السياق نزل بسرعه لجهة باب هنادي: عمتي صارلك شيء..
هنادي كانت حاطه يدها على بطنها من غير قصد صدمتها اسماء بيدها: حصل خير فؤاد تطمن مافيني شيء .. مشى فؤاد لصاحب السياره الثانيه و بدأ يتفاهم معه.. . تدريجيا بدا الصوت يعلى ..
فؤاد: انت انسااان وقح!!!
.........: انا وقح!!! انت ما تعرف انا منو؟؟
فؤاد: ما يهمني انت منو؟؟؟
.......: لا لازم تعرف انا منو لان شغلك راح تنفصل منه و راح .........
واستمر يهدد، هنادي ابدا ما كانت مرتاحه من الوضع، فتحت الباب و بدت تنادي لفؤاد: فؤاد كافي ارجوك!!
فؤاد: حاضر يا عمه.
..........: ههههههه حرمه تمشيك مثل الشغاله!!!
فؤاد رفع يده ولكم الرجال بقوه طيحته الارض: انا اعلمك يااا حثاله!!!!
هنادي: فؤاااااااد !!!
مها حست ان الوضع ما راح يعدي على خير وهنادي شكلها تعبانه، نزلت من السياره و قربت لفؤاد: فؤاد اتركه عنك مشينا!!!
مشى فؤاد و ترك الرجال اللي كان يسب و هو ويحاول يوقف، مها من غير تفكير كانت بتشوف الرجال اذا صار فيه شيء، بس شافت وجهها و ياليتها ما شافته: محمد؟
محمد: تعرفيني؟؟
مها حست بدموع تتجمع في عينها بس الصدمه كانت كبيره، محمد في الرياض؟ و سيارته مايباخ و لابس سبورت؟ و يتكلم بثقه (انت ما تعرف انا منو و ولد منو؟) حست بان رجولها ما عادت تشيلها مشت لسيارة وركبت و حركت السياره على طول...
محمد كان يراقب السياره اللي مشت لبعيد: غريبه انا ما اعرف غنيه حييييل؟؟ هذي شلون عرفت اسمي؟؟
هذا أنا في وحدتي
بعدك على الله العوض
لا شفتني بمرايتي
غيرتني ماعدت أنا
بين على وجهي العنا
وصارت تعابير الحزن
تمحي تعابير الهنا
واتصنع البسمة عشان
الفرحة بوجهي تبـان
وشلون بس وبسمتي
وضع على الوجه انفرض
يالله على الله العوض
وشلون بس وكل شي
أيام قربك كان حي
واليوم مابين الحياة والموت
لاتحزن علي !
لا شفتني بعدك حزين
باكر تفرحني السنين
مدام بعدك قسمتي
ماني على امر الله معترض
يالله على الله العوض
بصبر وانا ياما صبرت
وياما قدرت و ماقدرت
اجني ثمر طول الصبر
وياما من احبابي خسرت
بس انت مابي اخسرك
دايم بشوق اتذكرك
وصورة قبال مرايتي
كل يوم تجمعنا بعض
يالله على الله العوض

-
-
-
-
الحفله كانت كريهه و ممله على مها، منال بدت تتعرف على سيدات المجتمع اللي كانت تعرفها عليهم اسماء و ام خالد، هنادي تحججت بانها تعبانه و جلست جنب امها، هيفاء ما حضرت الحفله، وعبير طبعا مسافره..
مها كانت مصدومه في محمد، معقوله كان يكذب عليها؟؟ معقوله كان هدفه دنيئي لهذي الدرجه و مصور في الباحه و انه فقير بس علشان يكسب عطفها، معقوله يكون كلام منال وانه متفق مع العقرب و يكون صديق العقرب اللي معروف بالمغازل..
من جهه ثانيه هنادي كان بطنها ذابحها من الالم... فسرته في البدايه انه الخوف لما صدموا السياره و بعدها من ضربت اسماء لها و بعدها من خوفها بعد شجار فؤاد مع الرجال لكن بعدها من شيء بدت تحس فيه ينزل منها: يمه انا طالعه لجناحي...
ام سـعود: عسى ماشر؟؟
هنادي: ماشر بس احس مكياجي اخترب و بعدله..
ام سـعود: مكياجك مافيه شيء، تهبلين
هنادي وهي تصطنع الهدوء: يمه قلت لك بروح لجناحي .....
ام سـعود مسكت يد هنادي: هنادي قولي لي الحقيقه..
هنادي حاولت تتهرب و مالقت غير كذبه تنهي الموضوع: خالد في الجناح يبي يشوف لبسي!!
ام سـعود ابتسمت لها و تركت يدها: الله يخليكم لبعض.
هنادي بابتسامه مصطنعه: أأأأأمين...
مشت هنادي لجناحها و بعد دقايق قربت ام خالد من ام سـعود: وين هنادي؟
ام سـعود: راحت لجناحها..
ام خالد: ليش ؟
ام سـعود: تقول بتعدل مكياجها و بترجع.. في شيء..
ام خالد: لا بس قريبتنا جايه مخصوص علشان تشوفها و ما تقدر تطول بطلع اناديها...
-
-

هنادي كانت تمشي بصعوبه لغرفتها، حاس بالم فضيع، وغريب ، كانت حاسه انها بتنهار في أي لحظه لما قربت من الجناح شافت هيفاء واقفه جنبه نزلت شيء قدام الباب و مشت لجهة السلم الخارجي وطبعا كانت لابسه عباتها..
مشت هنادي و اخذت ظرف كبيره كان داخله مجموعه اوراق: الى هنادي!!!
سحبت هنادي كانت في ورقه مكتوب عليها الحقيقه المخفاه بعدها مجموعه صور، الصوره الاولة كانت عباره عن صوره ممزقه و مركبه الصور في اماكنها و معاد تلزيقها لعبدالله و خالد ..: هنادي ليش هذي الصوره ممزقه؟
الصوره اللي بعدها كانت لخالد و هيفاء و هم صغار و هيفاء بايسه خالد على خده..
هنادي غارت من الصوره اخذت اوراق بعدها، وانصدمت، الاولى كانت عباره عن بيت ابوها عبدالعزيز، اشتراه خالد و سجله باسم عبدالعزيز: بيتنا مشتريه خالد؟
الورقه اللي بعدها كانت عباره عن فاتوره مصاريف سفراتهم اللي سافروها..
الورقه اللي بعدها كانت عباره عن تكاليف حفلتها اللي سوتها بمناسبه تخرجها من الثانويه و اللي كانت كبيره و ظلوا بنات حيهم يسولفون فيها مده طويله..
هنادي: خالد؟ ايش معنا هذا!!! انت تزوجتني لان امي طلبت منك!!! بعد ما رفضتني في البدايه ... انا سمعتك بنفسي.... لكن اللي قدامي... يأكد انك غير هذا..
اخذت هنادي الورقه الاخيره وكانت مثل الرساله.. السبب اللي دفع خالد ان يهتم ببنت ماهي من مستواه و عايلتها و يمثل دور المحب العاشق في الصوره التاليه..
سحبت هنادي الصوره الاخيره، وتوسعت عيونها...
الصوره كانت عباره عن خالد مبتسم بشكل ما شافته هنادي في حياتها كلها و هو اصغر بعشر سنين او اكثر و حاضنهااا..: هذي اناااااااا.... لااااااا مستحيل هذي ماهي اناااا خالد صغير!!!!... بس هذي تشبهني؟؟؟ خالد سعيد معها؟؟؟ هذي..... الصوره السبب في ان خالد صرف علي؟؟ لاني اشبها؟؟ بس.. هذي من؟؟؟
هنادي انتبهت على احد قرب ظنتها هيفاء رجعت تفسر الموضوع بس تفاجأت انها خالتها..
ام خالد: هنادي؟؟
هنادي قربت لخالتها و مدت الصوره لها: من هذي؟؟
ام خالد توسعت عيونها و توترت لحظة ما شافتها..: هذي...... اه.... هذي....
هنادي نزلت يدها لبطنها و حاولت تضغط عليه يمكن يخف الالم الفضيع اللي حستفيها وتكمل السؤال:ارجوك قولي لي...... ان كنتي تحبين خالد .... ارجوك....
ام خالد نظرت للصوره مره ثانيه و بعدها لهنادي و بحزن جاوبت: هذي سارا... زوجة خالد قبلك و قبل هيفاء...
هنادي اللي وجهها كان مليان عرق انهارت على الارض...
ام خالد بصراخ: هناااااااااااادي لااااااااااااا...
-
-
-
في مكان ثاني خالد فز في مكتبه: سارا؟............لااا هنادي .......هنادي اكيد صار لها شيء؟؟

عساك بخير
كثر مايحمل احساسك
نوايا خير
وكثر ماقلبي يتمنى
تكون بخير
تعبت اسأل عليك الناس
واطمن قلبي والاحســاس
وانك لو بعدت بخير
عساك بخير
تعبت اناظر القمرة
عسى شوفك يجي بشوفي
تعب من ها الصدى صوتي
وتعبني عليك خوفي
وانك لو بعدت بخير
عساك بخير
غريبة دنيتي بدونك
أشوف وفاقد عيونك
ولا ادري كيف انا للحين
اعيش ايامي من دونك
وانك لو بعدت بخير
عساك بخير