رواية لأجل من احببت سأكون قوية الفصل الحادي عشر 11 - بقلم امل

من اشوفك انسه كلشي😊
وتضحك الدنيه بكبرها 😘
يالله الضحكة حبيبي👫
حديثه تتباهه بخصرها😍

‿ٍ➶⁀➷‿➹⁀➷‿➹⁀➷‿➹ّ⁀ً➷

في صباح يوم جديد كعدت بكسل وحاولت تنسى الي صار وما تضوج روحها علموده لان ما يستاهل

ونزلت الصاله لكت الكل متجمع ماعدا البنات وابوها لان راح للمستشفى ويردون يبدون الاكل

ابو جود:هلا بجنتي همزين كعدتي تعاي تريكي ويانه
سما:مشكور عمي
وجلس الكل ياكل
ام جود:جود لهسة ماكعد لازم اروح اكعده لا يتاخر
حيدر:خليني انا اكعده
ابو جود:لا انتي ولا هو..هسة عنده مره وهيه ملزومه تكعده مو هيج يا بنتي

سما وهي تمرر يدها ع ركبتها وهيه تسوي هالحركه اذا ارتبكت او خجلت :😳هااا..اي صح..بس ..انا..يعني

ابو جود:لا بس ولا شي..لا تستحين بنتي هسه صار رجلج ولازم تتعودين عليه

سما:هااا اي
وصعدت تكعده بس وصلت لغرفته وارتبكت اطب فدكت الباب ع امل ان يكعد بدون ما تدخل

نور من خلف سما:لا تحاولين لازم ادخلين وتحركينه ياله يكعد
سما كمزت:وجع ما تعرفين تحمحمين..تجين من وراي جنج جني

نور وهي تتثاوب:ليش انا ولد حتى اتحمحم..اكول حطوا الريوك لو بعدهم
سما:اي جاي يتريكون.. نور حبيبتي تعاي انتي كعدي اخوج فدوه

نور:لا معلي هنوب يطيح حظي..نوبات حيدر يكعده ويشبعه رزايل هوة من يكعد الصبح نفسته كلش ومزاجه يتعكر..بس امي تكدرله..واكيد انتي راح تكدريله بعد انتي حبيبه القلب😉..هسة دورج

سما:(يمه هوة بلاشي ونفسيته خايسه وياي..هنوب وهوة معكر مزاجه..شلون بيج يا سما..اهوو شيريد يسوي يعني اكعده واطلع بسرعه ميرادلها شي..بسم الله..يا الله ساعدني..انا طابه اكعده لو طابه افتح الحبشه..المهم دخلي يله)

اخذت نفس ودخلت وكانت الغرفه بارده وظلمه..دخلت بهدوء وشغلت الاضويه وصفنت بشكل غرفته..كانت مرتبه واثاثها كيوت وراقي ويدل ع رقي صاحبها..هيه صح دخلتها قبل بس ما انتهت لتفاصيل الغرفه بسبب خوفها وارتباكها وقربها من جود .. بعد ما تجولت عيونها بكل الغرفه اخيرا طاحت عينها ع الي متمدد ع الجرباية

سما:(ياحماره لا تبينيله انج ضعيفه..حتى لو خايفه منه..فتصنعي القوه ع الاقل..اذا حس انج خايفه فراح يستقوه عليج..شهيق زفير..)

تقدمت وتخصرت كباله:حضره الاستاذ الكريم..يله اكعد..احجي وي منو
راحت طفت التكييف ورجعتله حركته وما كعد فسحبت البطانيه
سما:انته ما ينفع وياك....
سكتت لمن شافته عاري الصدر لابس بس سروال
رادت تشرد بس حست بايد كضتها وسحبتها وطاحت يم جود وحظنها باوعتله بفزع وخوف لكته مغمض عيونه

سما:(معقول نايم..ياربي ساعدني)
سما صارت طماطه من الخجل وخصوصا لانه عاري الصدر فهذا اخجلها اكثر وحاولت تسحب نفسها وتكوم بس هوة حظنها من خلف وهمس بصوت ناعس

جود:ريهام ليششش

سما استوعبت الاسم عقدت حواجبها( هلو هلو..هاي منو بعد ريهام..ليكون يخوني الخاين)

سما:هيووووو انته منو ريهام😠
جود فتح عيونه واستوعب الموقف وما عرف شيكول

سما:هلا بالخاين ابو النسوان..طلعت تلعب بذيلك..
جود بسخريه:😏وانتي شعليج..ليكون حبيتيني وتغارين
سما دفعته وكامت وتخصرت:يا احبك..ليش تخبلت حتى احبك..بس واجهتي الاجتماعيه ما تسمحلي اني اخليك تخون..شتكول الناس عني توهم مخطوبين وخانها..لا عيني لا ما اسمحلك..هنوب يشكون بانوثتي واني ما ماليه عينك

جود كتم ضحكته:اي انوثه واي حاله ..شكلج ماخذه بروحج مقلب..الله وحالتج الاجتماعيه حيله بياعه متنكره وبنت فكر..عن اي حاله تحجين..اخاف تحجين عن حاله بنت ثانيه..والله يستر شمسويه بسبب الفقر 😏

سما شالت المخده وظلت تضربه :لا تكول بنت فكر..وانا اشرف منك ومن الخلفوك

جود حاول يمسكها..وسحبها ع السرير وثبتها:شكل الكف ما رباج ..يرادلج واحد ثاني
سما:وخر عني اكرهك ابو النسوان..
جود ابتسم ع محاولاتها انها توخره ونسه عصبيته:اي وبعدين..شلون راح تكومين
سما:وخررر لا والله اصيح والمهم عليك
جود:اي صيحي..اكلهم خطيبتي وبكيفي
سما:ساعه السوده الخذتك..ابو النسوان(حاولت تكوم بس ما كدرت)
جود كاتم ضحكته عليها وع حركاتها انها توخر وما كدرت: سما(تحولت ملامحه للجديه) لاتسوين تصرفات تخليني اضربج ..انا ما احب اضرب مرأه فليش جبرتيني اني اضربج..رجاءا لا تنرفزيني واطلعيني من طوري ..لان من اعصب ما اتحكم بنفسي

سما ناظرت بعيونه وحست اول مره يكلمها بجديه وبدون سخريه وبشكل لطيف..فما عرفت شتكول وبدون ادراك طاحت نظرتها ع عضلاته وعضلات بطنه المميزه ورجعت انكلبت طماطه وفرت وجهها للجهه الثانيه
سما:ممكن تلبس هدومك اول شي

جود ابتسم ع خجلها:ليش يعني مستحيه عود..لازم تتعودين عيوني بعد وراج العمر كله راح تشوفيني هيج او اخس من هيج

سما انقبضت بطنها من مجرد كلامه لو صارت صدك شسوي:نعم منو كلك اني راح اسمحلك..ترى انا ازوجتك علمود امي..مو عدالك صدك مرتك وراح احبك.. فلا تعيش الدور
جود مسك ذقنها ولف وجهه لها وابتسم بسخريه حلوه:ومن كالج راح اخذ اذنج حتى تسمحيلي.. ترى انتي مرتي ومن حقي اخذ حقوقي..رضيتي ولا انرضيتي..وصحيح نسيت اكولج..ترى حتى انا ما احبج فلا تعيشين الدور وتحجين عن الحب اوكي

قاطعت محادثتهم دخلت نور الي دفرت الباب ودخلت كانوا طابه تحرر الحبشه..وانصدمت بالمنظر وغطت عيونها
نور:🙈اعوذ بالله ..ولكم شسوون ..ولكم انتوا بس انخطبتوا بعدكم ما ازوجتوا..ربنا لا تؤاخذنا بما فعل السفهاء منا..يارب سامحهم توهم مخطوبين ومندفعين بمشاعرهم فلا تواخذهم يارب..استغفر الله استغفرالله

ولفت ورادت تطلع واندعمت بالباب لان مغطيه عيونها:ااااي ..كله منكم ما تستحون..والله اذا طلعلي زعرور والله الا اخذ منكم فصل يا قليلين ادب

جود وخر عن سما وهو يبتسم ع خبال اخته وسما انتهزت الفرصه وشردت لغرفتها

نور ولا زالت مغطيه عيونها:صدك تعال تريك ولا تطلع بدون ريوك كالعاده ..يعني لازم كل يوم الزملك خفر علمود تتريك

جود:وخري ايدج عن عيونج راحت البنت

نور نزلت ايدها وابتسمت :ما جنت ادري بيك عندك جانب جامح😈😉.. ما جنت هيج حتى من كنت🙊..
ما كملت كلامها ونكلب وجهها من مرح الى خوف

جود عقد حواجبه وتكلم بحده :طلعي بره
نور:انا اسفه مو قصدي

جود بصياح:طلعييي بررره
نور انكلبت ملامحها وراحت للغرفه

قابلتها بدور بالطريق:شبيج نور صاير شي
نور ما ردت عليها ودخلت غرفتها
ولحكتها بدور ودكت الباب عليها
بدور:فتحي الباب نور عفيه..شبيج..ما اتحمل اشوفج هيج
نور:بدور عفيه تركيني بحالي بعدين اكلج شبيه
بدور:اوكي ع راحتج

***
جود:(بعد كل هالسنين هم ما نسيت الي صار..بس اختي جابت طاري الموضوع عصبت.. وع منو عصبت ع نور..عاد الا نور حبيبت كلبي..لشوكت اظل هيج..اخخخ منك يا جود..انسى كل شي وعيش حياتك.. ماتستاهل تفكر بيها اصلا..وحده خاينه)

***
سما:(يمه كلبي راح يوكف..بس لحظه انا شكد غبيه بس نرفزني نسيت موضوع ريهام..الا اعرف شنو سالفتها)

**
جود بدل وراح لاخته ودك الباب
نور:روحي بدور الله يخليج مالي خلك احجي..لتلطشين
جود:هذا انا
فتحت نور الباب وباين ع وجهها ملامح البجي
جود من شافها هيج راسا حظنها:مو قصدي اصيح عليج وازعلج..بس تدرين بيه ما اتحمل هذيج السيره

نور:انا الاسفه ما جان قصدي اجيب طاريها ..واصلا انا ما زعلت عليك..انا زعلت ع روحي لان ضوجتك وذكرتك بذكرى انته تريد تنساها سامحني(ودمعت عينها)

جود مسح دموعها وباس راسها:مو انا اليزعل ع حبيبه كلبه

نور:متاكد اني انا حبيبه الكلب لو سموه😉
جود ابتسم:رجعت لرعانتها..لو ظاله زعلانه احسن
نور:شفت مجرد جبت طاريها ابتسمت..ايبااااه لعد لو تكعد وياها شسوي..اكيد اطك الكشره من الذان للذان

جود:😒يلا عاد لا تزودينها..شنو شايفتني ميت عليها..هيه بالنسبه الي كاي مراه

نور:اممممم عليه..بس راح امشيها الك مع اني ما مصدكه
جود:مو مهم رايج لا تصدكين
وراح

**سما شافت جود طلع من الشباك ونزلت للصاله وشافت ابوها وام احمد والجد والجده

سما:السلام عليكم
ام احمد:وشبيج اسلمين من ورى خشمج لازم تكومين تبوسين راس جدج وجدتج وابوج

سما:بس انا ما اعتبرهم لا ابوي ولااجدادي..همه بالنسبه اليه غرب..انا من انولدت وانا عندي بس امي من اهلي كلهم

ابو احمد:😪 متى ناويه تسامحينه..والله مو بقصدي اتركج
سما:تقصد ولا ما تقصد..انته جان كل اليهمك ولد..واجالك الولد الي ما شفناه..فرجاءا خلي ابوتك لولدك..هوة اهم من عدنه عندك..فلا تسوي روحك كلش تحبني وتعيش دور الاب..

الجد:هوة ماله ذنب ..انا السبب بكلشي فلا تعاقبينه هوة
الجده:سامحي يا بنتي..ترى الحقد ما يولد الا الحقد

سما كامت:الحقد هوة جابه لنفسه..وانته وياه اثنينكم السبب..بس بسبب ضعفه وخوفه منك هوة الي خلاه يسكت..لو كانت شخصيته قويه جان ما صار كل هذا..وما جان امي هسه بالمستشفى بسبب التعب..الله يكومها بالسلامه وراح اخذها واطلع..مو عدالكم اظللكم دوم

ام احمد:😏وين تروحين يا بعد امج..انتي هسة نربطتي مدام ازوجتي جود

سما:(اي والله شلون ما فكرت بيها..عادي من تكوم امي بالسلامه اطلب الطلاك ما معقوله يظل وي مره ما تريده..اكيد راح يترك بسرعه..بس امي راح تقبل؟؟..المهم انا اقنعها اذا كامت بالسلامه..مستحيل ابقى وي واحد متعجرف ويتحكم حتى بقراراتي..اففف انا شلون رضخت للضغوط وخذته😪..هوة صح حلو ويجذبني بس مغرور ورافع خشمه عليه وياخذ اليريده حتى لو ما سامحتله وما يعجبني هالشي واهم شي ما يحبني ويحب وحده ثانيه ومن حقي افصخ)

**:يمه يمه وينج
ام احمد فزت:يمه ولدي يا بعد رويحتي
واستقبلته بالاحضان والبوس.. وسلم عليه الكل ونزلوا خواته سلموا عليه

حنان:فديتك يا اخوي وين جنت..(ناظرت سما بطرف عينها)بغيابك الغربه استحلوا البيت وبدت المشاكل

الجده:ما غريب الا الشيطان..كلنه اهل وانشالله ماكو غربه
احمد:الظاهر بغيبتي صارت هواي اشياء..خل ابدل وكولولي كلشي

ابو احمد:ماكو شي..بس صارت عندك اخت جبيره..وهاي هيه واسمها سما..فياريت تعاملها باحترام وما نريد مشاكل

احمد:شنو اي اخت..وشوكت ازوجت..واحنه اخر من يعلم..وانتوا شلون تتقبلون وحده من الشارع وادخلونها بيتنه ..الله واعلم شلون جانت عيشتها..هسه تخزينه وتجيب النه العار..جان خليتها بوصخها

تقدمت سما وضربته كف والكل انصدم وظل يطالعلها بذهول..
سما:ما وصخ الا انت..انا اشرف منك يالوصخ..وامي ربتني احسن تربيه وانا اشرف منكم كلكم

احمد:انتي شلون تتجرأين
وحاول يضربها بس ابوه وكفه

ابو احمد:كاااافي روح لدارك..من بدايت جيتك مشاكل
وسحب احمد لغرفته
احمد:راح اخليج تتندمين ع هالراشدي..وراح تشوفين

ام احمد وهيه فايره بس مستحمله وما ضربت سما احتراما للجد:خليه يضربها الما مربايه..الظاهر يرادلها تربايه من اول وجديد الظاهر امها ما ربتها عدل بسبب مرضها

سما:مربايه احسن منج.. وامي تسواج وتسوه طوايفج..ولوو امي مو احسن منج جان ابوي ما ظل يركض وراها ويطلب السماح منها بعد كل هالسنين😏..وانتي لو احسن من امي..جان نسه امي وظل وياج ..

ام احمد حست بنار الغضب والغيره شبت بكلبها ورادت تضربها بس الجد منعها
الجد:شنو هالمهزله ..ماكو احترام للاكبر منكم
ام احمد:اسفه عمي (ناظرت لسما بحقد وراحت)

جود وصل للشركه ودخل بهيبته والكل كاموا يسلمون عليه

جود:سلطان سويت الي وصيتك عليه
سلطان:اي استاذ وديت اغراض تكفي شهر لكل بيت..بس ما افهم استاذ ليش ما تخلي احد يعرف منو المرسل..ليش ما تبي الناس تعرف انك ادز صدقات للفقره

جود:اول شي انا من انطي الصدقات فابي الثواب من الله مو من الناس..وثاني شي اذا امشي واكول انا انطيت صدقه لفلان وعلان فراح تصير مذله مو صدقه وراح تحط الفقير بموقف محرج..فياويلك احد يعرف انطينه احد شي اوكي

سلطان:مدام كلبك طيب وتخاف ع مشاعر الاخرين..فليش تمثل كبال الناس انو انته قاسي وتمشي وتجرح احد او اذب عليه كلمه😒

جود:سللطااان لا ادخل شي بشي..وبلا حجي زايد وكابل شغلك
سلطان:حاضر

***
سما جانت رايحه لغرفتها وقابلتها حنان واعترضت طريقها
حنان:اذا شفتج مره ثانيه مزعله امي راح تشوفين شي ما يعجبج..انتي وامج ليش دخلتوا حياتنه .!حتى تخربونها لو علمود الفلوس..اذا علمود الفلوس فانا انطيج فلوس بس تركينه بسلام

سما:تادبي اوكي ولا تحاجين الاكبر منج هيج.. انا لا رايدتكم ولا رايده فلوسكم،.وحياتي جانت عاجبتني قبل لا اشوف جهركم

حنان:مدام عاجبتج فليش جيتي تركونه بحالنه..مسويه روحج شريفه وما تردين الفلوس بس انتي وامج ناس طماعين تردون تكوشون ع كل شي..ناس قذره
تركتها وراحت بدون ما تسمع رد سما

سما دخلت لغرفتها واتصلت بامها

ام سما:الوو
سما:هلا يمه..الله يخليج يمه هسة انتي مو صرتي زينه خل نترك كل شي ونرجع مثل قبل الله يخليج..تذكرين من جنه كاعدين لوحدنه جنه دوم فرحانين ع الرغم من فقرنه..بس هسة مع كل هالفلوس ما مرتاحين..

ام سما:شتكولين يمه ما اكدر ارجع لقبل..
سما:ليش يمه ما تكدرين
ام سما بكذب:ما اكدر اظل وحيده مثل قبل..انا هسة متونسة لان رجعت حياتي مثل قبل وراحت ايام الفكر ..اصلا جانت حسره علينه اللكمه وهسة ما شالله كلشي عدنه وانتي تكدرين تشترين كلشي

دخل ابو احمد:اجيت حبيبتي واشتريتلج اكل اكيد شبعتي من اكل المستشفيات الي يلعب النفس

ام سما:تسلم مشكور
سما بسخريه:😏كل اليهمج الفلوس..واكيد رجعتي لرجلج علمود الفلوس..وانا اكول ليش رجعتيله بعد ما تركج علمود وحده..يمممه تذلين نفسج وترجعيله علمود فلوس..ما جنت اظنج هيج ماديه

ام سما:لا تكولين هالحجي..انا ما رجعت علمود هيج..انا رجعت لاني..."رادت تكلها الحقيقه بس بالكوة كضت لسانها"
سما:لان شنو
ام سما بلعت الغصه وغيرت الموضوع:لان ما اريدج تعيشين بفكر وابوج عنده كل هالفلوس

سما:يعني الي كالوا صح..احنه جينه علمود الفلوس..وانا جنت اتعارك وياهم علمودج وانتي طلع هذا تفكيرج مادي..تدرين انا جاي انذل هنا علمودج

ام سما:فهميني يا يمه انا..
سما:ما اريد افهم شي..انتي كل اليهمج الفلوس وتظلين يم رجلج..ما همج اني انذل او اني ما مرتاحه وياهم..اهم شي راحتج مو..ما ربيتيني ع هالشي..فليش تغيرتي..مجرد فلسين يغيرج..تدرين انا هسة ما اتشرف بيج اكول هاي امي..لانج وحده ماديه ما تريدين حتى تشوفيني حتى تختلين برجلج وفلووسه..مثل ما تردين راح اخليج ع راحتج ولا ازورج وبعد حتى ما اراويج وجهي..ظلي وياه وويه فلوسه..من يوم ورايح اعتبري ما عندج بنت..اعتبريها ماتت

سدت السماعه بوجهها<في بعض الاحيان وبلحظه غضب نسمع الي نحبهم كلام جارح وبدون قصد بسبب عصبيتنه..وما ندري انوا احنه راح نتندم ع هالكلام..لان الدنيا مالها امان وما ندري بيا لحظه راح نفقدهم..>

ام سما:لا بنتي انته فاهمه غلط..الووو سماااا سماااا
انهارت ام سما وظلت تبجي
ابو احمد:شنو شصاير
ام سما:سما عبالها انا ماديه..تعتقد راح تكرهني

ابو احمد:لا تكولين هالحجي..هيه بس معصبه لان صايره مشاكل بالبيت..وبس تهده راح تتصل وتعتذر صدكيني
ام سما:انشالله
ابو احمد طلع وراح شاف الدكتور:كلي شلون صحه ام سما
الدكتور:والله مدري شكلك..بس حالتها كلمالها وتسوء..وما ينفع وياها دوه..واحنه ما بيدنه الا بس ننطيها مسكنات تخفف المها..والاعمار بيد الله..اذا قاسملها الله تعيش فراح تعيش

ابو احمد تنهد:والنعم بالله
طلع ابو احمد من المستشفى وحس الدنيا ضاكت عليه وساق السياره باقصى سرعه وما يدري وين يروح..يمشي بدون وجهه

**
ام احمد تلبس حجابها ورايده تطلع
بدور:يمه وين رايحه
ام احمد:مو شغلج لا تتليكفين..ما ناقص بس انتي تحاسبيني
بدور:شدعوه هسه انا شكلت
ما ردت عليها وطلعت

سما جانت تتمشى بالحديقه وحست بالندم ع الكالته لمها بساعه عصبيه
(يارب انا ليش سمعتها هالكلام..مهما يكون هاي امي وميصير ارفع صوتي عليها..ياريت انكص لساني قبل لا ازعلها..اتصل عليها واصالحها لو شسوي!! (وبعد تفكير)😊لكيتها اشتريلها هديه واروح اصالحها بنفسي وحتى لو ما قبلت تقابلني هم راح ادخل)

راحت ركض لغرفه نور
سما:نور فدوه اريد اروح السوك
نور:خير شكو
سما:اريد اشتري هديه لامي
نور:شنو اجه عيد الام وانا ما ادري
سما:لا بس زعلتها واريد اراضيها
نور:اوكي بس لازم تاخذين اذن جود
سما:وهوة شدخله
نور:شنو شدخله!! هوة هسة خطيبج ومسؤول عنج مو حلوه اطلعين وما تكليله
سما:اوكي اوكي..بس هوة اخاف يجي متاخر وبعدين نتاخر
نور:اوكي خابريه
سما:هاا بس انا ما عندي رقمه
نور:شعجب ما تبادلتوا الارقام
سما:ما عندي تلفون فشسوي برقمه..المهم دكي عليه من تلفونج وكليله
نور اتصلت عليه

**
جود كان متعصب لان سلموا اوراق الصفقه بمعلومات مخربطه
جود:انتوا ماتفهمون ..هسه لو مسلم الاوراق بدون ما اطلع عليها جان رحنه بداهيه..منو المسؤول عن هاي الخربطه
سلطان:استاذ بس اهدء ..متفيد العصبيه بشي
جود:شلون ما اعصب وانتوا شغلكم يرفع الضغط..عسا ما الواحد يهدكم دقيقه الا تكلبون الشغل فوك تحت..الحين تخصمون من راتب المسؤول عن هالخربطه

سلطان:بس استاذ هذا خطا بسيط وما يسوه كل هالعصبيه وكص الراتب
جود:هذا الخطا البسيط التحجي عنه جان خسرنه ملايين..وبعدين الخطا البسيط راح يسحبنه لخطا اكبر اذا سكتناله
سلطان:بس استاذ...

جود ضرب المكتب بعصبيه:سلطااااان..انته صحيح الك معزه بكلبي بس وكت الشغل ما اسمحلك تدخل ومره ثانيه لو ناقشتني بخصوص موضوع الشغل فراح اخصم من راتبك انته هم
سلطان:اسف استاذ

دك تلفون جود
جود:الووو
نور:سلام..سما تريد تكلمك
رمت التلفون ع سما
سما:يالحيوانه انتي حاجيه مو انا..(ترددت ترد بس بالاخير ردت
سما:سلام
جود:عليكم
سما:احم اريد اروح للسوك ونور كالت لازم اخذ اذنك
جود:اي طبعا لازم لو حضره جنابج جنتي ناويه ترحين بدون اذن
سما:افففف شكلك تريد تكلبها عركه وانا مالي خلكك
جود رفع حاجب:شنو مالج خلك..احجي باسلوب عدل لا اكسرج
سما:لا خوفتني كمت ارجف..المهم انا بس حبيت انطيك خبر راح اروح
جود:😏عشان اسلوبج المزفت هذا فماكو طلعه..والحرس راح انطيهم خبر ما راح يطلعونج

سما بطريقه طفوليه:لا لاااااا اصير نحيس فدوه..اريداروح عفيه
جود ابتسم:خوش راح ادزلج مصطفى ياخذكم ويرجعكم
سما:اوكي باي

راحوا بدلوا وطلعوا

***
سلطان استغرب من تغير حاله جود..توه كان معصب وبسبب اتصال تغيرت ملامح عصبيته لابتسامه..وطبعا ابتسامه جود بالشغل نادره لان بالشغل جدي وما يعرف للضحك مكان

سلطان:منو المتصل استاذ
جود:نعم!!! ما ناقص الا تحاسبني ع اتصالاتي
سلطان:لا استاذ..بس استغربت فرحتك بالاتصال(بابتسامه)اكيد المدام مو! ما يغير مزاج الرجال غير المرة

جود:سلطاااان هاي اخر مره اسمع هالكلام فاهم..اذا ما عندك شي عن الشغل فاطلع بره رجاءا

سلطان :حاضر استاذ

عند سما خلصت مشتره ورجعت للبيت
نور:واي تعبت فريتينه فر ع شي واحد..اليشوف المشي المشيناه ليكول نريد نشتري السوك كله
سما:شدعوه..انتي بسرعه اتعبين..متعوده ع الكسل😒..يله امشي بس خل نصعد بدارج بدال ما متمدده ع الكنبه هيج جنج ذبيحه

نور:روحي انتي..انا تعبانه مابيه حيل اكوم..شوي والحكج
سما تركتها وصعدت
شوي ودخلت ام احمد وهي ترجف وبحاله هلع وخوف
نور:عمه بيج شي..تعاي كعدي..شصاير
ام احمد:م م مافيني ش شي
نور:بسم الله عليج راح اجيبلج ماي
نزل ابو احمد:ام احمد..شبيج..ووين جنتي اصلا
نور:هسه مو وكته عمي شوف حالتها
انطتها الماي وخذته بايد مرتجفه وشربته كله
نور:بسم الله عليج

اجه اتصال لابو احمد
ابو احمد:وعليكم السلام..اي انا..شصاير..شنوووو ماتت..جذااااب توني يمها ما بيها شي..انته جذاب ما ماتت
نور:عمي شبيك تبجي
ابو احمد وهو ما يشوف دربه..تركها وطلع ركض بدون ما يرد عليها
.
.
.
.
.
مع اني ما خلصت امتحانات بس كلت خل انزل بارت علمودكم..يارب نخلص من هالامتحانات ونفتك 😭