رواية لأجل من احببت سأكون قوية الفصل الخامس والعشرون 25 - بقلم امل

#هواي آجذب
        من #أگلــگ شلي بيـگ
إنـت نجمـةة
     #بحضن غيمه
واني گآاع.شلون

.        #آجيـگ😢
~~~❤️❤️❤️~~~

نور:بس سما مو تكولين لاحد اني كتلج كل التفاصيل مال القصه..لان همه اصلا ما يدرون اني ادري بكلشي..همه مايردون احد يدري بالسالفه علمود لايجرحون جود..لذلك جميع الاحفاد ما يعرفون السالفه بالتفاصيل..بس يدرون امه ماتت ورجعوه عدنه..بس تدرين انا فديتني ما يطوفني شي..وادري بكل شي😉

سما:😒اي انتي ذابه اذنج بكل مكان شلون ما تعرفين..بس اصدكين ابوج ما توقعته هيج..شكله يدل ع انه رجال معدل واله هيبته وابو زين..ما توقعت وراه هالسالفه

نور:كان بوقتها صغير وتدرين طيش شباب..بس مو تكولين لاحد والله اموتج..ولا تفتحين الجراح لجود

سما:اوك تدللين(اي اكيد ما يردون احد يدري لانه تاريخ يخزي ويفشل بحقهم)

****

سلطان كان موكف يم الصيدليه ورجع للسياره
سلطان بمرح:انا جيت
جود:😒ازغرطلك مثلا لو اطشلك ورد
سلطان:هه هه دمك صاير ثكيل..قصدي خفيف
جود:😒
سلطان:صج امي زعلانه عليك..تكول حتى ما تمر اسلم..صارلك جم شهر مو مار
جود: والله مشغول..انشالله امرلها يوم واطلب السماح منها
سلطان:تعال تغده عدنه بعد ما اطيب..بس هسة لو طلعت من البيت تشوف..كافي هالمره سمحتلك تشم هوه
جود رفع حاجبه:ماشالله!! وانا من شوكت اخذ اذنك قبل لا اطلع استاذ سلطان؟؟
سلطان:الله شحلات استاذ سطان بلسانك..عيدها عيدها واطرب اذني..العاده كله انا اكولك استاذ..اول مره تكولها
جود عقد حواجبه بالم:اكول انجب وامشي بسرعه .
سلطان بخوف:شنو يعورك شي..ليكون انفتح الجرح..كتلك لا تطلع
جود مع انه كان يالمه جرحه بس ضغط ع نفسه:مابيه شي..بس تعبت من الكعده

سلطان:هاي وصلنه..نام اليوم ابيت اهلك ماله داعي تروح لبيتكم هسة لانك تعبان
جود وهو ينزل:نشوف

****

سماوصلها مسج من عزيز"راح انطيج مهله شهرين علما تطلكين..بس ما ادري شلون راح اتحمل شهرين بدونج..راح احسها دهرين"

ودزلها كم بيت شعري وغزل

سما(عمه بعينك انشالله..مصدك روحه ومسوي روحه روميو..مالت عليك وع جهرتك الخايسه)

جود دخل للبيت واستقبلته نور
نور: اهلين والله جان طولت..يالظالم تطلع من المستشفى وانت بعدك مريض حتى ما ترد عليه..ما كلت هالحماره يجوز بالها مشغول..شلون ينطيك كلبك ما ترد
جود كعد كبال سما الي كانت تباوعله وتفكر
جود: كان ضايك خلكي وحسيت بالخنكه بالمستشفى وحبيت اشم هوة هذا كل الموضوع

نور:ولوو كان لازم اطمني
جود :حكج عليه
سما(شلون راح اطلك..جنت ناويه اسوي مشاكل وي جود واطلع روحه واخليه يطلكني..بس هسة بعد ما سمعت قصته كسر خاطري..وكلبي ميطاوعني اسويله مشاكل..مو كافي ماضيه التعيس هنوب اكملها عليه انا)

دك تلفونه وجان الحارس
الحارس:استاذ الشرطه هنا
جود عقد حواجبه:شيردون
الحارس:يردون يلتقون بالحجي ابو علي
جود:دخلهم بالديون الحجي وانا هسه اجي
سد التلفون:عن اذنكم لازم اروح ضروري

نور:خشمي يحكني معناتها اكو سالفه بالموضوع
سما باوعتلها باستغراب:وشدخل خشمج بالموضوع
نور :شبيج ..حاستي السادسه تشتغل بخشمي
سما:ههه امداج
نور:راح اروح اجسس

****

جود راح كال لجده ودخلوا للديوان سوه وصادف يريد يطلع حيدر وي دخله الشرطه..وشافهم يدخلون للديوان
حيدر:شنو السالفه؟؟
الحارس:ما ادري..استاذ جود كالي ادخلهم للديوان
حيدر:اوكي شكرا
دخلوا الجد وجود ودخل وراهم حيدر
وكان الشرطه همه يوسف وزملائه وجود اول ما شاف يوسف رجع لعصبيته

جود وهو يضغط ع اسنونه:انته شجابك هنا..انا ما اريد اشوف خلقتك باي مكان..ولاتتامل اسامحك وترجع المياه المجاريها مثل قبل فلا اتعب نفسك وتجي بعد
يوسف:انا مجاي هنا لقصد شخصي..انا جاي هنا علمود شغلي علمود احقق بالقضيه
جود:اذا تقصد قضيتي..فما راح اتعاون وياك ومن الافضل يحقق بالموضوع ضابط ثاني
يوسف:لا مو قضيتك
جود عقد حواجبه:لعد قضيه منو
يوسف:قضيه ام سما..انا استلمتها من يوم ورايح بدال الضابط الثاني

*****

نور وحاطه ذانها ع الباب وتسمع
سما بصوت واطي :ترى هالعاده مو حلوه..هسه شهالفضول الا تعرفين شيحجون..اكيد ع قضيه جود وجاي يحققون وياه
نور:اششش سكتي شوي..سموه القضيه ع امج
سما بتفاجا:امي؟؟؟

ووكفت يم نور وحطت ذانها وبدت تسمع

****

جود:انته شعرفك بقضيه خالتي ام سما..ومن سمحلك تكضها
سما بصوت واطي:عن اي قضيه يتحجون..انا ما اذكر ان عند امي قضيه
نور:ما ادري بس سكتي خل اسمع
يوسف:انا اعرف كلشي يخص عائلتكم
جود رفع حاجب:تتجسس علينه حضرتك
يوسف:كنت دوم اشوفك من بعيد وما اتجرأ اقرب ولا اطلب السماح لان ادري الصار مو شوي..بس والله من يوم الصار وانا ما تهنيت لا بنومه ولا بكعده..كان دوم ضميري يانبني..صدكني انا ما كنت ناوي اخبر الشرطه..كل مافي الامر اني كنت احب اخوي وما اضم عليه شي..فكتله الي بكلبي وخوفي عليك..وهوه استخدمها بغير شي
جود ببرود:كنت اظن انك هنا مو لسبب شخصي
يوسف:صح انا هنا لقضيه مقتل ام سما وصلتنه ادله جديده..وتبين من حققت وي الممرضه ان اخر وحده زارتها هي ام احمد..وبعد دقايق من طلعه ام احمد من الغرفه..ام سما ماتت
نزل هالخبر كالصاعقه ع الكل وانعقد لسانهم بس اكثر واحد انصدم هيه سما..لان مكانت تدري ان امها مكتوله..لا وبعد ام احمد الها دخل

كان الشال ع جتف سما لان توها واصله وما وخرته عنها فراستا لبسته وفتحت الباب ونور تلاحكت عمرها ووخرت بسرعه عن الباب ولبدت وره الحايط
نور بصوت واطي كلش وبخوف:حسبي الله عليج جان كشفتيني..بس لا احد انتبهلي
سما طنشت نور ودخلت ودمها يفور:امي تنكتل وحضره جنابكم ولا واحد يخبرني..صارلها جم شهر وما كلفتوا عمركم تكلولي..ليش دوم اسوالفكم بالسر وما تكولولي ع شي..ترى هاي امي ومن حقي اعرف كلشي عنها فليش دوم انا اخر من يعلم

جود :انتي شلون تطبين الديوان وهوة متروس رجال..انتي ما تستحين طابيه بين رجال لوحدج
سما:والله لو تكلولي ع كل شي جان ما انصدمت وطبيت عليكم هيج
جود من بين سنونه:طبي داخل ولا تعصبيني زياده
سما: ما اطب الا لمن اعرف كلشي
يوسف:العفو بس الظاهر اجيت بوقت غير مناسب
سما:لا بالعكس اجيت بالوقت المناسب..انا سما..بنت ام سما..واعتقد من الضروري اعرف كلشي عن امي..وشلون انقتلت
يوسف باوع لجود ..وجود هز راسه بمعنى لا
يوسف:انا لازم اروح هسة..عندي قضايا ثانيه ولازم اروح
سما:ما تروح لمن تكولي شصاير ومن شوكت وانتوا تدرون انها مكتوله
جود سحبها من ايدها لبره
سما:هدني ما خلصت كلامي
جود تركها من وصلوا للصاله بعصبيه:انتي شنو فلمج..يعني تتعمدين اطلعيني اصغير كبال الكل
سما:وشدخلك انت..كل الموضوع ارد اعرف شصار لامي
جود:كنتي تكدرين اتانيني اطلع واساليني..مو اطبين بلا احم ولا دستور للديوان وهيه كلها رجال..
سما:شنو يضمنلي اذا سالتك راح تكلي..مدام ضميت عليه الموضوع كل هالمده فشيضمنلي انك راح تكولي الصدك.
جود :هذا ما يبررلج اطبين للديوان هيج..يعني شنو موقعج وانتي طابه بين الرجال والسانج شطوله..شيكولون عني هسة مرته ملسونه وهوة مو كادر يضبها..انتي هسة مرتي وحفيده ابوعلي فرجاءا تصرفي ع هالاساس ولا تفشلينه..وسوالفج ايام الشوارع من جنتي بين الرجال انسيها

سما:ما تهمني لا انت ولا جدك..لو تحتركون اثنينكم ما يهمني..كل الي ارد اعرفه شصار لامي..وايام الشوارع ع كولتك اتشرف بيها..ع الاقل اشتغلت وصرفت ع روحي وع امي بتعبي وما مديت ايدي لاحد ..واذا انت كنت مستعر من ماضيي فبالطكاك يطكك محد كالك تاخذني

جود انطاها راشدي ومسكها من شعرها:عدلي اسلوبج وياي واحجي عدل ..لا والله ازوركلج وجهج
سما مسكت ايده بالم:اخخخ وخر ايدك
جود دفعها ع الكنبه:شغلي وياج بعدين..راح اروح للديوان وياويلج اذا وصلتي لباب الديوان او سمعت صوتج

جود راح وتركها وسما راقبته بقهر لمن طلع
سما:والله الا اعلمكم كلكم..اذا ما تكولولي شي..انا اعرفه بنفسي

راحت دخلت ع غرفه ام احمد وكانت  كاعده ترتب الهدوم
ام احمد:بسم الله شبيج داخله هيج بدون ما ادكين الباب..امج ما علمتج الادب😏
سما وهي معصبه:انتي شسويتي لامي ..ليش ماتت بنفس الوقت الي زرتيها فيه
ابو احمد كان بالحمام وطلع من سمعها
ام احمد بارتباك:شبيج انجنيتي..عن شنو تتحجين
سما:احجي عن امي..انتي كتلتيها لانج تكرهينها مو ..لان ابوي كان يحبها وعمره ما حبج مو

ابو احمد باوع لام احمد:شتقصد بكلامها
ام احمد:ه هسه ااصدك كلام هاذي..هاي اكيد حلمانه وجاي تهذي
سما:لا ما اهذي احجي شسويتي لااامي..كوووولي
ام احمد:طلعي بره..انتي شكلج بديتي تتخبلين وانا مالي خلكج
ابو احمد جان يباوعلهم ومو فاهم شي

سما ما تحملت نظره السخريه منها وهجمت ع ام احمد وكفشتها من شعرها
سما وهي تضربها:انتي الي موتي امي وحرمتيني منها ..انتي هااا..اعترفي..كوليلي شلون كتلتيها
ام احمد:اخخخ ابو احمد الحكني..بنتك انجنت
ابو احمد حاول يبعد سما:سما وخري عنها
واخيرا  كدر يوخرها
سما:ادافع عنها بعد ما كتلت امي..مو ع اساس اتحب امي لو بس كلام ابلاش..شلون ادافع عنها
ابو احمد:منين جايبه هالحجي
سما:الشرطه جوة واكتشفوا ان امي ماتت بعد ما زارتها ام احمد  بدقيقتين
ابو احمد باوعلها بتفاجا
ام احمد وهي تتاتأ: ال ال،الشرطه..ل لي ليش
سما حاولت تهجم عليها :وتسالين بعد يالمجرمه
بس ابو احمد كضها:صبري خل افهم

****

اما من جانب جود اول ما دخل للديوان حاجاه يوسف
يوسف:اسف شكلي سببت مشكله بدون ما اقصد
جود باوعله باستحقار:مو شي جديد عليك..دوم اسببلي مشاكل مو اول مره
يوسف:لشوكت وانت تظل شايل بكلبك عليه..شوكت اسامحني
جود:ما اسامحك لاخر عمري..السويته مو شوي
يوسف:يا اخي جنت جاهل وغلطت كلفي
ابوعلي غير الموضوع:انته ليش جاي علمود ام احمد..يعني انت تشك بيها انها الموتت ام سما
يوسف:انا ما كلت هيج..انا جيت حتى اسالها عن هالزياره..وبناء ع ردها راح احط افتراضاتي..انا مو من حقي اتهم احد بدون دليل
حيدر الي كان ملتزم الصمت :معقوله خالتي ام احمد تكون هيه السبب
جود:لا تتهمها..ما سمعته يكول ماكو دليل..كل هالشي افتراضات..يراد نشوف خالتي..اكيد الجواب عندها

سمعوا صوت سما وام احمد بده يعلى
جود بتذمر:شنو هاليوم الما راضي يخلص

طلع جود ووراه حيدر وبقه ابوعلي وي يوسف وزملائه
دخل جود للغرفه وتفاجأ كانت سما كاضه ام احمد من شعرها وابو احمد بينهم بس ما كدر يفصلهم وحنان كاضه شعر سما وتضربها ونور تحاول تفاككهم وبدور واكفه صفح كالعاده وتباوعلهم بخوف

جود بصوت عالي:بس كااافي
كلهم التفتوله ووكفوا
جود ناظر لسما:وانتي مو كتلج لا تسوين شي
سما:والله محد راضي يكولي شي..فقررت احقق وي هاي المجرمه
جود:وع اي اساس اتهمتيها
سما:انته سمعت الضابط بنفسك شنو كال
جود:كال بعد زياره ام احمد بدقيقتين ماتت امج
سما:اي يعني هيه كتلتها..اكيد حطتلها شي بالاكل او انطتها شي
جود:وانتي شنو دليلج هيه الكتلتها
سما:لان هيه ماتحب امي فما معقوله تزورها لان المحبه نزلت عليها من السما..اكيد زارتها علمود تكتلها
جود:هاي مجرد افتراضات مثل ما كلت قبل شوي وي الشرطه بس محد عنده دليل ومحد يعرف الصدك وين
سما:خلني انتف جم شعره من راسها وهيه راح تعترف بكلشي

جود تجاهل كلامها وناضر لام احمد:خالتي ممكن تلبسين عباتج وتجين شوي ويانه
سما:ع وين انشالله انا ما خلصت حسابي وياها
جود:استعجلي خالتي
سما: انا احجي وي منو..شوف ترى انا ما احب احد يتجاهلني وانا احاجيه
جود:اللهم طولج ياروح
خلصت ام احمد وراحت وياه للديوان ونور وسما وبدور وحنان وراهم يتسمعون
ام احمد:شوفوا انا ما سويت شي
يوسف:هلا خالتي..انا ما كلت سويتي شي..انا بس حاب اسالج جم سوال
ام احمد:تفضل
يوسف:انتي ليش رحتي هناك
ام احمد:شوف انا بس حبيت ازورها ولكيتها ميته وخفت وطلعت هذا كل الموضوع
يوسف:بس التقرير يكول انها ماتت بعد ما طلعتي بدقايق
ام احمد بارتباك:هااااا اي قصدي شفتها ما تتحرك وصفره وخفت وطلعت

سما بصوت واطي يم الباب:شوف الجذب..كلساع الها حجايه لانها جذابه
حنان:احجي عدل اوكي..امي مو جذابه
سما:جذابه وستين جذابه
حنان كضت سما من هدومها:شكلج مشتهيه تتعاركين
نور بصوت واطي:بس انتي وياها خلونه نسمع

يوسف عقد حواجبه:انزين خالتي انتي شفتي احد يمها..لان حسب التقارير اكو احد حطلها السم بالمغذي..او شفتي احد مشبوه او شكيتي فيه
ام احمد بارتباك:لا ما شفت احد
يوسف:اوك خالتي تكدريت تروحين

طلعت ام احمد
يوسف:هسة انا استاذن
ابوعلي:اذنك معاك..حيدر وصلهم للباب
حيدر:انشالله حجي

طلع يوسف ودخلت سما وكعدت كبالهم:وهسة ممكن تكولولي من يمته وانتوا تدرون امي ما ميته موته طبيعيه
ابوعلي:وره اسبوع من موتتها كلولنه الشرطه
سما بعصبيه وبصوت عالي:وليش ما كلتولي
جود:لا تعلين صوتج ع ابوي لا اكسر راسج
ابوعلي:هدوا هدوا..هاي انتوا معاريس وهيج
جود:اي معاريس هي خلت معاريس..ماتشوفها شلون تحجي..ترى للصبر حدود انا ما اتحمل واحد يحاجيني بهيج اسلوب فشلون لو مرتي
سما:والله هذا انا اسلوبي ما عاجبك فبالطكاك وطلك
جود راد يضربها بس وكفه صوت الحجي
ابوعلي:جووود هذا انا يمكم وهيج..يعني مالي حشيمه بينكم
جود كتم غيضه:الك الحشيمه والكرامه يبه..اسف
ابوعلي:احنه ما كلنالج لانج جنتي بحاله ماتسر وحابسه روحج وما تكلمين احد..فما حبينه نزودها عليج
سما:وليش ما كلتولي بعدين من صارت نفسيتي زينه
الجد:شالفايده اذا عرفتي بعدين
سما:اخذ حكي وحك امي الله يرحمها
جود:انا رجلج وانا اخذ حكج..اما شغل العصابات هذا فبطليه
سما:انته مالك شغل
جود وصل حده من العصبيه وعيونه صارت شرار وسما خافت منه بس تشجعت لان ما يكدر يسوي شي وجده هنا
ابوعلي:عيب يا بنتي..شلون ماله شغل..الحين هوة رجلج وهو ولي امرج..المهم جود اخذ مرتك وروح لبيتكم..انتوا عرسان وما كعدتوا سوه
سما بخوف:لا انا ارد اضل هنا
ابوعلي:شلون اظلين هنا ما يصير..انتوا عرسان لازم تكعدون وحدكم
جود:انشالله نروح ..بس انته روح ارتاح
ابو علي:اوك انا راح اروح بعد شوي للشركه اشوف حيدر شمسوي
جود:اي احسن حتى ارتاح..لان ما مطمن لان بس هوة وما عنده خبره..روح وياه هسة قبل لا يطلع
ابوعلي:لا خله يروح ارد اروحله بعدين بدون مايدري حتى اشوف شمسوي
جود:اوك
ابوعلي:يله اخليكم ع راحتكم

طلع الجد وسما تبلعمت من شافته يباوعلها بنظره تخوف
سما توجهت للباب بخوف:وانا هم اخليك ع راحتك😅
جود وكف كبالها بابتسامه جانبيه:ع وين ياحلوه
سما:احم لا ابد بس نور صاحتلي
جود:شوكت !ما سمعت..يتراولج ما صاحتلج(سحبها من ايدها بخفه)امشي لازم نروح البيت
سما تراجعت بخوف:مستحيل ما اروح وياك لاي مكان..وخصوصا مكان لوحدنه ارد اظل هنا
جود:ليش ابزز مثلا..ترى انا زوجج لاتنسين
سما بابتسامه مستفزه:وانا مااريدك لاتنسه

جود :وانا ما امشي حسب مزاجج..امشي ولا تفشلينه كبال الكل
حاول يسحبها بس سما كعدت بالارض:وهاي كعده وطلعه ما اطلع
جود :انا اكره واحد يفرض رايه عليه ..ومو جود الي تمشيه مره وانا كلت تمشين يعني تمشين
جود شال سما ع ضهره وهيه ظلت تصارخ
سما وهي تصارخ وتحاول تدفعه وتنزل:نزلني ..نوووووور ساعديني
ضربته ع جرحه بخفيف وغمض عيونه بالم وكمل طريقه
نور اجت تركض وكتمت ضحكتها ع سما
سما:عمه بعينج ساعديني
نور :جود نزلها لا ينفتح جرحك
جود باوعلها بطرف عينه:لاتدخلين
نور:انشالله
ولفت تبي ترجع
سما:هيووو. يالعوبه ساعديني..لاتهديني خيج
نور رفعت جتوفها:سوري بس ما اكدر اعارض امر القائد الاعظم

سما:اعلمج بعددين..وانت نزلني ترى انا لهسة ما سويت شي لانك مريض..فلا تحدني اسوي شي اخليك تندم عليه
جود طنشها وكمل طريقه وهو يخابر:محمد طلع السياره بسرعه
محمد جان واكف يم الباب واستغرب من وضعهم
جود:افتح الباب بسرعه
سما:لاتفتحه..لا اشتكي عليك واكولهم مشترك بالجريمه
جود نزلها يم الباب:اي جريمه 😏
سما:اشتكي عليكم انكم مختطفيني واجرجركم للسجن
جود ابتسم:غبيه..اكو واحد يختطف زوجته..واذا اضطريت اكولهم مرتي مخبله وتجيها حاله واضطر اسوي هيج وعندي شهود مو صح محمد
محمد:اي صح خطيه الانسه تجيها حالات تصارخ بدون سبب وتملخ روحها
سما بعبوس:حتى انت يا محمد..وانا جنت اكول انك خوش رجال..بس هاي هيه خربت وحطيتك بالقائمه السوده عندي
محمد:ههـهههه اسف
جود:انتي زوجتي ومن حقي اكول الي اريده عنج
سما:حتى لو زوجتك ما يحقلك تعاملني هيج..الا اشتكي عليك لحقوق الحيوان قصدي الانسان
جود ابتسامته كبرت:اي تعرفينهم الحيوان اكيد كرايبج
سما بابتسامه استفزته:اي صدكت وهذا اول واحد كبالي

جود حس عيونه طلعت وضغط ع ايدها بقوه ودخلها بالقوه بالسياره
سما بالم:وجع عورتني شوف ايدي صارت بيها طبعه اصابيعك
جود ناظرها بتفكير(هاي شسوي وياها حتى يفيد..اسلوب الضرب مع اني ما احب استخدمه ع مره بس استخدمته من وراها وما فاد والطيب هم ميفيد..شنو الاسلوب الي لازم استخدمه وياها)
سما:شبيك اطالع هيج
جود:جاي افكر شلون اكتلج
سما بلعت ريقها وسكتت (لازم افكر بشي قبل لا انعلس)

مصطفى اجه:انا راح اوصلكم ..محمد انته ابقى لان الانسه نور تريد تروح للسوك
محمد فز كلبه من سمع اسمها:هااا اي روح انت

*****

نور: بدوروه تجين وياي للسوك
بدور:لا مالي خلك..انتي هالايام كثرت طلعاتج للسوك شعندج
نور:هااا لا ماكو شي بس ناقصني جم شغله
طلعت للصاله وسمعت ام احمد تخابر

ام احمد:لازم التقي بيك هسة..ضروري نتناقش بموضوع ..ما ينفع بالتلفون ارد اكعد اتفاهم لان شكلي راح اطيح بمشكله من وراك (انتبهت لنور) هااا اي بعدين اخابرك
نور عقدت حواجبها:منو كنتي تخابرين خالتي
ام احمد:هذا هذا اخوي اي اخوي..(بعصبيه) وانتي اصلا منو حتى تحاسبيني
وتركتها وراحت
نور:شبيها هاي..هسه شكلت حتى تعصب..خل اروح للسوك احسن
وطلعت عطر من جنطها وضلت اتش اتش وبهالوكت طلع بوجهها احمد واخترعت منه
نور:يمه..خوفتني..راحت تصير بيه حاله نفسيه من الطلعات المفاجئه..شبيكم كلساع واحد طالعلي فجئه جنه شبح
احمد مارد عليها وطلع لغرفته
نور:وهذا شبيه بعد..شهالحاله التعبانه

نور طلعت ولكت كبالها محمد وراسا وخرت نظرها عنه ومشت بغرور
نور:يله بسرعه تاخرنه..مابقه شي ويخلص العصر..ابي ارجع قبل المغرب
محمد:اوك
راح محمد فتحلها الباب ودخلت
نور :شكرا (ماشالله صايرجنتل مان وانا ما ادري حاسته جاي من العصور القديمه..وين هسة اكو احد يفتح الباب لبنيه..بس صراحه شي حلو حسيت روحي سندريلا .وهوة يفتحلي باب العربانه هههه شكلي تخبلت)
محمد وهوه يسوق ويباوعلها من المرايه بعض الاحيان(انا لشوكت اظل احبها هيج وهيه ما داريه عن هوة داري..يجوز لو كتلها انا نفسه الي كنت وياها بالطفوله راح يتغير شي..بس بله ما تغير شي..بله ما اذكرتني..او يجوز تذكرني بس ما تشوف هالشي مهم..ما معقوله ما تعرفني صحيح كبرت شوي مو شوي يجوز هواي..بس ملامحي بعدها نفسها معقوله اللحيه غيرت شكلي..اذا حلقتها يجوز تذكرني..لا انا احب لحيتي مااريد احلقها.. ودي اكضها وانطيها راشديين اخليها تذكر منو انا 😤)

وصلوا للسوك بسرعه
نور:ما راح اطول بالسوك نص ساعه وراجعه
محمد:اجي معاج..مو حلوه جايه للسوك لوحدج..بله تحرش بيج احد..ليش ما جبتي احد وياج
نور:كل هاي اساله؟؟اولا مو حلوه تجي وياي ..شتكول عليه الناس من تشوفني وي ولد اتمشى بالسوك اكيد راح تبني افتراضات وما راح تكول بنت وسايقها..ثانيا محد رضه يجي وياي وانا محتاجه جم شغله ضروري فلذلك ما راح اطول ..وثالثا اذا اتحرش بيه اعرف اتصرف انا مو جاهل
محمد:انا ما كلت انج جاهل بس الشباب ما تعرفينهم..مايفرقون بين الزينه والشينه او الصغيره والجبيره..اكو شباب ماشالله عليهم بس يشوفون عبايه من بعيد ركضوا يغازلونها وما يدرون شلون شكلها

نور:ههههع يمعود عود اذا احد تحرش بيه اكلك
رادت تروح بس التفتتله وابتسمت:تصدك هاي محادثتنه لازم تتسجل بالتاريخ..اول مره نحجي سوه وما نتعارك
محمد:هههه معاج حق..اه صج راح اصف شوي ليكدام حتى لا اسد الطريق..مو اتيهين
نور:اوك
محمد:نور
نور:نعم
محمد بنظره حنونه:ديري بالج ع نفسج
نور صفنت بيه دقيقه ولفت بسرعه ومشت وهي حاطه ايدها ع كلبها( شبيه هيج احس..ترى هوة كال بس ديري بالج ع نفسج ما كال احبج حتى احس هيج..بس صوته كان حنون...(نور هزت راسها)طلعي هالافكار من راسج..هذا كله من نقص الحنان..الحمدلله والشكر من كلمه بسيطه كلبي دك ومع منو وي السواق؟؟ لالا انا لازم ابطل مسلسلات رومانسيه لان جاي ازيد نقص الحنان عندي..وحالتي صارت خطره)

****

بهالوقت سما وجود توهم واصلين للبيت
جود دخل وهو يجر سما من ايدها وراه
جود دفعها داخل الغرفه وطاحت بالارض :هسه لو اكتلج احد يلومني
سما ترجع ليوره:اا ا اس استهدي ب بالله ..الامور ما تنحل بالكتل(بدت تبجي بتمثيل متقن)لو لاني بنت يتيمه ومحد الي كلها تستكوه عليه
جود تنهد حتى يهدي روحه وهو يتقدم:لعد بشنو ينحل ..اذا الحجي ما ينفع وياج
سما: لانك دوم تحاجيني وانت معصب ومنفس
جود:يجوز لانج تنرفزيني دوم بسوالفج..ما مره حاجيتني باسلوب عدل
سما:يجوز لانك مغرور وتنرفز هم
جود:يجوز لان هذا طبعي ومو غرور ولازم تتعودين ع طبعي
سما:ويجوز حتى انا هذا طبعي مستفز ولازم تتعود عليه
جود:لا عيوني لازم تغيرين هالطبع لان ما يعجبني
سما:ليش لازم دوم المره هيه الي تتغير علمود تعجب الرجال..ليش مو انته التتغير
جود:😏لان مو جود الي يتغير علمود مره
سما:😏وموسما الي تغيير علمود رجال
جود وهو يقرب:النقاش ضايع وياج
سما:😳شتريد تسوي
جود بابتسامه جانبيه:اعتقد احنه عرسان..يعني برايج شراح نسوي

سما تراجعت ليوره:كتلك اذا تزوجنه ما راح يصير شي بينه
جود رفع حاجب:لعد انا المن مزوج حتى اباوع لوجهج البهي بس
سما:والله انا حذرتك وكتلك من البدايه ..الي اولته شرط اخره نور
جود:قنعيني بالسبب والا ما راح التزم بشرطج
سما:😒كتلك انا احب واحد ..اهون عليه اموت ولا احد يلمسني غيره
جود:ليش احسج جذابه واكو سالفه وراج
سما:غلطان احبه واموت بيه ومتواعدين بس اطلك ازوجه ..طلك وشوف اذا ماخذته عود رجعني😏
جود مسكها من رقبتها بقوه:منووو هااااا.
سما وهي تتالم:ما راح اكلك منو لاني احبه وما اريدك تاذيه
جود بعصبيه خفيفه:خافي ع نفسج احسلج..لاني ما راح ارحمج
سما:شتريد تسوي ..يعني تكتلني..اكتلني وريحني ع الاقل ما راح اضطر اكتل نفسي بعد ما تلمسني
جود:تكتلين نفسج علموده..انا محد يحط راسه براسي..فلا تخليني اخذ الي اريده غصبن عنج
سما ببرود:اخذه علمود الصبح تلكاني جثه هامده(كاني بالغت شوي بس يله بلكي يصدك)..انا راح ارتاح من اموت بس انته ياترى راح تتحمل انوا شخص ثاني يموت بسببك..مو كافي امك ماتت كدامك وبسببك

جود فتح عيونه بصدمه:انتي انتي...شلون
سما:انا اعرف كلشي عن ماضيك..وادري بسببك ماتت عائله كامله (سامحني راح تنجرح هسة بس راح تشكرني بعدين)
جود صارت عيونه حمر لان ذكرته بكلشي
زاد خوف سما لان ما تدري عيونه صارت حمر من العصبيه لو لان يكض دموعه بالكوه بس كدرت تخفي خوفها واطالعله ببرود

جود لكم الجدار اليمها وهيه غمضت عيونها:هلكثر تكرهيني
سما رفعت عينها والتقت بعينه وسكتت
جود:جنت اظن من كلتي عندي حبيب ترديني تعصبيني وبس
سما:لا عندي ومن زمان لذلك ما جنت ارد ازوجك بس انته اضطريتني
جود رجع لبروده:ما جاوبتيني  تكرهيني لدرجه تتمنين الموت ولا المسج
سما:انا ما اكرهك بس هم ما احبك.. لذلك خل كل واحد يروح بدربه واكيد راح تلكه الي تحبك
جود ما رد عليها وطلع من البيت كله

****

دك تلفون جميلة وكان طلال
جميلة:وحشتني يا كلب
طلال:ههه وانا اكثر..الا ارد اسالج شخبار سما
جميلهة:بخير
طلال:صاير وياها شي..اخر مره حاجيتها حسيت بيها شي
جوجو:فديتك يا حساس..دوم تحس بينه اذا مضايكين بدون ما نحجي
طلال:كوليلي شصاير
جوجو:رجع عزيز الكلب وجاي يهددها يكتل زوجها اذا ما اطلكت ورجعتله
طلال:شنووو..وهيه شسوت
جوجو:هسه تلكاها جاي تخرب زواجها
طلال:اكلج زوجها شلونه..زين لولا
جوجو:يخبل وجنتل مان واي وحده تتمناه.
طلال:لعد روحي كليله ع سالفه عزيز
جوجو:اناااا!!لالا اخاف تزغل سما..وصتني ما اكول لاحد..واذا درت اني كتلك راح تزعل
طلال:ميخالف تزعل يومين بس من راح تنقذين زواجها راح تشكرج بالمستقبل
جميلة:لا ما اكدر اخاف...انا ولا مره حاجيه وي رجلها ياله بس سلام..انته تعال وكوله
طلال:انا بعد اسبوع ياله اجي..علما اجي الا هالخبله مخربه زواجها..ولا اكولج..انطيني رقمه انا احاجيه

جوجو:منيلي رقمه
طلال:من اي احد من سما او من اخته
جوجو :اوك راح اشوف

*****
وصل ابوعلي للشركه ودخل للمكتب وما لكه احد فاستغرب وطلع سال السكرتير
ابوعلي:وين استاذ حيدر
السكرتير:استاذ حيدرمن اول ما اجه وهوة ما يحب يكعد بالمكتب يكول يكتم النفس..فيحب يطلع يكمل شغله يم الموظفين والموظفات بالتحديد
ابوعلي:دليني مكانه

وده السكرتير الجد لمكان  حيدر ولكاه  منحني ع مكتب الموظفه ويكلمها
الموضفه بدلع:الشغل هواي رراح اتعب ياله اخلصه
حيدر:ابوي انتي..انا اخلصه الج كلشي ولا تعبج
ضحكت الموضفه بدلع ومياعه
تقدم الجد ومسك حيدر من اذانه
الجد:تخلص شغلها علمود لا تتعب وموكف شغلك الي تعتمد الشركه عليه يا افندي
حيدر:اخخخخ حجي شجابك اخخخخ هدني خل نتفاهم
الجد سحبه وياه وهو يتجه للمكتب:نتفاهم بالمكتب
حيدر:اخخخخ حجي طارت الهيبه يا حجي اااااه
الجد دخلاه للمكتب وتركه:من يوم ورايح ما تطلع من المكتب..هاد شغلك ومكابل البنات
حيدر:هوة شنو الشغل بس اوراق ووقعها
الجد:غير تقره الاوراق خو مو كل اوراق تتوقع..اكو شروط بالمشاريع ما تناسبنه واذا وقعت عليها راح تودينه بستين داهيه..لازم تقراهم بعنايه والمايعجبك لازم تناقشه وي الجهه الثانيه وتناقشهم وتحاول تغيره..هاي انته شلون راح تدير الشركه وي اخوك

حيدر:ماريد ادير شي..اصلا هسة انا رايح وما راح تشوف وجهي بالشركه
الجد:شنو هوة بكيفك غصبن عليك تشتغل بدال اخوك علما يكوم
حيدر:بعد ما طيرت جبهتي كبال الموضفين وسحبتني مثل العنز كبالهم بله منين اكدر اداوم وواريهم وجهي..اصلا الموظفين بعد ما راح يحترموني
الجد:وانته تعتقد انهم يحترمونك وهمه يشوفونك ذبت يم الموضفه لدرجه مسند ع المكتب وشوي وتنام عليه
حيدر:متى؟؟..كل مافي الموضوع جانت البنت تحجي بصوت ناصي فدنكت حتى اسمعها عدل
الجد:الا كول صرت خروف يمها
حيدر:مو خروف..بس البنت حلوه ورقيقه وماريد اتعبها وحبيت اساعد
الجد:اكول جب وكبالي يله كمل شغل
حيدر عفس وجهه:انشالله
التفت وشاف السكرتير كاتم ضحكته
حيدر:😒اكيد انته وره السالفه وجبته وراي..بس هين انا اراويك الا اطيرك من الشركه واجيب سكرتيره حلوه تفتح النفس

الجد:اي ادور بنات مو..ع عنادك هالرجال ما راح امشيه ابد وراح اوصي جود عليه
السكرتير الابتسامه شكت وجهه:شكرا استاذ
حيدر: حجيييي ليش كله توكف ضدي وتقوي شوكت الموظف عليه
الجد:لان ادري بسوالفك تبي اطرده علمود اجيب بنات مو علمود مو خوش يشتغل

حيدر:يا حجي يا حبيبي..هالايام ياهو يوظف سكرتير..كله سكرتيرات..تدري ليش..لان البنات من تدخل للمكتب اطكلك هذيج الابتسامه الي تخليك ودك ما تطلع من الشركه..وتفتح نفسك للشغل..مو مثل هذا الحاطينه هوة وشاربه ليكول مكناسه..يسد النفس عن الشغل..انا بس ارد اعرف جود شلون يشتغل وهوة مكابل هالخشه واذا غير كابل سلطان
الجد:لان عقله بالشغل..مو مثل عقلك الاعوج
الجد كعد ع الكرسي كبال مكتبه
حيدر:حجي انته مطول هنا!!!!
الجد:اي كاعد ع كلبك الى ان تخلص الشغل
حيدر بصوت واطي:لا بالله كدينه خير😩!!!!شكلي راح انعلس

الجد بعد سكوت:عمتك باجر تجي ..فابيك تروح اجيبها انته من المطار
حيدر بغيض:وليش ما تخلي السواك يروح يجيبها
الجد:راح يروح مصطفى بس لازم احد وياه لان اول شي..سياره وحده متكفيهم..وثاني شي لازم احد من الاهل يروح يستقبلهم لان مو حلوه الغريب يستقبلهم

حيدر:وليش يعني انا لازم اكون هالواحد من الاهل.
الجد: لان انا كلت هيج..وبعدين انت فاضي الصبح روح جيبهم
حيدر:حجي هاي الشركه شكبرها شعرضها كلها ع راسي..وحاسدني ع وقت الفراغ الي محتاج اشم هوة بيه..دنت عينك ع هالجم ساعه
الجد:انجب كلت انته تروح وانتهينه
حيدر:يعني ليش كله انا كله انا <😂ذكرني بروحي من اطنكر واصيح كله انا كله>
الجد:جود ومريض..يعني منو يروح

حيدر:خلي احمد يروح خو هوة لا شغله ولا عمله..كاعد وساكت..ودراسته الما فالح بيها بعدهي ما بدت يعني ماعنده شي

الجد:هذا الثور ما يعتمد عليه بشي ابد مدام مربيته امه ..هذا بس راك عند امه ويشبع دلال هذا الفالح بيه

حيدر:😒😩انشالله راح اروح
الجد:عفيه عليك وليدي..هذا الي متوقعه منك
حيدر بصوات ناصي :ع اساس عندي حل ثاني

هذا حيدر 👇🏻

****

نور كانت تتمشى بالسوك وكانوا اثنين يمشون وراها وهيه ما تدري

الشاب الاول:انته متاكد هاي هيه
الشاب الثاني:اي صارلي يومين اراقب بيتهم وشفتها من تطلع وتدخل
الشاب الاول:لعد خل نطبق الخطه

اجت عجوز تعدت يم نور وهيه شايله اغراض وطاحوا اغراضها منها بتعب
اجتلها نور:خاله انتي بخير
العجوز:لا مابيه شي بس الاغراض هواي
نور:خليني اساعدج خاله
العجوز:مشكوره يا بنتي..بس السياره بره المجمع لازم نطلع من الباب الخلفي من المجمع
نور:اوك امشي وانا اشيل الغراض وراج

وفعلا مشت العجوز ونور توهكت بالاغراض وطلعوا بره المجمع ونور ما حست الا احد حط ايدها ع حلكها وتريد تسحبها لسياره
وكان محمد صاف يم المجمع وكانت تشوفه بس معطيها ظهرها..وكان كل همها ينتبه لها محمد
فعضت الايد الماسكتها  وصاحت باعلى صوتها:محمدددد
محمد التفت بسرعه وشافها
نور حاولت تهرب بس كضها الثاني وسحبوها للسياره
محمد ركض بسرعه يريد يلحك عليهم بس السياره حركت بسرعه وماكدر يلحكهم
محمد:السياره!!..لازم الحكهم بالسياره
وركض لسيارته ورجعها بسرعه ودعمت بالسياره الوراه وكمل طريقه

وطب الشارع الي شاف السياره طبت بيه وكان الشارع مزدحم بالسيارات المتشابها واحتار ياهيه السياره

محمد بخوف:وين راحت (رجع شعره ليوره بارتباك)لازم اذكر رقم اللوحه(غمض عيونه وحاول يتذكر)بدايتها ٦٤

وظل يمشي بسرعه ويباوع لارقام السيارات
واخيرا بعد بحث طويل شافها من بعيد وحاول يلحكها وساق باقصى سرعه بين السيارات

******
بالسياره الخاطفين بيها نور كان اكو شاب ثالث يسوق
الشاب الثالث:شراح نسوي سايقها اكيد شافنه وشاف السياره..اخاف يبلغ علينه
الشاب الاول:اطلع بره المحافظه..بحيث يكون مكان معزول ومحد يلكانه
الشاب الثاني ناظر لنور والشاب الاول ماسكها بقوه وهيه تحاول تفلت ومرر صبعه ع خدها وهيه انكمشت ع نفسها وحاولت تبعد عنه..ودموعها ظلت تنزل
نور:لاتلمسني

الشاب الاول:😏تبجين!! بعدج ما شفتي شي ..الا اخليج تبجين دم..وادفعج انتي واخوج احمد الثمن

نور ودموعها زادت(شنو هالمصيبه الطحت بيها..منو هذول وشيردون مني..واي اخو يحجون عنه..منيلي اخو اسمه احمد..شكلهم متخربطين بالبنت وطاحت براسي..جنت ادري بحظي فكر بس مو لهلدرجه..شنو هالحظ تره مصخها)

******
جميلك كانت تحاول ادك ع نور بس ما ترفعه:وهسة شسوي اذا طلبته من سما فراح تشك بالموضوع
ماكو غير اروح للبيتهم واشوف الوضع

******
جود جان ماخذ السياره وخله مصطفى يروح ووكف يم الشط وما نزل من السياره ظل كاعد ويتامل البحر وغروب الشمس وشلون لون الشط يتغير لونه بالغروب..كان منظر روعه بس خرب اللحظه الافكار الي اجت اباله وماحس بالوقت الي مضى وهوة يفكر وطلعه من شروده صوت رساله بتلفونه..كانت رسايل عنده هواي من معارفه الي يهنيه والي يتحمدلله بالسلامه بس ما فتحهم بس من لمح رساله سلطان فتحها
سلطان:مبرووووك عليك يالعريس..غوص بشهر العسل بس مو تنسانه عاد😉..يكولون المره تغير الرجال وتنسيه كلشي..بس مو تنسانه..اخخخخ يوم الالي وازوج مو بس انساك وانسه طوايفك بعد..يجوز لو ازوج اطيح بغيبوبه لشهر ما تشوفني

جود ابتسم بخفه:اي عسل اي بطيخ..عرس اسود هذا (اححح يمكن جان صج لازم افسخ الخطوبه من كالت ما اريدك وما جان وصلنه لهالحال..بس ما ادري شنو اجاني هذيك الفتره جان عندي احساس انها ما جاي تكول الصدك وانها ما عدها حبيب.. بس ولو حتى لو ماعدها حبيب واختلقت هالحجي فهذا دليل انها تكرهني واختلقت هالشي حتى اتركها..ليش ما كدرت اطلكها..ليش يجيني شعور اني ارد اضل وياها حتى لو ماتحبني وما تريدني المسها..ليش لو بس اباوعلها من بعيد بالبيت احسه هذا كافي ويريحني وجودها)

جود رجع شعره ليوره:شنو هالشعور الغبي ..ساعات اكره نفسي لان احس بهالاحساس..انا من شوكت صرت ما احسب حساب لكرامتي.. اصلا شلون اسمح لنفسي اظل وي وحده ما تحبني.. ليش اذب نفسي عليها وهيه مرايدتني

جود جان حاط ايده ع مكان الجرح كان يوجعه من يوم شال سما بس تحمل وجان ساكت

جود نزع سترته ورفع قميصه وكان جرحه ينزف شوي مو هواي
التفت بالسياره يدور ع الادويه والمعقمات الشراهم سلطان واذكر انه نزلهم وياه بالبيت من نزل وي سما وسند راسه ليوره بخيبه امل

*****

ام احمد طلعت بسريه وبدون محد يدري وركبت سياره تكسي وذبها بمنتزه وانتظرت دقايق ووصلت سياره راقيه كان بيها شخص كاعد وره
وصعدت بالسياره وحركت السياره

ام احمد تكلم الي بصفها:شوف انا بعد ما اكدر اتحمل نظرت الشك الي حوالي..والي كلهم يشكون اني قتلت ام سما..حتى لو ما حجوا نظرات الشك بعيونهم تقتلني..شوف اذا ما وخرت عني اصابع الاتهام وطلعت دليل يثبت برائتي..راح اكلهم كلشي..راح اكلهم انته القتلتها..راح اكلهم الحقيقه واني شفتك بعيني تقتلها
.
.
.
انتهى البارت

السلام عليكم شلونكم بنات
نجحت ورحت مرحله رابعه واويلي ع المرحله الرابعه 😭
هالسنه بحث وصخام وغير الدراسه
ادعولي فدوه