رواية لأجل من احببت سأكون قوية الفصل السادس والعشرون 26 - بقلم امل

جميلة راحت لبيت ابو احمد واستقبلتها بدور
بدور:هلا قلبي شلونج
جميلة:ياروحي مشتاقتلج ..الا اكلج نوروه الخايسه وين
بدور:طلعت للسوك
جميله:شوف الهايته..وانا اكول ليش ادك عليها وما ترد
بدور:😅اي تنسه روحها
جميلة:اكلج اريد رقم جود عندج
بدور:شتردين بيه
جميله:اخوي طلال يريده.. يجوز يريد يباركله

بدور:هااا اي عندي ظال
جميله:😅اكلج سويلي فضل ودزيه انتي لاخوي
بدور:وليش انا ادزه..دزيه انتي ما اريد
جميلة:شبيج ماعندي رصيد ياله ترميشه لا تصيرين فكر ودزيه
بدور:دزيه ع النت عدنه نت
جميلة:اي بس اخوي ما عنده ..الا ع الرصيد وبالخارج ياخذون هواي رصيد متكفي رساله..وانا منيلي رصيد
بدور:انزين ولا يهمج..انطيني رقمه
جميلة:هاج تلفوني كاتبته طلول..كليله هذا رقم جود ..لان اخوي تدرين مو سريع البديهه
بدور:😅انشالله

دزتله الرقم وكتبت حدره رقم جود
رد عليها برساله:منو وياي
جميلة:مو كتلج ما راح يلكطها..كليله انا جوجو ما عندي رصيد
بدور برساله:جوجو ماعدها رصيد فاستخدمت تلفوني
طلال:ومنو انتي
بدور:شنو اخوج راح يكلبها تحقيق
جوجو:كله هيج..قبل لا يسافر يحاسبنه ع كل شي ع الطبه وع الطلعه
بدور ردت ع طلال:صديقتها

***

ام احمد:ترى اعلم عليك الكل واخليك تنام بالسجون
ابو عزيز بابتسامه جانبيه:كليلهم علمود افضحج واكللهم عن سواتج قبل ٢٠ مدري صارت٢١ سنه.. تعتقدين زوجج المصون لو دره عن سواتج راح يباوع بوجهج او حتى يخليج بالبيت..صدكيني راح يطردونج طردة الجلاب

ام احمد تبلعمت:انزين انا شذنبي كلهم يباوعلي بشك وانا مسويت شي..الله يخليك سوي شي او انطيهم دليل اني ما سويت شي ..وصدكني ما راح افك حلكي ولا راح اكولهم عن جريمتك
ابو عزيز:وليش اتعب نفسي و اطلع دليل يثبت برائتج..وانتي اصلا راح اسدين حلكج غصبن ما عليج.. عدج سري وانا عندي سرج وانتهت وحده بوحده..وما مضطر اساعدج بشي..وهسة نزلي بسرعه وراي شغل

ام احمد:بس...
ابو عزيز:لا بس ولا شي..نزلي وبعد لا تتصلين مره ثانيه
ام احمد نزلت بانكسار وراقبت سيارته من تحركت الى ان اختفت عن نظرها وكعدت ع مقاعد الحديقه بخيبه امل
وتذكرت من دخلت غرفه ام سما بالمستشفى وشافت ابو عزيز يضرب السم بمغذي ام سما
وام سما حاولت توخر المغذي من ايدها بس كض ايدها قبل لا توخره
وتذكرت وجه ام سما وهيه تشارف ع الموت وكانها تستنجد بيها ويوم حاولت تساعدها
ابو عزيز هددها وكللها انا كلت كل شي لها كلت لها عن السويتيه قبل ٢١سنه ..تعتقدين اذا ساعدتيها وخليتيها تعيش فراح تسامحج؟؟
لو راح تسجنج..وتفضحج كدام الله وخلكه ..اذا عاشت مو بس انا راح انسجن انتي هم

ومن سالته ليش كتلتها جاوبها جانت خايفه لاني لكيتها بعد سنين وخايفه ع بنتها من ولدي عزيز..فلذلك هددتني باشياء توديني للسجن فاضطريت اكتلها
ام احمد:شنو هالاشياء الي توديك السجن
ابو عزيز ببرود مخلوط بتهديد:اذا كتلج شنو هالاشياء فراح اضطر اكتلج ..فاحسلج ما تعرفينها

ام احمد بوكتها خافت ..صحيح عيونه كانت بارده بس بيهم شي يخوف..كانت تحس هذا الهدوء الي وراه العاصفه..كانت تحس بروده وراه مكر وحقد

فطلعت وتجاهلت ترجي ام سما تركتها وهيه تنازع ..رجعت لبيتهم وهيه خايفه وترجف ما تدري خايفه من ابو عزيز لو خايفه من شكل ام سما واحساسها انها تورطت بالجريمه

****

ام جود:بدور ما رجعت نور
بدور:لا والله خاله بعدهي
ام جود:كالت ما راح اتاخر بس نص ساعه وارجع.
بدور:لا تخافين خاله..تلكينها نست روحها من شافت المحلات..خو هيه خبله مال هدوم بس تشوفهم تنسه الخلفوها
ام جود:يجوز بس انا ما اريدها تتاخر وخصوصا هيه رايحه لوحدها ..انا خليتها تروح وحدها لانها وعدتني ترجع بسرعه..لو ادري ما مخليتها..هيه هاي نويره ما تنطي وجه..انا الها من ترجع

بدور:ماعليه يا خاله..هيه مو وحدها وياها محمد واكيد راح يدير باله عليها..ترى محمد ينشد بيه الضهر..صحيح ماصارلنه هواي نعرفه..بس مبين انه رجال ما ينخاف عليه
ام جود:مهما يكون هوه يظل رجال..والناس ما ترحم

بدور:معاج حق
خذت العصير وصعدت
ام جود:عدنه احد
بدور:اي جوجو هنا
ام جود:هااا شوي واجي اسلم عليها..صارلي جم يوم ما شايفتها
بدور:تنورينه خاله

****

محمد كان يسوق بسرعه رهيبه حتى يلحك ع السياره وبنفس الوقت دك عليه اخوه مصطفى
حاول يرد ع التلفون بس طلعت كباله سياره ولاف بسرعه وفلت من ايده التلفون ووكع يم رجلينه وتفكك وطلعت منه البطاريه

محمد ضرب السكان :انعل ابو هيج حظ..مو وكته
محمد كانت تلفانه عصابه بين خوف وعصبيه :شنو هذول ناوين يطلعون بره المحافظه 😳..وراكم وراكم..بس اهم شي ما ينتبهولي

كان يحاول يهدي اعصابه ويفكر بهدوء علمود مايسوي شي بلحظه طيش ويضيعهم ويكعد يتندم طول عمره

****

عند نور بالسياره
الشاب الاول لمس خدها:😏اخيرا صرتي بين ادينه يا حلوه
نور وخرت عنه كانها متكهربه ودموعها ما وكفت:انتوا شتردون مني..اذا تردون فلوس اهلي راح ينطوكم الي تردونه..بس لا تلمسني

الشاب الثاني بعصبيه: مانريد شي من فلوسكم القذره..احنه نريد نراوي اخوج احمد..ان الله حك..واذا مفكر انه يلعب ع بنات الناس وياخذ شرفهم  ويسلم فهوة غلطان.
نور بخوف:عن اي احمد تحجي..انا ما عندي اخو اسمه احمد..انا اخواني بس جود وحيدر

الشاب الثالث خفف سرعه السياره بصدمه:شلون مو اخته انا جنت اراقب البيت واشوف منو يطلع ويطب..وانا متاكد انتي عايشه هناك فاكيد اخته.. انتي مو بنت ابو احمد..مو حفيده ابو علي

نور:انا حفيده ابو علي بس مو بنت ابو احمد..ابو احمد يصير عمي

الشاب الثاني ناظرله بعصبيه:يالغبي غير تتاكد قبل لا تورطنه..طلعت مو اخته يا حمار ..شهالورطه
نور:عوفوني والله ما اكول احد
الشاب الاول:ما نكدر نتراجع هسه اكيد السايق مالها كال الكل ويجوز هسة مبلغين الشرطه
الشاب الثاني:خلونه نرجعها مو هيه المطلوبه..احنه مو انذال حتى نختطف اي وحده ونلعب بشرفها
الثالث:لا الها ذنب..بنت عمه معناتها نفس اخته ..فلذلك ماكو فرق اذا اخته او لا
الثاني:كتلك لف ورجعها ..هيه مالها ذنب..احنه ردنه نختطف اخت احمد حتى ننتقم منه..بس هاي بنت عمه يعني غير..مو مثل الاخت..خلنه نرجعها وبغير وقت ناخذ انتقامنه
الاول:انته خبل..احنه اختفطناها وكضينه يعني تورطنه..اذا رجعنه واحنه ما مسوين شي معناتها راح ننسجن..اما اذا استمتعنه بالحلوه فراح يطمون السالفه لانها تمس شرفهم

الثاني:انا ما موافق ع هالشي..شدخل بيت ابو جود بالقصه..همه خوش ناس..واذا ولد عمهم نذل فهمه مالهم ذنب..واحنه ما خطفناها علمود الاستمتاع..خطفناها علمود ننتقم من شرفنه الضيعه احمد
الثالث يكلم الاول: جعفر كتلك لا اجيبه هسه يبيع مثاليات علينه..بابا همه عائله وحده سواء بنت ابو جود او بنت ابو احمد..كله نفس الشي

جعفر حاول يتحارش بنور وكضها من خصرها وراد يقربها بس نور ضلت تصارخ ودفعته
وباوعت للثاني:انا بشاربك..اترجاك لا اسوووولي شي..والله انا مالي ذنب بالي صار..انا ما ادري شسوه احمد بس والله مالي ذنب..الله يخليك انا مثل اختك وهم عدي اخوان يخافون ع شرفي
الاول ولا كانه يسمع وقرب الها وضل يبوسها وهيه تدفعه بقرف
الثاني ماكدر يتحمل ودفع الاول:بعد عنها ولا تلمسها

الثاني جر  السكان:غسان كتلك لف ورجعها
غسان:وائل انته خبل طلعنه من المحافظه  بعد ماكو رجعه.. وهسة راح نطب للارياف يعني مكان معزول وهذا الي نريده..ووصلنه لمرادنه فلا تعكر علينه
جعفرجان يطالع وره وانتبه ع سياره محمد شك بالوضع..وخصوصا صار المكان معزول بس سيارتهم وسيارته:اكو سياره ورانه

محمد عرف انهم كشفوه من زادوا السرعه  وشاف الشاب الاول يلتفت ويباوعله وتقدم عليهم باقصى سرعه عنده ووقف سيارته بالعرض وعرض طريقهم
وهمه داسوا ع الفرامل بس ما لحكوا يوكفون السياره بسرعه فدعمت بسياره محمد..بس ما كانت دعمه قويه بسبب دوستهم ع الفرامل

محمد ضرب راسه بالسكان بخفيف ومسك راسه ونزل وبسرعه راح تقدم لسيارتهم قبل لا يصحون من دوختهم وفتح الباب الوراني وجر جعفر ولكمه بوكسي طيحه بالارض وجر نور وخلاها وراه

غسان نزل وكان اضخم اخوانه وعضلات كبيره وتقريبا شعره خفيف يعني شبه صلعه وتقدم لمحمد وضربه بوكس ورفسه  ببطنه

وائل اجه ركض وبعد غسان عن محمد:كافي..لا تضربه.. خلهم يرحون

محمد بصوت واطي:اذا انطيتج اشاره شردي ولا اظلين
نور الي كانت وراه كلش:وانته
محمد:معليج بيه
نور:شلون معليه..ما اكدر اشرد لوحدي ما ادبرها
محمد:انتي شردي وانا وراج

جعفر:وائل صحيح انته اخوي الجبير..بس هذا مو معناتها تتحكم بينا..اذا مو عاجبك الوضع اطلع منها وخلنه احنه نكمل الموضوع
وائل:هذا مو الشي الي اجينه عليه..انتوا تدرون انه هذا الشي غلط فليش مستمرين..واذا ع السجن نتفاهم وياهم ما يحجون للشرطه وكل واحد يروح بحاله
غسان:انا ما اتراجع (توجه لنور وسحبها من ايدها) وهاي الحلوه الي ومحد راح يخليني اتراجع ..وراح اكمل السالفه
<صراحه انا فاشله بوصف العركات فتحملوني 😬>

محمد كض ايد غسان ولوها وصرخ بعصبيه:لا تتجرا تلمس ايدها ياواطي يا حقير..والله الي يمس شعره منها الا ادفنه بارضه يا كلاب
وائل كض ايد محمد:كافي خل نهده و....
ماكمل كلامه والا جعفر هجم ع محمد وضربه وطاح ع الارض ونزل لمستوه وظل يضربه بس محمد رفسه بعيد عنه وكام

محمد انطه الاشاره لنور انها تتسحب وتشرد وهجم عليهم حتى يلهون عن نور
وائل كان مره يكض غسان ومره جعفر بس ما كدرلهم اثنينهم بس هالشي ساعد محمد ان تكون الافضليه اله .

ومحمد بنص عركتهم ضرب غسان ع وجه بركله فاغمى عليه وهالشي خلاهم يتجمعون ع غسان من الخوف
ومحمد استغل الفرصه وشرد بنفس الطريق الي شردت منه نور

******

جود كان بعده ع الشط والافكار توديه وتجيبه وكأنوا كان اكو صراع بداخله انوا يتركها او لا
(انا لازم اطلكها..كافي انها جابت طاري امي 😠شلون تتجرا ..الا امي خط احمر وما اسمح لاي واحد يفتح موضوعها.. انا ما لازم امشي وره كلبي..لان مشاعره سخيفه وغبيه وتجرد الواحد من كرامته.. الموضوع يرادله عقل..بدون سيطره المشاعر..لان الكرامه اهم من كل هالمشاعر)
دك تلفونه وهوة بنص شروده وكان رقم غريب رد عليه واجاه الصوت
طلال:الوووو
جود:هلا..منو وياي
طلال:انا طلال
جود:طلال منو؟؟
طلال:ولد ام طلال
جود رفع حاجب مع شبه ابتسامه:لا والله
طلال:قصدي ام طلال صديقه ام سما
جود:هااا هلا بيك حياك
طلال:شلون سما..شخبارها بس لا متعبتك
جود باستغراب:الحمدلله..بس ليش تسال عنها
طلال:لا ابد اشتقتلها هواي ومن زمان ما شفتها..وما كدرت احضر عرسها وبالي وياها
جود بانزعاج:وانت منو حتى تشتاقلها( ليكون هذا الي تحبه 😠)
طلال حب يلعب باعصابه:اي واذا عشره عمري ..قبل لا اسافر ما جنت ارتاح الا لمن اشوفها والعب بشعرها
جود:يا كلب يا واطيب..اذا انته رجال تعال وكول هالكلام كدامي..علمود افرك جهرتك بالكاع

طلال:هههههههع ليش ليكون تحبها وتغار عليها
جود:طبعا مرتي واحبها..والله اذا شفتك مقرب عليها الا احش رجولك واخليك تتندم ع الساعه التجي بيها..اذا انت رجال تعال كدامي..لو مطلع مراجلك بالتلفون
طلال:ههههههع اوك راح اجي الاسبوع الجاي ..ونشوف شلون تمنعني عنها

جود حس طلعت عيونه من العصبيه..والي عصبه زياده هدوء طلال وضحكه:ايا ***** والله بس دوس عتبه بابنه واحسب نفسك ميت
طلال بهدوء:امممم بس ارد اعرف انته ليش معصب..ترى انا اخوها
جود بنفس عصبيته:لا ما تمشي عدي هاي يا كلب..عود مثل اختي عود متربين سوه. كدام الناس والشرع انته مو اخوها..ادوس ابطنك اذا سلمت عليها بس
طلال:ههههههع لا جد انا اخوها وبالدين بعد
جود باستغراب:هاااا
طلال:انا اخوها بالرضاعه
جود صفن شوي حتى يستوعب وبعدين حس كانوا ماي بارد وانكب عليه (الحمدلله اخوها..يعني ماكو شي)
جود:الله يلعنك كول امين..تلفت اعصابي يا شيخ
طلال:هههههههع شدعوه عاد ..اذا ما عندك ثقه بيه..فخلي عندك ثقه باختي..مستحيل تسوي شي ينزل راس امها ابد
جود (شلون اثق بيها وهيه تكلي احب واحد..هيه زرعت الشك بكلبي)
طلال: ليش سكت..انا ما ادري اختي شكايلتلك.. بس اي شي تكولك عليه ترى جذب.. بس تريدك اطلكها
جود:شتقصد
طلال: سما تواجه ضروف صعبه .. انت تعتقد انك من تصوبت صدفه؟؟.. او احد حاقد عليك؟؟
جود عقد حواجبه:لعد؟؟
طلال:هذا واحد يلاحك اختي..وشكله في حاله نفسيه.. والي يحاول بس مجرد محاوله يقرب لها يكتله بدون ميرفله جفن

جود:ممكن تحجيلي السالفه بالتفصيل😳
طلال: السالفه ما تنحجي بالتلفون ..بس المهم لا اطلك سما شما راح تسوي
جود(شدراه جنت افكر اطلك):شتقصد
طلال:هيه تحاول تنرفزك حتى تطلكها..لانها خايفه
جود مع علامه استفهامات كثيره براسه:لحظه ..فهمني وحده وحده
طلال:راح اجي بعد كم يوم وافهمك..بس ديربالك عليها..لان اكو واحد اسمه عزيز يلاحكها..وكان يلاحكها من قبل لا تزوج..ومن عرف مكانها وعرف انك خطبتها بده يهددها..وترى هوة الي صوبك بيوم عرسك..وترى اذا نرفزتك فهذا من خوفها عليك ..لان عزيز كللها لو تطلك منك..لو يكتلك وياخذها

جود كان مصدوم وحاير بين يصدك لو ما يصدك (معقوله الي يحجيه صدك؟؟..اذا صدك ليش ما اجت وكلتلي..ليش ما اعتمدت عليه وكلتلي..اكيد هيه ماعدها ثقه بيه.)
كان بداخله مشاعر متصادمه بين فرح لان هيه ما تكرهه وما تحب واحد غيره مثل ما كالت.. وصدمه وغضب لانها ماكلتله..لان هسه زوجها يعني سندها يعني ما لازم تضم شي عنه بهالخطوره ..وبين احباط لانها ما وثقت بيه وواجهت كلشي لوحدها وكانوا هوة نكره ومو رجال تعتمد عليه

طلال:انته وياي
جود:هااا ايه
طلال:ادري هسه تكول ليش ما وثقت بيه وكلتلي..بس اكو شي متعرفه.. سما عمرها ما اعتمدت ع احد..دوم تعتمد ع روحها..لانها عانت  ..صحيح كانت امها وياها..بس ترى الناس دوم تستقوه عليهم لان همه نسوان وماعدهم رجال يعتمدون عليه..كافي التحرشات الي كانت تتعرضلها .. وترى ما لبست دشداشه وجفيه الا بعد ما طكت روحها..ما ارد اطول عليك.. بس كل الي اريد اكوله..لا تعصب لانها ما تثق بيك..لازم تسوي شي علمود تخلي ثقتها بيك تكبر ..ترى الثقه ما تجي منا والدرب

سد التلفون طلال بعد ما ودعه..وترك جود بين افكاره..فكره تجيبه وفكره توديه

******

علاوي اتصل ع ابو عزيز
ابو عزيز:نعم
علاوي:الو استاذ..سويت الي تريده ودزيت صوره احمد من جان يغتصب البنت المو صاحيه..صورته بدون ميدري..ودزيت صورته لاخوتها..وهسه تلكاهم هسه يخططون يسوون اله شي
<تذكرون السالفه مو لو نسيتوها 😅..وهذول الثلاثه الخطفوا نور..همه نفسها اخوتها للخبله..وخطفوا نور لان ظنهم اخت احمد..ورادوا يشربونه من نفس الكاس>

ابو عزيز:عاشت ايدك علاوي..كلمالك وتكبر بعيني..راقب الوضع وخبرني باخر الاخبار
علاوي:تدلل استاذ (شو هالمره ما انطاني فلوس😒..شكد فكر )

****

محمد كان يركض مثل المجنون ويتلفت يدور ع نور واخير لكاها بين الشجر كاعده وهيه كاضه رجلها بألم
راح بسرعه يمها:بيج شي
نور :رجلي تاذيني
محمد:شنو صار
نور ودموعها ما نشفت:وانا جاي اركض انلوت رجلي وطحت
محمد حاول ينسيها السالفه:😒ثوله ..متعرفين تمشين
نور:😠انته الاثول..عابت..غير خايفه من هذول اكيد انثول ..وبعدين شوف الشارع عالي وداير مدايره نكره..ليكول سكه قطار ع جبل
محمد: وين اكو جبل هالعلو شهالتشبيه..المهم تكدرين تمشين عليها
نور:ما اكدر تاذيني

محمد سمع اصواتهم من بعيد:لازم نمشي..شكلهم راح يجون
نور:كتلك ما اكدر اضغط عليها..فشلون تريدني اركض واشرد من عدهم
محمد من شافهم من بعيد سحب نور يم الشجره (كانت شجره كبيره ضخمه وكان مبين عمرها ملايين السنين) .. ومن قربوا لجهتهم سند نور ع الشجره وهوة حط ايدينه ع الشجره يعني ادينه دايره مدايره..وقرب جسمه ع نور حتى لا يشوفونه <عاد اتمنى فهمتوا الوضعيه 😅>

نور ارتبكت من حركته ومن قرب الها ووجها صار قريب من وجهه (او صدره بالاحرى) وكتمت نفسها بدون ما تحس من الخجل .. ونضرها صار ع صدره خافت ترفع راسها وتقابل وجهه  عن قرب

محمد كان مره يناظر للثلاثه ومره يناظر لنور وانتبهه لها انها متشنجه وما جاي تاخذ نفس
محمد وعينه ع نور وابتسامه خفيفه نمت ع وجهه :تنفسي..شنو ناويه تموتين
نور انتبهت لنفسها:انته وخر حتى اكدر اتنفس براحه
محمد مارد عليها من شافهم وقفوا قريب ع مكانهم بس الشجره كانت الحاجز الي ما يخليهم يشوفونهم
ومن شاف جعفر تسند ع الشجره بس من الجهه الثانيه ..محمد تدنه زياده لدرجه وجه نور ارتطم بصدره(طبعا نور خلوها سكته راح اطب بغيبوبه من الخجل والصدمه وتعبير وجهها فقط 😳👉🏻)

جعفر:وين راحو..ما معقوله ابتعدوا..اكيد بعدهم ما طلعوا من المنطقه
وائل:خيره..خل نخليهم بحالهم ونرجع
غسان وهوة كاض خشمه الي الى الان ينزف:انته اسكت احسن..انته السبب بالي صار.. لو مخلينه نكسره ما جان شردوا
وائل:احترم نفسك انا اخوك الجبير
جعفر:والله لو ما وكفت ضدنه جان احترمناك..بس الي يوكف ضد اخوه فما اله احترام
وائل:لان اوكف وي الحق ما يعجبكم مو..انا صوجي طاوعتكم من البدايه .. ما ادري شلون قنعت بكلامكم
غسان:والله اذا وكفت هالمره بطريقي..ما راح اسكتلك لانك اخوي..وراح اضربك وياه..وهذا الحمار راح ادفعه الثمن غالي ع هالضربه.. والله ما راح اتركه..اذبحه يعني اذبحه
جعفر:اخاف يتصل بالشرطه هالفتره
غسان:لا تخاف ..ماكو تغطيه هنا لذلك اخترت هالمكان..علمود اذا احد اشتبه بينة ما يكدرون يتصلون بالشرطه.. المهم لازم نتفرق ندور عليهم حتى نلاكيهم اسرع
جعفر:مو كلت ماكو تغطيه..اذا لكيتهم شلون اتواصل وياكم
غسان:هم صح..اذا لكيتهم صفر باعلى ماعندك ونجمع بهالمكان.
جعفر:واذا ابتعدنه وما سمعتوني
غسان:لا تخاف همه ما ابتعدوا هواي..احساسي يكول همه قراب..وبعد ثلاث ساعات نجمع هنا .. وائل انا حذرتك اذا ساعدتهم ما راح تلوم الا نفسك
وائل فر راسه للجهه الثانيه:اوك

وكل واحد راح بجهه ثانيه

ومحمد ابتعد بسرعه ونور كعدت ع الارض لان ما كانت تكدر توكف اكثر
محمد:اسف ما كان قصدي اقرب هالكثر بس جنت مجبور حتى لا يشوفونه
نور ما ردت وكانت منزله راسه للارض ووجهه احمر
محمد:بيج شي
نور وما تباوعله: مابيه شي بس رجلي تاذيني
محمد:لازم نمشي من هنا
نور:ما اكدر امشي
محمد:ما سمعتيهم راح يرجعون هنا واكيد راح يكضونه
نور:كتلك ما اكدر امشي شلون اطير يعني
محمد فكر شوي:صعدي ع ظهري وانا اشيلج
نور رفعت عينها بتفاجأ:😳شنو!!.. مستحيل ..انته شتحجي
محمد:اعرف عيب وما يصير ..بس احنه مضطرين.. وصدكيني مدام احنه بعاد عن بيتكم فراح اعتبرج مثل اختي وشرفج من شرفي ..فقط هالفتره
نور:مستحيل..ما اكدر
محمد:يعني احسن نظل هنا لمن يرجعون ويكضونه..شتعتقدين شراح يصير بيج اذا صرتي بيدهم ..تعتقدين راح يرجعونج للبيت وما يسوولج شي؟؟؟
نور(يارب شسوي اذا سمعت كلامه يا ويلي..ادري ما راح يسويلي شي بس يجوز والله بعد ما راح اكدر احط عيني بعينه ولا بعين اهلي.. واذا ظليت يا مصيبتي..يجوز يكضوني  وانزل راس اهلي وشرفهم)

وبنص تفكيرها كض ايدها وسحبها وخله ايدينها ع رقبته وشالها
وهيه نزلت راسها وسكتت..لان تدري ماعدها حل ثاني

هاي نور 👇🏻

******

حيدر جان بالبيت واتصل ع سلطان حتى يجي ويناقشه بموضوع
ومن وصل سلطان للبيت شاف حنان تنزل من سياره سوسو وودعتها
سلطان بابتسامه:اهلا..من حسن حظي الصدف تجمعنه هواي يجوز القدر يريد يجمعنه
حنان:الا من سوء حظي
سلطان:شسوين جايه لهلبيت بهالمغربيه..اكو احد يزور احد بهالوقت
حنان:اول شي هاي بيتنه..هذا الشي ما يخصك حتى لو ازور احد بهالوقت
سلطان:صدك؟؟ما جنت اظن ابو علي عنده حفيده مثلج
حنان:هذا الشي ميخصك..وبعدين انته شكو جاي بيتنه
سلطان:حيدر طلبني..انا صديق جود واشتغل وياه بالشركه
حنان بطرف عينها وبتعالي:ادري  صديقه بس مجنت ادري انك مجرد موظف لا رحت ولا جيت
سلطان:😒وشبيه الموظف
حنان:مابيه شي
وراحت وتركته
اجه الحارس من وره سلطان:استاذ حيدر كلساع يسال عليك ويكول ما اجه..ادخله ترى جاي يتانيك
سلطان:خلك من حيدر هسة..وكلي هاي بنت ابو احمد مو
الحارس:اي
سلطان:توقعت لان جود عنده بس اخت وحده واعرفها ..صدك هوة ابو احمد جم بنت عنده
الحارس:اثنين..لا ثلاثه نسيت مرت جود
سلطان:وهاي الجبيره لو الصغيره..وشسمها
الحارس:الجبيره اذا ما حسبنه مرت جود ..واسمها حنان
سلطان بابتسامه :هاااا حنان..اخيرا عرفت اسمها..انزين شكد عمرها
اجه حيدر قبل لا يرد الحارس:انته شجاي اسوي هنا صارلي ساعه اراقبك من الشباك وانته ما راضي تدخل وبس تهذر وي الحارس..شجاي اسولفون
الحارس:كان يسالني عن الانسه
سلطان بسرعه سد حلك الحارس
سلطان:😅مجرد دردشه عاديه (ضرب ع صدر الحارس بخفه)
حيدر:😒احاول اصدكك..المهم تعال بسرعه عدي مواضيع لازم اناقشها

اتجهوا للديوان ودخلوا
سلطان:اي موضوع تحجي عنه
حيدر:اكو شركه تبيع نفس بضائعنه وبسعر ارخص بنسبه ٢٠٪‏
سلطان:مستحيل..ع هالحال همه راح يخسرون ما راح يربحون شي
حيدر:وهذا الي مجنني..ليش يبيعون شي بسعر ارخص من الي اشتروه منه
سلطان:اكيد متعمدين ..ويردون يحاربون شركتنه..وتعمدوا ينزلون السعر وما اهتموا لخسارتهم..في سبيل يخلونه نفلس
حيدر:شراح نسوي..انا ردت اكول لجود بس ما ردت ازعجه وهوة توه معرس

سلطان:بس ما راح نكدر نصرف..ولازم نكله والا فراح يعصب..خله باجر نكله بلكي ينطينه نصيحه..بس لا تخليه يداوم..بس مجرد يوجهنه

حيدر:اوك
سلطان ناظر لساعته:انا لازم اروح ..امي بالبيت لوحدها وهيه شوي مريضه
حيدر:سلامتها ما تشوف شر..واسف اني ازعجتك
سلطان:الله يسلمك..لا ازعاج ولا شي..انته مثل اخوي
حيدر:اتشرف
سلطان:الشرف الي..عن اذنك
حيدر:اذنك معك
دخل حيدر للصاله وشاف بدور كاعده بالصاله وتحاول تتصل وامه رايحه وراده بالصاله وعليها القلق

حيدر:شفيج يمه
ام جود:يمه كلبي ما مرتاح..نور راحت من مساع للسوك وما رجعت ..وهسة ظلمت ولهسة ما رجعت..وادك عليها وما ترد
حيدر:راحت وي منو
ام جود:لوحدها..ووصلها محمد
حيدر:يمه ليش تخلينها تروح لوحدها
ام جود:وانا شدراني راح اطول هيج
حيدر:راح اتصل ع محمد
اتصل عليه وكان تلفونه مغلق
حيدر بده الخوف يتملكه:شسالفه
ام جود:شكو
حيدر:تلفونه مغلق
ام جود:معقول صار شي..يمه بنتي بس لا صارلها شي

حيدر:اهدي يمه انشالله ماكو شي
بدور:ما جاي ترد..فوك الميت مره وما ترد
ام جود:ما اكدر اتحمل راح اروح ادور عليها
حيدر كض امه:وين ترحين يمه..شنو هيه صغيره حتى نمشي بالشارع ونسال عليها..كعدي الله يهداج لا تضحكين الوادم علينه
ام جود:اتصل ع ابوك خل يجي يشوفها
حيدر:انشالله
دخل ابو جود وابو احمد بنفس الوقت وهمه توهم راجعين من الجامع
وشافوا جمعتهم ووجوهم ما تتفسر واستغربوا
ابو احمد:شكو
حيدر:تونه اريد ندك عليكم..نور تاخرت ولهسة ما ردت
ابو جود:شنو يعني ما ردت.
حيدر:طلعت للسوك وحدها ومحمد وصلها وما ردت..هيه ما ترد ع التلفون ومحمد تلفونه مغلق

ابو احمد:شلون تخلونها تطلع وي ولد لوحدها..حتى لو محمد نعرفه بس يظل ولد..معقوله محمد سوه شي
ام جود:لا تكول هيج وتخوفني..انشالله ما يصير شي بيها
حيدر:استهدوا بالله..محمد اعرفه عدل وهوة يخاف الله..ويحبنه ويخاف ع سمعتنه..يجوز عطلت السياره
ابو احمد:وبشنو تفسر ما يردون ع تلفوناتهم
ابو جود:كافي وخلونه نفكر

*****

هاي شلون شال محمد نور👇🏻 بس مو نفس الاشكال فقط الوضعيه ومعليكم بحركه هالصخل ما احبه😒

.
.
.
انتهى البارت

باجر راح اروح للزياره
ابروني الذمه ☺️