رواية لأجل من احببت سأكون قوية الفصل الرابع والثلاثون 34 - بقلم امل

#أرغبُ >بك
حبا #وجنوناً وعشقا🍃ً
وقصة لا نهاية لها
أحبك ب عينا
تعشق النظر إليك🙊
أحبك بـ لسانا🙈ً
لا يكتفي من الغزل بك 🍃

🌸🌸🌹🌸🌸

سما وهيه تسحب اسراء لبره:مثل ما اتفقنه
اسراء:اي بس ليش راح تسوين كل هالمسرحيه
سما:انجبي وسوي مثل ما كتلج ..(شافت محمد من بعيد).. يله امشي

راحوا وكفوا قريب من طريق محمد وهوة يمشي ببطئ وملل

اسراء: الا اكلج سمعتي ياهي خطبت نور
نور وعينها ع محمد الي كان جاي يمشي بهدوء بس اول ما سمع باسم نور وخطبه صنم بمكانه

سما:اي قبل شوي كلتلي خالتي ام جود انوا ام راشد دكت عليها وكلتلها نبي نخطبها واذا وافقت نور وابوها فراح يجون يخطبون رسمي

سما وعينه ع محمد الي اعطاهم ظهره وبدون وعي مسك الورده الي يمه وعصرهم حتى يخفف من توتره واعصابه

اسراء: وتعتقدين نور راح توافق
سما:اي ليش ما توافق عز وجاه ونسب يشرف وسمعه ماكو احسن منها
اسراء:بس انتي شفتيها شلون كامت بسرعه من فاتحتها ام جود

سما: شفيج انتي عود مستحيه وهسه تلكينها طايره من الفرحه
اسراء: صح اي بنيه بهالموقف راح تستحي
سما: الا هيه وينها الحين
اسراء:ما ادري من حجت وي امها بالخطبه شكلها استحت وراحت بالاسطبل..يمكن راحت يم صخلتها
سما:هااا اي اكيد تريد تكعد لوحدها تفكر بالموضوع وطايره من الفرحه وتستحي تبين هالشي كبالنه واكيد راح توافق بس عود مسويه روحها ثكيله وما توافق من اول محاوله
اسراء:اصلا شكل ام جود مصره ع الولد لان ابن صديقتها ومتاكده راح تقنعها
سما:يعني تعتقدين نكول مبروك من الحين
اسراء:الا مبروك ونص
سما:وناسه راح يصير عدنه عرس ثاني

محمد من عصبيته وبدون ميحس بنفسه كطع الورد ومرده بايده وكام بسرعه ورمه الورد بعصبيه وتوجه للاصطبل

سما وهيه تباوع لمحمد بفرح:غمزت السناره
اسراء كتفت ايدينها ع صدرها:يله الحين فهميني شصاير.. جاريتج بالموضوع بدون ما اعرف شي
سما:ولا شي مجرد تمثيليه
اسراء بانزعاج: شايفتني غبيه ..يله احجي ترى والله ازعل من عدج..هاي اخرتها اضمين عني
سما:اوووف امشي اسولفلج وامري لله مع اني اعتقد نوير راح اطين عيشتي اذا درت اني كتلج
اسراء:عادي تكفخج شوي وتهده
سما:😒مو انا ملطشه لحضره جنابكم

****

نور كانت بنهايه الاسطبل يم صخلتها وتبتسم وهيه توكلها وتمسح ع شعرها ( ما حاجه اضوج اصلا انا ما راح اوافق ابد.. لو اخذ المقتنعه بيه لو ما اريد ازوج)

نور كورت وجه الصخله بايدينها : ما لازم اعبس مو ..ههه يمه فديتج شكد كيوت

محمد اول ما دخل شافها تبتسم وهيه يم صخلتها كلبه ظل يدك من الخوف كان متامل تكون زعلانه ومو راضيه بس من شاف ابتسامتها خابت ضنونه

توجه بخطوات سريعه ناحيتها وبدون تفكير
ونور حست بخطواته وما امداها التفتت الا حسته مسك عضدها بقوه من الجهتين ورجعها بقوه وضرب ظهرها بخفه بالحايط

نور : اه (باوعتله بخوف واستغراب اكبر) محمد؟؟ شجاي اسوي وشجابك هنا
محمد: صح السمعته ..صح خطبوج لو غلط السمعته
نور باوعت للباب بخوف:محمد روح منا والله لو يجي واحد من اخواني ويشوفنه هيج والله يفهم غلط ويذبحك

محمد تكلم بلهفه :خل يذبحوني..اروحلج فدوه..بس جاوبيني
نور:اي خطبوني
محمد مركز ع عيونها وهو يقرب:وانتي راح توافقين؟؟
نور بلعت ريقها بخوف: شوف المكان مو مناسب روح منا
محمد ضغط ع عضدها بدون وعي وتكلم بنفاد صبر:بس طمنيني راح توافين لو ترفضين
نور حطت ايدها ع ايده بالم:اخخخ هاي شبيك اترك ايدي عيب هيج
محمد تركها بسرعه وعقد حواجبه بتوتر:اسف اسف والله مو قصدي محسيت ع نفسي..بس شلعتي كلبي دكولي
نور باوعتله بعدم تصديق( سلامه كلبك بيه ولا بيك) : لا ما راح اوافق
نور من شافت ابتسامته كبرت وهوة يباوعلها بتركيز لفت وجهة عنه بتوتر
محمد بفرح بان بعيونه:صدك؟
هزت براسها بمعنى نعم
محمد غمض عيونه بارتياح :الحمدلله الله يطمنج بالخير والله بقه يوكف كلبي من سمعتهم كلت هاي هيه طارت البنيه
نور باوعتله بعدم استيعاب
محمد:شبيج تباوعيلي هيج ع اساس يعني ما تعرفين
نور بتوتر:اعرف شنو
محمد:والله احبج يعني ممبين عليه .. يعني مفهمتيها من يوم انطيتج الكلاده وبستج (حك ركبته بخجل) انزين ما فهمتيها من نظراتي..جنت اظن البنات بسرعه يلكطنها جا شبيج انتي

نور اكتسه وجهه باللون الوردي وبلعت ريقها وبصوت مرتبك:انته اصلا صارلك جم يوم حتى متباوعلي فشلون تحبني (خرررب شحجيت هسه يكول هاي مدققه بنظراتي (عضت ع شفايفها) هسه انا شدخلني باوع لو لا)
محمد:جنت غبي بس هسه يختلف راح اشتغل شراكه وي جود ووعد من اكون نفسي وتكوم الشركه ع رجولها راح اجي اخطبج..بس انتي اطيني وعد ما توافقين ع احد لمن اجي

نور رمشت عده مرات وغمضت عينها وفتحتهم بعدم استيعاب (هذا شجاي يكول..خرب يومك شوي شوي عليه خل استوعب..والله عقلي ما يستوعب كل هذا )

محمد وكانه فهمها:ادري جبتها بطريقه دفشه وبدون تمهيد بس والله عقلي جان راح يطير وخفت لا تروحين مني.. فكلت راح اكول كلشي والي يصير يصير لو طخه لو طلع مخه بعد ماكو مجال

تاناها ترد بس هيه كانت مصنمه وفتحت حلكها عده مرات حتى تحجي بس رجعت سدته بتوتر

محمد كاعد ع اعصابه:هاا دحجي والله تلفتي اعصابي

نور وهيه تلف خيط نازل من فستانها بتوتر :شحجي
محمد تقرب منها شوي وهي لزكت بالحايط وبلعت ريقها: ولج صارلي ساعة اخرط وبعدين تكليلي شحجي .. ولج اعشقج والله العظيم احبج والكعبه والله مجاي العب ولا عدي نيه مو زينه واذا تردين احلفلج ع القران انا مستعد

سكت ينتظرها ترد بس كان جوابها الصمت وهيه ترجف ما تدري خوف او خجل
محمد قرب وجهه من وجهها كلش لدرجه حست بانفاسه ع وجهها:دحجي والله كلبي بعد ما يتحمل كل هالصمت

نور شوي وتذوب بالكاع من الخجل وكلما يتقرب تحس كلبها تزداد نبضاته (هذا من كل عقله يريدني احجي وهوة يقرب اكثر والله مجاي اكدر افتح حلكي مو هنوب احجي )

نور بلعت ريقها:انه ...
محمد بترقب:اي..
نور عقدت حواجبها بتوتر وعبست وجهها بشكل شوي وتبجي من الخجل :انا .. (رفعت عينها بعينه وتكلمت بطفوليه) انا عطشانه
محمد باوعلها بعدم استيعاب لدقيقتين وما كدر يكتم ضحكته:ههههه عود صدك تحجين.. والله حرام عليج راح يرتفع الضغط عدي من وراج وانا كاعده ع اعصابي اتاني ردج

نور باوعتله بطفوليه: شبيك والله عطشانه ( غير انته نشفت ريجي بحجيك .. مجنت متوقعه هيج شي )

محمد باوع بعيونها ومركز عينها بعينه وحط يدينه ع جوانب نور وقرب لاذنها وهمس: لا تباوعيلي هيج لا والله ترى اسوي شي ميعجبج ولا يعجبني
نور كزبر جلدها من حست بانفاسه ع شحمه اذنها ورقبتها ونزلت نظرها وعضت ع شفايفها حتى تخفف توترها وبنفس الوقت خجلت لان حاطه الشال باهمال وباينه ركبتها فعدلته وغمضت عيونها بتوتر وتزيد الضغط ع شفتها (ياربي شجاي يصير .. بس لحظه الصخله والاسطبل وانا ومحمد😰..شنو ليكون راح يتحقق الحلم 😱.. لا مو معقول)

محمد ابتعد شوي عنها بس من شافها ضغطت ع شفايفها ما كدر يبعد اكثر وصنم يباوع ع شفايفها وبلع ريقه :ل لا تسوين هيج
نور رفعت عينها عليه بعدم فهم بس من شافت عيونه مركزه ع شفايفها بدون ما ترمش صار وجهها الوان
محمد:لا تعضينهم هيج
نور نزلت راسها وغمضت عيونها بقوه وفتحتهم حتى تجمع الشجاعه حتى تتكلم:محمد بعد.. عيب الي جاي ي.....

ما كدرت تكمل كلامها من قاطعها محمد وهوة يطبك شفايفه ع شايفها وفتحت عيونها بصدمه ابد ما توقعته يسويها

بداها بقبله رقيقه وهوة يحط ايدينه خلف راسها وهو يقربها اله بس بدت تتحول من رقه لقوه وشغف وطاح شالها بدون ميحس ولا هيه تحس

حاولت تفصل القبله بس تمسك محمد منعها ومن اندماجه بالقبله نسه كلشي

نور بدت الدموع تتجمع بعينها وبكل ملكتها حاولت تدفع محمد ونجحت بهالشي
نور بانفاس غير منتظمه ودموعها بدت تنزل: شلون تسمح لنفسك تتجاوز حدودك هيج
محمد من شاف دموعها حس كلبه نعصر وباوعلها بصدمه من نفسه ع الي سواه

نور وهيه تعدل شالها وتشهق:شنو شايفني بنت رخيصه حتى تسوي هيج..لعلمك انا بنت مربايه واعرف الصح من الغلط واعرف الحرام والحلال.. بس انته طلعت واحد ما تستحي وواطي وجذاب

محمد حس خنجر دخل لكلبه من كلامها:اناا
نور بعصبيه: لا تتكلم ولا ابي اسمع حسك.. ومن يوم ورايح مابي لسانك يجي ع لسان فاهم.. ولو شفتني متعديه ما تباوع حتى 😠

رادت تمشي بس هوة وكف كبالها:سمعيني بس
بس هيه مباوعتله حتى ودفعته وركضت بسرعه وتجاهلت الم رجلها وزاد بجيها بس ما تدري تبجي بزايد من الم رجلها لو من الموقف لان اثنينهم زادوا الطين بله

خففت سرعتها من ابتعدت عن مكان محمد وقربت من البيت فحاولت تمسح دموعها بس شهقت بخوف من سمعت صوت جود يناديها

جود من شاف دموعها وتحاول تمسحهم قربلها بسرعه وبخوف:نور ..هاي شبيج ليش تبجين
نور باوعتله وما درت شترد
جود قربلها بخفه وحضنها وهوة يمسح ع ضهرها بخفه:احجيلي شبيج.. منو مزعلج بس كوليلي

زاد بجاها من حضنها تذكرت حجيها مره وي صديقتها بالكليه عذراء

عذراء:عود انتي ليش من تمرين ما اسلمين ع الولد ترى زملائج عيب وترى السلام لله مبيها شي
نور:ما احب اختلط بالولد وترى انا اذا طبيت القاعه اسلم جماعي فمو ضروري كلما اشوف واحد بره القاعه اكعد اسلم ع واحد واحد
عذراء:تدرين شيكولون عنج..ناس تكول معقده وناس تكول مغروره ورافعه خشمها

نور :الله صارت المحتشمه والي تخاف ع سمعه اهلها معقده ومغروره 😏
عدراء:شدخل سمعه الاهل بالموضوع
نور:اكو دخل لان الناس ما ترحم لان لو سلمت ع واحد فاكو نفوس مريضه راح تفسره غير شي فاحسن شي اجنب هالشي ..شلي بالطلايب ..وانا صراحه ما احب اكسر ثقه اهلي بيه..لان الحمدلله مطيني حريه بس يعني بحدود فلازم احمد ربي ع هالشي واحاول ما اخسرها

عذراء: يمعوده لا تبالغين بالموضوع ترى كلها سلام
نور: مو مبالغه بس الاحتياط واجب يعني هسه ضروري اسلم ع حضره جنابهم! لا مو ضروري

عذراء وهيه تاكل:كيفج انتي حره

رجعت بذاكرتها ع صوت جود وهوة يبعدها عن حظنه ويباوع لعيونها وهوة يمسح دموعها ويكلمها بحنيه :شبيج متفهميني شبيج .. والله جاي تخوفيني عليج بسكوتج

نور صفنت (😏جنتي تخافين ع سمعه اهلج حتى من السلام وهسه شصار؟ وين راح خوفج ع سمعتج..لو داخل هسه واحد من العاملين وهوة يبوسج مو جان انفضحتي وفضحتي اهلج وياج.. بس هوة مو صوجه صوجي انا انطيته مجال وباوعتله..انعل ابو هيج حب الي يخرب سمعتي.. اذا يريد يجي يخطب وغير هالكلام بعد ما عندي )

جود باوعلها بحيره:ليش ساكته احد تعرضلج من اليشتغلون هنا( تحولت ملامحه للغضب) كوليلي والله ادفنه بارضه

نور هزت راسها بارتباك بمعنى لا

جود لانت ملامح: لعد شبيج ..ليكون حويدر ضايقج..تردين اكسره الج

نور ابتسمت غصب وحاولت تكون طبيعيه: لا مو هوة
جود عقد حواجبه بحيره:لعد

نور:كل مافي الموضوع اني رحت اشوف صخلتي قبل لا نروح و
سكتت شوي ..تكلم جود حتى يحفزها تكمل:ايي
نور بتفكير وارتباك : وجلبك نبح عليه وانا خفت وشمرت العكازات وضليت اركض ودست ع رجلي وتحملت الالم بس علمود اطلع وعثرت ووكعت ع رجلي الي تاذيني

جود ناظرها بشك:يعني كل هالبجي والصفنه كله من الخوف من جلب؟؟
نور بلعت ريقها من شافت نظراته الشاكه:مو بس خوف انا جاي ابجي لان رجلي ضلت تاذيني وايد

جود ناظرها بخوف: اوديج الطبيب يشوفها
نور: لا مو شي خطير بس لان دست عليها بقوه

جود:الله يهديج غير تاخذين بالج وانتي تمشين
نور:معليه بس انام وارتاح راح اصير زينه
جود:وين عكازاتج
نور:كتلك شمرتهم بالاسطبل واجيت اركض
جود:اروح احيبهم الج
نور خافت محمد بعده هناك فتكلمت بارتباك:لا مو ضروري شيوديك اكول لسلمان عليهم
جود: لا عادي اصلا انا رايح هناك
نور: اوك (يارب طاع..اكيد طلع الحين ما معقوله يظل)

نور صارت تعرج وبالكوه تضغط ع رجلها
جود من شافها كسرت خاطره فشالها ودخل بيها البيت
نور وتحاول تكون طبيعيه:منو كدي جود علي بشحمه ولحمه شايلني وراح يوديني بغرفتي
جود ابتسم:جم نوره عدي انا
نور بطفوليه ودلع : وحده
جود:هههه وفديت هالوحده بس
نور تلاشت ابتسامتها لدقايق وبعدين رجعتها من شافت نظرات جود الي مركزه بتعابير وجهها

****
اما عند محمد فاول ما طلعت نور من عنده وكان يلوم بروحه

محمد بانكسار وندم:شسويت يا محمد شسويت (ضرب ع جبينه بقوه عده مرات وهوة يردد) غبي غبي مجنت تكدر تكض روحك شوي .. (ابتسم بسخريه من نفسه) من جهه تكللها مجاي العب وماعدي غايه مو زينه ومن جهه ثانيه تبوسها بهاي الطريقه ..هسه اكيد خذت فكره مو زينه عني..(مسح ع وجهه بقوه ورفع ايدينه بقوه ع شعرهه ومرره ع شعره بخفه وبعدين خبص شعره بعصبيه) اوووف شراح اسوي شلون افهمها اني مو قصدي وسويت هالشي بدون وعي

شاف سطل كباله فطلع حركت كلبه بيه وركله : جيت تكحلها عميتها.. هسه اكيد كرهتك وتظنك واحد لعوب..اوووف غبي من بدايتها بوس.. شجنت افكر بيه وقتها ما ادري..( تنهد بقوه) اصلا ما فكرت

طلع من الاسطبل وهوة يتمشه (كل حركاتها وارتباكها وخجلها يدل ع انها يجوز راح توافق ويجوز كانت تبادلني نفس الشعور ( عفس وجهه بندم) بس انا الغبي خربت كلشي )

محمد:بس راح اصلح كلشي يا نور ووعد مني اذا ما اشتغلت بهالشركه وبضرف سنه الا اسويها اشهر من نار ع علم واجي اخطبج ما يكون اسمي محمد.. محد راح ياخذج غيري يا نور

🍃🍃🍃🍃🍃❤️❤️❤️🍃🍃🍃🍃🍃

يسالفتي 😍
مو زلمه وابن رجال 😌
اذا ما صرتي ام بنتي❤

******

جود حطها بغرفتها وقبل لا يطلع:صدك حضري روحج راح نطلع الحين..تبين اكول لوحده من البنات تجي تساعدج

نور: لا انا مافيني شي هسه اكوم احضر ملابسي وابدل
جود:اوك ع راحتج

نور اول ما طلع جود رمت روحها ع الجربايه براحه ورجعت تفكر بكلشي صار ونمت ع وجهه ابتسامه منكسره (اول ما كتلي انك تحبني كنت راح اطير من الفرح بس انت بدون حتى ما تهتم لردي خربت كلشي ببوستك هاي.. ( عقدت حواجبها بوسواس) معقوله محمد يلعب عليه حتى يوصل لليريده معقولة ما يحبني ويمثل (تذكرت طفولتها) لا محمد ما يسويها انا واثقه انا اعرفه زين..- مو يجوز تغير من كبر يجوز صار واحد غير.. لا ما تغير محمد واعرفه من عيونه نفسه ما تغير.. وشنو اليضمنلج انه ما تغير.. ما ادري..بس احتياطا بعدي عنه اي احسن..اخخخ يا محمد ياريت اكدر اكرهك وما اورط روحي بهالحب.. بس المصيبه لو مهما يصير ما اكدر اكرهك ..كلبي ميطاوعني)

كامت بسرعه حتى تجهز قبل لا يضيع الوقت وهيه بعدهي تفكر

****

وبسرعه شدوا غراضهم وصعد بسياره حيدر( اسراء وزينب والجهال وام راكان ) طبعا بعد اصرار حيدر الا يجون وياه واخذ جناطهم وصعدهم بسيارته بدون ما يتاني اذنهم

اما بسياره مصطفى فصعد الجد والجده وابو جود
اما بسياره محمد فصعد ام جود وراكان ومريم

اما بسياره جود فكانت بس سما وياه

ام جود وهيه تنادي نور:يله يمه ليش كل هالتاخير..يله جاي ننتظرج (وفتحتلها الباب)

نور باوعت لمحمد من طرف عينها بعصبيه وشافته يباوعلها بندم : لا يمه ابي اروح وي جود
ام جود: ع راحتج

تعدته ومشت بدون لا تباوعله وصعدت بسياره جود وانطلقوا

حيدر:ديله امشي بسرعه يالسلحفاة

ابوجود:انته اسكت يالخاين ولا تحجي ع بنتي
حيدر:افااا ليش يبه
ابو جود:اسال نفسك ما فكرت حتى تسال اذا ابي تشيلي جنطتي وبعض الناس تركضلهم ركض تشيل جنطهم بدون ميكولون

حيدر باوع لاركان الي واكفه شوي بعيد عنهم وخاف لا يسمع:😅😅يبه غير عمتي وتوها جايه ولازم ادللها.. (باوع لاسراء بطرف عينه) وبعدين بس هالعمه الوحده عندنه فديتها يا ناس والله اعشكها

ابو جود بعصبيه مصطنعه:عينك عليه وانا اكلمك يا ولد
اسراء كتمت ضحكتها عليه وادعت اللامبالاة
حيدر باوع لابوه:سم يبه تامر امر جم ابو جود

الجد باوع لابو جود:انته هذا ولدك ع منو طالع مطيور
حيدر باوعله بحزن مصطنع:افاااا يبه وهذا كدامي بعد..زعلت والله..اصلا شكلي من وراكم راح يطير سوكي وما ياخذوني بعض الناس واطيح بجبدكم

الجد: استح ع وجهك وشواربك الي شطولهم شنو اطيح بجبدنه مره انته وانا ما ادري ( باوع لابو جود) يا ولدي انته اول ما انولد فحصتوه انه رجال
من سمعوا هيج الكل فطس ضحك
حيدر احتقن وجهه وتكلم بانفعال:شيفحص يا جدي😵😳

ابو جود وهوة يلعب باعصابه:والله ما ادري اسال امه
حيدر:يبه هاي بدال لا ادافع عني الله يسامحكم بس

حيدر من سمع ضحكه اسراء التفت الها ويكلم الجد وابوه وياشر لاسراء: والله لخاطر هالضحكه بس راح اسامحكم فديت الضحكه وراعيتتها
اسراء استحت ولفت وجهه عنه وباوعت بره الزجاج
ابو جود رفع حاجب:نعم!😒

حيدر وخر اصبعه عن اسراء وحطه ع عمته:قصدي ع عمتي بس خطئ باشاره الاصبع مدري شبيه يروح مناك 😅

جود دك هورن:ياه تحركوا خل نتحرك
حيدر:اوك اوك

***

بعد ساعتين ظلت تدردم سما من الجوع

سما: اخخخ جوعانه.. هسه لو صابرين علما نتعده ونرجع
جود:صار عدي شغل مهم فاضطريت ارجع
سما ناظرته بملل: اي روح لوحدك مرجرجرنه كلنه وراك المن..جان الحين جاي نتغده
جود:اكو مره سنعه تكول لرجلها جذيه..اصلا لو اكولج ظلي لازم من كيفج تكولين لا شلون اخليك بروحك

سما رادت تكول شي بس باوعت لنور وسكتت
ما تريد تتعارك يمها بعد دقايق التفتت لنور واستغربت هدوئها كانت حاطه راسها ع باب السياره وتباوع لبره الزجاج بهدوء وكانها بعالم ثاني
سما:نور ..نور ..نور شبيج
نور:هاا!
سما:شبيج
نور باوعت للمرايه الاماميه وشافت جود يباوعلها فردت وحاولت ما تبين ارتباكها:لا ولا شي بس حسيت بدوخه من الطريق
سما باوعتلها بعدم تصديق:هااا

بعد نص ساعه وصلواكل واحد وصل بيته

وتغدوا وارتاحوا

جود وهوة يطلع من البيت
سما لحقته يم الباب:لحظه لحظه وين رايح
جود:للشركه.ليش تسالين
سما: اصبر تانيني ابدل واروح لبيت ابوي
جود ببرود:ما لازم
سما تخصرت:وليش بله
جود: ركدي ببيتج شوي كل يوم منكعه عندهم

سما:يوووه ضوجه..انته تروح وتطلع للشركه وانا اظل لوحدي
راد يطلع بس مسكت بذراعه:عفيه خل اروح ما ابي اظل لوحدي هنا
جود باوع لايدها والها فوخرت ايدها بسرعه :باجر عرس احمد وراح اوديج لهم من الصبح وراح اشبعين منهم

وراح ووكف يم الباب واول ما حط ايده ع اليده سمعها وهيه تقول بهمس وهيه تضرب رجلها بالارض:نحيييس 😤

التفتلها وهوة رافع حاجب بعصبيه:شنو كلتي؟؟
سما تراجعت بخوف (بل مو ذانات شلون سمع): ما كلت شي
وتركتها ودخلت لدارها تهرول

جود ابتسم وهوة يبارع باثرها (لسانها طويل وعنيده ورافعه خشمها بس مع ذلك ما ادري ليش كلبي متعلك فيها )

نفض هالافكار وطلع

****
مساءا
وسما تقلب بالقنوات بملل بس ما حاطين شي حلو فباوعت للساعه

سما بقهر:صارت الساعه عشره وحضره جنابه ما شرف..شراح يخسر لو موديني يم البنات..جان الحين مكضينها ضحك ولعب

تذكرت مراسلتها وي اسراء من كلتلها رايحين الصالون هيه ونور يغيرون لوك حك العرس ماتت قهر بوكتها
سما: خل اروح اخمد اشرفلي

راحت لغرفتها وخذت ملابس نوم من الكنتور وراحت للحمام تبدل ربع ساعه وطلعت

وانبطحت ع السرير تريد تنام بس مكدرت وظلت تتقلب (اوووف ليش مدا اكدر انام مع اني دايخه)
قلبت للجهه الثانيه وظلت تباوع للمكان الفارغ الي بالجربايه ومتدري ليش خطر ابالها جود (الحين بعد ما رجعنه اكيد راح يرجع لغرفته ينام بيها.. اوووف ليكون بديت افتقده هوة بس اسبوع نمنه سوه ( تذكرت ايام المزرعه من كانت تنام بحضنه والاحاسيس الي جانت تحسها بس كانت تحاول تتجاهلها وتنهدت)هاي شبيه ! ما معقوله بهالسرعه تعودت (كلمت نفسها بعناد)اي عادي مثل ما تعودت عليه يمي راح اتعود هم ع بعده.)

ظلت تفكر مده وفكره اجيبها وفكره توديها وما كدرت تنام لمن صارت الساعه ب ١٢ وربع وبدت تقلق

(هذا ليش لحد هسه ما اجه ..ليكون صارله شي .. اوووف منك يا جود اوف .. ع الاقل دك كول راح اتاخر )

شوي وسمعت صوت السياره فركضت بسرعه للشباك وشافته ينزل من السياره وهوة يطي المفتاح للحارس فتنهدت براحه ورجعت للسرير وتمددت وسمعت صوت غرفته انفتحت وانطبكت وفكرت بخيبه امل( راح غرفته☹️ يعني شمتوقعه يجيج مثلا ..هذيك الايام بالمزرعه جان مضطر بس هسه بمزاجه يجي لو لا.. بس معقوله ما افتقدني 😓)

لفت لجهه الباب:شنو هالحاله اليوم (تثاوبت)
سما تحاول تبرر لنفسها :اصلا انا ما تعودت عليه بس انا ما اكدر انام لان افكر هواي اي كله بسبب التفكير
غمضت عيونها وهيه تحاول تنام بس فتحت عيونها بسرعه ورفعت راسها من المخده من سمعت صوت بابه انفتح وانسد وصوات خطواته متجهه لغرفتها وكلبها ظل يدك
سما فتحت حلكها:جاي لغرفتي
حاولت تعدل شعرها ومن شافت يده الباب تتحرك فنبطحت بسرعه ع المخده واطاير شعرها ع وجهها وغطه وجهها كله بس ما كدرت توخره من حست بيه دخل وغمضت عيونها وسوت روحها نامت ووكف يم الجربايه شوي بعدين كعد عليها

حاولت تهدي روحها من حست بيه صعد ع الجربايه وتدنه يمها (اهدي اهدي حوله دكات كلبج راح تفضحج )

تدنه يمها اكثر واتكه ع ايده بنصف تمديده ورفع شعرها عن وجهها وباوعلها شوي بغموض

ومد ايده تحت جسمها وسحبها اله بس عقد حواجبه من رمشت بعينها بدون متحس بسبب ارتباكها
جود عقد حواجبه باستغراب( هاي كاعده لو نايمه؟) ابتسم ابتسامه جانبيه خبيثه ( خل اكتشف بنفسي)

جود نام ع الجانب الايمن بحيث صار مقابيلها وقرب من وجهه وصارت انفاسه بوجهها بس بدون ما وجهه يلامس وجهها
وعينه اجت ع شامات رقبتها وصدرها وع عظم الترقوه البارز
فحط ايده ع عظمتها وعينه ع وجهها وع وجهه ابتسامه لعوبه وخل ايده تنزل ببطئ الى ان وصلت لخصرها وتسللت ايده تحت الفانيله
واول ما ايده لامست بطنها حس برجفتها بين ادينه وهالشي خل ابتسامته تزود وهوة مركز ع ملامح وجهها الي تحاول تسويها طبيعيه

فنزل عينه مره ثانيه ع رقبتها وهالمره ماكدر يقاوم وما اكتفه بلمسه فنزل لمستوى رقبتها وباس شامتها برقه مع ايده الي مشت بخفه لظهرها وهو يمسد عليه بخفه وكمل ينشر قبلاته ع رقبتها وهوة بده يسمع تنفسها البده يصير غير منتظم وصدرها البده يصعد وينزل بسرعه

بالبدايه بس كان يبي يكتشف اذا صاحيه بس الحين ع الرغم من انه متاكد انها صاحيه بس كمل ما يدري لان ما يكدر يقاوم ويبعد او لانه عده امل انها راح تسمحله يكمل

سما مسكت الفرشه بايدها بقوه وتحاول تقاوم وما اذوب ع لمساته وقبلاته الي بدت تصير خشنه ثم بده ينزل بقبلاته بعدها توقف كانه تردد بعدين بدت قبلاته تصعد الى ذقنها وثم خدها نظر ثواني لشفايفها بعدها حط شفايفه ع شفايفها وقبلها بعذوبه ذوبتها بس بالاخير وبصعوبه كدرت تبتعد عنه بسرعه وتلف للجهه المعاكسه وتكورت ع نفسها وهيه تحط ايدها ع صدرها تحاول تهدي انفاسها المضطربه

اما هوة فما كان احسن منها هم كانت دكات كلبه مضطربه وهوة يباوعلها وهيه بعدهي تتنفس بقوه وبصوت مسموع ومضطرب تمدد ع ظهره وتنهد وحط ايده تحت راسه ويناظر للسكف بشرود ومرت دقايق وولا واحد فيهم تحرك ثم بعد مده التفتلها وهوة بنفس الوضعيه وهو يباوع لظهرها بسكون وهدوء وبعدها كام ودخل الحمام حتى يهدي نفسه

سما اول ما سمعت صوت باب الحمام وهوة ينسد التفتت بسرعه ومن شافته ماكو تنهدت بقوة وهيه تغمض عيونها بارتياح وهيه تتنفس بقوه وتحط ايدها ع صدرها تسندت ع السرير وهيه تباوع للحمام وهيه تسمع الدوش (ياربي شجاي يصير والله بعد مابيه استحمل ولا لمسه )

رجعت تمددت وهيه تحاول تنام قبل لا يجي بس امنيتها ما تحققت لان طلع وهوة ينشف شعره باوع لمكانها ولكاها ع نفس الوضعيه بس تتنفس بهدوء

رجع تمدد ع السرير بهدوء بس ما استحمل بعدها .. فجرها لصدره بسرعه بدون ما تملك الوقت حتى تسوي اي شي
حاولت ترجع الوضعها بس هوة جذبها من خصرها ورجعها مكانها وتكلم هوة بهمس هادئ: ما راح اسوي شي بعد بس نامي هيج

سما ما تحركت وهيه ما تزال مغمضه ..هيه تدري انه يدري انها كاعده بس ماعدها الجرئه تفتح عيونها وتواجهه هسه

فاخفت وجهه بركبته وتحاول تخفي تورد خدودها بنفس الوقت ما تريده يشوف تاثيره عليها < ع اساس ما يدري 😑😏>

*****

يوم ثاني صحت وما لكته جنبها وحمدت ربها ع هالشي لان ع امل تنسي السالفه منا لبعدين اما هسه وهيه حاميه السالفه فالافضل ما تشوفه

***
انتهى البارت

هلووو😍😍
كل عام وانتوا بخير وعسى ينعاد عليكم بصحه وسلامه

صح البارت مو طويل بس كلت مدام عيد فخل انزله حتى لو مو كامل