رواية لأجل من احببت سأكون قوية الفصل السابع والثلاثون 37 - بقلم امل

- آذا مـس التعـب گلبك 💔☹️
-انـا الموجـوع صدگني 👌😔

┄┉┉❈»̶̥❤»̶̥❈┉┉┄

حنان دورت امها بالاخير لكتها بالمطبخ تصارخ ع الخدامه توجهت حنان للثلاجه وصبتلها كلاص ماي  وكعدت ع الكرسي وحطت الكلاص ع طاوله المطبخ وهيه ناويه تكللها حتى تشور عليها شتسوي وي علاوي لان بعد ما تتحمل هالضغط ولازم احد يعرف حتى يساعدها وتكلمت بارتباك:يمه
ام احمد ما انتبهتلها وكملت مجادلتها وي الخدامه
حنان:يمه الحين تركيها ابي اتكلم وياج
ام احمد التفتت لها:خييير
حنان :تعاي كعدي يمي ابي استشيرج بموضوع
ام احمد خذت كلاص الشاي وكعدت يم حننان:وهاي كعدنه تفضلي وكولي شتبين ..ورجاءا لا اطولين ترى وراي طلعه
حنان:يمه وانتي كله لو طالعه لو بغرفتج ونايمه ش
ام احمد: وانتي تحاسبيني حضره جنابج..اذا هذا موضوعج فمابي اسمع شي
خذت كلاص الشاي ورادت تكوم بس ايد حنان المسكتها وكفتها عن هالشي
حنان:خلاص خلاص يمه ما راح احجي بهالموضوع انا موضوعي غير عن هالشي..الصراحه الموضوع عن صديقتي
ام احمد كعدت بدون اهتمام :وانا شدخلني بصديقتج
حنان:يمه هيه خابرتني امس وشكلها طايحه بورطه وتبي مساعدتي وما عرفت شلون اساعد فكلت ماكو الا اني استشير شخص اكبر مني وواعي (اصطنعت الابتسامه) ومالكيت غيرج ينفع بهالموضوع
ام احمد:احد كالج اني مصلحه اجتماعيه او شي مثل هذا ..شدخلني بمشاكل العالم..وانتي هم لا ادخلين نفسج بشي ما يخصج
حنان مسكت بايد امها وتكلمت برجاء:يمه تكفين سمعيني وهاي صديقتي مو اي ناس الله يخليج سمعيني
ام احمد تاففت:انزين كولي
حنان: راح احجي بس مو تكاطعيني
خذت نفس قوي وكملت:يمه صديقتي جانت تكلم واحد وجانت تحبه وطلب منها تطلع وياه هيه بالبدايه رفضت خافت من اهلها بس بعدين اصر وخافت تزعله وطلعت وياه
ام احمد قاطعتها: مبين هاي صايعه شلون تطلع وياه..بله انتي شلون تصادقين هيج وحده هاا
حنان بلعت غصتها:يمه مو كتلج لا تكاطعيني
ام احمد:اووف كملي خلصينه
حنان كملت وهيه خايفه تكشفها: المهم بعدين طلع حبيبها نذل وطلب منها تطلع وياه بشقه بس هيه من طلب هالطلب عرفت انه يلعب ونذل وتركته ولاردت عليه ونوت تتركه كلش بس هالنذل رجع بس هالمره رجع يهددها ودزلها صورها يهددهم فيها وهيه انصدمت لانها مادزتله صور والمصيبه دزلها صوره محادثه بينها وبينه وهيه دازتله الصور من حسابها والمصيبه انه فبرك فيديو بوضعيه استغفر الله مو زينه ويكولها لو تجين للشقه لو انشر الفيديو والصور..وهيه خايفه ومو عارفه شسوي واجتلي تشتكيلي حتى الكالها حل..فها شرايج بحالها وشنو الحل لمشكلتها

ام احمد كانت حاطه يدها ع خدها وتستمع: الحل انها تكول لاهلها ويذبحونها قبل لا تفضحهم
حنان اصفر وجهها من الخوف وحاولت تتحكم بنفسها: بس يمه هيه ما سوت شي بس مكالمات وجم طلعه بريئه ومعدوده ع الاصابع..حتى صورها ما دزتهم حتى من طلب منها وزعل من رفضها بس اصرت ما تدزهم لان هالشي غلط
ام احمد بسخريه:وانتي مصدكه حجيها!! اكيد تجذب حتى تنقذ نفسها والا منين الولد يجيب صورها بله..ولا وفوكها انه رسل محادثتها وهيه دازه الصور بله وين اكو دليل اقوه من هالشي
حنان وهي تبلع ريقها:بس هيه حلفت ما دزتهم
ام احمد:كالوا للحرامي احلف كال اجه الفرج.. حبيبتي لو هاي بنتي ما اصدكها ويجوز اذبحها بيدي وما اتاني اخوانها يجون يذبحونها.. (وبعصبيه خفيفه) ومن يوم ورايح ما اشوفج تمشين وي هيج اشكال وصخه فاهمه.. ناقصنه بعد سمعه خايسه ..هنوب الناس تشوفج تمشين وياها يكولون اكيد وصخه ع صديقتها

حنان انربط لسانها من الخوف وما كدرت ترد
ام احمد:مدام خلصتي فراح اروح ابدل بس طيرتي وقتي ع الفاضي
حنان باوعت لامها الى ان اختفت امها وبدت الدموع تتجمع بعينها من الخوف وضربت راسها بالطاوله بقوه :اخ (اوووف اووف هاي انتي امي الي لازم تكون ارق واحن وحده فالكل تكولين هيج فشلون اخوي وابوي.. ياربي خفت زياده لو ادري لو ادري ما محاجيتها)
وبهالوقت دخلت سما المطبخ وشافت حنان وكعدت تباوعلها بتفكير وبهاللحظه رفعت حنان راسها ودموعها كانت ماليه خدها وخافت من شافت سما كبالها ومسحت دموعها بقوه ورادت تكوم
سما:تكدرين تحجيلي اذا اكو شي
حنان:اعتقد كتلج مالج دخل ورجاءا لا تسالين وادخلين نفسج بشي ما يخصج
سما :راح اظل اختج الجبيره مهما يكون ومستعده اسمعج واساعدج اذا اكدر
حنان:😏قصدج مستعده للشماته
وصلت رساله لحنان وفتحت الرساله وتغيرت ملامح وجهها وصار اصفر والخوف واضح عليها بلعت ريقها ووطلعت بسرعه وتركتها وسما الي كانتت تتفحص ملامحها زاد شكها وخوفها وحاولت توخر الافكار من راسها مؤقتا وخذت صينيه الجاي ودخلت للصاله يم نور وام راكان ورقيه واسراء الي توها كاعده وعيونها منفخه
حطت الجاي:الا اكول زينب وعيلانها وين شو البيت هادئ وماكو صريخ ولا ازعاج

رقيه بابتسامه: راكان شافهم ضايجين وخبلوا امهم فحب يطلعهم ويونسهم فاخذهم لمدينه الالعاب ..وزنوب ما صدكت ورجعت نامت

سما ردتلها الابتسامه: ياحليله شكله يحب الجهال ويتحمل ازعاجهم ..والله انا بنت وبصراحه ما اتحملهم خصوصا همه وكح فشلون وهوة رجال وعنده طوله بال عليهم
رقيه:اي يموت ع الجهال وسبحان الله وهمه يموتون عليه ع كل وكاحتهم بس من يصيرون يم راكان يهدون.. يعرف شلون يهديهم ويعاملهم كانهم رجال
ام راكان قاطعتها: اي حنين ع الكل بس ما ظنتي بشوف عياله واشوف حنيته عليهم
رقيه اختفت ابتسامتها وقلب وجهها الوان
اسراء لاحظت هالشي وحاولت تدارك هالشي: ربج كريم وما تدرين يجوز خيره
سما :اي كل تاخيره بيها خيره
ام راكان:ما ظنتي هاي تانينه اربع سنوات وماكو شي
راقيه بابتسامه مصطنعه ووجه مخطوف:عن اذنكم
وطلعت بسرعه بدون ما اتاني ردهم
اسراء التفتت لامها بقهر:يمه ليش تحجين هيج يمها
ام راكان:وانا كلت شي جذب.. وولدي هم مطاوعها لو غيره جان ازوج عليها من ثاني سنه
اسراء:يمه قدري ضروفها ولا تحجين هيج يمها
ام راكان بعصبيه:اعتقد من حقي هالشي..من حقي ابي اشوف ولد ولدي الجبير
اسراء بنرفزه: اعتقد هيه ما مقصره وراحوا وكشفوا والعيب لا منها ولا منه بس ربج ما قاسم واعتقد جاي تروح كل شهر لدكتورتها وتعالج
اسراء كامت وره رقيه وهيه معصبه من امها
سما :ليش هيه عدها ضعف حتى تعالج
نور:لا مابيها شي بس الدكتوره تنطيها فيتامينات وادويه تقوي البويضات وهيج شي..ما اعرف بهالسوالف
ام راكان تنهدت ومسحت ع وجهها :استغفر الله العلي العظيم مو قصدي اجرحها بس هم انا مقهوره ع ولدي والله من اشوفه يلعب وي جهال اخته كلبي يتكطع عليه
سما بابتسامه: الي ربج كاتبه راح يصير..ومو معناتها انهم تاخروا فما راح تخلف ..اكو هواي ناس تاخروا بالانجاب بس بعدين الله رزقهم
ام راكان شوي هدت:الله كريم
كملوا سوالف والا بدخله جود ودخل سلم وباس راس ام راكان
ام راكان ابتسمت: الله يحفضك ياولدي الا وين جنت.. شفت مرتك من مساع وانته ما شفتك
جود راد يجلس بعيد عن كنبه سما الي كانت جالسه يمها نور بس نور فزت:جود حبيبي تعال اكعد هنا يم مرتك
سما سبتها بافكارها
جود جلس بكنبه منفرده بقرب كنبه قرب ام راكان:مو لازم مرتاح هنا وبعدين مشتاق للغاليه
سما تجهم وجهها ورفعت حاجب بغيظ(قاهرني مره يعني متقرف حتى يكعد يمي..لعد ليش ما يطلك اذا مو عاجبته صدك باط مرارتي 😤.. يووو بالطكاك هسه كلش انا ميته عليك)

جود رد ع سوال عمته الاولي:طلعت من مكتب جدي ورحت بيت ابوي سلمت عليه
سما كامت صبت شاي وهيه توزع وكربت منه وقدمت الشاي وهيه تناظره اتانيه يرفع عينه بس جود خذه الجاي بدون حتى ميباوع عليها او يعبرها وحطت الصينيه بقوه ع الطاوله والكل باوعلها باستغراب عداه هوة ما رفع عينه
كانت تراقبه وتنتظره يرفع نظره ولو لحظات وما انتبهت لنظرات الاستغراب من الكل

سما:( هذا حتى مباوع ميباوع عاد مو هيج يمصخها (تذكرت جود قبل وحتى لو ما سوه شي كافي نظراته الجريئه من يكعد كبالها يخليها ما تكدر ترفع عينها وتباوعله ..تذكرت من جان يتعمد يكعد كبالها ونوبات يتعمد يلمسها بدون ما يحس احد وجانت تظهر انزعاجها بس كانت هيه ذايبه بلمساته))
بدون ما تحس لنفسها لكت روحها تحن للماضي ..تحن لجود القديم
نور حطت ايدها ع رجل سما وهمست:هلكثر اخوي مخبلج
سما باوعتلها بعدم استيعاب: شنو !
نور:ضربتي الصينيه بالطاوله وملامحج منزعجه ومن سالناج ما رديتي وعيونج بس معلكه باخوي وما تردين وهوة ما رفع عينه وسوه روحه ملتهي بجايه وهوة يخوطه..شنو السالفه
سما غمضت عيونها بقوه وفتحتهم (شكد غبيه صفنت بيه وانا افكر فيه): ماكو شي حبيبتي بس صفنت وما دريت بشنو اطالع

جود كام:لازم اروح لا اتاخر ع الشغل..عن اذنج عمتي
ام راكان:الله يوفقك يا ولدي ويرزقك اكثر واكثر

جود:تسلمين ياعمه
وطلع بدون ما يناظرها وصعد للسياره وتنهد ورجع راسه لوره وتسند ع الكشن وغمض عيونه ويحاول يهدي روحه طول الوقت ما باوع بسما ما يريد يضعف ويخسر كرامته اكثر من هيج لاول مره يريد يحاول يبتعد عنها حتى يتعود ع بعدها وينساها ويتامل ان مع الوقت هالزفت  راح يبطل يدكلها

فتح عينه وطاحت عينه ع علبه المحبس الي طلعها امس بالليل وحطها كدام عقد حواجبه بانزعاج وضرب العلبه بخفه وطاحت ع الكشن اليمه ووكعت بارض السياره
حرك سيارته وملامحه ترجع طبيعيه

***
سلطان نزل وهوة مبدل وبعيونه النوم تقدم وباس راس امه:صباح الخير يالغاليه..ليش بعدج ما كلتي
ام سلطان:صباح النور..هلا بحبيب كلبي جنت انتظرك شو اليوم متاخر
سلطان ع الطاوله مالت الاكل : والله يمه البارحه تعبت بالعرس ورجعت متاخر حتى ما شبعت نوم.. وجود الخاين عود صديقي حتى ميطيني اجازه
ام سلطان: احسن حتى تنضبط اذا تعودت ع الدلال والاجازات فراح تتعود ع الكسل
سلطان وهوة ياكل: بس ابي اعرف انا ولدج لو جود
ام سلطان:والله معزه جود عندي مثل ولدي واعز
سلطان يمثل الزعل:يعني اعز مني مو
ام سلطان: هههع لا يمه انته ماكو اعز منك..انته متربع بالكلب
سلطان:اي عبالي بعد..لا تعيدينها بعد وتحبين واحد غيري ترى اغار 😉
ام سلطان تضربه بخفه:استح ع وجهك انا امك وتحجي هيج وياي لعد شخليت لزوجتك
سلطان يحط يده بتمثيل ع كلبه:اخخخ يمه اخخخ لا اجيبين سيره الزوجه من الحين كلبي ينبض.. هيه بس تجي واعيشها ملكه ع عرش قلبي
ام سلطان: ههههه والله شكلك لو اجت راح تنساني مو بس تسوي دراما
سلطان:انسه روحي ولا انساج انه جم زهوره عدي..ما عاشت الي تنسيني امي
ام سلطان:ع سالفه الزوجه..متى تبيلي ادورلك واخطبلك وحده
سلطان كان يبي يشرب ماي واول ما وصل لشفايفه وسمع كلامها صنم مكانه والكلاص معلك يم شفايفه واختفت ملامح الشقه من وجهه
نزل الكلاص ع الطاوله والجديه ماليه وجهه: مو وكته الحين
ام سلطان: ليش مو جنت مستعجل وفرحان
سلطان(هذا جان قبل من جانت هيه بنظري شي حلوو مو الحين وصورتها ابالي اشوهت): اي يمه هذا قبل بس فكرت وكلت بعد وكت بعدني صغير (اخخخخ يمه الا تجيبين سيره الزواج واذكريني فيها.. ياترى الحين شخبارها..بعدها وي هالكلب لو وعت ع نفسها وتركته..يارب الله يهديها (وبغصه)وتلكه الرجال اليسعدها عدل..اوووف ما لازم افكر فيها الحين لان مو نصيبي )

🍃🍃🍃🌸🌸🌸🍃🍃🍃

صدكيني #عفتج وانتهت
بس سولتي الحنية 

مشتاگلج كبل الجرح
من جنتي خوش #بنية

🍃🍃🍃🌸🌺🌸🍃🍃🍃

ام سلطان: يايمه وين بعدك صغير الي بعمرك الي ازوجوا والي الحين عدهم جهال وهذا صديقك جود بعمرك وعرس واحمد اصغر منك وهم عرس حتى انته لازم تغار منهم وتعرس
سلطان ضغط ع الكاس وهوة يتذكر: مو الحين يمه مو الحين
ام سلطان ناظرته بتفحص:اذا بعدك تبيها اكدر اروح اخطبها مره ثانيه بلكي يغيرون رايهم
سلطان باوع بحده: لا يمه الا المذله .. ما اذل روحي علمود بنيه ما تريديني..وبعدين هيه عافها الخاطر وما بيها ( باوع لساعته) لازم اروح الشغل لان تاخرت مع السلامه
طلع بدون ما يتاني ردها لان مو حمل نقاش بهالموضوع

🌸🌸🌸🌸

احنه فقره والعشك مال اغنياء..@
يا كلب بطل تحن للمو الك...@
هوه عافك لان نيتك.بي حلال..@
اوهاي وادم.بالحرام.اتذب فلك....@.     

****

سما صعدت لغرفه بدور وضربت بخفه عده مرات بس ماردت دخلت ولكتها نايمه
سما:بدووور بدورتي حبيبتي..(لا رد فحركتها) وسم كومي
بدور كعدت وهيه فاتحه نص عين ومغمضه الثانيه:هممم شتبين
سما: كعدي وصحصحي بسرعه ابي منج شي
بدور عدلت كعدتها وهيه تفرك عيونها وبصوت ناعس:هممم احجي شتبين
سما:تعرفين الرمز السري لتلفون حنان
بدور بعدم فهم:هاا!! شتبين فيه
سما:لا تسالين بس كوليلي تعرفين لو لا
بدور:اي اعرفه مره فتحته كبالي
سما: انطينيها كتبيه بورقه بسرعه
بدور:ليش
سما:اهووو سوي الشي بدون اساله
بدور:بس اخاف ما ترضى فيه خصوصياتها
سما:اهووو بدور لا تسوين فيها البنت الطيبه والمثاليه ارجوج هالمره سوي هالشي بدون ما تفكرين بشي وبعدين ترى المسئله فيها حياة وموت والي ابي اسويه لمصلحتها
بدور بخوف:سما لا تخوفيني شكووو شصاير لحنان
سما:ماكو شي ولا رايح يصير لها شي اذا انطيتيني الرقم
بدور: انزين ليش مو راضيه تكليلي
سما:اوووف بدور ما جنت ادري بيج هلكد حنه ..جيبي وانتي ساكته ولا اطولين السالفه وهيه كصيره
بدور:اوك اوك
فتحت جراره الكومدينه الي يم جربايتها وطلعت ورقه ملاحظات وقلم وكتبتلها الرمز وانطتها
سما انطتها بوسه بالهوة:شكرررا
وطلعت بسرعه وراحت لنور
سما:نور ابي منج خدمه
نور:عيوني اطيجيها
سما:تسلم عيونج..ابيج تلهين حنان واطلعينها من الغرفه وكون ما تاخذ التلفون
نور عقدت حواجبها باستغراب :ليش بله
سما:اهووو ماكو احد يسوي شي بدون ما يسال
نور:غير اعرف السبب
سما:اوووف بعدين اكلج من اتاكد من الي ابالي
نور:اوك بس وراج وراج لمن اعرف
تحركت وراحت لغرفه حنان
نور:حنونتي حبيبتي ابي منج خدمه
حنان بدون نفس:شنو
نور:فدوه بعد جم يوم عرس صاحبتي وما اعرف شلبس فتعاي وياي انطيني رايح شلبس
حنان:ومن متى تلبسين بمناسبه شي لابسته العاده كل عرس تشترين شي جديد
نور:اي لان هاي مو كلش قريبه الي بس لانها اصرت احضر فراح البس اي شي عدي
حنان:انزين روحي لبدور تساعدج صدكيني مالي خلك كلش لهلسوالف
نور وهيه تجرها:فدوه فدوه
كان تلفون حنان ع الطاوله:انزين لحظه خل اجيب تليفوني
نور وهيه تجرها واطلعها بره الغرفه: خليه يولي راح نروح ونرجع بسرعه قابل راح نطلع احنه

خضعت حنان لكركه نور وراحت وياها واول ما طلعوا دخلت سما وفتحت تلفون حنان وبعد فره بتلفون حنان اخيرا طاحت ع محادثه علاوي واول ما فتحت الفيديو فتحت عيونها بصدمه وكلبها طاح من الخوف:معقوله حنان تسوي هيج لالا مستحييييل
راحت ركض لغرفه نور واول ما دخلت كانت حنان معطيتها ظهرها فلفتها بقوه وهيه معصبه: شننننوووو هاااي هاااا
حنان باوعت بعدم فهم بس وكف كلبها من استوعبت ان تلفونها بيد سما :منووو سمحلج تفتحين تليفوني
سما بعصبيه:لا تغيييرين الموضوع وردي عليه شنووو هااااي .. (ناظرتلها باستحقار)ما جنت اظنج هيج
حنان رجف كلبها من نظرتها وبخوف:خليني اشرحلج انتي فاهمه غلط
سما رفعت حاجب وع نفس العصبيه:يله جاي اسمع
حنان:هذا فيديو مفبرك مو حقيقي
نور:ممكن افهم شنو السالفه ولا تخلوني مثل اطرش بالزفه
سما هدت شوي بس بعدهي معصبه:انتي انجبي (ووجهت الكلام لحنان )فهميني كلشي من البدايه حتى افهم ومنو فبركه وليش

وشرحتلهم كلشي من البدايه وما خبت شي
نور كعدت ع السرير من الصدمه:يا ويلج يا حنان والله لو عرفوا يذبحونج
حنان:بس انا ما سويت شي والله والصور مو انا دزيتهم
نور:لعد منو بله
حنان بصوت عالي وخايف:ما ادري ما ادري لا تسالين
سما ما انصدمت بقوه لان توقعت هيج من يوم شافت ملامحها وهيه تبجي وربطتها يوم سمعتها تكلم واحد ع الطلعه بس مع ذلك خافت ع اختها لان لو انشهرت محد راح يسمعها ويصدكها ولا احد راح يعذرها
نور التفتت ع سما:شراح نسوي
سما مسحت ع جبينها بتوتر:ما ادري ما ادري
حنان بارتباك وعيونها تدمع:يعني اروح للشقه
سما التفتتلها بقوه:انتي غبييه طبعا لا.. ع الاقل هسه تكدرين تثبتين انج بنت وهذا الفيديو جذب اما اذا رحتي للشقه فكلشي راح يخرب ويصير الفيديو حقيقي
حنان ظلت تبجي:والله انا خايفه ومو كادره حتى افكر
سما من شافت دموعها وشلون ترجف من الخوف كسرت خاطرها فراحت حظنتها بخفه وحنان اول ما حظنتها زاد بجيها كانها كانت محتاجه هالحضن من زمان ..محتاجه احد يهديها بعد عاصفه الخوف والتوتر الي مرت فيها وحظنت اختها بقوه:سمااا الله يخليج ساعديني ما اعرف شسوي
سما تمسح ع ضهرها:اششش اهدي اهدي كل مشكله والها حل ..اكيد راح نلكه حل
حنان كانها ماصدكت احد حظنها وكلماله وبجيها يزيد
سما تحاول تغير جو: انا اول مره اشوف الاخت الصغيره تصير اطول من الجبيره والله فشله ..بله عليج نور مو شكلنه غلط وانا حاظنتها وهيه مدنكه عليه

نور كملت :ههههع اي كلش غلط ..عاد ماشالله حنان خذت طول العايله كله..اطول وحده ببنات العايله
حنان وخرت عنها وهيه تمسح دموعها وتبتسم بين دموعها:احسن منكم يا اقزام
نور:احجي عن اختج انا الحمدلله طولي وسط
سما:ههههع تدرون انا جنت اظن اني اقزم وحده بالعايله بس يوم شفت اسراء الحمدلله كلبي ارتاح
نور:😂😂اي عاد سرو امصختها كلش قزمه
سما:ههههع اي ارتاح يوم اوكف يمها احس اني طويله
نور:لا ترتاحين انتي ثاني اقزم وحده بالعايله ..امشوا يله خل ننزل لا يشكون بينه
حنان ابتسمت من وره خشمها حتى لا تحزنهم وياها:اوك يله
اول ما طلعوا نور وحنان
سما اختفت ابتسامتها ورجع التوتر يتملك كلبها (يارب شسوي الحين .. لازم الكه حل )
طلعت وراهم بسرعه كبل لا يفقدونها ونزلوا ثلاثتهم تحت وكل وحده بالها شارده ويفكرون بحل لهلمشكله

****
سلطان كمل شغله ولمن صار وقت الغده راح لمكتب جود  ووكف يم السكرتير:هلووو (غمز له وهوة ياشر ع مكتب جود)شلون المود
السكرتير:والله جنه هده شوي..بعد ما طلع عصبيته بالموضفين وللحين طرد ثلاث موظفين
سلطان:لا حول الله.. مساعه سمعت صريخه من جيت بس بصراحه خفت ادخله لا انطرد هههه فكلت خل يهده ياله اجي
السكرتير:هاي انته صديقه وتخاف لعد احنه شنكول
سلطان:هههه لا بعصبيه جود ماكو صداقه.. مستحيل يتحمل ثكل دمي وهوة معصب.. هوة هادي وبالكوه مستحملني هههه
السكرتير:هههه والله انته عسل ياريت الكل مثلك.. ولا يوم شفتك معصب
سلطان:ههه لا انا هم اعصب واووف لا يحوشك اذا عصبت
السكرتير بتعجب:بس ولا مره شفتك معصب
سلطان:اي اعصب ع الشخص الي عصبني فقط ومن اروح غير مكان اتحكم باعصابي واكلبها ضحك.. (ياشر ع مكتب جود) مو مثل الاخ اذا عصبه احد يظل طول اليوم ينافخ ويتعارك وي ذبان خشمه ..بس ابي اعرف العالم شنذبهم
السكرتير:الله يهديه والله انه خوش ولد بس لو يخفف شويه عصبيه..شحليله من يجي فرحان
سلطان:اي والله المهم راح ادخله (وقبل لا يلتفت رجع يكلمه)صج الموظفين الطردهم بلغهم انوا يعتبرون اليوم اجازه وباجر يداومون

السكرتير:بس هوة طردهم نهائيا
سلطان:معليك..هوة لانه معصب طلع حركته بيهم بس من يهده صدكني راح يرجعهم من كيفه
السكرتير:اوك بس مالي دخل لو باجر شافهم وعصب
سلطان:اوك كوله انا كتلك..يله ادعيلي راح ادخله هههه يا خوفي بعده معصب وانجحت وراهم
السكرتير ابتسم له:الله يعينك ع الي راح يجيك

دخل سلطان بابتسامه: السلام عليكم
جود رفع عينه باوعله بعين رجع عينه ع اوراقه
سلطان بلع ريقه(الله يستر شكله قافل وما يبشر بخير..احححح يله شسوي بعد لازم اتحمله خو مو صداقه ابلاش):شدعوه السلام لله
جود بدون نفس:وعليكم السلام
سلطان:امممممم ما ناوي تطلع الحين وقت غده
جود تنهد وغمض عيونه حتى يهده: ما مشتهي
سلطان:لالا ما يصير امشي كبالي روح البيت اتغده وارتاح وارجع مايصير كله مكابل هالاوراق راح تعمه عيونك
جود:انته ليش ما تذلف لبيتكم وتنجب..شعليك مني
سلطان:هههه شسوي كلبي ما يطاوعني اتركك وانته بهالحال
جود:اووووف مالي خلك ارجع البيت
سلطان تفحص ملامح وجهه بذكاء:اممممم شكلك متهاوش وي المدام.. شكل المفاجأة كلبت نكد مو
جود: مو شغلك
سلطان بابتسامه:امشي وياي البيت عازمك..وترى امي للحين زعلانه وعدتها تجيها وما اجيت
جود ابتسم:والله نسيت كلشي ولا الوالده
سلطان:ههههع اي ادري ما يجيب راسك الا هيه..يله امشي كبالي

نزلوا وسلطان صعد بسياره جود كدام
جود:ليش ما تروح بسيارتك
سلطان:مالي خلك اسوق
جود:حتى هنا لاطشلي
سلطان:شفت بله عليك ..يا حظك فيني شكد احبك
جود ابتسم غصب عنه: انجب احسن وعن الثقه الزايده
سلطان لمح العلبه بالارض بين رجوله ودنك خذاها فتح العابه وباوعلها باندهاش: ليشش ما انطيتها المحبس
جود بتافف:اسكت ما تدري عن شي
سلطان:اي كولي حتى افهم
جود:تعاركت وياها وما كدرت انطيهياه
سلطان عقد حواجبه:اكيد انته السبب اكيد جنت معصب وطلعت حركتك بيها
جود باوعله بعصبيه:وليش لازم انا دوم السبب انا صح عصبي بس مو معناتها انا الي اسبب المشاكل..اصلا دخلت عليها شحلوني رايق وجايبلها باقه ورد بس هيه كلبت عليه..هيه اصلا مو مال هيج حركات مال نعوله
سلطان:انزين اهده اهده اكيد اكو سبب ولكل مشكله اكو حل
حط سلطان العلبه ع المقدمه وجود صار يباوعلها وهوة عاقد حواجبه وتذكر يوم بيومها من شره الدبدوب ما راد يوصي احد وهوة يجيبه من السوك لان ماحب احد يعرف انه مال هيج حركات
وتذكر من راح شره الدبدوب بنفسه والي كان جبير وتقريبا طول سما وشلون انحرج وهوة شايله وتعليقات البنات عليه وتذكر تعليق بنيه شوفي شوفي شكد كيوووت اكيد مشتريه حك حبيبته والثاني ترد خيعونها ياريتني بدالها

غمض عيونه وهوة يذكر (ع اخر عمري صاروا يكلولي كيوت..انا ع اخر عمري هيج اسوي..بس صدك انج ما تستاهلين اسويلج اي شي):صدك انج ما تستاهلين
سلطان التفتله:شنو الي ماتستاهله !ومنو
جود:هاا ولا شي

اما من ناحيه سما فكانت تنتظره كل مره كانت تروح وياه للبيت تتغده  فكانت تكدر تتصل بيه بس هالمره لان عزيمه ع شرف زواج احمد فراح تظل وكانت تبي تعرف ليش جود ما اجه (هذا ليش ما اجه اوووف حتى ما اجه ع الغده ..ادك عليه!لالا ما اريد هسه عداله خايفه عليه لانه اتاخر انزين ادز رساله عاديه وما ابين فيها شي بس لان يسالون عنه..😏هوة ياهو سال غيرج )
دزتله رساله( وينك فيه مو ناوي تجي الغده )
جود بهالوقت جان واصل لبيت سلطان وتوهم حاطين الغده
ام سلطان:حي الله من جانه
جود بابتسامه:الله يحييج يا خاله
ام سلطان وهيه تحط اخر صحن ع السفره:جنت زعلانه عليك وناويه ما اكلمك بس من اجيت مدري ليش سامحتك ومشيتها
جود:من طيب اصلج يا خاله
سلطان اجه وكعد:ياااني جوعان اليوم ..عصافير بطني بتصوصو
جود:خرررب يومك شوكت ما جعت !
سلطان:انا رجال جاي اشتغل واتعب فبسرعه ينزل الاكل
جود:اموت واعرف هالاكل وين يروح المصيبه ميبين عليك
سلطان وهو ياكل:قل اعوذ برب الفلق لا تحسدني
جود:سد حلكك وانت تاكل
وصلت رساله لجود ومن شاف اسمها سرح واندمج شيرد عليها وما سمع شيكول سلطان
بالبدايه راد يحرجها ويسالها ليش تسالين ليكون خايفه عليه بس بالنهايه قرر يرجع للبرود ولا يحتك فيها ويرد ع كد السوال
ودز "مو جاي "
سما رجعت دزت" ليش! وين ناوي تتغده"
سما كانت عيونها معلكه بالتلفون وهيه تهز رجلها بتوتر من اتاخر
بالاخير رد" مو شغلج"

سما من شافت رده المستفز شاطت ردت بدون تفكير"شلون مو شعلي اعتقدانا زوجتك ومن حقي اعرف"

جود ابتسم بسخريه ورد" من شوكت؟😏"

سما ما عرفت شترد(صدك من اشوكت صرت زوجته؟؟ انا ولا مره عاملته كاني زوجته (تنهدت) صدك نوبات يكسر خاطري لان ابتلش بوحده مثلي ..المهم الي صار صار ولازم اكمل المسرحيه بس شرد بدون ما ابينله اهتمام)
ردت" 😏مو لازم امثل دور الزوجه كبالهم ولازم اعرف حتى اعرف شلون ارد"

عقد حواجبه بانزعاج وانتبهتله ام سلطان:يا يمه خلي عنك الموبايل وازعاجاته تهنه بلكمتك الحين وبعدين رد ع الوادم
جود ابتسم وهوة يحط الموبايل ع الطاوله:معاج حق
اما سما فيوم ما لكت رد انزعجت وكامت لبيت ابوها لان العزيمه هناك واول ما دخلت طاحت عينها ع سكينه وهيه حاظنه امها وكانها تخاف لا اطير وتتركها ..تحسها كانها طفل ومستغرب من الناس الجدد الحواليه نظراتها بيها خوف .. ما تدري ليش هالبنيه كلمالها وتكسر خاطرها .. ما تحسها خبله مثل ما كالوا تحسها مجرد طفله بجسم انثى وحملوها مسؤوليه زواج وهيه مو حمله .. ومو اي زواج..زوجها من النوع الدعله الله يعينها عليه
سما (ما اكول الا الله يحنن كلب احمد عليج .. مع اني ما اظن هالدعله بكلبه حنيه بس اتامل يكون بكلبه حنيه مدفونه ما اكتشفناها)

كانت ام سكينه تمسح ع ظهرها حتى تهديها وتبعد عنها :يمه شفيج حاظنتني هيج..كعدي عدل عيب من الوادم
سكينه تهز راسها بطفوليه:لا مابي تروحين عني
ام سكينه:ما راح اروح بس كعدي عدل
سكينه:مااا تجذبين عليه وترحين(بدت دموعها تنزل) يمه لا اتركيني وترحين هنوب هذاك يطكني

ام سكينه عقدت حواجبها:منو يطكج؟
سكينه:هذاك الي يصير العريس
ام سكينه بتعجب:احمد
سكينه:اي اي امس ليش تركتيني وياه .. من رحتي طكني ..يمه لا تهديني وياه..يمه اخاف منه
نور بهمس لسما:حسبي الله ع اخوج مكوفنها بليله عرسها والله فشله من امها..هسه شراح يردون عليها
سما:والله كاسره خاطري شوفيها حتى ما تعرف اسم رجلها والله لو بيدي جان خليته يطلكها وتفتك
نور:شتحجين انتي هوة مزوجينها حتى يفتكون من الفضايح وانتي تحجين عن الطلاك وتوها ببدايه زواجها

قاطع همسهم صوت ام سكينه وهيه معصبه: شنو هذا الجاي اسمعه يا ام احمد..صدك ولدج طكها من اول يوم..هاي من بدايتها بسم الله ..لعد بعدين شيسوي بيها
ام احمد تبلعمت:ما ادري عن هالموضوع بس اكيد اكو سوء فهم
ام سكينه كامت من مكانها وتوجهت للديوان:وينه وينه ولدج..كلامي مو وياج ..كلامي وي ولدج
ام احمد وتحاول توكفها:صبري خل نتفاهم صبري.. محاجه ادخلين الرجال بالموضوع انا راح اكلمه لوحده..ام لؤي
بس ام سكينه كملت طريقها للديوان وهيه تدردم عليها وسكينه تلحكها تخاف تتركها:وينه هذا المايستحي وينه
اول ما دخلت وطاحت عينه ع احمد كشرت بوجهه:ما توقعت هالشي منك يا احمد

باوعلها بعدم فهم بس هيه كملت حجي:عبالي رجال بس طلعت ما تستحي جن....
قاطعها ابو لؤي: شبيج شصاير ..ليش تحاجينه هيج
ام لؤي كملت باستهزاء:المحترم الكدامك باول يوم الهم ضرب بنتك وهوة يدري بحالتها..اذا من اول يوم هيج فشلون اأمنها عده..انا بنتي تنضررب!! ياريتها صاحيه جان ما عصبت..بس هيه ..
احمد باوع لسكينه بعيون حاده وهوة معصب وسكينه اول ما شافته يباوعلها هيج رجفت من الخوف ولبدت وره امها حتى لا تشوفه
قاطعها احمد:بنتج الخبله جانت تبي تطلع تركض وراج بالشارع بلبسها مال البيت شتبيني اسوي مثلا اصفكلها
ابو لؤي بعصبيه خفيفه:اي كلمها فهمها مو تطكها..انته بتصرفك هذا راح تخوفها زياده وراح تصر تطلع..بنتي صح عنيده وما تتفاهم بس اذا كلمتها بالهداوه بسرعه ينكص عليها بكلمتين
احمد:هوة انته بنتك تتحاجه..احاول بس اوكفها تدفعني وتريد تطلع
ام لؤي:مهما كان السبب بنتي ما تنضرب انا الي هيه امها عمري بحياتي ما رفعت ايدي عليها حتى صوتي ما ارفعه عليها لانها حاله خاصه
احمد:😏اشوفها قليله ادب وما تتحاجه من هالدلال الزايد
الجد:كافي احمد لا تطاول اكثر من هيج..خل نكعد ونتفاهم
ام لؤي تجاهلت الجد من عصبيتها:والله مجاي اشوف غيرك قليل ادب..هاي واحنه مأمنين بنتي عندك.. جنت اعتقد مزوجينها رجال بس مع الاسف .. والله لو ادري بيك هيج جان ما انطيتكمياها
احمد ماكدر يكض ضحكته :😂😂😂😂
ام لؤي:شفيك تضحك انته خبل
احمدوهوة يحط ايده ع عيونه ويحاول يهده:😂😂😂
الجد ابو علي: احمد شفيك..ع شنو تضحك
احمد وهوة يكتم ضحكته:ههههع اسف جدي بس كلام هاذي ضحكني
ام لؤي باوعتله بتعجب:هاذي!!! شنو جاي تكلم وحده جاهله لو شنو؟؟احترم شوي انا بكبر امك
ابو لؤي وهوة ماسك ايد لؤي الي كان يبي يندفع لاحمد وهمس للؤي انه ما يدخل..وحمد ربه انه بس لؤي هنا واخوانه مو وياه :ترى مصختها(باوع للجد) ترى انا للحين ساكت احتراما الك
الجد ابو علي بفشله:امسحها بوجهي
احمد بابتسامه مستفزه:سوري بس كلامج صراحه طير عقلي من الضحك
ام لؤي ربعتها ايدينها ع صدرها وباوعتله بغيض:وشنو الي يضحك بحجيي
احمد كعد وحط رجل برجل بقله ادب متقصده وهوة يباوعلهم كلهم واكفين: تحجين وكاني بست ايدكم ورجلكم حتى تزوجونياها ههههه.. ما جنها طايحه بجبدكم وتردون اليسترها
لؤي:احترم نفسك يا محترم..بله ياهو السوه بيها هيج هاااا..غير انته يا محترررم ..لو ما سوايتك جان حلمت تشوف ضفرها
الجد ابو علي:احمد شوي تادب ع الاقل احترم وجودي
احمد بانزعاج:جدي ماتشوفهم بله..بدال ما يحمدون ربهم اني قبلت واخذتها ..كاعد يمنون عليه بعد..ع شنو ما تكلولي ع شنووو!!! ع بتكم الخبله
ابو لؤي: ثمن كلامك بنتي مو خبله
ام لؤي:لالا لا انا ما اكدر اخلي بنتي وي واحد مثل هذا..انا راح اخذها وياي مالها كعده هنا

احمد بابتسامه جانبيه:الله وعلي وياكم..والجنط لا اتعبون نفسكم بشيلها انا ادزها الكم
الجد ابو علي بعصبيه: ااااحممممد
احمد بعصبيه:اووووف احمد احمد احمد ..ماعدكم غير احمد..انته كلشي احجيه ما يعجبك
ام احمد: احمد اسكت عيب
ام لؤي التفتت ع ام احمد:لا والله ..توج تحجين..اخاف كلفتي ع روحج
احمد باوع لامه وكام بانزعاج :اووف مو حتى انتي بعد ..انا رايح مالي خلكم..صدعتوا راسي
طلع وهوة يدردم وما سمع امه وجده ويحاولون يوكفونه فشله من الناس

ابو لؤي باوعله للجد بحده: صراحه ما توقعت هالشي منكم.. جنت اضنك رجال محترم وسمعتك مثل المسك بس للاسف طلعت غلطان
الجد غمض عيونه وفتحهم: اعتذر منكم ع كل الي صار.. واحمد خلوه عليه انا اتفاهم وياه..وما تشوفون الا الي يرضيكم
ام لؤي:لا ما أأمن ع بنتي عندكم..انا راح......
ابو لؤي قاطعها: وهذا العشم منك يا حجي ابو علي
ام لؤي باوعتله بعدم تصديق وابو لؤي انتبه لنظراتها فاستاذن قبل لا تحجي : عن اذنكم لازم نروح الحين
ابو جود:بعد وقت يابو لؤي
ابو لؤي :لا ياله نوصل للبيت نرتاح شوي قبل الدوام (باوع لام لؤي) رجعي بنتج يم الحريم ولحكيني
ام لؤي انقهرت من رد ابو لؤي ما هان عليها ترد بنتها..جانت تريد تاخذها وياها بس ما حبت تكسر كلمت ابو لؤي كبال الرجال فخذت بنتها ودخلت

نور:شبيج صافنه ومو ويانه
سما وهيه مركزه نظرها بنقطه معينه:ماكو شي بس جاي افكر بمشكله حنان
بهالوقت دخلت ام لؤي وي بنتها وهيه متمسكه بامها وما تريدها تروح
نور: اكلج شرايج نروح لسكينه نلهيها علما تروح امها..لان شكلها ما راح تخلي امها تروح لو راح تكلبها مناحه
سما: مالي خلك روحي انتي واسراء..خليني افكر ولا تكاطعيني كلساع
نور:😑ع كيفج اينشتاين زمانج
سما:انجبي وولي من كدامي
نور:عود اذا لكيتي شي كوليلي

وتوجهت نور وكلمت اسراء وراحوا لسكينه يتكلمون وياها

بعد مده وهمه يراشونها وبالاخير كدروا يسحبونها من امها والاخيره ما صدكت حتى تطلع واول ما طلعت وشافت ابو لؤي توجهت اله وهيه تكلمه بعتاب
ام لؤي:شلون هانت عليك بنتك وانته تعرف هذا المايتسمى يضربها..لازم ما تخليها ولا يوم ابيتهم
ابو لؤي وهوة يحاول يبرر:يابنت الحلال اول شي تدرين احنه ليش زوجنها واحد مثل هذا مع ان احنه ندري انه دربه مو عدل وما عاجبني شي فيه بس لازم نستر البنت وثاني شي حتى لو السبب الاول مو موجود..تخيلي كلام الناس من يدرون بنتج اطلكت وهيه ببدايه زواجها .. ناس مريضه راح تالف اشياء واشياء وتحط ببنتج اشياء مو موجده.. لان المجتمع دوم يغلطون البنت ما يحطون العيب بالرجال.

ام لؤي لفت وجههه الجهة الثانيه مع ان ماعجبها كلام رجلها بس كلامه كله صح

**

راحوا نور واسراء كعدوا بالمطبخ وي سكينه
وشوي لحكوهم بدور وحنان وسما بس كانوا سما وحنان شاردين بتفكيرهم وما يدرون بيهم شيحجون البقيه

سكينه كانت عاقده ايدينها ع صدرها ومنزله راسها بزعل وجهها يدل ع انها شوي وتبجي

نور:امممم ماعرفتينه عليج..انا اسمي نور وانتي
سكينه:..... (ع نفس الرضع ولا تحركت )
نور اشرت ع اسراء شنسوي
اسراء:انا عرفتج ع نفسي قبل شوي وهم ما رديتي بس هم راح اعيد التعريف حتى ما تنسيني ..انا اسراء
سكينه:....
بدور مسحت ع شعرها بحنيه وبابتسامه:امممم شرايج نلعب ..احسن من هالضوجه
سكينه رفعت راسها وملامحها ادل ع ان الموضوع عجبها بس ما تكلمت
بدور:شتحبين نلعب..انتي اختاري لعبه واحنه راح نلعبها كلنه
سكينه ابتسمت بخفه وطفوليه:اي وحده انا ابيها
بدور بنفس الابتسامه:اييي اي وحده تبينها
سكينه حطت صبعها ع شفايفها وهيه تفكر بطفوليه وقبل لا تنطق بحرف
كمزت سما بصرخه خلت الكل يكمز من الخرعه:لكييبتهاااااا
نور وهيه تحط ايدها ع كلبها:عمه بعينج جان وكفتي كلبي (صرخت عليها) ما تعرفين تتحجين بهدوء
سما تجاهلت نور وباوعت لحنان بابتسامه:لكيتها..لكيت حل المشكله
اسراء عقدت حواجبها:اي مشكله
سما سحبت حنان وهيه تكلم اسراء:معليج لا ادخلين روحج بسوالف بين اختين
حنان ابتسمت من كالت اختين.. ما تدري بداخلها حست باحساس غريب وهيه تردد"اختي" لاول مره تحس سما صدك اختها بس تجاهلت هالاحساس ومشت وياها متشوقه تعرف شنو الحل الي راح يطلعها من جحيمها ورعبها الي حرمها النوم وطول الوقت مخليها كاعده ع اعصابها

نور:احم انا راح اشوف امي
اسراء كتفت ايدينها مع ابتسامه سخريه:شايفتنه ثولان..كولي تبين تلحكينهم..اموت واعرف شنو مخبين عليه
نور:اووه مابيه اجادلج..المهم ديروا بالكم ع البنيه ولعبوا وياها صج مو اطنشونها
بدور ابتسمت:ولا يهمج سكونه بعيوني
نور وجهت بوسه ع الطاير لبدور:فديت الناس اليعرفون يردون(وباوعت لاسراء صفح) مو مثل بعض الناس
وتركتهم وطلعت بهدوء واول ما تعدت باب المطبخ راحت ركض لسما وحنان تريد تعرف شراح يسوون