رواية لأجل من احببت سأكون قوية الفصل التاسع 9 - بقلم امل

روحي راح تروح مني ✋🏻
رح اموت 💔و عن قريب
اوصيكم بيوم موتي
لا توصلولة الخبر 😔
اني خايف ينقهر
¸.•♥•.¸¸.•♥•(❤️) •♥•.¸¸.•♥•.¸

ام سما: يمه ليش اتعبيني وياج..بس فهميني.. انتي اول وتالي لازم تزوجين.. انا ما دايمتلج..

سما:يمه اسم الله عليج..ليش تفاولين ع روحج ..انشالله يومي قبل يومج

جود كور ايده بعصبيه وحس ابركان داخله ومحد حاس بيه.. حس انها خدشت كبريائه بس سكت احتراما للموجودين

جود اخيرا نطق وحاول يهدي اعصابه ويتصنع البرود: خاله خليها ع راحتها الزواج مو غصب

ام سما استحت منه:لا هيه لان تفاجات بالموضوع..اذا فكرت عدل اكيد ما راح تلكه احسن منك (ام سما جانت تحس بدوخه والم بس جانت تحاول تستحمل وما تضعف)

سما بعصبيه وصريخ: يمه كتلج ما ااررررريده شنو ما تفهمون بكلمه ما اررريد اتزوج.. مو كوه هيه

فجأة ام سما انغمى عليها وابو احمد حاول يمسكها والكل تجمع عليها.. وسط ذهول سما

سما ركضت لامها وتحركها وهي تبجي:يمه اسفه يمه.. والله مو قصدي ارفع صوتي عليج.. يممه الله يخليج كلميني .. يمه ليش ما تردين عليه ..يممممممه

جود:عمي شغل السياره وانا راح اشيلها
ابو احمد راح ركض للسياره وشغلها ولحكه جود ووراهم سما وابو علي

جود:انتي ظلي هنا
سما وهي تبجي:مو بكيفك.. اااريد اروح وي امي

جود:لا تعاندين..ظلي هنا واحنه نطمنج عليها
سما طنشته وراحت ركض لامها وركبت وياها

ابو علي:خلها تروح
جود:بس بهالحال راح تعرف كل شي
ابو علي:انا راح اتصرف انتوا روحوا واحنه نلحكم بالسياره الثانيه

وراح ركض وشغل السياره وشفط وانطلق بسرعه
وكانت سما حاضنه امها وتبجي
سما تبجي بحركه وبالكوة ينفهم حجيها من شهكاتها: يمممه الله يخليج لا تتركيني..والله لو صار بيج شي اموت.. يممممه والله ما عندي غيرج

وصلوا المستشفى ونزل جود وشالها وركض بيها لداخل المستشفى وحطوها ع السرير ودفعوها لداخل غرفه العنايه المركزه

سما كانت واكفه يم الباب ودموعها ما وكفت دقيقه

سما:ياااارب شافي امي ياررب..والله اذا كامت بالسلامه اسوي كلشي تريده.. وما راح ارفع صوتي عليها والله.. حتى اذا تريد ازوج هالبارد.. بس يارب رجعها سالمه الي😭😭

جود ناظرها وهو رافع حاجب (هاي عيني عينك.. تذمني وتكول بارد كبالي.. لعد من وراي شتكول ..بسيطه اذا ما طلعت كل هالسوالف من عينها وره الزواج.. بس انا شلون ازوج وحده ما تحبني.. ما يصير نغصبها هيج.. اذا هيه ما متقبله الزواج فما راح يصير تفاهم.. اخخخخ لو ما خالتي مريضه جان ما ازوجتها وهي ما تحبني.. بس يله كلشي قسمه ونصيب )

سما تقدمت لجود وبعيون دامعه :امي شبيها.. احسها مو طبيعيه صارلها جم يوم وهسة طاحت.. ما تدري شنو مرضها

جود غرق بعيونها وبين دموعها:( دموعها زادت عيونها جمال فوك جمالها..خرررب انا شجاي افكر بيه هسه كلش مو وقت هالافكار)
جود: لا ما بيها الا العافيه.. يجوز مجرد ارهاق والاغماء شي عادي

سما:متاكد
جود:اي تطمني
سما تنهدت:الحمدلله انشالله مو شي خطير.. يارب مو شي خطير.. بس انا ليش احس بخوف..حاسه انها بيها شي

جود: وساوس شيطان..صدكيني ما بيها شي
(يا ترى الجاي اسويه صح .. لو ما يصير اجذب عليها.. اعتقد من حكها تعرف الحقيقه.. بس خالتي الله يهداها مدري ليش تريد تضم عنها هالموضوع.. يارررب سامحني ع جذبتي.. بس يا خوفي يطلع الدكتور ويفضحنه ويكول كلشي كدامها)
دقايق وطلع الدكتور وسما سبقت جود وراحت للدكتور
سما:هاا شصار طمني
الدكتور: تطمني ما بيها الا العافيه..بس مجرد ارهاق.. ورجاءا لا اتعبونها وخلوها ترتاح
سما بابتسامه بين دموعها:الحمدلله ..اكدر اشوفها هسة

الدكتور ناظرها باعجاب: اي اكيد.. بس هسة هيه نايمه بسبب تاثير العلاج

جود عقد حواجبه وهو ساكت
سما:ميخالف حتى لو نايمه اهم شي ابقه يمها
وراحت سما لغرفه امها

جود: الحجي ابو علي خابرك مو
الدكتور:اي وكالي لا اكول شي كبال البنت.. تعال لغرفتي وراح اكولك كل شي.. واكيد ابو علي راح يوصل بعد شوي.. واكولكم سوه
جود : اوكي يله
ومشوا وقبل لا يوصلون لمكتب الدكتور

الدكتور:اممم اريد اسالك هاي البنيه .. يعني هيه مرتبطه لو لا

جود فهمه ورفع حاجب وناظره بطرف عينه: اي خطيبتي
الدكتور بخيبه امل: هااا اسف.. الف مبروك

دخلوا المكتب

سما كعدت يم امها وكضت ايدها وباستها: سامحيني يمه سامحيني .. والله اخر مره ارفع صوتي

وصل ابو علي وابو احمد ودخلوا لمكتب الدكتور

الدكتور:مدام وصل الكل راح اكولكم حالتها.. الصراحه حالتها ازدادت سوء.. انا كتلكم من البدايه ميصير تطلع بس انتوا اصريتوا.. وما اعتقد راح اطول اكثر من عشره ايام والاعمار بيد الله

ابو احمد بعصبيه: شنو انته بكيفك تحدد متى تموت.. وبعدين انته ليش سموك دكتور غير لازم تعالجها

الدكتور:اسف مو بيدي حالتها متاخره
ابو احمد: يبه خل نوديها غير مستشفى اكيد هذا ما يفهم شي

الجد: استهدي بالله يا ولدي هذا احسن دكتور.. امشوا هسه نروح نشوفها ونطمن عليها ونروح

دخلوا لغرفه ام سما وهيه بعدهي فاقده الوعي
ابو احمد جلس ع الكرسي يمها وكض ايدها وضمها لصدره وظل يبجي بحركه وبشكل هستيري

سما خافت من طريقه بجيه حست انوا امها بيها شي
سما قربت منه وبخوف: انته ليش تبجي هيج.. هيه ما بيها شي صح.. شكالكم الدكتور من رحتوله.. ليش تبجي ومحسسيني انها راح تموت.. انا كلبي حاسني ضامين عني شي( وبصراخ) رررردوا عليه .. اممممي شبيها

ابو علي سحب ابو احمد لبره الغرفه
الجد: انته شبيك.. ما يصير تضعف هيج كدامها

ابو احمد حظن ابوه وهو يبجي: يبه ما اكدر اشوفها تموت كبالي وانا ما اكدر اسوي شي.. يبه ما اكدر اشوف حب حياتي يروح مني.. انا ياله لكيتها ليش ربي ياخذها مني.. حرررام والله حرررام .. صارلي اسنين ادورها ومن الكاها اشوفها راح تمووووت .... ليييش.. ليييش .. ياريتني ما لكيتها ولا اشوفها بهالحال.. شلون اكدر اشوفها تموت بين اديني واسكت..ليييش ياربي ليش

ابو علي طبط ع ظهر ولده : استغفر ربك يا ولدي.. هذا امر ربك واكيد بيها حكمه.. وانته لازم ما تضعف كبال بنتك.. انته اقوه من هيج .. انته روح للبيت وارتاح واحنه نلحكك بعدين
ابو احمد: بس..
الجد: لا بس ولا شي.. انته اذا ضليت بس راح تزرع الشك بكلب بنتك.. روح يباه

راح ابو احمد ودخل الجد للغرفه
ابو علي: يالله يا بنتي امشي نروح للبيت
سما: مستحيل ما اروح واخلي امي وحدها
ابو علي: انا راح اجيب ممرضه خصوصي لها وتكعد وياها
سما: كتلك ما اطلع من هنا الا ورجلي ع رجلها

ابو علي: بس ميصير اظلين لوحدج
جود: انا راح اضل وياها لا تخاف
ابوعلي:مدام هيج ميخالف

طلع الجد وكعدت سما بمكان ابوها وظلت تراقب امها علما تصحى

جود: نامي هسة ماكو فايده من كعدتج فوك راسها طول الليل

سما: لا اخاف تكعد وتريد شي.. ما اكدر اوخر عنها.. بس اريد اسالك واجاوب بصراحه.. امي بيها شي

جود:لا ما بيها شي.. لا تفاولين عليها
سما: مو خوفني بجي ابو....(سكتت)
جود:كوليها ابوي ليش خايفه
دارت وجهها لامها وسكتت

***رجع الجد وابو احمد للبيت
واول ما دخلوا نطت بدور ونور اما حنان ظلت كاعده وتراقب من بعيد
بدور: شبيها ام سما
نور: جان كلبنه مشغول عليها..شصار وياها.. ووين جود

ابو احمد ما رد وطلع ع غرفت ام سما وظل بيها

ابوعلي: مابيها الا العافيه..مجرد ارهاق.. وجود بقه يم سما وام سما
بدور ونور: ماتشوف شر انشالله، الله يكومها بالسلامه

الجد تركهم وراح لابو احمد
ابو علي: لازم نزوجهم باجر
ابو احمد: يبه هسه احنه بيا حال .. هسه وكت زواج

الجد: هاي امنيتها تشوف بنتها مزوجه قبل لا تموت.. ولازم نحققلها هالشي.. باجر بس عقد ووراه الحفله
ابو احمد نزل راسه بحزن وسكت

**بالمستشفى
صحت ام سما بس بعدهي تعبانه شوي

سما:اسفه..
ام سما بصوت ضعيف ومتقطع:انا الاسفه ع كل شي.. اسفه ع هواي اشياء..ا اسفه لاني ما كنت ام زينه وما عيشتج مثل اي بنت انا اسفه

سما بابتسامه: لا تكولين هيج انتي احسن ام بالدنيا.. ونامي ولا اتعبين نفسج بهالحجي

في صباح يوم جديد وصل ابو جود والكل استقبله احسن استقبال
وشرح الجد كلشي لابو جود ورحب بفكره زواج سما من جود وتوجه الكل للمستشفى مع الشيخ

سما استغربت من دخول الكل عليها هيج فجاة بس سكتت ورحبت بيهم بهدوء وسلمت ع ابو جود

ابو علي:سما اريد احاجيج بموضوع
خذاها بره الغرفه
ابو علي: انا جمعت الكل واجيت علمود عقد زواجكم انتي وجود

سما انصدمت:😨 شنو هنا؟؟ ليش
الجد: علمود امج.. هيه تريد تفرح بيج.. فلا تكسرين بخاطرها

سما نزلت راسها بتفكير لمده دقايق
سما: انزين ليش مستعجلين..ليش بالمستشفى.. ليش ما تنتظرون امي علما تطلع.. كلبي حاسني اكو شي.. تصرفاتكم غريبه(بخوف).. صارحني امي بيها شي والله تعبتوني ليش احسكم متكولون الصدك

الجد: ولا شي.. بس انتي شفتي الزعل شسوه بيها..فكلنه نفرحها حتى تكوم بالسلامه

هزت راسها وسكتت ودخلوا للغرفه

استقبلتها امها بابتسامه: فرحتيني يا بنتي.. الف مبروك يا عمري

وكعدوا والشيخ بده ياخذ جناسي المعاريس وجناسي الشهود وكعد يسوي العقد

وسما كانت تناظرهم بخوف
سما( ياربي انا خايفه.. ساعدني..حاسه شي غلط جاي يصير.. الموضوع كله ع بعضه يخوفني اول شي استعجالهم.. وبعدين انا شلون ازوج هالبارد..احسه قالب ثلج وما عنده مشاعر وفوك كل هذا مغرور ومتكبر.. ساعدني يارب)

الجد :سما تعاي وقعي
اقتربت وهيه خايفه انها توقع وتندم طول عمرها..بس علمود فرحه امها يهون كل شي
خذت القلم وايدها ترجف ولاحظ هالشي جود

وقعت ورفعت راسها وطاحت عينها بعين جود وزاد خوفها هاي عشرة عمر مو يوم يومين وزادت وساوسها هل راح يتوالمون لو لا واذا متوالموا شلون
كام الكل وباركلهم
ابو علي: باجر حفلتكم
سما:😳شنو! بس انا ما متجهزه ولا اشتريت بدله ولا شي..
الجد:لا تخافين..انا جهزت كل شي

سما(ليش مستعجلين جذيه..هالشي جاي يخوفني زياده.. اكيد اكو شي ضامينه عليه.. معقول امي بيها شي.. لالا شنو هالحجي.. شلون افاول ع امي.. وبعدين همه كلولي ما بيها شي.. ومو من مصلحتهم يجذبون عليه.. ياربي انا ليش حظي هيج.. اكوا وحده يعقدون عقد زواجها بالمستشفى وبهالبهذلة..هوة الحظه اغم يظل طول عمره اغم وما ينعدل ابد)
استاذنوا وطلعوا كلهم

وظلت هيه وجود وامها وراحت كعدت يم امها
ام سما: سما روحي كعدي يم خطيبج هسه انتي صرتي حلاله

سما حست بخوف منه.. لان هسه يكدر يسلط عليها اكثر من قبل
راحت كعدت يمه وهيه ساكته باوعتله بطرف عينها
سما:( هذا شفيه عافس وجهه.. ليكول جاي فاتحه مو خطوبته.. عمه بعينه .. هذا انشالله راح اكابل خلقته العبوسه طول عمري.. يبوووي هاي اكيد راح يصير فيه اكتئاب او حاله نفسيه.. الله يعيني بس.. انا بس اريد اعرف امي شنو شافت بيه زين)
جود انتبهلها وباوعلها ورفع حاجب وابتسم ابتسامه مجامله
سما:(هذا شبيه هيج مبتسم ليكول واحد حاط فوك راسه مسدس حتى يبتسم😒)

جود بصوت هامس: ابتسمي عيب عليج هيج معبسه..عالاقل بس كبال امج

سما بابتسامه مصطنعه وباوعت لامها: ليش اليشوف وجهك يكدر يبتسم..

جود:استغفر الله.. ترى انا هم ما اريدج.. بس ما اريد اكسر كلمه جدي..
سما وما زالت مبتسمه وتحجي من بين سنونها: ضحكتني والله اذا الرجال ينغصب لعد شخليت للبنات

جود:( ما انغصبت..اكو شي بداخلي يجذبني لج ويريدج.. بس ما اكدر اكولها.. يجوز لان جرحتي كرامتي.. بس والله لا اردها لج واندمج ع السويتيه.. استغفر الله اعوذ بالله منك يا شيطان.. هسه البنت بيا حال وانا شفكر بيه..هسه يجوز امها تموت باي وقت ولازم اتعاطف وياها ولو شوي.. لا ما راح اتعاطف قصدي ما راح اتعارك وياها فقط ولا اسوي مشاكل)

جود: يله لازم نروح..اتفقت وي ممرضه وانطيتها جم فلس وراح تعتني بامج

سما: ما اريد اروح.. مو بكيفك
ام سما بجديه: عيب يمه تحجين وي زوجج هيج.. وبعدين باجر حفلتج لازم تروحين ترتاحين وراج تعب باجر.. وبعدين من يوم ورايح لا تجين للمستشفى روحي كعدي وي خطيبج اولى..وراح اطلب من الطبيب انج ما تزوريني واخليه يمنع الزياره

سما ناظرتها بحزن: ليش يمه كلمالج وتبعديني عنج .. هلكثر انا حمل عليج وتردين تفتكين مني(غوركت عيونها بالدموع) مثل ما تردين..اذا ماتردين اشوفيني فما راح اجي

ام سما تبجي : سامحيني
سما تركتها وطلعت
جود: لا تخافين من تعرف كلشي راح تعذرج..كوليلها كلشي بعده ما فات الاوان

ام سما:لا ما اريد اكولها ما اريد اكسر فرحتها..باجر خطوبتها واريدها تفرح مثل باقي البنات ما اريد انكد عليها.. اوعدني ما تكلها

جود: حاضر تدللين
ام سما:جود ..ادري سما شوي لسانها طويل وعصبيه..بس صدكني هيه كلبها طيب.. بس الزمن خلاها تصير قاسيه وما تثق باحد الا نفسها..اوعدني ما تهدها مهما صار..وتتحملها طول عمرك..صدكني مع الوقت راح تحبك ويصير كلشي مثل ما تريد
جود( شوي لسانها طويل؟؟..الا كولي مترين): اوعدج ما اهدها..يله عن اذنج اكيد سما الحين تنتظرني

طلع جود ولكه سما كاعده ع الكراسي وتمسح دمعتها ويمها الدكتور يواسيها.. حس بحركه بداخله.. كان وده يلزمه ويشبعه كتل لانه كاله خطيبتي ومع ذلك يحجي وياها

جود مسك ايد سما وسحبها بره
سما:اخخخ ايدي شبيك

جود:كاعده مكابله الدكتور تشتكيله وتتبجبجين.. استحي شوي هسه انتي مره مزوجه صدك من كال..ان لم تستح فاصنع ما شأت.. بس من يوم ورايح عدلي اسلوبج لان انتي هسة زوجتي.. والي يمسج راح يمسني.. ولازم تتصرفون كزوجه جود مدير الشركه

سما:اووووف بربك هاي سوالف ناس مخطوبه ترى انا تعبت منك ومن عرايكك.. حتى بيوم خطوبتنه تتعارك..حتى الف مبروك ما كلتها الي.. شورطني يارب وازوجتك.حتى كلمه حلوه ما تعرف تكول..واحد متعجرف وبارد وما عندك احساس..وعالعموم راح اكلك الي صار مع ان انت ما تهمني حتى ابررلك بس ما أحب احد يضن بيه سوء.. كل ما في الامر أني طلعت ابجي واجه الدكتور وأنطاني ماي وواساني وانا ما رديت عليه لان مالي خلكه..ولا اشتكيتله ولا شي

تركته وراحت ركبت سيارته..جود وكف لحظات يفكر وبعدين ركب السياره وحرك وعم الهدوء بينهم ولمن قربوا يوصلون

جود وعينه ع الطريق:تردين تشترين شي من السوبرماركت قبل لا نوصل
بس ماكو رد.. التفت عليها لكاها نايمه.. وصل للبيت ووكف السياره وقرب منها وبدون تفكير شالها ودخلها ولحسن حظه الكل كان نايم
دخلها غرفتها وحطها ع السرير وبدون وعي سما حاوطت ركبته وقربته. لها وصار وجهه قريب من وجهها
ارتبك من حركتها وظل يتأمل ملامح وجهها.. اول مره يكدر يطالعلها بتأمل وبدون محد يقاطعه.. كل مره تنرفزه ويلهى بالعركات وياها وولا مره صفن عليها هالكثر

نسه روحه وبدون وعي حط ايده ع خدها وحس روحه بعالم ثاني وابتسم(بشرتها ناعمه مثل بشره الاطفال..هيه اصلا تصرفاتها تصرفات طفله بس ع حجم جبير)
قرب منها وباس جبينها <الراجل شكله طمع يا كماعه😒🤔>
وباوع شفايفها وبلع ريكه وقرب بشكل بطيء وما بقه بس شعره بينهم وانفاسه ثكلت بس بسرعه نفض هالافكار من مخه ونهض بسرعه وطلع

عند جود : (شلي سويته يا جود انته عمرك ما تراجعت عن قرار اتخذته.. فليش اتراجعت عن قرارك انك ما تقرب لها وولا تستعطفها.. ليش من أكون قربها اضعف..مو جود الي يضعف كدام مرة)

طلع من غرفته ودخل غرفه صغيره موجوده يم جناحه
.
.
.
.
اسفه ع التاخير..بس جان عندي حداد ع الامتحان 😭😭