رواية لأجل من احببت سأكون قوية الفصل التاسع عشر 19 - بقلم امل

أرغبُ بك 🙉
حبا وجنوناً وعشقا☺🍃ً
وقصة لا نهاية لها😌❤
أحبك ب عينا🌸☺ً
تعشق النظر إليك🙊
أحبك بـ لسانا🙈ً
لا يكتفي من الغزل بك 👌🏻🍃

~~~~~~~~❤️~❤️~❤️~❤️~~~~~~~~

وصلوا جميلة لبيتها ورجعت نور لبيتهم

ولاكت حيدر بالصاله
نور:حيدر فدوه ساعدني اصعد الاغراض فوك
حيدر:اول تعاي كوليلي منو مخرب البلي
نور:هاا وانا شدراني
حيدر:ماكو غيرج مخربه..انتي تلعبين بيه

نور:(خررررب لو دره اني خربته ينتف شعيراتي)
نور:لا مو انا يجوز بدور لعبت بيه
حيدر:😒بس بدور ما تلعب بلي
نور:اي حبت تجرب وما تعرفله فخربته(سامحيني بدور لان ذبيتها براسج بس لازم أنقذ حياتي الجميله)
حيدر:هااا اذا بدور فدوه بس والله اذا طلعتي تجذبين وانتي مخربته الا امصعلج ركبتج

نور:لا والله انا تمصعلي ركبتي وبدور فدوه..شنو هالتحيز..يعني شمعناة بدور ..ليييكون😉
حيدر ضرب نور ع رأسها: اياني واياج تفكرين بهيج افكار..بدور بالنسبه الي مثلج مجرد اخت..مع اني ياريت تصيرين مثلها هاديه
نور:اخخ وجع.. وليش تفكرها مثل اختك..ليش ما تفكر فيها كبنت عمك..ترى صدكني بدور بنت حلوه وتناسبك..عفيه تزوجها..مشتهيه افرح بيكم بعد

حيدر:شتكولين انتي..شنو تخبلتي..بدور ما فكرت ولا راح افكر اخذها..هيه تربت وياي ومثل اختي وبس
نور:ليش شناقصها حتى ما تاخذها
حيدر:مو سالفه نقص بالعكس ما ناقصها شي..بس بدور مو البنت الي فبالي وما احس بشي تجاها
نور:اموت واعرف شنو الي فبالك..اكيد بنت طايشه مثلك
حيدر رجع ضربها:لا تحجين عن الحب مالي
نور:😒مالت عليك انته وحبك

*****

تسريع للأحداث
مروا هاليومين بدون احداث سما ظلت رافضه تطلع من البيت وتشتري اغراضها بنفسها ونور وجميلة يرحون وي محمد للسوك..وكان محمد يحاول يتجنب نور وما يحجي وياها لان لهسه متحسس من كلامها..ونور تحاول تحجي وياه وهوة مطنشها وهالشي بده ينرفزها.. وحنان تحاول تتصل بالمسعد علاوي وهوة بايع ثكل وما يرد

واجه يوم العرس وكان كل واحد لاهي بعمره

بدور:حنان وين عقدي
حنان وهي تلبس الحذاء:شدراني عنج
بدور:ماكو غيرج تخمطين اغراضي
حنان:اي كلشي ذبيه براسي
نور:ولكم يله خلصوا ما بقه شي ويبده العرس والمعزومين وصلوا للقاعه وبس امي هناك تستقبلهم
بدور:ليش مو ع اساس بس أهل يا معزومين تقصدين
نور:بعد ما تعرفين امي ..راحت عزمت صاحباتها كلهم  تكول فشله يعتبن عليه بعدين وماشالله عليها امي تعرف نص البلد..ولا ازيدج من الشعر بيت كالت لصاحباتها اذا تردون تعزمون احد وياكم فانتوا مو غربه..جيبوا اي احد وياكم..فتخيلي الوضع

بدور:ويه امي هم عزمت ناس لان كالت فشله
حنان:شجنتوا متوقعين يعني..عائله ابو علي معارفها هواي فأكيد لازم يعزمون
نور:انا راح اشوف سما شصار وياها

نزلت وشافت حيدر
نور:واووو شطالع ولك
حيدر:احم طالع صاك بالبدلة الرسميه مو
نور:اي اول مره اشوفك ببدله رسميه العاده كله سبورت..بس تصدك طالع تجنن شوي وراح تشبه جود.

حيدر:اصلا انا كسرت ع جود اليوم
نور:دطير محد يوصل لجود حبيبي ..اصكك شاب بالمنطقه
حيدر:😒وانا طايح من عينج..ترى أنا هم اخوج
نور:يلا ولا تزعل انته ثاني احلى واحد
حيدر:😒خل اروح اشوف جود وجماعته ابرك منج

نور:صدك ياهو ياخذنه للقاعه ؟؟انتظرنه علما نخلص واخذنه وياك..
حيدر:شنو انشالله ترديني اكابلكم واترك الشباب..لا عيوني انا معلي ايد اروح استانس وي الشباب وخلي جود يتورط بيكم
نور:تعال اوكف ..ع الاقل أخذني انا اختك

دار ضهره وطلع ورفع ايده يودعها بدون ما يحجي وولا يلتفت
نور ضربت رجلها بالكاع بغيض:خبيييث

*****

جميلة تحاجي المصففه:الله يخليج مو تحطين مكياج قوي ترى انا ما احب المكياج حيل
سما:انا من هسة تكسرت شلون اذا رحت للقاعه..شنو هالحاله لازم اظل كاعده جني صنم وما اتمدد حتى لا تخرب التسريحه..الله محمد يرضاها ١٢ ساعه كعده بدون حراك..شنو هذا زواج لو عقاب

جميلة:خرررب حظج شكد تدردمين..اول مره اشوف عروسه مثلج..ترى العروسه الطبيعيه تلكينها ميته خوف وخجل مو مثلج ما هامج بس التمدد والنوم

سما:اووووف سكتي عني كافي اني ضايجه
جميلة:شجاي تسوين
سما:البس حذاء ما تشوفين
جميلة:انتي خبله ..لابستلي فلات..وين الحذاء الي اشترته الج انا ونور
سما:لا عيوني انا تبت من الكعب العالي..بالخطوبه جريت اذني

دخلت نور بضجتها:الف الصلات والسلام عليك يا حبيب الله
نور وجميلة:كلللللوش
سما حطت ادينها ع اذانها:طرشتوني..هلهولتكم اطن بالاذان طن

نور صرخت:سموووووه
سما كمزت وناظرتلها بخرعه:بِسْم الله شفيج انكرصتي
نور:ليش لابسه فلات
سما:حتى احسن😜..حمدوا ربكم ما لبست رياضي
جميلة:هاي مو مال احترام ..عود محترمينها وعادينها بنت رقيقه ومشتريلها حذاء شيك..بس بنت فكر
سما رمت عليها مخده:انجبي..والله لو ما البدله جان كمت سحلتج من كشتج
جميلة:لا الا كشتي صارلهم ساعه يجرجرونها الى ان صدع راسي فما ناقصني
نور:كافي هذرة انتوا الاثنين وانتي سما كومي لبسي الحذاء الي اشترناه وبدون نقاش

سما:اي علمود اذبيني ع اخوج مو..باحلامج..دروبج عرفتهم
نور:ظلي كيفج علمود اطلعين قزمه يم اخوي..اعتقد توصلين لصدره
سما:ما يهم اهم شي مرتاحه بمشيتي
جميلة:شكلها راح تفشلنه..ترى انا ما اعرفها من هسة اصلا انا جايه للعرس متطفله..ما اعرف احد
سما:لا تبالغين ترى محد راح ينتبه حتى لو البس رياضي البدلة راح تغطي

جميلة:عاد فديت البدله تجننن..فديت جود وذوقه..صراحه زاد اعجابي بهالرجال..ميصير استعيره شهر
سما:بعد بعد تغزلي..ولا جني موجوده صارلي ساعه تتغزلين بالبدله والي جابها.ماتردينتخطبينه بعد
جوجو تريد تضغطها:وشبيها يعني ترى الشرع حلل اربع..وراضيه اصير الرابعه مو الثانيه
نور زادت الطين بله:حقج يا اختي هسه لو ما اخوي وهوة واحد غريب جان زوجته نفسي
سما:ماكو غيره رجال بالعالم..حطوا عينكم ع واحد ثاني
جميلة قرصت خدود سما:يمه فديت اليغارون
سما:اخخخخ عوبه راح يخرب المكياج..مايسوه تلطخ ساعتين..وبعدين ياهي تغار ..اناااا اغار .. و ع منو ع جود هه 😏تتوهمين.. انا كل مافي الامر  اريد اكولكم اكو احلى منه وهم عندهم ذوق فحطوا عينكم عليهم

جوجو:صدكتج
نور:المهم يله استعجلوا ..جود رمش معناتها لازم نروح..يله امشوا
سما:انتي الي استعجلي حتى بدلتج ما لابستها
نور:شسوي هستوني ياله خلصت تسريحه..بس ما راح اتاخر ثواني واخلص

بدله سما

****

سلطان:البس هاي الساعه
جود:ماريدها..اخترت ساعه وكضيت وانا احب الي اخترتها اكثر من الي عندك
سلطان حط ايده ع كلبه بدراما:جرحت قلبي بكلامك هذا..صارلي ساعه افتر بالسوك حتى اشتريلك وحده وبالاخير انته ترد هديتي😢..ما توقعتها منك..افاااا بس افااا هاي اخر الاخوه

جود:دجيبها ادري لو ما اخذتها ما راح افتك من السانك
سلطان:انزين كمل فضلك والبس هالقاط الي اخترته

جود:😒اكول اطلع بره انته ما تنطه مجال
سلطان:بس لحظه خل نتفاهم
جود وهو يدفع سلطان الى ان وصله للباب:بره بدون تفاهم يله
سلطان وهوة واكف بره الباب:مع الاسف عليك ..هيج تعامل صديقك
جود طالعه بطرف عينه وسد الباب بوجهه

سلطان التفت يمين وشمال وما شاف احد:الحمدلله محد هنا جان راحت الهيبه
ونزل تحت للاستقبال ولاكه حيدر

حيدر:هااا شعدكم بالفندق ليش ما قنعته يرجع للبيت هناك يبدل
سلطان:تعرف اخوك عنودي..ما قبل يرجع وكال اروح للفندق اقرب ودك ع السايق وهوة بالشركه وكلاله يجيب بدلته واغرضه كلها للفندق واغراض سما هم ..لان اول وتالي راح يضلون بالفندق ..فقرر من هسه يظل بيه وينقل اغراضه

حيدر:امممم انزين انته ليش بره ..ليش ما ظليت يمه
سلطان:احم لا بس كلت اخليه ع راحته
حيدر:هههههع كول انك مجحوت ليش مستحي..ترى عادي هذا الكدامك(اشر ع نفسه) عده خبره مال جحتات من وره جود..فعادي لا تستحي..هذا وسام شرف

سلطان:ههههع لا عادي..اصلا جحتت اخوك ع كلبي مثل العسل
حيدر بابتسامه:شكرا الك
سلطان ناظرله بعدم فهم:ع شنو
حيدر بجديه:لانك متحمل تقلبات مزاج اخوي..تدري يعني اصدقاء اخوي كلهم تركوه بسبب عصبيته او بروده..بس انته ظليت متحمله حتى من تجيه حاله العصبيه وخصوصا بشغله..ادري اذا عصب ما ينحمل واغلبيتهم يشردون منه بسبب اسلوبه ..بس من يهده يرجع لطبيعته الهاديه والطيبه

سلطان:اعرف جود عدل فما حاجه تشرحلي اسلوبه..عشرت عمر انا وياه..واصلا شغرض الصديق اذا يترك صديقه وقت شدته..شنو هيه صداقه لو نعل..وبعدين تعال شنو هالجو الجدي الي دخلتنه بيه..ما متعود عليك هيج

حيدر:ههههههع صدك اخوي محظوظ بصديق مثلك
سلطان:ادري ادري ما حاجه تمدحني..ادري اني واحد نادر وماكو مني اثنين
حيدر:هههههع انته مو مال مجامله بسرعه اصدك..صوجي كلت خل ارفع معنوياته شوي..وانته ما صدكت ورفعت خشمك

سلطان:هههههع امشي بس خل نشوف اخوك خلص
توجهوا للجناح
حيدر:صدك هم لبس اسود..لو قنعته
سلطان:شتتوقع من اخوك يعني..اكيد ما يسمع رأي احد
حيدر:ع الاقل بس قميص ابيض..خرررب هسه اخسر الرهان..تراهنت كدام البنات كلهم اني اخليه يلبس غير الاسود..ونوره الجلبه حطت خشمها وي خشمي وتحدتني اني ما اكدر اخليه يلبس غير الاسود ..اخخخ شلون احط عيني بعينهم..هسه تذلني الخبله نوروه

سلطان:ههههههع ليش تدخل نفسك برهان خسران
حيدر:ع اساس اعتمدت عليك..كلت محد يكدر يقنعه غير صديقه

سلطان:محد يكدر يقنعه..عنده عشق وي الاسود ما يلبس غيره
حيدر:شكلي تورطت

دكوا الباب وفتحلهم جود بكامل اناقته وعطره الي فاح وملى الجناح

حيدر:هلا والله حي الله
سلطان كمل:هالرئبه سداده
حيدر:خخخخ ولك عود انا فرحان طالع حلو بس ولك جود كسرت عليك
جود:😏انا دوم مكسر عليك..شنو توك تدري
حيدر:لالا وانا اخوك..التواضع حلو
جود:المهم شجابكم
حيدر:افااا هاي طرده
سلطان:ذق من ما ذقت يا فتى
حيدر:لا بله انته حقه يطردك بس انا اخوه الوحيد ما يصير يجحوت بيه..لازم يدللني
جود:اكول امشوا مو وقتكم هسة راح نتاخر هستوني خابرت نور وراح يطلعون ولازم نلاكيهم كبال المصور

حيدر:ماكو طلعه اذا ما تلبس لون
جود:استغفرالله انتوا ما عدكم غيري.. يا اخي كل واحد يهتم بلبسه ومعليكم بيه
سلطان:شلون معلينه بيك..غير انته المعرس ولازم تطلع ع سنكه عشره

جود مرر ايده ع وجهه بانزعاج:خوش راح أغير الربطه..ارتحتوا
دخل للغرفه وبدل الربطه ولبس رصاصيه واجه
سلطان:اخاف كلفت ع نفسك..الرصاصي اخو الاسود
جود:والله بس هالالوان عندي..اذا ما عاجبكم فما يهمني
حيدر:يا اخي شهالكأبه الي بملابسك
سلطان:المصيبه البنات الي بالشركه كلها ميته عليه ع شنو ما ادري
حيدر:😳احلف..عاد حلوين البنات
سلطان:يجننون كل وحده تكول للثانية انا احلى
حيدر:اروحلهم ملح انا..البسلهم اسود اذا يردون ما عدي مشكله..مع اني ما أفضل اللون الأسود بس احبه علمودهم

سلطان:لبست قبلك اسود بس محد قلدني
حيدر:لعد ع شنو يحبونك كولي يا اخي السر..اذا انته ما تحب البنات انا احبهم بدالك ماكو مشكله
جود:😏يحبون الفلوس والمناصب..مو لسواد عيوني
حيدر:🤔لعد ليش ولا وحده تحبّني وتركض وراي انا هم حفيد ابوعلي
سلطان:هيه سالفه حظوظ وانا اخوك

جود تركهم وطلع
سلطان:وين رايح ومطنشنه
جود:رايح انتوا شكلكم فاضين

طلع وطلعوا وراه وحركوا للاستيديو

******

ابو عزيز كاعد بمكتبه وحاط رجل ع رجل ونافخ صدره كانه سلطان زمانه ورجاله كاعدين كباله ويتناقشون بالشغل وعزيز كاعد وياهم ومتململ وحاط ايده ع خده ويتثاوب وابوه منزعج من اهماله

دخل ضرغام وتوجه لابو عزيز وحجه شي بقرب اذنه وابو عزيز عقد جواجبه بتفكير

ابو عزيز:تاجل الاجتماع الى اجل مسمى..لذلك كل واحد يروح لشغله ماعداك عزيز..اريد احجي وياك
عزيز:(الله يستر هذا ما يجي منه خير)

ابو عزيز بعد ما تاكد الكل طلع ناظر لضرغام واشرله ووكفوا حراس يم الباب
عزيز:(هاي الحركات ما تبشر بالخير) خير يبه ردت شي

ابو عزيز:اي وصلتلي اخبار ان جود اليوم عرسه وي سما

عزيز ناظر لابوه بصدمه وحس عيونه راح تطلع من مكانهم وشبه ابتسامه ارتسمت ع وجهه:لا اكيد فاهم غلط..هيه كلتلي راح تطلك..لا ما تسويها بيه..ما معقوله تغشمرني..لازم اشوفها هسة..اكيد اكو سوء فهم.. مستحيل اخليه ياخذها

وصل للباب واعترضوه الحراس
ابو عزيز:اسف بس ما راح اخلي مشاعرك التافهه تخرب كلشي..فلذلك ضرغام راح يستضيفك بالطابق الجوة

عزيز:😳تريد تسجني جوه..ليش!! انا ولدك يبه مو واحد غريب حتى تعاملني هيج...(وبعصبيه ممزوجه بسخريه)😏وكلت مشاعري التافهه..منو خله هالمشاعر تكبر مو انته الي خليتني اتقرب لسما..بسببك انته ..وهسة بعد ما حبيتها تريد تبعدني عنها..

ابو عزيز بعصبيه:كتلك تقربلها حتى تخليها تحبك ومن تزوجها راح تكدر تدخل لعائله ابو علي..بس انته الغبي حبيتها ..وما عرفت تتصرف وبدال لا تخليها تحبك خليتها تخاف منك وتكرهك..منو الي لازم يعصب انا لو انته..انته واحد غبي طالع ع امك واكبر غلطه بحياتي اني حاولت اعتمد عليك بمخططاتي..وانطيتك مجرد مهمه بسيطه انك تخليها تحبك وما كدرت..انته واحد ما يعتمد عليك..لذلك انته من يوم ورايح راح تطلع من هالموضوع..وراح اظل محبوس الى ان اخلص الموضوع..وهسة اخذوه من كبالي واخذوا نقاله ولا تخلونه يلتقي باحد

كضه احد الحراس بس عزيز ضربه وحاول يطلع وتعارك مع الحراس بس بالاخير قيدوا حركته

عزيز:يبه لا تسوي بيه هيج..والله احبها يبه احبها..والله لو راحت من ايدي راح اكلب الدنيا عليكم

ابو عزيز:ضرغااام اخذه من كدامي ماريد اشوف وجهه
ضرغام:حاضر استاذ

وخذوه وهو يصرخ ومعصب ويتوعد الكل

****

حنان وام احمد وام علي صعدوا بسياره مصطفى

وسما وبدور بسياره محمد وتاخروا بالطلعه لان ينتظرون نور تاخرت بالطلعه

سما:ست الحسن والدلال شنو ماخرها
بدور:والله ما ادري عنها..لو رايحه وي امي جان وصلت

نور اجت وهيه تمشي ع حبه ونص
بدور:اجت الخانم
سما:بعد وكت جان نمتي
نور:انجبي واخذي دور العروسه الهاديه وعركتج ضميها وره العرس ..ترى عيب هسة نكبها عركه..يله ادني اريد اكعد
سما:لا عيوني كعدي من كدام ..هنوب تجعصينه
نور حطت ايدها ع خصرها:نعم يا روح امج..اكول ادني لا هسه اكلبها عركه

سما:شبيج والله ما يكفي..البدله ماخذه نص المكان..اذا كعدتي تكسرين البدله
نور:انزين بدور انتي كعدي كدام وانا اكعد يم سما
بدور:تحلمين😒

نور عفست وجهه بضوجه:نذله..طول عمرج نذله
محمد كتم ضحكته ع تعابير وجهها:هسه شبيه الكدام..هلكد اخوف..ترى ما راح اكلج.

نور:هه انا اخاف منك شبيه..بس تدري البرستيج هالايام يحتم اني اكعد وره
محمد:هجم بيت برستيجج..لعد ظلي مردج من كدام
سما:اكول عن الدلع وكعدي من كدام..ترى مو فاضيلج
نور:عابتلكم كلكم ☹️

رضت بالامر الواقع وصعدت بالمقعد الكدامي وحركوا للاستيديو

سما:الا ما كلتي ليش تاخرتي
نور:اجاني خبر انوا وحده غثيثة لابسه بدله شبيها ببدلتي
بدور:منو هاي
نور:سوسو صاحبه اختج
سما:ويييع مدري ليش ما ابلعها
نور:مايكه وما عندها اسلوب

سما:كلش..
بدور:لعد شنو لبستي
نور:لبست البدله السوده..ع اساس اشترتها حك عرس صاحبتي..اشترتها مقدما لان ما ادري متى تعرس فجأة.. بس الحمدلله نفعتني هسة
بدور:اي شفتها تجنن صراحه احلى من بدلتج الورديه الي اشترتيها..همزين لبستيها

سما:اي بدله..ليش ما راويتيناها
نور:يله خليها مفاجاة
بدور:حلوه لبستها عليج كاعده عليج كعده خصوصا من جهه الصدر لان مافيها علاك..انتي جسمج حلو لا سمين ولا ضعيف يعني تارس شوي واي بدله تكعد عليج..مو مثلي يا حظي معصعصه بالحسره الكه بدله تناسبني

نور صارت خدودها حمر من شافت محمد باوعلها:(الله يفضحج يا بدور مثل ما فضحتيني..فصلتني كبال الولد تفصال)

نور:بدور انجبي
بدور:ليش شكلت
نور:سدي الموضوع بعدين حسابج

******

حيدر:شعدهم تأخروا صارلنه ساعه نتاني
جود:سلطان حرك للقاعه
سلطان:شنو والصور
جود:حيدر روح للاستيديو وكلهم نريد نصور بالقاعه وجيب المصورة وياك وتعال
حيدر:شنو؟؟ ترحون وتخلوني
جود:محد راح ياكلك ..جيبها والحكنه..سلطان حرك
سلطان:اصبر شوي يجوز يجون

جود:انا احب المواعيد الدقيقه..والي يتاخر عن موعده مستحيل انتظره..انا مو فاضيلهم حتى اكعد انتظر
سلطان:انته منو فاضيله بله..دومك مو فاضي لحد..وترى هذا عرسك مو موعد بالشركه حتى مو فاضي
جود ناظرله بعصبيه
سلطان:اوكي اوكي راح أحرك بس لا تعصب..انته شبيك اليوم منفس ومتتحاجه ما جنه اليوم عرسك

وحرك وحيدر دخل للاستيديو يتفق وياهم

شوي ووصلت سياره محمد

نور:خل اتصل ع حويدر
نور:الووو وينك
حيدر وهوة طالع من الاستيديو:انتوا الي وينكم
محمد:هذا هوة
طلع محمد من السياره واشر لحيدر
واجه سلم عليه
حيدر:هلا والله..والله عدالي بس انا كاشخ ولابس قاط آثاري حتى انته مبدع
محمد:ههههع لا والله انا ما نويت البس قاط بس صاحبي من دره اكو عرس اصر اني البس قاط وهوه جابه الي
حيدر:اي لازم تكشخ بعد هذا عرس جود مو غريب عليك

محمد:اي والله جود غالي عليه

نور كأنها فرصه واجتها وكعدت تباوع لمحمد ولملامحه وضحكته وي حيدر..هيه ولا مره دققت بملامحه لان بس ترفع عينها تطيح ع عيونه الرصاصيه وتلكاه يباوعلها وتستحي وتفر وجها..وولا مره كدرت تباوعله

سما قربت ع إذن نور وهمست باذنها حتى لا تسمعها بدور:كافي ولج..عيب عليج كلتيه بعيونج
نور بنفس الهمس:بِسْم الله منين شفتيني وانتي وراي
سما اشرت ع المرايه الجانبيه مالت السياره:شفت وجهج منا..وما نزل عن محمد
نور:انتي غلطانه جنت اباوع لحيدر وبس..(وبغرور مصطنع)وهوة مجرد سايق ع شنو اباوعله
سما:وشبيه السائق مو بشر..آثاري هم عندج خصله الغرور من اخوج

بدور:شعدكم تتهامسون..اسرار من وراي
سما:لا بس جاي اكولها تعبت من هالكعده..خل نطلع من هالسياره
نور:علمود يذبحج اخوي..وانتي وبدلتج وواكفه يم السياره..علمود الرايح والجاي يشوفج
سما:اي وشبيها..شنو عجبه اذا وحده ببدلتها واكفه بره..وترى حاطه غطه يعني ما يبين شي..انا انغمت من هالغطا
نور:اي عيوني اخوي غيور وما يرضه مرته توكف بالشارع
سما:شنو انتي المتحدث الرسمي بلسان اخوج..افتك منه تجيلي انتي
نور:لان اخوي واعرفه ما راح يقبل..هسه شوي وندخل الاستيديو بس خل ينطونه خبر

حيدر اجه يمهم:هلا بالبنات المزز
نور:شكرا شكرا ادري تقصدني لاني امزز وحده بالسياره
حيدر:اكول انقلعي..اصلا كلهم مزز ما عداج
نور:احم حقك ما شفتني بالبدله الجديده..اصلا تفتخر انوا عندك اخت جميله مثلي
حيدر:اي يصير خير
نور:صدك شصار بالرهان

حيدر:اكيد انا افوز
نور:😳احلف ..جود لبس الوان
حيدر:احم اي لبس ربطه ملونه
نور:😒الربطه بس ..اخاف كلفت ع عمرك عالاقل كول قميص او ستره
حيدر:المهم محسوب لون
نور:لا عيوني ما محسوب..بله شلون الربطه الي لبسها حمره مثلا
حيدر:نو رصاصي

نور:😒وفخور بنفسك انو خليته يلبس رصاصي..ترى حتى بالايام العاديه يلبس رصاصيه
حيدر:لا هذا رصاصي فاتح تقريبا جاي ع الابيض
نور:اكول طير طير..انا فزت بالرهن
حيدر:لا عيوني انا

سما:يمعودين انغمتت وانتوا ع الرهن ..راح انزل
حيدر:وليش تنزلون واخوي راح للقاعه
سما:😳شنو !! لعد ليش جبتونه هنا
حيدر:اخوي مل وهوة ينتظركم وراح..وانتوا ليش تاخرتوا هلكد

سما:جنه ننتظر ست الحسن والدلال اختك
نور:سوري بس كنت لازم اعدل شكلي..وهذا يراد وقت
حيدر:دومج غثيثة وتاخرينه..المهم توجهوا للقاعه وانا الحكم
محمد:تعال ويانه
حيدر:لا ماكو مكان..
بدور:لا اكو..خل نور تجي يمنه وانته اكعد كدام
حيدر:لا لازم انتظر المصوره هم حتى اجيبها للقاعه..لو اروح بدون المصوره جود يذبحني

حيدر بعد عن السياره ومحمد راح يمه حتى يشوف اذا يحتاج مساعده

نور ضربت بدور:ايااا ادبسووز ..مساعه اكلج خل اكعد يمكم وما تقبلون وتحججتوا بالبدله لا تتكسر وتتكرمش
بدور ظل ادور عذر:هاااا لااا بس انتي دبه وما يكفي
نور:دبه بعينج.. يعني بهالدقيقتين ضعفت حتى تردين تكعديني يمج علمود حيدر بعدين حسابج وره الحفله..ترى كثر الحساب عليج
بدور:الله يستر منج بس

لبس الولد
****

انتهى البارت

وسوري البارت مو كلش طويل بس هذا الي لحكت اكتبه