رواية لأجل من احببت سأكون قوية الفصل التاسع والعشرون 29 - بقلم امل

‏• يوجعنيَ كلبيَ لمنَ احجي 🍥📇
‏• بـ سلوبَ ثاني ، وانآ احبككْ 📦🌸

******

بعد ما خلصوا غده كعدوا البنات يلعبون لعبه السلم والافعى
سما:لالالا غشيتي ما جان هنا حجرج
اسراء:شنو غشيت..ترى اكدر ارفع عليج قضيه لانج تتهميني بدون دليل
سما:انا شفت حجرج جان هنا شطفره هنا
نور:اي صح سريوه لا تغشين..شنو هالتزغلط
اسراء:شنو هيوو شنو اتفقتن عليه
حيدر كاعد يباوع تلفزيون:دربالكم ع مرتي المستقبليه..مو تتوحدون فيها وعبالكم ما وراها رجل 😂
اسراء:😠😠😠انته مالك دخلك وولا دكول مرتي مره ثانيه
خذت المخده الي بحظنها وشمرتها عليه وهوة اخذ المخده وشبكها وغمض عيونها وشم المخده بشغف حتى يغيضها:يمه بيها ريحه الحبايب..ريحه الحبايب يا حبيبه

اسراء:ااااه 😠انتي شتبي كاعد هنا روح يم الرجال
حيدر:وافوت شوفه الحبيبه 😉

بين كل هالضحك والنصب والكل مستانس باللعب كانت بدور هيه الوحيده الكاعده وبكلبها نار
بدور وهيه تمضغ باضافرها( شجاي يصير معقوله حيدر يحبها لو مجرد شقه 😨..لا ياربي ما معقوله يصير هيج..يجوز شقه اي شقه..بس حتى لو شقه فليش يشاقه هيج وياها 😓😠.. بس كلبي حاسني وره هالشقه وراه شي)
بدور:نور ليش حيدر هيج يحجي وياها
نور باوعتها بحزن:لا مجرد شقه..تعرفين حيدر شقاه دومه ماصخ
بدور:هاااا (😥الحمدلله شقه مثل ما ظنيت..بس ليش كلبي ما مرتاح..لا يشاقه وياها😭)

هاي بدور👇🏻

نور شافت جدها رايح للمكتب:اسرائوا
اسراء وهي عافسه وجهها:شتبين انتي بعد
نور:انجبي وتعاي ساعديني ..شنو نسيتي الي اتفقنه عليه
اسراء باوعت للمكان الي لمحت الها نور وشافت جدها وبعد استيعاب:اييي صح نسيت يله تعاي
نور وهيه تكوم:حويدر جيبلي عكازه صخام تعبت وانا كلساع اكول لحد يكومني
حويدر وعينه ع التلفزيون:يصير خير.
نور راحت وره جدها:حبيبي جدووو..ياقلبي انته مشتاقتلك
الجد:الله يستر شكو
نور جلست جنبه ع الكتبه بعد ما باست راسه:ولا شي بس مشتاقتلك

الجد:امممم مو عوايدج حبيبي وجدوو..المهم شلون رجلج هسه
نور:من يوم شفتك صرت بخير يا قلبي

الجد:يا قلبي بعد اكيد اكو شي..كولي شتردين
نور:الله يسامحك جدوو..يعني قصدك اني مصلحجيه مو..زعلت
الجد بابتسامه: ولج اعرفج واعرف سوالفج كولي شكو
نور بحماس:فدوه فدوه فدوه طلبتك
الجد:هههههع شتردين كولي وعيوني الج
نور:فديت عيونك فدي..ابي نروح كلنه للمزرعه فدوه..قبل لا يبده الدوام ترى مبقه شي
الجد:بس مو وقتها هسه واحمد زواجه بعد اسبوع
نور:اي سمعت من بدور..بس شعلينه باحمد..خلي ام احمد هنا تجهز لولدها واحنه خل نروح للمزرعه وترى جود وسما ما راحوا شهر عسل فخلهم يتونسون بالمزرعه وجوها الخلاب
الجد صفن بتفكير:خليني اكولبها براسي
نور:جدووو فدوه..خل نستانس شوي طكت روحنه من البيت
الجد ابتسم:بس بشرط
نور:شنو كول وتدلل
الجد: تخلين الولد يلبسون دشاديش وعكال
نور:😨شنوووو ..مستحيل يقبلون..جدي فدوه اطلب شي ثاني 😥
الجد:لو هذا الشرط لو ماكو..وراح اخفف الشرط بس من نروح لابو جبار يلبسون دشاديش
نور:هسه شتريد بلبسهم..واصلا تدري بيهم ميحبون الدشاديش ..جود كله قوط وحويدر يحب البس السبورت
الحد:لذلك اريدهم يلبسون دشاديش..صح هسه المجتمع الراقي يتطلب هيج لبس بس مو معناتها ينسون عروبتهم وينكرون الزي العربي..لازم بين فتره وفتره يرجعون لاصلهم ويلبسون دشداشه
نور:جدوووو الله يخليك كول غيرها شيقنعهم..لو اموت كبالهم ما يلبسون دشداشه

الجد:هذا الي عندي
نور:اووووف ..لا والله ربحنه😤
طلعت بصعوبه وتلكتها اسراء:هااا شصار..وافق
نور:اوووف انتي ليش ما دخلتي حتى تقنعينه وياي
اسراء:ما ادري كلت انتي احسن..لان انا صراحتا ولا مره طالبه من جدي شي وما عندي ميانه وياه لان ما كاعده وياه وايد
نور:ليش ترى جدي حباب..لا تشوفينه من بعيد جنه عصبي واخلاقه بنفسه..بس ترى هوة هيج من بعيد قاسي بس من تتقربيله تلكينه كلبه ماكو اطيب منه..بالضبط نفس جود
اسراء:اممممم بعد جود كله وي جدي فاكيد راح يشبهله..المهم هسه عن الكركه ماكلتي وافق لو لا

نور:شرط لازم الولد يلبسون دشاديش..بله شلون اقنعهم 😩..جود يجوز اكدرله بدموع التماسيح بس حويدر شلون لو اذبح روحي كباله هم ما يقبل
اسراء:امشي نحاول

***

ابراهيم:استاذ دزت العنوان الي راح تلتقون بيه
عزيز وهوة يبدل:اي بال****#
ابراهيم :بس استاذ هاي بنايه تقريبا مهجوره ليش ترحون بيها..ما ادري ليش بس ما مرتاح للسالفه ولا للمكان
عزيز :اسكت ولا اطير فرحتي..اكيد اختارت هالمكان حتى لا يشوفها احد من معارفها او رجلها
ابراهيم:ما ع الرسول الا البلاغ..انا حذرتك وكتلك السالفه مو مريحه وانته بكيفك
عزيز:خلي شكوكك لنفسك..واهتم بالممرضه قبل لا تفضحك..ترى اذا نفضحت فابوي راح يضطر يخلص منك
ابرهيم بلع ريقه:لا تخاف كلشي انتهى
عزيز:هسه شلوني
ابراهيم:استاذ هاي سابع مره تبدل وللمره الالف كتلك حلوو بس ما تقتنع وترجع تبدل
عزيز:لا ما راح ابدل بعد ..واصلا سما تحب الازرك فاكيد راح يعجبها

****

جود راح لسما وخذاها ع صفحه:راح اروح ويجوز ما ارجع عندي شغله ضروريه..وانتي قبل المغرب رجعي للبيت وي محمد
سما ببرود: اوك
جود طلع بدون ما يتكلم
نور:هااا شعنده الحب 😉
سما عفست وجهها:دولي بطرانه ع حظي
نور:هااا شبيكم مزاعلين
سما:لا كل الموضوع كلي ارجع قبل المغرب وما راح يجي لان عنده شغل
نور:يووو حرامات عود ردت اقنعه ع المزرعه..يله احاجيه بالتلفون..الا اكول سمسمتي
سما ناظرتها باستغراب:سمسمتج منو
نور:انتي اكو غيرج فديتج..حبيت ادلعج شوي..المهم شرايج نجي وياج نساعدج بتضبيط جنطتج
سما:اي جنطه
نور:يوو نسيت اكلج ..انشالله وبعون الله وبعد قناعه المنحوس حيدر راح نروح للمزرعه
سما بفرحه:والله!!واي وناسه ولا مره رايحه مزرعه..شلون شكل المزرعه..وشنو فيها
نور:فيها زرع واشجار بكل مكان ويم بيت المزرعه داير مدايره ورد وخضره يجنن بمعنه الكلمه وحتى مسبح اكو..جنه بكل معنى الكلمه..اما شنو فيها فاكو حيوانات هواي مثل حصونه وجلب جود وبط يم البحيره واكو ارنوبين يخبلوووون😍 واهم شي بالموضوع صخلتي البيضه فديتها مشتاقتلها شكد❤️

سما:واوو شوقتيني اشوفها..راح تخليني من هسه اروح احظر الجنطه
نور:😒اول لازم نقنع الافندي هذا.(راحت يم حيدر) حيدوري حبيبي دكافي صارلي ساعه احاول اقنعك ..الله يخليك البس دشداشه علمود نروح للمزرعه
حيدر وعينه بالتلفزيون:تحلمين..وكومي انقلعي حتى اكمل البرنامج
نور:الله يخليك..هيه دشداشه قابل شلابس
حيدر:انا بس ارد اعرف جدي شنو مشكلته وي الدشاديش..وخصوصا بالمزرعه
نور:تدري علمود صاحبه ابو جبار .
سما:منو ابو جبار
نور:هذا صديق ابوي وعايش بمزرعته الي جنب مزرعتنه ..ومن يلتقون يعيدون امجاد الماضي ..تدرين ابو جبار حاط بمزرعته خيمه ويتكهوون وحتى ولد ابو جبار يلبسون دشاديش ويكهوون جدي.. وجدي يبي يلبسهم دشاديش ويروحون وياه لابو جبار..وما يبي قوط حتى لا يفشلونه
حيدر:انا ما ادري ليش الشياب من يكبرون عقليتهم ترجع للماضي ويحنون لايام قبل..هسه الدنيا اطورت وهمه رجعوا لايام الخيم والكهوه الدشاديش.
اسراء دخلت وهيه تشرب عصير:هااا شصار
نور:هااا حيدر تلبس
حيدر رجع نظره للتفزيون:نو ايمبوسبل
نور خذت الريموت وطفت التلفزيون وبغيض:انته ليش نحيس هيه دشداشه قابل شلابس حزام ناسف..هيه هدوم مو مهمه..والله لو جود جان قبل بسرعه بس انته نحيس
اسراء:اهووو بدت النحاسه عاد انا متشوقه للمزرعه بس اخخخ من النحاسه..الله يخليك البسها وخل نروح
حيدر ناظرها بحب مصطنع:لخاطر ال الله يخليك جنت راح اوفق بس بسبب النحاسه بطلت..عود انتي مرتي ليش اذميني
اسراء:اوووف انته شوكت تكبر

نور:انته الطيب ما ينفع وياك..ومدامك تتنيحس وياي فراح اتنيحس وياك وراح انشر الفيديو الي خبري خبرك 😉 واشهرك بين البنات وبعد شوف الي اطل بوجهك

حيدر كمز بمكانه وباوعلها بخوف:مو حذفتيه بعد ابتزاز ونفذتلج التردينه
نور:احم احتفظت بنسخه صغيرونه للاحتياط
حيدر:😤شنو هالخيانه..الاتفاق اتفاق..وانتي اتفقتي تمسحينها
نور:وعد وعد بس هالمره وراح امسحه
حيدر:😠شنو اليضمنلي انج راح تمسحينها..اخر مره وثقت فيج وطكيتيني بوري
نور:لا وعد هاي اخر مره
سما:الله يخليك لخاطري
حيدر ناظرها بغيض:اوك لخاطر سما مو لخاطرج
نور كمزت بفرح:هيييييييه (كعدت بالم بسرعه)اي اي اي
سما بحماس:لعد راح اروح احظر جنطتي من هسه
نور:راح نروح انا واسراء وياج
ناظرتها اسراء باستغراب:وانا شكوو
نور طكتها بكوعها ع خاصرتها وتكملت بصوت ناصي:انجبي
سما ناظرتها باستغراب:شكو بينكم..حاسه اكو شي
اسراء:لا ابد ..تصدكين مشتهيه اشوف بيتكم ما شايفته ولا مره
سما:اوك امشوا نروح من هسه
نور:يله بعد احسن..اسراء عفيه جيبي شالي وكابي من الدار

*****

جود طلع وراح لسكن محمد ولكاه توه كاعد ومنبطح ع الجربايه
جود:الحمدلله ع السلامه سمعت انك مريض
محمد كعد بسرعه:الله يسلمك استاذ تفضل
جود:ظل ظل منبطح محاجه تكوم بس حبيت اطمن عليك واشكرك مره ثانيه ع السويته ويانه
محمد:افاا عليك ما سويت شي هذا واجبي
جود:محمد انته لحدمن دارس
محمد:مخلص اداره اعمال.. ابوي دزني اكمل دراسه بالخارج
جود بتعجب:يعني مكمل ولا بعد بالخارج..لعد ليش تشتغل سايق
محمد: شنسوي بعد وظايف ماكو..انا جنت اتمنى اشتغل بالخارج واكون نفسي وابده مشروعي بنفسي وي صديقي بس الظروف ما سمحت وفوك موتت ابوي والحمل ع اخوي هنوب حتى امي تمرضت فزاد حمل اخوي فاضطريت ارجع اساعده
جود بتفكير:شوقتني اسمع مشروعك
محمد:يرادله كعده وما اريد اتعبك
جود:لا تعب ولا شي..باجر تعال للشركه واشرحلي شرايك
محمد:بس انته بعدك مريض وسمعت حيدر الماسك كلشي وانته ماخذ اجازه
جود: بعد ما اكدر اظل بالبيت اكثر ..يله عن اذنك واتانيك باجر مو تنسه
محمد:اذنك معاك..انشالله اجي
جود صعد السياره وبطريقه للمكان دك تلفونه
جود:الووو
يوسف:هلا جود
جود عرفه فكلمه بجفاء:خيرررر
يوسف:الممرضه الرادت تكتلك ماتت..او بالاحرى نكتلت
جود:شنوووو..شلووون وليش
يوسف:الماده الي بالحقنه الي رادت تكتلك بيها حللناها وطلعت نفس الماده الي انحقنت بام سما
جود عقد حواجبه بتفكير:يعني الحادثتين الهم علاقه مو

يوسف:بعدني ما متاكد بس الظاهر هيج..والحين جاي نحقق بالي وصل الاكل المسمم الها..والظاهر اكو رجال خلاه يوصل الاكل وهوة ماله علاقه..بس جاي ناخذ مواصفات الرجال الي كلاله يوصل الاكل..وانشالله نوصل لشي..ونقبض عليه باقرب وقت

جود:اذا عرفتوه لا تقبضون عليه
يوسف:ليش لازم نحقق وياه
جود:مع انك ضابط بس بعدك غبي..اكيد هوة مو لوحده واذا قبضت عليه لوحده ما راح يحجي لان وفي الهم واذا حجه فهم راح يتخلصون منه فبكلا الحالتين ما راح نستفاد..فاحسن شي ظل راقبه واعرف المتورطين بالحادثه كلهم
يوسف:اوك راح اغلس ع هالاهانه لان كلامك الباقي مقنع ومنطقي
جود:المهم باي مشغول هسه
يوسف:ليش شعدك
جود سد التلفون بوجهه ودك ع جماعته : اذا اجه قبلي اياني واياكم تخلونه يطلع
**:بعده استاذ ما اجه
جود:المهم اذا اجه كلت
**:اوك استاذ بس سلطان شافنه ولحكنه لان يكول اكيد وراكم شي مدام مجمعين
جود:اوووف هذا الناقصني..بس ارد اعرف هالولد ليش داحس خشمه بكلشي
**:شنسوي استاذ؟
جود:خله معاكم

سد التلفون ودكت نور
جود:شسالفه اليوم

حاجته نور وقنعته ع المزرعه بعد تواسيل وهوة ماحب يردها

*****
نور قبل لا تطلع:اكلجن منو راح يوصلنه
سما:اكيد محمد بعد منو غيره
نور:لعد ليش ما نروح وي مصطفى
سما:يمكن مصطفى خذاه جدي وراح
اسراء:انا مثل المزهريه هنا..منو مصطفى منو محمد
سما:الي خذاكم من المطار مصطفى ومحمد اخوه
اسراء اشرت ع نور:والافنديه ليش متريد محمد
سما:بطرانه والحمدلله
اسراء:الله ينطيج نعمه العقل
نور:اوووف الواحد حرام يسال شي دمشن
اسراء مسكت ايد نور حتى تساعدها:ولج شبيج ترجفين
نور بارتباك:اااا بارده ماتشوفين
اسراء:هااا
طلعوا وكان محمد يخابر مصطفى :احلف..متى اجت امي
مصطفى:قبل ساعه وانا استاذنت من الاستاذ واجيت جبتهم للشقه
محمد:بس اوصل البنات واستاذن واجي
مصطفى:ميصير نختفي اثنينه اخاف يحتاجون شي ..انته ظل وانا ارتاح واجي وانته تعال يم امي
محمد وعينه طاحت ع نور وهيه توها طالعه من البيت:اوك
وظل يباوعلها من فوك لتحت ونور من شافت نظراته نزلت راسها بسرعه بخجل
سما:شلونك محمد شخبارك
محمد:الحمدلله بخير..وين اوصل الاميرات
سما:لبيتنه
اسراء:قصدج لبيتج
سما:هااا ما ادري..ما متعوده..تدرين احساس غريب من اسمع بيتج
اسراء وهمه يصعدون:لازم تتعودين حبيبتي هاي الزواج تبده ببيتج وبعدين باطفالج وبعدين عائلتج وحدج

سما صفنت (ياترى راح يتحقق هالشي🤔..اشك!!)
اسراء باوعت لنور:شبيج ساكته
نور بخجل وشويه ادب:لا ماكو شي
اسراء:لا اكو شي مو من عوايدج تسكتين العاده جنج مسجله ما اسكتين وبعدين من شوكت تحجين بادب ورقه العاده صوتج يلعلع ومحد يسلم من لسانج
نور باوعت بالمرايه وشافت محمد يباوعلها ويبتسم ونزلت راسها وباوعت لاسراء بغيض (الله ياخذج يا اسرائوا ما ناقص الا تنشرين غسيلي الوصخ كله ولا هنوب كباله 😤)
نور بصوت واطي:انجبي
اسراء بنفس الهمس:شكو
نور:بعدين اعلمج

وصلوا للبيت ونزلوا
اسراء:واووو بيتكم يجنن مع انه صغير بس مبين انيق من حديقته ..فرينه كل مكان
سما:انا ما مفتره بكل مكان..امس ياله كعدنه بالليل ونمت من التعب والصبح طلعنه
نور:عااا شلون يجيج كلبج..انا ما اكدر اكعد اذا ما اكتشف كل مكان
سما:اكتشفت الاساسيات الي هيه داري وحمامي والمطبخ واهم شي الثلاجه 😍
نور:😒تدرين شنو القاهرني بيج..تاكلين اكل اليهد ولا يبين بيج..وانا حظي حسره عليه اللكمه الا بسرعه انتفخ

سما:هههه لا طكيني عين رجاءا..المهم انتوا افتروا بالبيت وانا راح احظر الجنطه واجي وراكم
اسراء:لا نجي وياج نساعدج ..حتى ندردش سوه
سما:اوك

دخلوا للغرفه وجلسوا البنات وسما بدت اطلع جنطتها وتحط الهدوم
اسراء:شنو جود ما ينام بنفس الغرفه..شو ماكو غراضه
سما ارتبكت:هااا مو دوم..بس هوة اغراضه هواي فحط كل واحد هدومه بمكان
اسراء:بس الغرفه جبيره وتشيل اغراضكم سوه
سما:اييي بس
اسراء:بس شنو
سما:بس اريح كل واحد غراضه لوحد
اسراء:شلون اريح..هوة حلاه الحياة الزوجيه بالمشاركه..وماكو فرق بين غراضج وغراضه
نور:اييي جنت متوقعه هالشي من جود..لان ما يحب احد يتعبث بغراضه وحتى الخدامه ما يخليها ترتب غرفته..هوة دوم يرتبها..فعادي اذا خله كل واحد بدار ومن يردون يسوون شسمه ينامون سوه بغرفه وحده 😉

سما وصبغ وجها احمر:😨😨ايا قليله ادب ..انتي ليش ما تستحين..انا كمت اشك بيج عدج خبره..حتى الهدوم الي اشترتيهم هم ما يستحون
اسراء:ههههههع كمتي تخرطين من الخجل ..بربج اكو هدوم ما تستحي
سما:حقج ما شفتي شمشتريتلي كله بدل نوم استغفر الله ما تستر شي
نور:اي بعد هوة هذا الزواج ما يرادله ستر بين الزوجين 😉
سما:كومي انكلعي افتري بالبيت علما اخلص
نور توجهت للكبت:ماني طالعه ابي اشوف هدومج (طاحت عينها ع بدلات النوم وشهقت لمن شافت علامات السعر عليها) يالظالمه بعدهم العلامات عليها وما لابستهم ولا لبسه

سما(اهووو هسه تشك ما صاير بينه شي..شبيه ما شلت العلامات): اي ما احب البدلات استحي..كله البس بجايم يمه
اسراء:والله خطيه ابن خالي ..شكله حسره عليه شوفت البدله عليج .
نور:بربج شنو هوة كاعد وي صديقه حتى لابسه بجامه..لبسيله بدلات وكشخي وحطي مكياج
سما:ما اعرف احط مكياج
نور:اوووف شكلي راح اتعب وياج علما اعلمج..بعدين اسويلج بروفات اعلمج مكياج
سما:😒ما احب المكياج
نور:مو بكيفج (شافتها وهيه تحط بجايم بالجنطه) هيووو هيوو شنو هاي حطي بدلات نوم
سما:اهووو لا تدخلون بلبسي انا مرتاحه هيج
نور:اوووف الله يعين اخوي عليج

بعد لحظات خلصت تحظير الجنطه
نور:اممم سمسمتي شدعوه عليج حتى منطيتينه ماي واحنه اول مره نجي بيتج
سما:😅اسفه نسيت
طلعت واسراء راقبت الى ان طلعت:ووجع ليش ما خليتينه نواجها ونكللها نعرف كلشي..والله انا ردت احجي بس شفت نظراتج وسكتت
نور:لا ما اريدها انوا احنه درينه المهم هسه مو وكت تفسير..خل نطلع وانتي لهيها علما ارجع واغير كل الهدوم الي حطتهم بالجنطه
اسراء:ياويلج والله تموتج
نور:😂عود اروح فدوه للرومانسيه..اهم شي تتوهك وتلبس بدلات النوم لاخوي
دخلت سما بكلاصات العصير وسكتوا
اسراء:يله مو وكت شرب خل نروح نشوف البيت ونروح ياله نلحك نحظر جنطنه
سما:😕والعصير
نور:حسبيه شربناه
اسراء:امشي نريد نفتر
اسراء خذت سما تفتر ونور فرغت الجنطه وحطت الهدوم الي تريدها ولحكتهم

وبعد لحظات وصلوا لباب خلفي صغير
اسراء:شنو يطلع عليه هالباب
سما:ما ادري يجوز يفرج ع الحديقه الاماميه
اسراء فتحت الباب وكانت حديقه صغيره فيها متروسه ورد فقط وخصوصا ورد جوري احمر
اسراء:واووووووووو تخبل مع انها صغيره ومو كبر الحديقه الاماميه بس هاي احلى كلها ورد وتنسيقها يجنن 😍😍
سما باستغراب:المن عازلها عن الحديقه الاماميه ليش ما دمجها وي البره
طلعت نور بعد ما خلصت ترتيب للاغراض وهيه تعرج ع رجل وحده:لان هاي جانت حديقه امه..قبل ما جان اكو حديقه اماميه بس هنا وامه كانت تحب الجوري وتزرعها هنا..فاعتقد جود رجع زرعها من جديد بالجوري حتى يحافظ ع ذكره امه
سما:انتي وين جنتي
نور تجاهلت سوالها وحاولت تغير الموضوع:واوو اكو حتى الوان للجوري مو بس احمر
اسراء:اي بس اكثر شي الاحمر موجود اكثر من باقي الالوان
نور:يله احنه لازم نروح باي
سما:شعدكم بهالسرعه
اسراء:لا مستعجلين حتى نرتب غراضنه بالجنط بس بيتج يجننن واثاثه راقي الله يرزقني بواحد مثله
سما:تستاهلين الاحسن منه حبيبتي

*****

عزيز وصل للبنايه وبده يستكشف المكان ووصل لغرفه توها مبنيه وفتح الباب وشاف جود كاعد ع الكرسي وحاط رجل ع رجل وكانت الغرفه فارغه ماعدا هذا الكرسي
ومن شاف جود احس بخوف وحس انه اكو فخ مثل ما كال ابراهيم تراجع لوره وراد يطلع بس طلع حارس اعترض طريقه كبال الباب
جود كام من كرسيه:ع وين انشالله بعد وكت (حط ايده ع كتف عزيز) تونه تعرفنه ع بعض😏
عزيز حس روحه تورط:شتريد مني
جود وهوة بالكوه ماسك اعصابه ومسك عزيز من ياقته:انا الي لازم اسال..شتريد منه او بالاحرى شتريد من زوجتي وليش اظايكها
عزيز:😏هذا شي بيني وبينها

جود جر عزيز من ياقته وضربه كله ع راسه [يعني ضرب راسه براس عزيز] ووكع عزيز بالارض
جود بعصبيه:لا تنرفزني احسلك لان بالكوه ماسك نفسي علمود لا اضربك جاوب مثل الخلق والعالم

عزيز وهوة يكوم:كتلك هالشي ميخصك
جود ضربه بوسك:انااااا زوجها يالفهيم وانته منو حتى يكون بينك وبينها شي.. يعني انا لازم اعرف كلشي يخصها
عزيز:هههههههههع لو معتبرتبك زوجها كان كلتلك وما اجيت تسالني انا..خليني اخمن للحين ما خلتك تلمسها مو ههههههههه فديت حبيبتي التسمع الحجي ..وخل اكلك شي ولا راح تخليك تلمسها لانها الي وبس ..وانا فقط الي يحقلي المسها
جود ما كدر يتحمل وانهال عليه بالضرب:شلون تتجرا وتكول لمرتي حبيبتي..يا كلب يا حيوان يا*******
سلطان مسك جود:لحظه جود اهده وخل نفهم السالفه
جود وكف ورجع شعره ليوره وابتعد عن عزيز يحاول يمسك نفسه:لا تكول حبيبتي وهالسواالف لا ادفنك هنا..وراح تكولي ليش تلاحك زوجتي وشلون عرفتها واذا شفتك داير مدايرها وداعت اغلى شي عندي والله ما راح ارحمك

عزيز وهوة يعتدل بكومته ويبتسم ابتسامه جانبيه: عدالك اذا هددتني راح اخاف بهالسهوله..وحتى لو خفت فتعتقد راح اكدر انساها..هيه حبيبتي وادري بيها تحبني هم وانا اعرفها قبلك وانا احق بيها وانته ادخلت بينه..شتعتقدت اكدر انساها بهالسهوله..مرت سنين من اخر مره شفتها مع ذلك ما نسيتها شنسه منها وهيه مطبوعه ابالي وشعرها الاسود الطويل وهوة نازل لاخر ظهرها وتموجه وهيه تمشي (وغمض عيونه بهيام وكانها كدامه ويشامها)ولا عطرها الي للحين احسه بانفي بعطر التوت ولا الشامتين الي فوق صدرها الي جننتني اوووه صح نسيت انته ما شايف هالشامتين لان ما خلتك تلمسها اصلا ههههههههههههه

جود ضغط ع فكه بعصبيه لدرجه بانت عروك ركبته وعيونه شوي وتطلع ليكدام من العصبيه وحس انفاسه تسارعت من العصبيه وصرخ بقوه لدرجه طلعوا عروقه اكثر:طلعووووا بررررره كلكم

سلطان:جود اهده اكيد يجذب حتى يعصبك فلا تتهور و
جود بنفس العصبيه وعيونه ع عزيز وما زاحها:كتلك اطلع برررررره
سلطان:بس
جود ناظرل لسلطان بعصبيه كانه شويه ويكتله:كتلك اطلع
سلطان بلع ريقه وعرف انه ما لازم يناقش وطلع بهدوء
وجود راستا تقدم لعزيز ومسكه من ياقته وجره وضربه كله ووكع بالكاع ورجع كومه وضربه :انته حيوان وميفيد وياك الحجي..(وهو يضربه) منو انت حتى تتكلم عن زوجتي هيج
توقف عن ضربه ووكف بتعب ومسك ايده المجروحه بالم

عزيز وهوة يبصق الدم من حلكه ويناظر لجود مع ابتسامه مستفزه وانفاس متقطعه من الضرب:انا حبيبها وانت مجرد زوج فرض نفسه عليها.. واذا عدك كرامه طلكها..شلون تقبل تاخذ وحده نامت باحضان غيرك وما تقبل تخليك تلمسها

جود فقد اعصابه وضل يصارخ وهوة يلتف داير مدايره :جذذذذذذذاااب انت جذذذذذااااب سما ما اسويها..ما اسويها انته جذاب
عزيز بتعب:جذب ع نفسك بس انته تدري من داخلك انها تحبني وما تحبك والا كان خبرتك عني وعن ازعاجي..بس هيه كانت تحبني وخايفه عليه

جود كان ماسك شعره بعصبيه وهوة يرجعه ليوره وطاحت عينه ع عصا طويله بالزاويا وبدون ما يحس خذه الخشبه وتوجه لعزيز وبده يضربه باي مكان يحصله بدون وعي:ااااااسكت ..اكل تبن ولا تكملللل

سلطان سمع صوت عزيز وصراخه بده يعله وبالاخير اختفه صوت عزيز وفقط صوت جود فخاف يكون سوه شي بلحظه عصبيه فدخل بسرعه عليه ولكه عزيز غارك بدمه وجود يضربه بعصا ففتح عيونه بخوف وتعجب ورعب من المنظر فركض ع جود ومسكه
سلطان:كاااافي راح تكتله
جود وعروكه برزت ووجهه صار احمر من العصبيه: وخرررر ولا تدخل ..خلي هالكلب يموت 😡

سلطان ويحاول يطلعه بره الغرفه:امشي هسه خل نطلع علما تهده..هسه انته معصب وما جاي تكدر تفكر عدل
جود دفع سلطان:كتلك لا تدخل واطلع بره
سلطان رفع صوته بنفس النبره:ماااني طالع ..كافي خبال ولا تورط روحك بمصيبه

جود:انته ما تعرفه هذا واحد جذاب ويبي يخرب كلشي
سلطان حاول يدفع جود لجهه الباب وسحبه بره بالكوه

طلع جود وتسند ع الحايط بايده وانفاسه متسارعه ومتقطعه من التعب والعصبيه ومرت بباله سما وخجلها من تكون بين ادينه (مستحيل تكون مثل ما يكول.. هيه مو هيج يجوز ما تحبني بس هيه مو عاهره ..ما معقول.._بس واذا طلع حجيه صدك وبعدين هيه كالت احب واحد واعشقه وما اخلي احد يلمسني غيره..معقول حجيه صدك 😧..لا مستحيل هيه صح لسانها طويل بس ادري بيها مو هيج معقوله انا ما عرفت احكم عليها عدل وانطيتها اكثر من قدرها!! (نزل راسه بحزن) انا حتى ما لمستها لان ما جنت اريد المسها غصبنا عنها واجرحها وسمحت تنام بغير غرفه لخاطرها وخاطر مشاعرها وجنت اريد المسها برضاها علما تحبني وبالاخير تستغفلني 😡وتطلع وحده واطيه وتقابل حبيبها)

سلطان قاطع افكاره:اشرب ماي وجهك صار اصفر ..وايدك كلها دم..شنو انفتحت العمليه لو جرح ايدك نزف لو دم هالواطي

جود ما رد وطلع راستا للسياره وما رد ع صياح سلطان عليه او بالاحرى ما سمعه اصلا
وطلع وراه بس ما لحك عليه وشافه شفط بالسياره بسرعه ولاف:بس لا يندعم هالخبل..والله الي يشوفه وهوة هادئ ويشوف عقله وشغله ورزانته ما يصدك من يشوفه معصب وخبل مثل هسه ..سبحان مغير الاحوال.. خل اروح حتى انا بعد شصخم ظال.
الحارس:سلطان شنسوي بالي بالداخل
سلطان:اهووو نسيته..جيبله دكتور عرف وكون ما يحجي وعالجه وخله علما يقرر جود..ولا تخليه ينحاش لان جود مو بعيده يكص ركبتك ع هالسالفه
الحارس:اوك
سلطان:يله راح اروح واذا احتجت شي خابرني

*****

اما عند نور واسراء طلعوا من بيت سما وهيه دخلت للحمام تغسل

وطول الطريق واسراء تباوع لمحمد:انا شايفتك بمكان بس وين..وجهك مو غريب عليه..ساعدني بالتذكر..التقينه قبل؟؟

محمد(يجوز هاي فرصه حتى اذكر نور بيه..هذا اذا اذكرت😏):اي شنو ما عرفتيني..انا لهسه اذكرج انتي وكفشتج ويلقبونج المتوحشه

اسراء:ماشالله هلكد راسخه بعقول الكل من قوه شخصيتي 😂😂 بس جني بديت اتذكرك حتى جنت دوم ادافع عن نور ومن جنت اريد اضربها انته ادافع عنها وانته الوحيد الجنت ما اكدر عليك فكانت دوم تتحامه بيك لانك اكبر منه..هوة انته مو؟؟يعني مو غلطانه

نور ناظرتها بتعجب:انتي شتحجين واي يدافع عني؟؟ ليش شوكت انا اعرفه من جنه صغار
محمد جاوب اسراء:هاي انتي الي اتعارك وياج علمودها اذكرتيني وهيه لا

اسراء:ولج عوبه شنو نسيتي..دومج ذاكرتج ضعيفه..ولج هذا محمد ابن الحارس عمو ابو مصطفى..الي جنت دوم وياه حتى جنه نلقبكم الاميره والحارس هههههه
نور صرخت بتفاجأ:ابوووو زورو
اسراء ناظرتها بتفاجأ:اي شبيج..شنو ما جنتي تدرين
نور وهيه بعدهي فاتحه حلكها وتباوع ع محمد وصنمت وبدت افكار الطفوله تجيها بكل صوب وتذكرت اعجابها بيه من جانت صغيره وتعتبره قدوتها وملاذها وكلما حست بحزن وخيبه امل كانت تلكاه كبالها ويساعدها وولا مره خيب ظنها وتذكرت ليله الخطف والليه القضتها فيها والي تحولت من ارعب ليله لاجمل ليله وما راضيه تفارك بالها (معقول هوة نفسه(تاملت ملامحه شوي) اي والله نفس العيون والخشم بس شوي تغييرات من كبر..شلون ما عرفته والله غبيه..شلون نسيت هالعيون وانا من الطفوله ما اشوف غيرهم كان صديقي الوحيد الي عمره ما استهزء فيني وبشكلي وبالعكس كان يشوفني احلى وحده وكان يرفع معنوياتي بكلامه والوحيد من كبرنه الي خله كلبي ينبض اي اي اعترف نبض كلبي بسببه بس حاولت اتجنب هالشي (ارتسمت ابتسامه بلهاء بدون ما تحس) معقوله هاي صدفه لو قدر)
اسراء هزت نور:هييييه شفيج صارلج ساعه مصفنه بالولد وبالج بعالم ثاني..ترى وصلنه
نور استحت من الوضع :انجبي وتعاي ساعديني
نزل محمد وفتحلها الباب وهوة يتفحص وجهها وناظرتله بخجل ونزلت عينها واجت اسراء ساعدتها ودخلوا

محمد من اول ما كلتلها اسراء عليه ولمن صرخت بابو زورو وكان يراقب ملامح وجهها وتقلباته ويحاول يفهم شتفكر فيه بس فرح لانها تذكرته ومو مثل ما اتوقع (😊 ليش احس بفرح بس لمجرد عرفتني..هاي لو اكللها اني احبها ورضت بيه شيصير ههه لا تحلم هواي اخاف اكعد وينكلب كابوس

*****

دخل جود للبيت ودخل للمطبخ ومشاف احد ودخل للصاله وكذلك ماكو احد فدخل غرفتها بسرعه بدون ما يدك الباب وانصدم بالي شافه كانت سما توها طالعه من الحمام ولافه منشفه فوق الركبه حوالين جسمها وقطرات الماء تتساقط من شعرها وكان شكلها كيوت ومغري ووللحظه نسه سبب جيته وكعد يتاملها ويباوعلها من تحت ليفوك بس رجع لوعيه وانصدم من شاف فوك صدرها شامتين وحده فوك الثانيه مثل ما كال عزيز فاجاله احساس مخلوط بين العصبيه والاستغفال والغباء وكلهم اندمجوا ليولدون دافور بداخله يحركه بدون محد يحس بيه

سما الي كانت مو اقل منه صدمه وكانت ميته رعب من نظراته:انته شلون اطب هيج بدون ما تدك الباب..اطلع رجاءا علما ابدل
جود وعينه ع الشامتين وما انتبهه لكلامها وبده يتقدم وعينه ع الشامه وبكل خطوه يخطيها كانت دكات كلب سما تزيد من الخوف وتدعي بداخلها ميصير شي مع انها من داخلها تدري ان هالوضع يحتاج معجزه حتى تخلص بدون خساير

اقترب منها وظلت ترجع ليوره الى ان وصلت لنهايه الطريق ولزكت بالحايط وانفاسها غير منتظمه من الخوف من شافته قريب عليها ومن شافت عيونه نزلت نظرها برعب كانت اول مره تشوفه بهالمنظر حست نظراته مثل الرصاص
حست عيونه تحمل غضب العالم كله بس وجهه كان بلا تعابير وهذا زاد خوفها وخلاها تتمسك بطرف المنشفه بقوه وتنزل راسها بخوف

انحنى لقرب اذنها ومن حست بانفاسه الحاره ترتطم بكتفها البارد حست بقشعريره وغمضت عيونها بس من سمعت الهمسه فتحت عيونها بصدمه
جود:وين لمسج اول شي
رفع ايده ومرر ايده ع الشامتين وهالشي خلاها تنتفض وحطت ايدها ع ايده تحاول تبعدها وتباوعله بخوف ومو فاهمه شي
جود نفض ايده وبعد ايدها بقوه خفيفه ورجع لمس الشامتين:لمسج هنا..اي اكيد مدام مو كادر ينساهم وعشقه

سما وبصوت مبحوح ومتقطع من الخوف: ع عن شن شنو تحجي
جود بنفس بروده الغريب:عن حبيبج عزيز
سما ناظرتله برعب من سمعت عزيز وما انتبهت لحبيبج:عززززيز انته وين تعرفه
جود واخير ظهر عليه تعبير وكانت ابتسامه جانبيه ساخره:ليش خفتي عليه ..خفتي اسوي شي لحبيب الكلب
سما برعب:انته عن شنو تحجي
جود تجاهل كلامها ورجع لبروده الي يخفي داخله بركان:لحدمن تماديتوا ووين لمسج بالضبط..😏وانا الجنت اظنج بريئه من اشوف خجلج وارتباكج طلع كل هذا تمثيل لو شنو.. وانتي ما مخليه شي ممسويته..بس ارد اعرف شغله لطختي شرفنه وانطيتيه الي يريده لو لا يا عا

سما الي كانت تراقب كلامه بصدمه وما كدرت تتحمل كلامه وانطته كف تلقائيا والي حتى هيه تفاجات من نفسها شلون تجرات وضربته وهيه ميته رعب من نظراته: انا اشرف منك يا كلب واذا كنت تطن اني وحده مو شريفه فانته مو مجبور فيني وتكدر اطلكني وتوديني بيت اهلي

جود انصدم من الكف بالبدايه بس هالكف كان بالنسبه اله كان مثل الي صحاه من بروده وطلع كل حقده وبركانه الخامد داخله ومسكها من شعرها وجره وهيه حاولت تخفف حده القبضه فمسكت ادينها بايده وتحاول تفك ايده عن شعرها
جود وعيونه صارت شرار:المصيبه شرفج شرفي يا واطيه .. والدليل موجود شلون عرف تفاصيل جسمج ولا حافظ حتى ريحه التوت ..والله اذا ما اعترفتي بالصار فوالله ثم والله اخليج تتمنين الموت وما اطولينه
جرها وحاول يسحبها بره الغرفه بس الصدمه كانت هنا من وكعت سما وحاول يجرها حتى تكوم فجرها قوي وطاحت المنشفه وتصنم هوة وظل يباوع بتفاجأ
وسما تمنت تنشك الكاع وتبلعها ع هالموقف وحست رجولها بعد ما تكدر تشيلها وجسمها انشل من الرعب وعيونها معلكه برعب بعيونه وبنظراته الي تتفحص جسمها وحست كلبها راح يوكف فاخيرا كدرت تتحرك ورادت تاخذ المنشفه من ع الارض بسرعه بس هوة كان اسرع منها ومسك ايدها قبل لا توصل للمنشفه
سما ناظرته برعب :لا تباااااوع..(تكلمت بسرعه بمحاوله فاشله انها تقنعه)شوف انته معصب اطلع الحين وبعدين نتفاهم
جود قرب منها اكثر وهمس :خل نجرب منو الصادق انتي لو هوة وماكو غير هالطريقه
سما حاولت تدفعه عنها:باحلامك
حاولت تقاوموه بس هوة شالها وحطها ع السرير....................

******

نور الي كانت كاعده بالصاله يم البنات وتجرب العكازه الي جابها حيدر
اقتربت يم حيدر وقرصت خدوده:يمه فديتك شكرا شكرا يا احلى اخو
حيدر:لا تكرصين عوبه..والله خدودج مال تكرص مو خدودي..بعدين لا تشكرين انا بس ردت افتك منج ظهري نكسر كل يوم منزلج
نور:اولا احب اجرب اكرص خدودك شبعت وانا يكرصون خدودي..حس بالي احسه يا اخي من جنت اتكرص غير انته توامي..شنو توام ابلاش..ثانيا ما اسمحلك بالتبسمر اني سمينه

اسراء بترفع صغطها:هوة انتي سمينه ما حاجه تبسمر
حيدر غمزلها:فديت مرتي الي توكف وي رجلها

نور:😢حرام عليكم والله مسويه رجيم صارلي من عرس جود ما ضايكه الككاو لان كالوا سمنت شوي..شسوي بعد اكثر 😭😭
اسراءوهي تاكل تفاح:يمعوده شبيج بسرعه اصدكين مو سمينه
حيدر ينرفزها:ياليتني تفاحه بس
اسراء باوعت لحيدر باشمئزاز وهوة يتصنع الهيام:ووووويع ..صارت الكعده وياك قرف خل اروح اخمد اشرفلي

طلعت ونور ناظرته بعصبيه:ترى مصختها وي البنيه..درينه تشاقه بس مو لهدرجه لعبت روح البنيه دكافي
حيدر:ههههههه الا اطلع حقد الطفوله الحين..اعرفها عدل اكره شي عدها كلام الغزل فلذلك اتعمد اكول هيج ههههه الا ارفع ضغطها

نور كامت:والله انا الي راح ينرفع ضغطي خلي اولي احسن لداري وصلت للدرج وقبل لا تصعد التفتت لحيدر:حيدر انته تدري ان محمد يصير اابن حارسنه القديم ابو مصطفى..يعني هوة نفسه صديق طفولتنه
حيدر ببرود:اي ادري
نور بعصبيه:😠وليش ما كتلي
حيدر رفع حاجب باستغراب: وليش اكلج يعني
نور تداركت نفسها:مو كلها تدري الا انا..اسراء الي توها اجت عرفته وانا صارلي فتره ولا دريت

حيدر:هوة انتي عوبه بسرعه تنسين ملامح الوجوه
نور:😪يعني صار سنين اكيد راح انسه شنو من مخ عدي قابل مثلك عدك ذاكره خنفشاريه .
توجهت لغرفت ولكت الخدامه مطلعه الملابس الوصخه الي بغرفتها

نور:لحظه لحظه (خذت قميص محمد من السله)يله روحي

نور خذت القميص ودخلت غرفتها وكعدت ع السرير وحط العكاز ع جنب وحطت القميص كبالها ووجهت كلامها اله وهي تحط المخده بحظنها:اذا يا استاذ محمد طلعت ابو زورو ومتكلي يالخاين ..هوة صح انا معرفتك بالاول وهاي هم تعتبر خيانه بس هوة مليون واحد اسمه محمد بالعراق العظيم وبعدين تغيرت جنت قبل ضعيف ومعصعص وهسه صارت عدك عضلات وجسمك متناسق وقبل جنت حنطاوي وهسه صرت اسمر من الشمس والشغل وزاد الطين بله لحيتك الخفيفه الي غيرت شكلك فوق حدر وسوت شكلك اشرررد 😍 (هزت راسها)شجاي احجي انا بس ترى صدك بس عيونه ما تغيرت خو ما عدي كاشف حتى اعرف هاي عيونك خو ميت واحد لون عيونه رصاصي

مدت ايدها تحت السرير وطلعت صندوق صغير وفتحت ودورت بين الاغراض وطلعت بين الاغراض صوره مشكوكه وتذكرت يوم طكوا صوره وهمه صغار ونور شكت الصوره بالنص تحت اعتراض محمد وانطته الجزء الي هيه بيه وخذت الجزء الي هوة بيه
نور:خل صورتي عندك وصورتك عندي ..علمود اخاف يجي يوم ونفترق حتى ما ننسى بعض

رجعت للواقع وهيه تتسال(يا ترى محمد بعده عده الصوره لو تخلص منها؟)
رجعت الصوره وطلعت كلاده عاديه لا من الذهب ولا الالماس بس كان شكلها جميل والها معزه وذكريات بذهن نور
وتذكرت من كبروا شوي بعد جم سنه وحان الفراق الي كانته خايفه منه ومحمد اهداها هالكلاده
نور تنهدت(ما ادري ليش احتفظت فيهم كل هالسنين واحتفظت بكلشي يخصه بهالصندوق وما كدرت اتخلص منهم..بعد كل هالسنين وذكرياته الي بدت تتلاشه وملامحه الي نسيتها بس شي بداخلي ما كان يخليني اذبهم)
سدت الصندوق ورجعته تحت السرير وباوعت للكلاده وابتسمت من تذكرت يوم عطاها الكلاده باسها ع خدها وشرد ومن يومها ما شافته ..خذت الكلاده ولبستها

ورجعت المخده لمكانها وشالت القميص ورجعت ليوره وانبطحت وهيه رافعه القميص وتباوعله وقربته لوجهها وشمته وابتسمت:بعده بيه عطره ..بعد ما اغسله بطلت اخاف تروح الريحه

*******

بعد ساعه عند سما وجود
سما كانت متكومه بالزاويه ولافه اللحاف عليها وتبجي وجود توه طالع من الحمام ولاف المنشفه ع خصره

جود ناظرها ببرود: لاتسوين روحج مسكينه وتظلين تتبجبجين حتى لو طلعتي بعدج بنت فهذا مو دليل ع انج ممسويه شي..لو ما منطيته مجال فما ظل يركض وراج..بس مبينه السالفه مدام يعرف شامتج وين

سما باوعتله بعيونها الدامعه وبعصبيه:انته مريض والله انته مريض..لو انته ادمي جان اجيت مثل الخلق وتفاهمت وياي وسمعت مني وفهمت السالفه بس لا انته حيوان فتتصرف ع هالاساس وتمشي وره غرايزك يا حيوااان..انته.....

سكتت بخوف يوم شافت نظرته المعصبه وبلعت ريقها وتراجعت للخلف من توجه الها بخطوات ثابته

سما:لا تقترب..شتريد مني مو كافي السويته
جود :خل اعلمج الحيونه شلون صايره الظاهر عاملتج بطيب ورقه زياده عن اللزوم

مسك طرف اللحلاف وسحبه

.
.
انتهى البارت 😬
شلونكم بنات شخباركم
كل عام وانتوا بهير وسنه سعيده ع الجميع

ادري مقصره وياكم بس والله عدي دراسه والله وكيلكم بحثي لهسه مملحكه ولا كاتبه حرف بيه

وامتحاناتي قربت الاسبوع الجاي تبده واعتقد حتى انتوا هم بدت والله يوفقكم كلكم واسفه ما راح اكدر انشر فتره حبيت اكلكم حتى ما تنتظروني