رواية لأجل من احببت سأكون قوية الفصل الثالث عشر 13 - بقلم امل

‎اريداكَطع طريق الشوق عناي
‎واسولف للوفي من الناس عناي
‎صديقي اليرد الضيم عناي
‎وكت الضيج يصبح درع اليه

‿ٍ➶⁀➷‿➹⁀➷‿➹⁀➷‿➹ّ⁀ً➷

مصطفى: امممم محمد لكيتلك وضيفه بس مو تكعد تشرط وتكول ما تعجبني..اهم شي  هيه وظيفه والسلام

محمد:شنو الوضيفه
مصطفى: اكو وضيفه سايق ومطلوب يكون قوي حتى يكدر يكون بوديكارد بنفس الوقت..وهذا الشي موجود بيك..والاهم انك راح تشتغل ابيت حجي ابو علي..الي جان ابوي يشتغل بيه

محمد انتفض:لا ما اشتغل سايق(عالاقل مو عدهم..عكب كل هالسنين ومن اجي اشوفها اجي وانا اشتغل سايق عدهم ..لا مو من كل عقله)

مصطفى وهو يحاول يضبط اعصابه:وشبيه السايق لو ما يشرفك ..طول عمرنه نشتغل سواق..وابوي فنه عمري وهو يشتغل سواق وحارس وهسة طلعنه ما نشرفك..لو ما شغله السايق جان ما كملت دراستك التفتحر بيها

محمد:لا والله مو قصدي اسف..انتوا ذخر اليه بس انا عندي اسبابي

مصطفى:بلا اسباب بلا بطيخ اشتغل وساعدنه الى ان تلكه شغل بشركه محترمه  وعود اتركه للشغل المايعجبك

محمد:انشالله راح اشتغل بس هدي

*****

دخلت جميلة ووراها نور وبدور

جوجو:شوفي تمشين كبالي للمطبخ وبدون نقاش يله كبالي
سما:اوووف مالي خلك اروح مكان وشبيكم ما تعرفون ادكون الباب قبل لا ادخلون..
نور تذكرت من دخلت عليهم الدار ولكتهم هيه وجود سوه<تذكرون اعتقد بعدكم مانسيتوا>
نور:ههههههع اووووف ذكرتيني من دخلت غرفه جود وبس ولكيتكم 😂 حرامات ما انعادت ولكيت جود هنا بس احله دخله من يومها كلت بعد ما ادك باب بعد كله ادخل بدفاشه بلكي تنعاد واشوفكم😁 ..اخخخخ من الومانسيه اخخ ربي ارزقنه بس.(كالتها بهيام)

بدور:اي رومانسيه تحجين عنها شنو شفتي ولج شجانوا يسوون
نور طالعت سما بخبث:ما كتلكم شنو شفت ..فاتكم نص عمركم
سما صار وجهها احمر وخزرت نور حتى ما تحجي بس الاخت ما همها وتريد تكمل

جميلة:يله كولي تحمست للموضوع
سما:نووور امشي نروح للمطبخ مو توكم تكولون خل نروح..شتردون اسوون بالمطبخ حتى اساعدكم..يله امشوا كدامي(دفعتهم وطلعتهم من الغرفه)
جميلة:انزين طالعين لا ادفعين

وقبل لا تطلع وتسد الباب باوعت لصوره امها وابتسمت بحزن(صحيح راح ارجع مثل قبل بس عمري ما راح انساج وراح تضلين بكلبي دوم..ما اريد احزن واحزن الكل وياي..راح اعيش حياتي مثل ماكنتي تردين)
وسدت الباب وطلعت وراهم ووصلت لباب المطباخ وسمعت
جميلة:كولي فدوه عن شنو جنتي تحجين بالغرفه وليش سما صار وجهها طماطه..شمغبره كوليلي هيه ما تصير طماطه الا اذا مسويه شي..بسرررعه احجي ولا تتعزين ..عرج الفضول طك عندي

نور شافت سما بطرف عينها وحبت تنرفزها:السالفه وما فيها يا طويله العمر انيييي..شفتتتت(مدت الكلام اخر شي حتى تلعب باعصاب سما) اخوووي جود و سما

سما ركضت ل نور وحطت ايدها ع حلكها
سما:انطمي يالتبن..(وحاولت تغير الموضوع) بدور شتردون اسوون
بدور:نريد نسوي كيكه
سما:اي عاد انا اختصاصي الحلويات خوش اسويها..يله امشي نطلع الغراض

وطلعت الطحين والبيض وبقيه المقادير

وبدت تخبط  وحطت الكيكه بالفرن وهيه تسمع تبسبسهم والتفت الهم ع ضحكه جميلة

جميلة:يمه الرومانسيه يمه..ولج من ورانه😉
(ناظرت ل نور الي بدت تكول الموضوع ل بدور وهيه فاطسه ضحك)..بس اصدكين حقج..اصلا انا جنت متعجبه شلون كدرتي تقاومين جماله..صراحه رجلج يهبل..ماشالله جمال وهيبه..(حبت تشعل الغيره) لو ما هوة خطيب صديقتي جان ما فوته

سما:😠يا حيووووانه مو كتلج لا تكولين
ومن عصبيتها شالت البيضه وذبتها ع نور وطب ع كصتها <جنها حالتي من اعصب..اي شي اشوفه كبالي اجدعه حتى لو جدر>

نور انصدمت ولاعت جبدها لان تلعب نفسها من البيض ولزوجته:وووووييييع الا اراويج يا سموووه
وخذت الطحين وشمرته ع وجه سما وصار وجهها بويه مصبوغه
وجميلة ميتة ضحك عليهم
وبدور مرة تضحك مره تصير مفتي اجتماعي:ترى حرام تلعبون بنعمة الله
جميلة:ههههع وجهج ذكرني ببنات جامعتي الي يحطون بويه ع وجههم ع اساس مكياج
سما: انجبي حماره وشمرت عليها بيضه واجت بنص حلكها الفاكته وبس تضحك
جوجو:لاااااااااا (وهي تمسح ع لسانها وتتفل البيض)راح ازوع..قررررف
بدور:ههههههع اخخخ يمه راح اموت ..خرررب طلعتي خوش تكولين ههههههههع بطني
سما وهي تضحك:بدور بقت عليج(شمرت عليها بيضه وشردت)

وهنه وراها
سما:عااا يمه راح انكتل
وظلت تركض وما تدري وين تروح
جميلة:تعاي اوكفي يالجلبه..اليوم الا اموتج
بدور:ههههع
نور:وانتي بس تضحكين يالفطيره😒..والله اشك اذا كضيناها تكتلينها..والله اتوقعج توكفين صفح واضحكين
بدور:هههههع شسوي شكل جوجو وبحلكها البيضه ما راضي يطلع من بالي هههههع
جميلة:😠انجبي انتي الثانيه..بس خل الزم سما واكتلها وارجعلج

سما لكت روحها كبال مكتب وبدون ما تفكر دخلته وصكعت الباب <شلون تفكر والثلاثي المرح وراها>

وبنفس الوقت جان جود مطفي الاضويه بالمكتب ونايم ع القنفة ومن دخلت سما وصكعت الباب كمز

جوجو تدك ع الباب:اذا انتي مراة تعاي فتحي الباب وواجهيني
سما:هههههع شبية تخبلت حتى افتحه..وبعدين تره انا بنت مو مراه ههههههع

جود لا اردايا ابتسم من شافها تضحك
جميلة بخبث:😈انشالله عن قريب تاخذين جود وتصيرين مراة غصبن عليج..الله اخيرا راح اشوفج عروسه بعد ماكنتي خابصتنه انج ما تردين تعرسين..تدرون ليش ما تريد تعرس

بدور:ليش بله ..كل وحده تتمنى تزوج
جوجو:لان الاخت تستحي من هالليله وشلون راح تضل وحدها وي الحب وانتي تعرفون الباقي😉..ههههههههع

سما: حمااااره صخله انجبي..ما تعرفين تكضين لسانج ..انا ارويج يا كلبه اردها الج

بدور:هههههههع وانشالله وره الزواج راح تصير مثل الكفار وتحجي حبيبي جود وين راح اشتقتله
جميلة:هههههههع منو كلج ما تحبه هسه تطلع ميته عليه بس بايعه ثكل

سما:انجبن والله اراويجن وحده وحده

نور تحاجي جميلة بصوت ناصي:😉هذا مكتب جود واكيد هوة بيه شرايج نسد عليها الباب هيه وهوة شويه

جوجو:خوش فكره..بس لحظه(شهقت) بس لا سمعني والله فشله..والله ولا اكعد ابيتكم انا راح اشرد لبيتنه

نور سدت الباب وراحت وره جميلك:اخوي ما يخليها اباله انسي..
جوجو:لا والله الا رايحه وانتي كملي سهرة وي الخبله..ما اكدر اشوفه بعد الخربطته(وقفت وضربت نور)وانتي حماره غير تنبهيني

نور:ما ادري توني تذكرت انوا هوة بهالوقت يظل بمكتبه
****

جود شعل الاضويه :امممم طلعتي تستحين وانا ما ادري (بابتسامه جانبيه حلوه)٠٠

سما فزت من مكانها من الخرعه:يمممه هاي انته منين طلعت

جود:😒من الحايط..لمعلوماتج هذا مكتبي..وانتي يالمزعجه طبيتي بخبصتج ..وكعدتيني من نومي
سما:شعرفني..لو ادري هذا مكتبك جان ما اجيت يمه مو ادخله

ورادت تطلع بس الباب ما فتح
سما:هذا شبي ما يفتح(ضربت ع الباب)نور..جوجوولجن فتحن الباب

جود بابتسامه جانبيه:بس ما جنت ادري انج تحبيني وتبيعين ثكل

سما استحت من تذكرت حجي جوجو(الله يكطع بليسج ياجوجو فشلتيني الله يفشلج وين اودي وجهي.. شلون اواجه عكب السمعه..شهالموقف  الطايح حظه الحطينيني فيه)

سما رفعت راسها وتتصنع القوه وعدم الاحراج:لا تعيش الدور وتصدك عمرك..ترى صديقتي بس جانت تريد ترفع ضغطي بس فلا تامل نفسك اني بيوم من الايام راح احبك

جود وهو يقترب منها:اممم لعد ليش وجهج صار طماطه ... بله  خل نتاكد

سما تلبكت ورجعت لوره الى ان لزكت بالحايط: ت تتاا اكد من شنو
جود همس قرب اذانها:انج تحبيني

سما اقشعر بدنها من حست بانفاسه الحاره تلفح رقبتها حاولت توخر بس كان محاوطها بادينه من كل الجهات: اانته شتريد اسوي

جود بابتسامه جانبيه ورفع راسها اله..وبنفس الهمس :اريد اتاكد اذا تحبيني فراح تحسين بشي اما اذا ما تحبيني فما راح تحسين باي شي .. وبعدين انا خطيبج فعادي

سما:لا مو عادي وخر اريد اطلع ما اريد اختبر اي ش(حطت ايدها ع صدره تريد ادفعه بس سكتت من حست بنبضات كلبه المتسارعه الي ما تقل سرعتها عن سرعه كلبها وناضرته وطاحت عيونها بعيونه)

سحبها اله اكثر وطبع بوسه ع جبينها وسما غمضت عيونها

جود:ما حسيتي بشي
سما:ل لااا (يمه هذا شناوي عليه..كلبي راح يوكف وبعدين ليش يحجي بهمس يذوب..هوة انا ناقصني..يمعود ارجع تعارك انشالله تغلط عليه بس مو هيج راح يوكف كلبي)
جود نزل لخدها وطبع بوسه برقه:وهسه
سما حست حراره جسمها ارتفعت من الاحراج وبصوت بالكوه يطلع :ل ل لاا
جود انطبعت ع وجهه ابتسامه صغيره من شاف ارتباكها وباوع لشفايفها
سما من شافت ابتسامته وشافت عيونه وين مركزه تملكها الخوف وكلبها راد يوكف..رادت تتحرك بس حست رجولها مخدره مو كادره تتحرك

نزل راسه الى ان وصل لشفايفه
سما وكف الدم بعروقها من حست بانفاسه ع وجهها وغمضت عيونها برعب

وطبع بوسه رقيقها ع شافيفها :وهسه
سما بلعت ريقها وما كدرت تنطق بحرف وحاولت تبعد بس هوة سحبها اله بزياده حتى لا تهرب منها
ورجع باسها بس بطريقه اقوى وطويله  فصل البوسة وحط جبينها ع جبينه وانفاسهم مو منتضمه

وضع ايده ع صدرها وانتبه لتسارع ضربات كلبها
جود بابتسامه جانبيه: شبيه كلبج سريع بضرباته..هلكد ياثر بيج قربي منج

سما بعدت ايدها بعصبيه..ورفعت حاجب مع ابتسامه مستفزه:وانته ماشالله عليك قلبك ما قصر بالركع شوي ويطلع من صدرك

جود عقد حواجبه بعصبيه لان حس بدال ما يفشلها هيه فشلته بس شوي وكانه تجاهل هالشي وابتسم

وقبل لحد يحجي او يطي رد فعل حسوا بقفل الباب يفتح ووخروا عن بعض 
دخلت نور واستغربت الوضع كان كل واحد فار وجهه عن الثاني مايردون يطالعون لبعض  ووجه سما طماطه

نور ابتسمت بخبث:😈جنه فاتني شي..امممم شكلي جيت بالوقت غير المناسب<دومج تجين بالوقت غير المناسب😒>

سما طلعت بسرعه وركضت لغرفتها

نور وهي تلعب بحواجبها:شسويتلها حتى هيج مستحيه
جود توجه للقنفه وتمدد عليها:طلعي بره
نور لوت شفتها:انشالله..مدري بشنو جنت افكر من توقعت انك راح تكلي شي..صرت غبيه هالايام..اكيد ماراح تكلي شي..

جود حط ايده ع كلبه:اخخخ يا كلبي فضحتنه( اخخخ يا جود شسويت شكلك راح تحبها وتورط روحك.. بس شسوي مو بيدي كلما احاول ابعد عنها الكه نفسي اقرب لها اكثر)

****
حنان جانت تخابر صديقتها بالتلفون

حنان:سوسو ضايجه..راح اموت من الملل
سوسو:الحمدلله انا ما اضوج لان فديت حبيبي علاوي غانيني عن الكل وما يتركني واربعه وعشرين ساعه نتواصل ومشبعني كلام حب وغزل..فديت كلبه

حنان:اوووف احترمي اني حديقه وانجبي
سوسو: كتلج كبلي ما تسمعين حجي..صديق علاوي معجب بيج ونيته شريفه ويريد يزوجج بس يريد يتعرف عليج قبل..انطيه فرصه..ترى احلى شي الحب من ينتهي بزواج

حنان:لا عيني انا اخاف الولد مالهم امان
سوسو:شنو الي مالهم امان!!هوة بس تلفون وتعرفي عليه يعني ما راح تخسرين شي..حاجيه واذا ما عجبج تركيه..سهله ترى

حنان:ما ادري خل افكر
سوسو: طيعيني..نادرا تلكين واحد يحبج من صدك..فلا تضيعين الفرصه
حنان:اوك بس استحي انا عمري بحياتي ما حاجيه وي ولد..وبعدين عيب اكوله انا موافقه وانطيه رقمي هسه عداله من هذول البنات امشي وارقم

سوسو:لا معليج خلي كلشي عليه وانا امشي الموضوع بدون ما ينزل من قيمتج.
حنان:طيب ..بس خايفه
سوسو:لا تخافين مدامي وياج
<😩صديق السوء وما ادراك ما صديق السوء.. البلاوي كلها من وراه..والمصيبه يزينلك الطريق الخطا ويشدك اله>

***
جود طلع وشاف مصطفى ومحمد

جود تقدم وسلم عليهم

مصطفى:استاذ هذا اخوي محمد وجبته يشتغل سايق مثل ما طلبت..وهوة مناسب لهلوضيفه..لا تشوفه مو ضخم..بس قوي ويعجبك

همهم جود:اوكي نجربه اسبوع واذا عجبنه نبقيه..تشرفت بيك محمد

محمد:الشرف الي استاذ
جود:محمد روح وي الحراس ويفهمونك ع كلشي ومصطفى امشي لازم اروح للشركه
مصطفى:بس استاذ اليوم جمعه يعني انته معطل
جود:اي بس اريد اخذ اوراق وارجع

****
سما كاعده بغرفتها وغمضت عيونها:انا شلون  سويت هيج..(حطت ايدها ع شفايفها وتذكرت البوسه) اول بوسه بحياتي متوقعتها هيج حلوه(ضربت روحها راشدي)غبيه لا تفكرين هيج..مستحيل افكر بهالغبي مره ثانيه(وكفت كبال المرايه ورفعت صبعها بتهديد لنفسها) مره ثانيه لا توكفين جنج تمثال كبال هالمغرور..اخخخخ جان لازم اضربه بين رجوله واخليه يتلوه..بس انا الحماره مدري شصار بيه وما كدرت افكر..احسن شي اتجنبه وما اظل وياه بغرفه وحده..اي هذا احسن حل

نور وهي متسنده عالباب:هههههع هلكد فعايل اخوي خبلتج وظليتي تحجين وي نفسج
سما:انتي من متى هنا
نور:من اول بوسه بحياتج والحلوه😉 ..والله اخوي طلع مو هين وخلاج تفكرين فيه هههههههع
سما:سم وزقنبوت ولا اضحكين
نور:ههههع امشي بس امشي خل نشوف فلم ..حضرنه الحبشكلات وكلشي
سما:اهوو مالي نفس
نور جرتها كبالها:مو بكيفج

ونزلوا للصاله وطفوا الاضويه وشغلوا الفلم وكعدوا يباوعون

بدور:سما الكيكه تجنن ماشالله عليج شاطره
سما:احم احم اختصاصي الحلويات..احب اسوي حلويات اكثر من الطبخ العادي مثل التمن وهيج اشياء..بس هم اعرف اطبخ التمن وكذا بس افضل الحلويات لان احبهم

نور:ممكن تنطمون شوي وتخلون الواحد مندمج بالفلم

بدور وهي كاضه بايد سما:يمه راح يطلع من وراه..يبوووي راح يكتله..ولك يالاثوال التفت😨

سما:اكول انطمي طيرتي الاثاره بهذرتج..يعني راح يسمعج من تكول التفت
نور:بدوروه اذا خايفه روحي ذلفي..لان الرعب بعده ما بده وانتي بديتي ترجفين..شكلج جبانه..وهالفلم لاينفع للقلوب الضعيفه

بدور:يمه كل هذا والرعب ما بده..بس مهما يكون بكمل وياكم ماريد اكعد بداري لوحدي

طلع شي مرعب بالفلم وكمزت بدور:ااااه راح ابجي يمه

نور ضربت بدور بالمخده: كومي طسي لدارج  اخترعت من صرختج اكثر من الفلم
سما وهي تفلفص حب وتشمر بالكاع:اهووو انطموا شوي
نور:هيوو انتي ما تعرفين تحطين الكشور بالصينيه ..ليش اذبين بالكاع
سما:تشمير الكشور بالكاع وانتي تباوعين رعب متعه لا تعرفها جاهلات المجتمع

نور:😒خوش يا فهيمه لعد التنظيف عليج لا تتوقعين انظف وراج

شوي ودخل حيدر وشاف اندماجهم بالفلم ولا حسوا بدخوله وارتسمت ع وجهه ابتسامه خبيثه تسلل الى ان صار وراهم
حيدر وهو يصارخ:ااااااااااااااااااااااااااااه

والبنات نطوا وهم يصارخون ومرعوبين وحيدر ميت ع تعابير وجههم من الضحك

ومن انتبهوا انه حيدر البنات شمروا عليه المخاد اما نور فهجمت عليه
نور وهي تضربه:ياااا حيوان جان وكف كلبي ياتبن
حيدر:اخخخخ شعري ولج شعري..ولج الا شعري وخري ايدج..ياحماره خربتي تسريحته بالكوه ياله صار هيج..ولج كطعتيه

نور:تستاهل ياحمار كلبي لهسه يركع

بدور وهي حاطه ايدها ع كلبها:اي والله جان انجلطنه
حيدر:سلامت كلبج ياحلوه
بدور توردت خدودها وسكتت
وسما ناظرتها باستغراب(معقول اكو شي ..لا هيه بدور حياويه لاتضنين ضن سيء)

حيدر:نوروه يالدبه كسرتي عضامي..اخخخخ ولكم كعدت عليه كسرت ضلوعي
سما:ههههع لا تبالغ..وبعدين انته رجال لازم تتحمل ..مع الاسف مره تكسرك
حيدر:ههههع حقج ما ضاربتج مرة

***
ام احمد توها طالعه من الحمام وكاعده تمشط كبال المرايه(انا ما لازم اضعف.. اصلا هوة هذا يومها مو يكولون كلشي مكتوب..والمكتوب انها تموت بهذا يومها..لازم انسه كلشي وابده من جديد)
وخلصت ونزلت ولاكانوا صاير شي

دخلت للمطبخ وانصدمت بحالته وشافت الخدامه وهي شوي كبيره بالعمره
ام احمد:هاي شصاير هنا..شنو مار اعصار
الخدامه:هاي البنات دخلوا يسوون كيك.. وست سما مزحت وياهم وضربتهم بالبيض وبدت الحرب بينهم

ام احمد بغيض:اكيييد ماكو خراب الا وراه الست سما

.
.
.
سلام راح اوقف القصه شوي لان راح تبده امتحانات الفاينل بس اذا لحكت راح اكتب