رواية لأجل من احببت سأكون قوية الفصل الثالث والعشرون 23 - بقلم امل

ايجوز #تصفن
تلكه
جتالك #عزيز

͜ ❥
. . . ͜ ❥
. . . . ͜ ❥
⇣ . . . ..
‏●••┈☝️••••❤️৩•••☝️┈••●

ابو جود دخل لمكتب ابوه:يبه لازم احجي وياك
الجد:تفضل
ابو جود كعد ع الكرسي الكدامه: جود شاف يوسف وطلع من المستشفى وما جاي يرد ع احد
الجد عقد حواجبه:يا يوسف؟؟
ابو جود:يوسف نفسه الي جان صديق جود من جان عايش وي امه الله يرحمها
الجد :شرجعه هذا
ابو جود:صار شرطي وكض قضيه جود..المهم اتصل بيه خل يرجع للبيت..هوة مريض امس مضروب طلقه واليوم يطلع ميصير..والله بالي يمه..بله نزف جرحه..ما راح يرد الا عليك ..هوة ميردلك طلب..دك عليه عفيه
الجد:اوك هسه اشوفه

******

سلطان:شوكت ناوي ترد ع اهلك..ابوك واختك حركوا التلفون
جود:مالي خلك ارد ع احد..نقالي من شوكت عندك
سلطان:من ليله الحادث رحت جبته من السياره وظل عندي.. ع فكره ريهام اتصلت بيك من جنت بعدك فاقد الوعي ونسيت اكلك
جود عقد حواجبه وسكت
سلطان:من شوكت وهيه تتصل عليك
جود هم ما رد والتزم الصمت
سلطان:شنو شكل المياه رجعت لمجاريها..بس لا تنسه انته هسة متزوج ....
جود:لا تكمل تدري بيه انا عمري بحياتي ما اخون احد ..اصلا اكره الخيانه وما اسامح احد يخوني ابد حتى لو ع شي تافه
سلطان:ع طاري الخيانه شنو سالفه يوسف..بشنو خانك
جود سكت وباوع للشارع
سلطان:ممكن تثق بيه ولو مره وتكولي اسرارك..صارلي سنين وياك وولا مره كتلي ع الماضي لهدرجه ما تثق بيه

جود وعينه بعدهي عينه ع الشارع وسلطان ما يشوف تعابير وجهه: سلطان
سلطان:عيونه
جود:انته ما راح تخوني هم مو..انته بس ظليت ما خنتني وما خيبت ظني بيك واخاف يجي يوم وتسويها
سلطان:لو ع كص اركبتي ما اسويها..انا ماعندي غيرك صاحب(وبمرح)اصلا من وراك اصدقائي كلهم طفشوا
جود بنظره بنظره خوفته:للافضل لك ما تخون..لانك لو سويتها فما راح اسامحك ابد ولا تلومني ع الي راح اسويه
سلطان ابتسم ابتسامه باهته:😅ما راح اسويها وانت تدري بس ياريت تثق بيه شوي
جود رجع نظره للشارع
سلطان وكف السياره كبال المزرعه:وصلنه اخيرا..(فرد ايدينه بالهوى وتنفس بقوه)احححح صارلي هواي ما جاي هنا والله اشتاقيت لجو المزرعه
جود توجه للاسطبلات
سلطان:اكيد رايح تشوف الحصونه لان روحك وحياتك الحصونه
جود:اكيد
واول ما دخل الاسطبل تلكاه جلب بوليسي ضخم واسود
جود ابتسم ونزل لمستوه الجلب وظل يمسح عليه:صارلي شكد ما شفتك ..كبرت
سلطان:اي كبر وصار رجال ويرادله مره
الجلب ظل ينبح ع سلطان
سلطان رجع ليوره:فوكاتها جاي اتوسطلك حتى يزوجك..انا بس ارد اعرف شسوي بهالجلب..شنو حاب بيه ..يا اخي شكله يخوف
جود:بالعكس احلى شي الجلاب لان ماكو اوفى منهم..

راح وتوجه للحصونه وكان بين الحصونه حصان اسود وضخم ومبين عليه جامح
سلطان وهو يمسح ع فرس بيضه:اموت واعرف انته ليش كلشي اسود بحياتك..حتى حيواناتك الاليفه سوده سبحان الله
جود:😏انته منيلك ذوق اصلا الاسود لون الفخامه واحلى الالوان..مدري ليش انتوا ما تحبونه
سلطان:😒خليت الذوق الك

الجلب رجع ينبح ع سلطان
سلطان:راح اذبحه هذا.
جود:مو كتلك وفي ..ميقبل تحجي عليه 😏
سلطان:😒 هه هه

سلطان اتجه لنهايه الاسطبل ولكه صخله بيضه
سلطان:ماشالله من شوكت تربون صخول
جود:هاي صخله اختي..تخبلت قبل كم شهر الا تريد صخله بيضه صغيره مثل الي شافتها بالانستا واشتريتلها وحده..وماشالله بسرعه كبرت وهسة حامل..والله ان الصخول مزعجه مدري شحابه بيهم
سلطان:😒طالعه عليك انته تربي جلاب وهيه صخول
جود:اكول جب
سلطان:مقبوله منك

هذا سلطان👆🏻 بس اللحيه تختلف لان اثخن وكصتها غير

جود طلع حصانه بره الاسطبل
سلطان:لحظه شنو ليكون ناوي تركبه
جود:😒لا ناوي اسويله تمثال..اكيد اريد اركبه
سلطان:انته مو صاحي..جرحك بعده ما التئم
جود:ليكون انته امي وانا ما ادري
سلطان:امك ابوك مو مهم المهم رجعه..مستحيل اخليك تركبه(وكف كبال الحصان) ما تركبه الا ع جثتي

جود:اوووووف انت تدري صاير مزعج هالايام
سلطان:ادري مو شي جديد
دك تلفون جود
سلطان:امممم جدك يتصل..هم ما راح ترد عليه
جود:اكيد ارد عليه ما اكدر اطنش الحجي
سلطان:اموت واعرف انته ليش متعلق بجدك اكثر من ابوك
جود طنش كلام سلطان ورد ع جده:الووو
الحجي ابوعلي:وينك ياولدي..شغلت بالنه شصاير
جود:ماكو شي لا تخاف بس ضاك صدري وطلعت للمزرعه وي سلطان اشم هوه
الجد:هاا الحمدلله مدام وياك سلطان مو لوحدك
جود:شنو انا جاهل حتى لازم وياي احد واذا طلعت وحدي
الجد ابو علي:مو سالفت جاهل..بس خفت يصيرلك شي ومحد يمك يساعدك.. المهم ارجع هسة للبيت
جود:بس يبه انا هستوني وصلت للمزرعه..خليها باجر ارجع
الجدرابوعلي:لا هسة ..شنو نسيت انك مزوج..اكو واحد يعوف زوجته لوحدها بيوم زواجهم
جود:اووك انشالله(اوووف والله نسيت الزواج)
سد التلفون وناظر سلطان :امشي خل نرجع
سلطان:تشاقه صح 😳
جود:انته شايف وجهي يدل ع اني جاي اشاقه
سلطان: عود صدك تحجي هستونه وصلنه حتى ما كعدنه..والله ضهري متكسر من الطريق..وبعدين انته مسوي عمليه مو زين عليك الكعده الزايده ..ارتاح شوي ببيت المزرعه وبعدين نطلع

جود:لا انطيت كلمه لابوي الحجي راح ارجع امشي
سلطان:بله فتح جرحك من التعب بله شسوي انا؟؟ هنوب اتورط بيك والطريق ترابي حتى ماكو مستشفى قريبه
جود:مالك شغل..جرحي وانا اتورط بيه..يله مشينه
سلطان:امري لله
صعدوا بالسياره وحركوا

جود بعد صمت و تفكير حجه:انته معاك حق
سلطان:في اي سالفه..لان انا دوم معاي حق
جود:انته منين متعلم هالغرور..تواضع شوي
سلطان:منك بعد منين..ع كوله المثل من عاشر القوم اربعين يوما صار منهم وانا عاشرتك سنين
جود تنهد:انا جنت اقصد بسالفه يوسف واني اثق بيك ..ومن ما كتلك السالفه لان ما ارد افتح جروح نايمه بس هسه....
سلطان بفرح:يعني راح تكلي السالفه..اخيرا ..صراحه الفضول صارله ساعه يحرك بكلبي..بس ما حبيت اضغط عليك
جود:ما ادري منين ابدي السالفه

*****
سما:نور يله كوليلي تعرفين السالفه لولا
نور:الصراحه انا من صارت السالفه جنت صغيره وما افتهم شي ..بس من كبرت فهمت ..بفضل استخباراتي وتجسساتي وتصنتي عرفت السالفه..بس مو بجوده عاليه
سما:هسه مو الا HD بس خل نفهم الزبده

نور:اخخخخ شكولج اخوي بعد كليبي ما تهنه بطفولته مثل باقي الجهال
امه وابوي زواجهم صار بسبب غلطه وراح بيها اخوي لان كانت حياتهم بس مشاكل وما يمر يوم بدون ما يتعاركون
سما:شلون غلطه مافهمت

نور: ام جود تعرف عليها باحد البلدان ..جان ابوي الحجي عنده صفقه خارج البلد وما جان يكدر يسافر فدز ابوي يسافر بداله وبالصدفه جانت ام جود تشتغل بالشركه الي ابوي راح يتعاقد وياها وابوي انعجب بيها وبجمالها بس ما تعده الحب وبطيش شباب ازوجها زواج متعه..يعني زواج مؤقت

سما:😳حلفي..شلون قبلت ع نفسها
نور:والله ما ادري ..بس الله واعلم شنو ظروفها..ما سمعت منهم ليش ازوجته هيج ..المهم ابوي طلكها بعد فتره ورجع وكل هالحجي ومحد يدري وبمرور الوقت التقى بامي لان ام امي الي هيه بيبتي جانت صديقه بيبي ام علي والتقى بيها من جانت تزور جدتي وحاول يحاجيها لان حبها وطلعت تبادله الشعور ..بس ام جود الحقيقيه اكتشفت انها حامل بجود وبما انها ما ادل بيتنه فراحت للشركه وعلمت جدو بكلشي وجدو عصب وكلب الامه ع ابوي وجبره انه يزوجها وامي كطعت علاقتها بابوي وما ظلت تزور بيبي بس امها ضلت تجي لوحدها..وابوي بده يكره ام جود وبدت تبده المشاكل بعد الزواج وكضوا خمس سنين سوه بس مشاكل وطبعا ما ضايع بالموضوع الا اخوي ..من اول ما انولد وعائلته مفككه

*****

جود:من اول ما انولدت وانا اسمعهم يكولون اني غلطه..بالبدايه ما فهمت شنو معناتها بس من كبرت فهمت

جود رجع بذاكرته من جان عمره ٥ سنوات جان واكف يم باب غرفه امه وابوه ومنزل راسه بخوف وهو يسمع جدالهم

ام جود:وين رايح ليكون تريد تروح تشوف ست الحسن والدلال وتوكف يم بيتهم الى ان تطلع وتشوفها..ترى مو حسبالك انا نايمه ع اذاني انا ادري عن كل شي وادري بيك تحب شمس<الي هيه ام حيدر ونور حتى لا تخربطون>

ابو جود:مو شغلج مو كافي خربتوا حياتي انتي وولدج..انتوا اكبر غلطه بحياتي ياريتني ما التقيت بيج.. انعل ابو الساعه الي التقيتج بيها..وانتي اصلا مو اتفقنه تاخذين حبوب وماريد اولاد منج..لو انتي جنتي عندج خطط ثانيه..اكيد فكرتي اذا جبت منه ولد فراح اكدر ازوجه واكوش ع كل شي..بس حامض ع بوزج ما راح اطولين فلس من افلوس ابوي
ام جود: ليش تظلمني والله جانت غلطه وما كنت متقصده احمل ولشوكت تظل تعيرني بحملي..انا ازوجتك علمود احبك مو علمود شي ثاني لا فلوس ولا غيرة..ولا وين تلكه بنت ترخص نفسها وتزوج زواج متعه..انا ازوجتك بهالطريقه ورخصت نفسي لان احبك وكان عندي امل انك تحبني من تشوفني ضحيت بكلشي علمودك
ابو جود:😏ولانج رخصتي نفسج كدامي فما كدرت احبج لانج صغرتي بعيني ومستحيل تملين عيني

ام جود ظلت تبجي:حرام عليك..كافي تعبت كل يوم عرايك مشتهيه يوم تجي ووجهك فرحان والبسمه ماليته حتى لو جذب ..مشتهيه يوم تجي تسمعني كلمه حلوه..اذا مو علشاني فعلشان ولدك..حسسه انك ابوه اكعد وياه لاعبه مثل اي ابوا..خل نحسسه انه بين عائله محبه..حتى لو تمثل كباله المحبه وياي

ابو جود:مدامه ولدج فما اكدر احبه مثلج
ابو جود ماكان يكره جود مثل ما كال..بس كان يسوي هالشي علمود تكرهه وتطلب الطلاك ويكدر يزوج الي يحبها
لان ابوه رفض انه يطلكها فما لكه غير هالحل لازم هيه تطلب الطلاك حتى يوافق ابوه ع طلاكهم

ام جود:خلاص ما عاد بيه اتحمل اكثر من هيج..اذا ما تحبني فطلكني وخليني اشوف حياتي ..تعبت من هيج عيشه
ابو جود ابتسم لان نال الي يريده:ابشري ..انتي طالق طالق طالق

جود كانت دموعه ع خده وركض راح لغرفته وقفلها عليه
مع انه كان جاهل بس فهم كلشي وفهم ان ابوه يكرها وانه خرب حيات ابوه يوم انولد هذا الي كدر يفهم بعقله الطفولي

جود رجع للواقع:اطلكت امي وخذتني وياها لان ابوي اصلا ما طلب ياخذ حضانتي
(وهالشي حز بخاطر جود من جان صغير..لان حس كان ابوه يريد الفكه)
*****

نور:مع انهم اطلكوا بس ما انتهت مشاكل ام جود وجود لانها من رجعت لاهلها رفضوا يستقبلونها وخصوصا اخوها الصغير بين الولد بس هوه اكبر منها و طردها من يم الباب وما خلاها ادوس عتبه بيتهم

فلاش باك

ام جود:حرام عليك ياخوي وين اروح انا وابني
اخوها:انتي الج عين تجينه بعد السويته..سودتي وجوهنه كبال الناس الله يسود وجهج..حمدي ربج انوا احنه ما ذبحناج..لو ما امي جان ذابحج من زمان..روحي رجعي للي فضلتيه علينه

ام جود:طلكني والله طلكني وين اروح يعني..ادري غلطت يوم ازوجته وانا ندمانه كد شعر راسي ..اترجاكم سامحوني
طلعت امها:خلها تدخل يمه مهما تكون هيه بنتنه وين تروح يعني
اخوها:اسف يمه بس لا تدخلين ..صوجي انا من البدايه وسمعت حجيج وخليتها تدرس وتشتغل بالخارج..كتلج يمه مو لازم اندزها..بنت ولوحدها بالخارج مو عدله..راح تاخذ راحتها..كلتي لا بنتي واعرفها ماتسوي شي غلط وتنزل راس اهلها ..بنتي وواثقه بيها..شوفي نهايه ثقتج وين وصلتج

ام جود وهي تبجي راحت تريد تبوس ايده:اترجاك سامحني ادري انا حماره وما افتهم وغلطت..بس سامحني
اخوها دفعها وطاحت بالارض ورفسها:انا ما عندي اخت مسحت اسمج من عائلتي..وياريت تمسحين عائلتج من مخج لان ما ظل عندج عائله يا حيوانه..ما اتشرف بيج بعايلتنه

جود راح ركض ودفع خاله:لا تضرب امي
خاله ضل يضربه:حيوان طالع ع امك القذره ..شكلك ما مربه..ويراد واحد يربيك
ام جود مسكت رجل اخوها:كافي اترجاك هوة طفل وما يفهم شي..والله رايحه وما راح تشوف وجهي مره ثانيه
اخوها:ولي انتي وابنج الله ياخذكم ويفكني منكم

ام جود خذت ابنها وهي تجر اذيال الخيبه وما لكت الا تروح للحجي ابو علي لان هوة الوحيد الي يساعدها
وراحتله وقصتله كلشي

الجد ضم جود لصدره:تاذيت
جود هز راسه بلا
ابو علي: لا بارك الله بهيج اولاد ولا في الساعه الي خلفتهم بيها ..راح يجيبون اخرتي.. اكو واحد عنده هيج ولد ويتخله عنه..الناس تتمنه الولد وهذا .......(سكت لان ما حب يزيد عليهم)

ابو علي:عندي بيت بس شوي بعيد عن منطقتنه هستوني مشتريه راح اخليج تكعدين بيه وراح اكتبه باسم جود وراح احولج كل شهر مبلغ بحسابج ..هذا كل الي اكدر اسويلج اياه يا بنتي..سامحيني
ام جود:ما تقصر يا عمي..كافي ان اكو بيت يضفني انا وابني هذا كلش كافي بالنسبه الي

الجد:الله يستر عليكم يا بنتي

ايند فلاش باك

سما:والله خطيه يكسرون الخاطر هوة وامه
نور:بعدهي ما خلصت القصه
سما:شكو بعد
نور:حجي الناس ما رحمهم هم..بعد سنتين الناس ظلت تحجي عليهم..شلون مطلكه وعايشه لوحدها..ليش اهلها مايردونها!!.. اكيد مسويه مصيبه..وظل كل واحد يالف حجي من يمه..اكيد مره مو زينه..يجوز ادخل رجال يمها...وحجي ما يخلص ...

وبنفس الوقت ابو عزيز بده يتقرب لاخوها وسوه روحه الانسان الطيب العفيف وبعد فتره تقدملها واخوها ما صدك ولكاها فرصه يفتك منها ومن كلام الناس.. وطبعا ما اخذ رايها حطها امام الامر الواقع وكلالها زواجج بعد جم يوم .. وام جود بعد الي صار وبعد الذل وهالاشاعات ماكدرت تحجي.. وشافت انها تصير تحت ظل رجال احسن من اظل وحيده وحجي الناس الما ترحم