الفصل الخامس

رواية لقاء وهمي الجزء الخامس 5 بقلم لي لي محمد لقاء وهميرواية لقاء وهمي الحلقة الخامسة _عريس إيه انتِ هتستهبلي؟ بلعت ريقها وبصتلي شوية قبل ما تقول : _أبويا هو اللي قال يا سليم هزيت راسي بعدم استيعاب : _قال إيه؟ هو أنا مش كلمته وقلتله هتقدم بصت في الأرض بتوتر وفركت كفها ببعض : _معرفش بقى يا سليم وجت تمشي لكن شريتها بعصبية : _هو إيه اللي معرفش أنا لسه مكلمك إمبارح ومجبتيش سيرة عن الحوار ده _ما..ما هو جه بسرعة

كلامها زاد عصبيتي جدا وشديت على ايدها أوي : _انت هتستعبطي حوار ايه اللي جه بسرعة إيه عريس على غفلة ما تردي رد يدخل عقلي وسكت شوية وقلت : _ولا اقولك مترديش ، روحي مشيه هو وأهله بدل وعهد الله اعملكم فضيحة في الشارع نفضت ايدها من ايدي بخضة وقالت : _فضيحة؟!! انت اتجننت يا سليم ، لا طبعا وبعدين إنت عايز توقف حالي؟ _حالك؟ زعقت بعصبية بالكلمة دي وقلت : _حال مين يا أم حال، أبوكي مديني كلمة انتِ فاهمة يعني إيه

_وطي صوتك يا سليم عشان خاطري مش عايزة فضايح مكنتش حاسس بنفسي بزعق بس بعدم استيعاب لحد ما حسيت بإيد على كتفي ببص لقيته عريس الغفلة: _في حاجة يا نجم؟ زقيت ايده وقلت : _ملكش فيه وخد أهلك وامشي عقد حاجبه وبصلها : _الجدع ده بيقول إيه يا هند؟ _هند؟!!!! قلتها باستغراب من طريقته اللي مليانة عشم كأنه يعرفها ، اتوترت أوي قالت رد خلاني ابصلها بذهول : _معرفش هزيت راسي وقلت : _معرفش إيه ما تقوليله أنا مين

مسكت ايده قصاد عيني من غير ما تعمل اعتبار لمشاعري أو حتى تحاول تفهمني : _خلاص يا حاتم لو سمحت خدها ولف عشان يمشي لكن أنا مستحملتش شديته وضربته بوكس جامد في وشه ، قام وردلي نفس البوكس وبدأت خناقة كبيرة في نص الشارع، أول ما عمر شاف كدة جري بسرعة وحاول يفك بينا وفعلا ضربه لكن ملحقش ياخد نفسه واتضرب بقت خناقة كبيرة ، كنت حاسس كأن سكاكين بتقطع في قلبي إزاي حصل ده؟ لحد ما سمعت صوت ابويا ورجالة كبيرة وفضلت الاشتباك

وابويا مقالش ولا كلمة خدنا وطلعنا، لقيا البنات متجمعين وبيبصوا بقلق لكن ملحقتش أخد نفسي وكان قلم قوي من أبويا نزل على وشي لأول مرة وقال: _القلم ده عشان روحت كلمت أبوها من ورايا تعرف ليه خلف بوعده معاك؟ عشان مروحتش بابوك يا سليم ، عجبك لما جيت انت تسألني وانا معرفتش ارد عشان سيادتك مقولتش إنك روحت روحت من ورايا عشات عارف إني رافضها، عرفت بقى انا رافضها ليه بصيت في الأرض وسكت فقالت أمي بدموع : _عاجبك منظرك دلوقتي؟

عاجبك لما طلعوك غلطان؟ رغم إنك كبير بس مش مسؤول يا سليم عامل زي العيل اللي بنمشي نصلح وراه متكلمناش لا أنا ولا أبوك ودخلوا اوضتهم وقفلوا الباب جامد وسليم دخل اوضته ودقايق وسمعنا صوت تكسير فقالت هدى : _هدخله