الفصل السابع

كريمه... خلاص بقى... انا مش فاهم ايه كمية الكره اللي منك ل بنتي ده ... لو أنتِ مدايقه اوي كده خلاص انا هاخد بنتي ومراتي واسيب البيت وامشي بصتله عمتو بصدمة ـ عايز تسيبنا وتمشي عشانها يا كرم ـ عشانها!! ..اه عشانها ..عشان هي بنتي اتكلمت عمتو ودموع بدأت تتجمع في عينيها ـ لا وعلى ايه انا اللي هسيبلك البيت ومش هتشوف وشي خالص قالت كده وبعدها مشيت قربت مني لمياء بغضب ـ شايفه عملتي ايه ...

من. ساعات ما جيتي والمشاكل بدأت تشتغل ... أنتِ ايه ... ياريتك ما جيتي ماكنش ده حصل ... أنتِ واحده..... وقفها أوَاب بغضب ـ لمياء!! .. اعتقد كفاية لحد كده اشتريتي اللي أنتِ عايزاه يلا نمشي واخدها ومشي بصيت لبابا بدموع وقررت منه ـ أنا اسفه كل ده حصل بسببي ..انا هامشي خلاص ـ لو قلتي كده تاني هتزعلي مني جامد قرب مني وحاوط وشي بين كفوفه ومسح دموعي ـ أنتِ ملكيش ذنب ف ده

اتنهد وكمل ـ المشكلة أنهم مكنوش متقبلين روسين وأنتِ بنتها ... بس اللي المفروض يعرفوا أن أنتِ بنتي برضو مش بنتها لوحدها ولازم يقبلوا ده مسكت أيده ـ بابا انا مش عايزه مشاكل بينك وبين عمتو وبصيت على طنط خديجة ـ ولا عايزاكي تزعلي مني ابتسمت وقربت ـ مش زعلانه يا حبيبتي قلتلك أنتِ بنتي ومافيش ام بتاخد على خاطرها من بنتها ابتسمت وبصيت لبابا ـ بابي متخليش عمتو تمشي ... مش عايزاها تمشي وتاخد على خاطرها منك

اتنهد وهو بيطمني ـ متقلقيش يا حبيبي انا مش هخليها تمشي -كنت ف اوضتي بجهز علشان اروح اوضت عائشة كانت لمياء بتساعدها ف مردتش اكون معاهم علشان متحصلش مشكله وكمان كان معاها اصاحبها خلصت لبس واتجهت نحية الباب علشان اخرج لقيت أوَاب واقف قدامي ـ بسم الله الرحمن الرحيم قلتها وانا بحط ايدي على قلبي لما شوفته ضحك ـ كنت هخبط بس أنتِ فتحتي ـ وتخبط ليه قلتها وانا بقفل باب الاوضه وبخرج أتاخر شويه علشان اطلع وبصلي

ـ علشان عايز اتكلم معاكي ـ مافيش حاجه اتكلمها معاك قلت كده وكنت همشي بس هو صدمني لما حاوطني عند الباب ـ اللي بتعملوا ده ابعد ..كده ماينفعش ـ ماهو انا مش هينفع امسك ايدك و اوقفك علشان نتكلم مقدميش غير كده ـ وهو كده اللي ينفع قلتها بسخرية ـ لأ برضو ماينفعش اتوترت من قربه ـ أوَاب ابعد لو سمحت ماينفعش كده ... طب افرض حد شافنا هيقول ايه ـ هنتكلم لو بعدت ـ اه اه ... ابعد بقى قلتها بسرعه وتوتر ـ لا مش واثق ..ممكن تمشي ...

نتكلم كده احسن ... بعدين انا كده مرتاح قالها بابتسامة سمجة بصتله بغضب طفيف ـ يعني ايه بقى ده ... بعدين انا مش مرتاحة ـ مش مهم ـ أووووف يخربيت برودك يا اخي ... بتخليني اقول حاجات عمري ما قلتها ..ده انا كنت إنسانه كيوت ضحك ـ ومازلتِ يا قمر ـ ولا... اظبط كده مالك.... أنت شارب حاجه على المسا ولا ايه ـ ولا ..!!! لا ده مصر قصرت معاكي اوي... وليه مصر هي مافيش غيرها عائشة اللي هتعلمك الكلام ده ـ حبيبتي حبيبتي يعني...

اهو علشان اعرف اتعامل مع امثالك ـ بت بقولك ايه اظبطي كده .... هو علشان سكتلك ولا ايه... عائشة لو اتكلمت معايا كده كان زمانها واخده على قافها بس للأسف ماينفعش اديهولك ـ وهو لو كان ينفع كنت ادتهوني يا سي أوَاب ـ سي أوَاب أيده تتقطع ولا يمدها عليكي سكت لأ.... ثبتني بجد ـ أوَاب ـ اممم... ـ ابعد ـ طب هنتكلم ـ بقالنا ساعة بنتكلم ابعد بقى قلتها بغيظ ف بعد ضحك على شكلي بصتله بعدها نزلت عيوني للارض ـ عايز ايه

اتنهد واتكلم ـ عايز اعرف ايه اللي حصل... وليه عمتو قالت كده ... وليه قلتي كده أصلا بصتله مش عارفه اتكلم ماهو اكيد مش هينفع اقوله اني كنت بتكلم عنه يعني ـ أنا ماكنتش أقصد اتكلم كده ... للأسف جه في سياق الموضوع اللي كنت بتكلم عنه انا وعائشه ـ ايوه ايه هو الموضوع ده بصتله ـ مش هينفع اقوله بعدت عيني عنه واتنهد ـ يمكن يجي يوم واقولك ويمكن لأ..... عن اذنك ومشيت من قدامه قبل ما أضعف اكتر من كده

-دخلت اوضة عائشة والحمد لله اللي اسمها لمياء دي مش موجوده قربت من عائشة واتكلمت بابتسامة ـ بدر منور يا عائش بجد ضحكت ـ علقت معاكي عائش خلاص ضحكت ـ هي اه علقت ..... بس لو عايزة سي أيهم بس اللي يقولها ... يبقى ندلعك دلع تاني ابتسمت ـ لأ لأ مش هتفرق كده كده ... بتطلع منه بطريقة مختلفة... وبحس اسمي منه مختلف أصلا حطيت ايدي على قلبي بدراما ـ اه يا قلبي اه ... يا خوفي يتغير الكلام ده بعد الجواز ولا حاجة ضحكت ـ لا لا ...

هفضل احبه برضو ـ طب بت أنتِ ريحي بقى علشان انا لسه سنجل ومش هستحمل انا الكلام ده ـ ريحي !؟؟ .... ده أنتِ اتعديتي مني بقى ـ من عاشر القوم يا ست عائش ضحكت واتعرفت على اصحابها كانوا ناس لذيذه بصراحة بعدها طنط إسراء دخلت وقالت يلا علشان العريس مستني وكده -نزلنا و الخطوبه كانت ف جنينة الفيلا نزلنا على السلّم قرب أيهم من عائشة ـ يعني كان حلو عليكي هناك ..... ليه بقى احلى هنا .....

عملتي ايه في الفستان يا عائش خليتي احلى كده ... كفاية عليا وقعتيني ودوبتيني عايزه تعملي ايه تاني فيا ابتسمت عائشة بكسوف ونزلت عيونها للأرض اتكلمت ـ يا اخي ده انا اتكسفت ضحك أيهم ـ حلو الفستان عليكي يا ڤوندا ـ كتر خيرك ..كتر خيرك يا عم ضحك وعائشه ضحكت طلعنا بره في الجنينة وبدأت الخطوبة بدأوا الناس يجوا بعدها بدأ تلبيس الدبل أيهم وعائشه عملوا حركت تلبيس الدبل بشريط الاحمر ده علشان ميلمسوش ايد بعض وكده

بصراحة حركة كريتيف اوي وعجبتني وهعتمدها في خطوبتي بابا كان واقف بيستقبل الناس مع عمامي بعدها اعتزر وراح قعد جمب عمتي مسك ايديها واتكلم بحنان ـ كريمة... ممكن نتكلم بهدوء لو سمحتي وتحولي تفهميني بصتله بدموع ـ وهو أنا امتى مفهمتكش يا كرم ـ انهارده يا كريمه انهارده..ويوم ما اتجوزت روسين برضو مردتيش تفهميني ... أنتِ حتى مردتيش تشوفيها أو تتكلمي معاها .... مجربتيش تفهمي ..اني بحبها .... ودلوقتي مش قادره تفهمي أن دي بنتي

ـ بنتك عايزه تخرب بيتك يا كرم اتنهد ـ لو سمعت لمياء بتتكلم مع صاحبتها وقالت كلام مثلاً اتقال في سياق الحديث... هاجي واقول لمياء عايزه تخرب البيت ـ عمرها ما تعمل كده ... مش هتقصد اكيد ـ يبقى كمان ڤوندا متقصدش يا كريمه ـ بس دي منعرفش عنها حاجه يا كرم ... اجنبيه عننا ـ زي روسين كده صح .... دي بنتي يا كريمه افهمي ده ... بنتي ... عمرها ما تتمنى ل ابوها الشر ابدا ..ليه مش قادره تفهمي كده ـ لاني خايفه يا كرم خايفه

قالتها بدموع ـ خايفه من ايه ـ خايفه البت دي تكون السبب في فرقنا ... وفي خراب بيتك ... خايفه كمان تخرب على بنتي ... أنت مشوفتش نظرات أوَاب ليها من ساعت ما جت مبيشلش عينه من عليها .... خايفه تاخده ... زي ما امها خدتك من خديجة زمان ... وتبقى نهاية بنتي كده ـ متقلقيش مش هيحصل ده ... لاني هامشي ... وهتفرحي ببنتك و.