رواية لم اخلق لرجل سواك الفصل العاشر 10 - بقلم ايزابيل

#بقلم إيـزابيـل
#الجزء الثامن
#لم اخلق لرجل سواك

روحو گولولة ..
الشاهد الله لاهويت بعد عينك.!
ولا يرف گلبي على غيرك ♥️.
..
روح

دنكت راسي لرجليه وابجي وواشهك ووحسرتي تكسر بصدري وهو كاعد كدامي على الـ القنفه وبس يباوعلي اني ضهري للحايط ورجليه لبطني واديه بينهن..

كال بتنهيده : وتالي

صفنت بي وتذكرت شلون قبل شويه دخل للغرفتي وسحلني لشقته هذا الباب الي بينه صارلي نقمه صار يكدر يفوت للبيت حتى بدون محد يلمحه والصدفه جنه احنه ماقافلي وشايلين الكومدي..

جاوبته بجزع
: قسور والله تعبانه والله تعبانه عوفني..

بلع ريكه ويهز براسه : يعني متحجين

غمضت عيوني بتنهيده وررجعت راسي للحايط
داخلي دمار وواعصار قوي دمعتي بطرف عيني..
فززني صوت سحب الزناد فتحت بسرعه جان اشوف بيده مسدس وموجهه عليه..

قسور : صدكي وثقي بالله ما اتردد اخلي الطلقه براسج اذا ما نطقتي وكلتي منو هذا ومن يمته تعرفينه..

رفعت طرف حاجبي ومسحت دموعي بقوه من خدي : حضرتك والي امري؟ ممكن اعرف شدخلك..

ضرب بعصبيه على الطاوله الكدامه ب فوهه المسدس مالته ويصرخ : للجججج اني محرووووك كلبيييي عليج  الدم صاعد لراسي من قهري وخوفي بس انت كلبه وحقيره وادبسزز متقدرين فوك كل المسويته كاعد وجاي اسايسج وانت انت اذا الحايط يحجي انت ماتحجين..

زفرت وخليت اديه على الكاع سندت نفسي وكمت رفعت اصبعي بوجهي واشر بعصبيه : باوع هذا الموضوع يندفن هنا خوش راح اطلع من بيتك واني انسه السويته وضربك الي وانت تنسى الشفته تمام وارجع واكول مالك حق والا اعرفك ولا تعرفني منو انتتت حتى تدخل بحياتي هااا فارض رأييك على منو! حضرتك

بعدت كذلتي عن عيوني وخليتهه ورا اذني وولتفتت داطلع فززني صوت الطلقه صرخت وخليت اديه على اذني برعب ووكلبي توهج بنصه الرعب ضليت عاصره عيوني وومشنجه نفسي ومصلبتهه اكول اكيد ضربني اكيد وكعت الطلقه بيه..
..
فتحت بهدوء واتنفس بسرعه رهيبه باوعت لجسمي مابيه شيء صدت عيني على الحايط الي بصفي شفت الطلقه واكفه بي شهكت ورجعت ليوره.

كال : هالمره بالحايط خطوه وحده منج تصير براسج..

برطمت وبقيت منطيته ضهري ووابجي تقدم عليه وصرت اسمع خطوات حذائه ووانفاسه صارت اقرب درت جان يصير وجهي بوجهه

روح : شنو الي تريد تعرفه؟ على فكره انت لو تريد من باجر تنبش جده السابع عشر لان هذا شغلك بس مادري ليش دتعاملني هيج وشسويتلك اني،

كال وهو ينفخ : والله موتتيني وشلعتي كلبي

صحت واقرب بوجهي علي واحجي
: تريد تعرف احبه لولا؟ ايييي احبه وصار  علاقتنه اكثر من سنه ومو اول مره اطلع واطب ويا بعد شتريدد ها كول واني حاضره مخايفه منك..
..
ساكت ومصدوم ويباوعلي بعيون  جمر راقد بينهن  اخاف اباوع الهن واحترك كملت ودموعي تهل : اييي لان جنت محتاجه مو بس سد الفراغ المادي لا الفراغ العاطفي الي خلقتو بيه يتمتوني واني صغيره  شردتوني اني وامي
الي عافتني وماتدري بيه بالشمس بالفي ولتهت بنفسهه وبنزواتهه لك اني جنت مراهقه ولازلت عايشه لوحدي بين كل لهل مجتمع المحاط بيه.
وفجأه الكه الشخص الي يفرحني بكلمه ويحقللي الي كل بنيه تتمنا شنو تريدني اسوي ها! انت ميحقلك تحجي ولا تنطق بحرف واحد حضرتك
قبل كم يوم اجيت تفرض تسلطك عليه ورأيك وتمنعني من هذا وهذا شنو كعدت من الحلم وتذكرت عندك بنت عم واجيت تخاف عليهه وتصعد عندك الغيره!

ولا عبالك اني مثل بنات عمامك البقيه توكف فوك راسهن وتنطي أوامر لا حبيبي اضرب كلامك بعرض الحايط ومخايفه منك ولا شويه وشتريد تسوي سوي..

اوكي وتسوي فضل اذ.. دار وجهي براشدي حسيته حرك فكي من مكانه من كد وجعه ضل جلدي يحركني لزمني من اديه الاثنين من ناحيه متني
وعصرني بقوه رادت تطلع روحي اله شويه دوخه و وداخلي اشتعل نار

: اذا ماعندج فلوسس اذا امج ملتهيه عنج مو معناها تروحين تسوين علاقات وي كلاب الشارع ياكلبه لج اغله ماعند البنيه شرفهه وكرامتهه تجين تدوسينهه انت اسحك راسج بالقندره وانعل ابو الحب مالتج الكلان تبن يحبج وتحبينه؟ ماخطبج! ما اجه اخذج لبيت اهله ولج الحب مايتختل بيج بنص الضهاري ولا رجال اليسوي هيج..

حبيتي على عيني وعلى راسي هاي مشاعر ومالنه حق ناكل تبن ونتحكم بيهه لان مو حرام ولا عيب بس انت مفتهمه السقوط حب يا ادبسزز..

لو يحبج صدك ماجان رفع عينه بعينج حتى جان ما قبل على نفسه قبل ما قبلهه عليج يضم راسه بالسياره وويختلي بيج ويلزمج واحتمال يطلع بيج كبل،

هذا الحب؟ الي حجيتيلي علي مو!

بس صدكيني ماتسمى بسمي اذا ما فصمت ضهرج نصين شمرني بقوه وكعت بالكاع تكسرت ووضهري طك بي عضم مدري فقره بس كل الي عرفته سمعت صوت شيء طك بضهري ماكدرت احجي حتى من الوجع الي جنت احس بي والنفس كوه اجره..

ذب المسدس على التخم وويحجي وويمسح بوجهه : سمعي لج طلعه من البيت بعد ماكو رجلج اكصهه ووايدج اعلكهه بركبتج اذا فكرتي تعبرين عتبت الباب مدرسه ما مدرسه انعل ام امج فهمتييي ووكلامي ماعيده مررتين كومييي طلعييي يلا طلعيي ولا عبالج حسابنه خلص بعدنه بأول الطريق..
..
مامسحت دموعي الي لازكه بخدي ولا رفعت شعري الي تكفش ولا عدلت تيشيرتي الي نشك من يم كتفي بقيت كاعده بمكاني ب العشر دقايق

ماكدر اتحرك الوجع يزرف بكلبي سكن المكان وهو هدء. راح كعد على التخم وونزل راسه ووضم وجهه بين كفوف ادي ويهز برجلي..

تقريباً مرت نص ساعه كامله اني على نفس الحاله وهو هم بس ابجي واشهك كلت كلبي راح يوكف مابيهه مجال..

باوع عليه واستغفر كال : بيج شيء

برطمت ووخفيت وجهي عنه بشعري كام عليه تقرب بخطوات بطيئه دنك رفعني من ايدي صرخت : ااااخ

قسور : شهل عياره شسويتلج اني

صحت بي و عاكشه وجهي : انت تدري ايدك شكد توجع لو لاااااا تاخذني يمنى يسرى بالراشديات واديه ورمت كد ما تلزمهن بقوه ماتحس بيه وعمرك كله ماراح تحس ياحقير شكد اكرهك..

قسور
: اششش صوتج ماريد اسمعه وخليني هادئ وياج..

جريت نفسي منه :وخر يلا وخر اريد اروح للبيت لاتكعد امي

قسور : وخل تكعد واذا حبت تجي هنا خل تجي كلش عادي..

ضحكت بسخريه رجع لزمني من عكسي ورفعني بمره وحده وكفني على حيلي مكسره تكسر من كثر الوكعات والدفعات..

كعدني على القنفه وهو واكف على راسي
: شنو اليوجعج!

كلت بملل وواني ارفع راسي ليفوك واعصر عيوني : كلشي يوجعني كلشي اريد انتحر ساعدني خل اخلص من هل دنيا واخلصك مني ومن عاري..

تنهد بتعب وكعد بصفي على القنفه جنت متمدده وضهري على الايد وهو كعد بصف رجليه وجهه صار مقابل الي..

قسور : اني ماكرهج اني اخاف عليج اني مو ضد انج تحبين بس ضد انج تحبين بهل عمر وبهالطريقه هاي ضد تصرفاتج وعقليتج ولسانج
صدكيني الانسان هو يربي نفسه هاي الاعذار انت صنعتيهه حتى تبرئين نفسج اني واحد من الناس  حبيت اثناء فترة مرت من حياتي مااخذتهه بدون ميدرون اهلهه وختلت بيهه ما فكرت اتصرف وياها تصرفات طايشه كلام ما حاجيتهه وجنت مقرر اروح ادك باب بيت اهلهه
واخطبهه ليش لان احبهه..

خفت على سمعتهه ووخفت على تفكيرهه وخفت أملهه بيهه وبعدين ماتصير قسمه..!
ماطلبت منهه طلبات نكسه ما باوعت الهه بنزوه

امج مو خوش ادميه وطايحه حظ لا اول ولا اخر الناس انت اعتبريهه ماتت وي ابوج..

اسئلج سؤال هذا الكوا** الي تحبينه على اساس ليش ما اجه خطبج..

بلعت ريكي :ما ماعرف..

ضحك : لو اني كل يوم اجي اقدملج جكليته تفكرين تروحين للمحل تشترين جكليت!

روح : لا

رفع حواجبه الاثنين
: هي هاي المعادله بكل بساطه..

روح :ترا هذا تفكير همجي شنو تحب وحده ومتحاجيهه ومتتقرب الهه لعد شلون تعرفهه بله تزوجتهه وطلعت عكس الي جنت رايدهه ك تفكير وكلشي بشكل عام..

قسور : اكو شيء اسمه خطبه قبل الزواج زائد اني مستحيل اتقدم بهيج خطوه تجاه شخص اني ماعرفه شنو بعيداً عن عادات وتقاليد بس الدين هيج أمرنه انت مو مسلمه! المفروض تعرفين هذا الشيء اصلا بدون ما احجي الج..

ملذات الدنيا ومغرياتهه متخلص صدكيني بس الاصيل الي يثبت ذاته اني اكدر اكعد وياها وحدي اكدر الزم ايدهه اكدر اتقرب الهه اسوي الي يعجبني احبهه اغازلهه بس قانونياً دينياً ومجتمعياً..

ومحد خسران! لكن المغزى هو ب الانتصار بعد المعركه هاي..

اي معركه انك تمنع نفسك عن مغريات الحياه هاي جهاد اني مو انسان ولا غلطه ولا متعمق ب الدين ولا امشي على اسس العشاير..

جنت صافنه اباوعله وانصت بكل جوارحي ووشارده بي وكل شويه تنزل كذلتي على وجهي ووارفعهه موتتني اجيت اكطعهه

كمل بـ
اني انسان طبيعي اغلط بحق مجتمعي واغلط بحق ديني هم بس اصلح هل غلط بعدم تكراره
او على الاقل ما اخطأ خطأ نفسه ََ

بلعت ريكي ونزلت راسي

قسور : انت تعرفين هل شيء كلش زين بس تتجاهلينه ومتوكفين عند نقطه غلطج وتصلحيهه..

ناقشتج واعرف مفهمتيني لان تفكيرج محدود بس اكبري وراح تفتهمين قصدي..

روح : بس العقل ماله علاقه ب العمر

قسور : صح بس احنه ننطي الحياه للعقل ب التجارب الي نخوضهه كل ما نكبر وونمر بتجربه راح تزيد عدنه نسبه الفهم ب دماغنه اكثر...

تنهدت : هسه شنو الي تريده

قسور: الي اريده انت وشرفج ماريد شيء النفسي..

جان يحجي ويحرك بأدي ويحاول يفهمني بحركات وجهه الي تطلع لا اراديا خطوط كصته الي تبرز من  من يرفع حواجبه ونظراته الي ساعه احسهه متضايقه ساعه متعاطفه..

قسور : وحاولي لا تخليني اتعصب لان بوكتهه مراح تشوفيني هذا الانسان الي مسوي روحه مثقف ويبيع مثاليات براس الناس لا راح تشوفين بركان يحركج ومايهتم.

روح : وشلون شدخلني اني واعصبك مثلا

قسور : تعصبيني اذا ما نفذتي الي كتلج علي

عقدت حواجبي :شنو الي كتلي علي!

قسور : روحه للمدرسه بعد ماكو لفتره معينه بس ومو بس للمدرسه لا لشارع كله واذا ادري بيج متواصله ويا اندمج..

سكتت واباوعله بأنفه وعدم رضى..

اشرلي براسه : يلا ولي لغرفتج..

كام من يمي ووكف ربط ادي خلف ضهره ويباوعلي نزلت رجليه من القنفه ووكفت على حيلي حسيت بوجع بضهري بس ما هتميت..

مشيت من يمه بدون ما اباوع اله وطلعت بره تمشيت لغرفتي دموعي تنزل تترك اثر ورا كل خطوه..

ممر اضلم بس الشباك الي بالمطبخ عاكس زراك الفجر وضل الاشجار الضخمه مرسوم ب الكاشي
فتحت غرفتي بهدوء حتى ما  صرير الباب يكعد

امي تمددت على الجربايه ضهري يوجعني..وخدي هم..حاولت انام بس كلامه جان يسرقني ويخليني اتأمل وافكر
..
ماكعدت للضهر بدلت تراكي بدشداشه واسعه وردان طويله ووشعري لفيته كعكه بأهمال..

بقيت كاعده بغرفتي عيني ع موبايل اخابره لمؤمل لو لا! هو اصلا ما دك ولا كلف نفسه يسأل ضليت عايشه بقلق..

اخر شيء ملييت رحت فتحت البرده وواباوع من الشباك سيارته بالباب اباوع الهه واتند وااضم بشفتي السفليه داخل حلكي..

كلامه يرن بأذني طريقته الرزنه بشرحه الي
وهدوء الي ممعتاده علي اول مره اكتشف هذا الجانب بي..

طلع من البيت لابس قميص اسود ووبنطرون اسود وبيده مسدسه يمشي ويضم بي بضهره..

ركب سيارته وانطلق هذا وين رايح وليش ويا مسدسه ومستعجل هم بقيت مثل الاطرش ب الزفه  يشوفهم يصفكون ومايعرف عل شنو

امي اليوم مرايحه للصالون  عندهه وحده عروس جوارينه دتمكيجهه ببيتهم مقابيلنه..
..
طلعت للصاله افتر بيهه اني ودشداشتي التسحل الي ليش لابستهه ماعرف حتى دلعه وفتحت الضهر جبيره مبين ضهري واكتافي..

طلعت الدجاجه من الفريز وخليتهه بمي حتى تنحل وماما تسويهه للغده لكيتهه دازتلي مسج على الواتس توصيني..

اتأفأف وافتح بشعري وارجع اربطه بعدم راحه..وافكر بي ووراسي حسيتهه راح ينفجر 
ندك الباب  توقعتهه امي.. كمت بملل فتحته
نصدمت ب بهاء زوجهه.. باوعلي من فوك ليجوه بنظره سريعه : روح

روح : شبيك مصدوم شفت عزرائيل شنو!

اباوع لعيونه مركزه على كتفي الي طالع قهرتني نظراته رفعت ثوبي بسرعه ومشيت من يمه..
دخلت لغرفتي بعد ما طلعت
..
اجه العصر وامي ماكو واني لوحدي وي بهاء لليل يلا رجعت بقيت بدون غده وحتى ريوك ممتريكه.. تواجدت امي يلا كدرت اعبر غرفتي للمطبخ اكل وارجع
..
اليوم كله ماكو اخبار عن مؤمل واتصل بي ميرد قسور لليل يلا رجع سمعت صوت سيارته طبكت.

خابرت صديقه لمؤمل : الوو احمد

حجه بصوت تعبان : هلا روح

روح : ااا شخبارك احمد شلونك

: تمام

روح : اكولك مشايف مؤمل هو يمك؟ كله خل يفتح خطه عندي كلام ويا

احمد
: ااا قبل شويه جنت يمه وهسه رجعت للبيت

: ووين هو هسه

: شنو متدرين

: شكووو

: اليوم العصر لكينه مؤمل مشمور بالشارع بمكان بعيد عن الانظار متكسر تكسر ورجله مشخوطه بطلقه...

: عزا بعيني ومعرفتو منو

: لا ولا هوه راضي يحجي

بلعت ريكي بخوف ونشف بلعومي اكيد هو اكيد هو الحقير شكد ما احاول احبه يخلني اكرهه اكثر سديت الخط بوجهه وطرت لبست نعالي وونزلت اركض امي نايمه تعبانه ورجل ماما طالع كال ع اساس معزوم ع عشا.

دكيت الباب علي الشارع ضلمه وليل واني مثل المخبله ادك فتح الباب شعره على عيونه وولابس قميصه ومخلي مفتوح ممدكم ولا دكمه وبرموده لابس يمكن جان نايم ف اجه على السريع..

عقد حواجبه : نص الليل شمطلعج لج اني شنبهتج

خليت ايدي على خصري
: شسووويت ها شسووويت احجي لا افضحك..

لزمني من ثوبي من ين بطني وجرني بقوه لداخل البيت ركع الباب وباصبيعه يضرب على عقلي : ولج نص الليل شجايبج لهنا طنطل انت طنطل والعباس راح تخبليني وروح النبي دانيال
قبق راسي طيرتي..

: اكلتني وشربتني غير تتفهم على شنو جايه..

: احجي

: انت ضربت مؤمل مو

: بشريني مات

داحجي صددددك

: وانت شمدريج هيو بس لا خابرتي ليش تخليني احرمج حتى من الموبايل

: ااا لا لا اخته خابرتني

رفع طرف حاجبه
: دمشي طلعي يلا ووحلكج متفكينه..

اسلوبه تعبان وخلاني انفر منه تنهدت ووطلعت اجر حسرات شكد حقيررر اموت منه اكرهه ماطيقه عباره عن كتله من المغثه بس والله ماخضعله لو اني لو هو بسيطه
..
ثاني يوم بدلت ورحت للمدرسه واريد اشوفه شلون يمنعني بله اخذت دروسي بدون تركيز
جمانه وياي نفس الحاله احجي وياها وهي ولا كأنو تسمع مادري شبيهه وماترضى تحجي..
..
للعصر صارت الحله وطلعت حطيت ايدي على اكتاف جنطتي ومشيت مسافه زين وجان اشوفه واكف ب الركن ووبيده الجكاره ويباوعلي نخلست هنا عبالك مي بارد ونزل فوك راسي
..
جمانه

كتله : تخبلت انت تخبلت

اسعد :مثل ماسمعتي تبقين هنا يمي لحد ما تولدين وراهه نطلق والمحكمه هي الي تقرر الحضانه المنو ها ونقطه مهمه الي صار بينه ميطلع لبره..

هاي اذا تردين تتطلكين

ََوكفت على حيلي : متجبرني انت متجبرني خووووش لك هاي الكم شهر العشته وياك طلعتهه سم عليه هسه تطلكني ووتعوفني ارجع البيت اهلي مداطيقكك مو على اساس متحبني مو متريدني ووجودي يمك مزهريه شكو هيج مجلب

اسعد : اول وتالي لازم تولدين يلا اطلكج لان الطلاك اثناء الحمل باطل...

ويرفعلي بحواجبه بمكر وانتصار خليت اديه على صدري وواتنفس كوه الحساسيه هاجت عندي وبقع حمر ترست ركبتي واديه بسرعه  عفت ومشيت للغرفه قفلت الباب وولزمت بطني ابجي واضرب بنفسي كله بسببي كله مَن ورََاه راسي..

اني ثوله ومطيه ليش طعت كلبي ووافقت ليش وكعت نفسي ب هل متاهات.. هو طلع وبعد ماشفته لليل رجع بس شنو حالته حاله ماتنحجي ولا تتسولف ولا تنوصف...

عيونه حمر دم تكول عيون ثور ووملابسه مخربطه وريحه العرك تعط منه فتحت باب البيت جان ينجبح فوكاي ردت اوكع كوه سيطرت ولزمته من ايده ودخلته سحل ليجوه ذبيته على القنفه وهو يحجي كلام مامفهوم بس كل الي فهمته فاديه وفاديه وخبصني..

فوك كلشي يسكر علمودهه ويجي للبيت يتلفض بأسمهه عبالك سجينه وتنغرز بكلبي كل مايجيب طاريهه ...

كله من ورا هالطفل الي صابره علي لازم انتضر بعد ٧ اشهر يلا اطلك يامحمد دخيلك شيخلصهن..

كل شويه وذب رجلي من على القنفه واني ارجع ارفعهن لحد ما جزعت عفته وحده وودخلت للغرفه ماكدرت احط راسي عالمخده

وانام مثل البشر مية الف فكرة تجي ببالي..
شلون اذا طلكت واخذ الطفل مني شلون اذا
حرمني منه!
..
الصبح كعدت لكيته واكف على مرايه الميز يمشط بشعره سابح وومتأنق رفعت راسي وخاصمه عيوني. لان داخله الشمس للغرفه
: ارجعي نامي اني راح اطلع للشغل صار هواي غايب..

تافأفت وكلت
: البارحه الليل كله تهلوس باسم حبيبه الكلب..

ذب المشط بأهمال : لا تدخلين مو خلص مابينه اي شيء احنه!

جمانه : صح مابينه اي شيء بس مو معناها تجي للبيت شارب استحي من الله اذا متستحي مني من اجو خطبوني سووك نبي براسي..

صاح : كافيييي عاادددد من الصبح تلغييين شلون ما نخلص اااااحنه معليييج بيه عسى ما اذب ملابسي ب شارع...

نزيت بخوف من صاح عفته ورجعت دفنت راسي ب المخده وابجي ركع الباب ورا وطلع..

والله ماكعد ماكعد ولا ثانيه يم هذا لو تنطبق السما على الارض بعد مابقى يمه غسلت وجهي وخابرت اخوي احمد كتله تعال اخذني كال هسه اعزل المحل وامرلج..
..
طلعت الجنطه ولميت ملابسي بيهه من قهري اريد احرك روحي واخلص بدلت صايتي وذبيت الشال شلون ماكان وكعدت انتضر احمد..

شويه وخابر كال وصلت رحت فتحت اله الباب..
دخل : ها شلونج جمانه

درت وجهي الي مكلوب احمر من ورا البجي عنه
وحجيت : زينه

احمد : بيج شيء

: لا

احمد : دحجي ياختي لا تتعبيني

ابتسمت : كتلك مابيه انت شلونك اهلي

: الحمدلله بخير والبنات هم عدنه

جمانه : اها خوش لعد يلا نروح

: زوجج يدري

بلعت ريكي وهزيت راسي رحنه للبيت لكيت هناك ناي وضي اخواتي كعدت احجي وياهن حيل استغربن كالن متغيره وجهج صاير اصفر وضعفانه تحججت ب الحمل وكلت متعبني..
..
خابرني بليل : شلونن تطلعين بدون متكليلي..

جمانه : اخوي اجه اخذني

صاح
: اخوج ابوج شلون تطلعين بدون متكولين الي!

جمانه :شتريد هسه نتعارك

: جايج حضري نفسج

:مارجع وياك

سده بوجهي ضربت الموبايل ب الفراش بقوه ووضليت اصرخ وابجي دخلت ناي مفزوعه
: شبيييج

: ناي تعبت راح اموت والله

كعدت بصفي :خوفتيني ولج شبيج احجي

تذكرت كلامه من كالي اذا تردين تطلكين تضلين ساكته والي صار بينه ميطلع لبين ما تولدين..

مسحت  وجهي وسكتت بس صافنه حتى احساسي منعني افصح عنه وحاربني بي..

شويه واجه ماطول دخل واهلي استغربو..واكف يسلم عليهم وعيونه عليه تخزر وعبالك يريد ياكلني
اخذني للاستقبال وكال سدي الباب وتعاي...

بقيت واكفه كدامي وهو كاعد صاح
: ليششش طلعتييي ها ليشش احنه شتفقنه!

: اريد ابقى يم اهلي كم يوم تعبانه

رفع طرف حاجبه ويهز براسه : تعبانه خوش حجه

: اضاهر مدتشوف حالي..

: انت الي متعبه نفسج

:ماجنت ادري زين منكتلي طلع الصوج بيه لعد!

اسعد : استغفر الله ربي جمانه جاي تعبان من الشغل وواصله عندي لهنا لمي ملابسج خلي نروح

:اسبوع وتعال مارجع اليوم..

كلت هيج ودرت ضهري فتحت الباب وطلعت..
هواي عندي كلام واتمنى اوكف كباله واحجي منا لباجر واطلع كل الهم الي بكبلي بس تعبانه واحس حيلي حيل هرم...

اهلي كالو اله خوما صاير شيء بينكم بس هو يباوعلي بكل عين صلفه ويكول لا بس مادري بيهه من اجت لهنا ماكلت الي بسرعه احمد باوعلي ورفع طرف حاجبه بحده..

جلبو بي عالعشه ماقبل كال ماكال
راح ثقل ونزاح عني

..
هذا الاسبوع حلفت اطلعه من بالي اريح اعصابي ومافكر بأحد غير نفسي ومستقبلي جنت جايبه كتبي اغلب وقتي ادرس واعوض الفاتني..

ناي بقت يمي بس ضي راحت لان زوجهه واصف حيسافر وتريد تسافر ويا رحنه اني وناي للسوك
بابا انطاني ٢٥٠ الف كال روحي للدكتوره والباقي خليهن الج..

لان امي درت بيه مجايبه فلوس وياي ف بسرعه راحت كالت البابا وهمه يدرون اسعد راتبه مو هلكد ماقبلت اخذهن ورفضت بس اصرو..

رحنه اني وناي للسوك اشتريت تراكات وملابس بيت ومريت على العياده فحصت نبض الطفل كالت الاسبوع الجاي تدخلين ب الثالث ...

انطتني فيتامينات لان كالت الطفل وضعه مو هلكد كلت الهه جنسه شنو ممبين كالت ب ثالث تعالي سوي سونار..
..
خلصت الاسبوع براحه وولان مرتاحه بي وفرحانه طب منا طلع منا اجاني يوم الاحد من الصبح...
حتى من فراشي غسلت وجهي ورحت ويا..

ب الطريق بحضني الجنطه مالتي الصغيره ارتب بيهن وكعن الفلوس الي بقن ٧٠ الف شافهن ونصدم : منيلج ذني؟

: بابا نطاني ٢٥٠

باوع عليه بحقد : وشنو تاخذين من ابوج مقصر عليج اني..

ضحكت بسخريه ودرت وجهي عنه

اسعد : هاي اول واخر مره اسمع بيج ماخذه منه

: لا اكو مره ثانيه وثالثه ورابعه هم لان بس اطلك راح اكعد يمهم وهمه يصرفون عليه ف شيء طبيعي اخذ من بابا..

سكت وتنهد ويستغفر بضيق وصلنه للبيت ذبني وطلع بقيت اعزل وانضف ورتبت ملابسي
..
حياتي ويا ابرد من الثلج دخلت الثالث ورحت شفت جنس الطفل طلع ولد هو حيل فرح...
وحتى بوقتهه مقبل ارجع للبيت اخذني للمطعم عود على اساس هو مهتم بيه وللمول اشترالي فستان حوامل..

ماكدرت ارفضه لانو ب الشارع بس رجعنه للبيت ذبيته بوجهه ضاج بس ماحجه شيء اخذ موبايله وطلع للحديقه يخابر منو ماعرف
...
خلص الشهر الثالث واجه الرابع بطني صارت عبالك طوبه حيل كارهه هل شيء لان دتثكل حركتي وماكدرت امشي واكعد واكوم براحتي حتى نومي مرض صار الي..
..
بيوم خابرت على روح كلت الهه تعالي عازمتج على الغده وهي اجت تركض..ضايجه وكاعده وحدي كلت تجي تسليني

روح : شلونج دعبولتي

: شنو دعبولتي
: اي والله صايره جنج دعبله ف دالقبج دعبولتي

جمانه: ادبسزز نجبي

جنه فارشين السفره ب الكاع وكاعدين ناكل حاجتني وهي تخلي خاشوكه الزلاطه بحلكهه

روح : ايي وينه البريعصي مداشوفه

نفخت بضجر : ليش هو يكعد ب البيت كاضيهه لو ب العماره لو يم اصدقائه

روح : وشيسوي ب العماره

: على اساس انو يشوف اهله

جان تذب الخاشوكه من ايدهه وترفع اديهه وتسوي نفسهه دتحلف : شايفه الايلاينر مال توت عنخ امون الي يوصله الاذانه.. الي تسوي امي للعرايس

: لا مشايفته

: لعد شوفي وداعته وغلاته عندي هذا البريعصي مالج جذاب اذا ماطلع شايف اله بريعصيه تعالي غميني بنص كصتي.

: والله انت خبره وبعدين شهل حلفان هاي

:يمعوده من عاشر قوم اربعين يوم صار مثلهم

:مفهمت

: احسن يلا كايمه اروح اني باي باي
..
وطلعت تركض عبالك واحد ديركض وراههه كمت شلت المواعين وغسلتهن شويه ودخل فرحان عوزه بس يهلهل ذب نفسه على التخم...

كتله شكو

جان يكول : فاديه فصخت...

شمرت الماعون بعصبيه من ايدي الكزاز نكسر ووتطشر بنص المغسله دخلت للغرفه ووقفلت الباب الله اكبر على راسك فرحان فرحان الغبي.. ويحجيهه كدامي
..
وثاني يوم لم ملابسه وراح للعماره وخلاني وحدي حلفت بس يرجع احاجي ووبعد ما اضل هنا ولا ثانيه..

ديستغبيني ويلعب على راحته رجع وريته مارجع مو مثل كل مره لا لا هالمره اكو شيء متغير بي بس شنو ماعرف لحد هل لحضه اتذكر دخلته عليه وجهه اصفر ووخايف ويرجف ويمسح بوجهه احاجي ميرد عليه..

جمانه : شفت اهلك امك ابوك شخبارهم

اسعد كال بتلبك : ها زينين زينين

رفعت طرف حاجبي وحجيت : اسعد رحت تشوف فاديه مو..

خله اصبعه على حلكه باوعت اصبعه يرجف
: اششش اشش لا تجيبين طاريهه..

جمانه : شبيك حالتك مخربطه حاجيني شصار

بلع ريكه : حضري نفسج جوز نروح الاربيل

عقدت حواجبي : شنسوي ب اربيل

:نغير جو واني اخذ اجازه

: بس اني حامل ماكدر اتحرك ميصير

: لا يصير يصير

وعافني ودخل سبح وبقى ب الغرفه جان وقت اذان ووهو حابس روحه لا حس ولا نفس..

مهضومه حيل وماعرف المنو اشكي همي وهذا تغير من يوم الي راح بي للعماره وهو مثل الصنم ويقضي وقته كله ب السطح واني جاي اتعب اتعب حيل بس متحمله علمود الطفل مو لسواد عيونه
..
جنت نايمه الدنيا حاره والكهرباء طافيه اخر مره غمضت عيوني بيهه جان اسعد نايم بصفي..
تقريبا بعز نومتي هاجمتني الكوابيس خلتني اودي براسي يمنى يسرى وانفض عرك ووصخونتي صاعده ووصدري يرتفع ووينزل ببطئ عبالك على باب الموت..

كعدت اشهك ومخترعه وواتنفس ببخبال خليت ايدي على كلبي دخيلك ربي عبالك بي زلازل يخفق بكل سرعه..

باوعت من جهتي الثانيه ماشفت اسعد خفت وين راح هذا بلعت ريكي هو هالفتره حيل متغيررر
وحتى ماجاي اشوفه هواي مادري شبي..

نزلت رجليه من الجربايه وتمشيت بحذر واديه على بطني اخاف اوكع بهالضلمه انوب يروح يصير شيء للطفل..

فتحت باب الغرفه صار دوي عالي هدوء وضلمه ووطافيه الكهرباء وصوت رعد عالي ووالبردات تتحرك الشبابيك تنركع عزا ناسيتهم مفتوحات.

اهمس بصوت ناصي ياودب ينسمع : اسعد موجود؟

ماكو صوت نويت اروح للشباك اسده وواتنهد بهم
جو نعل  بله هذا استغفرالله توني داعبر للشباك

جان اعثر بجسد صرخت برجفه وتراجعت ليوره
وواديه صارن على صدري لا اراديا اريد احجي ماكو
نخلست ذيج الخلسه يمه اسم الله منو هذا..

معقوله نايم هنا دنكت بهدوء وومكرفصه جان تجي الكهرباء ويشتغل الضوه الابيض بس بلمضه
عبالك يريد يحترك..

باوعت واشوف جثه اسعد متمدد بالكاع والدم يفيض من كل مكان...يتبع
َ...
اكررررر النشر بين يوم ويوم واسفه عن مشاهد العنف الي شفتوهه ب بارت روح بس ضطريت اسرد كولشي عاشته 😘
🖤🖤🖤🖤🖤
ايزابيل