رواية لم اخلق لرجل سواك الفصل الحادي عشر 11 - بقلم ايزابيل

#بقلم إيـزابيـل
#الجزء التاسع
#لم اخلق لرجل سواك
..
نكدر نكول من هنا راح تبدي قصه جمانه! تابعوا
..
الموقف جان كفيل بأنو يخليني انجلط بنفس الثانيه بس بوقتهه ماعرف شنو من قوه جنت شايله خلتني ابعد نظري عن الجثه والتفتت للشباك مال المطبخ المفتوح وعيني تصير على الشخص الي طفر من السياج وطلع يركض..

سكنت وكلامي وكف ببلعومي ماعرف شسوي اطلع اركض ورا اصرخ والم الجيران اوكع بصف اسعد واشوفه ميت عدل!

كل الي اعرفه وكفت مثل الي توه كاعد من حلم او كابوس ب الاصح وينتضر عقله يترجم الواقع ويخلص من هل الموقف المخيف!

بس انتضرت لحد ما صدكت انو هذا هو الواقع طحت بصفه واصرخ واحرك ب الجثه : اسعدددد اسعدددد اكعددددد اسعدددددد..

احرك بيهه يمنى يسرى وابجي وادك على راسي..
ولك اسعدددد اكعدددد لا تخوفنييي اكعددد اخ ولج يمه الحكيلي صخام وعزا براسي..

على صوتي التمو الجيران رجال جبير ومرته جانو جوارينه كلش حايط على حايط وحيدين
دخلو يركضون وونصدمو الرجال كام يصيح لا اله اله الا والمره تسحل بيه من يم الجثه واني لازكه
واثبت ب عكس رجلي ب الكاع واصيح ووهي تسحب بيه من جوه ذراعي..

جنت فاقده حرفيا وفاصله ماعرف منو اجه ب الضبط شصار وشلون شالو الجثه بس كل الي اعرفه لتمن عليه اكثر من مره وحده تشيل بيه وتصيح اسم الله اسم الرحمن يحفضج ويقويج والثانيه تفتح بوجهي القران..

وصوت وحده يرن بأذني يكول ياخطيه نكتل جوز كدام عينهه بعدهه صغيره هسه تنجلط وتموت..

المره الجبيره طلعتني من المطبخ واخذتني للصاله حيلي نهد كد ما صحت ذبيت روحي من حضنهه وكعت ب الكاع وضهري صار على الحايط كمت اضرب براسي من وره واصيح : خابروووووو اميييي اريدددد اميييي خابروه ولج يمه اللحكيلي يمةةةةة...
.
غرزت اصابيعي بشعري واهلس بي من الوجع حرت شسوي بس اريد اليطفي ناري ازلغ بجسمي اطيح بشعري وواضرب براسي ب الحايط..

واصرخ بـ : اسعددد ما مااات اسعدددد ماماتتتتت...

متناسه الطفل الي بين احشائي وشلون راح يكون ألمه ووجعه بذيج الساعات
..
حوطني ب دائره وينعنن ويبجن ووخابرو اهلي حتى يجون اجو اهلي اول ما شفت طول امي كمت على حيلي وواركض ومن كد سرعتي عثرت برجل مره واجيت اوكع بحضنهه لو ما لازمتني من عكسي ورافعتني..

ذبيت روحي بحضنهه ودفنت راسي بصدرهه
: خايفه يمه خايفه شفته يوكع الدم منه من بطنه يمه مات يمكن مات...

كعدتني ب الكاع ووجرتني من اجتافي خلتني ب حضنهه وتهمس : زين راسج يارباب سوده عليه سوده بوجهي صغيره على هل هم جمانه يمه
..
ابجي وابجي واضرب بوجهي وبراسي لحد ما حسيت خلص بعد ما كدر احجي سنوني صكت وطبكن وحده فوك الثانيه ورجليه كامن يرتعشن واديه تصلبن تسودنت امي عبالهه بيه شيء تلزم بديه تحاول تفك اصابيعي بس ماكو مسدودات بقوه ووترجع لاسنوني تحاول تفتحهن نفس الشيء..

ناي عبرت من بين النسوان واجت عليه ركض..
لزمتني من راسي وتباوع بعيوني وتكول : جمانه بيج شيء شتحسين حاجيني..

بس اباوعلهه وتصب عيوني ماكدر احجي..

مره كالت : خاف ارتفع ضغطهه شوفنهه
..
لليل بعيوني وضلامه بكلبي وكعت بيد امي مغمى عليه وتمنيت يطول وابقى فاصله عن العالم الخارجي..
..
مادري اذا جام حلم او طيف مر عليه واكفه ببقعه خضراء جبيره حيل  بيهه ورد الجهتين واشجار عاليه وناصيه واني واكفه بثوب ابيض ناصع ارفع بنفسي واوكف على اطراف اصابيعي الي عباره عن خيال شفاف..

وبعد محاولات عده كدرت المح اسعد واكف بعد كم متر مني  بس مكانه مو مثلي زاهي واخضر ويريح النفس لا عواصف رعيد عبالك راح توكع فوك راسه  وضلام قوي هو منطيني ضهره وماسمع بس صوت صريخ وصياح يزرف طبله الاذن

كعدت على اثر الضربات الخفيفه على خدي
رفعت راسي بشهكه بعدني بحضن امي..

رفعت روحي بهدوء وتعب جابولي كلاص عصير ليمون وشربوني شويه هدئت وضليت ساكنه افكر
ب الحلم وشنو معنى
..
هواي اجوي ناس اعرفهم وما اعرفهم بابا كال راح يجون اهله يستلمون الجثه منا ويطلعون للنجف ندفن ونخلص ونروح للعماره هناك الفاتحه..
..
ب ٧ الصبح اجوي وجابو التابوت للبيت وامه كطعت نفسهه وتصيح وحيدي وكتلو..

وعبالك تعرفو منو الي كتلو لان تلطم وتصيح حسبي الله ونعم الوكيل بوقت روحتنه للنجف
امي ماقبلت اروح كالت تبقين ببغداد.

سحبتني للمنور بابا هم واكف وناي وضي

رباب : اسمعي ماتروحين للنجف تبقين هنا عود من يسوون فاتحه نلحكهم للعماره انت وين بيج حيل مو زين على طفلج تنتقلين هيج من محافضه لمحافضه وطريق تعب وطويل..

بابا : عيب  رباب شلون اكو وحده ما تروح لدفنه زوجهه..

ناي : حجي ماما صحيح تعاي انت يمي للبيت وخلي بس امي وابوي يرحون للنجف..

نترت بغضب : مو بكيفكم اروح للنجف واروح وياهم للعماره هم ومحد يمنعني...

دفعت ضي من كتفهه وطلعت من نصهم اسمع بابا يكلهه عوفيهه تعبانه نفسيتهه رحت للغرفه مالتي قفلتهه وتمددت على الجربايه كرفصت على نفسي ولميت روحي شصار وليش نكتل؟!

اكيد اكو شيء مضموم بس اني ماعرفه؟ وشنو هذا  لازم اعرفه واني متأكده مليون ب الميه كتله مو صدفه ولا قدر لو جان حرامي جان باك ليش الفلوس والذهب على حطتهن؟ ليش سيارته بعدهه ب الباب!

الي اجه هو شخصيا جاي علمود يكتله ومتقصده
وايقنت انو اهله يعرفون السبب بس ساكتين.،
..
الفجر بـ٣ طلعنه للنجف تعب الطريق هلكني
وكل شويه بابا خطيه موكف السياره انزل على الرصيف اشرب مي واشتم الهوى لحد ما ارتاح وارجع اصعد.. وحتى تيقئت ماما جابت الطريق كله تلوم بيه راح يصير باطفل شيء لو كاعده وساكته وساتره على نفسج..

واني ساكته حاشكه روحي ب الباب ومتچيه راسي
ووفاتحه الجامه الهوى يلعب بشالي الاسود وبكذلتي

ماعرف مستقبلي المجهول لوين راح يقودني..
من هنا بدأت حكايه الصراع ومن هنا صرت لازم
ادافع عن نفسي وعن ابني اواجهه حروب نفسيه
وفكريه..

وحدهه معركه انتِ ارمله وصغيره تهد الحيل..

وصلنه للنجف ب ٨ الشمس عاليه وتضرب ب الراس كلهم نزلو يدفنون عداي اني منزلت وبقيت كاعده ب السياره..

بابا ضل مشغلي التبريد ووالراديو طالع دعاء الفرج صوت الدعاء والقارء اباذر الحلواجي وصوت البجي والنعي تضارب براسي..

بس اكو مقطع لفتني وخلاني ابجي بحركه بحيث كاعده وجسمي يهتز بالبجي والشهكه

المقطع جان
(يامدبر الامور ياباعث من في القبور يامجري البحور ياملين الحديد لداود)

ياربي بشفاعه كل قدراتك انطيني القوه وصبرني على الايام الجايه ياربي مالي غيرك سند انت اعلم ما في القلوب وانت اقرب الي من الوريد..
..
بقيت منتضرتهم يجون عيوني ورمت من البجي..
خلصو ووانطلقو بنفس اللحضه للعماره.. ورحنه وياهم..

الي جان جاي بس احنه وونفسهم الي اجو من العماره محد غريب بس عماته وخالاته وابو وعمامه وولد عمه..

ماجنت اادري اني رايحه لهلاكي برجليه رايحه للمملكتي وسجني رايحه لعذابي وراحتي..
..
وصلنه هناك ماجنت متوقعه هيج بس فاتحه شكبرهه شكدهه وهواي جايه زلم ونسوان ناصبين الجادر من الركن للركن احنه وصلنه ثاني يوم الفاتحه
...
دخلته لجوه وي امي وابوي بقه بالجادر اريد وحده اعرفهه ماكو بس بيبيته وردت اشوفهه ماكو يكولون بالمستشفى معلكين الهه مغذي...

يشوفني ويتهامسن بيناتهن الغلط بوجهي بو بشيء ثاني مادري كعدت اني وامي بزاويه وحدنه
ونبجي بصمت امه دخلت ووذبت نفسهه بنص النسوان وضلت وياهن بعد ولا التفت النه..

كعدنه شلون الغرباء على الرغم من انو ابو اسعد هو ابن عم بابا بس احنه جنه شلون المنبوذين

وكلهه تباوعلي وتستخطيني اجتني وحده من البنات كالت اني جنه هذا البيت متزوجه ياسين ابن عمه لأسعد واسمي هناء..

هزيتلهه راسي كالت تمشين وياي ترتاحين لان مبينه تعبانه..

: مابيه شيء

هناء : دكومي حبي انت حامل ارتاحيلج شويه وتعاي.

باوعت على امي كالت الي روحي كمت وياها هي لزمتني من ايدي واخذتني تدليني طول الوقت
اني احسهه تباوع الي بس مجنت منتهه..

اخر شي درت وجهي عليهه صارت عيني بعينهه
ابتسمت : عيونج تخبل

دنكت راسي وابتسمت بضعف دخلنه لغرفه بسيطه بيهه نفر جربايه وبنكه وشباك طويل وعلي برده ووكنتور خانه وحده.

كالت : ارتاحي هنا

عافتني وحدي وطلعت بقيت كاعده وومنزله راسي لحضني افكر وصافنه شويه وفتحت الباب ودخلت بيدهه صينيه متروسه اكل وبنصهه ماعون بي تمن اصفر وابيض وعلي حشو وفوكا لحم مادري اذا هو هذا لهبيط لو لا!

ولبن وفواكهه وخضره خلتهه ب النص ووكفت
: تعالي اكلي يلا

جمانه : ماريد هناء منو كلج تجيبين الي..

هناء : دتعالي اكلي ياعمري مو علمودج عللمود الطفل خطيه شنو ذنبه يتألم ويجوع

جمانه : شسوي تلعب نفسي

هناء : اني اوكلج بيدي

دنكت على الصينيه واخذت ماعون الخضره ذبت الخضره بو الصينيه وخلت ب الماعون تمن شويه وفوكا لحم وصبت كلاص لبن واجت ربعت مقابيلي

ومدتلي خاشوكه مليانه اكل ابتسمت هاي البنيه شكد حنينه رتاحيت الهه اخذت الخاشوكه من ايدهه واكلت وسحبت الماعون كلت الهه شكرا اني اكمل ماريد اتعبج

هناء : ديلا اهم شيء تاكلين اني رايحه وشويه واجي اخذ الصينيه اي شيء تحتاجينه كولي..

ابتسمت وهزيت الهه راسي شويه ودخلت امي ذبت جواريبهه وشالهه وعباتهه وكعدت تهفي على نفسهه من الحر..

انطيت الهه الماعون كلت الهه اكلي واني راح انام

مددت على الجربايه وغطتني ماما بقيت اباوع للسكف ودموعي توكع من الجهتين لحد ما غفيت
من كد التعب ماحسيت بشيء

نمت شلون الميته وكعدت على صوت صياحهم
وصريخهم استغفرت بوجع لا لكيت امي ولا الصينيه جوز طالعه

اتذكر الرجال الي شفته طفر من السياج رغم ضلمه بس لمحت وشم بكرشه رجله من ورا؟
منو هذا! صارت امنيه حياتي اعرفه
..
خلصت الفاتحه وبابا ما شفناه يمهم ضل بثالث بالليل كاعده ب المطبخ يم هناء تسولف عليه..

فززني صوت صياح وصريخ كمت مثل المخبل وهناء وراي طلعنه نركض جانو مجتمعين ب الاستقبال عمامه وولد عمه ووابو والنسوان ب الهول ماكو احد غريب كلهه راحت..

هناء كلت : اكلج خيه خل نرجع ترا مايقبلون احد يوكف يتسمع عليههم

جمانه
:اشش خنسمع اكيد ديحجون بسالفه مؤمل

ابو يكول : سويت هاي الفاتحه بس حتى اسد حلوك العالم بس راح ارجع اسوي عزاء ثاني من اخذ حق دم ابني ولد سلطان سوهه وكتلو بس وحق ترابه ماسكتت

واحد كال : واحنه وياك عمي بس اشر نلبي

اسمع صوت بابا
: بس غير نفهم ليش كتلو يا ابو اسعد لازم اكو سبب..

ابو اسعد : تهمه لفوهه علينه ووصدكوهه وكتلو ابني على اساس اسعد خاطفه بنتهم فاديه ومعتدي عليهه وذابهه بباب بيتهم واني احلف بنظر عيني الي ماعندي اغله منه وليدي مستحيل يسوي هيج سواه شوف ويامن بنتهم لاعبه وجاييين يذبون عارهم علينه ََ

والله لاخذ حقه وحق ابنه الي بعده ما مشتم الهوى

شهكت وخليت ايدي على حلكي معقوله يسويهه
ضليت ارجف ودموعي تصب..

ابو جمانه : بس يا خويه همه شنو مصلحتهم يحطون هيج تهمه جبيره بعاتق ابنك الله يرحمه ويغفرله ذنبه بس ما جاي اقنعهه..

ابو اسعد : خويه انت المفروض اول واحد تساعدني مو بس لأنك عضيدي وابن عمي لا الي مات يصير زوج بنتك الي ترملت وتيتم ابنهه..

ابو جمانه : انه مادخل ماخذ بنيتي وراجع لبغداد وان شاء الله الحق ينتصر ان كان انتم غلطانين وان هم غلطانين بس حسبي الله ونعم الوكيل..

فتح الباب بس شافني لزمني من معصم ايدي واخذني جرني ويا للصاله اشر من بين مجاميع النسوان  الامي تكوم : ها عيني محتاج شيء

:يلا حضري نفسج خل نروح

: غير نبقى للسبعه

صرخ بابا بعصبيه
: ماكو لا سبعه ولا غيرهه يلا استعجلي

صاحت ام اسعد صوت جفلنه كلنه
: خويه روحوو الله يسهل دربكم بس مرت اسعد ماتطلع من العماره
..
روح

بلعت ريكي شفايفي يبست من الخوف درت وجهي وورجعت باوعت علي يمه قريت على روحي الفاتحه..

تمشيت بسرعه كمت اركض ركض حتى صدريتي الضيكه اجت تنشك عليه كد ما امشي بقوه..

وودموع بطرف رمشي ياربي اذا تحبني لا تخلي يلزمني وصلت للشقه طلعت المفتاح من جوه السندانه وورجعت باوعت على الطريق وصل يمي

عزا شبسرعه شاد محرك برجلي لو لان السالفه تخصني  عضيت شفتي السفليه بقلق ووفتحت..
الباب توني دادخل جان  يضرب الباب دفره برجله وراد يدخل..

انتجيت علي وابجي واصرخ
: روح فدوه الكلبك روح عوفني اعتقني..

دفعه حيل اني ردت اصير اشطر منه واركض لغرفتي بس ماحسيت غير يجرني من جنطتي الي على ضهري جره قويه اجيت اوكع بالكاع ووتتكسر اعضامي..

سد باب الشقه برجله ودارني علي بعدني ما حاجيه جابني براشدي ووكعت جوه رجلي والكاشي نرسمت علي قطرات دم عرفت شفتي..
نجرحت.

شهكت بضعف لزمني من شعري وورفعني بقوه
صرخت بوجع : ااااخ شعررري اااااخ

حسيته تكطع بين اصابيعه ضليت واكفه على ركبي وبس راسي مرفوع علي وهو حابس خصلات
شعري بين مقبض ايده..

ابتسمت بقهر وواباوعله بحقد : تستقوي على مره لعد شكد رجال انت..

زمخ بوجهي بفحيح غاضب
: ولج تنطمين وحس ما اسممع الج لا راسج ادوسه بالقندره بنت النعال امج الساقطه وين عنج ليمتى اضل اني وياج مثل الفار والبزون..

بجيت بقوه ووصحت : مالك شيء عندي حقير عوفني وروح لا اعرفك ولا تعرفني لك كلبت حياتي جحيم مووتتني عذبتني شنو ذنبي فهمني شسويتلك من اجيت لبغداد ولحد هسه وانت حاط الحراب والدراب وياي..

انت لو بيك خير وصدك رجال حوك ما هيج تعاديني واني عرضك وكون اليمسني يمسك

حجه وهو يشد على اعصابه : لا تتمسكنين لا اسكطج حيوانه ادبسززز انتِ منيلج الشرف وكاعده تبعيين مثاليات اذا ما عدت تربيتج فلا اتسمى بأسمي ولكم شنو من عائله انتم عدكم الكو** علني..احذرررررج من شيء وترحين تسوينه ليششش ليششش

: لا والله تخوفني عود شنووو بابا روح طلع عضلاتك على غيري تره شايفه مثلك بكد شعر راسي..

: صحيح بهاي حجيتي الحق انت مامخليه زلمه يعتب عليج كول وفعل بت بشرى..

: شتريد هسه ضرب وضربتني تهديد وهددتني شوفني عرض اكتافك لا والله ماتردد ولا ثانيه اروح اشتكي عليك بالمركز اخليهم يسحلونك..

كتله هيج لو زدت غضبه اكثر دفعني بقوه انرج راسي بالكاع حسيت اكو شيء دخل براسي موتني من الوجع. تحسسته بأيدي شفت الدم مالي راسي..

تخبلت وانفاسي علت وووبجيي وونيني زاد صرخت : يمةةةة راح امووووت راح اموتتت

ضليت اصرخ وهو ماهتم عباله اجذب وويباوعلي بحقد ووانتقام عبالك يريد يفترسني..ودار وجهه وخله وطلع ووأشرلي بأصبعه قبل لا يسد الباب : حسابنه ماخلص ازين هالشورب  اذا ما گرمتج ووكعدتج بالبيت

عيوني بدت تنغلق وونفسي العالي نكطع بس طلع تبخرت روحي ووانخمدت احلامي بعد ما حسيت بشيء...!!!
...
ماعرف كم ساعه بقيت على هل حاله بس كعدت
وواون من الوجع فتحت عيوني ببطئ شفته كاعد على جهتي اليمنى على الكرسي ويهز برجله وامي واكفه على الحايط وتدعي..

كلت بصوت ناصي : ااااخ

كام عليه بسرعه جان تدفعه امي وتصرخ
: وخر وخر تقتل القتيل وتمشي بجنازته..

اجت عليه لزمت ايدي ووكعدت بصفي
: شلون صرتي

روح : راسي حيل يوجعني

ام روح : اي طبعاً غير واكعه علي الطاوله وبسمار فايت براسج همزين للطرف وماداخل ب العمق..

خفت من كلامهه تلمست راسي ملفوف بشاش ابيض

همست :ولج داده ليش هيج ليش قابل اني اكرهج يا امي تخلين هذا الما يتسمى يتصرف ويمشيج بكيفه ومتحجيلي..

قسور : علي صوتج ترا جاي اسمع

دمعتي بطرف عيني بس ماريدهه توكع

ام روح : راح اخابر الشرطه هسه يجون ياخذون اقوالج وارفعي دعوه علي هلي يعفن ب السجون..

قسور : انطيج الرقم حجيه

ام روح : حجيه بعينك

همست بضعف  : ماريد اشتكي على احد

ام روح : شنو قصدج

روح : اني الغلطانه وهاهيه سدو الموضوع مابيه شيء

قسور: احم اني طالع اشوف الدكتور

ام روح : ولج شنو انت الغلطانه هذا راد يموتج لو ميته اني منو يفيدني

تنهدت : هو ليش موجود هنا

ام روح : نزفتي دم هواي وتبرع الج
..
احس هاي الضربه صحتني اني ليمتى اضل هيج
لازم احط حد للموضوع وقسور مستحيل انساله هاي الاذيه اطلعهه بي بس خل اوكف على حيلي

للعصر طلعت من المستشفى راسي دايخ وومصدع
واحس بلوكه نايمه بي ومن ورا مأذيني حتى ماكدر الزمه وصلنه للبيت لكينه صديقه امي سوسن هناك استغربت سألت امي شجابهه كالت هي اجت ويايه وومن لكيناج هيج ركضت بيج للمستشفى وهي بقت..

لكيناهه طابخه الغده ومعزله البيت كعدت على التخم وفتحت الي التلفزيون امي..
..
ردت فرصه اختلي بنفسي واخابر مؤمل بس ماكو
صار الليل يلا كدرت ادخل للغرفه امي متخليني اكعد الوحدي مكابلتني وكاعده وتنطيني فواكه وعصير وحب ومشغلتلي فيلم..
..
دخلت للغرفه باوعت لشكلي شعري القصير ما طالع منه بس الاطراف بسبب الشاش الابيض مغطي راسي كامل..

سحبت موبايلي وكعدت على الجربايه تنهدت وخابرته اريده يرد ماكو طبعا هو من يوم الحادث مالته صار تقريبا اسبوع اخابره ميرد..

هسه ب الاربع مكالمات يله رد

: الوو

روح : شلونك مؤمل

مؤمل :شتردين

روح : شنو

مؤمل : بابا شتردين فضيني

روح : ليش تحاجيني هيج؟

جان يصيح : مليييت شبعتتت هاهيه ترا الك**مابيهه عقد شوكت ما يمل الواحد يعوفهه واني مليت منج اكو بعد جزء بجسمج ما شوفتينيا؟!

ضليت صافنه هذا يحجي صدك وليش هيج ديكول شسويتله اني.

روح : احترم نفسك لك لا تشوف مني شيء عمرك كله ما شايفه..

مؤمل : سدي الخط سدي الخط كافيييي مابيه حيل مشاكل ثانيه دريبالج تكولين الاحد اتصلت بمؤمل وخاصا ابن عمج الي تعوقت من ورا ياحقيره وفوك كل هذا حتى شكو ماكدر اشتكي بسبب تهديده.ترديني اخسر حياتي علمود خلك ساقطه..اني ادزلج واحد احسن مني مادياً بس فكي عني وصدكيني مراح تندمين بالعكس بدون فياكرا حيله حيل حصان

روح : ولك حيوان اشك حلكك والله تاج راسك انييي حقيررر على ااساس شلونك انت..

سديت الخط واحس داخلي فحم من الغضب شسويت بنفسي اني شورطت روحي وكعت سمعتي ب الكاع نزلت من عين الكل وياهو اليجي ينعتني بكلام بذيئ..

خابرت على جمانه ماترد ركعت الجهاز ب الحايط
بقيت كاعده ابجي وواكرص بأديه برجليه بجسمي اتمنى احرك روحي واخلص من هذا العار

باوعت ل اديه عباره عن طكع حمر كمت اضرب الدوشك بأديك واصرخخ واصييييح بصوت فزز داخلي وصحه ضميري صوت خلاني  انهض بروحي..

وكعت من الجربايه للكاع واعيط الباب تفلش امي تصيح ولج شبييييج يمه شبيييج لحد ما جابت نسخه من المفتاح فتحته ودخلت تركض..

كعدت كدامي : شصاررر احجييي شكوو منو وياج

اشرت على نفسي واشهك : يمه اني اني اني دمرت نفسي اني هلكت روحي كله بسببي كل الي صار بأيدي وجنت راضيه وساكته علي شنو فرقي عن الرخيصات هسه شنو فرقي عن العاهرات الي لعنهن الله بكتابه شنووووو فرقيييييي احجييييييي بشنوووووو افررررررررق عنهن.....

اخ يمه راح اموت يمه متوجعه والله كمت اضرب على راسي وواصيح وادفر برجليه وامي تحاول تحضني ووتسكتني...

اطلعيييي عوفينيييي عوفينييي لا اكتل روحي هنا ماريد اشوف احد ماريدد ادفع بيهه وهي لازكه لحد ما كمت اخزر  وواصيح اقتل روحي اذا ما تعوفيني... طلعت قفلت الباب ووكعدت وورا..

شسوي شلون انتقم من نفسي عاصره شفايفي ووابجي واشهك محد يحس بوجعي بذيج الحضه
كلبي تمنيت اقتلعه من بين صدري..

جسمي اتمنى احركه كمت للحمام فتحت الباب ودخلت ياما وياما صورت هنا صور لمؤمل ودزيتلهن بدم بارد....

باوعت للموس الي على المغسله ومشيت بهدوء..
شلته بأدين ترجف واحساس خايف ضليت صافنه وافكر..

لالا اني اصلا اريد اكفر عن ذنبي اجي ارتكب ذنب ثاني بس شلون راح اعيش وي تأنيب الضمير شلون اتحمل سوء افعالي.

برطمت وذبيته من ايدي رجعت للغرفه طلعت سجاده الصلا والعباه رحت توضيت ولبستهن
ووكفت الاول مره مقابيل ربي..

ماعرف الصلاه ولا ادري شلون تصير بس كلت الي بكلبي وحجيت احساسي بجيت بخشوع ووتضرع
ودعيت من كل كلبي ربي يسامحني ويغفر الي..

بقيت من ال ١ بليل لل ٥ الصبح اني بس اصلي وساجده واركع ماحسبت الركع ولا السجدات..
ومن دون توقف بس ساجده وابجي ووابجي لحد ما نهد حيلي..

بقيت مربعه على السجاده وورافعه اديه واشكي همي لربي.. : ادري اني غلطت ووذنبي كبير بس انت الرحيم الغفوور الكريم ياربي اعفي عني وساعدني حتى اتخطه هاي المحنه وجلالتك وعضمتك اني ندمت وحسيت على خطأي ومنتضره الرحمه منك
..
صارت ب السته واني كاعده افكر كمت للمرايه شفت وجهي ب المرايه مورم وعيوني ما مبينه
منتفخه ووشفايفي حمر خدودي دم..

نزعت المحرم وبدلت ملابسي بصعوبه من ورا راسي لبست فستان قماشه كشمير جوزي ومطرز بورد احمر صغار يصير ردان طويله ووبي سحبه من يم الخصر وكلوش من جوه طوله تسعين..

فتحت باب الغرفه شفت امي نايمه كبال باب الغرفه حاطتلهه مخده وغطه ومتمدده معقوله خافتت عليه؟  تنهدت بوجع ..

لبست نعالي و طلعت اتمشى دنيا صبح ووالهوى يرد الروح شوي هدء داخلي وصلت لبيته جان الباب مفتوح دفعته بطرف ايدي..

لمحته كاعده على دچه الدرج ويباوع على الاوراق المتساقطه من الاشجار الي بلحديقه وشلون الهوى العالي ياخذهن يمنى يسرى وبحلكه
جكاره..

بس حس بوجودي رفع راسه وعقد حواجبه..
برطمت رأساً ونزلت دموعي تتسابق همست
بشهكه : قسور ساعدني..يتبع
🖤🖤🖤🖤🖤
ايزابيل