رواية لم اخلق لرجل سواك الفصل السابع والعشرون 27 - بقلم ايزابيل

#بقلم إيـزابيـل
#الجزء الثاني والعشرين
#لم اخلق لرجل سواك

تدرون ليش اتأخر😢😢مو يجي اشعار من احد قصصي مثل تصويت لو تعليق ادخل ع بارت وياخذني الواهس اضل اقره واشوف تعليقاتكم القديمه واتأخر🤣🤣

بالمناسبه ماطولت البارت اكثر علمود لا اتأخر عليكم 🖤 وباجر هم اكو بارت لان عكبه ماكدر انزل 😘😘
..
روح

بلعت ريكي بخوف من شفته مؤمل حجيت بصوت عالي : خيررر

مؤمل : دسلمي رحبي بالاول

كتفت اديه بسخريه : هههه ارحب بيك انتَ

مؤمل : ليش شنو نسيتيني!

تنهدت : شتريد؟

مؤمل : خلي ادخل ونحجي خوما واكف على الباب.

: لا والله شنو تدخل امي ووابن عمي هنا اذا شافك محد يخلصك منه

وخله ايده بجيبه : امج توهه راحت للسوك وابن عمج بالبصره

عقدت حواجبي : شمدريك!

: تتوقعين اتركج بسهوله بعد الي سواه بيه ابن عمج ووبسببه اني هاي الفتره كلهه خارج العراق

خفت من كلامه الشر مبين بعيونه وكفت ورا الباب وردت اسده علي دفعني بقوه اني والباب اليده صارت بصدري من الوجع احس نزرف جسمي...

صحت بصوت عالي : اطلع لك اطلع كلببب

دخل وسد الباب :هههههه هسه صرت چلب مو؟

زفرت بتوتر وومسحت وجهي : من يوم الي تخليت عني ورحت ولا سألت ولا كلفت نفسك تعرف شصار بيه اني كرهتك ونسيتك ياحقيرر..

شتريد اكلك اكثر من هيج

مؤمل : لا تكليلي شيء اليوم اني الي اجيت احجي مامنتضر منج الكلام

بللت شفايفي بقلت صبر وخليت شعري خلف اذني : واني ماريد اسمعك

تقرب عليه ويخزرني بعصبيه لزمني من زندي ويودي بيه يمنى ويسرى : باعيي لج انت مو من تالي وكت تصيريلي شريفه اني رحت صح بس هسه رجعت وواريد كلشي يرجع مثل قبل..

روح :دتحرم نفسك لا اشوفك شيء عمرك كله ماشفته وانت تعرف روح منو شترجع ها شترجع اطلعععععع براا يلااا لك..

ضربني راشدي نلزكت بالحايط رجعت علي ادفع بي واحاول اطلعه بره واصرخ بصوت عالي
: اطلععع الله لا ينطيك ولا يوفقك شتريد مني بعد ها شتريد..

جرني من شعري وودفعته معركه طاحنه دارت بينه لحد ما دفرني على بطني احس مصاريني تكطعت وكعت للكاع مادري نغمى عليه لو هبط ضغطي  مغمضه عيوني بس اسمع كلشي..

عيوني مبلله رمشي وواكفه بجرف عيني ضل تقريبا عشر دقايق واكف فوك راسي لحد ما شالني بين ادي ووخلاني على القنفه وواني روحي احسهه عالقه مابين عالم الاحياء وعالم الاموات
ماكدر احرك ولا طرف بس ابجي واون واسمع الساني ثكيل وماكدر احركه..

ووهو مكابلني على القنفه وكاعد يتلمس بوجهي
اريد ادفعه ماكدر احس شيء مقيدني..

فتحت عيوني بهدوء ووهو كام يدور بالمطبخ جاب بأيده مي واجه يركض رشه على وجهي فزيت وشهكت اجيت اكوم جان يذب نفسه عليه وويجتفني وواني اصرخ ووادفر برجليه..

مؤمل : اشش تره ارجع اضربج نفس الضربه واموتج خلاص هالمره

: اذا صدك بيك خير اكتلني يلا مو تضل بس تهمبل حيوان.

لزمني من فكي ورفع راسي صارت عيني بعينه
: ليش حتى اكتلج واني جاي حتى نعيد ذكريات قبل ونستمتع شويه..

قوست رجلي وورفعت ركبتي ضربته بصفحته
عفس ووجهه بألم ضل ذاب نفسه عليه ومانعني اكوم خله ايده على شعري وويغرز اصابيعه بهدوء ويتلمس بيه..

الاول مره  اكرهه نفسي واضعف  لهل درجه هاي..
اصيح بأسمه بيني وبين نفسي واتمنى يحضر ووينتشلني.

مؤمل : شنو الي غيرج!

شكد ما قريب علي انفاسه بوجهي
: ماغيرني شيء بس اني كارهتك ووكرهت كل لحضه جمعتني بيك يعني تكدر تكول ووعيت واخيرا..

مؤمل : وعيتي لو شفتيلج واحد ثاني،

خفت اكله اي واستفزه اكثر كلت اسايره علمود اوخره وواشرد..

: لا صدكني بس اني تبت ووعرفت الي داسوي غلط لا واكبر غلط هم ف اذا تحبني صدك ابتعد عني اني شفت وعانيت بما فيه الكفايه.!

ووكعت دموعي على خدي مسحهه بطرف اصبعه وكال : اني انسيج كلشي بس ارجعي روح القديمه

شهكت : ماريد

شال نفسه وورجع ضهره على التخم بس بعده لازمني..

مؤمل : تعبت واني الكه فرصه علمود اجتمع بيج لتخليني اتعامل وياج بأسلوب مايرضيج ولا يرضيني واني متأكد اكو واحد ثاني دخل بحياتج لهذا السبب تغيرتي

:ولنفرض كلامك صحيح شتريد هسه اني وماريدك بعد شكو متعب نفسك.

لزم ووجهي بإيده وجعصه بقوه اخدودي التسقت بعيوني كمت ماشوف ابد وهو يصيح بوجهي ويعيط..

عضيته ووبنفس الحضه جبته براشدي ووطفرت من القنفه بس جان لازم رجليه عثرت ووكعت على وجهي من القنفه للكاع حسيت وجهي تفلش ووخشمي نكسر كمت اعيط من الوجع ووهو ركض عليه لزم اديه الاثنين وورفعهن فوك راسي لزمنهن بأيد ووحده..

ووايده الثانيه حار شيسوي بيهه ساعه يضربني راشدي ساعه يعصر فكي لحد ماحسيت راح يغمه عليه من جديد..

جنت اوخر براسي عنه بس ثبتت نظري بفجع علي من شفته ينزع بقميصه..

روح : انت تعرررررف شسوي بيك اذا مديييت ايدك عليه يا مو رجاااال كلبب كوووم.

فتح اول تلث دكم من قميصه وواني ضليت اصرخ بكل صوت عندي بلكي يسمعون الجيران وويجون

خله ايده على شفايفي ووخنكني فدنوب دنك راسه عليه ويريد يوصل لركبتي بس منعته..
سمعت صوت طكطه وواقدام كلت اي اجه الفرج
هو ارتعب بقه جامد وومصلبني بأدي حتى خاف اتحرك.

نفتح الباب مال المدخل وودخل قسور جان يريد يحجي شيء بس من شاف المنضر نصكر بقه واكف بمكانه..
مؤمل كام طفر مني وويدكم بقميصه قسور رئساً جر المسدس من ورا ضهره ووسحب اقسام ولحكه يركض مؤمل طار الغرفتي لان يدري اكو بيهه شباك..دائما جان يوكفلي جواهه وهم ارتفاعهه مو عالي يعني جوز تنكسر رجله اذا طفر

اني بقيت مربعه بالكاع ووابجي حرت شسوي...
من سمعت صياح قسور كمت على حيلي وطكيتهه ركضه الغرفتي جان مؤمل طافر ووصدك رجله ملويه..

قسور : لككك اذا انت رجال اوكففف

بس اكو سياره يمكن صديق مؤمل لان بسرعه نزل ووسحب مؤمل لداخلهه بس الفاجئني قسور ضل واكف بمكانه وماتحرك بس طلع موبايله وخابر : الووو اسمعني راح انطيك رقم سياره عممه بكل السيطرات وواذا مرت وقفوهه ورجعلي خبر..

شهكت وومسحت وجهي اني جنت واكفه خلفه..
وهو منطيني ضهره وويحجي بعصبيه..

همست بضعف : قسوور اني..

بعدني مامكمله جملتي ندار عليه ووصاح
:انتِ شنوووووووو

من قوه صرخته وشكله الي نكلب ارتعبت خفت اسويهه على روحي من كد الرهبه..

اريد احجي ماكدر

قسور : مو انييي ادري ذيل الجلب  ماينعدل شكو احط عقلي ووياج جان المفروض من ذاك اليوم الي عرفتج بي اتبره منج وواذبج بالشارع وخلي كواد مثلج يلفيج..

روح :والله فهمت غلط اني اصلا مادري بي

لزمني من اكتافي :اششش صوتجج ماسمعه هم الج عين وتحجين ولج اني منج اطم روحي بالكاع

نرفزني كلامه: انت تعرفني اني شنو حتى اكثر من امييي مالك حق تحاجيني هيج ولا اسمحالك تتمادى حتى لو بنظرك اني غلطانه..

: غلطاااانه وستيين غلطانه ادبسززز لج مالج احد يربيج محد حطلج حد اني الي صرت مثل المطي ووسايرتج ووحاولت اجيج من باب ثاني بس كله صوجي اني

عجزت افسر شخصيته بذيج الساعه انكلب عليه مثل الوحش لزمني من شعري ووويرفعني منه بحيث احس جذوره نشلعت ولا اكدر اصده ولا ارده باقيه اتلوه بين ادي..

حار شلون يطلع غضبه بحيث لازم قميصي ويريد يشكه ويصيح : شسوالللج احجييييي شسووووالللج..

واني لازمه فتحته بين اديه واشهك انفاسي كادت ان تنقطع.. أخر شيء دفعني على الحايط نركعت بي ووكعت للكاع..

جسمي كله متكسر حتى راسي ماكدر ارفعه..
جان المسدس مشمور ب الكاع وهو يلهث وجهه احمر وويصب عرك دنك علي..

سحب اقسام ووجهه عليه ريكي يبس من الخوف ووبلعومي نشحط..

روح :مالي علاقه واذا مامصدك ف الله هو راح يبين برائتي تريد تكتلني بذنب ما ارتكبته ماكول  حسبي الله ونعمه الوكيل..

ماهتم الكلامي ورمه طلقه  دنكت وحطيت راسي بين رجليه ووحاضنه روحي وعاصرته بقوه ووجهي يرجف من الخوف..

طاحت ب الحايط الي فوكاي بقه يرمي وبكل طلقه اني اصرخ واشهك واكول هسه توكع بيه..
وهو احسسه يبرد كلبه من يسوي هيج..
..
بللت شفايفي ووكمت على حيلي امسح بدموعي واحجي : ماراح اكعد ابرللك لان مالي حيل احجي بس ماكلك غير الاول مره احس بهيج  شعور الضلم الحقيقي والله لا يشوفه الاحد ماجنت ادري بي جاي اصلا بس اكيد هذا قدر الله كاتبه وصدفه وي جيتك هم اذا تريد تكتلني وتغسل عارك ف اكتلني لا تضل تودي ب الطلقات يمنى ويسرى وعود اقره الفاتحه على كبري اذا عرفت الحقيقه.

ضحك بسخريه: تريد تبينين نفسج مسكينه بس ماتعرفين شلون ليش حتى ماصدك اذا انت سويتي الاكبر من هاي ليش تصعب عليج تدخلين واحد للبيت بغياب امج؟

اصلا جنتي ناويه تسوينهه من زمان بس وجودي موكفج اغسل عارج اي شيء طبيعي بس مو بالموت لا ببدال ما اخذ روحج مره وحده راح اخذهه الف مره ووازين هالشارب اذا ما ندمتج على الساعه الي نخلقتي بيهه..

ولج مو اني الي يطين اسمي بسبب وحده مثلج

روح : شتريد تسوي سوي ولو تكتلني افضل هم

رجع سحب اقسام وتقرب عليه وكف وياي طول بطول لزمني من حنگي ووهمس: شكد شايف قذرات مثلج ماشايف ولا راح اشوف االله يساعدج على كميه الوسخ الشايلته..

اجيت احجي بس اطلق المسدس صوت عالي وشى حار نغرس برجلي فتحت حلكي وشهكت بوجع دنكت الدم ماليني وورجلي كتلتني من الألم..

ماتحملت كعدت ب الكاع لازمتهه وواصرخ واشوف الدم وواتخبل بالزايد ضربني بدون مايرفله جفن ووخله وراح..

سمعت صوت امي هي ووقسور تتعارك وواني بالغرفه اتبرغث بالكاع من الوجع حسيت روحي راح تطلع

شلون انطا كلبه يسوي هيج شلون اتقرب عليه بحجه يحاجيني ووضربني شنو غايته وليش هيج سوه..

بيه غضب لو احرك روحي وكلبي  ماخلص منه هيج اريد اهجم العالم كله على راس مؤمل وراس قسور...

اني هيج يصير بيه امي دخلت تدك وتلطم على راسهه يمكن كايل الهه

روح : يمه الحكيلي راح اموت راح اتعوق..

عافتني وركضت نزلت اجرت تكسي وصعدت الرجال لهنا ساعدوني اوكف على حيلي واخذوني للسياره الطريق كله اكلت نفسي من التفكير ووالقهر..

تشوهت صورتي كدامه وتشَوهت صورته كدامي
مستحيل اسامحه بعد هاهيه لو يجي يبوس رجلي مايتغير بنظري بعد..
همجي وحقيرر
..
وصلنه للمستشفى رئساً اخذوني للغرفه اجه الدكتور شافني ووحولي على العمليات كال رجليهه مكسوره  كسر خفيف ومتصوبه يعني متدمره تدمر

اكيد هاي من كثر ما اكلت ضرب من مؤمل وقسور نكسرت اضم بوجهي عنهم وابجي..

هاي صار ثاني مره ادخل مستشفى بسببه خفت حيل من العمليه وبقيت اشهك لوحدي بالغرفه لان امي طلعت وي الدكتور..

هيج احس نفسي نقبضت شسويت بحياتي حتى اشوف كله هذا

اني انهان وانضرب وويتجاوز عليه بس لان محد بضهري وحيدي فريده اوجهم من صغيرهم لجبيرهم..

منو الي اني اذا امي عايفتني لوحدي من العصر لحد ما هسه ب ٧ ونص مدري ب ٨

التعوف بنتهه وحدهه بببيت فارغ شنترجه منهه

اباوع لرجلي وانعصر عصر مو بس من الوجع لا من تصرفه هيج اله كلب يضربني ويعوفني وويطلع..

مايخاف تنبتر رجلي مايخاف اتعوق؟!

لو هاي هم تبريرهه ساعة عصبيه

دخلت للعمليات ب ٨ اله ربع ماطولت هواي بس طلعت ٨ ونص اون من البنج وومادري شحجي  لاحق عرفت انو ماجبت على لساني غير اسم بابا وواهمس بي ووابجي..

لافين رجلي وماكدر احركهه همه شالوني وونقلوني من السديه للجربايه
..
فكني البنج منا نمت منا وماكعدت غير ب ١٢ ورا ما صحصحت رفعت راسي رجلي نهائياً ماكدر احركهه..

امي مخليه ايدهه جوه راسهه وونايمه وهي كاعده على القنفه همست بضعف : يمه

هي فزت فورا وركضت عليه
: ها

: اريد مي

راحت نزلت للاسواق الي بصف المستشفى جابتلي واجت شربت شويه..

وهي كعدت بصفي اخذت القبق مني والبطل تسد بي وتحاجيني : صحيح الكاله قسور

هزيت راسي بأي

بلعت ريكهه وجهه كام ينطي الوان
: شعنده جاي مؤمل للبيت!

: مادري والله مادري

لزمتني من طرف ملابسي وتجر بيه وتخزر
: ولج يكول لكيته فوكاها روح خزيتيني وفضحتيني واني الجنت واكفتلج بحيل صدر ضده تسوين بيه هيج ليشش؟

روح : مالكم دخل بيه مادام انت مصدكه كلامه ف روحي اطبكي ويا واله اكلج كملي على. رجلي الثانيه حتى ترتاحين

: شنو مصدكه كلامه يعني جاي يجذب،

روح : مو يجذب بس مو مثل الي ببالكم هو جان صاير فوكاي يضرب بيه شوفي شفتي شلون مشكوكه ووخدي شلون ازرك..

:وشدددددخله للبيت شدددددخله

تنهدت بقله صبر : اني فتحت اله الباب عبالي انتِ

هزت راسهه بقهر ووكامت كعدت على التخم وتبجي: لو ادري راح تطلع هاي بذره خلفتي جان ماترددت بذاك اليوم الي ردت اذبج بي اني صوجي كله صوجي ماعرفت احافض عليج ولا الزمج َواتوبج

خليتج على حل شعرج اني صوجي ادري بمؤمل فلوسه وفلوس ابو تغطيني وتغطيج وجنت ادري بعلاقتكم وساكته اكول هسه يتزوجهه..

دنكت راسي العب بأصابيعي كل جزء بجسمي يوجعني
..
ثاني يوم الصبح مانمت اني ضليت كاعده للصبح
اسمع صوت دكتور يحجي وي منو مادري وعلى باب غرفتي شويه ودخل عدلت كعدتي كال
:صباح الخير

: صباح النور

: شلونج شلون  تشوفين حالتج مستقره!

: الحمدلله

: بالمناسبه اذا تحبين تشتكين على احد ف ضابط التحقيق موجود.

تنهدت : لا ماريد

: ليش ماتردين؟! ميصير اكيد تعرفين منو ضربج اشتكي علي من دون تردد خلي يتبره

سكتت ونزلت راسي وحشه بداخلي وصوت فضيع بكلبي والدمع محصور بجفني الدكتور ماحجه شيء خله وطلع..

رغم كلشي سواه كلبي ماينطيني اشتكي علي..

ضميت وجهي بين اديه ورجعت اشهك من جديد
واريد احد يواسيني على هالهضيمه محد..

فزت امي سألت شكو كلت الهه الدكتور اجه سألني على حالتي خلت ووعافت الغرفه ووطلعت وين راحت مادري شويه ورجعت بيدهه كوب كوهه عافتني وكعدت على صفحه تشرب..

حتى ما تباوع بخلقتي من تحجي
: الدكتور كال تكدر تطلع اليوم

: يلا نطلع

ماحاجتني كمت الجاي وطلعت شويه ورجعت ماعرف وين راحت كومتني ساعدتني البس ملابسي مادري منين جايبه فستان لحد ركبتي مشمشي ووبي دكم من الصدر لحد نهايته..

لبسته وحذاء تك واحد الثانيه لافينهه اليه ساعدتني اطلع وسجلنه خروح ووهي تشكرت الدكتور وهو نبهه عليه تاخذلي العلاح الي سجله ووطلعنه نمشي بساحه المستشفى نريد نطلع للشارع العام..

اني مدنكه عيني للكاع وصدفه شفت خيال..
طويل ضخم عبالي شخص عادي مر من يمنه.
بس من سمعت صوته رفعتت عيني..

قسور واكف كدامنه ووعاكد حواجبه امي توهه دتحجي جان يسحبني من ايدهه ويجرني رادت تعيط حط ايده على شفايفه: اششش احنه بمستشفى

واخذني للسياره يسحل بيه كلبي وكع بين رجليه ماخذني يكتلني اكيد راح يكتلني... يتبع

🖤🖤🖤🖤🖤
ايزابيل