رواية لم اخلق لرجل سواك الفصل الرابع 4 - بقلم ايزابيل

#بقلم إيـزابيـل
#الفصل الثاني
# لم اخلق لرجل سواك
..
يلي صوتج غفوة الغبشة
وخمر تينة ندى وبين فعلهه براس بلبل

- عريان السيد خلف

بنات للتوضيح بس سبب العداوه بين ولد سلطان واسعد هو انو اسعد خطب اختهم ومانطوها اله وومن ما. نطوها ضل يطلع كلام على البنيه وويذب تهم عليهه

النشر بين يوم ويوم
..
روح

كتفت اديه ووانتجيت على الشباك زحت البرده بهدوء ووباوعت بطرف عيني يمشي بالشاارع..
ووبيده علاكه سوده ووبالايد الثانيه لازم جكارته الي على وشك ان تخلص..

تأفأفت استغفرالله انوب اجه أجر هذا المشتمل الي بصف شقتنه هو اصلا بيت واحد..

بس الي مأجرين من عنده احنه مسوي بيتين
وواكو باب بيناتهن بس احنه قافلينه ووحاطين علي كومدي..

مسحت وجهي بتعب وتذكرت اول ما اجه شسووه شيل المنطقه.. باوعت للساعه بـ ١ اني قبل شويه اجيت من المدرسه ناويه ابدل وواروح لصالون امي اساعدهه..

بدلت ملابسي لبست بنطرون كابوي ووقميص ربع ردن ورفعت شعري ذيل حصان شديت اضويه البيت ووقفلت البيبان ونزلت..

الدنيا ضهر ووماكو ولا طير الطاير واني امشي لوحدي جان اكو رجال مفتح مخضر وويمه واحد ديتسوك..

اسمعه يكله للرجال ابو المخضر
: عمو شدعوه هلكد الطمامه مرتفعه دتساهل ويانه

ويحجي بمياعه ومسحونه روحه
نزلت راسي واضحك طبعا هذا خطيه عنده هرمون انثوي مرتفع الى درجه بحيث مرات مافرق بينه وبين صديقتي حاف حواجبه ووشعره الاذنه وبنطرونه مشكك..

اسمع صوت يكول
: استمر شد حيلك بلكي تجيك ذيج السالفه!

نصقعت الصوت بأذني لتفتت جان اشوفه قسور يمشي وراي وعينه على الولد هذا الططوه..

وكفت مصدومه وهو ما يزال يغلط على الولد.
: ابن الدايح امك هم هلهلت فرحت بيك من اجيت للدنيا..

هذا شبي كتله : شكوو

انتبه عليه باوعلي ببتسامه
: شفتج لابسه الحصر  وتفرين بنفسج كلت اروح الم العرض..

عقدت حواجبي : شنوووو

لزمني من زندي وعيونه تخزرني
: احجي طلاسم مو!

نترت ايدي : منو سمح الك تلزمني هيج شبيك تخبلت..

: اي بعلي ماضلي عقل صاحي خبلتيني لج انت شنو بطول اصبعي وومحد واكف بعينج طالعه بهل ضهاري تفرين ب** ووين موليه..

نفكت عيوني بصدمه عزا هذا شلون يحجي.. صرخت بنرفزه :عيببب عليك تحجي هيج وياي لحد هسه ساكتلك ووما متجاوزه لان انت اكبر مني بس وحق الله من تطخ براسي محد يوكف بوجهي..

تنهد ووتخصر بملل : وين رايحه!

: لماما

كال بسخريه : وماما وين

: بالصالون

: ها ماما داكوكه ووحفافه

: لا ميكب ارتست

ضحك بسخريه وكال : نعال احسن

: اشو انت متحترم احد

: لان انتو متستاهلون الاحترام رجل امج ابن العار يوميه اشوفه بملهى شكل من اجيت لبغداد ولهسه ووامج مزاعله البيت ووما تدخله ووانت دايحه بكيفج.. لج بعلي اذنج افركهه وراسج اكسره اذا متجرين عدل هسه وتروحين تنطمين بالبيت..

باوعت اله بمكر : هههه وشتسوي بالملاهي انت؟

نفخ بضيق ووجرني من زندي شمرني يم باب بيتنه وكال ادخلي يله طولج ماا المحه..

هزيت راسي ب اي وداخلي يغلي شيصبرني علي هذا الخبل فتحت الباب ودخلت ووباوعت من الزرف انتضرته يروح بس ضل واكف بالركن جكاره ورا جكاره تكول معينيه هنا حراسه على المنطقه..

تقريبا ساعه يله راح وواني استغليت الوضح طفرت من البيت هههه عباله اخضعله وانفذ اوامره لا عيني لا بعدك متعرفني..

موبايلي جان وياي خابرت مؤمل
: الوو هلاو

: هلا وميه هلا شلونج حبيبي

: مشتاقلك

:واني بمنطقتكم امرلج

: اي اوكي منتضرتك يم محلل حجي حسين بس ماتأخر

: اي بس اشوفج حبي

بقيت واكفه منتظرته ومنزله راسي على الرصيف مؤمل ابو صاحب شركه غذائيه جبيره
ببغداد يلعب بالفلوس لعب وومدلل وضارب الدنيا جلاق.. اهم شيء عنده يونس نفسه طلعه وطبه وبنات.

اني ادري مصاحب عليه عشره بس عادي ماهتم اذا تتطخ بالي اخلي يعوفهن كلهن.. بس ماريد اتعب نفسي على شنو.

شويه ووطبكت سيارته الـ jeepسوده بصفي ابتسمت فتحت باب الصدر ووكعدت هو عمره ٢٢ سنه..

اني عمري ١٩ المفروض هسه اول كليه بس رسبت هواي بالثالث اول ما كعدت لزم ايدي
: شلونهه الحب

ابتسمت بحب : اني الحمدلله بخير وانت

: صرت بخير من شفتج

نزلت راسي بخجل ضل يتغزل ويحجي وياي كال وين تحبين نروح كتله لا خلينه هنا ماريد احد يشوفنه وويروح يكول ال رجل امي وتصير مشكله

كال هاهيه براحتج طلع علاكه مال هدايا ووكال هاي الج اخذتهه منه وخليتهه بصفي..

ضلينه نحجي وهو كل شويه لو مخلي ايده على فخذي لو زندي لو يلعب بشعري بقيت ويا تقريبا نص ساعه وورجعني للفرع نزلت بخنسه ودخلت

للبيت بهدوء اول ما دخلت شفت رجل امي كاعد على التخم ووبيده بطل بيره مفول يشرب ووماواعي على روحى.

خفت وبلعت ريكي اني اضل ارجف منه اذا يجي بهيج حاله للبيت لان يضل يباوعلي بطريقه مقرفه اسمه بهاء..

باوع عليه
: ووووين جنتي؟

:  يم صديقتي ادرس وياها

ذب البطل وكام على حيله تمشى تجاهي بخطوات محسوبه وويباوعلي بنظره طويله من فوك ليجوه : ووشسويتي يم صديقتج؟

: غير كتلك ادرس

: ووبهاي الملابس

عطت بي :وانت شكوووو لتدخل خوش

دفعته من كتفه وودخلت اركض للغرفه حلفت اذا باوعلي هيج بعد اكطعه بالسجينه قفلت الباب..
وكعدت على الجربايه مهدود حيلي.

شكول عليج يمه ماكدرتي تصبرين بدون رجال
ليش تزوجتي ليش وهم ياريت واحد بي خير.

هي ام راكبته اذا ضاجت منه تكعده بكتله وتكومه بكتله وهو ميتجرء يحجي حرف لان امي
تصرف على البيت وتنطي فلوس..

باوعت على علاكه الهدايا فتحتهه جان انصدم بملابس داخليه ووثوب نوم اسود؟ وزنجيل ذهب
خفيف نصدمت بالملابس شنو قصده بهل حركه..

راسلته بسرعه
: مؤمل شنو هاي الملابس

: اريد اشوفج بيهن

: مستحيلل شتحجي صح اني ادزلك صوري بس مو بهل جرئه

: وشكو بيههه حبي انت قابل راح تنكلب الدنيا هو ثوب اشوفه عليج اريد اشوف جمالج اويلي اخرب علي

: هو هذا ثوب؟

: رووووح لا تصيرين معقده

بلعت ريكي كال : ها تره نخرب والله

:مؤمل لتضغط عليه

: والعباس بعد لا اعرفج ولا تعرفيني وواكص ايدي اذا حاجيتج امشي ولي يله..

: لا لا تعال ميخالف بس موهسه

: براحتج بس مو تغلسين

بللت شفايفي بضيق : احم لا

: خوش يله رايح اتعشى اني

:عوافي

ضربت الموبايل بقوه على الدوشك ووفركت وجهي شلون يريد ادزله هيج صور واخاف ارفضه
لا يعوفني واني احبه..

كمت سفطت الملابس وودحستهن جوه كلش
حتى متشوفهن امي ووالزنجيل عود اكول الهه
لكيته بالشارع لبسته طلع حلو اني ركبتي بيضه
ووكلهه شام جوزي..

ماحبه بس يكولون حلو واالي عندهه شام بركبتهه تاخذ الي تحبه بلكي اخذ مؤمل..

بدلت وضليت كاعده اسفط بملابسي

ندك الباب واسمع صوت امي ترزل ببهاء زوجهه
: امشييي اطلع برررره يله خلقتك ماريد اشوفهه جايني سكران الحيوان.. بررره

مديت راسي من الباب صدكت شفته دفعته بره هو والبطل مالته ووكعدت تتذمر ووتسد بخشمهه : ابن الخايسه..

هي امي محجبه بس حجابهه مو مضبوط ولبسهه  مو قانوني وي الحجاب اجت ذابته على ركبتهه وومغطيه تقريبا ربع من شعرهه..

روح : ها شلونج ماما

كالت بعصبيه : هلا وانت ليوم ليش ماجيتي للصالون ها مو تدرين مالحك وحدي والعامله بطلت.

: يوم قسور ما قبل

:ياقسوررر وولج كمتي تمشين بحجي ابن فريده هاااا نستي شلون طردونه من بيتهم بس طلعت اربعين ابوج  نسيتي شلون ذولنه..

:جنت صغيره اولا وماتذكر بس حسب الكلام الي كلتي انت اني كمت اكرهه واكره كل عمامي ثانيا مامشي بحجيه بس ماردت اسوي فضيحه وهو لزمني بنص الشارع فضحني

خصمت عيونهه : صدك تحجين ولج

: اي ونبي

عضت شفايفهه بمكر ووعيونهه تجدح ذبت الاكل الي جايبته من بره على السانك وطلعت هاده علي نصدمت ماتوقعتهه لبست نعال وبتراك البيت ركضت وراهه تفلش بباب بيته ووتصيح
: ولك قسورررر اطللللع قسوووور

ووتدك بالباب وتدفر بي هسه لو فايته من ذاك الباب الي يطلعنه علي مو احسن من هل فضيحه

شويه وفتح الباب مبين جان نايم عيونه ناعسه ووشعره على كصته مبعثر وويدكم بقميصه الاسود: ها عمه نهبونه

دفعته من كتفه وودخلت لنص البيت
: عساهم هيج بيه بختتتت ووتنهب انت وبيتك وحالك ومالك يا حقيررر

: ها ها بديتي تطلعين على الترابي

:ولك اغم منو سمح الك تلزم بنتي بالشارع وتصيح عليهه ميه الف مره كايله الك لا تدخل بينه ووعوفنه روح الامك وابوك الك**
الي شردوني ووبهذلوني..

الاول مره اشوفه بهل عصبيه صح ادري بي دمه حار بس حاله نكلب عيونه جمرت ووجهه احتقن...

: خليني محترم عمرج دايسه بساطي انت اخاف منج مثلاً لو من رجلج النعجه لو اريد اروح اروح بأرداتي بس مو هسه مدام بشرى بعلي ماخطي اذا ما اسويلج جره اذن واعلمج شلون تجذبين على هل فرخه هاي (ويأشر عليه) وتديحينهه ولج وين جنتي وين صرتي لا ترفعين ركبتج هواي تره تنكسررر..

صيري ادميه ووانجبي واستقري شذنب بنتج تصير مثل سقوطج وهاي َماخذهه وياي بس خل اروح..

صرخت علي : مو بكيفك خوش مو بكيفك يله شوفنه عرض اكتافك.

عض شفايفه ووخزرني: تمنيتج رجال ولج جان جبتج بكله ترجعج على البطانه..

انت هم مستسمعه اشوفهه عرض اكتافي هي لج بنتي اركدي..

بشرى ( ام روح)
: الك عشر ايام اذا ماارحت منا اتصرف تصرف ثاني

كال بسخريه : لا يربج شدعوه هلكد قليل شلحك الم غراضي زيدي فد يومين لخاطر الخبز والملح..

: كبرت وصرت تتمرد عليه مو شحال ما جنت مربيتك على ايدي وانت صغيرررر..

: ريتج ما مربيتني طلعت انكس منج بالاخلاق

روح: احترم نفسك لا تغلط على امي

أشر بحاجبه على الباب وكال  الامي
: امشي اطلعي بره

: بررره

جريتهه من ايدهه وكلت : امشيي يمه

جان يلزمني من معصم ايدي
: انت ابقيي

بشرى : شتريد منهه

:معليج لتدخلين لا تخافين كلشي ما سوي الهه..بس احجي وياها كلمتين

استغربت ووضليت فاكه حلكي ووعيني  شيريد مني امي ماقبلت وضلت تسحل بيه وامشي وياي خل يولي مأمن بي..

فلتت ايدي منهه :عوفيني يمه خل اشوف شيريد

:رووووح

قسور : خليهه لا تخافين ماجيب طاري للماضي.

عقدت حواجبي : شنو

قسور : روح اكعدي هناك

واشرلي على القنفه امي بقت تباوعلي بمعنى لا تروحين ووعبالك تترجى بيه قسيت ملامحي
وونترت :ماااا

وحطيت ايدي بأيد امي وطلعنه
..
جمانه

حطيت ايدي على صدري برعب وتراجعت ليوره ووهذا الي مادري منو نايم على اسعد وويضرب بي
شفايفي ترجف ووالدمعه بطرف عيني التمت الناس ووتفاكك بيهم وواسعد ايد مارفع..

لحد ما كدرو يشيلونه عنه ووكف على طوله وويمسح بشواربه ووشفايفه ووعيونه متقلصه بشكل يخوف وواليشماغ الي ملفوف على ركبته علي كم قطره دم التسقن بي من خشم اسعد.

رفع اصعبه بتهديد ووكال بصوت خشن
: هالمره اجيت من العماره لبغداد وجنت ناوي ادفنك بهل ارض بس لو ما كاسر خاطري صدك وثق مره ثانيه ماتردد اشوهه وجهك..

اسعد يزفر دم وويكح ووجسمه مكسر مابي حيل يكوم وواني حاضنه كتبي لصدري ووارجف ندار علي وَباوعلي بنظره خلستني

الصرامه الي بوجهه جانت كفيله تخليني ارتعش ووكل عضوي بجسمي يخدر خوف رجليه كمت ماحس بيهن بس لا راح يكتلني ورا ردت ابجي وعيوني غوركت..

جر اليشماغ الي مدمر دم بركبته ذبه وسحكه برجله وانطاني ضهره اتمشى فتح باب سيارته ثواني واختفه..

هديت وسكنت تقربت على اسعد ووكرفصت كدامه العالم فوك راسه يشربون بي مي ويمسحون بوجهه..

كام وكف على حيله ووجر بطل المي يغسل بي وجهه : اسعدد

باوعلي بغضب : شفتي لهذا السبب رفضتيني مو عبالج اني ادور مشاكل متدرين ولد سلطان هم الي يفترون وراي..

تنفست بضيق : منو هذا؟

شرب مي شويه وندار صفح تفله رجعت ليوره بقرف :همام

همام الدين

: شيريد منك ليش هيج مديعوفك

تنهد : عوفي معليج بي عبالج افوتهه اله لا بس هسه اجاني غدر ووماكدرت ارده بس وعيونج ماتمر هيج..

باوعت اله بحزن ابتسم : راح ارجع ادز اهلي

: ماكو داعي احنه نخاربكم وننطيكم الجواب

كال ماشي

هزيت راسي وتمشيت من يمه امشي وخطواتي بطيئه الاول مره دائما اني اركض ركض بس التفكير خلاني انشل..

اقبل لو لا؟ هو كلي تكملين دراسه! ووبابا قابل حتى لمن كتله ماريده كال متلكين هيج قسمه واقارب ونعرفهم..
دايخه واحس كل حيل ماعندي..

اصعب شعور هو الضياع لو اخذت ميه الف نصيحه واستشرت وووسمعت اراء راح ابقى ضايعه بين طريقين..

واجهل الصواب صفنت وتذكرت عيون هذا الي اسمه همام طوله  وحركاته..

الحمدلله والشكر هسه الي يسمعني شيكول تتغزل بكتال زوجهه المستقبلي هزيت ايدي على عقلي وودخلت للبيت..

احس اكو تناقض بتفكيري ليش رفضته وليش داقبله اوووف

نمت ووللمغرب كعدت جانو متغدين ومبقين حصتي بالفرن دجاج وتمن خليتهن بماعون..
ورحت افتر بي بالصاله..

بابا كاعد على التخم وويباوع تلفزيون وماما بيدهه دشداشه دتغيط الفتق..

ناويه احجي وي ااختي ايلول هي الوقت عدهه يختلف ف لليل اخابرهه لان يكون عندهه صبح..

رهف مرت اخويه احمد كاعده ترضع ببنتهه..
تذكرت اسعد وواشرت الهه بمعنى كوَمي وياي.

اخذتهه سديت باب غرفتي وكعدنه نحجي
: رهف اريد منج خدمه

:عيوني الج

بلعت ريكي : اني غيرت رأيي

عقدت حواجبهه : بأسعد

: اي موافقه وواذا بعدهم يردون خل يجون

: وليش دتكوليلي!

: اريدج توصلين الكلام الامي استحي اكول اني

ابتسمت : لعد ليش رفضتي بالبدايه

: تسرعت

: شنو تسرعتي جمانه مو لعب هي

تنهدت :يعني تشوفين قراري خطأ

: ليش هلكد ضايعه

: لا مضايعه عادي موافقه ماكو سبب يخليني ارفض الولد

: هاهيه لعد

ابتسمت ربتت على كتفي ووطلعت خابرت ايلول وحجيت الهه كالت بعدج صغيره لتتسرعين..

وحضي الاغبر خلاني اعوف كلامهم كلهم وواتبنج بقراري سديته منهه وخابرت روح..

: ها روح هلاو شدتسوين؟

: هلا بيج بعد بيتي ووالله راسي يغلي واعصابي راح تنفجر

: شكوو

: اكو غيره باشا قسور كلامه غامض لج جمانه ديخوفني مدري شلازم على امي

: شنو شلازم على امج

: ماعرف دايخه

: حاجي

: ماما تقبل كالت اكسر رجلج اذا رحتي اله

: ههههه ومن يمتى صايره هيج مطيعه انت؟

: عوفينه من قسور كليلي منو ذوله الي تعاركو بباب المدرسه

: هذا الولد الي خطبني

: عزا هيج  حلو  امداج ليش رفضتي نوب شنو من يضرب كطع الولد الي جنه برييعصي تكطع مدري اباوع على هيبته وحلاوته مدري انقهر على البريعصي..

: نجبي تره البريعصي خطيبي

:جذابه ههههههههه اوكفي خل اضحك

:هاي ليش هيج

: ولج جمانه صدك راح تتزوجين!

: اي

: وتعوفيني

: ههه لا حبي ماعوفج هو اني اكدر اضل على اتصال وياج

: اي وتنقلين مدرستج مو

: اي

: راح ابجي  ماكدر افاركج حيوانه

ضليت احجي وياها شويه ووسديته ثاني يوم ابوي مخابررهم ووكايل الهم اذا بعدكم تردون البنيه هي الكم.

وامي دخلت عليه حاجتني ليش غيرتي رأيج
صاير شيء احجيلي اني امج لاتضمين عليه..

: ماكو شيء وداعتج بس ماشفت اكو سبب يخليني ارفض

جرتني من جتفي وحضنتني : الله يمهلج بنيتي
..
اجو هو واهله للمره الثانيه بس ماطلعت الهم ووحددو موعد الخطبه وجانو مستعجلين يردون يرحون للعماره لان مرت خاله اسعد مريضه وعلى باب موت ويخافون تتأجل الخطبه اكثر..

حتى كالو العرس ما نطول بي وبيوم الخطبه لبست فستان وردي ساك ومخصر على الجسم وسويت شعري تسريحه بسيطه وومكياج خفيف
واخواتي اجن واقاربنه القريبين يعني عمامي وخالي اني عندي ثنين خوال عامر وتوفيق..

عامر حقير ونذل هو ومرته ووولده بس زياد بيهم بي خير ووهم ماجو بس بس زياد ومرته الينا.

َوخالي توفيق هو ووزوجته وحفله بسيطه بس كطعان مهر وعقد..ومارادو تكاليف هواي لان توه
متعين اسعد بشركه اهليه وومايكدر يصرف ومياخذ من اهله يكول اعتمد على نفسي..

مادري كلامه صدك لو اهله رافضيين ينطونه اخذ ذهب من صديقه بالدين ووكله مواصل اسددهن الك..

المهم رضيت اني لان ماهتم لهل شكليت وجنت ماخذه اسبوع عطله من المدرسه ووعزمت صديقاتي وروح اجت..

طكه طشاررر هي معروفه باعتنائهه  بنفسهه دائما تحب تضهر بالشكل الحسن..

ملابسهه ومكياجهه وحراكتهه تخلي النسوان قبل الزلم يباوعون عليهه وياهو يشوفهه بخطبتي يسأل بتمن ومنين

ووطول الحفله مشغله اجيبك للدرب كتلك اجيبك ووتتمايل ووكل ساع هامسه بأذني
: اسحله سحل وعلي ههههههه

تطك اصبع ووتهز ركبه اضحك وخربانه من الضحك عليهه لابسه فستان احمر ناري ووفتحته رجلهه اطول من مستقبلي
..
اجه اسعد واهله وتخبل من شافهه كال شنو هل استهتار ما عندهه اهل هاي شكو مصادقتهه وعازمتهه..

غلست يريدني اعوفهه مايدري مستعده افسخ خطبتي علموده

لبنسي الذهب ووالحلقه وويهمس بأذني ووكل شويه بايسني بخدي  ووتوه ديوكلني الكيك جان يدخل اخوي يركض باوع
اسعد ذول ولد سلطان همه وسياراتهم مسطرين بالباب كوم كوووووم :
..
روح

ضل كلامه براسي شكد حاولت انسى ومافكر بس بس كل ما اصفن انام اكعد اشوف نفسي سارحه وكلامه يتردد بأذني..

قرررت اروح احاجي وشيصير خل يصير اني ما خاف من اكبر واحد هذا الحجي ب ثنتين بليل..

نزلت من فراشي غسلت ووجهي وولبست جاكيت على البرموده والتعلاكه مالتي..

ووتمشيت بخطوات بطيئه رجل ماما البارحه رجع للبيت من بعد اخر طرده وضل نايم بالاستقبال ميدخل للغرفه..

امي تكله اليشرب يضل نكس ٤٠ يوم واني ماريد اتنكس تمشيت للممر وبيدي المفتاح مال الباب الي يطلعنه علي..

طبعا هو ابو البيت راد يلغي الباب علمود يعتبر بيت ثاني بس قسور مقبل كله عوفه..

وامي هدت على ابو البيت تكله اطلع من البيت اذا بقيت قسور.. وهو كال الهه روحي الله وياج انت هم تعبتيني بالايجار..

بس سكتت اخر شيء لان هو جان حيل متساهل الهه بالدفع والمبلغ المفتاح محد يدري بي عندي قبل جنت افتحه واعبر علي من يجي مؤمل ينطيني شيء.
..
وخرت الكومدي بالف يالله ووفتحت الباب..دخلت الهول اضلم هندس اتمشه وواتلمس المكان وواطير اديه بالهوى مقابيلي..

خاف انركع بشيء ووصلت لغرفته فتحت الباب على اقل من مهلي دخلت وشغلت الضوه..

فارغه تصوصي لعد هذا ووين؟؟ معقوله مو بالبيت زميت شفايفي بتفكير..

الغرفه فارغه يادوب بيهه جربايه وكنتور ميز مرايه متروس تراب علي عطر العلبه مالته سوده فخمه ووهم..

اوي شنو هاي ميعرف يمسح الميز الكنتور جان مفتوح تقربت علي بهدوء ومديت راسي..

ملابسه كومه وماليه الخانه واغلبهن نيلي كحلي اسود اتمنى مؤمل يلبس هيج الوان تلوكله بس مايقبل كله وردي احمر اصفر سمائي..

جذبني قميص اسود  وبنطرون عقدت حواجبي ووتقربت.. شكله يختلف عبالك بدله عسكريه علي العلم العسكري العراقي بالجتف...

استغربت هاي شنو شيشتغل هذا؟ سمعت صوت حركه نخلست بسرعه سديت الضوه ووطلعت..

بعدني امشي وواريد اطلع لان عبالي مموجود..
نلوت رجلي بالطلبه الصغيره الي بالنص..

ووكعت على التخم بس كعدت على رجلين شخص
والشهكه والخوفه صارت في ثنين من شفته كمز من نومه لزمني من زندي ووجرني خلاني جوا ووصم حلكي بثنين ادي..

صدري صار يصعد وينزل بخوف وووانفاسي الحاره تتطلع من خشمي عبالك لهيب تنين
لان مخلي ايده على حلكي حتى ماكدر احجي

عباله اني حرامي؟ مد ايده جوه المخده الي صار راسي عليهه ووسحب شيء عرفته مسدس من خله بنص صدري..

بهل لحضه لو يذبحوني قطره دم ميلكون بيه..
جسمه ووثكله كله صاير فوكاي ووالمسدس رعبني شلت ايدي الي حسيتهه تبنجت وعضامي رهلت لزمت كف ايده الخشن بين اصابيعي الناعمه ووهمست : اني روح.. يتبع

بنيه لطيفه صممت هذا الغلاف ☝️اشكرج حبب

تصميم هذا روينه
..
🖤🖤🖤🖤🖤
ايزابيل