رواية لم اخلق لرجل سواك الفصل الثالث والعشرون 23 - بقلم ايزابيل

#بقلم إيـزابيـل
#الجزء الثامن عشر
#لم اخلق لرجل سواك

النشر بين يوم ويوم اعيد لو فهمتو 😑
..
جمانه

نزلت من بنين وبالي انشغل اكثر من قبل افكر ووعقلي انخبص معقوله اهلي راح يقبلون؟ هسه يكولون الي احنه ماخليناج تداومين على مود ابنج نوب تروحين تتوضفين..

بس اني حبيت الفكره كلش وصار عندي طموح كلش عالي بالشغل دخل بالي الموضوع بحيث الليل كله اني كاعده اتدرب شلون راح احاجي اهلي..

ثاني يوم العصر اجتني اخت بنين الصغيره جنت كاعده وي اهلي بالصاله ووالعب ب انس..

اخت بنين : السلا عليكم

دخلتهه مرت احمد وهي اجت فورا للصاله وكفت كبالي..

جمانه : هلاو حبيبتي

: بنين تريدج ودزتني عليج كالت خل تجي جمانه عندي حجي وياها.

اهلي باوعولي بأستغرب بلعت ريكي
: هاهيه حبيبي روحي واني الحكج

هزت راسهه وطلعت

رباب : شنو الموضوع؟ شتريد منج بنين

جمانه : اا البارحه صعدت داشر ملابس وهي شافتني فـ ضلينه نسولف ووكالت فديوم تعالي عليه وجيبي ابنج اشوفه ف هسه دزت عليه..

بابا : وليش ماتجيج هي؟

جمانه : بابا مابيهه شيء اذا رحت الهه اني ووهي خطيه واكعه ورجلهه متأذيه متكدر تمشي هواي

بابا : انت عاجبج تروحين؟

: اي والله ضايجه

بابا : هاهيه خل احمد يوصلج

امي ضاجت وماقبلت هي تخاف علينه وماتخلينه نطلع منا لهنا كيفت اني اكيد رجعتلي خبر..
طرت لغرفتي لبست بشت اسود جوا بنطرون وبدي وولفيت شالي ووبدلت الانس لبسته برموده بيضه وتيشيرت احمد وومشطت شعره..

طلع يخبل هو عيونه زرك على اسعد وابيض وشعره بي شقار كرصت خدوده ووقربت راسي علي وحجيت : لك شنو هالجمال ماما فدوه اروحلك

جان يضحك ويصفك ادي وواني خربانه ضحك على سوالفه صار قطعه مني شكد احبه.. معلك بروحي..

اخذته ووطلعنه لكيت احمد واكف ب الهول يشرب جكاره : ها توصلني

: يلا امشي بس ماتتأخرين

: اوكي
..
وصلني لباب بيتهم وورجع لبيتنه فتحلي ابوهه كيف من شافني..

: هلا والله فوتي بنتي فوتي

ابتسمت : شلونك عمو

: على الله بخير بنيتي

شاف انس تخبل علي شاله ووباسه ووانطا فلوس ماقبلت كال لا قابل اني شمنطي.. طلعت النه بنين ابتسمت من شافتني وركضت عليه..

حضنتني وسلمت عليه فتنه للأستقبال وهم اجت امهه وكلهم متونسين بأنس كوه كدرت اختلي بيهه وبقينه لوحدنه..

جمانه : احجيلي

بنين : شوفي البارحه من داومت حاجيت هذا الي كتلج مدير الفرع الي احنه نشتغل بي..

هزيت راسي

بنين : وكال عدنه اماكن شاغر بس نريد واحد كفوء يعني لازم يختبروج اذا كدرتي للحاسبات يخلوج عليهه

جمانه :شنو حاسبات اني ماعرف الهن

بنين : يعلموج عليهن

جمانه : لا يمعوده نوب اروح اخرب شغل العالم

بنين : ترا شغل بسيط مجرد تخلين اسماء اماكن ووشركاات نتعامل وياهم ووتحضرين ملفات وبطاقات الموضفين

جمانه : ها يعني ماكو شغل اسهل

بنين : باعي حالياً السكرتيره بطلت ووالمدير محتاج سكرتيره كلي عليج بس كتله لا متحب..

:ليش

:لج شغل متعب  لازم تنضمين وقته واجتماعاته ولازم كل او على الاقل اغلب الوقت ويا ف اني علمودج..

:شكد عمره؟

:رجال جبير

: اي بعد شنو اكيد اني بعمر بنته احجيلي عن اخلاقه شلونهه

: والله ما امدح الج بس كلش حباب ووخلوق ويساعد كل الموضفين

: لعد هاهيه اني ارتب الوضع وي اهلي واردلج خبر

:تمام
: انطيني رقمج

راحت جابت ورقه وقلم ووسجلت رقمهه وانطتنيا شكرتهه وهي حيل فرحانه تكول هناك كلهم ميحبوني ومسوين احزاب ضدي ف اضوج اريدج وياي..
..
رجعت للبيت لكيتهم صابين العشى رئساً كعدت وياهم بابا ياكل ويحاجيني

: شلونج رتاحت نفسيتج

: اي والله بابا كلش جنت ضايجه والحمدلله تونست شويه

احمد : ليش متحجين إذا ضايجه اني مو كل فتره جاي اطلع الجهال جان اخذتج وياي

قلصت عيوني ووحجيت بشقه
: المايحس منين نجيبله احساس

احمد : اخ يابه جنج على طلعه حضري روحج ورا العشره نطلع ناكل موطه

جمانه : ههههههههه اتشاقه وياك حبيبي زينه اني مابيه شيء وماضايجه بس خطيه انس مرات يضوج لان وحده كاعد بالغرفه وميحب يختلط بجهالك ف لليل ونهار هو لو يلعب مكعبات لو نايم
..
خلصنه عشى وكمت اسوي جاي همه متجمعين ب الاستقبال رحت اخذت الهم الصينيه وزعت وكعدت..

جمانه : اريد افاتحكم بموضوع

رباب : اي كولي بما انو مزاجي تعدل بجايج الطيب.

جمانه : ههههه تدللين اني مو جنت يم بنين كالت الي داشتغل بشركه وومكانهه والراتب كلش زين ف كالت ليش ماتجين تشتغلين وياي هم تكضين وقت وهم تطورين من نفسج

: ليش بابا اني منقص عليج شيء

: لا والله حشاك بس يعني اني هم مرات احتاج شغلات وماكدر اكولك عليهه ولا الاحمد لان هم عنده عائله ومصرف واني هسه نفسيتي متسمحلي اعيد الخامس وارجع ادرس من جديد وحتى كل وقتي يروح للدراسه واهمل ابني بس الشغل الصبح فقط هم راح اطور من نفسي وواغير نفسيتي وواستفاد.

رباب : شغل شنو وشركه مال شنو؟

: شركه نقل وتوصيل ويكدر بابا يجي وياي للدوام ويشووفهه اذا عجبته اداوم واذا لا اكنسل الموضوع..

احمد : ممنوع مدامج ما محتاجه شيء ماكو داعي تتعبين نفسج ووتتعبينه وياج وتقلقينه عليج اي شيء تحتاجينه تعالي وكولي الي واذا ما نفذت الج روحي بساعتهه دوري شغل...

جمانه: والله مو قصه فلوس بس اني ماكدر اضل كاعده لليل ونهار بالبيت هم اضوج..

احمد : ولج جذابه مو قبل شويه اكلج تضوجيم كوليلي اطلعج تكليلي لا ماضوج

جمانه : لا لان ماريد اتعبك واكلفك وابني ب الساعات الي اكون غايبه بيهه يكون نايم ماراح يحس بغيابي هسه مو هاي ناي خليتوهه تشتغل وهي مامكمله مدرسه يعني شنو فرقي عنهه؟

بابا : ناي جانت مريضه ومانكدر نرفض الهه طلب

: اي اعتبروني ناي حباب بابا حباب

رباب : لا مثل ماكال احمد انسي هالفكره

بسرعه نزلت دموعي ووكمت اشهك واتوسل بييهم
: عليك الله بابا بس اداوم فتره واذا ماعجبك الموضوع ابطل يعني ليش تريدون تدفنوني بالحياه متخلوني اطور من نفسي هم اريد اضمن مستقبلي ومستقبل ابني واني مقررره الراتب اسوي بي سلف وواجمع واشتري قطعه ارض اسجلهه بأسم انس..

هو يتيم وحتى عمام ماعنده يادوب اجداد وباجر عكبه يموتون يضل مكطوع من شجره

احمد : ولج ليش تفاولين

: لا اقصد الي بالعماره ها بابا شكلت؟

: اروح وياج واشوف الشغل واقتنع يلا

من فرحتي كمزت بنفس الحضه وضحكت بوسط دموعي ووركضت علي حضنته ووشبكت ركبته بين اديه ووادعي الله يخلي النه.

اتمنى اشوف او اسمع بأب احسن من بابا بس ماكو!
مستحيل اكو مثله حنين وطيب ويحبنه وويخاف علينه يكذب الكل ويصدكنه ميتهم الاحد غيرنه اني واخواتي..

ودوم اسمعه يكول الاحمد اذا متت والله اخذ امانتي اريدك اب ثاني الاخواتك وخاصا
ال متزوجات دوم روح الهن ولا تروح وايدك فارغه حتى لو علاكه وحده هي راح تفرح بيهه
اهمشي لا تكطع بيهن حتى يفتخرن بيك كدام عيالهن ويرفعن راسهن..

وجمانه اعتبرهه وداريهه مثل بنتك..
كلامنه يخلي ابجي وواروح الزم السجاد وادعي بحزن مفرط انو الله ياخذ روحي قبل روحه ومايخلي اشهد يوم موته
..
فاديه

رغم بعد فتره ماعرف شكد طولت كدرت استعيد ووعي بس مافتحت عيوني بقيت مغمضتهن وولازكه  رجليه ببعض وواديه عاصرتهن بخوف..
وابلع بريكي..

كاعد على الجربايه فوك راسي مادري شوكت شالني ووخلاني على الدوشك بس الحمدلله ماجنت واعيه واله جان نجلطت..

بقيت على حالي لحد ما كام من مكانه وطلع فتحت عيوني عبالك نجيت من موت..

شلت راسي الي احسه صاير طبل ولزمته بثنين اديه ووضغطت عليه بباطن كف ايدي..

ياربي شلون راح اتأقلم اني تأفأفت بأنزعاج بطني احسهه كامت تنغص بيه من الجوع مماكله شيء من الصبح..

توني كمت وودخلت للحمام غسلت وجهي وبس طلعت لكيته بوجهي نصقعت وتراجعت ليوره شفته جايب صينيه اكل صغيره مال نفر واحد
ومخلي بيهن ماعون كباب وطرشي ووخبز ولبن..

كال بحزم : تعالي اكل

ماجاوبته رجع كال
: اني شكلت؟! انت مو خرسه ولا طرشه حتى تطنشيني

فاديه : ماريد

وولميت شعري بأيدي رجعته لوره ضهري مدنكه راسي للكاع وماباوع بوجهه بس من صرخ بيه رفعت عيني لا ارادياً..

رهيب : ترا ااااني ماميييت على خلقتج ولا واصللللل اللج تعالي اكلييي ماببيه حيل افتر بيج بالمستشفى واني طالع من الغرفه ماراح تشوفين وجهي بس ارتاحي..

فتح الباب ووطلع حطيت ايدي على صدري بيه بجيه بس مادري شنو المصبرني تمشين بهدوء
للصينيه نزلتهه وربعت بالكاع..

اكل ووافكر ووعيوني مغرغره حطيت الفلفه  بين اسناني عبالي طرشيه مانتبهت عليهه ووصافنه  جان اضغط عليهه حيل والمي مالهه ووكع بعيني..

شمرت الصينيه بقوهه وافرك بعيني  جان حار ال فلفل حسيت نار جهنم نصبت بعيني..

بقيت بمكاني اشمر برجليه ولازمتهه بثنين اديه واصرخ فتح الباب وودخل نصدم من منضري اجه عليه كرفص مقابيلي واني تاهت عليه اخاف  اصرخ من وجع عيني لو من قربه.

كلت راح تعمى عيوني مابيهه مجال

فاديه : راح اصيررر عميه اخ دتوجعني احس بيهه نار

هو مايحجي بس يحاول يبعد ب ايدي وينفخ بيهه فجأه حسيته شالني بين ادي ووخلاني على الجربايه ووراسي نزله بهدوء على المخده..

كال : ابقي بمكانج لتلعبين بيهه

ونزل يركض وواني اتشعوطت من الوجع اعض بأديه وادفر برجليه واحاول اطلع قهري بنفسي..

اجه وبيده علاكه مال صيدليه شمرهه بنص الطريق وطلع قطره وكعد بصفي لزك وخر اديه عن وجهي ووفتح عيني بأديه وطلع قطره..

صب منهه كم نقطه بعيني نزلت بردت على عيني بنفس الحضن ضليت ارمش لكم لحضه واحاول اباوع بيهه بس ماكدر

: غمضيهه هسه ولتفتحيهه لمن يستقر العلاج بيهه

بلعت ريكي ووهزيت راسي بقيت مغمضه عيوني وماعرف هو شيسوي بالغرفه بس يطلع اصوات...
فتحت تك عيني الثانيه شفته ينزع القميص عبالك صاقعه وكعت فوك راسي كهربتني رأساً
غمضت..

..
شويه ووحسيت الالم بده يخف وراحت الحركه
بس نخصمت عيني كمت من مكاني لميز المرايه هو كاعد على كرسي بصف الشباك مال الغرفه..

باوعت على عيني صايره تخزي حمرررره وومخصومه وصغرانه وومن جوه البياض كله خطوط حمر..

ومن فوك عبالك مكروصه بكايه
..
بقيت اروح وارجع ب الغرفه رهيب عبالك مموجود كاعد على موبايله احس من تقرب ليمي كسر حاجز خوفي بس بعدني ماثق بي..

اكرههه كره العمى لان جان سبب بالي اني صرت بي اتذكر شلون اسعد خطفني كدامهم ووهو

يسوق ويباوع بالمرايه وصديق اسعد كاعد
بالكشن الكدام يضحك بسخريه

بس مانكر انو هو ضل يصيح على اسعد ويكله عوفهه لا اكلب السياره بيك وبيهه بس ما قبل ذاك الحيوان وجان مصر انو يسوي الي براسه..
..
رفع عينه وشافني صافنه بي ضل هو هم يباوع جنت منزله شعري على عيني
..
ثاني يوم الصبح طلعنه للبيت اني كعدت بالمقاعد الخلفيه مال السياره وهو ليكدام..

طول الطريق اهز برجليه وصاكه على سنوني..
كمت اكرهه شيء اسمه سياره ماكدر ابجي بسبب الم عيوني..

اختنكت كلش بقيت اتنفس بحس عالي وهو انتبهه الي بس ماحجه..وصلنه للبيت

قبل لا ندخل واحنه واكفين بالباب حجه بدون ميباوعلي : ديربالج تحتكين بام اسعد او تخلينهه تغثج وتسمعيهه كلام ترا بوقتهه غير مسؤل عن اي تشوهه يصير الج

ماحاجيته دخلنه للبيت وصدك اول ماطلعت بوجهي ام اسعد مخنزره ومتوشحه بالاسود..

تلكتني بصوت يلعلع : لا هلا ولا مرحبه ولك رهيببب شلون الك نفس تجيب اخت كتال ابن عمك للبيت ووتدوسهه العتببببه تريدني اتخبل تردينييي ادخل مستشفى المجانين من وراهه

باوع الهه بنظره برود
: لا تبالغين عمه اعتبريهه شبح وخلص بعدين انتو الي ردتو هذا الشيء؟ ليش معترضه

هزيت راسهه بتوعد وتباوعلي بحيف خوفتني نظراتهه مشى بسرعه  واني لحكته وين رايح مادري..

بنص الطريق وكف وندار عليه : شَكو

: ها
: رايح للحمام

: اا وين اروح اني

: اول ممر على ايدج اليمنى ذيج الغرفه
..
دخلت وبيدي الجنط غرفه اخشاب عاديه ومبينه قديمه يعني مال رهيب ممجددينهه بس نضيفه نفخه تراب ما عليهه

كعدت اسفط بالملابس وبطريقي بدلت ملابسي بثوب ربع ردن ووربعت
اسمع هوستهم بره بس اخاف اطلع..

ف بقيت كاعده وساكته بالغرفه هيج تقريبا صارت ٨ ونص  دخلت ام رهيب

حطت ايد على ايد وكالت : المسعده كاعده هنا

كمت وكفت على حيلي بخوف من نبرتهه

ام رهيب : اطلي نضفي مواعين العشى يلا

: بس اني ماتعشيت

: واذا ماتعشيتي معناها تكعدين وتسكتين تأمرين وتنهين ونجيبلج خدام لو شنو رأييج؟!اطلعييي يلا هسه صاعده للغرفه ارتاح انزل اذا لكيت ماعون واحد محد يخلصج مني..

خلت وراحت هسه شلون اطلع والله اخاف معناها اقابلهم واحد واحد ضل كلبي يدك بقوه مستحيل اطلع ماطلع.

بقيت كاعده وساكته بمكاني رهيب ماكو ولا اجه
تقريبا صارت ١٠ونص رجعت عليه دفرت الباب ودخلت تخصرت وصرخت: انيييي شكتلج

بلعت ريكي : ااا والله..

ماخلتني اكمل ركضت عليه جرتني من طرف ثوبي واخذتني سحلل تجر بيه وراهه وتتحلف ووتسب بيه: اني اعلمج بسيطه اله انومج بالمطبخ اليوم ...

شمرتني كدام السنك حتى دموعي ماكدر انزلهه نحرمت من ابسط شيء القهر مرد كلبي..

راحت ربعت وكعدت على ميز الطعام تشرب جاي وتباوعلي المواعين اذا ابقى الباجر اغسل ماخلصهن عبالك مال اسبوع كامل..

اضطريت  اغسلهن لان واكفه على راسي وكفه الشيطان بقيت اغسل ل ١٢ هي كمت جايهه وراحت نهد حيلي اكتافي حسيتهن نخلعن..

رهيب مر من يمي باوع ولا كأنو راح داخل للغرفه
بقالي الخواشيك ووالكلاصات حسيت راح اوكع من التعب من ١٠ ونص اني واكفه على نفس الوكفه..

صارت ب ١ خلصت كلشي واجيت اطلع جان تمد راسهه عليه من المحجر مال الطابق الثانيه وتباوعلي وتصيح : انتضري انتضري اوكفي بمكانج

ونزلت تركض وكف كبالي ووكالت: تبقين هنا اليوم العتبه ماتعبرينهه نامي بالمطبخ ووباجر الصبح ب٦ اكعد حضري الريوك للي راح يطلعون للشغل وعود بعدين روحي لغرفتج انطمي هناك عساج لا طلعتي
..
روح

هز راسه تنهدت : اريد اقسم حصتي من هذا البيت ووالبستان واكعد الوحدي حتى لو بصفكم عادي المهم اخذ حصتي واكعد لوحدي

قسور : واخليج تعيشين وحدج؟

روح : شكو بيهه

قسور : انسي هالموضوع ولا تفكرين بي حتى اذا يعجبج انطيج حصتج فلوس واخليهن الج بالبنك

روح : مافهمت شلون يعني

قسور : يعني اشتري حصتج وانطيج فلوس تخليهن بالبنك احسن

ضليت افكر بكلامه منطقي بس ماعجبني
: لا ماريد

قسور : ليش ترا مابوكج

رفعت طرف حاجبي: منو يكول ترا ماثف بيك

لزم السلاح ويفر بي بأيده : بعد كل الي سويته ومتثقين بيه؟

مددت رجليه وورفعت راسي للسما القمر واضح
ولونه ساطع حيل لا ارادياً ابتسمت من باوعت اله : والله يا استاذ اكو ناس عشره عمر اني وياهم وغدرو بيه مو بعد انت ماصار حتى سنه من عرفتك

قسور : منو ذوله

روح : صديقتي وهيج اكلك بلا شنو قبله شويه مشبعني كتل وهسه احجي وياك.

قسور: عادي تصير بأرقى العوائل

روح: لا صدك (سكتت ورجعت كملت) اكرهك

قسور: اتشرف

عدلت كعدتي ربعت ووقربت نفسي علي
: بالمناسبه طلعت كلش تشبه بابا

قسور : اي مو كتلج

ابتسمت : اجت فتره حسيتك صديق وفتره حسيتك اخ وفتره حسيتك اب بس هسه عدو

قسور : هههههه اني اصيرلج اي شيء تردي بس اتصرفي بعقل وعوفي الدغ

روح : حلوه حياه الحيه ها ماعندهه احد تخاف منه ولا تقلق علي بأختصار ماكو كلب يعني ببساطه كاعده وياك اسولف اليوم ممكن باجر تتلقى ضربه مني..

قسور : يعني جاي تكليلي لا تثق بيه

رفعت اكتافي : اي لا تثق لان اني ماعندي صاحب صديق

قسور : مجاي افتهمج

: احسن طفولتي الي عشتهه بسببكم خلتني اصير حقوده وانانيه خلقت مني الشخصيه السامه الحقيره الي تطلع بالافلام..

قسور : حتى بعد الي كتلج علي

: قبل متكلي على الي صار جان شخص واحد ممكن ينكسر كلبي علي واحبه وهو امي بس بعد السمعته صفرت قائمه الاحباب بكلبي..

وتعرف شنو معناه هالكلام يعني اني مستعده أذي اي شخص اذا زعجني..

: لا تصيرين تافهه وعوفهه هالمسلته هاي

روح : هههههه موصجك كله مني دافتحلك كلبي

قسور : هالكلام تنسينه يمي

روح : شنو قصدك؟

قسور : يعني روح راح تتغير راح تصير اسم على مسمى وتنتهى كل ذره حقد بداخلهه..

تنهدت بأنزعاج : واو على احلامك

سرحت بالسما : دتشوف القمر شكد حلوه وجهي جان هيج بس خربته انت قبل شويه اخ ركبتي بعدهه توجعني

قسور : ههههههههه حيوانه حتى الكتل ميفيد وياج

روح : هههههه على طاري القمر شخبار قمر

عقد حواجبه : شنو

روح : ههههههههه ذاك اليوم خبلتهه

تغيرت ملامحه بقلق : شسويتي

روح : لا تخاف ماكتلتهه ولا خنكتهه بس قشمرت عليهه

: شلون يعني

: هههههههه شلون تتذكر لمن..

وحجيتله كلشي

قسور : ههههههههه خرب عرضج شكد ادبسزز ولوتيه

روح : هههههههه خرب عرضك انت شكد تغلط

قسور : نجبي لج لا احد يسمعج احنه بالسطح ترا

: شنو يعني تغلط عليه وما غلط عليك

قسور : غير افلش راسج بالمسدس

روح : اوي عيني خوفتني

اشر بحواجبه لجوه : تتذكرين شصار بالغرفه

روح : ترا جنت نعسانه والله لو صاحيه جان ماخليتك تطخني طخه صغيره

قسور : ههه اي قشمري روحج

روح : المهم هسه انت تحبهه لو لا

قسور : شعليج انت ِ

روح : لا احجيلي بربك اني احب قصص الحوب والغورام اضحك عليهن

قسور : اول شيء عدلي كلامج ترا ببوكس اعدله الج ثاني شيء هاي خصوصيه ولتدخلين

روح : يعني متحبهه

قسور : وشلون استنتجتي هالمعلومه الخطيره

عدلت كعدتي : لو تحبهه جان كلت وماتهربت وجان سويت نفسك كدامي الفارس الي نازل من حصانه الابيض ورايح يركض على الاميره

جان صافن بيه واني احجي واحرك بأديه ويبتسم
كال : روح عمري كله ماحبيت وحده مثلج قمر مجرد زواج تقليدي قبل لا اشوفج دخلت لحياتي وتندمت ان ماشفتج من زمان كلشي بيج احبه ايجابياتج وسلبياتج احبهه احسج لوحه مرسومه بأدين اعضم فنان..

هزه كهربائيه صارت بجسمي  بحيث بقيت متمجده بمكاني ووحلكي مفتوح وهو صافن بيه
جان يكول بنفس الهدوء الي حاجاني بي قبل شويه

قسور : ترا جذب لتصدكين يمعوده

فور دمي ضربته بقوه على ايده وعطت
: تلعب بمشاعرييي انت شنو

وكمت على حيلي وجهي مايكصه السيف ولو ارجع علي اشمره من الستاره  نزلت لجوه البيت كله طافي اضاهر كهرباء ماكو فتحت باب الغرفه قمر نايمه على الجربايه..

وترديني انام على الكاع شنو؟ رحت اندهه بييههه وواحركهه : قمررر قمررر اكعدي

رفعت راسهه : ها ها شكو

: اسم الله الرحمن شبيج عبالك مخروعه

فركت عيونهه بنعاس : والله اجه يوكف كلبي من صياحج

: دكومي جيبي النه الايت طفت الكهرباء

: ليش تخافين من الضلمه

: ايي

هو بالعكس اني احب الضلمه وومستحيل انام اذا اكو ضوه بس ردت اكومهه وصدك كامت طلعت من الغرفه فورا احتليت الفراش وونمت هي رجعت نصدمت فرشت الهه فراش بالكاع ونامت
..
ثاني يوم جان حنه تقى  بنت عمي تفاجأت محد كلي اليووم اشوف كلهه مخبوصه والبنات كلهه رايحه للصالون بباقين بس الولد طلعت شفت قسور ويا اخو الياس كاعدين بالكاع يتريكون جان  لابس تراك اسود وورافع ردانه ومنزل راسه على الاكل..

وبيبي كاعده على التخم وبصفهه عمو دريد

خنزرت علي رفع راسه ووباوعلي وابتسم
عيبت علي بشفايفي جان يضحك رحت ذبيت نفسي على التخم بأنزعاج الحقيره قمر حتى ماكعدتني..

وعمتي هم ولا اجتني بسيطه عبالهن اني مثلهن ماعرف ولا طكه بالمكياج..

روح : شنو اليوم كلهن بالصالون

كالت بيبي : اي وكلت الهن كعدن روح واخذنهه وياجن بس ماقبلن وقمر كالت مستعجلين مانلحك نكعدهه..

باوعت على قسور نظره عليه عرفتهه اوف اني الج اذا ما اندمج بسيطه عبالهه العب وياي سهل..

روح : ههههه ماحتاج اني بيبي يروحن للصالون حتى يجملن نفسهن اني يخرب ملامحي المكياج لان ماحتاج ووبكل الحالات اني اعرف اسوي ف ماحتاج خبيره واني خبيره..

جان ياخذ ستكان الجاي وويرفع نفسه يكعد مقابيلي على التخم قسور : اذا تحبين اني اوصلج

: شكرا ترا اني جنت اشتغل بصالون واني ميكب ارتست فما احتاج اصلا لو باقيات اني امكيجهن احسن الهن اكسب بيهن اجر..

الياس :ههههههههه صالرلج ساعه مزقتيهن تمزق

روح : والله مثل مكتلك مقهوره عليهن لان ميعرفن يتصرفن

خليت وكمت لغرفتي ووطلعت  مكياجي وومكياج قمر ووربعت بالكاع ووبيدي مرايه..

شويه وسمعت صوته رفعت راسي شفته منتجي على الباب ومخلي ايده بجيوبه..

حاجيته واني اخلي الكريم على وجهي
: شكو تباوعلي هيج

: لا بس حبيت اطمن عليج

باوعتله بأستغراب : ليش شبيه

: تصرفج ب الهول جان يدل على ان انت راح تنفجرين ف كلت اجي أطمن على صحتج واحوالج

: متضحك حاول مره ثانيه

: ماكتلج نكته

: قسور ليش تتحارش كوه ترا والله ماطايقه نفسي

دخل للغرفه ووكعد على الجربايه كدامي
: انت الي خليتي الكل يكرهج بأيدج سودتي صفحتج

: هسه انت ماعندك سالفه غيري  عوفني واطلع

: انتِ امانه

رفعت عيني علي ورجعت نزلتهه
..
شويه وطلع بقيت اني اتمكيج حرت شسوي بنفسي ماثكلت مكياج العيون خليته هادئ ويجذب ووطوخت الحمره بلون احمر ومو مات بيهه لمعه بسيطه ووشعري مجرد كويته اني سامعه انو الي تكوي شعرهه يطول شويه بس اني يبقى قصير لحد نهايه ركبتي..

لون اطرافه الرمادي بده يختفي شويه ويتحول ابيض بس عادي ناويه اغيره اني اصلا..

كملت كلشي ووكمت لبست الفستان جان لونه احمر احمر قصير شويه يعبر ركبتي نفس الي لابسته نانسي بأغنيه ماتجي هنا اصلا اني شفته عليهه عجبني وخليت صديقه ماما تخيطلي نفسه..

بقيت كاعده بالغرفه اعدل بشعري واباوع لنفسي بالمرايه وابتسم نفتح الباب ودخلت قمر باوعتلي ونصدمت عدلت اطراف شعري بطرف اصبعي: شبيج مصدومه حبي

قمر : ااا شوكت كعدتي منو مكيجج ليا صالون رحتي؟

روح : بطرانه انت هههههه ياصالون حبي اني مكيجت نفسي

ضليت تباوعلي بتفاجئ مكياجهه جان بسيط كلش حتى الحمره خفيفه عبالك بناتي ورافعه شعرهه..

كلت الهه بسخريه : شكد قديمه انت منو ضل هسه يرفع شعره

: شسمه مو هي كالت الي يلوك الج

: مطلعج فزاعه ههههههه

كلت هيج واتخطيتهه وطلعت لبره الجو مخبوص ووهوسه ياهي الي تصير بوجهي تنصدم

لزمتني عمتي هدى : كالت ولج هاي شمصخمه

: شنو عمه

: شهالبس صدك تحجين باعي بنات عمج كلهن فساتين طوال مستره انت منو كلج تلبسين هيج

: ليش احنه شعدنه غير حنه بنات يعني اتصلخ اتشلح منو يشوفني

صرخت بيه : روووووح الشباب كلهه بره واكو شباك على الهول

روح : والله عمه هذا لبسي اني وماراح اغيره

عفتهه ورحت الحنه جانت فاهيهه ومابيهه روح كلهن يهوسن ولا وحده بيهن ركصت ركص بي خير حتى الديجي مامشغلينه بس يگولن..

رحت على تقى : عفيه شنو هاي حنه لو عزه شو ولا وحده تركص كلهن كاعدات

تقى : اركصي انتِ

: اركص لعيونج ادللي حياتي ههههه

تقى : هاي من كل كلبج لو مجامله

: هههه والله كلش احبج اني.

قمر جانت مخليه رجل على. رجل وكاعده تاكل عصير وكيك طلعت موبايلي وشكلت بالديجي ووفتحت اغاني ساجده ركضت على قمر اخذت الشال من ركبتهه ووشديته على خصري جانن هواي اكو عجايز ومن ضمنهن بيبي كامن يصفكن ويشجعني..

ضليت اركص كم رقصه متعلمتهه من راقصه اباوع الهه عاليوتيوب ووجنت ضابطتهن اصلا اني احب الرقص وابدع بي..

تعبت كلش بالاخير حجيت واني الهث
: شنو ماكو وحده تركص ببدالي شبيكم مو بنات انتو

حجت بيبي
: والله ماكو وحده تركص مثلج ذني انطيهن ثريد يبدعن بي

:  هههههههههه فدوه لكلبج بيبي عادي اني اكل ثريد واركص هو شيراد اله الدللع

ورحت كعدت بصف بيبي  شويه وواجت عمتي هدى دنكت عليه وشاورتني : قسَور يريدج.. يتبع

🌚😂😂

من شوشو
🖤🖤🖤🖤🖤
ايزابيل