رواية لم اخلق لرجل سواك الفصل الرابع والعشرون 24 - بقلم ايزابيل

#بقلم إيـزابيـل
#الجزء التاسع عشر
#لم اخلق لرجل سواك

بنات فدوه لتكولون البارت قصير اكتب الي اكدر علي يعني شسوي كل الف كلمه تاخذ مني ساعه ونص وواني كل بارت لو ٢٥٠٠ لو ٣٣٠٠ مينزل عن هذا العدد

اني هذا الي اكدر علي يعجبكم اهلا واسهلا ميعجبكم هم أهلا واسهلا
..
روح

دنكت عليه عمه هدى وهمست
: روح قسور يريدج

رفعت عليهه عيني بأستغراب : شنووو شيريد؟

هدى : ماعرف واكف بالمطبخ روحي شوفي شيريد اني متأكده شافج وانت تركصين وبهذا لبسج

: ها شنو وين شافني

: مو دخل يشرب مي بالمطبخ وواكص ايدي اذا ما لمحج

هزيت ايدي بسخريه : وخايفه اني مثلا شمسويه قابل! غير حنه حالي حال غيري

هدى : محد مثلج متشلحه هيج ومخليه مكياج هاي قمر الي على باب خطوبه وهم اكبر منج مكياجهه بناتي..

روح : اوي هسه شنو حتحاسبوني على غلط ما سويته

هدى : دروحي روحي انت ماتعرفين مصلحتج

كمت على حيلي وانزل بفستاني الاحمر جانت اديه كلهه طالعه وورجليه  وودلع مشيت جان تجرني من زندي وترجعني ليوره وتأشر على طولي بأصبعهه
: هيج راح تروحيله!

ضليت صافنه بوجهه نزعت البشت الي جانت لابسته اسود واردانه تول ومفتوح من النص

: من توصلين يمه كضي من جوه حتى ماتطلع رجليج

ابتسمت بسخريه ووتمشيت واني اعدل شعري  جنت امشي بهدوء رغم متعوده على الكعب
وما اوجهه بي اي مشكله بس متقصده اجر بنفسي جر اريد اشلع كلبه..

وصلت اليمه المطبخ هوووووسه ووبس نسوان كبار ووالبنات كم وحده يشيلن بالكيك ووالببسي ووكلهن شالات على راسهن ووفساتينهن طوال ومستورات..

شفته واكف على الحايط وماعرف شنو البيده منزل راسه علي من سمع خطوات حذائي رفعه..

عيونه مخنزره عليه ووشكله ابد مو مال واحد اعصابه هادئه وصلت ليمه كتفت اديه
: هاي شبيك ونسه ووركص وهلاهل ووبعدك عصبي ومتتحاجه شوكت تفكهه..

لزمني من زندي ردان البشت جان بيهه خرز ناعم من ضغط بقوه على ايدي وجعتني..

حاولت اطلع نفسي من مقبضه جريت بعصبيه
: شكوو شكوو

قسور : وتسألين شكو حيوانه انتِ؟! ترا مو  العروس حتى تصبغين ووجهج هلكد وتكطعين روحج.. وتركصين بكل حيل

روح : ولنفرض سويت كل هذا وين المشكله! اني مطالعه بره بهذا مكياجي ولا راكصه بالشارع حنه بنات وعادي..

قسور : واذا بنات ليش هلكد مستهانه بالموضوع صعبه عليهن يصورنج مثلا؟ وتروح تشوفجج الابوهه الاخوهه الزوجهه انت متعرفين مجتمعنه  عدل ولا مختلطه وبعدين ماتاخفين على روحج ماتشوفين شلون اكلنج اكل بعيونهن وانتِ ذابه ميانه وفطاريه فول..

روح : وليش تحاسبني اني بس ماشفت البقيه ؟ ركضت عيونك عليه بس!

صفن بيه ونظراته متركزه على مخارج الحروف من شفايفي نفخ بضيق..

قسور : انت ِ تختلفين لا تقارنين لو غيري داخل هنا وشايفج بهل منظر متتصورين شسوي..

روح : وانت هم حالك حالهم حرام تشوفني بهالبس جان المفروض منك تصد نظرك مو الغلطان وجاي تحاسب

مسح وجهه : انتِ ماباوعتي لروحج بالمرايه!

غمضت عيوني بغرور ووعدلت اطراف شعري
: الحمدلله باوعت وعاجبتني نفسي

لزم ايدي الي على شعري وونزلهه بقوه
: واني خايف عليج هذني الي هنا بالمكان عبالج اذا باوعنلج يكولن ما شاء الله وبسم الله لا يركعنج بعين ينومنج بالفراش..

كمل  : تروحين تاخذين ملابس من البنات وتلبسين ولا تتقربين على هدومج لان كلهن الله من فوك مايرضى بيهن وعلى فديوم تطك عندي انفطهن واحركهن..

اجيت احجي جان تقاطعنه مره جبيره من ذني الي واكفات تضحك خليت ايدهه على كتفي

وكالت : صارلي ساعه اسمع كلامكم وميته من الضحك ترا حقه الولد حارك روحه قابل هيج غير يغار عليج ووصح هنا بسرعه يضربن عين ووانتِ واحد حتى يستحي يباوع عليج بنيتي اسمعي كلامه ولا تشلعين كبله ورثتي تورث..

باوعت القسور يأشرلي براسه بمعنى اسمعي كلامهه قلصت عيوني بعناد

كالت القسور : ماشاء الله تخبلون هي هاي الي موكفينهه الك؟ بنت عمك

نصدمت هاي متعرفني ولا تعرف قمر  لعد منين؟

قسور : اا لا هاي بنت عمي احمد المرحوم ذيج بنت عمي حسين قمر.

رفعت حواجبهه الاثنين : يا هاي بنت احمد صلاوات بس شبيك يحضي عايفهه ليا اغم..

باوعت عليهه وضحكت : ههههههه لا بيبي قسور مثل اخوي

جان يباوع عليه بطرف عينه : لا ماعايفهه

: اي عفيه قسور الشرع حلل اربعه

وجان تلزمه من ياخه  قميصه الابيض ووتجره ماعرف ششاورته ووهو خرب ضحك ووجهه صار احمر..

عافتنه وراحت وهو بعده يضحك كتله
: شنو كالتلك

: معليج

: كلييي

: اششش ولي يله

: وروح بابا ماتحرك اذا ماتحجي تضحكون عليه مو؟

: تردين اكلج

: اي طبعا

لزمني من زندي ووجرني علي قربني بحيث مابينه غير اصبع وواحد دنك على اذني ووهمس
: كالت هاي بس عطرهه يرد الروح ذيج الشغله شلون

تخبلت وماكدرت اسكت دفعته عني ووضربته على كتفه : عزا عزا عزا بعينك شكد ادبسزززز

راد يحجي درت عنه وورحت صارت بوجهي قمر مغندبه وومنتجيه على باب المطبخ طلعت اركض ووصدري يصعد ووينزل بسرعه صخام بوجهه على هالعمله شلون يحاجيني هيج..
ضليت ابلع بريكي فتحت باب غرفتي وونزعت البشت كعدت على الجربايه..

صحيح اني سامعه كلام اسوء من هذا على لسان مؤمل بس قسور خجلني حيل ووستحيت حتى اباوع بعيونه مادري شلون طلعت رده الفعل هاي ووضربته على كتفه
..
لحكتني عمتي هدى :شسويتي ولج

وكفت على حيلي : شكوو

هدى : شو قمر تبجي وامهه كاضتهه تسكت بيهه اسمعههه تكلهه قسور مايحبني وومبين من عيونه يموت على روح تكول شقه ووضحك هي ويا ووماعرف شنو يكلهه تتقرب علي عوزهه توكع بحضنه تكول وشافني ولا جنه خله ووطلع

روح : واني شعليه ذاك خطيبهه المستقبلي وتروح تكله ليش متشاقيني وتضحكني تريد حتى ابن عمي تحرمني منه شنو..

هدى : ام لسان الدلاله احجي عدل لا اكسر راسج بعدج اول ايامج ولعبتي لعب..

روح : شبيييج عمه شبييج مصدكه انت يعني وبعدين شدعوه هلكد مكطعه روحهه قمر خاطبين مخلي حلقه بأيدهه عاقدين حتى هلكد تغار..

جوز قسور ميحبهه صدك؟ ووشكو بيهه اذا حبني احسن مني قمر قابل وحتى احتمال باجر عكبه تصير قسمتنه ووقمر خلي تروح تدور على اليي يوالمهه ولتذب نفسهه ذب..

حجيت هيج متقصده لان ادري بيهه واكفه ورا باب الغرفه حقيره تريد تشعلهه بيني وبين عمتي لان تدري بس هي الزينه وياي بهل بيت..
بعدني اباوع على الباب واضحك بشماته جان تجيبني براشدي صوفرت اذني..

بقيت مصدومه دخلت قمر  هي وامهه وحتى ام قسور

قمر : روح اني اعتبرتج اخت وحبيتج ليش هيج تسوين ليش تكرهيني بيج غصب.

خننزرت عليهه : اطلعي بره

ام قمر : ولج بت بشرى الك*** ترا احش رجليج حش اذا وزيتي قسور على قمر اني ادري بيج متعلمه من امج تموتن على الغدر والخيانه....

على الاقل قمر ادب واخلاق وشهاده تناسب ابنه
اله انتِ شنو وحده ادبسززز حافيه منتفه تاريخج اسود من تاريخ امج شيعجبه بيج مثلا!

بس اذا انت عارضه روحج ف اكيد الرايح والجاي يباوع عليج مانعذره حقه خلي يومين تلاثه يلعب عليج ومرجعه الام الخلاق والادب الشريفه الي ماشيفتهه عين غير عينه..

بقيت مصدومه توقعت ماراح اسكت الهن وراح اخليهن يعضن اصابيعهن ندم على هل اتهامات هاي بس ماكدرت الهه مخلياتني بنصهن ويقذفن بيه وام قمر ملختني من شعري...

روح : ااااخ شعرري

ماعافتني تجر بشعري وتحجي بحركه دموعي رئساً نزلت اذا هي امهه واكفه ووياها اني منو وياي
لا ام ينشد بيهه الضهر لا اب اذب حملي علي..

ماجنت ابجي من وجع الضربات لا من قهري اني وحدي وتوالن عليه ووكعت بالكاع وودنكن عليه ام قسور وام قمر وحده تصيح بوجهي والثانيه لازمتني من وجهي وتجعص بي

ليش اضعف هسه اذا اني جبت عمري كله وحدي شكو انهزل واخمد ووانقهر؟

ضميت ووجهي عمتى هدى تهدي بيهن ووقمر راحت سدت الباب حتى محد يسمع فستاني نرفع لرجليه افخاذي طلعت نزعت الكعب من رجليه..
ووصرخت : ولللللج يممممه اااخ قسورررررر قسوررررر..

اصيح بعالي صوتي اني ادي هسه همه كلهم داخلين يباركون للعروس عمامي وولد عمي ولهذا قمر سدت الباب حتى محد يسمع..

اعيط ووهنه يصمن بحلكي ام قمر خلت ايدهه على حلكي ووثاني رفعتني من شعري عضيت كف ايدهه وخرت..

رجعت صرخت وودفعتهن طبت عمتى هدى بالنص : ولجن كافي عوفنهه خزتنه..

ورفعتني من ادي دفعتهه
: عوفينييي انت الجبتيهن وانت الخليتيهن يكتلني..

نفتح باب الغرفه واسم قسور يحجي وي قمر وهي تكله ماكو شيء شعري بعده متخربط ووجهي متزلخ وطبع الراشدي..

دنكت على البشت لبسته ووزركت من بيناتهن هنه تخبلن دفعت قمر بكل حقد بحيث خلعت كتفهه

وفتحت الباب شافني ووانصدم بس كال شبيج اني بجيت ماكدرت اسيطر على نفسي الهول متروس عمامي وولد عمي واني اشهك..

لزمني وطلعني بره الغرفه

قسور : احجي منو وياااج

روح : والله ماجاي اجذب وانت شفت حالي

قسور : مصدكج بس احجي

روح : امك وام قمر ووعمتي هدى ووقمر  دخلن عليه للغرفه ووضربني يكولن تردين تاخذين قسور من قمر ومثل امج ماعندج كل شرف..

انصقع بحيث جان لازمني بأدي الاثنين دمارته بينت حمرر وعبالك راح يطكن..

دفعني من كدامه وودفر الباب عليهن ودخل اسمعه يصيح وويشيل بروحه ويركعهه بالكاع..

قسور : ستالاااااف مرررره محذرررركم رووووح اليتقرب الهه احسب الله ماخلللللقه اني علي على شنووو طردته من البيت...

عمه انت الجبيره الفاهمه وصيتج بيهه وكتلج بنت اخوج المرحوم باوعيلهه مثل بنتج..

وانت يمه هيج اني زعطوط وماعرف اتصرف؟ ورايحه انت تدورين وراي انيييي لو اريدد من باجر اتزوجهه ومحد يوكف بوجهي لا قمر ولا الاكبر من قمر وهي وحيده وماعندهه احد وماناقصهه شيء

وانت تدرين كلش زين اخلاقي شنو بنات الملاهي ماسوي وياهن هيج نوب بنت عمي؟

قمر : قسور..

قسور : اششش ولا حرف وكتاب الله لو عندي سلطه عليج جان شوفتج الضلم والضرب شلون يصير

ضل هواي يحجي وياهن واني بيبي صاحتني هي كاعده على التخم تمشيت ورحت كعدت بصفهه ولد عمي وعمامي يباوعولي بصدمه..

وعمي حسين عبالك فشلان من بنته وومرته
راح ليم قسور واسمعه يكوله
: قمر مثل مرتك ووالك كامل الحق بمحاسبتهه سوي الي يعجبك

قسور : لا مو مرتييي ولا اتشرررف بهيج زعطوطه وتافهه عمي خاف تزعل عليه بس الي جنت متوقعه شي والشفته شيء

حسين : عوفهن واطلع انت هسه عصبي وماتعرف شتحجي بعدين نتحاسب واني ماراح اعديهه الهن صح اني ما احبهه هاي البنيه لا هي ولا امهه بس لو عدوي ماضربه هيج..

موقفه جان حيل جبير بعيني عبالك داشوف بابا يدافعلي الاب الي ميرضى احد يطخ بنته ويتأذه اذا هي تتأذه
طلع وباوعلي مدلي ايده بمعنى تعاي استغربت بلعت ريكي بقلق خليت وكمت ويا لزمني ووجرني خلفه 

ماعرف وين رايح وماخذني  بس طلعنه لبره
وفتحت باب البيت جاي امشي ويا ومنزله راسي اباوع على البشت لان طويل خايفه يصير جوه رجلي واعثر..

ووكف استغربت رفعت راسي وونصدمت بالمنظر
..
جمانه

قررت ووصممت ابدي حياتي من جديد انسى ماضي اسمه اسعد كل شيء مر بحياتي قبل ان كان سيء او جيد ف انساه وافتح صفه بنقاء كلبي..

جربت الزواج وجربت انو اعاشر رجال وومافلحت بالموضوع مادري اذا الغلط مني او الغلط منهم كلهم هو واهله..

بس مبدئياً محيت شيء اسمه زواج من بالي اعيش الابني والنفسي والاهلي..

رحت البنين ثاني يوم كلت الهه هاهيه قنعت اهلي بس بعد دبريلي الموضوع من يمج كالت بعيوني خلص اعتبري تم بس اداوم اكلهم شوكت تجي علمود المقابله يحددولج يوم وتروح...

اذا شافج كدهه اعتبري نفسج توضفتي بس اذا رجفتي وخفتي ووخالفتي احلمي ب الوضيفه بعد

جمانه : شنو هالقوانين الصادمه

: ايي هاي من صاحب الشركه هو يجي كل شهر يشرف على كل الموضفين الجدد وويشوف كفائاتهم ولو شاف عندهم غلطه بنقطه وحده بس يفصلهم..

وهذا الشيء ماشي من الطباخ للحارس للموضف للسكرتير للعاملين وحتى المدير الي مخلي..

بلعت ريكي هاي شبيهه شو خوفتني رجعت. لبيتنه وراسمه ببالي هواي أهداف وطموحات..
..
ورا يومين بليل راسلتني بنين وكالتي حضري روحج باجر ب ٧ اجي اخذج وياي..

جمانه : شنو تاخذيني وياج وين

: للشركه غير

: صدك يعني دبرتي المقابله
: ايي قابل تصعب عليه

: فرحتيني منو راح ياخذنه

: اني اخوي هو يوصلني

: اخاف اهلي ميقبلون اروح

: شسالفه

: باعي للأحسن اخلي بابا لو احمد يوصلني يعني انت اطلعي قبلي واني وراج

: ماشي براحتج بس مو تتأخرين
...
من الحماس ماكدرت انام كمت بشرت اهلي وفرحولي وبابا فرحان لفرحي َ.. وصعدت الاحمد الغرفته كتله باجر تاخذني للدوام كال بعيني

حضرت ملابسي تنوره بينصل ووقميص ورتبت شال وجنطه وحذاء نفس الون وودخلت سبحت

صارت ب٥ الفجر واني بعدني كاعده كلت خاف انام ووتروح عليه بقيت كاعده على موبايلي اشوف فيلم..

رغم نعست بس قاومت صارت ب ٧ اله ربع كمت بدلت ووخليت مكياج خفيف وخابرت على احمد خطيه نعسان كوه جاوبني ماردت اصعد ادك باب غرفته خاف اكعد مرته وجهاله..

هو مردني كال عشر دقايق وواني جوه سويلي ريوك

: مو تدلل احلى بيض عيون الك

: هاي عود مداريتني

:ههههههه اي لعد شعبالك

نزلت حضرت اله الريوك وهو اجه اكل على الواكف كال خاف تتأخرين ووطلعنه..
..
صعدت ب الصدر متوتره واهز برجليه وارجف على شنو مادري الف مره خابرتني بنين وينج ووينج واحمد يهدي بيه..

قبل ماطلع هواي صليت وودعيت مرينه من يم بيت روح حيل مشتاقه الهه صار فتره زينه محاجيه وياها اخر مره حجيت وياها جانت حيل متغيره وضايجه ماعرف شبيهه قلقتني..

اخاف امهه مسويه الهه شيء لو رجل امهه؟ جوز ابن عمهه عرف بعلاقتهه بمؤمل واذاهه..

بس هي حتى ماحجتلي ولا نطقت بحرف..

اتذكر كالت ب البصره ولحد هسه مستغربه شتسوي هناك؟ يمكن اهله ابوهه بالبصره!
..
وصلنه للشركه دخل وياي احمد جبيره حيلللل
وبيهه تقريبا ٥ طوابق بنايتهه بناء حديث مبينه جديد اي كالت بنين هي فرع جديد..

لزمت جنطتي بقوه وتوتر خابرت على بنين كالت يلا نازلتلج شويه ونزلت فرحانه ووتمشى تجاهنهه بسرعه عبالك تريد تركض..

كالت الاحمد روح وعوفهه يمي من نخلص احنه نخابرك  راح احمد بعد ماكالي ب التوفيق..

دخلنه اني ووبنين لمكتب المدير مكتب جبير حيل بي اطلاله زجاج على الشارع مشفت شيء منه جان مدنك راسه..

بنين : احم السلام عليكم استاذ

رفع راسه رجال جبير يطلع بعمر بابا
: وعليكم السلام اهلا بنتي

: اا استتاذ هاي البنيه الكتلك عليهه اجت تقدم على مكان السكرتيره الشاغر..

رفع حواجبه الاثنين : انت

هزيت راسي

جان يضحك : صغيره بنتي شتسوين ب الشغل

: ااا اني احب اشتغل

ابتسم وورجع ضهره للكرسي  : واني احب المثابرين

اشر على الكرسي : تفضلي

رحت كعدت ووبنين مقابيلي

: اي شنو مؤهلاتج

جنت مخليه بملف شهاداتي ووعمري وباقي الشغلات

هو اخذه ووضل يكلب بي وضل يسألني هواي اسأله جنسيتي جنت بعد مامعدلتهه يعني بعد مكتوب متزوجه..

: اها متزوجه آنتِ عندج اطفال

: لا ارمله اي عندي طفل واحد

: الله يخلي الج

ابتسمت بوجهه

: شتشربون

بنين : شكرا استاذ جمانه اجت تركض على الشغل وتريد تعرف اذا نقبلت لو لا ههههه

جان يباوعلي وويتنهد
: والله يا جمانه تمنيت يكون الج فرصه عمل بهالشركه بس اعذريني انت مامقبوله.. يتبع
🖤🖤🖤🖤🖤
ايزابيل