رواية لم اخلق لرجل سواك الفصل الثاني والعشرون 22 - بقلم ايزابيل

#بقلم إيـزابيـل
#الجزء السابع عشر
#لم اخلق لرجل سواك
..
لن اشرح لك بعد الآن شيئاً مما بداخلي، لن ترى وضوحي ولا رغباتي ولا مشاعري، لن أخبرك مطلقاً عما يخصني، فقد تعبت من المحاولة فِـي جعلك تشعر بكل هذا🖤.
..
فاديه

من عرفت راح اتزوج انتفضت انقهرت وصديت بس كل محاولاتي فاشله لان مبدئياً يعتبروني اني المذنبه وكل الي صار بسببي ووبوقتهه اخوي سلمان صاح بوجهي صيحه وحده وكال مممنوع الرفض احمدي ربج لكيتي واحد يتزوجج...

مشاعري احتارت بوقتهه اكرهه لو انقهر من كلامه بس هاهيه وافقت مدام همه هيج يردون وبودهم يخلصون مني بعد شكو معارضه..

بلكي يطلع حض براسه ولو ادري اذا رحت الهم مراح اسلم وخاصا من ام اسعد بس افكر ب الموضوع لا ارادياً ارجف وودموعي توكع وجسمي يهتز

قبل العقد بيوم حفتلي حواجبي ووشواربي اختي رهف وحضرت جنطتي ووباقي شغلاتي..
وبليل اني كاعده على الجربايه امشط بشعري ووابجي..

نفنح الباب ودخل همام مسحت وجهي بسرعه.
اجه كعد بصفي تنهد وكال : شلونج فاديه

خزرته :والك عين تسأل شلوني؟ شلوني من بعد ما ذبيتونيي هيييج ذبه! شتتصور يعني اكعد ادك واركص

همام :كلشي صار المصلحتج ومصلحتنه ومصلحتهم اذا ماتزوجتي وتوقف الثار باجر راح اموت اني ووعكبهه اخوج سلمان ووراهه البقيه لحد ما نخلص واحد واحد ويمتد الدم الاولاد اولادنه..

تدرين كلش زين انت عزيزه عليه وقطعه من روحي وماكدر افرط بيج وصدكي ماراح اعوفج وراح ابقى وياج اي شي يصيرلج اتصال صغير احرك بيتهم فوك راسهم..

برطمت ونزلت راسي جرني ووحضني بقوه ووباس فروه راسي ووربت على كتفي خله وطلع
..
مانمت للصبح حتى كعدت عيوني شاحبه وغائره وعبالك صاير تصحر بوجهي كوه كدرت اغسله..

للعصر كالو راح يجون حتى تعقدون لبست فستان ابيض ووعلي حزام رفيع اسود طويل وكلوش ووشال بيجي وحتى مكياج

ماخليت..عبالك ماخذيني للاعدام عقدنه ومن خلال كلام الشيخ عرفت اسمه رهيب هالاسم سامعته بس مادري وين  بعدهه رحت للمطبخ بس ابجي ووارجف ورهف تهدي بيه واني مجلبه بيهه..

فاديه : ماريد اروح رهف فدوه والله ماتحمل

رهف : دكولي يالله انت صرتي منهم وبيهم بعد وزوجه ابنهم شنكدر نسوي يعني..

دفعتهه بقهر وورحت اشرب مي ودموعي توكع ب الكلاص نفتح باب المطبخ وودخل ولد صغير كال يلا منتضرينج بره..

باوعت الهن بنظره اخيره ووطلعت اقدم رجل واخر ثانيه شمس عاليه ووتصكع براسي..

شفت ابو اسعد واكف اني اعرفه لان مره شفته وي اسعد وويا بعد ناس هوايه وواحد منطي ضهره للسياره ومنتجي عليهه ومنزل راسه للكاع ماشفته.

واخواني هم واكفين اباوع الهم بحسره ووبداخلي صرخه اذا تطلع تهدم الكون فوك روسهم مهضومه ومتكسره روحي..

لزمني همام من ايدي وومشاني للسياره الي منتجي عليهه من حس بينه جايين رفع راسه..

من شفته احس سهم ونزرع بنص كلبي رجليه بادن ونفسي يصعد وينزل هذا نفسه جان جاي وي اسعد بيوم خطفوني وهو يسوق ووصديق اسعد كاعد ليكدام واني واسعد ليوره بالكشن الخلفي..

اريد اتحرك ماكدر تصلبت بمكاني ودموعي نهالت
ووابجي وواشهك همام انصقع لزمني  لان ردت اوكع ويكلي : شبيج فاديه شكو.

اتنفس بصعوبه وواشهك ب البجي اجت هاي المره الي جايه وياهم ام رهيب يمكن سحبتني من ايد همام بقسوه ووتخنزر عليه جرتني وراهه فتحت باب السياره الخلفي وكعدتني وطلعت بطل مي وترش عليه وهمه متجمعين فوك راسي..

همام : بيج شيء نروح مستشفى

كلت بصعوبه : لا مابيه شيء صرت احسن

بمجرد ماشفته اني صارت الدنيا سوده بعيني شلون راح اكمل ويا ياربي احس كلبي راح يوكف..

سديت الباب وام رهيب راحت كعدت ليكدام ووهو اجه ركب ب الصدر باوعلي بمرايه السياره
زحفت من النص وولطشت روحي ب الباب ومنزله راسي وواهز برجليه
..
وصلنه للفندق الي نصدمت من وكفنه ببابه ماجنت اعرف راح نجي لهنا نزلنه من السياره..
وهو مشى كدامنه ام رهيب لازمتني من طرف فستاني وتسحل بيه وتتذمر
: امشي ولج ادري جوه رجليج بيض..

سكتت عنهه اخذ مفتاح الغرفه وووصعدنه ب المصدع للطابق الثاني فتح باب الغرفه وورجع ليوره باوعتله وبلعت ريكي ملامحه خاليه من اي تعبير عجزت اعرف احساسه..

دخلنه اني وامه وهو بثانيه اختفه من راح طرحت نفس هسه يلا كدرت اتنفس.. ٤

باوعتلي ورفعت اديهه بتهديد: ديربالج تسوويلج لعبه صيري حبابه وواسمعي الكلام ترا اطلع عيونج بيدي..

بلعت ريكي :شنو لعبه شنو قصدج

: ها ما افتهمتي خطيه مثل مساعه من ماعت روحج ادري هاي وحده من سوالفج القذره شوف شنو الغايه منهه بس سكتت لان اخوانج وواكفين هسه صرتي يمنه محد يمنعني عنج ترا..

فاديه: بعدني بسم الله حتى بيتكم ما داخلتله وانت كعدتي تتهمين بيه الله اليستر من باجر شراح تسوين بيه

: اذا ماكعدتي حبابه اي شيء يخطر ببالج اني اسوي

خزرتهه وودنكت راسي لبسته عباتهه وطلعت رحت كعدت على الجربايه وورفعت رجليه وراسي
بحضني وودموعي توكع..

حبيت وريتني ماحبيت كل الي صار بيه بسببك يا اسعد الله لا يرحمك يانذل..

كل الي ردته اعيش بسعاده بعيد عنه بعد ماشفت افعاله وومن نخطبت ماخله شيء ماسوى حتى افسخ ووتقبلت الامر الواقع وكعدت وسكتت بس هو كلب ونذل ماعافني لحد ما كسرني هل كسره
..
نفتح الباب وواني بعدني على كعدتي مربعه على الجربايه دخل رهيب عبالك روحي نسحبت مني
اجه ذاك اليوم كله براسي..

كمت اردد بداخلي يارب مايسويلي شيء والله انذر نذر دخيلك ياربي ابعده عني...

باوعلي بطرف عينه ضميت اديه بحضني وافرك بيهن فتح الجنط ووطلع بجامه ووقميص وودخل للحمام..

غمضت عيوني براحه الساعات الي يكون بيهه بعيد عني لا ارادياً حالتي تنتضم بس من المحه بس لمحه اعضائي ترجف من الخوف..

ام رهيب خلت جنطتي ب الكنتور كلت اكوم اطلع ملابس قبل لا يجي ووابدل الفستان وانام بسرعه واحاول ماكعد لثاني يوم..

نزعت الشال وفتحت شعري تقربت يم المرايه..
اني سمره ووعيوني صغار خشمي طويل ووضعيف
شفايفي مقلوبه ..

شعري اسود عمري كله ماصبغته ولا مفكره اصبغه جسمي اكثر شيء تعبت علي بحياتي من الثانويه لحد ما خلصت الكليه اني العب رياضه واكل صحي لحد ما وصلت للقوام الي اريده خصر صغير وورك عريض..

ووبطني شكد جنت اتمنى يصير عندي بيهه سكس باك بس ماصار اقسى ماوصلت اله انو الكرش ماكو وبطني مشدوده..

شكلي من الاولويات عندي اتخبل اذا اشوف خصلايه وحده من شعري متقصفه لو بشرتي خربانه..

من خلصت كليه اداره واقتصاد  صار اكثر وقتي فراغ ف جنت حيل معتنيه بنفسي وشكلي..

رحت للكنتور فتحت الباب وودنكت افتح ب الجنطه سمعت صوته وراي..

شهكت ونداريت شفته واكف خلفي بسرعه تراجعت ليوره ردت اوكع ب الكنتور..

خله ايده بجيوب بجامته وكال
: اريد احجي وياج كلمتين

قشعر جسمي من صوته ووالعبره ووصلت لبلعومي عيوني دمعت : عليك الله ابتعد ماريد اشوفك راح اموت ماجاي اتنفس وخر عني..

عبالك جاي احجي وي الحايط ماهتم وتقرب عليه اكثر : باعي اني هم ماميت على الكلام وياج بس اريد اوضحلج نقطه..

لزمت حافه الكنتور من الخلف وابعد بنفسي جان يلزمني من ايدي وويجرني علي.. بنفس الثانيه الي جرني بيهه اني وكعت للكاع وبعد ماحسيت بشيء
..
روح

شفته نازل من الدرج صح للحضه خفت من غضبه عليه بس ولا كأني شايفه درت ضهري ووردت انزل جان يصيح عليه : اوكفي

لتفتت علي طفى الجكاره بأيده ووذبهه جان اكو حاويه صغيره ع درج مال زبل.

روح : شتريد اريد اروح انام 

قسور : لتصيرين ثوله لان هذا مو ثوبج

رفعت طرف حاجبي
روح : عادي ترا مخايفه منك كل الي سويته جذب ولعبه مني

ابتسم بسخريه : شما اسويلج تبقين النسخه المصغره من امج ماتتغيرين..

روح : لتقارني بأحد رجاءً كل الي سويته من حركه كلبي ابوه هاني وذلني وواتجاوز عليه كدام اليسوه والمايسوه شتريد اعبرهه اله لو اسكت ووواكعد ابجي بيني وبين نفسي ومن اخلص اكوم امسح دموعي وانسى؟؟!

لا اني مو هيج ولا رراح اكون هيج الي يدوسلي على طرف يأذي نفسه ميأذيني لان اني ماعندي شيء اخسره واسوي اي شي ممكن يريحني.

قسور : ها واذيه العالم تريحج

كتفت اديه : الي يأذويني اتلذذ بعذابهم

سمعت صوت من الغرفه درت وجهي وردت انزل اجه ليمي سحبني من ايدي ووسحلني ويا..

: عوفني احسلك ترا بعد صرت تعرف منو روح ف لازم تحسب حساب لكل خبالاتي

:دنجبي ادبسزز

فتح باب غرفته الي جانت قريبه علينه وودفعني رفعت اصبعي بوجهه :والله ماكو غيرك الادبسزز جنت احترمك واحبك بس..

قاطعني وهو يهجم عليه بعصبيه وويلزمني من فكي جعص اخدودي احس اصابيعه نخرت وجهي
: تنجبين لا الزكج بالكاع ترا صبري فاض منج والله احط طلقه براسج وواعتبرج مانخلقتي..

: تحط طلقه براسي؟ وتتصور راح اسمحلك!

: ليش سويتي هيج بشنو اذاج علي

دفعته عني وابتسمت
: ترا ماسويت شيء اني  انت الي سويت؟

: بسببج ياحيه

: الله احلى لقب

تقرب عليه وولزمني من ركبتي اصابيعه جانت تضغط بقوه حسيت راح تطلع روحي شمرني على الحايط ومايزال لازم ركبتي ومانع الهوى عني.

عيوني رادت تطلع ووجهي نكلب ازرك
: باعي لج من اول ماجيتي كتلج اني وياج والي يأذيج ادوس راسه بس شكلج انت الي جايه تأذيهم قسماً بدين محمد اذا عدتي هالتصرف او تقربتي على واحد منهم تعرفين شسوي ماريد اخوفج بنص هالليل..

لج كلج على بعضج بطول اصبعي انهيج بدقيقه وحده زعطوطه وغبيه سويتي هاي السالفه شفتي نفسج هرقل..

ترا امج هم سوت نفسج؟ وتاليههه مذبوبه ب الشارع ف فكري عدل وخليج ادميه..
..
عافني  كعدت ب الكاع ووضهري على الحايط اكح وواذرف دموع اجيت اموت بسببه..

اكح ووابجي ووفاقده كمت على حيلي صرخت بوجهه : تحاجيني هيج دشوف نفسك اول صارلك ساعه خانكني اجيت امووت جان قتلتني ولو ميته متتصور شسوي بيك..

دار وجهه ووضحك بسخريه
: استغفرالله ربي

بلعت ريكي ووكلت بعصبيه : شايف هاي الحيه التحجي عنهه راح تشوفك اصول السم

: شنو قصدج؟

فركت وجهي ووحجيت : ماريد اخوفك بنص هالليل

خليت ايدي على قميصه الاسود وودفعته نبت كف ايده بشعري من وره ووجرني صرخت ولزمت ايده : اااخ عوفني حقير

لازم شعري ويودي بي يمنى ويسرى ويحجي بحقاره : ترا متكدرين تأذيلي طرف لان ببساطه تعرفين اني منو

صرت قريبه منه وجهي بوجهه
: منو انتَ

: بكل تواضع ساحلج ووكسار راسج

: ماعاش الي يكسر راسي

رفع راسي بقوه من شعري صحت
: عوفنييي

: اعوفج بس بشرط

: لا والله تتشرط ننوب

: لج حاجيني بأدب وواحترمي فرق العمر ببينه انت مو زعطوطه ولا جاهل

: اوكي عمو اتدلل

: تافهه وسخيفه

:بس عوف شعري صارفه علي شامبو ومغذيات بكد عمرك

شمرني بقوه من شعري وحجه بسخريه
: هنه كلهن شعرايتين

قسور : اسمعيني عدل مستعد اساعدج ب كل خطوه واكون وياج بكلشي اهم شيء ما تتصرفين تصررف غبي..

كتفت اديه : يعني هلكد اهمك اني؟

قسور : ماريد تكونين بنظرهم مثل امج هذا اهم شيء عندي وهذا الهامني

روح : كتلك سابقاً مااذي احد من دون سبب

قسور : تعاي

روح : وين بعدني مناسيه الخنكه

قسور : ترا جنت اشاقيج

قطبت حواجبي : اها يعني بعدني مشايفه الجد

: هههه الحكيني

حيل ضجت منه ووكرهتهه على هل اسويه الي سواهه بيه بس مادري ليش جاي اطاوعه طلع البره ايدي بجيوب بنطرونه وويمشي صعد الدرج واني ورا..وصلنه للطابق الثالث نفس الثاني بالضبط صعد درج ثاني واني ورا خبلني وتعبني.
يمشي ووساحلني ورا رجليه تعبن..

من المبارزه الصارت قبل شويه ومن المشي
.. فتح الباب طلعنه على السطح

قسور : ادخلي وسدي الباب

دخلت جان اكو فراش مفروش علي  اسحله رشاشه ومسدس وكلهن مفتوحات يمكن جان ينضف بيهن

ربع وكعد بالكاع على الفراش

روح : شنو راح تكعدنه يم الاسحله

قسور : چا حيه جيس طرشي انتِ اذا تخافين من اسلحه مفصخه

روح : اني مو حيه انتَ طلعت هالقب

رحت كعدت كدامه

قسور : والله الحيه تتعلم منج

روح : ها بدينه

قسور : انجبي

روح : اهووو ترا كوه دتحجيني

قسور تنهد وكال : احجيي يلا

دنكت راسي  : لا عبالك اني مخليه خطط ومدري شنو وناويه عليكم كلكم

: تصرفج شيسمو؟

: ردة فعل لا اكثر

:شنو هالتناقض العندج؟

بللت شفايفي : شنو الي تريد تعرفه

: الي ببالج

تنهدت : تدري قبل جنت احب احجيلك ووافتحلك كلبي بس هسه كارهه هالموضوع

: وشنو الي صار حتى تكرهي

نزلت راسي ورجعت رفعته : مادري

قسور : روح ركزي وياي عدل عيشتج هنا يا ام تخلصيهه بهدوء وتخلين الكل يحترمج ويحبج يا اما تتفرعنين وبالتالي انت الي راح تخسرين..

صفنت بكلامه : انت مو كتلي اساعدج بكلشي

هز راسه تنهدت : اريد اقسم حصتي من هذا البيت ووالبستان واكعد الوحدي حتى لو بصفكم عادي المهم اخذ حصتي واكعد لوحدي..
..
جمانه

جمانه اذا تردين تروحين انس يبقى ببيت ابو..

انصدمت من كلامهه بقيت صافنه ووابني بيدي حاضنته بقوه..

ابوي كال الهه: شنو هالحجي ام اسعد الطفل صغير ووامه ترضعه ووبعيداً عن كل هذا هي احق بي قانونياً وعشائرياً ودينياً..

حضنته: اني مانطي ابني لو مدري شيصير ماكدر اعيش بدونه

ام اسعد : ولا اني جنت انتضر حفيدي يوم يوم حتى يعوضني عن ابو المات ما اسمح الج تاخذينه ولا تعبرين بي هاي العتبه شايفتههه

دموعي فورا غوركت بعيني : مستحيل مانطي والله لو تنكلب الدنيا ما افرط بي هو ماراح يكدر يعيش لان يرضع ووالطفل بهيج عمر محتاج حليب الام..

ابو اسعد : بويه جمانه اخذي هسه وياج ومن يكبر ووتفطمينه النه كلام ثاني

ام اسعد : لا ماتطلع ولا تاخذه وياها ولو اني او هي

ابو اسعد : قراري اكوله مره وحده وماينعاددد ولا يتناقشش بييي وانتِ اخذذذي الولد واطلعييي ومثل ماكتلج النه كلام ثاني..

هي ضلت تبجي وتنوح واني ماصدكت اخذته وطفرت بره البيت جانت سياره بابا مركونه بالبيت رحت فتحت الباب الخلفي ووكعدت ووضميت انس لصدري

اجت امي صعدت وياها بابا ووتحركنه..

امي : والله هاي ام اسعد جن ناويتهه على شر وماتفض السالفه حيل خايفه منهه

بابا تنهد

امي : صوجي اني كله مني شلون زوجتهه بهيج عمر شلون ذبيتهه هيج ذبه ااااخ لو يرجع الزمن بيه جان طردتهم من الباب

دنكت راسي الطريق طويل ووحيل متعب وصلنه بليل ب ١٠ كبل دخلت لغرفتي لكيت مره احمد اخوي كاعده هي وبنتهه حتى من التعب ماسلمت بوجهي لغرفتي..
..
سبحت ووبدلت تراك وردي بناتي ووكفت كبال المرايه اباوع لنفسي داحس نفسي مره جبيره
شكد ما وجهي تعبان ووملامحي باهته ووعيوني متحوره..

لميت شعري كوه ورحت تمددت بصف انس والتفكير ماكلني شسوي هسه اني؟ منين ابدي ووشلون اخطي!

حياتي كلهه تغيرت بهل سنه..

اتذكر من قبل لا اتزوج جنت احب الحياه كل همي ادرس والعب اخلص واجباتي واحاجي روح

بس هسه عبالك شايله الف هم على عاتقي من ابني ووتربيته بهالعمر بعدني ١٨ مداخله...

َوام اسعد اووف لزمت راسي بوجع حتى مابيه حيل ابجي حضنت ابني ووحطيت راسي على راسه..
..
ثاني يوم كعدت من وقت جان احمد هم كاعد سويت ريوك اله والي ووتريكنه هو طلع للشغله
واني بقيت افتر بالبيت حايره شسوي ضوجه..

بهالحضه ندك الباب خليت الشال على. راسي وطلعت فتحت الباب شفتهه اختي ناي..

حيل فرحت بشوفتهه فورا ذبيت نفسي بحضنهه ووهي حضنتني وولزمت وجهي تبوس بيه ووتحجي :شلونج شخبارج

: الحمدلله بخير ادخلي

دخلت لجوه جانت جايبه لارا بنت زوجهه وياها كعدنه ب الهول

ناي : سمعت بيج هنا وكلت اجي اشوفج

: زين سويتي والله حيل ضايجه

ناي : شلونج تعبانه مبينه

: كلش تعبانه

ناي : مبين ابنج وين

: نايم ب الغرفه

: اريد اشوفه

: هسه اجيبه الج

كمت من مكاني ورحت للغرفه ما انطاني كلبي اكعده واني اشوفه رايح بسابع نومه رحت كلت الناي خل يكعد واجيب ضلت تضحك كالت شنو تخافين علي : لا بس نايم خطيه اكعده
.
بقت يمنه للعصر كالت على الاسبوع الجاي اني اجيب ضي وواجي نبقى هنا فد يومين يمج لان حيل مشتاقيلج..

ماقبلت تتبقى لليل كالت تريد تروح للعياده باجر وي تيمور زوجهه هو دكتور نفسي وهي.دائما تروح ويا للعياده..

تاخد جلسات علاج يمه جانت مريضه وعلى ايده طابت بس راحت امي كالت امشي اخذج للسوك نجيب كم قطعه الابنج...

كلت الهه ماشي بدلت صايه ووولفيت شالي شلون ماكان وقت غروب ومالي واهس..

طلعت للشارع اباوع على الناس واتلفتت يمنى يسرى عبالك جنت عايشه بسجن..

والله الفتره الي عشتهه يمهم جانت اسوء من السجن رجعنه من السوك لكيت انس كاعد وبابا لازمه يلاعبه ضحكت على شكلهم..

هو طاك من البجي وبابا يناغيله
..
فتره زينه مرت واني ببيت اهلي قررت ارجع للمدرسه لان كل وقتي كاعده وساكته ماما متخليني الزم انس هي حايره بي..

بليل قررت افاتح بابا بالموضوع طلعت هو وامي كاعدين يتعشون جبن وبيض..

ربعت مقابيلهم

: تعاي ويانه بابا

: لا ما اشتهي بس اريد اكول الكم شي

: ايي كولي

: اريد ارجع للمدرسه

: بس فاتتج سنه لازم تعيدين

امي : جمانه انت عندج طفل ومسؤليته جبيره تردين تعوفينه وتلتهين بروحج؟ الدراسه اولى لو ابنج انه ما دايمه الج باجر عكبه تدخلين جامعه عد منو تأمنينه لو السادس؟ الي راح ياخذ وقتج كله

جمانه : بس شلون اضل هيج كاعده وساكته

رباب :شنو شتردين يعني؟ اكعدي على ابنج وواسكتي

: حجي امج صحيح ولو اني ماريد اوكف بطريقج بس خل يكبر ابنج شويه على الاقل وادرسي خارجي

جنت حيل متحسمه بس حطموني بكلامهم سحبت نفسي وكمت الوكت جاي يمشي بيه واني
مامسويه شيء بحياتي مجرد انام واكل..

ماريد اضل كاعده وساكته
..
مرت وقت زين على هذا الكلام وانس كبر وبدت ملامحه تطلع حيل جنت افرح من اشوفه يلعب كدامي ويضحك احط ايدي على بطني واكول هذا جزء من لحمي وودمي وروحي وجسمي.

صار اغلى شيء عندي ممكن احارب الدنيا كلهه علمود احافض عليه بيوم العصر جانت ماما ماخذته ورايحه للمستشفى تسأل على القاح..

وبابا كاعد يتابع اخبار واني سويت كيكه وومكابلتهه كلت خل اصعد اشر الملابس بين ما تستوي
..
رغم عصر بس الشمس قويه واني اشر ووملتهيه سمعت صوت بنيه : جمانه جمانه

لتفت جان اشوفهه بنين هاي وحده جانت وياي بالمدرسه ووبطلت همه جوارينه حايط على حايط ..عفت البيدي وركضت عليهه

بيناتنه ستاره ناصيه فاصله
: هلاوو بنين شلونج

: اني بخير الحمدلله حبيت اسأل عليج شلونج صعدت للسطح وشفتج

حياتي الحمدلله اني بخير :

: سمعت زوجج نقتل

دنكت راسي : اي صح

: الله يرحمه شلون نقتل

: عداوه

: اها ووشنو هسه راح ترجعين للدوام؟

: لا لان ابني ماكدر اعوفه

: ليش مو امج موجوده

:اي تكول ماريدج تبتعدين عنه وبعدين حتى مايتعبرج ام ولا ياخذ منج الحنان الكافي لا تهملينه

: اي صح كلامهه، زين ليش متشتغلين

: ششتغل

: اكو شركه اني داشتغل بيهه ومحتاجين موضفين ليش ماتجين وياي والدوام من ٧ ال ١٢

: اها وشنو فرقهه عن المدرسه

: مو المدرسه من ١٢ لل ٤ يعني راح راح تكونين بعيده عن ابنج بالوقت الي هو محتاجج بي من ٧ ل ١٢ اكيد هو نايم ولو فز امج يمه تعالي استفادي..

كلامهه شدني حيل وضليت افكر : ها زين هي شركه شنو

: نقل وتوصيل

: هو اني خريجه ثالث

: اي يدبرولج شغل حسب شهادتج اني خالي هناك يشتغل وهو وضفني وهم مثلج خريجه ثالث

: شنو شغلج

: اجرد اسماء وهيج  وشغل سهل وحلو..

: اها زين شنو اخاف اهلي ميقبلون

: لا اقنعيهم حبابه تعالي وياي على الواهس اني جنت ناويه اكل البنت عمي على المكان الشاغر بس شفت انت احق عندج طفل ومصاريف وحليب وحفاضات خوما يضلون اهلج يصرفون علي

: اوكي حاجيلي المدير وشوفي اذا يقبل

: المدير مو هنا بالفرع الثاني مال الشركه بس عنده واحد هنا مخلي نائب عنه ووهو يدير الشركه. بغيابه

: اها يعني هم بعتبار مدير

: اي تقريبا

: لعد حاجي وكولي اله اريد اتوضف.. يتبع

فاديه

🖤🖤🖤🖤
ايزابيل