رواية لم اخلق لرجل سواك الفصل الرابع وأربعون 44 - بقلم ايزابيل

#بقلم إيـزابيـل
#البارت الرابع والثلاثين
#لم اخلق لرجل سواك

بنات والله اعرف داكتب الجمانه وفاديه قليل وروح اكثر بس لهواي اسباب..

اولا مو بس هاي القصه كل قصصي هيج اني اسرح بالبطله الي حكايتهه تلامس كلبي من دون ماحس الكه روحي كاتبه الهه اكثر من ١٠٠٠ كلمه..

وثاني  كلت بس اختم رروح ووفاديه ابدي بجمانه

تدرون القصه بعد بيهه ٣٠ بارت ليكدام بس اني حكتفي بهذا الحد ومتابعه ممتعه
..
فاديه

الايام تمر بسهوله عكس الفتره الي فاتت نفذت كلام رهف ب الحرف الواحد اخابرهه وانطيهه كل ملخص اليوم هيج سوه وهيج سوه ابتسملي اهتم حاجاني بهيج كلمه.

وهي تكول عفيه عليج انت ضلي مأملته وديربالج تضعفين ترا هذا مو نصيبج،،هذا عدوج

اليوم عنده دوام بالكليه كلت خل اسوي الغده قبل لا يجي سفطت الغرفه بسرعه ووطلعت البره مسوين همه طابخين تبسي ووادري بي ميحبه لان مره صبيتله الهَ.َ.

ومقبل ياكل طلعت افخاذ من المجمده ووكفت على السنك اموعهن دخلت ام اسعد خزرتني
: هاه خير اليوم ب المطبخ

رمشت بعيوني ب استغراب : هو اني دائما الي استلم المطبخ اسويلكم غده ووعشه وريوك شنو الجديد؟

: مو ذيج الفتره كلهه ما شفنه طولج

تنهدت  : جاي اسوي غده الرهيب

خزرتني بعدم رضى ووخلت ووطلعت شكد تضوجني تصرفاتهه بكل فرصه تسمح الهه تجي تذب كلام مسموم وتروح..
ََ...
تبلتهن ووشويتهن ب الفرن ووركبت تمن برياني
صارت وحده ونص ووهو ماكو خابرت علي

: الووو

: ها فاديه

حجيت بتلبك الاول مره هيج اسأل علي وواخابره وابادر حتى هو مصدوم: ووين انت

: ليش محتاجه شيء،

: لا بس سويتلك غده ووكلت اخاف تطلع تاكل ب المطعم وحرامات الاكل..

كال باستغراب : ها؟ الي!

: اي واني بعدني ممتغديه منتضرتك

: شمسويه؟

: برياني وودجاج

: لا صدك يلا جايج

ابتسمت : اوكي
..
على ما يجي كلت افوت اسبح رغم البارحه اني سبحت بس صار بيه ريحه طبخ ووزفر..

سبحت وغسلت جسمي بلوشن معطر ينطي عطر يموت لمن شميت عطرري وواتاكدت حلو وواضح يلا طلعت..

لبست دشداشه كريميه رهمت وي بشرتي تصير شويه ضيكه ومفصله على الجسم..

اني عادتي ابقي شعري مبلل الفه لحد ما ينشف ووامشطه ف لفيته ب الخاولي ووبقيت كاعده اصبغ اضافيري ب الوني الاحمر الكرزي الي اعشقه..

سمعت صوته ب الهول يلاعب بنت رواد الصغيره
وخرت المنشفه بسرعه وولفيت شعري ب الشال ووطلعت..

جانت غرفتنه مفتوحه على الصاله ووالتخم صاير مقابيل الباب بحيث بس طلعت هو رفع راسه من شمس بنت رواد ووباوعلي..

من شافني ابتسم ووعيونه اكلتني نظراته حاوطتني بلعت ريكي الاول مره ااكون هلكد طبيعيه ويا..

من بدايه زواجنه لحد قبل كم يوم اني ماباوع بوجهه مامهتمه بي ما احجي خلا ٢٤ ساعه يادوب يطلع مني كم كلمه..

مخلي الاب كوت مالته ووالملازم بصفه ررحت ابتسم : الله يساعدك

ردلي ببتسامه عريضه : هلاو فاديه

دنكت بصفه قريبه كلش بحيث كتفي طخ بزنده من دنكت انتبهت اله غمض عيوني ووعبالك يستنشق عطري ..

اخذت الملازم وطلعت صوت يلا حس ووفتح عيونه..

حك راسه من الخلف : ااا حضريلي الحمام اسبح

فاديه : اوكي ووبين ما تدخل اني احمي الغده

هز براسه نزل شمس من الكاع وودخل لحكته..
فتحت باب الكنتور سفطت ملازمه ووعلكت الاب كوت..

وطلعت اله تراك رمادي علكته ب الحمام وي المنشفه ووطلعت هو ينزع ب ملابسه على المرايه
..
ماطولت بسرعه طلعت بوجهي للمطبخ واني امشي ذبيت نفس طويل جان محبوس و حطيت ايدي على كلبي..

حميت الاكل وورتبت صينية وواخذتهه للغرفه استحي اكعد اكل ووياهم توه جان طالع من الحمام وويمشط بشعره.

حطيتهه ب الكاع ورفعت عيني علي بمعنى تعال
يباوع الي بالجامه والابتسامه شاكه حلكه،،

ربع مقابيلي ورفع بجامته..

رهيب : ريحة الاكل عالم ثاني

اكل شويه : عمري كله ماماكل هيج برياني

فاديه:ههههه ب العافيه

طول الوقت احنه ناكل بسكوت كلت اكسر هذا الحاجز سألته عن االكليه والدوام شلونه،

رهيب : مابقه شيء بس هل سنه وواتخرج

فاديه : اي بالتوفيق
كملنه وواخذت الصينيه للمطبخ غسلت المواعين ووعزلتهه وورجعت فتت للغرفه انزل بردان قميصي،،

دخلت للغرفه شفته مطفي الاضويه ومشغل فيلم بالموبايل وويباوع.. فتحت الضوه قلص عيونه..

فاديه : اا اسفه فززتك

رهيب : لا عادي اخذي راحتج

بللت شفايفي ونصيت راسي وكفت مقابيل المرايه جريت الشال من راسي ووذبيته،،

فركت اطراف شعري بأيدي انتبهت اله عين على الفيلم وعين عليه ماردته يعرف انو اني منتبهه اله فغلست ووحاولت ماتجي عيني بعينه ..

مشطت ووبقيته مفتوح شعري يوصل لنهايه ضهري.. باوعت بطرف عيوني مخلي الموبايل على نص وجهه ونظراته تصعد وتنزل على طولي ووجسمي وشعري

نزلت اديه فركتهن  بتوتر وواحاول اخفيهن عنه
طفت الضوه وتمشيت للجربايه تمددت وغطيت روحي شعري بقه موزع على الجربايه ببعثره.

غمضت عيوني ووحاولت انام شويه ووصوت الفيلم اختفه ووسمعته ييخلي الموبايل بصفه على المييز..

تقرب عليه لدرجه شميت انفاسه الحاره حط ايده على اطراف شعري وويرتب بي ووكل شويه مختار خصلهه ووشامهه..

واني جسمي ييرجف لدرجه احس بعضامي وواحد يطك بالثانيه..

كال بصوت هادئ: فاديه

كاعده

همست واحاول ابين اله اني نايمه عود: مممم

: باوعيني

فتحت عيني شغل التيلامب الي  يمه اصفر رمشت برموشي ساند راسه بأيده ووعكسه على المخده ووالثانيه يرتب بيهه شعري..

رهيب : اني ماحب افرض على احد شيء وخاصا انت بس اعتبري  طلب..

فاديه : شنو؟

: العطر مال جسمج بعد لا تخلينه ووالدشداشه حاولي تلبسينهه ب الغرفه بس...

: ليش مو حلو؟

تنهد ووبلع ريكه : لحد هسه لازك براسي ماريد احد غيري يشمه اذا طلعتي لبره..

هزيت راسي وهمست : ماشي

اباوع علي يلوب عبالك كاعد على جمر كل شويه يريد يتقرب وويبتعد يمكن خايف من رفضي..

اتذكرت كلام رهف من تكلي دائما انت بادري بس خليج حذره لتخلينه ياخذج نوب تحملين وويصير الهم همين..

زحفت بجسمي بهدوء صرت جوا ايده تفاجئ بس ماضيع الفرصه رأساً لف ايده على خصري
ووسحبني اكثر نضم راسي بصدره..

غرز ووجهه بركبتي وويسحب بعطري داخل انفاسه وويتنهد جان ببالي هواي اسأله بس كلهن طارن..

بقيت دايخه بقربه وحراره وجهه بركبتي وولحيته الي تترك اثار بسيطه..
..
اول مره احس بهيج شعور جان حيل هادئ وياي
جزء مني يصيح ابتعدي اسحبي نفسج ووجزء رافض وومستسلم اله لدرجه ماكدر ارفع حتى ايدي..

مادري شلون طلع الكلام مني حجيتهه برجفه
:رهيب

توقف ووخر ايده خلاهه على خدي وورفع راسي
: مجاي افهمج شنو الي تردينه بالضبط؟

بللت شفايفي : مادري اا بس

: بس شنو

: ماحسك، تريدني كزوجه مستحيل اقتنع بفكره ان راح يجي يوم تحبني بي وتتقرب مني حباً بي موبس حتى تأخذ حقكك مني..

ابتسم بسخريه : وشنو الي يخليج واثقه هلكد؟ ملمحلج حاجي شيء اني يدل على الفكره البراسج،؟!

فاديه : الي صار وو..

حط ايده على شفايفي : اذا كل ما اجي يمج تذكرين هل موضوع ف بعد ما اتقرب وولا خطوه..
..
ندار وراد يكوم لفيت اديه على ركبته بسرعه ووجريته دفنت راسي بحضنه ووضميته بخجل عنه..
نصدم من حركتي جنت اقنع بروحي واكول مو حباً بي سويت هيج لا بس حتى انفذ الي براسي وانهي هل مهزله

بس بالحقيقه جان كلبي ماسيطر علي ويا كل لفحه من انفاسه ووكل حركه من ايدي تخليني الهث وواحتر ووارجف..

باسني خلف اذني قشعر بدني همس بصف اذني
: اني امنيتي اعوضج عن الي صار ووانسيجيا..

رفعت عيني علي : ليش؟!

: ماعرف بس كل الي ادري بي اني اريدج يمي ونفسيتي ترتاح من اشوفج تضحكين تبتسمين ووناسيه ذاك اليوم..

ضليت صافنه بي حايره اذا جان كلامه حقيقي لو يجذب عليه حتى يستغلني ويجذبني اله اكثر..
..
بدت يتقرب شويه شويه وواني اتلوى من جوه شسوي بروحي شلون امنعه هسه بعد كل الي سويته ارفضه مراح يصدك عذري اوف..

ماعرف اتصرف ووهو سيطر عليه لدرجه سوواني لعبه وويحركني بكيفه جنت خايفه وودكات كلبي وصلت لمسامعه..

ماحجه ولا كلمه ولا كلي اذا متردين ابتعد لان يمكن وواضح بعيوني موقفي وواذا كال هيج جان رفضت..

معقوله لهل درجه جان متلهف الي بحيث خاف ينطق الكلمه وواصده
..
من جهه كلام رهف يرن براسي ديربالج تحملين وويصير الهم همين  ومن جهه حركاته الي سطرتني

ضعفت ووضعت ووضيعت حتى نفسي
..
تقرب بكل حذر واني ماكدرن امنعه حبست دموعي كوه رجعت ذاكرتي لذاك اليوم مامرت عشر دقايق ووحسيت نفسي لعبت دفعته بقوه وونزلت من الجربايه انزل بملابسي ووايدي على حلكي راح اتقيء.

دخلت للحمام سديت الباب ووكفت علي اتنفس بصعوبه باوعت ب المرايه شكلي نكلب كلاب عيوني حمرررر دم ووشفايفي يرجفن..

ضليت اذب مي على وجهي وواغسل ووهو يدك بباب الحمام

: احجييي شبييج

همست : مابيه

: زين طلعي

: عوفني اريد اسبح مابيه شيء

حجيتهه بس حتى اخلي يسكت اسمع تنهيداته
ووحسراته كعدت بالكاع ووضهري على الحمام.

شغلت الدوش حتى يطلع صوت المي..

باوعت الاديه يرجفن عبالك منتولات بقيت قريب الربع ساعه ووكمت من رجع دك الباب.
..
سبحت بسرعه لان كتله بعد ماريد اطلع جذابه
فتحت الباب جان كاعد على الكرسي وومورث جكاره من شافني طلعهه من حلكه وولزمهه بين اصابيعه..

ووكف مقابيلي ووحط ايده الثانيه على زندي
: اسف جوز اذيتج

نصيت بخجل : لا اني الاعتذر ماعرف شبيه

ابتعدت عنه وورحت للفراش عصرت ووجهي ب المخده ووغطيت نفسي ابجي واشهك ووجسمي يهتز.
..
اجه كرفص  يم الجربايه ووخر الغطه عن وجهي
جان اكو على ميز المرايه مطفايه وهو كاعد بصفه رفع ايده طفه الجكاره.

وكال بصوت هادئ : ليش تبجين؟

: رهيب هاي عقده مستحيل تفك مني بعد ماكدر اتقبل هالموضوع يسيئ ووضعي وواتخربط..

رهيب : ميهم طز اهم شيء صحتج لا تبجين  مسحي دموعج..

برطمت ضحك وومسح خدودي صدك جنت بحاله ابد مو هينه بس حسيته خفف عليه.

فاديه :اريد اكولك شيء عادي

:أمري

: وديني الاهلي

رفع طرف حاجبه : قبل كم اسبوع جنتي يمهم؟!

: بنات خالتي ببغداد وجاين خطار واريد اشوفهم صار هواي مشايفتهم

:ماشي بس مو اليوم

:اي عادي شوكت متفرغ

: تمام

باسني من راسي ومسد على شعري سبح وبدل ملابسه ووطلع اسمعه راح اشتره الشمس ووخابر صديقه كله جايك للكوفي
..
جريت الموبايل ووطلعت رقم رهف..

: الووو

: ها حبيبتي

بصوت مكسور : رهف لحكيلي

كالت بخوف وشهكه : ها شكو

:رهيب

: شبي شسوالج

بلعت ريكي وحرت شلون انطقهه
: باعي هو اجه من دوامه وو اني..

: اختصرري ضربج مو؟

: لا تقربلي

صرخت بفجع : شنوووو

: لتصيحين يمعوده اسمعيني مادري شبيه ووالله نثولت وماكدرت امنعه

: عمه عماج شلون تسوين هيج متخافين على نفسج مستقبلج انتِ شنو نثولتي كولي اني رايده هالشيء لا تكولين ماكدرت امنعه..

: والله ووروح ابوي رهف هو مادري شبي احسه صدك يحبني جان ملهوف ورايدني بكل جوارحه

: دنجبي ام جوارح طبعا رايدج بس مو لان يحبج لا علمود غريزته وونفسه..

: لا صدكي مو هيج

: انلصمي فاديه وسدي الخط وروحي تحضريله بليل همين ووانسي الموضوع ووضلي مكفخه..

مانطتني مجال غلقته بوجهي بقيت استعوذ وواستغفر
..
لليل رجع وواني بفراشي ما تحركت سويت نفسي نايمه كلبني قاس حرارتي تطمن يلا ابتعد..

حتى ماكعدني على عشه طلع اكل وياهم
..
ثاني يوم الصبح كعدت قبله ادري عنده دوام غسلت ووحضرت ملابسه ووملازمه..

من كعد ابتسم بوجهي وواتشكر بين ما غسل رحت سويت اله الريوك اخذت اله للغرفه

بس ما قبل يتريك شرب الجاي بس حطيت الصينيه على الميز وكلت : رهيب اليوم اروح الاهلي مو

مدنك يرربط قيطان الحذاء : ان شاء الله

فرحت اريد اروح احجي وي رهف وافهمهه..
طلع واني نمت لمن اجه هو كعدني كال شنو اليوم ماكو غده من ايدج

فاديه : والله اخذتني النومه باوع فوت اسبح واني احضرلك على السريع

هز راسه بالموافقه وودخل ركضت للمطبخ طلعت بتيته ووطماطه وبيذنجان گليتهن ووسويت زلاطه
..
بين ما هو تغده اني بدلت كتله وديني وارجع نام وارتاح..

: شعندج مستعجله راح يطيرون قابل؟

: لا حباب انت وعدتني،

مجان راضي بس مراد يكسر خاطري
..
ووصلني وراح حتى ما نزل ووهذا الي جنت ااريده اني لان خاف يعرف بالجذبه مالتي مال بنات خالتي
..
روح

رجعنه للبيت وواني المشهد لحد هسه لازك ببالي من يكلي احبج احس كلبي يطير من بي ضلوعي من اتذكر..

كتله :قسور انطيني الاواكس

:يمج ب الجكمجه

دنكت طلعتهه ووشكلتهه شغلت اغنيه ساجده اجيبك للدرب كتلك اجيبك ووادندن ووياهه..

قسور : تموتين على ساجده

: الحب الهاي

: چا اني شنو؟

ابتسمت بخجل : مادري انت كولي اني شنو بالنسبه الك

: تحجين صدك

ضحكت بقوه طفه المسجل وويسب وينعل
: دنعل ابو ساجده

: اهوو لا عفيه ارجع شغله

: اشش حقيره كلمه تستحسفهه بيه

: لا والله مو هيج بس اني غير عنك انت اكيد تحبني يعنني ووتموت عليه هم بس اني لحد هسه ماكدر اترجم مشاعري

: ووليش واثقه

ركصت حاجبي بمكر
: اجيبك للدرب كتلك اجييبك متراهن عليك اصبح حبيبك

: وامج المسكينه

: فرحانه اليوم عوفيني عليك الله

تنهد ببتسامه وصلنه للبيت فتحت الباب وونزلت تقرب ليمي وومدلي ايده ركضت بهدوء وولزمته بقوه..

يمشلي وويهملسي فدوه لهل طول احبج

وواني ميته ضحك

قسور : شكد فطيره خرب

: حتى على هاي تحاسبني

: اي مو سمعتي الاطرش

: لعد للتحارش

كرصني من زندي فتحت عيوني بصدمه ووحلكي نفك..
كورت ايدي ووضربته بهدوء على زنده الي جان بي العلم العراقي..

كال بسخريه : اااخ شكد توجع ضربتج لازم اجبسهه

: ترا مو كل قوتي هاي ضامه الاكبر لايام الضيچ

: لا والله مثل شنو يعني

رفعت راسي وادور بعيني
: يعني مثلا يوم من الايام اكتشفك خايني محاجي غيري متزوج

كلت الكلمه الاخيره متعمده ووجريتهه بحكلي رفع طرف حاجبه بجديه : شنو قصدج؟

خفت من جديته معقوله الي ببالي صاح ووتلبك لمن كتله هيج لا والله اخنكه وواخنكهه القمر ووابتلي بيهم..

روح : ماكو شيء
..
دخلنه للغرف حللت ووهو يسبح تمددت على الجربايه ووغمضت عيوني توني داغفه ووحسيت بي يجرني بعته قويه احس ايدي نخلعت..

جرني وولف ايده على ركبتي ووحضني
: هسه هاي يسموهه حنيه عود

: اي مدام روح شنو قصدج بمتزوج

: وانت بعدهه ببالك يابه كلتهه بشقه

: اها يعني مسامعه شيء..

باوعتله بتوتر : يعني شسمع قابل

تنهد ووباسني براسي ديخوفني ضل ييمسح على راسي لحد ما نام وواني هم نمت للمغرب كعدنه..

شفته صافن وويدخن فركت عيوني ومن مكاني على الجربايه مربعه :شبيك

رفع عينه عليه وابتسم : ماكو

:اشو ضايج متعارك وي واحد ب الحلم

: ههههههه متعارك بس مو ب الحلم

عقدت حواجبي : صدك؟ شكو ووليش مادري اني

: على كيفج يابه خلاف بسيط

طفرت ليمه : غير تحجيلي شكوو

طفه الجكارهه وواشرلي اجي لزمني من ايدي ووكعدني على رجلي يحجي وَيرجع بخصلات شعري خلف اذني

: اريد اخذ حصتي

: من البيت قصدك

: اي وحاجيتهم محد راضي بس مو بكيفهم مجاي اكدر اخذ راحتي اريد بيت خاص بيه

: اي صح اصلا من زمان ناويه اكلك على الفكره

:ان شاء الله هاليومين اطلع مهندس

بللت شفايفي فرحانه حيل وواخيراً راح اخلص منهم.
حيصير عندي بيت ووحد اتحرك وواسوي الي يعجبني بدون ما اتقيد.

كمل
قسور : وانت ان شاء الله تروحين للبيت بالبدله البيضه

فكيت عيوني بصدمه : يعني شلون

ابتسم :ورا اربعين امج اسوي حفله بسيطه يعني نعلن بيهه زواجنه..

صح فرحانه بس اكو برود بداخلي نعقجت ملامحي

: ها شهالبوز شكو

تنهدت : متوتره من حياتي وياك مداكدر اخذ راحتي لان على ساعه تنكلب وتتحول

: شنو مختل

: لا بس ما احزرك ساعه كارهني ساعه حابني

زفر نفس ووابتسم ممسح على زندي وويحاول يطمني طفرت من حضنه

:اي شلون شغلج

: الحمدلله حتى لو ماكو رزق هواي بس اني حابته لان شغفي..

: ترا لو الشغله شغله فلوس جان اني ماخليتج تفتحين اصلا بس لان تبدعين بهالمجال ووتحبينه...
..
لليل كال اني حطلع يمهم

: اجي وياك

: تمام بس شويه وطبي لتضلين منتضرتني

: ليش؟

: ماريدج تختلطين بيهم هواي

هزيت راسي وهو واكف يتعطر

: على كيفك حتخلص العطر ترا ماكو بنات حلوات برا كلهن صخول

ضحك بمكر ووندار عليه : ااا وشبيج هلكد مضغوطه

حركتي شعري ليوره بدلع : على شنو انضغط عزيزي بس داحجي واقع

: صارت بيهه عزيزي امشي خنفلت

طلعت ويا وواضحك كلهم ملتمين بالصاله ووعلي اخو قمر هم من شافني خنزر عليه رفعتلي حاجبي ب انتصار..
وولزمت ايد قسور لان قمر هم جانت كاعده بسد ابوهه..

قسور : الله بالخير

ردو علي كعد على التخم بصف حبوبتي وواني يمه..
مدت راسهه من ورا قسور

: ها شلونج حبوبه بالخير على الصالون والشغل

ابتسمت : فدوه لكلبج بيبي تسلمين

قمر :هههههههه شغليش هو حفافه

ضحكت نفس ضحكتهه
: وشبيهه الحفافه لو ماهي جان صارت حواجبج تيب ابو الالف ههههههههههه

ندار عليه قسور خزرني رجعت ضهري للتخم بعدم اهميه.

حسين : بما انو كلنه مجتمعين عمي قسور لازم نحط حد لهل موضوع..

عقد حواجبه : ياموضوع مرختصك عمي اني الجاي احاجيكم بخصوص حصتي راح اطلع مهندس وويخططهه
ووابدي بناء..

امه كالت
: ليش يمه ووين رايح شبيك مكعدينك بمخزن مثلا شو غرفتك اكبر غرفه ب البيت

قسور : يمه اني ومرتي مامرتاحين باجر عكبه تصير عدنه جهال ننام كلنه بغرفه ووحده قابل؟ حتى لو جانت جبيره

صدمني من كال جهال يمه منك لعد منو الي على اساس ميريد ينخبص ويتحمل مسؤليه هسه، بس يلا مصلحه طبعا يكول هيج..

حسين : نرجع الموضوعنه

عبالك قسور يعرف عمي شيريد يكول بس يحاول يتهرب منه فررك وجهه وباوعلي بنفاذ صبر اشرلي براسه بمعنى كولي ََ

باوعتله ببرود ممزوج بعتب اكيد ناوين يحجون على قمر لو تنكسر رجلي لو يسحلني ماكوم تقربت لزكت بي ووبحجه اضحك ويا شاورته : رجلي على رجلك.

جان يكرصني من فخذي وويهمس
: كومي لا بالله محد يخلصج مني
: تريد تخطط الزواج من قموره مو

: انجبي
خزرته ووتدنيت من يمه كتفت اديه بغضب

قسور: عمي ابد مو وكته

حسين : لا وكته ترا ماصايره هاي؟ انه بنتي لا عايبه ولا بايره كامله والكمال لله قرينه فاتحتكم وكلت حاليا مشغول ب الدوام وترقيتي ووانتضرناك لحد ما صارت سنين..

وطلعت النه بسالفه بنت عمي وواريد اروح ادور عليهه..
وبعدين جبتهه متزوجه وسكتنه بس كافي العالم اكلت وجوهنهه كلهه تدري بيكم على اساس مخطوبين وقمر مرتك الاولى كدام الناس

قسور : بعدهه ماصايره مرتي، ليش تذيعون اخبار من يمكم عقدنه حطيت حلقه بأيدهه! هو مجرد كلام.

حسين : يا كلام وواحنه قرينه فاتحتكم كدام شيوخ ووعشاير..

نفخ بنفاذ صبر : والمطلوب

: تتزوجون انت رجال ووانطيت وعد وعيب عالرجال يخلف بكلامه..

شطت بعصبيتي شبيهم ذوله يردون يلزكونهه بي شنو
حجيت : عمو هو مجرد كلام شكو تكبروهه عادي مثل مكلتو خطبو كولو فسخو واذا تحبون قسور بنفسه يجيب رجال البنتكم بس فكو ياخه ََ.

انصدم من كلامي بحيث وجهه انكلب ازرك وعيونه صارت بكصته قسور رئسا جرني من ايدي ووصاح
: كوميي طبي للغرفه

عطت :ماطب ماطب مكيف على السالفه انت مَووو ووروح بابا ياقسور لو سويتهه تنساني ووتنسى كلشي بيناتنه اشرد بليله ضلمه ووماتلكالي اثر..

حسين : عميي غيررر مره هاي انت شلون متحملهه لهسه ومامطلكهه اني منك الطمهه براشدي اوكع سنونهه بحلكهه ادبسززززز ياخويه ووياضليمتك ياااحمد بهيج خلفه..

صك على سنونه وعيونه حمر بعصبيه وودمه مبين فاير
:الاخر مره اكولهه الج امشي ب الغرفه ووبعدين نتفاهم

هزيت راسي ومقويه ملامحي نترت ايدي منه ووكفت على حيلي مشيت من بينتهم وواردم اي واحد اشوفه بوجهي ممهتمه الخطواتي عدله لو بس كل تركيزي انو اوصل للغرفه..
..
طبيت وراي دخلت عمتي هدى فورا ابجي وواشهك ووادفر ب الجربايه.

هدى : ولج خبله انت باوعيني شجاي تسوين بروحج

صرخت واني أشر لبره ب اصبعي : راح يتزوجههه راح يتزوجههه

: ميتزوجهه حبيبتي ماشفتي شلون رافض الفكره

: عمه ووالله اموت اذا سواهه عفيه كوليله خل يرفض او انت حاجي قمر خل تعوفه ابوس ايدج يوكف كلبي وروح امي ووتراب بابا..

: اسم الله على كلبج يابعد عمتج يمه يمه شلون يسويهه اله مارايد روحه..

ناشغت والوب بمكاني اروح وواجه ديقنعه اكيد ديقنعه  فتح الباب ودخل شافني مبرطمه عاقد حواجبه بضيق وويتنفس بغضب..

قسور : لمن اكلج شيء لا تكسرين كلمتي كدامهم عقلج شنو بي؟ الخاطررر الله..

روح : راح تتزوجهه مو

عاط بنتر : دنجبييي لج الف مره كايل الج ماتزوجهه لو تطلع نخله براسهه بس انت مثل المطي ماتفكرين بعقلج شايلته ووذابته بحاويه الزباله..
مسحت دموعي : اي اي هين واغلط بعد

قسور :باباااااا اسمعي الكلمه شتسوالج هسه من خليتيني اصيح عليج كدامهم هاااا وكسرتي كلمتي 

برطمت : بس متتزوجهه

ابتسم بتعب ووتقرب لف ايده على ركبتي من وره وجرني على صدره حضني نهاريت بجي ووعمتي تباوع علينه ووتضحك..

قسور : ها شنو مشهد كوميدي

هزت بأيدهه : واحد اتفهه من الثاني

قسور : خلف الله عليج

واني بحضنه ووراسي دافنته بتيشيرته ضحكت جان يرفع راسي : شرشبيل من يضحك عيناً

ضحكت بقوه اكثر وورفعت راسي..

قسور : لا عمي سنفوره انتِ يروحلج ستين الف فدوه شرشبيل..

مسحت وجهي بخجل

هدى : يلا راح اعوفكم تكملون سنفره

متت من الضحك على كلامهه خلت وراحت باوع بوجهي ووباسني براسي ووهمس
: محد غيرج تدخل بحياتي
..
جمانه
..
امشي ب الشركه ووبيدي الملفات مترهيه اليوم ممموجود
وحتى خلصت شغلي بكل نشاط ماشيه لعمار اريده يستنسخ الي ذني الملفات..

المصعد بي احد ف وكفت انتضره لحد ما ينزل فتح وجان يطلع همام نصقعت وفتحت عيوني على العشره..

ابتسم بوجهي رصيت الملفات بقوه بايدي وونزلت راسي
بقه واكفه ومطلع تنهدت اجيت اروح جان صاح..

: متصعدين؟

:كمل طريقك

اشرلي براسه بأصرار بمعنى تعالي دخلت ويا هذا ليش ليش ماطلع،! بقيت محتاره شجابه مو على اساس مجاي اليوم

همام : وين رايحه؟

: ااا لعمار

: شتسوين

: استنسخ كم ورقه

: اها

واكف بشكل مستقيم ويباوعلي بمرايه المصعد وواني منزله راسي استحيت اكله انت وين رايح..
...
بقيت مجمده وومصلبه نفسي لحد ما وصلنه من نفتح نفرج عليه خليت ووركضت حتى بدون ما اباوع علي..

دخلت لمكتب عمار

عمار : هلا عاش من شافج

جمانه : عفيه استنسخ بسرعه اريد انزل

عمار: خير

جمانه : سلامتك بس عندي شغل هوايه

وكف يدخل الاوراق بأله الطباعه والاستنساخ وواني كعدت على الكرسي..

جمانه : اكلك تعرف غزل

عمار : اي حبيبه المدير السابقه

عقدت حواجبي : سابقه

: اي ليش متدرين تعاوفو

: ها شكو شوكت؟

: حيللللل شكد قديمه انت

بقيت صافنه ومصفصفه بمكاني ليش نفصلو اخذت الاوراق
ونزلت جان واكف وي واحد من الموضفين يحاجي ووالجكاره بحكله وايده بجيب بنطرونه الكلاسك..
من شافني صار نظره عليه ومدري شحجه ويا..

دخلت للمصعد بسرعه ووهو ركض وودخل صدمني عزا
من كل عقله
..
محجيت ولا حرف على النص ووطفت الكهرباء وبقينه معلكين والمصعد اضلم ماخفت بس قلقت من وجوده...

خابر عمال الشركه كالو اله عشر دقايق ونصلح العطل اكو فيوز طاكه تحرك ووطخت ايده بأيدي نزيت وورجعت للخلف..

ضلممه وماشوف شيء بس اسمع انفاسه

همس : ليش انتِ

جمانه : ها

همام : شنو البيج مختلف

جاَوبت بفهاوهه: مافهمت استاذ

تنهد : كلبي حيوان مايريد بس الصعب..

بقيت ساكته لان ماعرف شردله نتر بعصبيه
: مو داحجي وويااااااج

نزيت : ها ووالله مافهمتك

تقرب عليه مادري شلون يشوفني لزمني من ايدي وويضغط عليههه بعصبيه ووجعتني حيل لدرجه الدموع غرغرت بعيوني همس بفحيح غاضب
: بيا عين وشهل صلافه الي بيهه كلبي حب وحده زوجهه مغتصب اخته بيا وجهه حبيتج..

همست بضعف : عوفنييي

صاح :ليششش اجيتي هناااا ليششش شكوو تعيتني بهل مهجومه ليش صرتي كدام عينييي

نزلت دمعتي : ابوس ايدك عوفني

: جاوبييي

جنت خايفه حيل من صياحه وخباله عليه وومصدومه من كلامه وماعرف شسوي راح يفضحني والله راح يخزيني..

بلسان ثكيل : اااانت الي ماتقبل تخليني استقيل

همام : وكلبي الي ميقبل يفاركج

من حركه كلبي صحت : شدتحجيييي انت شدتحجيي تعرف اني منو حتى تحجييي هيج اني ارمله الي قتلتوه واغتصب اختكم اني بنت العائله الي شانه عداوه ووياكم..

همس بضعف : عيني گويه ووكلبي صلف شسَويله

جريت ايدي منه ووبلعت ريكي : الافضل تقبل استقالتي الي والك احنه اعداء خاف تنسى..وعيب عليك تفكر بيه هيج تفكير..

همام :شجاي تحجين كلبي وعقلي مايشوفج غير قطعه الماسه ثمينه.

بللت شفايفي

همام : توترج يحجيلي عكس الي طلع منج

: متوتره لان ماريد انفضح

لزمني من ثنين اديه وهمس من بين اسنانه بصلابه ووصاك على اسنانه : اعترفي انت هم تحبيني..

دفعته بعصبيه : همامممممم تخبللللت وووخرررر

همام : ايي فعلا تخبلت بحيث مستعد ادفع عمري كله بمقابل يوم وواحد وياج

شهكت بصدمه ووجسمي كله اختض بخوف ضربته راشدي طبع اصابيعي علي وتراجعت ليوره حاضنه روحي ووارجف ارجف مثل السعفه كلامي موتني بخوفي

باوعلي بنظررات جامده وهز راسه ووفرك وجهه عدل سترته وومسح على خده وولحيته ووطك ركبته..

طلع موبايله وضل يصيح ووين صرتو ووين صرتو ورا كم دقيقه اشتغل وواجت الكهرباء
ََ..
بس فتح الباب طلعت امشي ب الكوه ورجليه خاويه ووراسي مفتر من كلامه هذا شلون هيج يحجي وويتجرء..

ضلت كلماته لمن كال انت هم تحبيني تنخر ببالي نخر كوه كدرت اكمل الدوام كل ما افكر ب الموضوع يجيني غثيان.

حتى جان  عدنه اجتماع ومدز عليه شغلي نصه ما كملته ذبيته على بنين بحجه تعبانه وصار وقت نحل من الدوام وهو مرجع للشركه..

خابرت على احمد يجيني جنت اوصي يوكفلي يم المحلات البره واني اطلع اله كتله لان هوسه ومموضفين لا تجي ليم الشركه َََ..

بس اريده مايجي ويشوف همام دكيت علي ماكو مجاوبني
قلقت تلث مكالمات يلا رد

كال واصلج يلا اطلعي

استغربت حتى مكتله تعال؟ شفته وواكفلي بعيد تمشيت علي صعدت ووطبكت الباب..

عيونه حمر دم ووشعره مبعثر بعبث..

جمانه : شبيك مو على بعضك

احمد : ماكو سدي الباب مستعجلين لازم نروح للمستشفى

نصقعت : خيررر

احمد : ماكو بس انس نرفعت حرارته وودينا

ضربت خدي بصدمه : عزاا ابنييي شبيي

احمد : على كيفج ماكو بس ارتفعت حرارته ودينا اني ووامي وهسه كعد ويريدج

: لتجذب عليه بداعه اطفالك
سكتت

جمانه : داحاجيييك

احمد : لتصيحين شبيج كتلج زين وكلشي مابي

جمانه : وليش تحجي ببرود احمد صاير شيء مو كلي كلبي حاسني والله

زفر نفس بتعب وودمعته نزلت
: جمانه انس ب العنايه المشددده.. يتبع