رواية لم اخلق لرجل سواك الفصل الثالث وأربعون 43 - بقلم ايزابيل

#بقلم إيـزابيـل
#الجزء الثالث والثلاثين
#لم اخلق لرجل سواك

بنات ليش مستغربين تصرفات قسور البارحه ووقبوله بقرار روح

شنو نسيتو شخصيته ب البارتات الاولى شلون جان مساند روح وويشجعهه على كل جبيره وصغيره َ.

بس شخصيته الي ضهرت بعد زواجهم موصح تحكمون علي منهه لان موقفه صعب تجاها.

جان مطايقهه وويكرهه وانتقم منهه اشد انتقام..

وبعدين نسى كلشي من شاف الندم الفعلي بعيونهه وعذابهه على امهه وكل الي سواه بيهه جان كفيل انو يصحي ضميره الي دفنته هيه..
با افعالهه

ملاحضه مكتبت على جمانه هوايه لان اريد اختم قصص البنات ويبقى السرد الهه

الواتباد صاير ثكيل كوه اكتب منو يعرف السبب؟
تاخرت من ورا كل
..
جمانه

احس جسمي خدر من الخوف بحيث حتى لساني نشل اريد اصيح ب اسمهه ماكو اريد انطق..

طاحت المواعين من ايدي جان تفتح عيونهه بقوه ووتضحك اني خربت روحي من الصدمه وكعت للكاع رجليه بادن...

روح: ههههههههههه

جمانه  :طاح حضج ياحيوانه

روح :بربج صدكتي

جمانه : ولي من خلقتي..

وودنكت الم ب الاكل ووارجعه للمواعين همزين ماكو شيء سأل.. : حتى الاكل خرب

روح : ههههه اسفه بس حبيت اسوي شيء مميز يخليج تتذكرين هذا اليوم طول عمرج..

درت عليهه وكرصتهه من زندههه
: وهيج يامطيه هيج جان وكف كلبي..

ذبت روحهه عليه ووحضنتني وبدلع
: اوي فديت الي تخاف عليه

جمانه : شلون سويتي بنفسج هيج ووتيشيرت منين تبلل مو ضلمه عبالي دم..

روح :اي هو اني متقصده سويت هيج هذا دم..

جمانه : عازا بعينج يامجرمه.
..
ضلت تضحك واني فاير دمي اكلنه شويه من الاكل الي ماتدمر وبقى على حاله ورجعنه نمنه..

كعدتني روحي ب ١٠ الصبح سحل دربي ما اشوفه تكلي اتأخرنه امشي نروح نتسوك على شنو اجيت لبغداد على التسخت...

واني ادفع بيهه مابيه اكوم لحد ما حسيت الذبان فوك راسي وعلى وجهي لعبت روحي ووكمت..

بارده ثلج واحنه مجايبين ويانه غطه بس واحد ومتشاركينه صاير صغير روح خطيه مريضه صوتهه مطبك..

لان اضاهر اني لافه الغطه عليه لف وومخليتهه مكشفه.

روح : لويدري ذاك الواحد جان علكلي مشنقه هنا هسه تلكين جاسم ابو الطيور شاف لمن كال بس..

جمانه : يا بس لا صدك

روح : اتشاقه وياج قبل امشي اني اعلمج بسيطه

نزلنه وهي ضايجه من الي صار لكينه امي منتضرتنه على الدرج ضلت تحجي ليش تأخرتن هلكد هسه شكو مطيرجيه كعدو صدك جذب جمانه تردين تفضحينه يمه.

: اهووو شمدريني يمه غير نايمه امشي نغسل

وجريت روح من ايدهه دخلنه للحمام ضلينه نتعارك منو تغسل اول ووحده لحد ما دفعتني برجلهه رحت ليغاد اجيت ازحلك وهي احتلت المكان
..
كملنه وتريكنه ووطلنه ويانا امي رحنه للجمله مال المكياج واخذت كميه كلش جبيره حتى حرنه شلونه نجيبهه اجرنه سياره لحد المحل ونجيب ونعبي ب الصندوك..

خابرهه قسورر وانطاها خبر انو جاي واحنه بنص الطريق ووهي جاوبته بمنتضرتك تعال..

جمانه : ليش تجذبين جان كلتي اله بعدنه بره البيت بلا صار حادث شيء واتأخرنه

روح : شهل فال ووسم

وصلنه للبيت ووجان قسور طابك سيارته ب الباب نززلت علي ركض من التكسي وراحت تحجي ويا
..
روح

قسور : ووين جنتي!

روح : رحنه تسوكنه غراض المحل

قلص عيونه  بعدم رضى ووكال ها..

رفعت حاجبي بضيق : شنو ها؟ ممصدك! رجعنه لسوالف قبل

قسور: لتسوينهه سالفه بنت الذينه اصعدي يلا..

صعدت وهو نزل الغراض ووحولهن بسيارته حتى مالحكت اودع جمانه

روح : شلونك ووين خلصت البارحه!

قسور :ببيت صديقي 

خليت شعري ورا اذني ابد ما اطمن من اصدقاءه
لان مره سمعته يحجي وياهم ووفاتح سبيكر وواحد منهم ساقط فدنوب..

روح : ابو الشقق مو؟

انصدم مني لزم الكير فورا وكف السياره من السرعه مالته نرجيت..

قسور : شنو ابو الشقق منين تعرفينه؟

روح: منين اعرفه منك غير مره شفته بجهازك ووسمعته يحجي وياك اتصال يعزمك على سوالف المكسره..

مسح ووجهه واستغفر ووطلع باكيت الجكاير..
دنكت راسي بأسف : تشك بيه مو

: اشش

: تشك بيه

ورث جكاره وخلاهه بين شفايفه

سكت دمعتي صارت بطرف عيني ووكلبي نغزني
: ماكو داعي تبين عدم هالشي وهو واضح مثل وضوح الشمس..

قسور : كافي روح نلصمي ووسدي حلكج لثانيه وحده بس.

عطت بحركه : ماسده ماسده مدامك تشك بيه شكو مكملين ها؟ شكو مكابتلك وكاعده مستحيل اكدر اضل عايشه هالمعاناه وياك..

لهل درجه بنظرك اني قذره شنو تفكيرك الخاطر الله دتقرفني منك..

عقد حواجبه بضيق ووشمر الجكاره من الجامه بعد ما جعصهه بين ادي..

قسور : من تحجين  اعرفي معنى كلامج جرحتج بحرف اني؟ نطقت بكلام قلل منج اذاج لا بس انت تفسرين من كيفج لمن سألتج جنت اريد اشوف منين تعرفينه..

روح : اي يعني بنظرك انت منين اعرفه ها غير منك لا تتحجج ووتحاول تفر السالفه..

قسور : لسانج شوكت  يجي اليوم الي اكصه بي اخ جان ارتاحيت..

تنهدت وولتافيت للجامه وكتفت اديه حرك السياره..

طول الطريق دموعي على خدي ووهو بس ينافخ ياريت منكص لساني ولا حاجيه ميجيب كلامي غير وجع الراس لنفسي قبل الناس..

ووكفنه ب الطريق على بسطيه تبيع مي وجاي ووكهوه نزل هو جاب كوب جاي ووبطل مي لازمه
هو والكوب ب ايد ووحده..

دك عليه الجامه جنت منزله راسي ووشعري على عيوني رفعت وجهي وفتحتهه مدلي بطل المي..

قسور : هذا حار مو بارد اذا تحبين ب السياره او ب الشارع وين اريح الج انزلي غسلي ووجهج..

رجعته ب ايده ووبضوجه : ماريد

خزرني : دكومي حقيره لتخبثين..

كلت ب اصرار : ما ثم ما ثم ما عوفني لوحدي.

نفخ ووابتسم شرب شويه من الجاي
: يعني متغسلين ووجهج؟

: تؤ عاجبني ابقى بدموعي

ذب الكلاص مال الجاي السفري بعد ما خلص منه..
وانتجه ب ادي على حافه لجامه ووطبب راسه ليمي..

دايره ووجهي صفح
: ليش زعلانه

باوعتله : شنو ليش شنو ليش لتخبلني اكو واحد يشك هالشك بمرته يعني اعوفك انت وواروح لصديقك وونوب شلون صديق ابو نسوان سكير هتلي ولتكلي منين عرفتي منك.

تنهد : شكتلج اني سألتج منين تعرفينه حطي روحج مكاني

لو اني قبل جان عندي علاقات ووبنات وكتلج تبت خلص محيتهن من حياتي وواجيتي وشفتي صورهن ب موبايلي شنو رده فعلج.

رفعت اصبعي بوجهه : والله مابقى عندك وولا ثانيه اصلا ما صدك توبتك لان الي يصاحب مره يصاحب عشره خاف عبالك غشيمه وماعرف..

لزم اصبعي ولوه بقوه توجعت نزله من وجهه
: اي والمعادله عكسيه اني لو ما الله يرحم بحالج ووحالي وويهدي بالي عليج ويريح كلبي ووينسيني ولو ذره جان طلقتين ووحده براسج ووبراسي وثنينه للكبر..

بس كلت مادامهه صادقه ووماعندهه احد غيري ووماتكذب ف اكدر اصلحهه..

تنهدت: قسور انت لحد هسه مجاي تفتهم فكره انو الصور بأيام مراهقتي لو ردت اعيد السويته قبل مجان انتضرتك؟ خوش..

مسح طرف حاجبه: خل نعقد اتفاق

قلصت عيوني

قسور : يا اما تغسلين وجهج يا اما تنزلين من السياره تكملين للبصره مشي وهناك يتلكوج السيطرات.. مرغلي روحج كدامهم شويه ابجي لطمي بلكي يوصلوج بس كولي الهم بيت الضابط قسور وويذبوج بالباب

: وين الاتفاق ب الموضوع دتجبرني على قرارتك انت!

: اي يعجبج اهلا واسهلا ميعجبج هم اهلا واسهلا

: وليش مجبوره انفذ كلامك؟

: علمود متكملين الطريق للبصره مشي

: قسور

: نجبي وويلا غسلي

:الفاضك

:  عسل

: راح ينكلب شتاء العراق الى احر ايام تموز من ورا ثقتك ووحمواتك

اي راديتر اني لو محرك 

اخذت البطل من ايده وورشيت شويه على وجهي وومسحته من الدموع..

حرك السياره وطول الطريق احنه هادئين احسه ضايج بس ميحجي
..
وصلنه للبيت اني ميته من التعب ووكتله راح انام
بس هو طلع باقي كم شغله ب المحل وراح يخلصهه

مقهوره حيل واحس واهسي نكسر من الي صار... شوكت راح يبطل يشك بيه؟ مراح يبطل لو تطلع نخله براسي..

نمت ووللمغرب كعدت لكيته موجود من شافني
كال : كومي غسلي وتعالي

:شكو؟

: ماكو بس كم موضوع لازم نحجي بيهن بخصوص المحل..

: تمام

دخلت للحمام اخذت مي بكف ايدي وورشيته على وجهي خايفه احط عيني بعينه واشوف ذيج النظره التذكرني ب الماضي..

بلعت ريكي ووطلعت كعدت على كرسي ميز المرايه..

قسور : اسبوع وويخلص تصميم المحل الداخلي يعني الديكور الي ردتي وباقي الشغلات..

هزيت راسي : الحمدلله

رفع اصابيعه ويأشر بيهن : تلث نقط لازم تعرفيهن وتطبقيهن وله صدكيني ينسد المحل من باجر..

رفعت طرف حاجبي : تهددني

: اني احذرج فقط ووانت وذكائج بعد.

اني اغلب الوقت راح اكون ب الدوام يعني بغيابي الياس هو الي يوصلج وويرجعج ممنوع تخطين خطوه ووحده لوحدج؟

ثانيا والاهم اي احد من المحلات البقيه الي بصفج يحاجيج يحاول يدخل للمحل،،

ديربالج تردين بحرف واحد وولو حرف وخاف عبالج اني مموجود ماعرف شيء؟ لا غلطانه اذا تفكرين هيج.

ثالثا تحتاجين شيء تخابرين الياس لو ابويه
معليج بالباقي عمامي يحاولون يمنعوج كولي الهم قسور قابل ولتحجين اكثر من هيج..

هزيت راسي تنهد ورفع نفسه بعد ماجان مدنك عليه راد يحجي بس دك موبايله اخذه ووطلع بره..

دخلت عمتي شافتني على كعدتي
: شبيج عمه..

كمت عليهه ذبيت روحي بحضنهه ووراسي على كتفهه بدون ما احس نزلت دموعي
:  عمه ميثق بيه لحد هل لحضه هو متوقع مني كلشي.

: شصاير احجي

: على اقل زله يباوعلي بنظرات شك وقلق اني متأكده ماراح ينسى وراح يجيب عمره كله خايف من تصرفاتي لا هو راح يرتاح ولا اني..

شالت وجهي وولزمته بثنين اديهه وومسحت دموعي بطرف اصابيعهه : لتكولين هيج حبيبتي انتو مصارلكم هواي من تعديتو مرحله كلش صعبه المفروض تصبرين ووتتحملين..

وماكو شي ماينسي وداعتج كلهه تصير سوالف ياروح عمتج..

برطمت جرتني وحضنتني وواني فدنوب كمت اشهك بحضنهه نفتح الباب وودخل قسور شافنه هيج ضل واكف بمكانه وومصدوم..

وخرت عمتي وواني نزلت راسلي امسح بدموعي
راحت علي طبطت على كتفه ووهمست
: ديربالك عليهه..

وتخطته ووطلعت كتف ادي ووعقد حواجبه بعصبيه : شصاير

روح : سلامتك

تقرب عليه ويحجي بحده
: روح اني اعرف عمتي قربيه عليج كلش ووتحبج وتحبيهه بس مو كلشي يصير بيناتنه تروحين تكولين الهه تدرين اكو شيء اسمه خصوصيه

عطت بغضب : شبيك اليوم ابد مو تمام بس تصيح عليه وترزل بيه ترا تعبت من البجي.

قسور : كله بسببج اكلج انسي ولا تكبرين الموضوع الي احسه اني عوفي بكلبي ولا تنبشين بي..

روح : يعني اشوف نظراتك هيج وواسكت؟

زفر بقله صبر : لا اله الا الله

عافني وتمدد على الجربايه وغمض عيونه وعاقد حواجبه وملامحه كلهه عصبيه..

تقربت كعدت بصفه كلش ودنكت راسي علي
: الي اريده تكون صادق وياي  لا تكهرني بداخلك ووتحبني ضاهرياً بس

فتح عيونه حط ايده على كصته وحجه
اني صادق وياج بس انت الي مجاي تقدرين ظروفي :

روح  : لتكول ظروفي كول موقفي..

كام على حيله لتفت عليه وهمس
: عوفينه من هل موضوع

لزمني من زندي ووجرني بقوه وكعت علي ووشعري صار على عيوني رفع ايده ووضمه ورا اذني.

عرفت شنو يريد ضلت مشاعري متجمده وكلبي يدك بقوه وانفاسي حرت قرب شفايفه على خدي ووباسني ووبعدهه تسللت على  كل وووجهي لحد ما استقر ووجهه بركبتي ووايده نلفت على خصري..

صدري يصعد ووينزل بسرعه اخاف اصده وواخاف اكمل ويا وواحسني بين نارين..

رفع عينه عليه شافني دايره وجهي صفح وومغمضه عيوني..

رمشيت برمشي  اكثر من مره ووفتحت عيني..
شافني الهث رخت ايده الي على خصري ووهمس
: ليش متضايقه

دمعت عيوني : خايفه منك

: شنو الي مخوفج؟! اول وتالي اني زوجج ومجاي اسوي شيء عيب وحرام ووغصب عنج..

روح : مخايفه من الي بالك اني قلقي بسبب فكره انت متحب ومتريد جهال اذا صار عندي وورجعت سقطته متتصور الوكعه الي راح اوكعهه والكسره؟

بلع ريكه : بس الدكتوره كالت سنه يلا؟

: هذا توقع وهو كلشي بيد رب العالمين. َ

كام مني وونام على ضهره بصفي وومسح وجهي
بنفاذ صبر .. برطمت وانطيته ضهري عصرت وجهي ب المخده وطكيت بجي..

شويه وحسيته يصير قريب باسني بكتفي
وكال : لتتصورين ماريد جهال لان منج لا بس ممفكر انشغل بهوستهم هسه..

وبعدين انت راح يصير عندج شغل وتنشغلين منو راح يهتم بالطفل ويربي؟ يم منو تخلي! خوما يكضيهه يم عمتي هدى..
.
مجاوبته بقى ييحجي وياي وهواي كال كلام بس مابدر مني اي شيء ثاني يوم الصبح كعدت ملكيته خطيه اجتني عمتي هدى اول ماكعدت وياها صينيه الرييوك ََ

شافت عيوني مورمه
: منو مبجيَ الحلوه؟

اجيت اكول الهه بس تذكرت تحذريه ووسكتت كلت اخاف يسوي مشكله اذا عرف..

كلت الهه تذكرت امي
..
خلص الاسبوع وووجان المفروض اروح اشوف الصالون لان باجر افتح ف اخذني اللعصر شفته يجنن ويفتح النفس حسيت نفسي وواني افتر بي ملكه شعور لا يوصف اريد اطير اله شويه.

تغدينه بي لان لتهيت ارتب المكان  ووالغراض وتأخرت ف راح جاب اكل وواجه..
..
رجعنه للبيت عمتي تهوس وووتهلهل ووهمه كاعدين مسطرين على التخم ووجوهم تنطي الوان..

الليل ماكدرت انامه من الحماس دخلت سبحت ووقسور متمدد سمعته يخابر وومنفعل طلعت بسرعه حتى غسلت شعري شلون ماكان..

كلت واني الف الخاولي على راسي : شكو؟

كام من الجربايه ومن فعل
: ولد النعل بنص الليل يخابروني عندك انذار تعال ابن ال*** طلعيلي البدله.

توقعته بطل يفشر ع ناس وويغلط وويفلت السانه بس طلع زايد..

طلعت ملابسه وحطيتهن على الجربايه
روح : لعد باجر شلون

نزع البدي وولبس قميصه العسكري الاسود
: الياس يوصلج

ضجت بنفخه ذبيت روحي على الجربايه بملل..
ثواني ووكمل رجع شعره ليوره ب اصابيعه ووحط المسدس بحزامه..

باوعلي ب المرايه وابتسم كمت صرت ورا انتبهت الياخه مو عدلت رتبتهه ندار علي ووجرني علي
من سرعه حركه نلزكت بي..

باسني بطرف شفايفي السفليه ووبكصتي ووايده تتلمس ضهري من الخلف باوع بعيني وهمس
: راح اشتاقلج

حطيت ايدي على مسدسه ووثبته بقوه بحزامه
: الله يرحم الايام الي جنت اشوفك بيهه كل شهر

: خبيثه مو بيدج بكل طريقه تحاولين تعكرين مزاجي يلا يابه رجعي نامي ووسدي الباب واذا تروحين يم عمتي افضل ََ

:لا شعندي خليني بغرفتي

طلع وسديت الباب خلفه مااجاني نوم ابد تذكرت العلاكه السوده ورحت فتحت المجر مالته ملكيته
دورت بكنتوره ووشفتهن مخليهه جوه البجايم..

فتحتهه جان اشوفهه بدي اسود ساده ..
وومن ورا ب الضهر مكتوب الماكيرا روح
من شفته نذهلت حيل الخط مزخرف وبلون فضيومن كد ما عجبني جربته بسرعه ووطلع يجننن ..

ركضت للجامه ووخرت البرده مشفته موجود يعني رايح
َ..
ثاني يوم كعدت ب ٧ ونص محضره كلشي رطبت وجهي ووخليت حمره خفيفه وورفعت شعري عالي لان حيتعبني ب الشغل..

لبست البدي الي جايبه قسور هو ردان طويل بس ربعته وصل لنص الايد ووبنطرون اسود وحذاء رياضي وطلعت..

شفت عمتي كاعده ب المطبخ تشرب جاي صبحت عليهه
وودنكت بستهه..

:ها عمه راح تروحين

: اي عمه بس عفيه روحي كعدي الياس قسور انذار البارحه طلع ووهو كلي خلي الياس يوصلج..

: اي تدللي ربي يفرجهه بوجهج وويفتحهه عليج من اوسع ابوابه..

: فدوه الكلبج اروح اني..

: حبوبه انتِ اكعدي اكليلج لكمه بين ما اكعد الولد

: لا ابد ما اشتهي راح ابقى منتضره هنا

:موزين عليج

: ههههههه وداعتج ما اشتهي بس اريد اطلب منج طلب

: اي كولي

: اريد موبايلج اخذه ويايه اخابر على الياس اذا احتاجيت شيء تعرفين قسور لهسه ممشتريلي تلفون..
: اي من عيوني

ومدت ايدهه بجيبهه طلعت الي ووحطتهه بكفَ ايدي تشكرتهه ووكعدت على كرسي راحت صاحت الياس واجه مطفي ووكوه يمشي
..
غسل ووجهه وشرب استكان جاي وواشرلي براسه بمعنى امشي هو معنده سياره اجرنه تكسي وجان المحل قريب ربع ساعه ذبني ورجع بنفس السياره للبيت
ََ..
اول مادخلت نشررح صدري اني ماحطيت عاملات لان بعدني اكيد ماراح يتراكعون الزبائن شويه شويه من اكبر الشغل اجيب..

رتبت كم شغله صارت ب ٨ وماكو احد طار واهسي كلش
ضليت افتر ووماعرف شسوي ب٨ وربع..

دخلت ووحده كيفت ووكفت على حيلي ومبتسمه وياها امهه وامهه بيدهه جيس مال بدله يمكن عروس..

حطيت ايدي بجيب البنطرون الوره ووكفت احاجيهه ومبتسمه

: صباح الخير

: صباح النور

حارت شلون تحجي تقربت يمي امهه وكالت
: حبيبتي انت ام الصالون

:اي نعم حجيه تفضلو

: زاد فضلج  انه بنيتي اليوم عروس ووحجزنه يم صالون وولكينه لاغين الحجز ام الصالون عدهه ووفاه مدري شني وومعزل خطيه ضاجت وورادت تأجل حتى العرس اختهه كالت الهه اني امكيجج..

بس كلت الهه لا انه شفت صالون فتح جديد امشي نروحله اكيدن بدون حجز لان جديد..

ضحكت : والله حجيه صحيح اليوم بدون حجز لان اليوم الاول ووانتو اول الزبائن بس الايام الجايه اكيد حجز..

: هسه شني تستقبلينه يو لا

: اكيد على راسي تفضلي حبيبي

واشرت للبنيه تكعد على الكرسي مقابيل المرايه..

فتحت شعرهه طويل حيل لونه عسلي بس نشاز امسحلهه على راسهه واحجي :عمري منو مسويلج شعرج؟

: اني صابغته ب البيت

: لا غلط يروحي يتعب الشعر هيج لان لازم ينصبغ ب الصوره الصحيحه والون ممناسب بشرتج حاولي ورا العرس تغيرين الون..

الحجيه نطت
: شكد تاخذين حنه وعرس

: ٤٠٠

: هواي يمه شني راح تبدلين جهرتهه

متت من الضحك : نزول عليج  حجيه ههههههههههه

لا بس تعب ووشغل وترا مو بس مكياج تسريحه وواضافر وورموش وعدسات..

حجت البنيه : بس هوايه
: هاي الخاطرج ٣٧٠ وترا اكو صالونات بس حنه ٤٠٠ وانت احكمي..

: يلا هاهيه يصير انطيج نص وباجر نص

:تمام عيني

البنيه بشرتهه حيل تعبانه نصحتهه تسوي جلسات معالجه خليتهه تروح تغسل ب غسول خاص و اجت نشفته الهه ورطبته وبديت اشتغل..

بدلتهه لون ماروني كلت اذا اسوي مكياج اوفر تصير لخه..
ف سويت الهه بيجي هادئ وورسمت عينهه بطريقه سحبته الهه ووحمره بيجي بس اطوخ من لون العيون..

الحجيه ماسكتت بس تسأل وواني مندمجه وي البنيه كوه احاجيهه

: شكد عمرج يمه

: ١٩

: يا صغيره اهلج قبلو تفتحين هيج صالون لوحدج

: اهلي ميتين

: يا سوده عليه الله يرحمهم بعدج صغيره ووين كاعده عدمن شلون عايشه..

: والله متزوجه وكاعده وي زوجي

: ها زين الحمدالله ربج ياخذ شيء وينطي شيء اكيدن زوجج تعبانه حالته ووانت تساعدينه بشغلج اي هي هاي النسوان النادره..

رفعت راسي وضحكت بقوه
: لا هههههههه اني حباً بشغلي فتحت هو ممحتاج اصلا هو الي شترالي المركز..

: يا فدوه مبين يحبج شيشتغل

: ضابط

: سوده بوجهج على هل سوايه

: هههههههه ها خير شكو

:ولج يمه رجل بنتي ضابط همين ووالله لا يسلطه على عبد همجي ووضرب وكتل وشرب وونسوان..

يجي سكران يسكطهه اسكط

ماحبيت احجيلهه خصوصياتي رغم هي حجت الهه والعليهه..

: لا هو يحبني

: الله يخلي الج

رحت شغلت الديجيَ وطلعت ساجده عبيد حتى تسكت لان دتلهيني البنيه طلعت تسريحه ناصيه..

: حبيبي لازم نعتمد ع شكل البدله؟

: مالتي مفتوحه من الصدر والضهر

: لعد شوفي عمري حسويهه عاليه هم تبين ملامحج وهم تبرز كصه البدله..

هي تطلب شيء وواذا اكلههه ميصير متعلق بعد.. اشتغلت بيهه ب ٤ ساعات هلكت حيل وومتت من الجوع..

كملت التسريحه والمكياج ووبقت لمسات اخيره..

وكفت امسح اديه بكلنس مبلل
: حجيه وولو اتعبج بس اعبري لهذا المطعم جيبيلي صاج..

: اي تدللين يمه

كامت جريت الجيزدان من الجيب الوره ووانطيتهه فلوس جابتلي وواجت اكلتهه وكملت البنيه ََ

امهه نصدمت وضلت تتشكر بيه وماقصرتي وفدوه الكلبج وتبوس بيه..

: يعيني ماسويت شيء واجبي هذا

انطتني ٢٠٠ وكالت باجر انطيج البقيه لحد هسه ممصدكه من اول يوم وهيج استفتاحيه ََ

ورا مطلعو اجتي بنيه مسويه تاتو ووحاجبهه خربان..

روح : امسحه واعدله الج ٥٠

: هوايه شراح تسوين قابل

: تعب وجهاز. وشغل كومه وجلستين

٢٥ تردين لو اروح الغيرج

: شنو حبيبي داجدي منج اني ٥٠ لا ينقص الف ولا يزيد ربع عاجبج اهلا واسهلا.

: على شنو شايفه روحج كلج اليوم فتحتي عشره ب الفرع ميعرفوج لو صرتي مثل ذيج وهاي جان شسويتي..

: لتقارنيني بأحد روحي الذيج وهاي واختصري على نفسج ووعليه هل كلام َ

بقت تدردم ووخلت وراحت ضجت حيل عزلت ووخابرت الياس اجاني سألتني عمتي شلون الشغل كلت الهه الحمدلله
تمام
..
ثاني يوم رحت من وكت ووكعدت اشوف الون المكياج ووادمج ووانسق للبنيه الي عرسهه اليوم وواجت ورا مفتحت بنص ساعه.

سويت الهه سموكي هادئ وعدسات عسلي رادت ازرك تخبلت كلت الهه تطلعين زومبيي..

روح : حبيبي الرموش اخذيهن بس العدسات لازم ترجعيهه للصالون واذا تحبين اشتريهه..

نطت امهه : اي اي نشتريهه شيرجعنه بعد شكد اطيح الفين الف ونص

روح : هههههههه شنو هاي حجيه قابل دابيع حاجه بلف لا عيوني سعرهه ٢٥

:يمه چا بدلي الون خلي ازرك خل تطلع زومبي منيلي ٢٥

: كل الالوان نفس السعر

: چا اشلعيهه مانريد

: ههههه خلص اعتبروهه هديه من المحل بعتبار انتو اول الزبائن..

:من فدوه الكلبج الطيب محضوض بيج الضابط الله يوفقج وويرزقج

ابتسامتي شكت حلكي دعوتهه تسوهه مليارات مو ٢٥
..
اثناء العمل خابر قسور رفعت نفسي عن عين البنيه ووجريت الموبايل من الميز جاوبته.

: الووو

: شلونج روح

: هلاو شمدريك ب الجهاز عندي

: الياس كال

: اها تمام اني بخير انت شلونك شوكت يخلص الانذار

: باجر ان شاء الله تعبان والله دك شغل

ابتسمت وهمست استحيت يسمعن كلامي
: بالمناسبه شكرا ع هديه لابستهه وكلش حلوه

: ها شنو وين لكيتيهه

كتفت اديه ووكلبت عيوني بدلع
: معليك ماكو شيء ينضم عليه

: هههههه يلا بالعافيه ولو ردت انطيهه بايدي

:  تكدر تجيبلي غير شي هديه همين ووانطيهه بأيدك مثلا نزلت كاويه جديده محتاجتهه لشعر العرايس

: ههههههه ادللي يابه يلا اخذي راحتج

غلقته منه وهنه يباوعلي ووالحجيه تبتسم فشلت كملتهه وماجو وراهه زبائن ررجعت للبيت
..
ثاني يوم اليي هو نزل بي قسور العصريه ب ٤ جانت عندي ووحده اليوم تخرجهه وتريد اسويلهه مكياج بناتي...
جايه وياهه اختهه الصغيره..

ف ندك الباب..

كلت الهه للبنيه الصغيره
روح : افتحي الباب

راحت وواجت اسمع صوته عفت البيدي وطلعت اله راحت البنيه الصغيره بقيت واكفه بعتبه المحل ما تعديتهه وهو مقابيلي ببدلته العسكريه ..

ابتسم ووحط ادي بجيوبه : شلونج

:الحمدلله بخير شوكت نزلت؟

: ممبين عليه من الدوام بوجهي عليج

ضحكت : لا مبين

: شوكت تخلصين؟

: بعد فد نص ساعه

: راح اكعد ب المطعم المقابيل المركز انتضرج محتاجه شيء جوعانه

:لا لا تسلم اكلت

: اوكي بالتوفيق

ابتسمت بوجهه خله وراح وواني رجعت الشغلي من كملت
هو ورا عشر دقايق دك الباب جنت اعزل ب المكياج رحت فتحته اله دخل وواني رجعت المكاني امسح بأيدي..

شويه وحسيته يصير بضهري ويحضني انصدمت

شعري جنت رافعته حسيت بي يتلمس ركبتي بشفايفه وويبوسني بهدوء نداريت علي

: قسور

قاطعني وباسني بشفايفي جنت صايره بحضنه وولاطشه بي وواديه على صدره ولازمه قميصه العسكري بأديه الي ترجف  ووهو مدنك عليه ومندمج..

لزمني من خصري وورفعني على الميز كعدني ووصار قريب عليه شال اديه ولفهن على ركبته باوع بعيوني بذوبان ووجنت احس بي فاقد وياي همس
: احبج... يتبع