رواية لم اخلق لرجل سواك الفصل الحادي والعشرون 21 - بقلم ايزابيل

#بقلم إيـزابيـل
#الجزء السادس عشر
#لم اخلق لرجل سواك
..

..
جمانه

اليوم
على اساس يطلعون ابني من المستشفى اني
قبل كم يوم فتحت خياط العمليه.. واكفه الف بشالي.

وامي وياي تحضر بـ الكركوت ناخذه ويانه نجيبه بي وبابا منتضرنه بره..

طلعنه للهول شفتهم مجتمعين ابو اسعد لابس البشت الذهبي وعكاله وسبحته وواخوانه البقيه وورهيب ووبقيه الولد...

شفت بابا واكف وياهم
:بابا مو على اساس اليوم نروح نجيب انس

كال
: اي بابا ماعندي شيء يلا نروح

ابو اسعد : خويه چا اجنه شتفقنه

:ماكدر اروح وياكم حفيدي منو يجيبه نبقي بالمستشفى شتكول انت

: رهيب

: ها عمي

: انت اخذهم للمستشفى وكمل والحكنه

هذا شبي الحقير شكو لازك بابا باوعتله بملل
وعيونه تحجي قهري كال : بابا روحي وي رهيب شسوي مجبور لازم اروح  اني هم واحد منهم ووبيهم ووفرد من افراد العشيره

زفر نفس
ابو اسعد : يلا لعد نتوكل الشيخ ينتضرنه

مشيت وي رهيب هو طلع كدامنه شغل السياره
اني ركبت ليوره ووامي بالصدر جابت الطريق تحجي ويا وتسأله

: يعني هسه همه شراح يسوون

:الشيخ على اساس ناويهه صلح بيناتهم على الاغلب واحد يدفع فصل او تعويض  للثاني بس ماتوقع عمي ابو اسعد يقبل لان هو متهم بموت ابنه ووهمه كذالك اغتصاب بنتهم ذابينه براس اسعد...

ف الطرفين مراح يرضون ب الصلح اله اذا اكو فد خطه براس الشيخ وبعد الله اعلم..

نفخت بضيق : الله يجيرنه ويسترنه

وصلنه للمستشفى نزل ويانه دخلت على الدكتوره كالت تكدرين تاخذينه بس خل نفحصه بقينه كاعدين ب الغرفه مالتهه وراحت
الممرضه جابته واجت من دخلت بي احس كلبي طار من اول ما جبته اني لا شفته ولا حضنته ولا شميت عطره..

وبداخلي لهفه اله فحصته وكملت كالت تكدرون تطلعونه بس راح اسجل اله مقوويات لازم تنطيهن اله ومن تخلص العلبه جيبيهه اله مره ثانيه لحد ما تخلص علبتين وبعدين توقفي..

كلت الهه : زين دكتوره عادي بهالعمر ياخذ مقوياتت؟ وعلاج

: اي ماما المفروض لان بنيته تحتاج

هزيت راسي وهمست : تمام

رهيب اخذ الراجيته وكال ابقو اني اجيب العلاج واجي نزل للصيدليه جابه واجه ووطلعنه...

امي مخليته ب الكركوت وومخليه عليه غشايه متقبل اطلعه تكول نوصل للبيت يلا الجو ملوث ووبعده صحته مو زينه..

واني اصبر بروحي علي اباوعله وواحاجي نفسي
راح يكبر وويصير سند الامه يكبر شويه شويه كدامي وواكحل بي عيوني..

متحمسه اشوف طفولته ومراهقته ووشبابه..
ابتسم لوحدي وصافنه بي  وصلنه للبيت ودخلنه لكيتهن كلهن مجتمعات ب الصاله ووام اسعد وياهن بس شافتني طفرت..

: ها جبتي

هزيت راسي بأي كلت الامي تنطينيا لزمته وودخلت للغرفه حتى بدون ما احجي ولا حرف
قفلت الباب ووكعدت على الجربايه طلعته وخليته بحضني

ضميته بصدري وحضنته بقوه وواشتم بعطره
برطمت وودموعي نزلن لا ارادياً حياتي ضاعت ومستقبلي راح ووانقلبت كل طموحاتي راساً على عقب بسبب ابوك..

مادري اكول الله يرحمه لان مات وما تجوز على الميت غير الرحمه

لو اتحسب والعنه على الي سواه بينه من فضيحه
وعار كلشي توقعته يسوي اله هالمصيبه..

صح همه ناكرين فعله اسعد ووديكولون مو هوه
بس اني متأكده مليار بالميه هو لان كل تصرفاته بالفتره الاخيره تدل على فعلته الشنيعه..

بقيت بس اتصفن وومخليه ابني على صدري ووامسح على ضهره 
..
احنه طلعنه للمستشفى بـ٤ ورجعنه ب ٥ ونص
كمت سويت حليب الانس ووارضع بي احاول الهي نفسي بشيء لان امي نامت تعبانه كلت اخابر على روح اشوفهه شكو ماكو..نومت انس وخابرتهه..

شويه ووردت بس تبجي وتشهك اريد افهم شبيهه ماكو :ولج شكو احجييي خوفتيني

روح: والله ماسكت اله والله وشوفي

: منووو هو

سكتت وبس تبجي وتناشغ خبلتني كلت الهه
: يمعوده دحجي

:ماجاي اكدر اتنفس جمانه تعبت تعبت

: اسم الله حبيبتي شكووو بس فهميني

: راح اسده من ارتاح احاجيج

: اوكي براحتج

ردت ارتاح زدت همي همين
..
روح

مسحت دموعي وشهكت
: قسور هذا ماعرفه منو يكول اني ابن عمج وَيتحرش بيه وكلامه مو حلو وكوه دفعته عني..

عيونه صارت بكصته ووويخنزر على علي لزمه من ياخه قميصه وودفعه على الحايط ووصرخ بيه بدون ميباوع : امشييييي جووووه

بلعت ريكي وومسحت وجهي ووطلعت اركض اسمع بس صراخه بوجهه ووالبوكسيات..

صارت بوجهي عمتي ام قمر ابتسمت بمكر
وومشيت من يمهه بدلع واني اعدل بشعري القصير دخلت للغرفه وسديت الباب..

كعدت على الجربايه واباوع على الجربايه بعدكم مشايفين شيء

صوت صياحهم يوصل لعندي قسور هجم البيت فوك راسه يتهدد ويسب ويلعن بي..

كمت على كيف ووطلعت مديت راسي عمو حسين الي هو ابو علي اخو قمر نزل من الدرج مخطوف لونه ووركض للمطبخ..

ردت اعرف قسور شحيسويله فتحت الباب وطلعت الهول فارغ يصوصي كلهم ب المطبخ اتمشيت ووكفت لزك وي الحايط ومديت بس عيوني...

عمو حسين : شكووو قسورر شكوو

قسور : عمييي اخذ ابنك من وجهي لا ارتكب بي جريمه

علي : احترم نفسك واحجي عدل ااني لا جاهل ولا زعطوط وانت تعرفني كلش زين

صرخ : ولان اعرفك نصدمت بيييك اكبر زعطوط وسافل وسفيههه كبر لفك اذا تتسمى رجال..

تخبل علي هجم على قسور لزمه من قميصه العسكري وويعيط بوجهه :هايييي العقربنه الخليتهه بنصنه روح اسألهه واذا هي صدك شريفه خل تحجي الحق بس شترجى اذا امهه بشرى..

قسور : انجببب وامشيي وليي من خلقتييي مادام روح بالبيت ماريد اشوفك هنااا اختفيي لا ادفنك بالبستان وومحد يخلصك مني..

حسين : ولكم فهموني شصارر قسور ليش تحاجي علي هيج

علي مسح وجهه المزورك ووتنهد بقهر وكال
: هاي بنت عمي احمد كلبه بنت كلبه ووحقيره هم مسمومه حاجيتهه كلمتين سوتني متحرش وتبجي كدام قسور..

ابتسمت من شفت فشله عمو حسين ووجهه الي نكلب اصفر كدام باقي عمامي واني واكفه ابتسم ووفرحانه فجأه قسور رفع عينه وصارت بعيني..
ولمحني..

رجليه بادن واحس مي حار وانصب فوك راسي..
من الخوف حرت وين انطي وجهي ركضت بسرعه
للغرفه ووسديت الباب من دون ما اقفله من الاستعجال..

وكلبي يدك عزا عزا شافني اضحك تصخمت تعزيت بقيت اروح ووارجع ب الغرفه واكل بأضافيري تذكرت الباب ورحت قفلته وابلع بريكي..

شويه وودك الباب كلبي وكع بين رجليه مافتحته وهو يدك لحد ما بزع وراح غمضت عيوني بتعب
وذبيت روحي على الجربايه ووايدي على كصتي.

شكد غبيه اني
..
سمعت بي رايح للدوام بدلت ملابسي بتراك وطلعت

قمر كاعده وبيدهه دفتر رسم وتباوعلي بغيض ووحقد متهمني وامهه بصفهه تشرب جاي..

وكفتني : تعاي روح

اشرت على نفسي :وياي

هزت راسهه بأي رحت تمشيت ووكفت فوك راسهه
: كولي

: اكعدي

: لا احجي اسمعج

: علي شسوالج؟ احجي الصدك وواني وياج

خليت شعري وورا اذني :والله يا عمه شكولج هو ابنج محترمني ولا احترم بابا المرحوم عمه وتجاوز عليه ووحجه كلام مو مال ولد متربي وابن ناس وعائله..

: يعني شحجي

: اسألي وهو اكيد يجاوبج لان حجه هالحجي كدامي واني مصاارلي كم ساعه من عرفته ف اكيد
ميسحتي يحجي كدامج

لويت شفايفي بقهر متصنعه الاذيه : يلا استأذن

وتمشيت من يمهن طلعت للحوش واكفات يغسلن فراشات ووحده منهن مره تطلع نهايه ال ٣٠ عرفتهه عمتي هدى عن طريق وحده من البنات صاحتهه..

لمحتني اجت اليمي تباوعلي من فوك ليجوه كالت : شلونج روح

لزمت خصله من شعري وابرم بيهه
: الحمدلله عمه بخير  شكو ليش دتغسلون

: چاي نحضر لعرس تقى بعد اسبوع

رفعت حواجبي الاثنين : ها صدك خوش لعد معزومه مو؟

وحده منهن وجهه ابيض ووعندهه خدود وعيونهه سود شعرهه اسود وبي خصل اشقر وتراجي ذهب بأذانهه : اي حبيبتي اكيد

ابتسمت : انت تقى

هزت راسهه : مبروك حبيبتي

ضحكتلي ووتشكرت لتفت على عمه هدى
: اكلج عمه اريد اطلع للبره

عقدت حواجبه : وين

: للبستان حابه اشوفهه

: خل اروح اسأل الحارس اذا راح الفلاح علمود اخذج واطلع اني هم ضايجه

: اوكي

..
جرت العبايه لفت نفسهه بيهه وطلعت شويه ورجعت كالت يلا تعاي فرحت حيل ضايجه واريد اتنفس احس مخنوكه

خلينه وطلعنه نتمشى ب البستان ووهي تحجي تكلي شعندج اجيتي ووبعد كل هالسنين شذكرج بينه.

تنهدت : عمه اني مناسيتكم حتى اتذكركم بس
كل ماجنت اضوج اكعد اتحسب عليكم وواتذكر سوالف ماما واكرهكم بالزايد.

عقدت حواجبهه وباوعت الي بغرابه : ليش شجانت تحجيلج علينه؟

زميت شفايفي بتفكير افتحلهه كلبي لو لا..!
تمشيت ذبيت نفسي على الثيل وربعت سندت نفسي على جذع الشجره وهي لحكتني كابلتني وكعدت

هدى :اي سولفي

روح : ماتذكر لان صغيره وهي تحجيلي عليكم ومن كبرت بعد مجابت طاريكم بس جانت تكول على اساس انتو تكرهونهه وتكرهون بابا.

هدى : يا نكرهه ابوج ولج احمد جان معلك بكلبي اكثر واحد من اخوتي احبه وياعمه احنه ماجنه نكرهه بس هي سوالفهه تعبانه وتشتري المشاكل شرايه

بلعت ريكي : عمه سولفيلي عن بابا

ابتسمت : احمد جان اكثر واحد حنين على اخوته وطيب ويصلي ويصوم  اول ماتزوجت جنت مشاكل اني وزوجي وعيالي يعني عادي تصير بين اي متزوجين..

اتذكر من سمع بيه ضاربيني بعز الضهر اجاني يركض ووكال لمي ملابسج وتعاي مادام اخوج يشتم الهوى ماتمسج النسمه وواليرشج بمي ارشه بدم ووكعد يهدد بيهم وويتوعد الهم وجابني واجه

كلهه تضايقت مني جانو ولد عمج وبنات عمج بعدهم جهال وانت توج تزحفين وهوسه فكلهه ماحبت ووجودي بس هو كال اطلع من غرفتي وانت اكعدي بيهه اذا ماعندي مكان.

رغم البيت مليان غرف بس مايقبل اكعد ب الطابق الثالث لوحدي يخاف عليه يكلي خليج يمنه..

روح : ليش الطابق الثالث محد كاعد بي

: قبل بس هسه اخذه عمج دريد

روح : لعد اذا ماخذ طابق كامل هو ولده وومرته ليش ينزلون جوه

هدى : مو امي ماتقبل تكله وكت الغدى والعشى والريوك اريدكم مجتمعين وبالليل محد يطب الغرفته كلهه تكعد سوه لحد ما اني اطب انام بوكتهه اخذو راحتكم

امي على عادات تحب المه

رفعت حاجبي : اها زين انت شنو قصتج.

تنهدت : شبيهه قصتي

: يعني سمعت  مطلقه وو..

بعدني داحجي جان اسمع صوت سياره رفعت راسي شفتهه سياره قسور كهرباء سرت بجسمي بلعت ريكي بتوتر : عمه خل نطب بعدين نكمل

: ليش شكوو

: ها لا بس صارت الشمس قويه اخاف على بشرتي يلا باي

وخطفت من يمهه ورحت اركض عبالك واحد لاحكني اركض بكل قوه اسمع عمتي راحت اله تتلكا تكله الله يساعدك ادخل بدل محضرين الغده وهو يكلهه ماشتهي

طبيت  للهول كلهه تباوعلي بأستغراب لان الهث دخلت للغرفه شفت قمر موجوده واكفه تتعطر..

شافتني واستغربت : ها شبيج

: مبيه شي

قمر : اكلج ماشفتي قسور هسه المفروض رجع من الدوام

: وانت شعليج

عقدت حواجبهه : لا بس اريد اصبله الغده

رفعت حواجبي : اها يعني خطبتو

ذبت حسره : لا بعد ماتت اقاربنه وأجلناها على اساس بعد شهرين هيج

روح : انتِ تحبينه؟

كالت بخجل ووهي تنزل براسهه : هو منو ميحبه

: شنو منو ميحبه؟ هذا مو جواب لو اي لو لا

قمر : اي احبه شخصيته جنت راسمتهه بطفولتي حلم مرراهقتي وماجاي اصدك انو تحقق

روح: على كيفج عيني ليروح ينغمى عليج زين وهو؟

قمر : ماعرف

ابتسمت بمكر : ميحبج

عقدت حواجبهه : منو كال؟

روح : هسه هو مو اجه من دوامه والمفروض تعبان وماله خلك

هزت راسهه : روحي كولي اله اصبلك غده واكفه من الصبح اطبخلك  اذا ابتسم بوجهج وكلج اي معناها رغم تعبه بس ميرفضلج طلب ويكسر خاطرج  ويقدر تعبج واذا كلج لا يعني انت متهمي..

: واذا مو جوعان

: لا جوعان اني سمعته يكول لعمه راح اموت من الجوع

فتحت عيونهه بصدمه : عزا لعد رايحههه

هههه شكد فطيره ولكبر طلعت تتلكا وواني واكفه خلف الباب هو دخل تعبان ووجهه معقوج والمسدس بأيده..

هي تبتسم: الله يساعدك،

قسور : هلا

: اصبلك غده واكفه من الصبح اطبخلك الاكله الي تحبهه شفت عدنه المواد وكلت احضرهه الك..

قسور : تعبان وماشتهي خلي انام واكعد واكل واذا ما كعدت وزعيهه الهم..

ضحكت من كل كلبي بحيث بطني كامت توجعني هسه حتصدك هو ميحبههه وجهه نكلب..
..
رجعت عليه كالت لا مكال شيء بس تعبان وراح ينام وكلامج التعبان مو دلاله على الحب والمشاعر لانهه اكبر من هيج

رفعت اكتافي : براحتج لتصدكين  بالمناسبه شطابخه جوعانه

: تمن برياني

: الله لعد راح اروح اكل

: لا لا مال قسور

: اوي عيني وشنو حبيب القلب ياكل جدر كامل خفي علينه يالعاشقه
..
خليت وطلعت واني ادردم عليهه شكد اكرهه ايع
تصورت اجي لهنا وواغير نظرتي بس مداطيق احد  اكلت ونمت
..
لليل كعدت لكيت قمر نايمه عيوني تحركني وجهي مورم لان نايمه كمت اتعثر الغرفه ضلمه

شبعت نوم ووكعدت غسلت ووجهي وولميت شعري بقراصه كوه لميته كل شويه ونازل..

وطلعت كلههه نايمه كلت اطلع للبستان طبعا هالمكان صار ملاذي الهوى البي يطفي توتري..

باوعت من شباك الممر الهوى عالي وويجنن بس خفت اطلع كله اضلم ومطفين الاضويه..

كمت افتر بالبيت رحت للمطبخ ووشربت كلاص مي كلت اصعد للطابق الثاني والثالث اجاني فضول اشوفهن نفس الجوه لو شنو؟

امشي واتلفتت صعدت للدرج صارت عيني بالسكف ثريه جبيره حيل ووكلهه اضويه وكرستال نازل منهه بس طافيه وخمس غرف تقريبا وحده بصف الثانيه.. واكو درج ثاني..

توني داصعد للطابق الثالث ووصار بوجهي قسور ينزل من الدرج ووالجكاره بأيده لازمهه بالعكس..
مانصدم من شافني..

كلبي دك برجفه قويه تراجعت ليوره
..
جمانه

ب ٧ وي الاذان دخل اني جنت كاعده ب الصاله وي امي وارضع ب انس من سمعت صوتهم عدلت كعدتي ونزلت شالي على صدري..

الوجوهه تتلاطم راحو يتوضون وويصلون رهيب عصبي وحتى ماطول كعد شويه ووطلع كال اذا سألكم عمي كولوله راح لصديقه..

ووامه تركض ورا وتصيح شبيك احجي وهو ميجاوبهه..

بابا كمل صلاه واجه كعد مقابيلنه هزيتله راسي بمعنى شكو ضل ساكت ثواني واجو كلهم..

ابو اسعد ينزل بردان دشداشته ويحجي
: صبولنه الچاي يبنات

راحت وحده منهن تسوي الجاي وهو كعد بصف بابا كلهه تجمعت وصارت لخه خفت على ابني يصير بي شيء يختنك شلته ورحت للغرفه نومته ووغطيته طفيت الضوه علي ووطلعت..

رجعت كعدت بمكان امي لكيتهم يشربون جاي ويحجون..

ابو اسعد : ان شاء الله يومين تلاثه ويعقدون..

ام رهيب حجت:منو اليعقد  احجيلنه

ابو اسعد : رهيب على فاديه

تخبلت من كلام عمو لطمت على خدودهه وصاحت : شنووووو اني ابنييي ياخذ هاي العايبه كول غيرهه خويه مستحيل ما اقبل لو تنكلب الامه ابنني يوكعله بهيج نصيب حتى الله مايرضى..

ابو اسعد : ابنجج قابل ما نمشي بحجي النسوان احنه وبعدين شنسوووي اذا بالاخير طلعنه احنه الغلطانين واحنه الي نداس فوك راسنه ورضينه بالامر الواقع..

عقدت حواجبي وحجيت
: عمو شنو قصدك احجي بوضوح

تنهدت وباوعلي فشل : الجماعه طلعو جايبين وياهم شاهد وحلف على القرأن قبل لا يحجي..

صديق اسعد وهو الي مساعده يخطف فاديه..

ماستغربت تنهدت ونزلت راسي سحبت روحي وودخلت لغرفتي همه ضلو واحد يعارك الثاني ام رهيب مقابله على الزواج ووابو اسعد يصيح ويكول المره احنه الي أذينهه ف احنه نتحمل المسؤليه ماجنت متوقع اسعد يسويهه بس شسوي اذا همه جايبين شاهد..
..
دموعي نزلت بدون ماحس اباوع على ابني وودموعي يهلن شسويت حتى اوكع بهيج شباك..

ماذيت احد بعمري حتى اكول هذا عقاب من الله

ولا غلطت ولا انجرفت ولا سويت شيء حرام..
بس الحمدلله على كل حال..
قررت من باجر احاجي بابا علمود نرجع لبغداد

لان هاهيه مابقالي شيء اهنا دخلت امي عليه..
شافت عيوني حمر كالت : ها يمه شبيج

:مابيه

: ضجتي من الحجي مو،

: لا عادي اصلا ادري

زفرت نفس وتقربت كعدت بصفي حطت ايدهه على كتفي وحجت : بعدج صغيره والعمر كدامج عيشي ولا تفكير ب الماضي الي صار خلي يكون درس الج، ادري انت اقوى ومستحيل تنكسرين مثل امج شكد ما تمر بظروف قاسيه تبقى شامخه..

واذا على ابنج ف تربيته عليه حتى لا تفكرين بي..ابتسمت وذبيت نفسي بحضنهه : لا يمي ابد مو هيج بس متندمه على قرارتي الخطئ هي الي وصلتني لهنا

مثل ما كتلج اعتبري درس :

موقف امي وياي جان كفيل انو يزرع الثقه بيه من جديد ويعزز التفائل بداخلي..

كلت الهه شوكت نرجع البغداد

: ابوج يكول هالاسبوع خل تفض السالفه ونروح

هزيت راسي ب اوكي ثاني يوم امي دخلت انس للحمام تسبحه واني وياها ردت اتعلم شلون اسبحه بس متتت من الخوف اباوعله شلون ناعم وصغير وضال جلد على عضم ووبين اديهه كل شويه اكول هسه يتسرسح وويزلك وويروح

ومتت من الخوف بس الحمدلله عدت سلامات..

حددو موعد العقد ورا يومين رهيب ميوصل البيت نهائياً وامي تبجي علي تكول راح يتورط ابني...

سألت امي : اكلج حيسون حفله لو شنو؟

: لا يرحون ابوج ووالجماعه وكم مره يعقدون وويجيبون البنيه ويجون..

:اها زين

حفضته ووترسته بوطره وكعدت اناغيه تمددت بصفه وكف ايدي جوه راسي دخل بابا عدلت نومتي كعد ويانه

: شلونج باباتي

: الحمد لله بخير

: ان شاء الله بس يعقدون بنفس اليوم انتو حضرو نفسكم حتى ارجع وونطلع لبغداد

: ان شاء الله بابا

بقينه شويه كاعدين نسولف لحد ما نعست ووكلت الهم حروح انام كالو اخذي راحتج.. خليت انس يم امي ونمت

بيوم العقد كعدت من وكت لكيتهم يحضرون بروحهم رهيب موجود وولابس دشداشه ووغتره وكاعده على التخم يهز برجله بتوتر و طابك حواجبه ََ

راحو ابو اسعد ووام رهيب وابو وواخوانه ووالبقيه تقريبا البيت فرغ اني حضرت ملابسي وملابس امي ووانس ماعنده بس كم قطعه ممشتريلته
الجهاز مالته بقى بالبيت
..
راحو للمغرب يلا رجعو الي سمعته انو فاديه وورهيب رايحين فندق اتعجب اصلا همه زواجهم شكليات.

وكفت ب الهول وبصفي الجنط: بابا تعبان لو نروح اني وامي جاهزين ومعدنه شيء..

جان تنط ام اسعد
: جمانه اذا تردين تروحين انس يبقى ببيت ابو.. يتبع

الغلاف الحلووو من شهرزات الحلوووووه شكرا شكرا

🖤🖤🖤🖤🖤
ايزابيل