رواية لم اخلق لرجل سواك الفصل السادس 6 - بقلم ايزابيل

#بقلم إيـزابيـل
#الفصل الرابع
#لم اخلق لرجل سواك
..
رد سجه واثر مسحوگ  بس الدوس بمتوني

ارد جناز بالعدلين ارد ومبلله جفوني

اليابس يغري الحطاب  اخضر مايشوفوني

عشت گمره بوجه عميان ماشفو حجي عيوني

يالون السوالف بي ماضل لون من الوني

فاطمة الجياشي

ابداع متواصل حياتي ماعرف اسمج اعذريني 🙊🙊بس شكرا مره ثانيه على اغلفه الجمال
..
جمانه

اباوع بالمرايه وواحاجي اختي ضي
: ها حلو مكياجي لو لا؟

كرفصت يمي ووتباوعلي وهي تقلص بعيونهه
: يجنن يجنن هي هاي ام الصالون شاطره..

عصرت اديه بقوه ووخوف بداخلي
: ها يعني حلوه طالعه

: لج تموتين اني راح اخابر واصف يجيب النه غده لان متت من الجوع

: تمام

عافتني وراحت غمضت عيوني وورجعت سلمت وجهي الام الصالون تشتغلي بالمكياج اليوم الحنه مالتي ووالتوتر يقره الف..

انتضرنه عطله نصف السنه وسوينا بيهه...
شويه واجت ضي بيدهه علاكه جابت كرسي سحبته بصفي وكعدت حطت مثل الوصله البيضه على فستانه وفرشت الاكل ع ميز..

جانت لابسه فستان نيلي يلمع كله وردانه تول اسود كله شغل ووشعرهه جكليتي بي خصل شقار طويل بارمته كله ومكياجهه خفيف.. تخبل طالعه..

جان واصف جايب تمن وعلي دجاج وهي نطلقت تاكل ورادت توكلني بس كلت الهه لا ماريد خفت ع حمره تروح..
..
روح

خصمت عيوني بضيق ووتقربت على البنيه الي نايمه ووكرفصت عليهه دغيتهه بكتفهه جان تنز ووتوخر شعرهه الاسود الي مغطي وجهه بضيق وترجع تدفن راسهه بالمخده..

استغفرت  ابو النسوان يبيع شرف براسي وهو اسقط خلق الله يجيب بنات البيته..
اي عيني هو الكتاب مبين من عنوانه شترجه من واحد لسانه متبري منه..

اسمع صوت شخير بس وين مادري معقوله هاي البنيه بس ممبين عليهه عطت
: صباح الخير عيني

فزت بشهكه قويه ورفعت راسهه وي ما فتحت عيونهه همست : قسور

كتفت اديه : عمت عيني ضاله تتحلمين بالرجال

فركت عيونهه وعدلت كعدتهه
: شنو منو انتِ!

روح : انت المنو

بعدت الغطى عنهه ونزلت رجليهه للكاع وهي تسحب دشداشتهه تنزلهه ووكفت ووباوعت ليكدام : قسور وين؟

دفعتهه من كتفهه بغضب :مو داحاجيج جاوبيني

نترت بعصبيه : شتردين شتردين منو انت شطببج شجابج قسور وين؟ قسوووور قسووور

باوعت الهه بتحدي وثقه : قسور طالع اني بنت عمه

جاوبتني بصدمه وهي تفتح عيونهه علي وسعهن
:رووووح؟

تفاجأت نزلت اديه فورا ووحجيت بسرعه
: وين تعرفيني

ضحكت بفرح وجرتني من اجتافي حضنتني بقوه : يا ولج شلون ماعرفج غير انت بنت عمو احمد الله يرحمه..

بلعت ريكي وودفعتهه بأنزعاج كسرتني تكسر
: هاي وين تعرفين بابا شتقربيلي انتِ؟

ابتسمت : اني بنت عمج الجبير حسين اسمي قمر واصير بنت عم قسوور هم..

طبعا همه عمامي تلاثه  ابوي  رابعهم حسين وورضا ودريد واحمد  رضا ابو قسور..

غضنت حواجبي وركزت بيهه  الابنيه طويله ووجسمهه عبالك ساعه رمليه  ووسمره ملامحهه حاده شفايفهه مسحوبه ووعندهه شامه سوده جوه شفته السفليه عيونهه سود الى درجه موطبيعيه الي يباوع الهن يضيع بيهن.

لفيت الجاكيت عليه بقوه
: اسفه مجنت ادري بيج بنت عمه..

ابتسمت : وبنت عمج هم  انتضري اروح اكعد ماما تشوفج

: ماكو داعي اصلا اني متاخره واريد اروح

جان تلزم ايدي بعطف ووتباوعلي بترجي
: لا حبابه ابقي شويه خليني اتعرف عليج بداعت النبي قسور حجالي عليج لحد ما مل..

حجالهه عليه؟ : ااا انت زوجته خطيبته

كلت الهه هيج لو عبالك شديت الهه جناحات حتى حسيت بأيدهه الي لازمتني خدرت..ذبت تنهيده طويله : لا مو زوجته  المهم روحي اكعدي بس اصيح ماما واغسل واجيج حبيبتي مو ترحين

وعافتني ودخلت للحمام اوي اني ناقصني قمر وربعهه بعد عفتهه ووطلعت من البيت كله لا تتعرف عليه ولا اتعرف عليهه.

معقوله متدري اني اشوف دم سنوني ولا اشوفهم..
ذبيت نعالي ببباب البيت ودخلت سنطه امي تعزل بمكياجهه ووتسجل اسامي الحجوزات ربعت كدامهه على القنفه : وين طلعتي من الصبح..

جريت الريموت اكلب واحاجيهه
: مطلت هياني يمج

بشرى : احجييي لتلعبين بأعصابي

روح : نزلت للأسواق بس طلعت ناسيه اخذ فلوس وورجعت بعد مابيه حيل انزل..

بشرى :لو ما شفتج بعيني تحاجينه

بلعت ريكي : منو؟

بشرى : قسور

شتتت انتباهي كلامهه حاولت الاشي نظري عنهه

: اي صح شفته بالطريق وعادي سلمت علي

كامت من مكانهه هدت عليهه تكول تريد تكتلني لزمتني من عكس ايدي وتودي بيه يمنى يسرى
: ادري بيج بعدج مراهقه ووطايشه وتفكيرج كله بالعاطفه بهيج وقت بس والله ثم والله ووروح ابوج اذا فكرتي بقسور اتبرى منج وتنسين عندج ام ووماكتفي بهيج لا اكطع النعال على راسج وواحرمج من الطلعه وواحبسج بهل غرفه هاي وكولي ماكلت..

نترت ايدي منهه : ماما صدوك تحجين افكر بقسور؟ هي هاي العايزه هل همجي هذا المنحط

باوعتلي بعدم رضى ورجعت تكمل شغلهه
..
لليل اني وحدي وبهاء طالع هو وامي معزومين عازمهم صديقه بقوني ووحدي كاعده احجي وي مؤمل..

جان يكلي : اشو بعدج مامشوفتني الصور

روح : ياصور

مؤمل : مو كتلج البسي الملابس الي هديتهن الج ووصوري لان حاب اشوفهن عليج..

روح : مم وشتنطيني

مؤمل : انت بس أمري

روح :اكو كم فستان نزلن جدد وشفتهن عند صديقاتي وحابه اخذهن لان سألني وكلت الهن اني راح اشتريهن..

مؤمل : اي ادللي يابه

روح : بس هنه غاليات شوي تقريبا الواحد سعره ١٠٠ دولار

مؤمل :ميغلن عليج

: انتضرني اخذ كم صوره

: اوكي عمري
..
رحت قفلت باب الشقه وتأكدت منه ورجعت لغرفتي طلعت الثوب جان حرير اسود يوصل

لنص الفخذ ووردانه تعلاكه  والضهر كله مفتوح لبسته فضيييحه وومغررري حيل يعني حتى المره المتزوجه تستحي تلبسه..

واني مادري شصابني ووقبلت طلبه فتحت شعري الي اطرافه ماروني ووخطيت شفايفي بقلم احمر
ساطع..

واخذت كم صوره وفيديو اضحك بيهن واكوله احبك..

دزيتهن اله تخبل كال اويلي لو يمج اني هسه شكد شفت بنات بجمالج ماكو جان غزله يوديني لعالم ثاني يخليني بس ابتسم وواحس بالحنان الي فقدته ووفقدت طعمه حتى مرات اتقصد ادزله صور في سبيل اسمع كلامه..

كالي صوري بعد فيديو لو نفتح كامره اريد اشوفج اكثر ماشبعت منج..

اتصل كامره كعدت على الجربايه ووضهري للحايط ومخليه الموبايل بوجهي ووالثوب كله دلع وجسمي واكتافي طالعه..

ضل يحجي وكلامه المعسول ينزل عذاب على كلبي لحد ما طلب مني طلب خلاني اوسع عيوني عل عشره..

روح : مؤمل مستحيل شتحجي انت ماكدر اسوي هيج

مؤمل : يعني انت سويتي كلشي بقت على هاي

روح : اني سويت غير لان احبك وماريد اضوجك بسَ ماكدر على هالطلب اعذرني شنو تريد انام وياك على الاتصال مسستحيلل اسويهه..

مؤمل : انطيج شكد ماتردين

روح : ها وانت شايفني بنت ملاهي حتى تسعرني ووتطلب تقضي وقت بمبلغ مالي..

مؤمل :تره انت فعلا هيج لان الفساتين نفسهن راح تشتريهن بفلوس بمقابل كم صوره منج..

انتفضت من كلامه معقوله هيج يحجيهه بسهوله واني كل نيتي اسعده صحت بصوت عالي
: دنجب ادبسزز مو صوجك والله صوجي اني القشمر بس مو روح الي تحاجيهه هيج بسيطه..

غلقت الخط بوجهه وروحي فايره هيج احس الدخان كام يطلع من راسي وكلبي يخفق بقوه
جريت الثوب ووشكيتهه فتحت الشباك ووذبيته على بعد كم متر ودموعي تجري وكل ماتذكر كلامه اقهر بروحي وبودي الزم نفسي واكطعهه

سمعت صوت الباب ندك تفلش تفلش اجو اهلي يمكن جريت كلنس على الطاير وومسحت بيهه شفايفي بس الحمره قويه بقه اثر وردي..

واني امشي لفيت شعري وورفعته كعكه فتحت الباب طلعو قسور ووقمر نصدمت بيهم ووبقيت متجمده بمكاني..

قسور مكتف ادي لوره ضهري ويباوعلي بتفحص ووعيوونه منبثقه على شفايفي وعيوني الي مورمه..

قسور : على الاقل مجامله كولي تفضولو..

بلعت ريكي وتنهدت ماحجيت شيء ابتعدت عن الباب وهمه دخلو قمر بيدهه بايركس مغلف....

قسور ذب روحه على التخم ويباوع الارجاء البيت يريد يحجي بس مدري شنو المانعه..

قمر ضلت واكفه ووتباوعلي لحد ما كلت الهه
: تفضلي

تقربت خلت البايركس بأيدي حاررر ناررر
: هاي الج

عقدت حواجبي : شنووو؟

قمر : فطائر وبورك شغل ايدي سويت وكلت تجربيهن..

روح : مجان اكو داعي حبي

قمر : لا هنه الج اخذيهن

باوعت الهه بملل وتمشيت للمطبخ ذبيته على الكاونتر وورجعت للصاله كعدت مقابيلهم...

قسور : الوالده وين؟

روح : طلعو يتعشون

قسور : اها وعايفينج وحدج؟

رفعت طرف حاجبي
: لا عايفين الي حرس شخصي..

باوع يمنى يسرى: چا وين لابد

ابتسمت بمكر :  كدامي

باوعلي بخزره ووعيونه نطت  عرف قصدته حاول يلوفهه عليه باوع على  التمثال الي كبالي جان عباره عن اسد يصرخ..

قسور :ها مأمنتج عند اسد يصيح

روح : على فكره يعني اني ماحتاج اكدر ادبر امري

قسور : سور واسم الله عليج  الرجل الاخضر

قمر : انه جبته واجيت لقسور كتله اريد اتعرف عليهه..

كمت على حيلي ووصحت
: شتتعرفييين حبيي ترا اني اكرررهكممم اكرهكمم خوووش ووماطردت من باب الضيافه والاحترام بس والله لساني مايطخ لسانكم لا انت ولا امج ولا ابن عمج..

عفتهه ووتخطيت القنفه بعصبيه قبل لا ادخل لغرفتي صحت : وومالتج البورك اخذي احسن مينذب بالزبل ماكل مال حرام اني..

بعدني ماواصله لباب الغرفه لحكني قسور بركضه قويه جرني من جتفي احس خلعه ودارني علي يباوعلي بغضب يريد يفترسني..
لو بأيده جان لطشني براشدي لزكني بالحايط
بس ماعرف شنو جان لازمه..

اشرلي بحواجبه على قمر
: اعتذري

ضحكت وهزيت جسمي بسخريه
: واذا ماعتذرت

قسور
: لا تعتذرين واذا ماعتذرتي راسج يتكسرررر

روح : لااعتذر ولا اسمح الك تكسر راسي وواطلعو يله من البيت ماريد اشوفكم..

جنت رافعه راسي ومكتفه اديه وواهز بنفسي
احاول ابين الهم كرهي لوجودهم..

كلت هيج ووتكول صبيت البانزين على النار لزمني من فكي ووركعني بالحايط الي خلفي
حسيت ضلوعي تكسرت ضل لازم وجهي بثنين ادي وعاصره بقوه وويدفع بيه بالحايط وويزئر بوجهي..

قسور : شكد شايف صلفات مثلج ماشايف وولج ليش انت ماتحترمين هواي صبرت الج هواي وعاملتج بهداوه ووبمزاج حلو لحد ما طك صبري  بس والله ووحروف اسمه منا وجاي اذا ماتجرين عدل ياروح اذللللج ذلللل خشمج اكسره
ووكولي ماكال..

لزمت ايده بثنين كفوفي وواحاول اوخرره عن وجهي وكدرت بصعوبه حجيت وعضام فكي توجعني  : ديللله ووخررررر عووووفنييي يللله يذلني هو لاتصدك نفسك عفيه حباب لاتروح زايد معاش ولا جابته امه اليكسررر خشمييي اخذ بنت عمك ووروح منا شنو انت معندكم كرامه صارلي ساعه اطرد بيكم..

كفخني على راسي من ورا
: اعتذررري

قمر : قسور عوفهه عادي هي ماكالت شيء

ضليت اباوعله وواباوع القمر وونظري ينتقل بيناتهم خطفت رجلي بسرعه وركضت لغرفتي
ركعت الباب ووقفلته ابتسمت بخبث واني اشيل المفتاح خنشوف هسه شلون راح تجبرني اعتذر قسور باشا..

ضل ويصرخ وويغلط عليه وبنت الكلب والصلفه اني الج وواذا ما عدت تربيتج متسوفله..

يكلي وماعرفت شنو يعني متسوفله يمكن قصده سافله شمرت المفتاح بتعب ووذبيت روحي على الجربايه عيوني للسكف.. يهلن دموعي..

اني كبشر اتمنى عندي ابن عم بنت عم اشد حزامي بيهم بس مو قسور وقمر الي هسه يله عرفتهم لا لا..

اصدقاء طفوله اخوان..

يريدنني اكعد واحاجيهمم هو مايدري اتمنى بداخلي اهجم عليهه اكطعههه اكرهههه اكرههه
واكره امهه واكره ابوهه وعمامهه ووبيبيتهه ولد عمهه واخواتهه..

كلهم كلهم وولو اكدر ولو موجودين جان شوفتهم ان الله حق...امسح دمعه تنزل الثانيه ليش هيج

اليتيم ينكول حقه ليش اليتيم ينذل ويسترخص وويستعبدونه ويستعبدون مشاعره حتى بالاكلام...

درت وجهي للحايط ووعصرت وجهي بالمخده واشهك واشهك واناشغ لحد ما غفيت لوحدي..
..
جمانه

من كملت مكياج اجانه واصف زوج ضي كاعدين
بالسياره ووهو يسوق ووضي وياي ليوره وهو كل شويه وباوع بالمرايه.. جان تكله
: حبي نزار وووينه؟

نزار ابنهم

واصف : خليته يم تيمور يلعب وي لارا بنته..

ضي : عفيه هاي لارا تكضه تكتله عود تلعبه ليش خليته يمههه.

واصف : دنعل ابو نزار هسه عوفينه منه حاجايني شهل جمال.

جان تضحك بخجل وتنزل راسهه خطيه همه شكد تعذبو يله تزوجو رغم ضي ماجانت تحجيلي عن حياتهه ولا تشاركني بس جنت اسمعهه من تكعد تحجي وي ناي ووايلول..

وشلون تشكيلهن ووشلون تحبه ووهنه ووحده
تندب حظ الثانيه تكول ارامل.

كل ما اتذكر اموت ضحك ووصلنه للبيت ووبده الصواريخ تركع فوك راسي يمين ووشمال شمال ويمين هلاهل ووجكليت وبس هوسه كلشي مافتهمت..

لحد ماكعدوني  ووستقريت بقيت اباوع للبنات
شلون يركصن وصديقاتي موجودات اني وصيت ناي تخابر روح وتأكد عليهه تجي ليش تأخرت..

صحت نااااااي ناااي اجت تركض ووبيدهه صينيه
كيك تقربت عليه واني همست بأذنهه
: شنو روح وين مخابرتيهه؟

ناي : خابرتهه حبي كالت اتأخر شويه.

هزيت راسي بها وودنكت اعصر بأديه بتوتر وكل شويه عيني تصد على الباب ليش هيج ليش مو كلت الهه اريدج يمي لتعوفيني..

اجو اهل اسعد وخله الي الحنه واخذنه صور  وهي بعدهه قلقت عليهه ياربي ليش هيج تأخرت..
خاف صار الهه شيء نوب حتى ادك عليهه متجاوب
..
روح

ثاني يوم جان حنه جمانه وواني مقرره اروح
حتى محضره فستاني قبل اسبوع كعدت من الصبح سبحت وورحت لصالون امي..

سويت شعري تسريحه وومكياج شويه قوي امي هي سوته الي ووهي فنانه حيل ترسم الوجه رسم
ونضيف مكياجهه..

لل٣ العصر اني كملت كلشي كلت الهه ماما راح ارجع للبيت ابدل وواروح كالت اوكي روحي بس ديربالج على نفسج ومو تتاخرين  كون من ارجع للبيت الكاع موجوده..

هزيت راسي ب اي ووطلعت أجرت تكسي الرجال ماشال عينه لحضه خفتت حيل لانوب يروح يسويلي شيء ضليت بس ابلع بريكي وانزل راسي علمود لا يباوع الي وصلت للبيت بمعجزه..
ََ..
دخلت للبيت سنطه ماكو احد بدلت فستاني لون وردي على بني هيج يعني مقسوم نصين من فوك الصدر كله تول اسود بس بي بطانه وكلوش من جوه..

لبست كعب اسود ووعدلت شعري والحمره الورديه
رشيت عطر وواخذت موبايلي ووطلعت قفلت الباب ووكلت اتمشى للشارع العام وواخذ سياره هي بيتهم مو بعيد بس مابيه حيل امشي بهذا الكعب وودنيا العصر تقريبا ب ٤ هسه اذا تمشيت لوحدي بهل مكياج ما اسلم

واكفه وكل شويه انزل راسي للموبايل اشوف الساعه بيش سمعت صوت شخطه سياره قويه..
يمي رفعت راسي بهلع.

جان اشوف سياره قسور واكفه مقابيلي تمتمت بصدمه أشر الصديقه الي كاعد بصفه ينزل..
تراجعت للخلف والولد نزل باوعلي ووضل صافن بيه لثواني معدوده وتمشى للشارع العام..

مد راسه من الجامه ووصاح بغضب
: اصعدددي صعدوووج بتابوت كون..

عقدت حواجبي : قسور روح منا رجاءً

قسور : دنجبي تره متحمل عليج وفاض صبري وعلي يطك عليج..ووما اضمنلج ابقى هادئ بساعتهه..

كتفت اديه  :هاي شدتحجي؟!

تأفأف ودخل راسه فتح باب السياره واجه يمشي تجاهي باوعت علي بطرف عيني لابس زي اسود على زنده علم عراقي ووبالصدر مربع صغير
بالوان الاصغر وبداخله مكتوب اسمه الكامل وعلى اكتافه  تلث نجوم نزلت عيني النطاق هم اسود ووبي مسدس..

تقرب عليه لزمني من زندي وشحطني بقوه..
نفزعت : هاي شبيك شكو شكو هدني..

فتح باب السياره ووذبني بقوه ووسد الباب ووركض من الجهه مالته صعد.. كال
: راح تعرسين مو

: شتفضلت

صاح : طالعه بهل شكل هذا شكووو ووين موليه

: صديقتي حنتهه اليوم ورايحه الهه

: اها الكرعه تتباها بشعر اختهه

: شتقصدددد

: يعني صديقتج معرسهه انت شكوو اليشوفج يكول انت الي راح تتأهلين..

تنهدت بقله صبر : شيء راجع الي

قسور  : راجع للمسؤل عنج بس المسؤل عنج اغم وومطي و***

روح : ايع السانك

قسور : ديله اذا على اللسان الف الحمدلله على الاقل اني بس حجي..

خبلني بكلامه ضرب الجكمجه بعصبيه وعطت
: شنو قصدك ها شنو قصدك

تجاهلني ودار وجهه للجامه
: والله مشتهي حلقوم

رفعت طرف حاجبي وعدلت كعدتي
: اني اعرف اسوي وولو اشوفك تتبرغث كبالي ماسويلك..

قسور : خو اشتري بدون هل منيه هاي بعدين انت منين تعرفين تسوين؟!

باوعت بعيونه ووحجيت
: مو قبل جانت ماما قبل لتفتح الصالون تسوي واخذه وياي للمدرسه ابيعه للمدرسات والبنات..

حجيت هيج متقصده علمود احسسه بتأنيب الضمير : هسه انت وين موديني؟

فر الستيرن ووتنهد
:للبيت

نطيت بفزع : شنو للبيت قسور داكلك اريد اروح لصديقتي خطيه اليوم حنتهه..

قسور : اي روحي روحي بس مو بهل لبس.

غمضت عيوني بقله حيله
: ياربي الهمني الصبر لا تخليني افلش السياره والبيهه..

رفع اصبعه بوجهي
: وعگال أمون اموتج

: ليش امون جان يلبس عكال؟

: اي شعجب متدرين

نفخت : قسور حباب عوفني اروح بس هالمره ووالله راح اتاخر على البنيه

قسور : اشو تحجين بهدوء لتصدميني يمعوده

روح : عود كلت اسايسك

قسور :ههههههه تافهه

استسلمت للأمر الواقع بس علمود جمانه خطيه اخاف اسوي مشكله ووهذا يتخبل عليه وانحرم من الروحى كلهه.. دنمشي جان تمر من يمنه

سياره ووبيهه ثنين شباب ضلو يباوعون الجهتنه تقرب عليه صار نص جسمه بحضني حسيت بمسدسه ينبت بفخذي لان رفع روحى كلش صار قريب عليه اكو مثل البرده ملفوفه فوك الجامه سحبهه ونزلهه...

باوعتله بطرف عين : هاي ليش

قسور : اشش

وصلنه للبيت كال يله بدلي وتعاي منتظرج علمود اوصلج كرهني بروحي واني منا شلون راضيه علي نفسي هل ايام مدري شبيه ساعه اتمرد بوجهه ساعه اخفت وواطيعه..

مدري شريد بالضبط بدلت بنطرون وقميص طويل ردان طويله وطلعت جان منتجي على السياره ومكتف ادي : هيج احلى والله..

تمشيت من يمه ووخرت شعري من كتفي بعصبيه وخزرته جان يسحبني من زندي
: هاي شني هاي ولج

رفعتله طرف حاجبي : شنو شكو؟

: حيوانه

: اوكي

: اصعدي يله

فتحلي الباب ووركبت وهوا بصفي تقريبا عشر دقايق ووصلنه شاف الباب متروس ولد ووناس هواي تخبل كال وولج شلون تفوتين من نصهم..

:ادري بس اني بنيه ليش تعضمهه

تأفأف بضيقه ونزل واجه فتحلي الباب مدلي كف ايده ضليت صافنه علي وكلبي يرجف مديت ايدي بهدوء الي جانت متزينه بأضافر طوال بلون بيجي وومحبس اسود شذرته تلمع..

حبس اصابيعي بقوه ووجرني الاول مره احس بهيج شعور حلو احس اكو شخص مسؤل عني وويهتملي وويحقلي اتباها بي وبمضهرهه وهيبته وياي
..
مادري عبالك اريد اصرخ وواكول هذا ابن عمي..
لان فعلا جنت فاقده هذا الشعور ووالانسان من يلكى شيء فاقده راح يتحرك بداخله احساس رهيب.. مو كل واحد يعيشه..

لبسه جان يخلي الناس تباوع علينه بأستغراب بس يشوفونه لابس الزي العسكري الاسود ووالمسدس بأحزمه فورا يباوعون على اكتافه...

مافهمت شنو القصد بس يمكن يشوفون رتبته..
دخلني جوه وكال رمشي من تكملين هزيت راسي ب اي ودخلت
..
جمانه

كيفت من اجت روح ردتهه تضل يمي بس ماقبلت
كالت هسه لو على ماما عادي تقبل بس طلع الي قسور صفح هسه تاخرت من ورا لان خلاني ابدل ملابسي..

انصدمت من دريت بيهه سامعه كلامه شنو اول تالي وهي كالعاده برزت حضورهه برقصهه الشرقي الي متقنته.. وواكلهه اكعدي هاهيه خلصت الحفله تكلي ولج حلفت اذب لحم بعرسج..

وفرحت من كلت الهه ماراح اروح للعماره لان اسعد مأجر بيت هنا مايريد يكعد وي اهله..

وحتى مدرستي ماراح انقلهه
َ..
ثاني يوم بالعرس اجت وياي ناي بدلتي جانت منفوشه ووحلوه نازكه شغلهه بسيطه الفكره بالطرحه جانت طويله حيل.. بابا بس وصلت وشافني ضل يبجي ووحاضني بالساعه وواني ماكدرت ما انهار حتى مكياجي خرب..

وايلول خابرت بس تبجي ووتشهك تكول ليش ليش ماشوفج ببالبدله وتطلعين لبيتج بدون ما اودعج وتكول اصبرولي ووالله ازوج ابني هنا بكندا وما اعزمكم..

هي  عندهه طفل من زوجهه اول ماطلعت لكندا صار عندهه اجت الزفه ووطلعت ووهنه

مرافقاتني ووامي وراي تهلهل ركبت السياره ووساعدني اسعد لم بدلتي للداخل زفونه للفندق
لان البيت بعده ماكامل يحتاج اله اثاث وهو على اساس بعد تلث ايام وينطي اسعد المقدمه ويجيب  الاثاث..

ونبقى كاعدين ب الفندق كال تلث ايام ماعدنه شيء المهم وصلنه لهناك ساعدني امي وناي
نزعت البدله ووفتحت التسريحه وغسلت المكياج

اسعد بقى شويه جوه وي اصدقائه ولل١٠ صعد
شافني كاعده على الجربايه تقرب ووهو ينزع الستره كعد مقابيلي ووصافن بيه ويبتسم بدون
مقدمات سحب راسي وباسني بهدوء بشفايفي السفليه..

بلعت ريكي من صارت لمساته جريئه اكثر ندمجت ويا ونسيت نفسي اخذني اله بهدوء ووبرقه ووالاول مره انام واني متوسده حضن رجال مو حضن امي الي تعودت علي
..
للصبح كعدت ماشفته كبالي تفاجأت بس توقعته نازل يجيب ريوك غسلت ووبدلت تراك بسيط وكعدت مقابيل المرايه امشط بشعري..

مرت ساعه وهو ماكو المشكله موبايلي مو وياي حتى اخابره بقيت اتحرمص بمكاني..

وكامت ساعه تجر ساعه وهو ماكو كلبي لعب ووداخلي ضل يرجف عزا بعيني وين عافني وراح
..
لحد اخر شيء ماتحملت نطيت بجي عيوني ورمن وماكفيت اشهك وابجي وواحس كلبي راح يوكف....

صر الليل ووهو ماكو هنا تخبلت رسمي ضليت اضرب على وجهي واعاتب روحي شورطني شجابني لهنا ويا شلون طاوعته ووتزوجته ووهو مبين من شكله راح يغدرررني شون ياربي شسوي هسه اني

من الصبح ولهسه كلشي ما داخل لبطني عدى المي راسي كام يوجعني ودخت رحت كعدت على القنفه تعبت رجليه من الوكفه يارايحه ياجايه
باوعت للساعه صارتب ب١٢ وهو ماكو
!!!! .... يتبع

🖤🖤🖤🖤🖤
ايزابيل