رواية لم اخلق لرجل سواك الفصل السابع 7 - بقلم ايزابيل

#بقلم إيـزابيـل
#الفصل الخامس
#لم اخلق لرجل سواك
..

الليله دورك
الليله اريد اتعيش حزني
انه اغثك وانت تبچي
انت وديلي الرسايل وانه اشگهن
انه انام وانت ضل اكتب قصايد
ارد اشوف شلون تصبر
من ينشدونك عليه شراح تحچي ..!؟

(هلاو بنات بالبدايه البارحه منزل البارت لان حاولت مصار الواتباد ماعرف شبي وبالاخير كطملي نصه فضطريت أجله حتى اكمله وارجع انزله المهم ان شاء الله متتكرر بعد ضلت يم حجي واتباد)

اغلبكم يكول ماطلع الهم الكروب بنات الرابط مال الكروب موجود ب الصفحه الشخصيه مالتي بس تدخلين راح يطلع الج كومه روابط صفحتي ع انستا وع فيس وومن ضمنهن الرابط مال الكروب

هذا الي مأشره علي
..

والغلاف الحلو هذا الي عباره عن لوحه فنيه من الجميله Shahrazat_altimimi
..
جمانه

راحت ال ١٢ واجت الوحده وهو ماكو خفت ودموعه ماسكتت لحضه خاف صار اله شيء وين راح زين اني ماعرف احد هنا ولا اعرف شلون اطلع من هالغرفه وماندل ولا اعرف وين اولي يالله ساعدني..

بس ارجف ووعضم يطك بعضم رجليه كامت ماتعيني رحت ذبيت روحي على الكرسي ودنكت ضميت وجهي بثنين اديه..

ندك الباب فزعت بفزه قويه وعبالك اجاني خيط امل ركضت لباب الغرفه فتحت طلع اسعد كدامي
واكف قميصه مفتوح شعره مخربط ووجهه يفسر
تعب تخطاني بهدوء ووراح ذب نفسه على الدوشك ووايده على عيونه حتى حذائه مذبهه..

تقربت علي : وين جنت؟

غلس رجعت كررت بصوت عالي
: داحاجيك جاوبني ليش تغلسسس وين جنت عفتني من الصبح ولحد ما هسه صار الليل..
اذا هيج انت مو كد المسؤليه والزواج شكو وورطتني ويا؟

ضل ساكت فار الدم براسي عبالك ديستفزني..
بقيت َواكفه فوك راسه ووجهي مكلوب احمر من البجي والاصياح ووالقهر الي حسيته طحن داخلي

رفع ايده شافني باقيه بمكاني لزمني من ايدي وواتدنه شويه وجرني خلاني بصفه انتفضت بضيق واجيت اكوم من يمه جرني بأصرار...
وهمس : اوكفي داحاجيج

بعد خصلات شعري الي على وجهي ومسح بقايا الدموع وكال : على شنو بالضبط بجيتي؟

جمانه :خفت انت عفتني وحدي حتى بدون ماتنطي سبب عبالي صارلك شيء.

اسعد : يعني خفتي عليه لو على نفسج

بلعت ريكي وجاوبت بهدوء : الاثنين

تنهد وسكت حجيت اني
: ماجاوبتني شبيك وين رحت شصار؟!

نزل عينه من عيني
: صديقي مسوي حادث وخابروني من الصبح وهاي جيتي من المستشفى..

رفعت طرف حاجبي: متأكد!

هز راسه ووببتسامه جرني اله اكثر لزكني بي حضني بقوه ووغرز راسه بركبتي ويتنهد بتعب ووعبالك شايل هموم الدنيا على كتفه..من اول
يوم وواني عجزت..

اي عجزت افهمه او افسره اريد اعرف شبيه ليش هيج غامض بفترة خطوبتنه القصيره حتى ماكلف نفسه يحجيلي ماضي ووليش هو هلكد متمسك ببنت بيت سلطان بحيث من رفضو اهله
بقى يطلع عليهه اشاعات في سبيل ما تتزوج...!

زفرت نفس بقوه شورطني اني عقلي وين جاني من قبلت بهل علاقه هاي؟ جان المفروض على
الاقل تطول فترة الخطوبه حتى اعرفه زين...
حتى اكدر اتتأقلم ويا..

ثاني يوم هو كعدني من النوم كال رايح للمعرض الاثاث رفعت راسي بخمول وهزيته ب اي سبح وبدل وطلع للعصر رجع كال حضري نفسج نروح للبيت كملت كولشي
..
بدلت فستان طويل ساده ووبي شريط بسيط على الخصر لون خردلي ولفيت شالي وواكفه ارش العطر واسعد خلفي يعدل بربطه عنقه....

حجيت بصوت هادء :اهلك بعدهم ببغداد؟

: اي كااعدين يم بيت خالتي هناك باجر يرجعون للعماره

اسنغربت شو حتى ماجو للفندق ولا وحتى اتصلو
خليت ايدي بأيده وطلعنه سوه نصدمت بوجود ابن عمه هوو وسيارته واكف النه بالباب طبعا هو ماعنده اخوان وحيد الاهله حتى خوات ماعنده...

ركبت ليوره وهو بالصدر كل شويه مباوعلي بالجامه ومبتسم ابن عمه حاول يلطف الجو يضحك ويشاقي دمه حلو اسمه رواد
..
ووصلنه للبيت وواسعد ماخلى الولد يروح كله ضل على الغده صدمني على شنو عزم الولد والثلاجه فارغه بس طلع ناوي يجيب جاهز وكيفت مابيه حيل اطبخ..

عفتهم بالصاله ودخلت للغرفه حلو مأثثهه بيجي فاتح  وجوزي فتحت الكنتور ووكعدت افتح بالجنط واسفط الملابس بقيت ب الساعه تقريبا
ارتب لحد ما مليت وتعبت بدلت وطلعت ليبره...

كال اسعد جيبي الغده رحت للمطبخ فتحت العلاليك الي على الكاونتر جايب كباب ودجاج شوي ووتمن ومقبلات المواعين مطشره بالكاع هي والصوانه بالكراتين بعد محد مرتبهن..

طلعت صينيه غسلتهه وورتبت بيهه الاكل ووديتهه الهم صاحوني اكل وياهم بس جنت ماشتهي لح اسعد عليه وربعت وياهم ناويه اكل كم لكمه وواكوم..

كال رواد : هههههه ايام فاديه جنت تكول مستحيل اتزوج وواربط نفسي بعائله وبالاخير
وبس لعب من صارت صدك كتلت روحك عليهه ماحصلتهه وهسه مربوط بمره وباجر بجهال..

عقدت حواجبي بأستغراب اللكمه ووكفت ببلعومي اسعد خزرره بقوه وهزله راسه بمعنى بسيطه حجيت بغصه : منو فاديه!؟

رواد : بنت سلطان
صرخ اسعد
: كافييي لا تاكل نعل جاي نتسم

رواد : وشحجيت اني قابل مرتك ماتعرف جنت تحب فاديه واربع سنين علاقه ووخطبتهه مانطوهه ووعاديتهم..

احس الكون افتر بيه ووحركه بكلبي مدري نغزه
بس شيء وجعني حطيت اديه على الكاشي ووسندت نفسي كمت على حيلي..

اسعد :وين؟
جمانه :شبعت راح اسوي الكم چاي

ردت بس اشرد منهم ماريد نظراتي تفضحني داخلي يعصرني ووبلوكه براسي وكف حتى تفكيري يحبهه؟! علاقه اربع سنين يعني البارحه شرد مني جوز اتذكرهه وماراد يبقى يمي

ووكفت على الكاونتر ومنزله راسي صافنه على الكاشي منتظره دمعتي توكع بس ماوكعت..منتضرتهه تعبر عن احساسي بذيج اللحضه دخل للمطبخ ينزل بأرادن قميصه وويباوع الي : جمانه

رفعت عيني علي وصرخت
: جذااااب تحبنييي مو تحبنييي

تقربت علي
اسعد : اي احبج واموت عليج.
جمانه : واليحب يستغفل؟ علاقه اربع سنين وماكلفت روحك تكلي حتى اعتبار ممسويلي

اسعد : هذا ماضي مالج حق تنبشين بماضييي

جمانه : لا مو ماضي انت تحبهه بعدك وواحتمال حتى تشوفهه بيه

تقرب وكف مقابيلي ولزمني من ثنين اديه
:لا تحجين بكيفج فاديه اكثر بشر اكرهه ولو يصبوهه ذهب الي لا اريدهه ولا افكر بيهه..

دفعته  وعكشت وجهي بضيق
:  اسكت اسكت الخاطر الله كلشي بيك يكول ما ناسيهه..

اسعد : لج هو انت ششفتي ماصار النه غير يومين متزوجين..

طرحت نفس بقله صبر : متزوجين بس مو اكثر من هيج وماكو الك اي مشاعر تجاهي..

لزم وجهي بثنين ادي وويباوع لكل تفاصيلي بنظرة عاطفه : انت الاولى والاخيره ماكو بعدج زوجتي وام بيتي وباجر عكبه ام اطفالي لا تحجين هيج وان حبيت فاديه قبل شنو راح تاخذ مكانج طبعا لا..

نزلت راسي وواديه بثوبي اعصر بي..

اسعد : وهذا رواد اليوم احرك اهل اهله لان ضوجج

ابتسمت : لا خطيه ماحجى شيء

اسعد : خوما ضايجه

هزيت راسي ب لا وهو لاز وجهي بثنين ادي ضغط علي ووكال بتشدد :احبجج الج وماتغنيني عنج بنات الكون كله..

ابتسمت بهدوء ونزلت راسي
..
روح

عدلت جنطتي على كتفي وونظراتي صايره جوه على حذائي امشي وحدي جمانه ماخذه اجازه علمود زواجهه عقلي مشغول مؤمل رجع خابرني
ويعتذر بس سديت الخط بوجهه..

وصلت لبيت قسور ووكفت مقابيله بلعت ريكي..
شلت نظري على شقتنه ورجعته لبيته تمشيت بخطوات بطيئه دفعت الباب والصدفه جان مفتوح بس زحته بأصابيعي بهدوء انفتح..

بيته اول ماتدخلين حديقه وبيهه اشكال انواع مزروعه اشجار ليمون وتفاح برتقال حتى ريحان ووفجل

عدلت تنورتي الگصيفه وودخلت صدت عيني. علي جان اكو ثنين بايات صغار يم باب البيت كاعد عليهن ووبحلكه جكاره ووادي على عگوس رجلي..

باوعلي بنظرات ثاقبه واشرلي براسه اجي...
نزعت الجنطه ووسندتهه على جذع شجره البرتقال ووتمشيتله سوالي مجال بصفه على البايه مال الدرچ ووكعدت لميت روحي ماريد
اطخ بي..

همس : شكوو
روح : شنو

قسور : شعندج جايه

رفعت اكتافي : مادري

ابتسم بطرف شفايفه ووذب جكارته بالكاع ودعس عليهه ببوز حذائه الاسود..

قسور: انت راح تخبليني عجزت افسرج لج اني الي اقره الناس من عيونهه من اباوع بعيونج عبالك تايهه ببحر من دون منافذ عباره عن فراغ وو..

قاطعته
: لعد لا تباوع الكلبي لان راح تعرف كلشي

غضن حواجبه وباوعلي صفح : شنو قصدج!

روح : الهم بالكلب وومايبين بـ العيون وانت مستحيل تعرف شيء اذا بقيت تباوع لعيوني

قسور : احجي

روح : شحجي

قسور : الي بكلبج؟
روح : ماينحجي يا ابن عمي اني انسانه محطمه قلباً وقالباً اليشوفني يحسدني على ضحكتي ووعللى عدم الا مبالاة بس اخ لو اكو كلمات توصف الي بكلبي..

قسور : من مضوجج احجي من شنو زعلانه بس اشري ووتراب ابوج امسحهه من الكره الارضيه..

ابتسمت بألم وباوعت بعيونه
: امسح اهلك وعمامك وبيبيتك لان همه الي وصلوني لهنا

قسور : انت متعرفين شيء لهذا السبب تحجين

روح : ليش ساكت ؟!

قسور : وانتِ مستعده تسمعيني!

هزيت راسي وبلعت ريكي : احجي

دخلت قمر بيدهه صينيه جاي انصدمت من شافتني جانت واكفه فوك راسنه كمت من مكاني وانكث بملابسي نزلت هي وباوعتلي وكالت
: هلاو شلونج

ابتسمت الهه بضيق : هلا اني رايحه

ملامحهه نعقجت وقسور يباوع الي رحت اخذت
جنطتي ووطلعت بعدني ماعابره العتبه جذبني كلامهه وهي تحاجي قسور
: اكلك هاي مو محجبه ووملابسهه قصيره حيل شلون تطلع هيج هاي لو بالبصره جان عمامي كسرو رجليهه وكعدوهه بالبيت بس ماكو احد يضبهه امهه هم انكس منهه..

غمضت عيوني وتنهدت بغضب شكد حقيره عرفتهه من البدايه تشتري العرايك شرايه وبس تريد تبين بعين قسور هي الحبابه الفقيره الماكو منههه رجعت بنفس الطريق دفرت الباب ودخلت شفتهه كاعده بـ المكان الجنت كاعده بي..

عطت بيهه
: عسى ما اتصلخ واطلع انت مالج دخلللل خوش وعمامج  اذا صدك بيهم خير خل يلتفتون الروحهم خل يحفضون بناتهم وعرضهم ويربون زين مو بس يصيرون زلم براسي هاي انت حيوانه ووبلا كرامه ومكسرين رجليج قبل وعبالج اني مثلج اخليهم يتجاوزون عليه اشك حلكه اليجيب طاررررري...

كام قسور على حيله صرخ بوجهي
: هيييي هيي شبيج نهديتي شكووو..

روح : وانت اسكت رجاءً لا تدخل داحجي وي هاي الخبيثه الحيه اشرفج اني ووامي على الاقل مطلعه رجليه بس مو مثلج زباله..

في حين ما كملت اجاني راشدي منه دارني للجهه الثانيه بقيت مصدومه ووالدمعه نزلت فورا...
باوعت علي ووعطت : حقيررر وانكسسس من هاي كلكم نفس الزمره اكرهككك..

قسور : نجبي ادبسززز لسانج اطول منج تتجاوزين والفاضج مال بنات شارررع تعاااااي..

اجه عليه لزمني من زندي وويسحل بيه طلعني من باب البيت وويجر بيه بالفرع واني انفض بروحي واشمر برجليه اريده يعوفني وواشهك بالبجي دنكت على اصابيعه الي ملفوفه على زندي ووعضيته بقيت ازلخ بأصابيعه بسنوني..
شمرني بقوه على الحايط حسيت ضهري تزرف
يباوعلي بعصبيه وحده حواجبه معقوده اجيت اصرخ بوجهه ركض ليمي حط ادي على حلكي ويباوع يمنى يسرى خاف يفوت احد همس
: نعله على ابيه الي ما يعيد تربيتج وويكسر راسج بسيطه بسيطه..

خنزرت علي جانت بس عيوني طالعه لان ايده مغطيه حلكي وونص من خشمي دفعته بعد ما اختنكت..

رجع جرني وواني اتعثر بخطوواتي لو ما هو جان واكعه على وجهي وومشوهتهه فتح باب بيتنه وودفعني رفع اصبعه بوجهي
: قسماً بذات محمد اذا عدتي هالتصرف متلومين غير نفسج وتعضين العشره ندم..

اجيت احجي بس لزم يده الباب الخارجيه وجره بقوه وسده زفرت بقله صبر وتمشيت لجوه امي ماموجوده دك موبايلي مؤمل جاوبته بنفاذ صبر
: الوووو شتريد؟
اريدج

:اني ماريدك وعوفني رجاءً

: مااعوفج اذا ما تسامحيني

: مؤمل
: عيوونه وروحى وكلبه

: اذا تحبني صدك ليش هيج تحجي؟
: يعني قابل نبي اني حتى مااغلط

: اكولك هاي موغلطه انت حجيت هيج  بعضمة
السانك ووجنت واعي كلش زين بعد شكو ليش تطلع اعذار

: شسوي حتى تسامحيني

: كولشي لتسوي

: يعني مسامحتني

: ضاهرياً اي بس كلبي مليان منك

: دكولي حبيبي خل اصدك

: هههههه حبيبي

: بعد عينه لحبيبيج

: يله اريد ابدل وانام شويه تعبانه هسه رجعت من الدوام

: شو متأخره اليوم؟ صار ب الساعه من حليتو

: اي مريت على ابن عمي

: ماشي روحي نامي

غلقت الخط منه وذبيت روحي على الدوشك خدي يوجعني من الراشدي مالته اوف بودي اكسر ايده هذا المتطفل..

اني ماجنت اعرف قمر شتسوي يمه هي وامهه بالضبط بس لاحقاً عرفت جايين هنا علمود معامله وقسور عنده معارف هنا وويمشوهه الهن

نمت ووكعدت بليل لكيت امي جايه تعشيت وياها ودخلت لغرفتي ضليت احجي وي مؤمل للصبح
َ..
ثاني يوم كعدت الصبح مجان عندي روحى للمدرسه عطله ف بدلت فستان يوصل لنص رجليه ووضيك حيل ووردان طويله جنت اريد اروح للمحل مال الملابس الي ببعد شارعين اكو كم قطعه نازله جديده.

وقسور جان جاي بسيارته ضل يدك هورن ويمشي وراي بس اني ماهتميت اله اجه يدعمني كد ما طخ برجلي وواني اذا الحايط حجه اني احجي..
..
من شفتهه صارت صدك واجه ينزل عليه خليت ورجعت للبيت ثواني ولكيته فوك راسي..

دخل للصاله ويصيح ويعيط : وووحق الله مايفيد الكلام وياج انت تردين واحد يهينج صبح وولليل ماشايف هيج وحده مثلج قليله اصل

رفعت طرف حاجبي بمكر ووتقربت وكفت ويا طول بطول لزمت نهايه ياخه قميصه ووباوعت بعيونه بتحدي :تره كلامك لا راح يقدم ولا راح يأخر اهتم بنفسك وعوفني اعيش بمزاجي تمام..

لزم معصم ايدي بقوه وونفره عنه
: لج شو لسانج طولان فد مره وماتحترمين احد مو ماتتصورين شيطلع مني..

ضحكت بطرف شفايفي وهزيت نفسي بسخريه
: بابا لتصدك نفسك شتكدر تسوي مثلاً..

رفع حواجبه الاثنين :تتحديني

خزرته : ما تحدى انسان فارغ اني

: عينج ما تخزر بعيني لا افكسهه وواعميهن الج

تقربت علي اكثر بحيث مابينه مسافه اله قليله
قربت راسي ومكتفه اديه باوعت بعيونه بأصرار
: ها تخاف من عيوني مو؟ هيج راعباتك!

لزمني من زندي بقوه ووضغط علي ووصاك سنونه : روحج اطلعهه اذا تعيدين هالتصرفات لج بنتيي اصحييي على زمانج لا راسج اكسره ليكول
اكرهج انه جاي افيدج بس انت مبنجره..

نترت ايدي : شمسويه اني فهمني اذا غلطانه بشيء عيني حتى نطلب السماح منك لا جذب لتصدك منو انت حتى اعتذر الك..

: ههه زعطوطه وروح جدي..

: المهم لتدخل

: ادخل ووبحيل صدر هم ومحد يكدر يمنعني لان انه ابن عمج وواخاف عليج وواجبي احميج..

صفكت اديه الاثنين بضحكه وكلت
: ابن عمي الي طلع قبل يومين موو لك عيني حتى عيب عليك تحجيهه وين جنت قبل انت ووبيبيتك وابوك ووامك ووعائلتك كلهه شنو هسه تذكرتونه.. اخاف جنت تحلم وهسه كعدت..

تنهد ووزفر نفس بتعب مسح طرف حاجبه الثخين وودنك راسه للكاع وواني امسح بوجهي ووامثل القوه ماريد اضعف وابجي كدامه ماريد..

رفع عينه عليه : الصوج صوج امج وانت تدرين كلش زين شصار ..وشلون خفت عنوانهه عنه كل هل سنين

: واني هسه داكلك عوفنه الصوج صوجنه احنه ف ماكو داعي تكعد تركض ورانه ومسوي نفسك جنتل مان هياني كاعده وساكته ماعليه شيء يم جوارين وناس تخاف الله لا عبالك كل الناس مثلكم تفرط بعرضهه..

جاي من هناك  على شنو ارجع للبصره مكانك مو هنا..

اشر على الكاع وويباوعلي : مكاني هنا مدام انت موجوده مستحيل اعوفج..اذا متغيرين تصرفاتج ولبسج وتحتشمين..

نترت بغضب وودفعته : اوووي تره هي موغصب وبعدين تعال اكلك اني امي مكدرت تفرض عليه شيء تجي انت مصارلك يومين ترديني امشي بشورك لا حبيبي السما اقربلك..

: اخاف عليج لج اخاف عليج چا انت ماتشوفين نفسج لابسه الي تنوره ربع وورجليج كلهه طالعه وومن تمشين العيون كلهه عليج وشعرج يلاعب الهوى وويخطف انظار تره وعلي اسوي بيج كارثه اذا ما تتعدليين..

تنهدت وغمضت عيوني بقله صبر
اول شيء هاي فستان مو تنوره ثانياً  لا تتعب نفسك على الفاضي رجاءً ماراح اسمع كلامك لا هسه ولا باجر ف اخذهه نصيحه لتضيع وقت روح ارجع الأهلك والشغلك سمعت مكانتك حساسه ووشغلك صعب ليش دتضيع وقت ويايه..

ابتسم وملامحه الرجوليه طغت
: اريد انول

: مفهمت

: احسن

: وتالي

: التالي تنفذين وانت الممنونه

ارجع اعيدهه الك اخاف مسمعت مستحيل تكدر تفرض عليه شيء

: الايام بينه يا حلوه

رفعت اكتافي وولويت شفايفي
: انت الخسران يالله داخله ابدل اريد اروح لماما للصالون

: اوصلج يله

:تؤ

: تاكلين تبن وتنلصمين ناطرج بالسياره

ووفتح الباب ووطلع باوعت علي ومكتفه اديه ضخامته ووطوله ووشعره من وره ووسمار ركبته
ووالنظاره الي بيده خربطني ماعرف شبيه.. بلعت ريكي

نجبيي نجبييي تفكرين بهذا الهمجي والله يالله
دخلت لغرفتي اركض طلعت موبايلي لكيت مؤمل دازلي كومه رسائل ومتصل..

كعدت على الجربايه وخابرته : الوو حبيبي

: هلا بيج هواي خابرتج ليش ماكو

: اي مو قبل شويه رجعت من بره ولكيت ابن عمو واكفلي بالباب مكدرت ما ادخله..

: اهوو نوب منو هذا؟ انت منيلج ابن عم

: طلع من تالي وقت

:وشلون هسه مو كلنه نطلع؟

: اي هو حخلي يوصلني لصالون ماما ووعلى النص واكول الهه رايحه لصديقتي تقى وحيجيني اخوهه وانت تعال اخذني..

: اوكي عمري بس رمشي وواني اكون بالباب..

: باي

سديت الخط ووكفت على حيلي بعد ما ذبيت الحذاء وورفعت شعري بثنين اديه توني صارت عيني على الباب جان انصقع بي واكف مصدوم وويبلع بريكه شهكت بفجع ووتراجعت ليووره بخوف
..
جمانه

اجوي اهل اسعد قبل لا يرحون للعماره مرو علينه هم بقو لليل ووراحو ووثاني يوم اجو اهلي خطيه محملين هدايا حتى حرت وي اخليهم احمد حتى المسواك جايبه..

رفعت راسي بيهم ضلو للغده وراحو وورا اسبوع رجعت عليه ناي وتسألني شلونه وياج مرتاحه خوما متضايقه واني اكول الهه الحمدلله كلش زين وياي..

وهو فعلا هيج جان اول ايام زواجنه كلت ماشفت ولا راح اشوف مثل حبه ودلاله.. وغلطانه لان شكيت بي..

يوميه بليل يكلي امشي نطلع خاف ضايجه او اذا تردين اوديج لهلج تشوفيهم ونرجع الاخواتج..
ماريدج تتقيدين اطلبي الي تردينه..

ووبنفس شهر زواجنه صادف عيد ميلادي رجعت من المدرسه لكيته جايب الي هديه ثوب نوم احمر عايفه على الجربايه وبصفه بوكس بس عطر وورده بوقتهه حيل فرحني ووبليل بدلت وطلعنه هناك احتفلنه وجابلي كيكه..

يعني اهتمامه بيه طيرني سواليي جناحات..
صادف بدايه دوام ووداومت اول اسبوع بملابسي القديمه وومن عرف ضاج ووكال شكو متحجين
وجابلي جديد..
..
ثاني شهر بدت اعراض الحمل وونصدمت بوقتهه حاجيت اختي ايلول وَكالت روحي حللي وامي هم وورحت حللت وانصدمت بنفسي حامل..يتبع

اشكر الحلوه زهره الثالوث على هل تصميم الي سرق قلبي 😍😍

🖤🖤🖤🖤🖤
ايزابيل