رواية لم اخلق لرجل سواك الفصل الخامس والعشرون 25 - بقلم ايزابيل

#بقلم إيـزابيـل
#الجزء العشرين
#لم اخلق لرجل سواك

باجر اكو بارت وهالمره صدك 😂من البارت الجاي احداث قصه روح حتبدي 🔥🔥وجمانه هم
..
فاديه

ضليت صافنه بوجهه وهي تكلي متطلعين من المطبخ اليوم تنامين هنا بلعت ريكي خلت وطلعت..

خفت اضرب كلامهه بعرض الحايط وارجع للغرفه وبعدين تسويلي سالفه ومشكله اكبر من هاي..

زفرت نفس بتعب جريت المخده ورحت طفيت الضوه الكاع بارررررده ثلج واني متمدده بدون دوشك ولا شي جواي يادوب غطه خفيف على جسمي..

عصرت عيوني بقوه نزلت دموعي بللت خدي.
ابجي بصمت ووحابسه شهكاتي..

المطبخ هادء اضلم  واني  ارجف من البجي والبرد
بقيت تقريبا ب الساعه على نفس الحاله لافه راسي ب الغطى..

حسيت بخطوات ب المطبخ خفت حيل معقوله واحد من هم اجه زين اذا شافني بهالحاله شيكول والله استحي..

كلت اسوي نفسي نايمه شويه ووحسيت رجل دفرت بب بطني متت من الوجع امعائي تكطعت..

صرخت : اااخ

بنفس الحضه الضوه نفتح بقيت لافه روحي وماوخرت الغطى حسيت بخطوات تتقرب عليه
واني مخليه ايدي على بطني من الوجع..

ايد تخلت على راسي ورفعت الغطى بهدوء..

ضليت عاصره عيوني كال بهدوء : ليش نايمه هنا؟

بلعت ريكي وماجوبته رجع كرر السؤال
: مو جاي الغي  ادري بيج مانايمه؟ شتسوين هنا

فتحت عيوني ورفعت نفسي بهدوء بقيت كاعده ب الكاع وهو مدنك عليه خنزرت عليه وعدلت ملابسي وونهضت..
..
شلت الفراش ووركضت للغرفه ذبيتهن بالكاع وتمددت هو شويه واجه ضل واكف فوك راسي ويتنهد.

اتمنى اعرف شنو احساسه مقهور عليه؟ متندم!
لو ما هامه الموضوع واصلا ناسي

هه اذا فعلا طلع ناسي فهذا مستحيل بشر صخر
جلمود..

تمنيت اعيش حياتي حالي حال البنات اتزوج من الي احبه وأسس وارسم  باقي عمري..

بس الغلط بيه اني ماعرفت اختار شكم اخ ندم بكلبي لا تعد ولا تحصى راح ابقى اعض اصابيعي العشره بحيف وندم الاخر نفس بيه..
..
كوه طايقه وجوده من بعد ما افتر افتر اجه وربع مقابيلي اني منطيته ضهري ووجهي على الكنتور..

رهيب : حاب احجي وياج بشغله

ماجاوبته رجع كال
:صدكي ماراح ابرر موقفي بس بكل صراحه اكلج على الصار بذاك اليوم

مستمره بـ السكوت

رهيب : اسعد جان اقرب صديق الي واعز شخص على كلبي جنت معتبره اكثر من اخ بذاك اليوم هو الي اتصل عليه وكال جيب سيارتك وتعال منتضريك اني ووحسين حسين صديقه..الي شهد بيوم الكعده..

غرغرت الدموع بعيوني لزمت الغطى بثنين اديه ووعصرته ووحاضنته ليم صدري..

رهيب : رحتله هناك كال اريد اسوي شيء ومحتاج مساعدتك بوكتهه مارديته مثل كل مره وكتله تدلل

حجالي عكس الي جان بباله كال اني ناوي اروح لفاديه اخذهه نعقد بالسر

كتله شلون وهي موافقه لا واهلهه وعمامهه

كال هي موافقه بس متردده وعمامهه واهلهه اكيد راح يتقبلون الموضوع واقوى شيء يسوونه يتبرون منهه واني اخذهه لهناك ببغداد تكعد وي جمانه لو أجر الهه بيت..

قنعني وماحبيت ادخل كلت اساعده واسوي العليه وهو يتحمل نتائج افعاله..

وكفنه بباب بيتكم ووهو اتصل بيج اني جنت كاعد ب السياره وهو بباب بيتكم..

خابرج وماعرف شنو الكلام الي دار بينكم ومن طلعتي فاجئني من سحبج للسياره ووانت ضليتي تصرخين..

بوقتهه صرت كدام الامر الواقع ووحركت السياره اذا ابقى افضح ابن عمي وافضحج وكلنه نروح بيهه قتل لو سجن..
..
هو يحجي واني ابجي ووارجف بكلامه رجعلي مأسه ذاك اليوم..

ماتحملت ضليت اصرخ واعيط اسكت كافي ماريد اسمع شيء..

حاول يهديني بس ابجي واشهك وواديه على شعري اجر بي حسيت راح افقد ووانفاسي بدت تضعف كعدت البيت كله بعياطي باب الغرفه تفلش
..
روح

نصدمت من شفت امي وواكفه ب الباب هي شافتني ووصرخت وركضت عليه جرتني من اكتافي وحضنتني عصرتني حيل بحضنهه وتبجي وتشهك..

: ولج يمه روح كطعتي كلبي عليج ماخليت مكان مادورته ليش هيج تسوين بيه ليش عبالي خطفوج عبالي كتلوج كلت صار بيهه شيء اكيد

ضليت مصكوعه بمكااني وهي تبوس بيه ووتتلمس بوجهي قسور صافن نفسي وبعده لازم كف ايدي..

ماتحملت قربهه مني دفعتهه وصحت
:رجاءً لا تسوين نفسج الام الحنونه انت تعرفين نفسج كلش زين ماكو داعي اذكرج..

: ليش تحجين هيج ولج والله جان متت عليج

ضحكت بسخريه : لتخافين ياخذ بس الزينين

صرخ بيه قسور
: رووح

رفعت راسي علي وكلت ببرود
: شنو حجيت شيء غلط

نفخ بغضب : استغفر الله

ام روح : شكو شصاير

قسور : ماكو شيء بس روح راجعه البغداد

فتحت عيوني بصدمه ونداريت علي
: شنووو شبيك قسور اروح المنو اكعد يم منو شعندي رايحه البغداد بيتي هنا واحنه حجينه سابقاً وكتلك شنو الي ببالي

قسور : اسمعي كلامي وكلشي تردينه يصير يلا كدامي

روح :ماتحرك منا خطوه وحده ادري بيك تريد تقشمر عليه بس مو روح الي تنغلب

قسور:لساااانج قبل شويه مسحوله وبيج حيل تراددين وتحجين

روح : جسمي الي تأذه مو لساني ليش حتى احجي

قسور : ادبسزز ماتصيرلج جاره

ام روح : منو كاتلج احجييي شمسوين بيج

قسور : محد يلا انت هم اصعدي بالسياره

جريت ايدي منه وصرخت : كتلك ماااروح مارووح لو اعرف ابات هنا جوه الشجره ماطلع

خزرتني : روح امشي كدامي

روح : شنو مدتفهم كلامي مداحجي هندي

لزمني من زندي ووجرني للسياره ضليت ارجع بنفسي ليوره واضرب برجلي بالكاع وابعد بكف ايده الي لازمني بس ماكو حل صعدني بالباب الي كدام وودفعني بعصبيه وسد الباب وواشر الامي براسه حتى تصعد

روح : مارووووح ماررووووح شنو متفهم انت ياخي كوه غصب اني كأنسانه عندي رأي ليش تحرمني منه ووتمشي كلامك عليه ليش تدخل بقرارتي ليش متحترم رأيي..

سد الباب مالته ووحجه
: دنجبي عاد شلون رأيي هو

نفخت وونزلت اكتافي بملل ووعفست وجهي

هز راسه : اي ابجي بعد ابجي زعطوطه

روح : ونبي ارجع

قسور : اي طبعا ترجعين واني اجيبج بأيدي

روح : لعد ليش دتاخذني منا

قسور : بعدين افهمج

امي كاعده ليوره وتباوع النه بالمرايه تريد تحجي بس ماعرف شنو المسكتهه

قسور : شجابج مناك لهناك

: مابقى مكان مادورت بي عليهه كلبي فرفح كلت لو نخطفت لو ندعمت لو صار بيهه شيء اكبر
بس بعدين خطرت ببالي كلت جوز قسور رجع واخذهه للبصره لو هي خابرت علي ومن ثاني يوم اجيت..

قسور : شعجب هلكد تحبينهه

: اشووو انت متعرف تحجي جايبتهه من الشارع مثلا غير بنتي من لحمي ودمي شلون ماحبهه وبعدين شمسوين بيهه ها احجي..

ضحكت بسخريه وتجيت راسي على الجام..

قسور : كدامج لسانهه اطول منهه شمسويلهه قابل هي منو يكدر الهه..

باوعتله بطرف عيني لحضات صمت طالت عبرنه البصره جان بوقتهه توه طالع الصبح..
والشمس قويه ووقسور كوه مفتح عيونه ويسوق امي نايمه واني نمت ووكعدت..

فركت عيوني باوعلي لمده كم ثانيه ورجع نظره للشارع :صح النوم

عطت : لتحااجيني

: ها ياستار

قسور : شصاير

: هواي اولا تصرفك الي مابي منطق ولا اله معنى ثاني شيء جوعانه ومن اجوع ابوي ماعرفه وثالث شيء توني كاعده ووالطنكوره بيه..

قسور : لا يابه ذني كلهن چا الله يساعدج وحقج عليه واعذريني..

بعدين ليش تصيرين غبيه مو كتلج افهمج بعدين وكلشي تردينه يصيرلج بس اصبري
لو الصبر بفلوس جان اشتريته الج..

روح : عوف اولاً مو مهمه ثانيا اهم وكلش اهم لا تغلسس خوش

قسور : ههههههه لا يابه ماغلس وتدللين

عدلت شعري وحاولت اخفي ابتسامتي..

روح : تدري جنت متوقعه امي راح تجي بس مو بهالوقت..

قسور : چا بأي وقت

روح : لمن اخذ الفلوس وويتسجل بيت بأسمي وحصتي كامله هههههههه

قسور : لوتيه استغليتي نومهه وكمتي تضربين بسامير

روح : لا احجي كدامهه وانت تدري اني ماخاف من احد وصريحه كلش امي تحب الفلوس.

:منو ما يحب الفلوس

:شنو كمت ادافع الهه؟

: لا چاي احجي واقع ..

بهالاثناء طبك السياره كدام مطعم وكال
: يلا شتحبين تاكلين

: اول شيء شوف المنيو مالتهم

: اوكي تنزلين؟

: لامانزل وجهي صاير خريطه

ابتسم ووهو يشيل السويج من السياره
: انت بكل حالاتج حلوه

: ممتعوده على كلامك الحلو وياي

: لا صدك منا وهيج اشبعج كلام حلو

ضحكت ورفعت طرف حاجبي نزل وواني تنهدت ببتسامه باوعت علي وهو يعبر الشارع عمري كله محذ اهتملي مثله..

شويه واجه كاله عندهم مشاوي وعندهم كاهي وكيمر هم واكلات سريعه..

فتحت الجامه وهو مد راسه منهه كمت أشرله بأيدي

: شوف صمونه ماريد كاهي وخلي يخلولي بنصهه كيمر وعلي عسل ووياها كوب جاي.

ابتسم وكال : تأمرين
..
جابلي واجه كال اوكف السياره لحد متاكلين لو امشي عادي كتله لا عادي امشي..

شفته يفرك بعيونه : نعسان نام

: لا بعدني حديد

: هههههه

ضحك بهدوء اكلت نص اللفه بس كلاص الجاي شربته كله..

قسور :
خبصتيني وجوعانه وجوعانه لفه ماكملتيهه؟

  : اكلهه انت

قسور : اني نص ماتكفيني

: الله لا ينطيني شهيتك

اثناء مدنحجي وهو مندار عليه ونضحك جان تصير نخله ضخمه ومتفرعه صايره  كدامنه صرخت : قسوووووور انتبه
..
جمانه

نفزعت من كالي هيج بلعت ريكي وكتله
: ليش؟

جان يبتسم
: اتشاقه نورتي الشركه واهلا بيج بالوضيفه..

ضحكت : شكرا شكرا

: لا تشكريني اشكري صديقتج هي توسطت الج هههه

باوعت على بنين اجت عليه حضنتني واني هم حضنتهه بقوه حيل فرحانه..
..
طلعنه اني وياها كال من اليوم  تكدرين تداومين بس اني كتله على باجر..

بنين شوفتني مكتبي يصير مقابيل غرفه المدير علمتي على كم شغله وكالت امشي اعرفج على الموضفين..

صعدنه طابق ثاني كله غرف موضفين مشتركه دخلنه للغرفه الي هي تشتغل بيه وعرفتني عليهم واحد واحد جانو مسوين عزيمه بينهم
وكعدنه اكلنه وياهم..

ولو اني مستحيه وكوه امد ايدي بس تونست وياهم صارت ب ١ الضهر خابرت علي احمد اجاني.

ودعت بنين وطلعت ركبت ويا بالسياره سألني قبلوج لا شلونه الشغل

: يجننن والموضفين والمدير كلهم محترمين وواخلاق وثقافه ومبينين من الطبقه العاليه وهمين الشركه كلهه بصوره عامه حلوه متتصور شكد متحمسه راح ابدي حياه جديده ومستقبل جديد

ابتسم : الله يوفقج حبيبتي

كتله خل نمر على مجمع او سوك جايبه فلوس وياي واريد اشتري كم شغله لانس كال ادللي..

ونزلنه بسوَك هو هم اخذ كم شغله الجهاله واني هم بس مقبا ادفع فلوس كلهن هو دفعههن...

وامي خابرت بالطريق كالت جيبو غده وياكم كلشي ماطبخت اليوم ومرة احمد مريضه..

جبنه اكل وويانه ورجعنه للبيت بابا كاعد ذبيت الجنطه مالتي ووالحذاء وركضت علي ربعت كدامه : بابااا قبلونيي بالشغل راح ابد من باجر..

ضحك على فرحتي وجرني من راسي باسني بكصتي وكال : الف مبروك ان شاء الله تتهنين بي

: الحمدلله هذا توفيق من رب العالمين ومن رضاك وررضى ماما..

بابا : بس اريدج كدهه وكفو ماريد تتعدين الخطوط الحمراء وتروحين زايد بكل خطوه تذكري اهلج وسمعتج وانت عاقله وفاهمه ماكو داعي اوصيج..

: ان شاء الله بابا اني ارضيك وارفع راسك..

امي جابت الاكل حطت الصينيه بالكاع
: هاا بشري

: نقبلت

: اول راتب الي مو
:ههههههه

احمد :لا الي

بابا : دنجب لك غير اني دعيت الهه ونقبلت لو ما دعائي جان حتى باب الشركه ما وصلته

: ههههههه راح يتوزع وهو بعده ماجاي..

تغدينه ووكما دخلت لغرفتي سبحت ووكعدت انس سبحته هم ووغديته ووضليت العب اني ويا
وللعصر طلع وي جهال احمد للمنتزه..

اني طكطكت نعالي وركضت لبنين تشكرتهه واخذت الهه وياي كيك اني مسويته كعدنه ناكل ونحجي هي فهمتني طبيعه العمل ووصتني شسوي..
..
لليل رجعت للبيت سويت العشه اسمع ماما تحجي وي ابوي تكله عمامهه درو وخوالهه وضلو يحجون
يكولون شنو تشتغل وهي ارمله وعدهه طفل ماتكعد وتسكت..

لبابا : لو سامعهم اني جان حطيت القندره بحلكهم حشى السامع شعليهم همه اليحجي هيج كدامج كليله ابوهه قابل واخوهه انت اكرمنه بسكوتك غير عالم هاي ماتستحي..

رغم ضجت حيل همه شدخلهم بيه بس كلام ابوي شجعني اكثر.. تعشو وسويا الهم جاي..
دخلت لغرفتي حضرت ملابسي وباقي غراضب وونمت..

الصبح كعدت ب ٦ ونص بدلت كيلوت مشَمشي وعلي قميص ابيض ووشال مشمشي ووخليت مكياج خفيف شلت انس ورحت لغرفه امي..
دكيت الباب خطيه هي بسرعه كعدت.

خليته يمهه وصعدت كعدت احمد لان مارد على اتصالاتي ووصلني وراح لشغله
..
جانت بنين واكفتلي..

بنين:حبي اني ماكدر اضل وياج لان عندي شغل بعد انت عرفتي كلشي والمدير يمج هم يلا روحي للشغلج تمام ومن يصير وقت الريست نطلع نتغده بالمطعم المقابيلنه اني ادزلج رساله لو اجيج

: تمام ادعيلي باي

صعدت لمكتبي هواي شفت بطريقي موضفين اكو بيهم عرفوني من البارحه وسلمو عليه واكو بيهم سألوني واني جاوبتهم..

قبل ما ادخل صار بوجهي المدير سلمت علي
: صباح الخير

لابس طقم رسمي اسود والعطر الي حاطه يوصل لسابع جار شعره الابيض ممشط برتابه
: صباح النور شلونج جمانه مو

: اي جمانه استاذ اني حروح للمكتب محتاج شيء

: لا بس فد نص ساعه وتعالي للمكتب انطيج كم ملف دققيهن.

هزيت راسي ب اي ودخلت رتبت المكان شويه وكعدت تنهدت براحه احس بفخر مو طبيعي..
اباوع على المكتب وفرحانه يارب وفقني وسدد خطاي وخليني اكبر بعين نفسي وعين الناس..
واحقق الي اريده وراسمته..

هذا اخر امل متمسكه بي ماريده يضيع.. مرت نص ساعه وورحت جبت الملفات هواي ضليت اشتغل بيهن حتى عيوني ضلت تحركني..

اخذت استراحا ووخابرت امي سألت على انس كالت بعده نايم اطمنت ووسديته...

ضليت سرحانه اشتغل حتى ماعرف شوكت وقت الاستراحه لحد ما اجتني بنين كالت صارلي ساعه منتضرتج ودزيتلج رساله ماكو راح تخلص وقت الاستراحه.

:مادري والله والجهاز بعيد عني

: دمشي يلا امشي

نزلنه اني وياها دخلنه للمطعم اغلبه موضفين
طلبنه اكل وكعدنه ناكل ونسولف حجتلي عن خطيبهه الي فسخت خطوبتهه منه كالت يخون وميحترمني وومتكبر وشايف نفسه ف عفته...

كالت هو جان يشتغل هنا بمنصب زين بس عافه وراح توضف بغير مكان بس ماتعرف وين..

كلت الهه الي كاتبه الله يصير واكيد خير الج هذا

بنين : الحمدلله والشكر
..
كملنه الشغل ورجعت للبيت رغم التعب بس فرحانه ومتحمسه
..
مر اسبوع على شغلي كلشي تمام وعلى اكمل وجهه وماكو ولا غلطه مني كلشي يطلبه المدير انفذه وبشطاره والماعرفه اخلي بنين تساعدني.

اغلب شغلي تدقيق ملفات ووترتيب مواعيد الاجتماعات وحجز المقابلات وهاهيه..

بيوم الصبح كعدت شويه متأخره لبست شلون ماكان وطلعت خطيه احمد طار بالسياره وصلني وكال انزل وياج اذا تردين كتله ميحتاج اني ادبر أمري..

كال اذا صار شيء خابريني
..
صعدت للممر الي بي مكتبي مرت من يمي موضفه واشرت عليه بأصبعهه : المدير يريدج...

بلعت ريكي لا هو حباب ميسويلي شيء.. رحت دكيت الباب صاح تفضل دخلت.

نصدمت من شفته كاعد على التخم الي بالمكتب
وشخص ثاني كاعد بمكانه.. يتبع
🖤🖤🖤🖤🖤
ايزابيل