رواية لم اخلق لرجل سواك الفصل السادس والعشرون 26 - بقلم ايزابيل

#بقلم إيـزابيـل
#الجزء الواحد والعشرين
#لم اخلق لرجل سواك

كولو ماتوفي بوعدهه🌚🌚
..
صرخت بقوه : قسووووور انتبه

هو بسرعه دار الاستيرن صعدت السياره على طريق ترابي همزين جان الشارع فارغ اتمسكت بالجكمجه الكدامي ووالهث بقوه وسرعه.. لحضات جانت حابسه للانفاس جانت كفليه ان تنقلنه العالم البرزخ..

مسح وجهه وباوعلي : خوما بيج شيء

بلعت ريكي وهزيت راسي بلا امي بعدهه نايمه تكول ميته حتى من صرخت ماكعدت..

رجعت ضهري للكرسي ووغمضت عيوني

قسور : روح

فزيت ووباوعت علي

: بيج شيء

روح : لا مابيه بس بعدني مصدومه قسور نام انت تعبان وهيج ماراح تكدر تكمل نام الله يخليك..

قسور : ماعرف شلون شردت عن الطريق

روح : عادي تصير بس انت ريح نفسك هسه احسن ما يتكرر الموقف

: لحضه

كال هيج وفتح باب السياره ونزل دار مدايرهه وشافهه من كل الجوانب فتحت الباب اني وهم نزلت رحت لجهته: خوما مضروبه

: لا الحمدلله
..
رجعنه للسياره هو طفاها وونام واني بقيت كاعده وهو نايم

اباوعله وصافن ووخايفه يكعد ويشوفني سارحه بي..

درت نفسي للجامه وضليت اباوع للطريق
..
نص ساعه وكعد نزل غسل وجهه على الشارع ورجع صعد امي كعدت ووماحجت شيء بس سألت ليش تأخرنه وقسور كال الهه اني نمت
..
وصلنه لبغداد بحدود ال ١٠ الصبح نزلنه من السياره امي جرتني ويااها سحبت نفسي منهه
: مادخل وياج للبيت لو اموت

: لعددد وين ترحييين ها وين تولين..

كتفت اديه : اروح يم قسور

: نجبي وتأدبي الناس لو شافتج شتكول هاا هو اني كوه طميت سالفه طلعتج منا تردين تروحين تكعدين يمه على اي اساس ها..

قسور جان يطبك السياره استغفرت بتعب اجه
كال ها شكو..

:ماكو شيء

كلت هيج ورحت لبيتنه مجبوره اكعد شسوي منتضره قسور يبرللي موقفه اجت ورايه فتحت البال واني دخلت..

بوجهي الغرفتي سديت الباب ووكعدت على الجربايه اتأفإف وااتنهد تمددت على الجربايه..
وبقت عيوني تفتر على كل زوايا الغرفه..

دخلت امي كعدت ب الكاع ربعت وذبت شالهه
: كلشي صار وياي هو ماضي وشى شخصي مر بحياتي مالج حق تحاسبيني علي ولا الج حق تعامليني هيج وتضوجين وتنفرين مني...

كمت على حيلي
: لا الييي حقق لان ابوي مات بسببج وانحرمت منه بسببج كلشي صار من ورا راسج ف لا تكعدين تتمسكنين رجاءً..

: حتى ما ينطيني كلبي ادعي عليج صدكيني راح تندمين وراح ترجعين تبوسين رجليه قبل اديه

ضحكت بسخريه وكلت :ميخالف

كامت طلعت وسدت الباب نمت اني جنت حيل تعبانه ومو مال اكعد اعاركهه واناقشهه..

كعدت العصريه سبحت وبدلت جان باقيلي هنا كم لبسه لبست فستان قصير ووربع ردن لونه صيفي وحلو..

وووشعري شديته من وره ذيل صغير وطلعت
امي كاعده تاكل كيك وجاي عبرت من يمهه ولا جني هي عرفت رايحه لقسور ف ما حجت.. واصلا شتحجي متكدر تمنعني..
..
دكيت الباب رغم هو جان مفتوح مجاوبني دفعته ودخلت متمدد على القنفه وأيده على عيونه...

طبعا اني استغربت شلون رجع لهل بيت وشوكت خابر الرجال..

ضليت افتر ب البيت ماينطيني كلبي اكعده مبين تعبان بس اني جايه حتى احجي ويا وافتهم منه..

هو فز من حركتي رفع راسه بين ما جسمه بعده على التخم فرك عيونه وصاح :منووو

: انييي

كام بسرعه ووكعد :هاي شوكت دخلتي

رحت ليمه كابلته وكعدت : قبل شويه ووهسه جنت ناويه اكعدك..

تأفأف وومسح وجهه بضيق

: عادي اذا تعبان اروح

: لا لا هسه اجيج

وكام دخل للغرفه غسل واجه يرجع بشعره ليوره ويمسح بوجهه رجع كعد بنفس مكانه
: ايي تكومين تسوين النه جاي.

:اكو

: اي

: اوكي

كمت اتحرك بهدوء وهو نظراته تلاحقني وكفت على الطباخ ووانتضره يغلي سمعته فتح التلفزيون وويباوع اخبار..

كتله : تتذكر من عفتني ورحت من دون سبب اني اجيت لهنا ركض ادور عليك تالي لكيتك مخلي الي صوره ووعليهه كلام صدمني

: جنت مضطر بسبب دوامي بالبصره وانت تدرين انقلت لبغداد لفتره وهسه رجعت

حجيت من مكاني اثناء مداصب الجاي
: ليش جبتني لهنا؟

نصه الصوت : لان شفتي اوضاع البيت شلون؟ لو باقيه جان تعرضتي الاكثر من هيج تصرفاتج هي الي خلتهم يأذوج ووكلشي بيدج انت الي اختاريتي هل طريق

:وشنو الفائده من جيتي

اخذ الاستكان مني وشرب شويه : انتِ راح تبقين هنا واني راح ارجع للبصره

:ليش

: لتقاطعيني وافهمج

: كمل

:راح تبقين هنا بين ما اني اروح اسوي معامله التقسيم ووحصتج شلون راح تاخذيهه لحد هسه ماعرف بس الاحتمال الجبير فلوس لان عمامي من المستحيل يقبلون يقسمون البيت ف راح ينطوج فلوس ويشترون حصتج وبهذا لا البيت يتقسم وانت تاخذين الي تردينه..

: وبعدين؟

: بعدين راح اجي لهنا وونكمل الاوراق الرسميه الي تخصج منا من بغداد اني ادبرهه وبلفلوس تشتريلج هنا بيت زين وتسجلينه بأسمج

اذا تحبين تكعدين بي انت وامج او تخلينه وتكعدين ببيت امج

: اني لا راح اكعد يم امي ولا اكعدهه يمي

رفع طرف حاجبه : وتكعدين لوحدج

خليت رجل على رجل : اي شكو بيهه اول وحده اخر وحده

ذب الاستكان وورجع ضهره للتخم براحه
: اذا ماتردين تكعدين وي امج ف حل واحد ماكو غيره ومجبوره تتقبلينه

:  يعني دتجبرني انت لو شنو؟

: ما اجبرج بس هذا واقع مفروض انت متكدرين تكعدين وحدج بعيد عن انج بنيه مجتمعنه ميتقبل هالفكره

:والله يا استاذ اني اذا اضل امشي بكلام الناس وشحجى مجتمعنا وشكال مجتمعنى اندفن بالحياه اني انسانه الله خلقني حره ليش اخلي البقيه يتحكمون بيه..

: وانت شبيج راح تنفجرين من العصبيه شحجيت اني

عطت : كلامك ينرفز ينرفز

: انت ماسمعتي مني

: اسمع اتحفني يلا

: الحل الوحيد تعوفين الفلوس بالمصرف وتنسين فكره ان تكعدين لوحدج وتشترين بيت وتتزوجين..

: اتزوووج؟ ليش حتى اتزوج! شدتحجي انت

: مثل ماكتلج اذا ما تردين تكعدين وي امج وعمامج هم ماتررهمين وياهم ف اتزوجي

كلت باستغراب ووعصبيه : اتزوج منو؟

: اني عوفي فلوسج ب المصرف واني اخذلج بيت بالبصره واذا يعجبج يتسجل بأسمج وماراح تكعدين وياهم..

تخربطت من كال هيج شكد جان اكو كلام براسي كله تبخر بلعت ريكي احس الحراره صعدت عندي وكلبي يدك بقوه : ااا شنو اليجبرك تعرض كل هالامور عليه؟ وبيت بأسمي وفلوس ب المصرف على شنو

: علمودج انت ماريدج تكونين بعيده عن عيني كلتهه سابقا وو راح اعيدهه انتِ روح عمي ووامانه عندي..

احسه جاي يقشمرني بهالحجي ووطلبه لسبب ثاني : بس اني مستحيل اقبل اكون زوجه ثانيه

: انت الوحيده

: وقمر

: مجرد حجي وقرايه فاتحه

هزيت راسي يمنى يسرى : اا اني مافكرت بيك غير كاخ ووكصديق وومستحيل اتقبل هيج فكره اعذرني..

كلت هيج ووكمت درت وجهي وطلعت كلبي يدك بقوه معقوله خطبني يعني هو كال اتزوجج اي متأكده طلعت من حلكه مجاي اتوهم...

بس  شلون كتله هيج شكد جذابه اني شوكت عتبرته اخ استغفرالله تندمت على كلامي..
رحت ركض البيتنه امي تفاجئت من شافتني اضحك عفتهه ودخلت للغرفه اخذهه طول بعرض وافرك بأديه..

واباوع على المرايه هسه اني شكو فرحانه ياربي مجاي اعرف اترجم مشاعري تجاهه شكول عليك خربطتني..

ورا نص ساعه اجتني امي وياها موبايلهه تكول قسور يريد يحاجيج اخذته منهه
: احم الوو

قسور : شكو طلعتي واحنه بعدنه مامكملين كلامنه؟

: ااا شسمه كلاميش احنه مو اتفقنه؟

قسور : لا تتهربين شوكت اتفقنه!

: ليش

: ما اتفقنه شوكت الخطبه والعرس؟

ميلت راسي بملل : قسور

: شبيج لج وين تلكين مثلي لو تدورين الهند والسند ماكو مثيل الي

: اي ادري هو انت نسخه وحده ومهدده ب الانقراض

: ليش متقبلين بعيداً عن خريط الاخ والصديق ومدري شنو

بالتلفون اخذت راحتي اكثر يمكن لان هو مو يمي
: ماكو سبب محدد بس لان مامستعده لهيج خطوه حاليا ولا عمري مال مسؤليه

: طفل واحد ماكو مسؤليه جبيره

: ننن واثق حيل

: بابا ما انرفض اني شاب اطك بالكاع راجعي قرارج ماريدج تتندمين وتتعب حالتج النفسيه

كلت بسخريه :اي وانتحر من الندم

تنهد : انت الخسرانه اروح للبصره وارجع ويصير خير

وسد الخط عضيت شفايفي السفليه بقلق ووحطيت راسي على المخده وحضنتهه..
..
بقيت ماطلع ولا اروح اله حتى ما اصادفه استحي اباوع بوجهه بعد الي صار كلامه محفور بعقلي
الاول مره اخجل هيج..
..
سمعت انو بعد باجر راح يروح للبصره كعدت من الصبح اباوع من الشباك شوكت يطلع سيارته مفتوحه بابهه بس هو ماكو..

مليت ونعست وعيوني يحركني اخر شيء سمعت صوت باب البيت ينفتح غطيت روحي ورا البرده وطلعت بس عيوني شفته لو احس كلبي اشتغل دمام الاول مره احس بهيج احساس صعد بسرعه وراح..

ماتمنيت هلكم لحضه تخلص ضليت اكرر بيهه واعيد واعيد لحد ما نمت على نفسي
..
ا الضهر ب المطبخ داسوي غده النفسي ماكل من طبخ امي

حاجتني : شنو بينج وبين قسور

: مافهمت

: شنو ما فهمتي كلامي واضح

:مابينه شيء وانت تعرفين قسور مو ذوقي وكايله الج سابقاً

: بس تصرفاتج تحجي غير شيء

: والله بعد حاسبي عقلج لتحاسبيني لانو هو ديتخترع هالاوهام..

وعفتهه ودخلت
..
مر اسبوعين  ضبط على روحه قسور ووماكو لا خبر ولا اتصال كلت خاف بعد ميرجع ايست اشوفه مره ثانيه

بيوم العصريه امي توهه طلعت للصالون واني بالبيت لابسه برموده وربع ردن توني طالعه من الحمام وودانشف شعري على مرايه غرفتي ندك الباب..

كلت جوز نست شغله لفيت الخاولي على شعري ووطلعت فتحت الباب الي تفلش من الدك ونصدمت من شفته مؤمل
..
جمانه

تفاجأت ب الشخص الكاعد احس بلوكه ووكعت فوك راسي بلعت ريكي ورجليه ترجف رفع عينه ووباوع عليه.. اني نزلت نظري للكاع بسرعه..

كال المدير
: هذا صاحب الشركه والمدير العام لجميع افرعنه  الاستاذ همام الدين

بللت شفايفي كاعد على الكرسي بكل راحه لابس بنطرون بيج وستره نيلي ووقميص ابيض رسمي..

همام : السكرتيره الجديده؟

هز راسه بأي

همام : اختبرتوهه جربتوهه

: هي حاليا تحت التجربه

هز راسه بـ ها

حجيت بصوت ناصي : استاذ محتاج شيء
: لا بس حبيت اقدمج للمدير تكدرين تروحين..

طبعا هو اسمه أبراهيم بس اني اصيحله كله استاذ من دون ما كول اسمه..

درت وجهي وطلعت اركض المكتبي خايفه ومتررده هاي شنو اجه يشتغل هنا لو شنو الفيلم ياربي معقوله شنو هالصدفه اني شكول هسه الاهلي اكيد مراح يسمحولي اكمل بالشغل..

لا لا ماكول اغلس واذا صارت ودرو اكول الهم ماعرفه هذا هو نفسه المدير اي اي هو هيج..

مسحت ووجهي شفت استاذ ابراهيم يمشي صحت علي وكمت اركض :  استاذ استاذ

وكف بمكانه وواني تقربت علي
: ااا استاذ بس عندي سؤال

:تفضلي!

: اا همام اقصد المدير الجديد حيشتغل هنا

:هههههه هي الشركه اله يعني يشتغل وين ميريد هو الضاهر هيج

: وانتِ

: اني ابقى مساعد او مستشار

هزيت راسي ب ها رجعت اكمل شغلي  اجت بنين شافتني ضايجه كالت : شبيج!

: لعد مادريتي اجه صاحب الشركه وراح يشتغل هنا

: صدك؟

: اي والله

: اي وشبيج وجهج اصفر

خفت اكو الهه وتروح تكول الامي لو لوحده من اخواتي ضليت ساكته..

شويه وسمعنه صوت قوي ووهوسه والموضفين يصيحون اجتماع اجتماع بنين كالن اروح اشوف شكو واجي..

راحت وورجعت كالت المدير طالبنه كلنه بغرفه الاجتماعات : شكو شيريد،

: ماعرف بس اكيد يلقي خطاب

هزيت راسي ب ها : اني ماروح

: ليش اخاف يعاقبج يكولون حيل متشددد

ضليت بين نارين نار الاخفاء والتصنع ونار المواجهه خليت ورحت ويا جان مترأس طاوله الاجتماعات ووكم واحد من ضمنهم استاذ ابراهيم كاعدين على يساره ويمينه.

وباقي الموضفين واكفين كدامه واني وياهم لازكه ببنين وواخي بوجهي..

بده يحجي بنبره صوت عاليه

مبدئياً اعرفكم عن نفسي اني همام الدين صاحب هذا الشركه وفروعهه وان شاء الله تتعرفون عليه أكثر ب الايام الجايه  :

  ماراح اجي اعلمكم شغلكم وواقل واحد بيكم خادم ٥ سنين لصالحنه..

بس كلكم تعرفون شروط الشغل شلون ماشيه اني ماحب عدم الانضباط والتأخير..

حجه هيج ووجه نظره الي اذا كان استاذ ابراهيم يتساهل وياكم ف اني ماهددكم بس انطيكم واجهته انفعالاتي..

من دون مناقشه راح تنفصل لان شغله ماشي وناجح بسبب الاستمراريه والالتزام..

جان يحجي وومرجع ضهره على الكرسي ووبيده قلم حبر ازرك يفر بي وصوته طاغي بوسط هدوء القاعه

كمل :
ف اي خطأ بسيط مو بس اني اخسر انتو هم...

هواي بنود راح تتغير وان شاء الله تتطلعون عليهه عند استاذ ابراهيم..

كال هيج وكام دفع الكرسي بهدوء  وطلع كلهه تضايقت ويصيحون راح يحمسنه حمس..

وشيء تذب بسامير الشيء

: راح يطلع الغششش والرشاوي ههههههههه

: اييي ووراح يبين الي مسفط ادي وكاعد ياكل ويضحك ويسولف ويكول اشتغلت
...
رجعت للبيت وكلي قلق من الي راح يصير حتى خلصت اليوم كله شارده واهلي يسألوني وبس اتصفن

َثاني يوم سمعت كاعد يفصل ب الموضفين واحد ورا الثاني صفه ب العشره ووكلهه تدك وتلطم وتصيح راح يجينه السره..

بنين حتى ما اجتني مخلصتهه شغل واني هم عيني ب الاوراق واللمفات حتى استاذ ابراهيم ماشفته ووالموضفين مجتمعين ب الممر الي يصيربي غرفه المدير يردون يدخلون علي يستفسرون من فصلهم..

دخل واحد عليه كال بلكي تدخلين للمدير وتكولين اله الموضفين  يريدون يقابلونك ضروي

بلعت ريكي انوب خاف اني انطرد هزيت راسي ب ماشي وطلعت جنت لابسه كعب شويه عالي امشي بي بهدوء واتحججت بي أخر رجل واقدم الثانيه

لحد ماصرت كدام الامر الواقع ودكيت الباب وودخلت علي.. يتبع

🖤🖤🖤🖤🖤
ايزابيل