رواية لم اخلق لرجل سواك الفصل الثاني عشر 12 - بقلم ايزابيل

#بقلم إيـزابيـل
#الجزء العاشر
#لم اخلق لرجل سواك

وإذا رَأيتَ حُسنَهَا وهيَ تَبتَسِمُ
قُلْت رَبي إغفِر لِعينَايَّ إنْ ثَملَتْ.

التصويت يريد يوصل ٥٠٠ بس مادري من منو مستحي 😁😂😂

البارت اهداء ال 19nana29
AAyAA100

userRoosee
..
روح

بس حس بوجودي رفع راسه وعقد حواجبه..
برطمت رأساً ونزلت دموعي تتسابق همست
بشهكه : قسور ساعدني...

جنت احجي من دون ما احسب للكلمه حساب اي شيء يوكف على لساني احجي ضل صافن بيه ويباوعلي شلون امسح مدمع عيني واكتافي تنرفع اثر شهكاتي الناصيه..

عصر الجكاره بين اصابيعه وذبهه وكف بهلع
: شبيج منو وياج؟

من كال منو وياج حسيت نفسي طفله مكتوله ب الفرع من قبل الجهال وجايه الابوهه تشكيله..
ابتسمت وكتله : معبالي الكاك كاعد..

قسور : انتِ خبله

روح : والله ماسويت شيء

استغفر ودار وجهه صفح لثواني ورجع باوعلي
: احجي شكو نهر النيل ليش مغرك خدودج ..

بلعت ريكي ووقربت اديه يم بعض وشبكت كفوفي  تمشيت وعبرته كعدت على الدچه..

وباوعتله هو لتفت عليه وضل واكف بمكانه..
روح : خل نتفق انو ماتقاطعني من احجي

رفع طرف حاجبه بمكر وابتسم بسخريه عبالك شو شنو كايله اله جر كرسي ووقابلني وكعد صار هو اعلى مني الدچه ناصيه والكرسي عالي رفعت راسي علي واحجي...

روح : اني اول مافتحت عيوني على الدنيا بـ الشارع كـ مشرده ماعرف بابا منو وشصار وشكو وشنو الي وصلنه لهذا المكان جانت ماما تحير تحمي نفسهه لو تحميني من كلاب الشوارع بس اني ماحسيت بـ هم جبير لانو جنت صغيره بحدود ال ٨ ٧ سنين..ومافتهم

المهم كعدنه ب فندق لفتره لحد ما امي لكت شغل عامله ب كوفي وي وحده اسمهه سوسن الي هي هسه اقرب صديقه الماما..

ورحنه كعدنه وياها بنفس البيت بحدود ال ١٠ سنين هنا بديت اكبر وبديت افهم كولشي واستوعب ماما من الصغر لحد هذا عمري تحشي براسي.. وترويلي نفس القصه..

اهل ابوج ما راددوني من اول ما تزوجني ابوج لانو تعرف عليه ببغداد وتزوجني واخذني الهم للبصره ماتقبلوني وحاربوني واكثر من مره طردوني ولمن جبتج بأول ايامج رادو يحركونج..

ابوج مات ووبنفس الحضه ذبوني اني وياج وملابسنه بـ الشارع..

بديت اتغير اصير حقوده وانسانه خارجيا وداخليا مكروهه حقدت على العمام على اولاد العم حتى بدون ما اشوفهم واعاشرهم.

بهاي الفتره امي تعرفت على بهاء عن طريق سوسن وتزوجته ونتقلنه لشقه جديده وحياه جديده..

هي بدت تهتم بنفسهه وتهملني وخاصا بعد ما فتحت الصالون وتزوجت صار كل وقتهه زوجهه وشغلهه رغم هي ماتحبه هلكد واخذته مصلحه علمود فلوسه بس تهتم بي جانت..
..
دمعت  رأساً خليت طرف اصبعي على مدمع عيني ومسحت دموعي زفرت نفس بقوه هو منتجي على الكرسي ووكاعد بكل راحه عبالك نايم رجلي قريبه عليه حيل وشابك اصابيعه ببعض يم بطنه ووعاقد حواجبه صافن بيه ويستمع..

كمت اطلع وحدي لصديقاتي هي اصلا متعرف عنهن شيء دروسي من اجي اني احلهه اني ادرس نفسي ولهذا السبب رسبت بأكثر من مره..

يصير اجتماع اولاياء الامور متجي تعوفني وحدي بالبيت الاكثر من ١٠ ساعات ومرات ابقى يوم كامل لوحدي وي زوجهه الي عيونه نكسه عليه من اول ما شافني وهي تبات يم صديقاتهه.

وسعت شغلهه ومحلهه اكثر وانشغلاهه صار اكبر
كمت اصادق ياهو الجان واتعلم من ذيج وهاي..

انحلال الى درجه كبيره وماكو من يراقبني..

اجيت اكله على كل علاقاتي اول ماشبيت بس خفت يدفني ب الحديقه مال البيت ف كلت احجيله على مؤمل بسس..

من صار عمري ١٧ تعرفت على مؤمل ذبيت حسره طويله..

جنت احتاج شخص مثله بحياتي يهتم بيومي بأكلي بشربي بنومتي يفرحني يضحكني يحتويني مرات من الفرحه واني افكر بي مانام الليل..

حسيت نفسي ملكه جمال ووملكه حظ ووملكه سعاده بس مادامت لانو بده يطلب مني اشياء مو حلوه..

عقد حواجبه وصرخ : شنو قصدددج مو حلوه ها احجي بوضوح لج..

روح : اول شيء لا ترفع صوتك عليه ثاني شيء اني جايتك ودافرغلك همي ليش تقاطعني وتخليني بعد اكرص اذني وماجيك..

تنهدت واحسه جاي يفور من جوه : كملي

بلعت ريكي وبللت شفايفي : واني جنت اطاوعه بكولشي بس ماسويت ويا شيء مو اخلاقي وحتى كم صوره هو شافهن الي وبملابس المدرسه مستورات..

حجيت هيج حتى يهدء وما يكوم يركعني مره ثانيه على راسي ب الكرك الورا هالمره اموت من صدك..

من عمري ١٧ لحد ١٩ الي هو عمري حاليا اني وي مؤمل بس جانت علاقه عابره وهو هواي عنده غيري و

قسور : وانتِ

روح : ااا لا اني لا ومن اجيت انت حقدت عليك لان عفتونه لسنين ما ينعدن ليش هسه يلا تذكرترونه جنت اشوفك تكرهني ومتحبني وبس تريد تتحكم بيه واني نوم طلقه براسي ولا تجبرني على شيء..

قسور
: ااا يعني هسه اجرب السلاح الجديد بيج عادي!

روح : انت ليش مماخذ الموضوع بجديه..

قسور : ليوين تردين توصلين ب الضبط؟

تنهدت : اريد اموت اني داختنك احس نفسي مذنبه وكل الي سويته عار ومكتوب على كصتي اخاف اطلع واوجهه الناس واني شايله ذنب حمله على اكتافي ثكيل..

خايفه يكون مصيري جهنم خايفه ربي ما يسامحني ويغفر الي لان ذنبي عضيم وواثم جبير

اتمنى لو انك جاي قبل ٤ اسنين تمنيتك موجود بحياتي من زمان...ابجي واحجي وهو مصدوم من كلامي

قسور : اني ماعتب عليج بكد ما اعتب على امج الططوه لان هي الي وصلتج لهل مواصيل وذاك رجلهه الكلب ابن الكلب من اول ماشفته مارتاحيت اله..

روح تصرفاتج ممقبوله مو بس دينياً لا مجتمعياً همين انت لا تحكمين على الباقي من تصرفاتي اني جوز كسرت ضهرج ووفشخت راسج وزوركت وجهج ذولاك يذبحوج من دون ما يسمون عليج..

بلعت ريكي بخوف : منو تقصد

قسور : اهلج الي بالبصره

روح: يعني هسه انت مسامحني؟! وعرفت ان اني مو مذنبه..

قسور: اششش لا تكولين مو مذنبه منو ابوي الي صعد وي مؤمل ب السياره ابوي الي دز صوره لو ابوي الي سوه علاقه؟! بعد شنو مو مذنبه لا مذنبه ونص..

اني لو بيدي اقتلج حلال بس خايف الله بيج انت يتيمه ووحيده وروح الله نفخهه مايحقلي اخذهه اني..

على العموم  مابيدي شيء عليج هذا شيء ذاتي
انت ما دام صحيتي على نفسج يعني تكدرين تغيرين من تصرفاتج وبعد الوكت والعمر كدامج..

كلامه ريحني وبنفس الوقت ضوجني مو هذا الي جنت منتضرته منه

نزلت راسي ودموعي توكع بحضني جان يكول
: روح اكلج فد معلومه بسيطه.. بما انو انتِ تكولين ماتذكر شيء عن ابوي

رفعت عيوني كمت اشوفه مغوش من كد الدموع هزيت راسي..

قسور : اول ما نخلقتي ابوج جان يصيحلج روحي مايكلج روح لا من يناغيلج ويلعبج ويشيلج كله روحي..

عبالك سهم ونبته بكلبي دنكت راسي على رجليه ووعصرت عيوني حيل كرفصت ووابجي واصرخ
واهمس اخ بابا وينك عني شكد ملهوفه اكلك بابا...

ماحاول يسكتني واني كدام عينه منهاره وكلشي بوجهي يجري وامسح بردان قميصي وومازال وجهي رطب من كثر دموعي..

همست : منين بعد اسمعهه منو يكولهه الي ليش اني ماجنت جبيره من هو عايش ليش الله حرمني من هل نعمه..

صوته الخشن دخل الاذني بكل راحه ووهو يكول
: روحي

فقدت من كالهه كلبي طار من بين ضلوعي وجسمي كله رجف رفعت عيني علي.. جان يضحك ويكول : حيل يشبهون صوتي وشكلي بأبوج بنفس النبره الي جان يكولهه الج سمعتجياها بس اهم شيء تسترين علينه وماتروحين تدورين واحد يكولهه الج..

روح : يعني هسه انت تشبه بابا

قسور : النسخه الثانيه مالته اني وعندي صوره ادورهه واشوفهه الج..

كلت بدون ماحس : لعد شكد جان حلو بابا..

رفع طرف حاجبه الحاد : ها

نفضت نفسب وكمت من مكاني: اني اروح خاف تكعد امي وماتلكاني..

كام وكف على حيله وتقرب عليه
: مو تزعلين مني ترا كل همي مصلحتج اني متأكد راح يجي يوم اشوفج احسن من هسه بالف مره بس حاولي والله غفور رحيم لا تفكرين هيج تفكير وتكولين مايغفر ذنبي بالعكس هو اصلا فاتح ابوابه الج بس اطلبي منه ولا تخجلين..
..
ولا تذبين الصوج ب الاصدقاء لان صدكيني الانسان اذا ماراد شيء مايسوي والعكس صحيح..

اني كدامج جنت مصادق واحد كوا** ابن كوا**
تعرفت علي بواجب ب الرمادي وصدكي

ذاك هو يكيت ب الملاهي واني تكول شيخ معمم افتي براسج ولو مامقتنع بروحي بس اهم شيء اوصل الج الفكره..

ضحكت : ههههه وصلت

حط ايده ببجامته وتنهد: ديلا روحي اليشوفج بهل خلقه هاي طالعه من بيتي يكولون شوف شسوه للهه وخله خشمهه يورم من البجي..

فتحت عيوني : يعني خشمي مورم

قسور: صاير جنه كبه

روح : تتشاقه

قسور : بابا دروحي والله تهتمين ب المضاهر

روح : شعندي غير مضهري

قسور : اي ديلا خوش

روح : على فكره رغم انت حباب بس غثيث

قسور : موصوجج امشي اطلعي برا

روح : ههههههههه

قسور: ماجاي اتشاقه

اختفت ابتسامته عزا شكد مكروهه وجدي عفته حتى بدون ماكله باي وركعت الباب وراي بكل قوه
..
رحت اتمشى للبيت واحس انكتبت الي حياه جديده
..
ضليت كاعده ومانمت طلعت للصاله نضفتهه وعزلتهه وغسلت المواعين الي ب المطبخ..

صارت ب ٩ رحت كعدت امي تفاجأت من شافتني جرتني من ايدي وحضنتني ووتكلي شصارلج البارحه شبيج

روح
:مابيه شيء يمه جان راسي يأذيني راح اسوي ريوك كومي غسلي..

بهاء جان طالع فـ نتريك بس اني وامي  اثناء ما اگشر ب البيض الي سلكته اجتني فكره ليش ما اخلي يجي يتريك ويانه؟ بس خاف امي متقبل...
وخاف يفشلني لان هو اصلا بعده ميطيقني..

ذبيت البيض وانتجيت على الكاونتر افكر خل اروح اسأله واشوف غسلت ادديه وطرت للجهاز..
اخذته ودزيتله مسج : تريكت لو تجي تتريك ويانه؟

وصلت اله الرساله بس مشافهه نفخت بملل لو مكايله اله احسن اني كلشي ولا يفشلني..رجعت اكمل بـ الريوك رتبت كلشي على الطاوله مربى وزيتون وزبد ووجبن وبيض امي طلعت تنشف بوجهه شافت الاكل ونصدمت : هاي شنو؟ المنو هذا كله منو ياكله..

روح : ااا اني

: انت ما شاء الله شهيتج اليوم مفتوحه

: اي اريد اسمن

باوعتلي بعدم رضى مستغربه من حالتي الغربيه
وكعدت تاكل كلت الهه شويه واجيج ركضت للجهاز شلته شايفهه ومارد

اي اي عرفته والله حقير هذا مو صوجه صوجي اني الي ردت افتح صفحه جديده شمرت الموبايل بعصبيه ورحت للمطبخ كعدت اكل بغضب وومدنكه راسي على الماعون..

ام روح : ترا حالتج مو طبيعيه اليوم ساعه مطنكره ساعه فرحانه شنو موضوعج؟

روح : ماكو شيء

ام روح: ترحين للمدرسه اليوم
شلت كلاص الجاي وحاجيتهه واني اشرب
: ماروح

ام روح : ليش هو منعج مو

روح : لا كايمه اني شعبت

: ليش شكلتي حتى تشبعين مو على اساس تردين تسمنين

عفتهه وكمت جان تصيح وراي : روووح تعالي روح داحاجيج

طبكت باب الغرفه وونمت على الجربايه جريت خصله شعري ووابرم بيهه بضوجه ساعه اخليهه على شفايفي ساعه على حلكي..

ليش هيج سوه ضليت اتكلب بمكاني امي راحت للصالون وبقيت لوحدي ب البيت ب ١٢ رجع بهاء هو واصدقائه شويه بقو وطلعو

مادري شنو فلمه هالرجال مدوخني صارت بـ تلاثه ونص الضهر رن موبايلي برساله شفتهه من قسور فتحتهه بسرعه

: متغديه لو تتغدين وياي

رغم رسالته فرحتني حيل وضليت اضحك مثل الخبله بس مارديت علي وحده بوحده بسيطه..

دك عليه جاوبته من ورا خشمي
: الوو

قسور : منتضرج يلا راح يبرد الاكل

روح : ماريد

قسور : دنجبي وتعالي لا دوخيني تعبان

وسد الخط حتى بدون ما يسمع كلام هذا شبي هذا ششايف نفسه نرفزني حيل كمت بدلت ملابسي لبست جينز رصاصي وبدي نص ردن اسود ووبي دب ابيض ب الوسط  شعري ماكدر اسويله اي شيء بسبب ال شاش..
..
دكيت الباب فتحهه الي بزيه العسكري الاسود كاف ردان القميص وشايل الرتب خصمت عيوني بضيق وكتله : انت شنو طينتك بس فهمني..

ماجاوبني عافني ودخل تأفأفت بضيق لحكته شفته كاعد ب الكاع اشرلي على الكاونتر وكال
: الاكل هناك جيبي وتعالي

حطيت ايدي على خصري
: ترا اني المعزومه مو انت..

قسور : راح  نتعارك منو يجيب الاكل!

ذبيت الموبايل على التخم الي هو منتجي علي وذبيت حذائي وتمشيت شفت الاكل كله جايب من بره حاجيته واني منطيته ضهري افتح ب العلاليك : هاي شنو ليش تجيب من برا..

قسور : الله وكيلج بيضه ماعرف اطك

درت وجهي علي وضحكت : اني هم شكد اتعلم طبخات بس انساهن اله اطلع واتعلم يله اكدر اطبخ..

وماتنجح عندي اي طبخه شما اسويهه لازم تفشل خاصا الكيك

قسور : چا انتِ بشنو فالحه

اختفت ابتسامتي وودرت وجهي عنه بغضب خليت الاكل وفرشته ب الكاع جان جايب تمن وولحم اسمه  قوزي ولبن والصدفه انو جايب من كلشي ثنين يعني من البدايه حاسب حسابي ابتسمت بداخلي..

ربعت مقابيله اثناء مدناكل كتله: اريد منك طلب

رفع عيونه عليه استحيت منين ابدي بس تشجعت: اريد اتعلم الصلاه..

شرب شوبه من البن وكال :
اني صليت صلاه الضهر بـ الدوام بس راح اعيدهه كدامج وتعلمي..

ابتسمت بفرح وهزيت راسي كملنه اكل هو دخل يغسل ب الحمام واني شلت المواعين ذبيتهن على السنك ووغسلت طلع ينشف اادي ب المنشفه ويحجي : باعي القوري ب الكاونتر..

روح : اني جبت الك الاكل واني الى راح اسويلك جاي هو منو عازم منو..

قسوو : هسه جاي تذليني لو شنو؟

كعد على التخم ووجر موبايلي جنت مخليه خلفيه صورتي رايحه بعرس صديقتي مو جمانه وحده ثانيه ولابسه فستان ردانه خيط وومخليه مكياج طوخ ووعدسات وحمره حمره وكتفي الي ضاهر بي الوشم..

اني اصلا عندي وشم بكتفي على شكل هلال ونازله منه كم نجمه صغيره هاي ماما سوته الي بصالونهه من جابت جهاز الوشم..

جان يعيط: لج شنو هاي

بلعت ريكي :شنو

: اكو واحد يخلي هيج صوره بصخامه.

عفت القوري على النار وركضت ليمه سحبت الجهاز من ايده لعد لو يشوف باقي الصور شيكول

روح : واذا عادي

خنزر عليه :  عادي مو لو احد غيري شايفهه! او ب الاصح كم واحد غيري شايفهه  وبعدين شنو هذا الوشم؟!

روح : اولا موبايلي محد يلزمه ف محد يشوفهه ثانيا عادي واذا..وثالثا لا تحاسبني رجاءً مالك دخل بخصوصياتي..

تنهد وفرك وجهه : استغفرالله شلون بلوه هاي اله احركج واخلص من هل هم.. غيريهه بسرعه

روح : ما

عاط بيه صوت رجعني ليوره من الصدمه

قسور : غيرررريههه

خزرته وضميت الموبايل  بجيب بنطرون كام على حيله وتقرب عليه لدرجه اشتميت عطره وانفاسه جر الموبايل من جيبي وكال
: شنو الباسوررد..

روح : هسه هسه اغيرهه

لكفته مني بقوه ووفتحته درت وجهي ووغيرتهه
: يله ارتاح.. اني رايحه

مشيت من يمه لزمني من عكسي ورجعني باوعلي بنظره هادئه وهو يمسح طرف حاجبه ب اصبعه
: ما علمتج الصلاه

روح : اتعلم على النت

عفته ومشيت اجيت اطلع جان يصيح عليه
: اطلعي من الباب مال الممر  مو كل الناس تدري اني ابن عمج

ماهتميت الكلامه ومشيت ب اصرار طلعت من باب البيت
..
جمانه

نصدمت من كالت هيج بابا كال
: جمانه تروح وياي متبقى هنا..

كامت وكفت على حيلهه وتباوع لبابا بخزره..
جرتني من ايد بابا وسحلتني وياها : عندي كلمتين وياها.

دخلنه للغرفه قفلت الباب واخذتني كعدنه على الجربايه جرت ايدي وحضنتهه بين اديهه باوعتلي بعيون مليانه دموع..

: جمانه بنيتي انه مسويتلج شيء مضايقتج

بلعت ريكي : لا

:چا ليش تردين تحرميني من ريحه الغالي تدرين كلش زين انه اسعد ابني الوحيد ونص من كلبي والنفس اليصعد وينزل وابنه بعد اغلى هنه تلث اشهر بعدلج وتولدين بسلامه يعني ما تتحملين تبقين يمي وتصبريني انت وابن الغالي على حزني وهمي..

جمانه : بس

: واالله وروح ابني تبقين هنا معززه مكرمه ومحد يوصل الج ولج يمه كلبي راح يطك على ما اشيل ابن مؤمل بين اديه وانت مريته ومن ريحته تبقين يمي ومحد يطخج راسي على راسج..

ودنكت راسهه تبجي ووتنحب

جمانه : عمه وداعتج ماكدر ابقى هنا اني غريبه واستحي

: ولج شنو غريبه انت جنه هذا البيت وام ابنه

: ايي قبل جنت جنه هذا البيت بس هسه لا

هزت راسهه : يعني ماتبقين روحي الله وياج.. ماجبرج

تنهدت بألم : زين لشوكت اضل يعني

: لمن تجيبين وروحي بس جيبي وخل اشوف حفيدي واشبع منه

: بس ابني..

: ابنج الج محد ياخذه لا تخافين

طمني كلامهه

: كملي العده يمي شعندج انت ابقي هنا على الاقل صبري عليه واصبر عليج..

جنت تافهه وغبيه ماعبالي مخططه وغايتهه اكبر من هيج ونكسر كلبي عليهه وكلت خطيه اعوفهه وهي مالهه احد لا بنيه ولا ولد..

جمانه : بس بابا مستحيل يقبل يخليني هنا

: معليج انه اقنعه..

الاول مره اشوف ابتسامتهه من بعد موت ابنهه..
طلعنه اني وياها عافت ايدي وراحت وكفت بوجهه ابوي وخلتني ورا ضهره..

: جمانه تبقى هنا

صاح
: وين تبقى شعندهه والمن هي حامل ومريضه وكلهه غربه هنا عليهه امشي بابا جمانه.

: ولك شني غربه غير احنه عمامك وولد عمك هنا..

: بابا جمانه

مديت راسي علي : بابا خليني هنا ابقى يم عمتي هي تعبانه نفسيتهه وتوه ابنهه مات عوفني فتره ليمهه..

امي كالت : بس يمه منو الج هنا وانت صحتج مو زينه

ضليت ساعه كامله اقنع بيهم ودخل عم بابا هم ضل يقنع بي بس بابا يباوعلي بخذلان ووبأسف وحتى كلامه كوه يحجي اعرفه خايف عليه..

بقوه موجودين وللفجر طلعو اني نمت بغرفه ام اسعد فرشت فراش جوه جربايتهه ونمت ابو اسعد الي عرفته ينام ب الصاله يم الولد...
..
خطيه الليل كله ماتنامه بس تبجي ووتهذي..

اجت السبعه وزاروني اهلي همه تعبت تعب فضيع بهذا اليوم
..
حياتي يمهم خاليه من النشاط محبوسه ب الغرفه لان عده اكعد اكل وانام..واذا اريد اطلع اتأكد محد من الولد موجودين واتنقب واطلع

اليوم العصر جنت كاعده ب الغرفه مخليه ايدي على بطني الي كبرانه ووكوه داتحمل ووجعهه..نهايه السادس اني

نفتح الباب ودخلت هناء بيدهه بنتهه صغيره عمرهه ب السنتين كعدت مقابيلي وجهه ينطي الوان

: شبيج

: جمانه خايفه الوضع مايطمن

: ياوضع

بلعت ريكهه :وضع البيت الولد جاي يشترون اسلحه وويجهزون النقص العدهم..

: اسحله شنووو ليش شكو؟

: مو راح يدكون بيت سلطان شكد حاولنه نكعدهم بس الشر بين عيونهم خاصه ابو اسعد..

والله مايرتاحون اذا ما يهجمون هالبيت على راسنه..خوفني كلامهه خلاني ارتعش هي خايفه على بنتهه وزوجهه..

بقيت يمي  ونستني واني ضايجه تعشينه سوه ولليل يلا راحت
..
ام اسعد حايره شتسويلي اكلي كله شوي ومعلاك وتكه وكباب ووتشربني صبح وبليل حليب وعسل

مختنكه حيل معقوله مؤمل يسويهه لو صدك يتبلون علي اوف فركت ركبتي بقوه وودعيت الله يوفقني ويعيني هنا كلمن مهتم بروحى محد يباوع للثاني ووالضهر كلهه نايمه العصريه يجتمعون زلم ونسوان واسمع صوت ضحكهم بليل ورا العشه ب ٨ كلهه تطش ولا نفر يبقى
..
بيوم بليل توني دانام جاي امسح اديه بمرطب..
صوت هوسه ووركض قلقت حتى ام اسعد بعدهه ماجايه كمت من مكاني تمشيت وفتحت الباب

جان اشوفهم كلهم مسطرين وولازمين الاسحله ولتفتت على الدرج ياسين ابن عمه ورواد يركضون وبيدهم الشاجو احس كلبي نقبض هيج بلوكه ووكعت فوكا اجيت اوكع من الخوف..

همه طلعو وكلهن اجن بغرفه ام اسعد اني كاعده بيهه ويكولن وصونه مانطلع من هل غرفه خاف يصير شيء.. وكلهن محصورات ب الزاويه وشيء تبجي شيء تدعي..

اني وصل الدم الراسي بله هذا تصرف هذا يرحون يدكونهم عود شنو جابو حق اسعد هم.

بطني ضلت توجعني ومغض وتقلصات من القهر افتر فوك راسهن ووادردم..

ام اسعد : اكعدي جمانه لا يصيرلج شيء

ماجاَوبتهه رحت فتحت الشباك وباوعت الهم طلعو ب الست سيارات وكلهه العاليه الي تاخذ اكثر من نفر.

اروح واجي واعض ب اصابيعي من القلق
..
بقينه للفجر احنه عايشين قلق ورعب ما ينوصف ورجع ب ٥ الفجر عبالك محررين الموصل فرحانين ويتهامسون بيناتهم..

تمنيت اكدر اطلع واحجي بس ماكدر العده لازمتني الي عرفته واحد منهه متصوب ب المستشفى والثاني برجله والبقيه جروح..

ابو اسعد فرحان ويضحك ويزامط ب افعاله..
واني القهر كتلني
..
اسمعهم يحاجون نسوانهم : من هل لحضه ديربالجن وحده تطلع عتبته غرفتهه تطلع على كد الاكل والشرب وبس غير المطبخ متوصلن لان خطر وحياتنه كلنه مهدده جهالهن كضنهن ميطلعون يلعبون ب الحديقه لان اليطلع خارج البيت وصار بي شيء احنه غير مسؤلين عنه لان حذرنه..
..
دخلت ام اسعد هي هم فرحانه كمت على حيلي
: عمه هو هذا تصرف هذا بله واحد مات منَو الي راح يستفيد اولاده الي يتيتمون لو مرته الي تترمل ليش هيج مو اكو قانون ورحو اخذ حقكم من بين عيونهم اذا الكم حق عندهم بس مو تروحون تسووون هيج سوايه تكسر الضهر..

شهل تخلف العالم وين وصلت واحنه بعدنه طكني واطكك..

: ولج جمانه صوتج نصي لحد يسمعج والله مايرحمون بحالج اكعدي وواهجعي بمكانج ومعليج بالي يصير معقوله كلبج ما مقهور على دم زوجج..

: لا مقهور مقهور بس مو اروح ارهب نسوان واطفال واخوهم ووازرف حيطان وشبابيك.. وبعدين منو الي ما يرحمني ليش اني شكلت غير الحق من باجر راح اخابر بابا ويجي ياخذني..

: ميخالف هاي اذا خليتج تطلعين منا امشي نامي يله نامي..

صدمتني اول مره تعامليني بهيج اسلوب
هسه لليل واخاف اتصل على بابا ويرتعب خل ييصير الصبح ومطي اليضل هنا.. سمعت بعد شويه ب ٦ الصبح هم راح يرحون يدكونهم..

النار مشتعله بصدري نمت كوه عيني بالف يالله غمضت وشلون نومه كل شويه فازه ومتحمله لو بموتت اسعد لو بالاسحله الي لازميهه..
..
كعدت بـ٨ ونص محد منهم موجود اذن صدك راحو يدكونهم كمت من فراشي غسلت وجهي ودورت على موبايلي مخليته جوه راسي اخذته ولبست شالي والنقاب ووطلعت كلت اروح للحديقه احجي..
...
طلعت مثل الحرامي اخطف برجليه الصاله فارغه تصوصي كلهه بغرفهه تمشيت بهدوء الحديقه جبيره كلش اني اسميهه بستان كد ما جبيره..

وكفت بضهر شجربه ووخليت الجهاز من جوه النقاب على اذني انتضرت بابا يجاوب ماكو..
رن رن رن لحد ما نغلق الخط..

توني جان ارجع اخابره وايد نحطت على حلكي ووصله على خشمي.. يتبع
🖤🖤🖤🖤🖤
ايزابيل