رواية لم اخلق لرجل سواك الفصل العشرون 20 - بقلم ايزابيل

#بقلم إيـزابيـل
#الجزء الخامس عشر
#لم اخلق لرجل سواك

بنات اشكر تصويتكم وتفاعلكم الحلو صدكو اني مو متعمده مانزل بس مو بالبيت يم بيت جدو ووهوسه العيد والجهال وخالاتي السبعه..

خالو بيده الصونده ويفتر وكل هذا وممسيطرين ع هوسه انام اكعد الكه شعري متملخ وموبايلي ب القاره الثانيه  وبنصهم اكتب ب البارت

ترا داجاهد علمودكم 🤣🤣اتشاقه قراءه ممتعه

ملاحضه هذا البارت يخص روح الجاي يخص جمانه لانو احداث مهمه وماكدر اكتبهه بهيج ظروف
..
جمانه

خوف وورجفه تجي عندي لا ارادياً من اسمع ب الصار كل هل مواجهات شوكت تنحسم..

شمدريهم بمكان صادق اني حتى ماحجيت ولا حرف كل الي عرفته رايحين عليهم .. يهددون
وناخذ بثار ابنه ومانسكت عن الي صار..

حاطه ايدي على كلبي رجعو ووصياح وعياط وورهيب شيل البيت ماكعده ويصيح اكيد احد دلاهم مو من وحدهم عرفو وابصم ب العشره...

بلعت ريكي رغم اني ممسويه شيء بس خاف انوب
ذولاك يوكعوهه براسي ويكولون الهم جنتكم انطتنه العنوان.

بس اكيد ميصدكون قابل منين اعرف اني..اوف
التفكير اكللل راسيي

لليل جانت امي كاعده يمي مسويه شوربه ووتريدني اكلهه بعد كم يوم وافتح الخياط تكلي لازم يكون بيج حيل حتى تكدرين تتحملين..

طبعا اني ماكدر اسافر خارج المحافضه الى افتح الخياط وهم ابني بالخدج ماكدر اخذه اذا ميخلص كل الوقته المحددد اله

الطفل طبعا سموو انس حتى مادري اجت ام اسعد كالت الي على اساس على اسم اخو اسعد الي توفه وهو طفل

ماطايقه نفسي ووالخوف يجري بدمي..وبس اعض بشفايفي واتصفن والدمعه بطرف عيني..

اجتمعو ب ١١ بليل وودزو علينه  رحنه اني وامي بابا هم موجود كعدنه يمه ابو اسعد مترأس المكان وبصفه اخوته وورهيب ووالولد الباقين هم كاعدين ووالنسوان كلهه صايره كض اخوك لا يطيح والجهال شيء تبجي شيء متمدده ب الكاع وتتعارك..

لحد ما عاط بيهم رهيب خلسم كلهم راحت الجهال تتراكض الحضن امههم..

ابو اسعد : اسمعوني عدل شيخ عشيرتنه دز علينه اذا انتم ماتدرون على اساس كعده صلح ووراح يجون ولد سلطان هم ماعرف شراح يصير هناك ووماجنت ناوي اروح بس ماكدر اكسر كلام الشيخ.

وطلب الولد كلهم يجون وياي وابو احمد ( يقصد ابوي) انت هم تجي ويانه انت ابن عمي ومن عشيرتنه وواجب عليك تجي لان مشاكلنه هي نفسهه مشاكلك..

بابا : خويه انت تدري اني من زمان بعيد عنكم وعن مشاكلكم ووناوي اخذ بنتي وومرتي وارجع البغداد

ابو اسعد : ليش مو هاي وولد عمي كلهه واكفتلي حزام شو بس انت هيج خايف وومبتعد عنه ووبعدين ترا الي انقتل ابو حفيدك وزوج بنتككك

بابا : اني ماخايف ابو اسعدد اني ماريد اورط واذي اولادي ماهتم لروحي لا مهتم الهم هو عندي ولد وحيد شنو اروح اعارك بي وواهدد حياته للخطر

ابو اسعد : احنه مانريد منك شيء بس تجي ويانه للكعده

نفخ ابوي بضجر ووهز راسه باوعتله بصدمه ماريده يروح ماريد يورط نفسه بشيء هو في غنى عنه..

ضلو ساعه كامله بينهم مناوشات منو يروح ومنو يبقى يم النسوان لحد ما قررو كلهه تروح وويجيبون ثنين حراس يم الباب يخافون يغدرونهم..

كارهه نفسي وكارهه المستنقع الي وكعت بي..
عفتهم ورجعت لغرفتي اتمشى واروح وارجع بنفس المكان واصبر بروحي على البجي..

احس ماراح تعدي على خير ووراح تجي مصايب اكبر من هاي كلبي يوجعني وونغزات قويه..

ماعرف الكعده هاي شوكت راح تصير اكيد وراهه بلاوي الموبايل بيدي ووصافنه..صارت كدام عيني روح قررت احاجيهه اني حافضه رقمهه
سجلته بسرعه وواتصلت عليهه.

ضل يرن لحد ما نكطع وورجعت دكيت جاوبت
احس كلبي طار من بيع ضلوعي فرحت ووالضحكه شكت حلكي مشتاقه الصوتهه ومشتاقتلهه موتت

: الووو روح

:جمانه

: ايي جمانه

: حبيبتي ولج وينج شلونج

: موزينه اني ابد موزينه شحجيلج ومنين ابدي انت شلونج

: اني الحمدلله بخير ههههه اني بالبصره صدك البقاء بحياتج صحيح اسعد مات

: اييي مات ووعذبتني موته كامت المشاكل تأتي من حيث لا اعلم وجبت همين

: جبتي؟ شوكت هاي جمانه احس صار قرن ما شايفتج

: اي جبت ولد انت شتسوين ب البصره

: الحمدلله على السلامه بعدين اسولف الج اني هسه بالشارع

: اوكي حبي اخذي راحتج

سديته منهه وكعدت اضرب صفنه براس صفنه
..
روح

امشي ب الشارع ووالموبايل بيدي اني توني فتحته جنت غالقته دك رقم غريب عبالي امي رن ونكطع ماجاوبت رجع مره ثانيه دك ووجاوبت..
كلت اذا امي اسده بوجهه

وطلعت جمانه يمكن هذا احسن شيء صارلي على طول اليوم جنت ضايجه ووخايفه بس صوتهه ريحني..

طبعا الرجال نزل وياي وودلاني على بيتهم ورجع صعد بقيت امشي لحد ما صاو كدامي بيت ضخم.
بي اعمده ضخمه ووباب جبيرر حيل صاير بنص بساتين متروسه نخيل واشجار وومحاوطهه سياج..

امشي لوحدي واعصر بجنطتي وابلع بريكي شراح يدخلني حصرتني البجيه مرت من يمي سياره من سرعتهه ماشفت شيء بس دخان خنكني تراجعت ليوره سياره رياضيه تفتر داير البيت  ووصوتهه عالي..زرف اذني بقيت اسب والعن بي 

هذا منو يامخبل بنص هالليل يسوي تفحيط بالسياره تنهدت وورجعت امشي لحد ما صارت بوجهي نزيت ورجعت ليوره وبقيت واكفه بمكاني

شكد ما الشارع اضلم بس اضويه البيت منوره المكان خفت هذا شكو وكف والله اذا ناوي يسويلي شيء اشيل الحذاء واحطهه براسه..

بس خاف واحد من اهل البيت لو واحد من ولد عمي لان صار ساعه يفتر بس يم البيت داير مدايره طبعا الشارع جان مبلط قبل متعبرين السياج الي فاصل بين الشارع العام والبساتين..

فتح الباب وونزل من السياره المكان الي من جهتهه اضلم فما ركزت بي عفته وتوجهت على البيت جان يصيح : هييي انتِ تعايي تعاييي..

ويأشر بايده بمعنى تعاي صوته كهربني عزا هذا قسور من الصدمه رجليه اريد اثبتهن ماكو يرجفن بودي ارجع ليوره واطكهه ركضه لبغداد

ركض ليمي ووصل ووكف مقابيلي عاقد حواجبه ووالضوجه مبينه علي وكعت الجنطه من ايدي
بلعت ريكي وهمست : قسور اني..

لزمني من ايدي الي مبينه وودفعي بقوه للسياج
صار البيت مامبين والمكان كله اضلم..

: هاي شبيك شبيك وين جبتني

: اشش انت الي وين جايه

حطيت ايدي على خصري
: لا والله تحاسبني شنو جايه لبيت جدي..

: بهذا لبسج

: ايي واذا

: شنووو واذا باعي شعرج باعي اديج والبنطرون الازك ماكو عقل خلص انتهت صلاحيته مو..

صفنت بي وهو عصبي وويحاجيني بحركه ابتسمت : شلون ما اخلص من عصبيتك عليه اني

:نجبي نوب مرتاحه المدام والله بيج راشديي شجابج من بغداددد للبصره وي منووو اجيتييي احجي لا تخبليني

: اجيت لوحدي بعدين اسولف الك

استغفر وومسح وجهه كتله : شبيك ضايج من جيتي انت مو جنت تتوسل حتى اجي وياك؟

: ايي بس مو بهل طريقه ووحدج ووبهذا لبسج راح تخزينه

: لا والله شنو اخزيكم قسور احجييي عدلل اني هذا لبسي وهذا شعري الي ماعاجبه يركع راسه بالحايط

: يعني اني اركع راسي بالحايط مو؟

نترت واني ادفعه عن طريقي : لا اني

سمعته وراي يكول بسيطه رحت شلت جنطتي ووعفته ومشيت وهو ضل يركض وراي..
..
وكفت يم الباب اريد ادخل ماعرف منين وصل ليمي حاوط شفايفه بثنين ادي وصاح : ابوووو احمددد ابووو احمددد

شويه وطلع رجال كبير بالعمر يركض ويصيح جاي جاي فتح الباب وقسور ضل. يحجي ويا.
: ها حجي ليش قافل الباب من وكت

: والله يابني ضنيت كلكم بالبيت وقفلت وورحت انام

: ذكرني اخذ نسخه منك القديمه ضاعت

هز راسه بأي ويباوعلي اشرلي بأيده ووهمس.
: تفضلي

ابتسمت ووصكيت على جنطتي بأيدي بقوه ودخلت اتمشى كدامه..

البيت صاير بالنص كد َما ارتفاعه عالي ميلت ركبتي حتى اكد اوصل للنهايه سألته شكم متر كال ليش

فضول

٨٠٠ متر
..
بستان كله خضار والنخيل يلعب بسعفهه الهوى
انتبهت اكو مثل النهر الصغير جريانه سريع والمي مالته يلمع مرسَوم بي شكل القمر بذيج الليله..
دامشي وومثل الضايعه اتلفت يمنى يسرى حسيت بي يجرني من معصم ايدي وويوكفني..

قسور : روح

: كول

قسور : ماريد اي تصرف مو حلو وصدكي وثقي بالله كل الي جوه يحبوج بس خليج زينه ولا تسترعنين

خصمت عيوني : شنو قصدك

قسَور: ابسط شيء تصرفج هذا جايه وحدج بنص هالليل اني اعرفج شنو بس همه ميعرفوج شراح تكولين الهم بس ها مو معناها مالنه كلام لا منتضر تفسيرج

: تدري كلش زين اني ماجنت حابه اجي لهنا وحلفت لو تنطبك السما ع كاع ماوصل بس الضروف اقوى مني..

بلع ريكه وهز راسه عاف ايده وكال امشي سبقني واني ورا مشاعري مختلطه بين فرحانه وبين خايفه اريد ادخل وماريد وبين وبين حرت وخطواتي كل مالهه تصير ابطئ

دك الجرس مره مرتين اني واكفه خلفه ومتوتره نفتح الباب وسمعت صوت يكول : هلاو قسور تأخرت عمو هواي دك عليك كال شلون يتأخر باجر عنده التحاق.

: هلاو بيج قمر بعدين نحجي ندار عليه رحت بصفه شافتني ونصدمت ضلت ترمش بعيونهه

: روح

قسيت ملامحي : اي حبي ششايفه عزرائيل

خزرني ولا اهتميت فد ولا اطيقهه

: ها لا هلا بيج حبيبي بس تفاجئت ماتوقعتج تجين للبصره

: ليش حتى ما اجي اني اصلي منا ف شيء طبيعي كلمن يرجع الاصله..

قمر : ههههه اي صح تفضلي حبي

ابتعدت عن الباب ودخلنه هبت بوجهي ريحه بخور وهو مجررررش الصاله هي بالواجهه..
تخم ملكي ابيض وذهبي وودرج دوار ماعرف شكم بايه بس تعبت حتى بدون ما اصعده..

عفت كلشي ووركزت على الكاعدين على التخم مره جبيره بالعمر ضهره محني ووقصيره ووسمينه شويه ذابه كل حيله على العصى البيدهه وجهه ابيض وعيونهه صفر ووكصتهه وحنجهه مترروس دك اخضر..

يمهه على اليمنى رجال يطلع بنهايه الخمسين ضخم وواصلع بس من الجوانب عنده شعر ووشوارب من دون لحيه حسيته صارم وويخوف..

وعلى اليسره رجال هم جبير بس شعره ولحيته كله ابيض ولابس دشداشه بيضه وبيده سبحه..

ومقابيلهم واحد هم جبير وملامحه عاديه شويه قصير وضخم.. يحجون ويضحكون بلعت ريكي ونداريت لقسور طمني بعيونه..

تقدم يمهم ويحجي : يابه الله بالخير.

لتفت هذا الاصلع باوعله ووصاح
: لا هلااا

انتبهلي وواختفت ابتسامتي وصارت عيون الكل عليه نحرجت وخجلت حيل بقيت الم بنفسي.

كام وكف على حيله ويخزر بقسور
: منووو هايي قسور

حسيت بقمر توكف خلفي وتضغط على كتفي تحاول تطمني باوعت الهه بعيون غائره..
..
تقرب وكف يمه بهدوء ونظراته تنتقل بيني وبينهم : هاي روح بنت عمي احمد....

الصدمه جانت واضحه عند الكل وخاصا العجوز ررفعت راسي وتباوعلي عبالك تريد تبجي..

ردات تكوم بس عثرت لزمهه قسَور ورجع كعدهه
اسمعهه تكله : قسوور حبوبه خل تجي هاي بنت احمد بيهه ريحتهه قسورر صيحهه انه ماكدر اكوم الهه...

جنت متردده اروح لو لا بس قهرني مضهرهه ذبيت الجنطه من ايدهه وتمشيت الهه كعدت بصفهه جان تجرني من جتفي ووتحط راسي على صدرهه ريحتهه مسك خليجي ووشيلتهه بارده
ثلجت اذني..

مبرطمه واريد ابجي وهي حاضنتني وتون ووتبجي بسكوت رفعتني وتتلمس بوجهي.
: امج وينهه بعد كل هل اسنين عبالي متي كلت ماتعيش وي هيج ام..

رفعت عيني على قسور
: ليش ماحجالكم عني!

هزت راسهه : حجالنه حجالنه وينهه امج

: اجيت لوحدي

ابتسمت بسخريه : مالهه وجهه تجي

بلعت ريكي : لا اني اجيت بدون ماتدري..

هذا ابو دشداشه  فتح عيونه بقوه ووضغط ع سبحته : شنوو بدووون متدريي  چا ويامن اجيتي وشنو هذا لبسج شلون دخلتي بي لمنطقتنه..

روح : اني مو محجبه

قسور واكف بصف. الطبله الي صايره بين التخمين وايدي وره ضهره: عمي هذا الحجي مو وكته البنيه جايه وتعبانه ووقصدت بيت اهلهه من اول يوم نحاسبهه؟ كومي  قمر اخذيهه لغرفتج

الحجيه : عوفهه اريد افتهمم منهه

: مو وكتهه حبوبه امشي روح

وواشرلي براسه ووغمز بطرف عينه هزيت راسي
وكمت رحت الهه هي شالت جنطتي وواخذتني للصاله الثانيه دخلت ونفجعت كميه بنات ونسوان لا تعد ولا تحصى وكلهه تضحك وتسولف

من شافني اخترعن قمر خلت ايدهه على ضهري ووانطتني اشاره بأنو امشي وماهتم.

: يمه قمرر منو هايي.

طبعا هاي ام قمر اتذكرهه هي من اجت وياها لبغداد ما شافتني دخلتني للغرفه جربايه ام النفر وكنتور بابين ووسبلت وميز مرايه.

: ارتاحي هنا واني طالعه اي شيء تحتاجي صيحيني

ابتسمت بمجامله خلت وراحت واني بقيت اروح وارجع بتوتر ماعرف شسَوي وشتصرف اسمع صوتهم وساكته ماكدر اطلع.

كل شويه جايه وحده فاتحه الباب عليه تباوع َوتروح ردت ابدل ملابسي وانام بس سمعت صوت واحد منهم يكول : شعندههه جايه بنت امهه هاي اكيد وراهه مصايب مثل امهه لتفت علينه من سنين هي جايه تعيد عهد امهه وحده فاسقه مثلهه ماشفتَو لبسهه ووشعرهه بنت امهه الفاجره شتطلع علويه..ماتكعددد هنااا مماريدد
بيتنه يتنكس

قسور : عمييي البنيه ماصار كم ساعه من اجت ميه الف تهمه ذبيت براسهه على اساس هسه كلمن حطت شال على راسهه صارت شريفه لاتخلينه نحجييي. صغيره بعدهه وينراد الهه تعلوم  عجينه شكلهه بكيفك  احسن من ماتذمهه

احس الدم صعد لراسي صوجي اجيت والله ذليت نفسي طلعت اركض. الصاله الي مليانه نسوان فارغه طلعت الهم هذا ابو سبحه واكف بَوجهه قسور َويتصايح ويا....
َ
قررت اعوف الضعف الي انتابني اول ماحطيت رجلي هنا.

دخلت بنصهم وحجيت
: انتم اربع اخوان مو؟

وهذا البيت ٨٠٠ متررر مووو؟؟ يعنيي كل واحد
اله ٢٠٠ متر

ابوي متوفي والمفروض حصته تروح الامي بس امي متزوجه اذن منو الوارث الشرعييي انيي.

مالكم حقق تحجووون هذا مثل ماهو بيتكم بيتييي انييي موتطردون ووتدخلون بكيفكم...

الي يتهمني بشرفيي باجر تطلع بي ف حسابه يم الله مو يمي.

اني عشت حياتي كلهه محرومه من ابسط حقوقي
سلبتوني منهه وشردتوني مو من بعد ما كبرت وفتهمت وعيييت اخليكم تدمروني من جديد..

حتى لووو امييي غلطانه بس انتو سبب كلشي عشته

اصرخ بحركه ووجهي احمر خليت شعري ورا اذني ونفحت نفس : تردوني اطلع اذن اقسمو البيت وانطَوني حصتي من البستان وواوعدكم ماتشوفون خلقتي.

ابتسمت بحقاره ورفعت طرف حاجبي :جاو

لتفتت ورجعت للغرفه
جنت مخليه هدف بين عيوني وجايه للحضه قررت اتراجع وانسى كلشي بس بعد الي صار لا اني مصره اطلع حقي من عيونهم
..
دخلت للغرفه ردت اسد الباب صار بوجهي قسور
اعصابه نار عيونه بكصته دفعني ودخل
: انيي شكتلج ولج؟ غبيييه انت تردين تورطين نفسج

كتفت اديه :اني اعرف شداسوي كولش زين

تنهد ومسح كصته :روح اعقلي ووعوفي المشاكل.

: ايييي مشاكللل انييي البديت لو همه مسمعته شلون يحجي ومع هذا اني محجيت شيء غلط ولا تجاوزت كل. الي حجيت بي هو حقي...

: اخذييي حقج واني وياج بس مو هيج لج ساعتين ماصارلج من اجيتييي وبديتي عرك وطلايب

نفخت : الي صار صار شتريد هسه

عض شفته السفليه بغضب
: راح تخبلينيي اني شحجي وانت شتحجين ضلي ضلي واكليهه بعدين ماوصيج من باجر ابدي عرك وومصايب لان كلهه حدت سنونهه عليج..

قربت وجهي علي : انت تعرفني كلش زين اوعدك اكون زينه وياهم ضاهرياً هااا..

غمزلي بطرف عينه : الحيه شتسوي؟

ابتسمت بمكر ووتقربت علي بهدوء وكفت كدامه وكرصته من ايده  : تتقرب شويه شويه ووتولدغ

: تولدغ نعوج حلكي.

غمضت عيوني بمعنى اي

: الله اليستر منج خل احذرج اي تصرف مايعجبني اني اطردج مو همه..

: لا بالعكس انت راح تكون وياي حتى لو اني غلطانه وراح تدافعلي حتى لو اني العلت وبديت
مو

: منو يكول

ابتسمت: اني

: ههههههه ادبسزز

: اشكرك تصبح على خير يلا روح يم عمك ابو ثرب

خزرني وكال : السانج

: ينكط عسللل

صك على سنونه : اخخخ لو بيدي

: بعدين عود نتناقش بهل موضوع تصبح على خير

فتحت الباب وهو طلع تنهدت اني ماناويه ابديهه بشر وياهم بس الي يدوسلي على طرف يتلكاها
..
توني خليت راسي على المخده نفتح الباب ودخلت قمر باوعتلي ونزلت فراش من النضده وفرشت ونامت بالكاع
..
ثاني يوم الصبح كعدت شويه من وقت سبحت وبدلت ملابسي لبست دشداشه لونهه  جلد النمر  مخصره على الجسم بيهه فتحات من الجهتين وربع ردن.

خليت معطر لجسمي وشعري لقصير وولبست تراجي طول وحجل ناعم بس صَوته عالي..

وطلعت لبره شفت قمر كاعده وتسولف وي امهه
من شافتني امهه جني كام يتنطنط فوك راسهه
تخزر ووتدردَم..

اشرت القمر بيدي تجي

روح :شوفي حبابه اريد منج خدمه صغيرونه

: ايي

: اني هنا اطرش بالزفه ماعرف احد اريد اعرفهم َواحد واحد ودليني ع مطبخ جوعانه

: اي ادللي تعالي وياي.

دخلنه للمطبخ جبير حيل ومقسمي حار وبارد هذا الخير كله ووفلوسنه وورثنه جانو متمتعين بي واحنه نجدي الكمه بسيطه

قمر : اكعدي اني اسويلج اكل.
: اوكيي.

كعدت على الطاوله وهي سوتلي بيض عين وجاي وجابته خلته كدامي اكل وهي تسولف عليه..

: هذا الاصلع هو ابو قسور اسمه رضى عقيد
وهو بعد ماتخرج قسور من كليه القانون طلب يكون َويا بالجيش

وعنده قسور والياس عمره ١٧ سنه

رفعت حواجبي بتعجب اول مره ادري

وهذا الي لابس دشداشه بيضه اسمه حسين ابوي قاضي بس متقاعد  عنده اني كملت معهد فنون جميله واخوي علي يدرس طب بيطري.

كلت بكلبي لعد شبي ميعالج ابوو

والاخير  هو دريد الي كاعد على القنفه مدرس رياضيات متقاعد عنده ٢ بنات وولد تقى وموج  ذني ثنينهن يدرسن تحليلات وابراهيم خريج اعلام 

..
ذوله عمامي عماتي ثنين هدى ونهى

هدى مطلقه وكاعده ويانه ماعدهه اولاد
ووحده تزوجت ب العماره وتوفت هناك بعد لا رحنالهم ولا اجونه

بس عدهه تلث بنات وتلث ولد.

اكل واهز براسي خلصت وكلت الهه : شكرا تعبتج

ابتسمت : لا ادلليي.

بهالحضه دخل واحد بيده روب ابيض ويمشي. باستعجال: قمر جاي بسرعه

قمر : ها علي اريد اشر الملابس

ااها هذا ابن الي طيح حضي البارحه بلغلط وذلني ذل كمت وكفت على حيلي هو يريد يحجي بس عبالك ملصوم بس يباوعلي بصدمه..

: روحي قمر اني احمي اله

: اخاف ازاحمج بالمناسبه علي هاي بنت عمي احمد روح البارحه اجت

عَوج شفايفه لجوه وورفع حواجبه الاثنين
وهز راسه : اهلا مدام روح

ابتسمت وباوعت بوجهه رحت على الطباخ امشي صوت الحجل رن بحيطان المطبخ

: شويه واجيبه الك

هز راسه َوطلع ووقمر هم طلعت تنهدت ووكفت على الطباخ البارحه الليل كله اني منايمه وبس ابجي ووحلفت ماعديهه ومستحيل اعديههه..

شغلت الطباخ باوعت من باب المطبخ شفت قسوور نزل من فوك عيوني صفنت بي وهو لابس الزي العسكري هو الووحيد الي اكدر احتمي بضهره واحسه الجزء الي جنت منتضرته يكمل. بيه

الجزء الي يخليني اسند روحي وواساعد نفسي وواحقق الاريده من دون ما التجىء للناس الغبره

كعد بصف علي صبح علي وودنك يلبس بسطاله

ههههه يلا خلي ياخذله كم راشدي استاذ علي خلي ينحرك كلب ابو مثل ما انحرك كلبي..

تعمدت اتأخر ب الجاي ردته يجي بنفسه وصدك ثواني ودخل للمطبخ

:وين الجاي

اني واكفه على الكاونتر اصب بي كتله
: كملته يلا تعال اخذه

اجه وكف بصفي ابتسمت
: انت ابن عمو حسين مو البارحه من اجيت ماشفتك

اخذ الجاي مني : اييي جنت نايم بس اسألج سؤال

: جواب

:ما محجبه مو

: اي صح

: وان يكن غلط لبسج

: ليش شبي لبسي

: غلط

ردت استفزه واحجي : شنو الغلط هي دشداشه

:رجليج طالعه وصدرج وركبتج ووشعرج حدث بلا حرج

صرخت : احترررررررم نفسسك لكك شنو قصدك

: شبيج يمعوده شحجينه نصي صوتج

فتحت عيوني متصنعه الصدمه
: انصييي صوتييي حتى تستفردد براحتككك مووو لكك مصارلي كم دقيقه واكفه كدامك ووانت بكل عين صلفه تحاجيني هيج

تقرب عليه : شدتحسين بابا شبيج شحجيت اني

عليت صوتي اكثر حتى يسمع قسور
: وخرررررر ياحيووووان ولد الشارع احسسن منك

شفته اجه يركض درت ضهري واعصر بعيوني وابجي وعلي تخبل يتقرب عليه يريد يسكتني
ويفهم شبيه..

من سمعت صوته : روح شبيج

ركضت ليمه واشهك واجر النفس كوه
: قسور

: شبيج علي شبيهه احجي

مسحت دموعي وشهكت
: قسور هذا ماعرفه منو يكول اني ابن عمج وَيتحرش بيه وكلامه مو حلو وكوه دفعته عني.. يتبع
..
لتلكولي سردتي الروح اكثررر وضحكت فوك
السببب والبارت ٣٠٠٠ كلمه

🖤🖤🖤🖤🖤
ايزابيل