رواية لمْ تكُنْ خطيئَتُنا الفصل السابع عشر 17 - بقلم نورا ناصر

#لم_تكن_خطيئتنا.

نورا ناصر

بارت 15

ايوب "بحزم ": - تعاي سميه..  اعتذري من عمتج
وبوسيها على راسها واذا ماسويتيها تشوفين شي عمرج ماشايفته تنسين الدوام بعد وتكعدين هنا وتسكتين. 

باوعت لاشواق بحقد بعد مااجاني صوتها مخليه رجل على رجل وكاعده بتكبر.
صاحت:  مااريدها تعتذر مني بس اريدك تأدبها
هي صلفة وماالها رداد والله ياايوب اذا ماتخليلها حد تسوي مكسورة وتفشلك احرمها من الدوام واخذ منها التليفون.

اريد احجي واردها بس مالحكت

أمان تحرك من مكانه وراح الها گال
انت ماعليج يا أمي اب وبنته يعاقبها ميعاقبها معليج
وگومي ويايه دنروح للبيت.

أشواق:-  اي اروح وشعندي باقية هنا.

سميه بعد مانطق الصنم على باله يدافعلي مايدري بيه مااحتاج انه ادافع لنفسي بنفسي
گتلها: - ليش صلفه لان ردت امي تحضر حفلة اختي مالها حق رقيه تشوف امها بالحفلة لو لان دائما ادافع عن نفسي .

سليمان :-ولج انت شنو احترمي شويه كافي تراددين اعتذري وانت ساكته.

بقلبي حجيت شون اعتذر وانه ساكته هم يعرف يحشش الدكتاتور الكبير
گتله:-شبي كلامي عمو انه ماجاي اتجاوز ومااعتذر لان انه ماغلطت هي ضربتني راشدي بدون سبب.

:اشواق: - بدون سبب ولج جذابه مو لسانج شطوله ويا رضوان رجال شكبره مشورب وانت تصيحين بوجهه ماتستحين.

:- انه اعترف ماظل براسي عقل سمعتهن يگوولن راح يتزوجها حتى يكسر خشم مرته ويرجعها رحت اركض اريد احد يصيح لابوي شفت رضوان اگله صيح لابوي صافن بوجهي.

سليمان:- ايوب هاي بنتك لو عندي والله لعلگها واشنقها.

اشواق: - بنت اماليد بعد ماعليها عتب.

ايوب "بصياح" : - كافي سميه اعتذري لعمج ولعمتج
وولي منا.

:- باوعت لعمي گتله ميخالف انه قابله انشنق ولااشوف خواتي ينظلمون
باوعت لأبوي حجيت :اسفه ياابه انه مااخضع لأكبر ظالم.

من مكانه گام عمي سليمان بأيده السبحه
رفعها بوجهي يريد يضربني وهو يصيح
ظالم شنو ولج طايحة الحظ انت صدك مال كتل.

بقيت واكفه بمكاني وانتظره يضربني يمكن هنا لساني ماراح يشفعلي.

صار امان بيني وبينه
ومنعه من ضربي
حجيت من وره أمان
گتله عمو اي انتم ظلام ظلمتوا اختي رقيه وزوجتوها لابن اخو مرتك ظلم ظلم.
اندار عليه امان گال انت ليش ماتسكتين وروحي منا يلله.
وانه باوعتله بثبات حسيت راد يكسر نظراتي ويخجلني حتئ مااحجي بس اني ماسكتت ولا كسرت نظرتي جاوبته وعيوني بعيونه: مااسكت على ظلم اختي
ابتسم باستهزاء
بعدني مامكمله أشر لخواته كال اخذوها منا
اجني ومبين مايرفضله طلب.
طلعت من الهول وخرت ايديهم مني
ودخلت للغرفة.

بقيت هناك بالي وفكري كله يم رقية وابجي احس بضعف احس مشلولة مقيدة لااقوى على فعل اي شي ينقذ اختي.
صارت ساعه 7
اسمع صوت بره بس انه وحدي محد دخل عليه بعد
دگ تليفوني خذيته باوعت للشاشة شفت رقم امي
مسحت دموعي بقوة من خدي وانه صاكه على اسناني اريد اقوي نفسي حتى احجي وياها مااريد اياً كان يحس بضعفي.
جاوبتها
هلا ماما
هاا سميه خلصت الحفلة
اي خلصت
ماكصيتي صور لاختج اشوفها
لا والله بس صفا من تجي اخليها تدزلج.
لعد وينها صفا هسه؟
راحت وياهم للاستوديو يصورون.
وانت شعجب مارحتي.
مارحت بقيت هنا.
منو راح وياها
مرة سليمان واخته وامه وصفا وياهم.
من تجي لاتنسين تدزيلي صورها اشوفها.
ان شاءالله
سديته منها
بدلت ملابسي وبقيت بالغرفة
وره دقايق اندفرت الباب كمت مكاني من على السرير بفزع!
شفته ابوي
صاح: - ولج هيج تفشليني كدام اختي واخوي لسانج شطوله وكلها تكول ماعرف يربي بناته.

:-اختك واخوك! ! يابه انه بنتك اختك تضربني وتطرد امي ليشش وانت ساكت.

:- من تفففف عليج وعلى امج

تقرب يمي رافع ايده ويصيح باي لحظة اتوقع يضربني.

:-انه مو كتلك راح تجي امي جان رفضت جان حجيت
يابه الخاطر رقية مو الخاطرها هيه على الاقل خطيه
:- تاكلييين تبن وين تليفونج ودوام بعد ماكو.

:- يعني اخذت كلام اختك هاك هذا تليفوني وماعندي بي شي واذا شفت بي شي موزين هاي انه يمك وانه اكلك اكتلني حد المووت.

:- طاح حظج طول عمرج مفشلتني اكثر وحده من خواتج انت متعبتني
خلي يكون عندج علم دوام بعد ماكو واي واحد يجي
يخطبج اله ازوججيا.
اخذ التليفون وطلع.

حلم ابليس بالجنه اتزوج اي واحد بعده ماجابته امه الي يتزوجني غصب اله اذبحه بالسچين.
عاد فد مندله التليفون اخذه وشنو يعني.

دخلت بيبيتي.
باوعتلها درت وجهي گلت اووو طبت السلعه.

بيبي:  ولج مو عيب السويتي كدام عمج وعمتج خلي عندج حيا شويه شيگولون عليج هسه ؟!

: حجت حنان الفتلاوي والله يازكيه هم من يوم يومهم گايلين عني كل شي وبعدين انه شسويت شادة الوصله وهازه كدامهم خو ماهازه كدامهم.

: احسن بطلوج من الدوام.

: خلي يبطلوني المهم وكفت بوجه ظلمهم
ولا اصير شيطان اخرس.

هزت ايدها غمتني وطلعت
گتلها اشكرنج بيبي.

بقيت بالغرفه لحد ماا اجن صفا ورقية
اباوعلها  بقهر  نزعت البدله ولبست دشداشة وشكلتها وراحت تعزل البيت.
حضنت رجليه وبعد ماعندي دمع ابجي عليهاا.

اجت يمي صفا
: شنو الاخبار سميه خو ماحجوا عليج؟

:- خذوا تليفوني وبطلوني من الدوام.

:- ياصخام صدك تحجين؟ !

:- عدلت كعدتي گتلها عوفج مني شلونه هذا مناضل مدري مكافح مكافح الحشرات.

:- هههه حتى وانت ضايجه تحششين
 
:- شسوي اونس نفسي احشش والله كريم.

:-تره مناضل حليو اسمراني طويل كل شي بي طويل.

:-عابتله

:-شبع رقيه بوس ههههه داخل حامي.

:-لاياادب سز ياطايح الحظ شعده يبوسها.

:- اي من لبسها الحلقه والگلاده بس كل مكان يبوسها

:- ايا حقير ممرتاحه اله ماكتلج شنو سمعت النسوان يكولن.

:- شكالن ولج.

:- والله سمعت بهي اذني يكولن يريد يكسر خشم مرته بهي الخطوبه لان معاندة ماترضه ترجع.

:- انت ليش تصدگين حجي النسوان.

:- انه مامصدگتهن مصدگه احساسي انطيني تليفونج اكلم  زينب.

:- هاج.

خابرتها وحجيتلها كلتلي انتم طول عمركم مثل بناتي وانه ضامنته مناضل لاتخافين على رقية.
سديته منها بس بعدني مامطمئنه.
طلعنا من الغرفه ورحنه للهول
بس بيبيتي كاعدة وحده تتفرج على التلفزيون
مخليه مقيدة ايد بايد فوطتها السوده ودشداشتها النيليه المعتادة. 

الهول مگلوب فوك وجوه
طشار الورد وخطوط الجكليت واغلفة العصير بكل مكان

رقيه جاي تنضف الديوانيه.
وكل شويه اطكها صفنه وهي لازمه الماسحه شكلها يضحك.

باوعت للطبلة الكيكه مأكوولة كلها مامبقيات شئ مبقيات بس،حرف الميم من اسم مناضل اما باقي الاحرف ماكليها كلها والله من قهري اجيت اغم حرف اسمه بس استغفرت ربي حرام

صفا :- هاي شنو يعني حتى قطعة كيك ماخليتولنه.

سميه: - هذا اكيد عمج سليمان اكلها كلها ادري بي ابو بلعة.

بيبي: - وشبي سليمان ماشايف اكل ويااكل الكيكة كلها .

سميه: -  هاااا زكية اعترفي كضيتج اكيد انت اكلتيها اعترفي لاتستحين اعترفي لوووو اگلج گوومي خلي اقيسلج السكر اذا صاعد معناهه انت الي اكلتيها.

:- وهم تصنفين لو غيرج وحده جان گضتها اباچي.

:- شتردين مني حتى الضحك والتحشيش هم تردون تحرموني منه المهم ماعليه انه اريد كيكة هسه تجيبولي كيكة.

اباوع لصفا جانت تراسل بتليفونها
غمزتلي واشرتلي فهمت تريد اروح وراها

دخلنه للممر
:- هذا رضوان يريد يحجي وياج.

خمشت التليفون منها گتلها جيبي الله جابه هذا
خلي افشش خلگي بي.

دخلت للغرفه كعدت على السرير وصفا بصفي.

كتبت: - هاا رضوان افندي ارتاحييت هسه ارتاحيت من انضربت بسببك وترزلت بسببك همين باع دير بالك مره ثانيه تگولي اريدج ومن هالسوالف التعبانه تره والله اسمعك حچي يجرحك ويأذيك.

:- وبعد شسمع اكثر من الي سمعته سميه ليش تخليني اندم لان حبيتج.

:- ياريت تندم وتفكني.

:- يعني صوجي لان شفتج بهيج حاله وردت اساعدج بنفسي لان خالي مشغوول.

:- ليش ماحاولت تدافعلي او توگفها ع الاقل لو تشفيت من ضربتني چيف رفضتك.

:- شهالاسلوب هذا سميه ماتعرفين تحجين حجي بي خير انه اتشفى بضربج لا انت صدگ زودتيها تره الي صار كله بسرعه وانت من طلعتي حاجيتها وهسه جاي تتصل بيه حتى ماجاي اجاوبها.

:- المهم اخوك أمان ماقصر هواي وگفلي اليوم.

:- مو أخووي وثانيا شنو عجبج؟ ؟

:- عجبني تصرفه وگف بوجه عمي الراد يضربني غير هيج لا وانتم عائلة أشواق كلكم ماتهموني.

:- سميه ابتعدي عن أمان خاف يعرف انه احبج وينتقم مني ويكسر قلبج والله خايف عليج.

:- بعده ماجابته امه اليكسر قلبي والله مو ابن اشواق اليكسرني وبعدين انت والله خابصني ماتكلي شسالفه. كل مره تكلي انتقام وانتقام. ؟!

:- باعي من چنه صغار انه وأمان واحد مايطيق الثاني بحكم انه يتيم الام وهم متوليين مسؤؤليتي
جانوا يخافون عليه هوايه اما امان جانوا ناطينه مطلق الحريه يسوق وهو عمره صغير.
ويطلع ويدخل براحته
تولدت بداخلي الغيرة منه وهي الغيره سببت شجارات هوايه نتضارب لحد ما واحدنا يدمم الثاني
قرروا يدزون امان يم بيت عمي ويحتفظون بيه
ومن ذاك اليوم الهذا اليوم لساني مااجه على لسانه هو حس بالظلم وانه بالندم جان متعلق باخواته هواي ويحبهن حنين عليهن وهنه هم يحبنه وانا صرت السبب بفراقهم.
بالعطله جنه نروح يمهم جانت اكو بنيه حبيتها وصرنا اصدقاء ونحجي وتحولت الصداقة الى حب ايام اسابيع واشهر
بالصدفة اكتشفت هيه نفسها الي جان يحبها امان قبلي باختصار البنت كانت لعوب تلعب على الحبلين
مسويه علاقه ويانا احنا الاثنين وبأن واحد هالشي زاد الفجوه بينا ورجعنا تعاركنا هو اتهمني بان اني اخذت حبيبته بس الله شاهد مجنت اعرف من وين اعرف هاي حبيبته  وهو مايحجي وياي وهذه كل القصه.

سميه: - حجيت بقلبي اثنينكم طايحين حظ مالگيتو اله نفس البنت تحبوها.
ماااهتميت الكلامه ولا مفكرة اسوي اي علاقة ويا امان.

ختمتها ويا
انطيت التليفون لصفا.

صفا: - ولج هاااي شسويتي بي مرعدتيييي هههه خطيه.
:- احسن حتى لايتأمل مني شي.
:- ههههه ليش تره خوش وليد.

:- اووي ولج ماشفتي امه شون اتدافعله
انه اذا اريد ازوج واحد اريد اشاقة ويا اضربه اشگ فانيلته عليه اعضه اكسر خشمه اطگه بسچين
انوب تجيني اشواق وابنها الكيوت وماتخليني اكتله لا عيني لاااااا.

:- ههههههاي خوش رومانسية انت ِ

بخجل مصطنع: - لا شمدريج جوز  هم نترومنس انه ويا.

:- هههههاي هو شبقى بي حتى يترومنس وياج
هسه شلون ويا الدوام راح تستسلمين.

:- ههههه منو يستسلم انه اسكتي جاي افكر بفكرة خنفشارية وانه اعلمهم جا الله المن انطانه كيد نگابله ونگعد.

خليت راسي ع المخدة اريد انام
اجه على بالي امان
تمنيت هذا الموقف مو كدامه
بقيت متسائلة شنو سر ابتسامته
 
قبول بتصرفي  لو حسبني مثل امي ومثل نظرة الناس الها.
نمت والحسرة اكلت قلبي على اختي وعلى نفسي ودوامي .
يوم ثاني السبت والبعده الاحد
لازم اشوفلي طريقة اخلي ابوي يقبل اداوم.

اباوع لرقية تمشي وتتصفن
حاجيت صفا ولج باوعيلها تمشي وتتصفن يمكن تفكر بالبوسة.

هههههاي يبلاج.
: انه داخله بالغرفه اذا اجه ابوي گليلي.

:شتردين منه

: ماعليج سوي الي اگلج عليه ...
رحت للغرفه
ظليت ادرس فرصة لان الفون مويمي يلهيني
سمعت صوت ابوي شمرت الملزمة
صارت صفا مقابيلي گرصتها
: ولج ليش ماكلتيلي.
: اووي ووجع ولج توه اجه.

رحتله للهول
هم زين بيبيتي ماكو فرصة احجي براحتي.
باوعتله
گتله يابه اريد اداوم باجر.

: سكتي گتلج ماكو دوام بعد مدام فشلتيني گدام عمج وعمتج.

: والله يابه انه بنتك مو بنت الجيران والله مايفيدنوك لاتحرمني من دوامي انه عندي طموح اريد اكمل دراستي اتعين او اشتغل اساعدك نشتري بيت
جربت شي مرة تدعوهم تكوللهم اتنازلولي عن حصصكم بهذا البيت اشو هم مو قاصرين كل واحد وعنده خير من الله.

باوعلي وسكت ودنگ ع الاكل وظل ياكل.

كملت كلامي:  يابه انت السياره ماتجيب شي عفيه انه اريد اساعدك لا اريد زواج ولا حتى التليفون هم مااريده بس لاتخليهم يأثرون عليك ويخلوك تأذينا.

باوعلي بنظرة حاده وهو ياكل
گال روحي منانه سميه هسه لاتنغصين عليه.

عفته ورحت بس اعرف كلامي اثر عليه
مااستسلمت رحت اقرا گلت بالليل ارجع هم احجي ويا.

لليل هو صاحني
تفاجأت بيده تليفوني
خلاه ع الطبلة گال اخذي وباجر داومي فرحت كلش
اخذته جريت ايده بستها من الفرحه مسح على راسي بحنية.

طلعت من الهول وصلت للممر
اسمع بيبي تگله هااا يمه شصايرر؟

أيوب: - يمه رحت على سليمان اخوي طلبت منه يتنازلون عن حصصهم بهذا البيت الي وكتله اريد اتزوج انتم عدكم خير من الله وانه ماعندي بيت ملك
فاجئني رده يگلي انت شنو عندك بطرك هالبنات اله احنه عدنه ولد ونريد نأمن مستقبلهم اذا تريد ننطيك قطعة ارض وانت ابنيها.
شفتي يمه يعني هم خير من الله عدهم بيوت مو بيت واحد مايقبلون يتنازلون عن حصصهم الي.

ام ايوب: - يمه ميخالف اخذ قطعة الارض شبيها.

:- انت شايفه سامعه البنيان شگد يكلف المهم خليها يم ربج انه اروح انام.

سميه: - لعد شعبالك هذول هما اخوتك
هزيت ايدي.

يوم ثاني كعدت من الصبح وكانه اليوم اول يوم راح اداوم
لبست قميص ابيض وبي نقشة نيلي ناعمة ومتباعدة
تنوره كلش كمر عريض ودخلت القميص بيها
عدلت وجهي فاونديشن مسكره وحمرة خفيفه.

داومت ...
گاعدين بالكلية انه وصديقاتي
تعدا واحد گتلها باعي ايثار هذا كبل كم يوم تعاركت ويا بكروب الكلية ع الفيس

:- ههههاي شفتج سحلتي سحل والله.

:- اكلج اريد تغيرين اسمي عفيه كلما اريد اغيره ماجاي يصير وانه دائما اتعارك ويا الولد بالتعليقات واكيد مفضوح امري واسمي بالفيس سمية أيوب خاف اتعرض للاغتيال.

:- هههههاي ساحلتهم سحل اي تدلللين اليوم دزيلي حسابج واغيره.

:- اي اجت زينه شگد اضوج منهااا.

:- سكتي لاتسمعج.

:- خل تسمع.

زينه: - هلاووو بنوتات.

سميه: - بدا التنعووص.

زينه: - سميه گلتي شي.

:- اي عن التنعوص لا طگ دكمة القميص.

كعدت انزعجت عدلت نفسها والبنات يضحكن لان هي تارسه يعني وزنها زايد شويه اباوع للقميص گوه مسدودات الدگم.
خلص الدوام طلعت يم باب الكلية انتظر السايق
يجي امشي وحدي بكل انفه ووجهي مايگصه السيف على گولتهم.
بقيت دقايق الجو حلو ومغيم من الصبح بي برودة ونسمات هوا عليلة.
تنفست حسيت بنظرات احد قوية عليه
اللتفتت أمااان
واكف بصف امير وويايه نفس الكلية غير قسم
وواحد ثالث وياهم ويسولفون بس امان نظراته عليه.
بلحظة ايدي رجفت وكلشي وگع منها على الارض
بعدت نظراتي منه نزلت على الارض مزعوجه ومستائه راحت الهيبه والانفه تبخرت والسيف انكسر
هي عود انه الثگيله خرب حظي.
لملمت اغراضي من الگاع
وانه الم صارت خطوات قريبه عليه شخص وگف يمي عليت نفسي شفته امان واگف يمي يباوعلي ارتبكت
نوب سلم عليه توترت .....

يتبع ...

بدون تعديل اي خطأ غلسوا اسفه ع التاخير
كهرباء ماكو والشحن خلص 😢والحرر مووت