رواية لمْ تكُنْ خطيئَتُنا الفصل السابع والعشرون 27 - بقلم نورا ناصر

#لم_تكن_خطيئتنا
بارت 25
نورا ناصر
صفا .متوتره و ارجف نوب اعصر بايدي نوب اصابعي اطكطكهم حجيت. فراس  اسمعني خلي اوضح الك ..

فراس .. مااريد توضيح هاي المسجات الج ؟بكلمة وحدة صفا يااي يا لا؟ احجي! !

صفا .. اي الي بس اسمع

فراس بحزم .. مااريد اسمع شي راح اوصلج للبيت

.. انا لازم احجي لازم تفهمني.

ساكت يسوق وهو معصب گوه مسيطر على نفسه حتى شرايينه باينه ..
سكتت ونزلت دموعي شفت ماكو فائدة من االكلام ابد .. وصلني للبيت ..
قبل لاانزل من السيارة حجيت وعيوني عليه ودموعي تنزل
حجيت ونبرة التوسل باينة بلساني فراس ياريت تعمل باصلك ومحد يعرف هالشي غيرك انا بنيه والي سمعتي وانت عندك خوات ..
بعدني مامكملة
لازم الستيرن بقوة والمحرك شغال ويباوع كبل بدون اي نظرة الي عيونه بالفراغ ..
گال بهدوء  نزلي صفا .. اباوعله ونظراتي تتوسل ودموعي على خدودي تجري شلال
مااريد اخسره ارتاحيت ويا موبيدي
احس عقلي اختاره قبل قلبي ..
نزلت ركض للبيت ودموعي تطاير من عيوني
دخلت للبيت عبرت الحديقة ركض
فتت جوه صارت گبالي رقية شاده الشال على راسها وبيدهه المكنسة الكهربائية وبيبيتي متمددة بالهول ويلغن ..
شافتني بيبيتي كالت ولج تعاي كليلي تطفيها صرعتني اريد اخمد اشويه ولجن والله مابية اكوم.

بيبي انا بيا حال جاوبتها وركض للغرفة اسمعها وراي تصيح شبيج انت الثانية.

ماجاوبتها .. دخلت للغرفة وابجي واشهگ بصوت مسموع شمرت جنطتي ونزعت شالي،
ورحت على سرير سمية اكعد بيها وابجي
كومي سمية كومي ماتشبعين نوم كومي
وخرت الغطا من على  راسها
طخ الضوه بوجها قلصت عيونها. 
سمية .. شكو ولج شنو شصاير.
صفا .. ولج هجران شوفت السكرينات كلها لفراس.
سمية .. ياسكرينات ياهجران انت منو؟ ؟
صفا .. الله اكبر ولج كومي لحكيني
بقيت بالعشر دقايق افهمها يلله استوعبت
سمية .. مصيبة عليها ان شاءالله صدك تحجين
فركت عيوني كعدي اهدي ولج والله راح انجلط.

صفا .. ولج كليلي شراح يصير بيه.

سمية .. تمطيت يعني شراح يصير.

.. صحصحي سميه شبيج ولج اذا فراس كال لابوي لو لعمي شراح يصير بيه يزوجوني لاسلام غصب وانا مااريد ولطمت على رجليه.

سمية .. وخرت الغطا عني كعدت يمها كتلها بس اهدي ولج مو جنت نايمه خلي اصحصح ع الاقل افكر اضيم.
صفا .. ولج روحي مستعرة وغادية نار شتفكرين انه شون بيه.
: اكلج هو شنو كلج فراس
: شوفني السكرينات وبعدها رجعني للبيت اريد احجي ويا وافهمه كلي بهدوء نزلي .

: يعني طردة بنزاكة .. الله لايوفقج هجران ساعة السودة الصرتي بنت عمتنا.

: يمكن اسلام وصلهن اله مو هجران  

: اسلام لو يريد جان دزهن اله من قبل بس مو هو السواهه.

: هسه شسوي

: خابري الفراس وفهمي كليله هو خطبني من اهلي بس مااردته لان جان يقلل من احترامي

صفا .. ركضت للجنطة اخذت تليفوني واتصلت بي مره مرتين مايرد

سمية .. انه رايحة اغسل خابري راسلي بينما اجي.

صفا .. طلعت سمية كعدت وحدي طلعت تطبيق وتساب وبلشت اكتب اله ..
فراس لازم تسمع الي انا ماخنتك ولا غدرتك هذا جان من الماضي اسلام خطبني من اهلي بس انا رفضته لان اذاني مااحترمني وحتى ضرب ضربني وانا من حقي اريد احترام وشفته منك وقبلت بيك اذا تحب انا اتنازل عن كل شي بس موضوع السكرينات هذا لايطلع.
دست ارسال ودزيت الرساله . ..
بعد هجران المكموعه شون بيها هااي خاف تكول لامها وامها تكول لعمي وابوي.
وبينما انا على هالحال دخلت سمية تنشف بوجهه كعدت يمي كالت .. هاا شسويتي؟
: دزيتله وصلت اله بس بعده ماشافهه بقت هجران شون بيهه ولج خاف تكول لابوي وعمي.

: شبيدي بس كليلي شسوي.  ؟

: خابري امان يحاجيها يوكفها عند حدها...

: مزاعلته مااحجي ويا صار هواي.

: لخاطري سمية انا اختج تنازلي كليله خل يتصرف عفية.

سمية .. لا مااتنازل بس راح اطيح حظه وحظ اخته مسوينها علينه ولية اشواق وخلفتها.
كومي جيبي تليفوني ..

: انه وين ادري بي وين هو تليفونج لو تليفوني؟ !

.. كمت ادور على التليفون وين مخليته
هالايام اشمره وين ماجان لان من اشوفه مايضوي برقم امان انقهر حيل ..

لكيته طلعت رقمه ودكيت اول رنه جاوبني
بس كال الو انه مثل واحد غركان وانطوه هوا
مثل واحد محكوم بالاعدام ورخوله الحبل
بس مااكدر اللين اله اكثر. 
رأسا نترت بي گتله شفت اختك الحقيرة شنو سوت!

حسيته گز على اسنانه وحجه بعصبية ..
كال سمييييه وهو يشدد على اسمي كله
بلا غلط واحجي شصاير وبلا هالاسلوب.

: روح ربي اختك أمان ووگفها عد حدها مو جاي يمي وتريد تعلمني الاسلوب.

صاح سمية تحجين عدل ومثل الاوادم لا اسده وتحلمين تسمعين صوتي بعد.

حسيت من صدك راح اخرب كل شي بعصبيتي واولها سالفة صفا ..  حاولت اهدأ بس ماگدرت لان احس جمر وموجر بداخلي گتله الي صار كله ..
گال انه راح اتصرف .. سكتنه اريد اريد اسده سمعت كال مشتاقلج...
جريت حسرتي .. گتله احنه شبه انتهينا اختك.
دمرت حياتها لأختي.. وانا تعودت على غيابك الك اسبوعين مو سائل عني شنو انه بحياتك رجل كرسي.

.. اختي واختج شغلة بيناتهم واني راح احاول اللمها للسالفة ومااخليها تطلع بس حبنا هذا شي ثاني سمية مايعجبني اسلوبج واريدج تتغيرين للاحسن هذا اذا تحبيني ..

: وانت لو تحبني جان راسلتني ليش خليت مكانك يبرد  ..

.. مو من كل گلبج تحبين مدام خليتي مكاني يبرد وانت غلطانه وياي.

: ماغلطت وياك ولا عليك وانا ماجايه اعاتبك جايه اريدك توكف اختك عند حدها كافي الي سوته. 

امان ببرود.. هذا هو يجرالج مع السلامة ..

: باي ..

خليت ايدي على قلبي احس حرارة تجويني مثل البركان ويمشي بكل انحاء جسمي من جوه ويحرگني
اسمع صفا تحجي وتسألني هاا شنو گال؟

غصيت بالحجي واحس ماعندي حنجرة صارت رماد ومااكدر  احجي.
گتلها والغصه ببلعومي تخنگ هذا هو امان راح يتصرف لاتخافين.
عفتها وگمت .. محتاجة ابقى لوحدي...

-----
أمان .. ضوجني اسلوب سمية
اني اعرفها بس ماتوقعتها الهالدرجة رعنه وسوقية ورغم هذا احبها بس كلش حاب اغيرها واخليها تحسن اسلوبها .. صعب الشخص المغدور بالحب مثل حالي يرجع ينبض قلبه مره ثانية بالحب وقلبي نبض بصعوبة وجان السمية بس اسلوبها ينرفزني
فرحت من شفت رقمها نور تليفوني وانصدمت من سمعت جملتها وهي تغلط ..
مشغول كلش ومصر اغير طبعها ..
ضجت من تصرف هجران وعصبت كلش
بس سديته وي سمية
خابرت هجران .. ردت الوو
صحت عليها بعصبية .. شنو الي سويتي هذااا هااا هاي عود انت المتربية هيج تتصرفين تصرفات مال وحدة طايشة
سكتت وبس اسمع نفسها
اسمعيني زين كلشي يخص هذا الموضوع ينحذف من جهازج ولهنا وبس واني راح  اجي مخصوص علمود هذا االموضوع وراح اعرف شون اتصرف وياج.
سدته .. يوم ثاني حضرت اغراضي وطلعت للبصرة ..
وصلت للبيت تعبان كلش وماكو احد بوقتها كلهم مداومين ردت اروح لسمية للكلية بس احس نفسي مكسر اجلتها لغير يوم .. رأساً نمت گعدت دايخ ومسطور المغرب .. طلعت من الغرفة ..
صارت گبالي رَجوان .. تفاجئت كالت امون شوكت اجيت بوستني من خدي بستها على راسها گتلها وصلت الظهر .. وينها اختج هايه..
بغرفتها ..
عفتها تمشي وراي وتگوول شكو صاير شي؟
ماجاوبتها .. صعدت الدرج لغرفة هجران فوگ ..
دكيت الباب مرتين ودخلت ..
جانت گاعدة على السرير من شافتني گامت خايفة وترجف
گالت امان انت شوكت جيت ..
نترت بيها وين جهازج طلعي يلله.

هجران .. والله حذفتهم كلهم وداعتك امون ..
هاك التليفون.
مدت التليفون الي ..

امان .. ادري بيها حذفتهم وكلي ثقة .. ضربت التليفون من ايدها وگع بالگاع ..

تقربت منها وهي ترجع ليوره صحت عليها ولج وين تربيتج هاا احنا وين متربيين وتسووين هيج؟

هجران .. والله ماتنعاد وداعتك ..

أمان .. نبتت اصبعي السبابة براسها وادفع بي واصيح ولج بعديش ماتنعاد هااا بعد ماخربتي قسمة البنت وشوهتي سمعتها گدام خطيبها.
هي خايفة وترجف.
رجوان لزمتني من ايدي وتگولي اهدأ سحبت ايدي منها قوي گتلها وخري انت الثانية
دخلت امي .. أمان شبيك وي خواتك وشوكت جيت؟

امان .. انت وين عنها من سووت هيج هاا يعني تحجين على سميه وبناتج ماتلزميهن.

اشواق .. سميه حبيبة گلبك الي وزتك على خواتك مو وانت من يمته تطول لسانك عليه وتقل ادبك وتصيح على خواتك على مود هاي طايحة الحظ واختها.

أمان .. لزمي بناتج احسن وعوفي سمية ماعليج بيها لا تره والله اتزوجها حتى بدون رضاتج وبناتج اني اتولى مسؤؤليتهن منا وجاي واعرف شون اتصرف وياهن.

أشواق .. والله اتبره منك اذا تزوجتها والله.

أمان .. غمضت عيوني مرت عليه ايام ره تخطيتها
بصعوبة گتلها مايهمني لان مو بحاجة الج هسه اني بس البنات محسوبات عليه لان اخواتي لذلك ومثل ماجاي اكووول خلي يستجنن احسن يعني عاجبج الي سوته ببنت اخوج مو غريبة هاي.

أشواق ..  ختولي طايحة حظ ومامترباية لو مربيهه عدل جان ما سوت سوايتها شوف رسايلها شووف.

أمان .. ماعليكم بيها صيروا احسن منها ولاتغلطون انتم زين.

أشواق .. لا تقارن بناتي وياهن خووش وزواجك من سمية حلم ابليس بالجنه.

أمان .. الحجي وياج ضايع
درت وجهي باوعت لهجران
ولج اسمعي زين واحذرج للمرة الاخيرة وقد اعذر من انذر
اذا طلعت هاي السالفة ووصلت لخوالي تصرف ثاني راح اتصرف وياج مفهووووم.
عفتهن ونظرات الغضب بعيون امي ملاحگتني ..

--------

سمية ... العصر اجت عمه زينب ومناضل وامه
رقية محزمة الجنط واغراضها
وتريد تاخذهن وتطلع ..
مناضل ينتظرها بره
امه وعمه زينب بالهول كاعدات
جريتها من هدومها تعااااي اوكفي خل نشرط عليهم بالاول ..
مدام بتهم راح تصير مرة ابونه .. هي ماافتهمت مالي خلك أأشر.
ابوي ماموجود .. بس بيبيتي ..
فهمتها وطلعنا يمهم بقيت واكفه بصف رقية.. صاحوا لمناضل ..
بيبي .. يمه رقية عدهه شروط
مناضل .. اي تفضلوا خاله تدللون ..
بيبي .. كل شهر تجي لأهلها تبات يم خواتها فد يومين.
مناضل .. والله خاله عذريني مااكدر اخليها تبات بره بيتي.
سميه .. اكول ابو سرى مرتك ام سرى ماتبات يم اهلها.
زينب وبنظرة تحذير.. سمية ..
سمية .. سألت سؤال عمه.
مناضل .. ام سرى بيت اهلها بغير محافظة.
سمية .. المهم تبات بره بيتك لو ماتبات.
مناضل .. ذيج وضعها يختلف لان ماتلحك تشوف اهلها.
سمية .. المهم رقية هذا شرطها اشرت الها وغمزت هي استلمت لان احنه مخططين اشرت اله بيدها بمعنى لا وروح ماروح وياك وبعصبية.
مناضل .. امري لالله هذا هو بس امشي وياي
.سميه .. هاا مرتك اذا اذتها تعزلهه عنهم.
مناضل .. ان شاءالله ماتاذيها.
اخذها وطلع ..
رجعت لصفا بس تبجي نايمه والدمعه بعيونها ..
تحسرت عليها شبيدي عليج ياخية. 

يوم ثاني داومت .. واشوف امان گبالي وجاي باتجاهي حضنت الملازم بيدي ودنگت راسي اريد اهرب منه حاصرني يربي شون راح اواجهه احس ضعفت كلش ...

يتبع.