رواية لمْ تكُنْ خطيئَتُنا الفصل السادس والعشرون 26 - بقلم نورا ناصر

#لم_تكن_خطيئتنا
بارت 24.

سمية .. انصدمت من كلام ابوي شون يقايض رقية بفاطمة ورقية شنو ذنبها ترجع الواحد مثل مناضل.

طلعت عمتي زينب من الهول للمطبخ تلگيتها
عمه ليش هيج سوه ابن اخوج؟

: والله ياعمه ماتوقعته هيج يسوي شسويله قابل انه عايشه وياهم وادري شمخطط وشنو مقرر بس تره مالة الله هو يحبها ومتمسك بيها رجعت مرته وبعد يريدها هاي عاشر مرة يدك بابكم وانتم ترفضونه.

لبست عبايتها وطلعت.

طبيت للهول صفا واكفة ولازمه موبايلها
رقية كاعدة بالكاع يم ابوي وبيبيتي كاعدة كبال التلفزيون ...

سمية .. يابه انت شون تقايض رقية بفاطمة؟

ايوب .. سكتي سمية مااسمع الج صوت مفهوم.

عفتهم طبيت للغرفة اجن وراي رقية وصفا

: صفا احجي ويا رقية كليلهه لاترجع المناضل يولي خدعها واستخدمها غاية حتى يرجع مرته.

حجت صفا مثلما گتلها.
رقية بالاشارة .. لا اريد ارجع واشوفهم منو هي رقية الي خدعوها واستغلوا ضعفها اريد انطيهم درس ماينسونه.

سمية .. اي عفية باختي الحبابة ..
وگعدنا نخطط ...
-----------

صفا .. خطوبة اسلام لهجران انا ماحضرتها جنت احس بانزعاج وشعور غريب مثل الغيرة وارجع واللوم نفسي واشفق على فراس خطية خطيبي مالازم افكر بغيره .. مرات اللزم التليفون واشوف اسلام نشط انسه نفسي واريد اراسله بس اتدارك الموقف واطلع من بروفايله ..

مرت ايام خطبتي كلش حلوه فراس كلش حباب ومايضغط عليه باي شي
يباوعلي بحب دائما واحس نظرات الحب بعيونه مالها حدود .. نزلني يم بيتنه
وكفت يم جامة سيارته احجي ويا
يلله انزل اتغدا يمنه؟
-- لا حبيبتي غير مره.
-- اوكي يلله باي ..
حرك سيارته درت اريد ادخل لبيتنا شفت اسلام واكف يم الباب ونظرات الالم بعيونه تذبح.
لزمت قلبي جفلت من شوفته
دخلت بس احس بتأنيب الضمير من جهه وجهه ثانيه اكول هو اذاني ماجنت اريد الامور توصل الهالحال بس هو غلط وياي.
دعيت من الله ينساني وينسعد ويا هجران الي تحبه من هي وصغيرة ..

يوم منهن داومت اجتني هجران للكلية
اريد اسلم عليها زمخت بوجهي
هجران: ماتوقعتج هيج حقيرة ونذله لج صدك العرگ دساس انتم طبعكم الغدر والخيانة امج منوو؟؟.

صفا : شبيج على كيفج هجران نزلتي عليه نزلة غضب شمسوية أنا؟

: تسأليني شمسوية ولج رسائلج انت واسلام كلها يمي حتى صورج وانا اعلمج.
ودارت وجهه عني تريد تمشي.
صرت محتارة بين عصبيتها ونظرات الطلاب الي بدأو يلاحضون وبين تهديداتها وتساؤلي والحيرة شوصلهم الها؟ ؟ .
صحتها بهدوء مصطنع ..
داخلي يغلي اكيد اسلام كايل الها والا منو غيره بس شون يشوفها مسجاتنه ماجاي اصدگ.
هجران اوكفي انت شنو تقصدين هاا؟افهم من كلامج جاي تهددين؟ .

: بس كتلج احب اسلام رحتي سويتي ويا علاقة لعد شكد ادب سز انت انا اعلمج مدام علقتي بيج اله ادمر حياتج ..

: انت متوهمة السالفة هاي قديمة واثنينه غلطنا وهسه انت اله بعد مالها داعي كل هذا.

: بعديش انا اله ولج لهسه يحبج ومتعلق بيج انا ولا شي بالنسبة اله.

: هجران بس افهميني فدوه الصار غصبا عليه.

: اشش ولا كلمة انا ماادري شلون تغاضيت عن كل شي توترج من تشوفينه نظراته الابتسامات بينكم وبكل مناسبة كلها ماحسبت الها حساب ماتوقعتج هيج رخيصة عبالي ادمية.

: هجران مااسمح الج.

: اتسمحين وله ماتسمحين انت مثل ماجاي اكول.

وراحت .. ظليت اغلي مااعرف شسوي ..
رحت للبيت بعد ماخلص دوامي.كعدت بالحديقة .انتظر اسلام يجي واحاجي ليش هيج سوه بيه . رقية طابه وطالعه تنضف وتحوس وكل شوية تأشرلي تعاي دخلي خل نتغده جعت.
اشرلها مااريد هسه .. ظليت اعيد نفس الخطوات بالحديقة رايحه جاية .. الا ان سمعت صوت سيارة هسه وقت جيته. بس لا يطلع ابوي.

طلعت شفته يريد يدخل سيارته للگراج مال بيتهم
وكفت يم سيارته بالمكان الي كاعد جاي يسوق واطل عليه نزل الجامة ويباوعلي بنظرات تكاد تخترقني من قوتها.
بعد لحظات گتله ماتوقعتك هيج اسلام بهالطريقة تنتقم مني.؟
فتح الباب نزل من السيارة ..
گال شكوو؟؛
صفا .. درت وجهي عنه مااتحملت اباوعله وي كل هالكمية من المشاعر والنظرات عطره كفخ بانفاسي تذكرت ايام جنت قريبة منه وهسه لغيره انا ..

گتله وانا مدنگة ليش حجيت لهجران عن علاقتنا وليش عدها سكرينات عن رسائلنا ؟
دخلنه جوه عن الشارع.
إسلام: ماكو هيج شي ..

:بله هي گلتلي اليوم وسمعتني ابشع الكلمات مارحمتني طلعتني فد نوب نفسك بالضبط من تشبهني بامي وهددتني شراح تسوي اسلام؟ .

: هوووف اهدي صفا ماتگدر تسوي شي واذا شافتهم.

: انت ليش تشوفها.

: غبي انا واشوفها الي صار بالغلط اخذت تليفوني تخابر وشافتهم.

: وانت ليش محتفظ بيهم الهسه مو خطبت بعد شنو.

: بلله هو هذا سؤال؟ ! ذكرياتي وحبيت احتفظ بيها

صفا توترت كلش رفعت راسي باوعت لعيونه حجيت وتروح تراويها.

اسلام كتفت اديه ثبتت نفسي حجيت : مامحتاج ابرر الج بس شوفة هجران للرسائل جانت بالغلط.

لحظات وطلعت ام اسلام: انت شجابج هنا ولج عين تجين بعد السويتي روحي يلله كافي انت ماتملين.

صفا: عمه انه!
اسلام مقاطعها : يممممه عيب هالحجي لاتحكمين بدون ماتعرفين كل شي.
ام اسلام .. ختولي يلله طلعي منا ..
اسلام .. ييييمه.
صفا .كضتني العبرة گتلهم. انه طالعه بس والله حرام عليك الي سويته بيه.

----- اسلام
جريتها حسرة رفعت شعري ليفوگ بقهر باوعت لامي
يمه تره هذا الحجي مايفيد.

ام اسلام .. شعدهه جايه هنا هاا واذا سمعت هجران انت واكف يمها وتدكون فج شسوي نسيت ذاك اليوم شون زعلت؟

عفت امي وركضت للتليفون دكيت رقم هجران
نترت بيها شنو الي سويتي اليوم؟ واحنا شگلنه مو گلنه تنسين هذا الموضوع ليش رحتي لصفا.

هجران .. حاجتك شگالت بلله بجت يمك شكتلك مني موو؟ شكد ساقطة وطايحة حظ وعينها ماتنكسر بعد كل هذا ورجعت تحاجيك نست هي مخطوبة.

اسلام .. "بنتر" هجرااان تأدبي والسكرينات تنحذف من جهازج مفهووم. ؟

: واذا ماحذفتهن وشتريد تسوي ها؟ انت اصلا ماتكدر تعوفني وين تحصل وحدة مثلي اذا بنت الفگر صفا الي سحلت نفسك على مودها رفضتك مو زين مني وافقت عليك.

: ها هيج لعد مو ؟؟؟ولج شعبالج ميت عليج خطبتج لخاطر عمي لح عليه بس انت مو مال احترام دولي واحسبي كلشي انتهى صبرت عليج هوواي بس انت وجه فگر وماشايفة من هذا حجيج وانا مايشرفني ارتبط بوحدة مثلج ويلله ولي.
---------
سمية ..
مرت كم يوم وامان لا خابر ولا سأل ولاانا همين بس گلبي مثل النار عليه اريد احاجي تعلقت بي ولاجاي اتصور حياتي بدونه ..
داومت وادوره بين الطلاب وهو ماكو اصلا بعده مارجع للبصرة ..
صرت كلش مااطيق احد وبس اتعارك.
تعاركت وي ايثار وزينة وزاعلوني وتكتروا عني.
انصاف واگعه بالحب وي امير وقلما نلتقي ..
صرت مثل المخبلة بس اهومش ويا ياهوه الجان.
اريد بس حجة احجي ويا امان ماكو
مية مرة اطب على محادثاته واقراهن
صرت اقراهن اكثر من ملازمي.
ظل عقلي يختلق حوارات ويا واحجي وي نفسي.
واحسبها هو.
رجعت من الدوام هلكانه دخلت للبيت شفت رقية تأشرلي بدموع على الخد باوعتلها ماكو ماجاي تبجي
دخلت للغرفة شفت صفا جاي تبجي
بلحظتها افتهمت اشارات رقية.
تقصد صفا الي جاي تبجي.
رحت يمها ..
كعدت بعدها بملابس الدوام
خليت ايدي على كتفها
هاا صفاوي شبيج خيرج؟ !
رفعت راسها تنحب وتبجي ..
صفا: حجيتلها كل الي صار.
سمية .. انتفضت من مكاني اووو احنا ماراح نخلص من هاي السيرة؟ وبعدين انت ليش خايفة وتبجي شتريد تسوي مثلا؟
صفا: خاف توصلها الفراس.
سمية: شيوصلها اله منين تعرف رقمه.
صفا: ياغبية تدخل ع الفيس وتطلعه من اصدقائي.
سمية .. رحت على سريري گلت اووو وتأفأفت
كتلها معقولة تسويها زين شون طاحت بالرسايل.

صفا .. اسلام يكول جاي تخابر بتليفونه وشافتهن معقولة يحجي صدك.

.. اي طبعا خو مايروح يراويها خاف هي شاكه ومخططه الكل شي حقيرة هاي كل شي تسوي.

.. سمية شلون دبريني عفية.

سمية .. نزعت جواريبي وشمرت نفسي ع السرير على ظهري تمددت گتلها وانت شبيج خايفة على فروسي لاتخافين يروح نعال عتيگ يجي اجدد منه.

.. لج نجبي لاء مو هيج وبس خاف توصل لعمي وابوي وتدرين احنه ماناقصين حجي.

.. اي عيني المبلل مايخاف من المطر فاانت لاتخافين همينه احنه مبللين من سوالف امنا.

.. انت شبيج سمية شهالبرود هذا العندج لج انه صايرة نار كبرة وانت قالب ثلج.

سمية .. اشرتلها بتعب وانكلبت صفح وخليت المخدة على راسي وفكري كله يم امان ماكو شي شاغل بالي غيره صار هو كل دنيتي وگلبي مورم من وراه اريد اشوف لشوكت يبقى مايراسلني ومنو من عدنه الي راح يتنازل ويبادر ويخابر ويسأل منو من عدنه راح يكسر غروره وكبريائه.

-----مناضل .. سمعت شرط عمي ايوب من عمتي زينب و گعدت اكل بروحي جهالي كدام عيني يلعبون الاء صايره نادرة وحبابة بس فرحتي ناقصة ماتكملها الا رقية
البريئة اللطيفة تعودت عليها كلش ضحكتها ماتفارگ خيالي ابد.
اجت الاء تمسد على ظهري وتلعب بشعري
حبيبي لاترجعها لرقية ولاتهتم هاي اني يمك بعد المن مرجعها وفطوم ماتريده لابوها شلك بيها.

مناضل .. وخرت ايدها .. گتلها صح تزوجتها عمود غاية بس حبيتها ووجودها يمي مهم رايدها مرتي هاي وماتسدين مكانها تره هاا ماانسى تركتيني باصعب الضروف ماجاي اگدر انسى .

: عد عيناك اني بس گوولي شتريد اسويلك وطلگها والله اوعدك امشي مثل الساعة ومااكرر الي سويته .

مناضل .. سكتت عفتها وطلعت من الغرفة رحت للهول وكت مغرب امي بعدها بملابس الصلاة
فاطمه هسه توها مخلصة صلاة وجاي تطوي السجادة.
كعدت على الكرويته . گتلها فاطمة ايوب خوش زلمة تره ومايجيج احسن منه انه جاي احجي المصلحتج تره.

فاطمة: خوش والله كلمن يدور مصلحته على حسابي
خصم الحجي مااريده مصلحجي يبدي مصلحته على حساب بنته وانت هم مثله ماتختلفون عن بعض.

ام مناضل: يمه فطوم تره لهسه محد اجاج احسن منه
لا عنده جهال تحتارين بيهم وتربينهم وتعبين عليهم بناته كبار وذيج هم راح تتزوج تبقى بس وحده وهم يجيها نصيب وتطلع احسن من الي خطبوج عدهم درازن جهال هذا احسنلج يمه.

فاطمة: هيه مو مسألة جهال واتعب واربي انه حضي فكر ونحس وعاثر وادري بي.

ام مناضل: يمه ليش تندبين حضج الي صار كله قضاء وقدر شسوين بعد ذاك مات الله يرحمه مكتوبله يموت بهاليوم والمكتوب على الجبين لازم تشوفه العين اتزوجي يبنيتي محد دايم الج لاانه ولااخوج ولااحد اتزوجي خلفيلج طفل طفلين يفيدونج لكبرتج.

فاطمة بحزن : مااريد اعم ع الرجال واموته وبناته محتاجات اله.

مناضل: شسالفة تموتينه قابل انت عزرائيل .

ام مناضل: مايدوم اله وجهه سبحانه وتعالى محد مايموت بس كلمن بيومه لايتقدم ولايتأخر وانت مؤمنة ودارسة ومثقفة وتعرفين هالشي اكثر مني انا الامية الجاهلة خو مااكعد اعلمج .

: لا حشاج يمه شكد ماادرس واكبر تبقين انت افهم مني بس تدرين بيه شكد تعبت من مات صباح وشكد حصلت حجي وشكد سمعت وبلعت وكتمت حد ما اثرت على نفسيتي.

مناضل: ياخوية لعد انت شون معلمة ومربية اجيال المفروض المفروض تأمنين بالقضاء والقدر وماتهتمين لكلام الناس والجهلاء منهم خاصة.

بعد لحظات صمت ..

فاطمة وباستسلام .. خويه ابو سرى رجع مرتك تستاهل رقية لان ادري بيك تحبها ودزلهم خبر موافقتي على الخطوبة.

-------

صفا .. صادف يوم جمعة وماكو دوام خابرني فراس وصوته غريب مزعوج ومتوتر.
گال صفا اريد اشوفج تگدرين تطلعين.

خير فراس شصاير.

اريد اشوفج عندي موضوع وياج.

صفا .. قلبي ظل يلعب اول مرة يحاجيني بهيج لهجة.
بس لازم اروح اشوف شكو.
خابرت ابوي طلبت منه الاذن
كال روحي بس لاتتأخرين.
رحت بدلت مكيجت وطلعت بالطارمة انتظر فراس
سمعت هورن وترميشة على موبايلي
تاكدت منه اجه.
رحتله بره ..شفته جاي بسيارة اخو صغيرة كورلا.
صعدت ويا سلمت عليه رد بثگل.
حرك السيارة.
سألته بحيرة وتوتر گلبي حاس بشي
: خير فراس صاير شي سامع شي.
ماحجه سحب تليفونه من جيبه فتحه وظل يدوس بي هو ويسوق
خلاه على رجليه
كال هاج شوفي هاي السكرينات الي وصلتني عنج ..

انصدمت يعني سوتها هجران ووصلتله ياربي شسوي هسه ..
يتبع ..