رواية لمْ تكُنْ خطيئَتُنا الفصل التاسع والعشرون 29 - بقلم نورا ناصر

#لم_تكن_خطيئتنا
بارت 27
نورا ناصر

صفا .. بلعت ريگي .. وبخوف گتله اي شنو شروطك

فراس .. ماكو دوام بعد الزواج ولا برامج تواصل اجتماعي بالتليفون ..

: لاعفية فراس لاتلزمني من ايدي الي توجعني
هذا مستقبلي وهاي السنه خلصت باقيلي بس سنتين.

: اذا افسخ الخطوبه وسألوني اهلج ليش شنو تردين اجاوبهم لو انت تردين تفسخين من يمج.

.. فكرت اذا افسخ خاف انجبر على اسلام كل شي يصير مااعرف احس نفسي بدوامة ومن جهة متمسكة بفراس وماادري شجاني.
يمكن كله مقدر ومكتوب مااعرف ليش اكو اصرار بداخلي اريد فراس وبقوة
يمكن بعد الزواج اكدر اقنعه يخليني اكمل احسه متمسك بيه
گتله موافقه بس لاتظلمني فراس عفية الي صار كله ماضي.

: اوك امتحني حتى نتزوج بعد الامتحانات مباشرة
واطمئني راح اعتبر الي شفته كله ماضي ومايهمني.

ختمتها ويا بس خايفة من المستقبل ومن المضموم الي .. 

-----
سمية ... 
خلص عرس ابوي ورجعنا للبيت جنت مزعوجه بيومها مامتقبلة الفكرة ابد ..
خابرني امان
جاوبته گال عجبتيني اليوم مارديتي على امي ولا طولتي لسانج معناها الكلام بالكافتريا جاب نتيجة.

ظليت صافنة وبس اكله اي
بس انه لو راده عليها بذيج اللحظة
جان خليت الكل يلتمون علينه
بس جنت مثل المبنجة .. ولساني بالعته وساكته.

گال شعندج واكفة تلغين وي رضوان ..

: يمته لغيت ويا هو سلم عليه ورديت عليه سويتها لغوه بعد شنو

: لعد شبي يضحكلج .. ؟

: جاي يضحك باستهزاء لان ماسئلت عنه من صار الحادث الهسه.

:ومال شنو تسألين عنه ..

: يمكن قصده لان انا افتعلت الحادث .. 

امان "بعصبية" : وماسألتي عليه وانت افتعلتي الحادث وشيريد هسه؟

: شمدريني شنو يريد  هو انت انطيته مجال يحجي انخبص بالهورن مالتك.

: وترديني انطي مجال مووو؟

: اووو شبيك معصب عليه اليوم ..  ذاك اخوك وروح سأله ..

:شهالاستفزاز هذا سمية  يعني تسوين نفسج ماتعرفين هاا
اخر مره تعيدين هاي الكلمة افتهمتي.

: انه اذا ابقى وياك ع الخط هسه اخرب كل شي الاحسن اروح احط راسي وانام بلا مانتعارك بنص الليل ومن صدك مااريد اتعارك انه واليوم بالذات ووياك بالخصوص.

: لا ليش نتعارك على فكرة طالعه حلوه اليوم ..

: صدوووك على گولتك .. خجلتني.
بقى يتغزل بيه لساعة متأخرة من الليل ..
‏ويا احس انا غير .. الدنيا كلها غير
مااعرف شون يكدر يغير مزاجي بجملة وحدة
شلون ويا انسى نفسي ..
خاصة بالايام الاخيرة زاد تعلقي بي حبيته من اعماااق قلبي ..
حتى  ايقنت بانه
لا ملجأ منه الا اله ..

--------

مناضل .. قبل عرس فاطمة خليتها تاخذ رقية  للطبيبة تكشف عليها .. ومن رجعت گالت  الدكتوره طمنتها كلشي مابيها وتكدر تخلف عادي

وبعدها مصره تمنعني منها ومتجاهلتني رغم كلشي سويته
اجييلها هدايا تطلعهم من غرفتها وتخليهم بالصالة الفوك ..
بعد عرس فاطمة وفد يوم جمعة گاعد بالبيت
دورت على رقية شفتها جاي تغسل الطارمة ..ملابسها مبللة دشداشتها ضيقه بارزة مفاتنها بفتحتين بجوانبها مبينه سيقانها كلها انوثة  تفتر مثل الفراشة وتغسل الارض ..
رحت يمها بكل ود وابتسم الها
شافتني عكرت ملامحها سوت نفسها جاي ترش الحديقة رفعت الصوندة وغرگتني بالماي شمرت الصوندة بالارض خلت ايديها على خدودها عود مو بقصدها .. وتضحك بمرح ..
رحت يمها الصوندة بالارض وبعدهه تصب ماي
دفرتها برجلي بعصبية .. تحركت ونشمرت بالحديقة
باوعت لرقية بخزر .. برطمت ودمعت عيونها ..
رق قلبي الها .. باوعت شفت الاء تباوع علينه وعلى ملامحها علامات انتصار ..
ردت اغيض رقية .. حضنت الاء من اكتافها
وجاي ندخل جوه باوعتلها تباوعلنه مقهورة
سحبت الصوندة وخلتها تصب على رجلينها
متظاهرة بعدم االاكتراث لكني حسيت بيها غارت.
دخلنه للغرفة .. بقيت يم الاء وماطلعنه بعد ..
باوعتلي بقهر گالت تفكر بيها موو؟ لعد وين حبك الي.

مناضل .. احس نفسي مسحور بيها وميت عليها احس نفسي مضيع شي بدونها ماادري شلون كدرت تخترق قلبي وتسكن بي ..
ماحسيت على نفسي غفيت ومن كعدت شفت الاء يمي هم نايمة .. على حوستي فزت
رحت سبحت وطلعت للهول شفت رقيه
كاعده ع القنفه على يمينها سرى وبيدهه التاب وجاي يشوفون بي وعبود وياهم اباوعلهم تلاثتهم وهي وياهم مثل الطفلة .. لابسه برمود والحجل مزين قدمها
شايله شعرها ذيل حصان ونازله على جوانب وجهه خصلات
باوعتلي ونصت .. زعلانه ...
ضحكت كون اكلها هسه بس مصرة ترفضني
امي كاعده ع القنفة وتسبح
دخلت الاء .. ها عمه تغديتوا؟
ام مناضل .. اي تغدينة الحمدلله رقيه صبت النه ..
سرى .. ماما تغدينة العمه خرسه صبت النه اكل ..
مناضل .. تعاي بابا سرى احاجيج ..
خلت التاب على صفحة واجت يمي نزلت لمستواها گتلها اسمها ماما رقية مو خرسة زين.
سرى .. بس هي خرسة مو بابا وماتسمعني شنو اكللهه؟
.. حبيبتي شنو اكلج انه تكولين حتى لو خرسة هاي زوجتي ومااريد تقللين من احترامها ماشي.

الاء .. شنو يكلولها ماما خلي تكللهه عمه اني امهم مو هي وبعدين شماراح يكولولهه ماراح تسمع ..

: مثل ماگول يصير ماشي سرى اسمها ماما.

الاء ..بانزعاج .. جان قلدتك رقية اشو شايلة خشمها عليك ولا مهتمه الك ..

مناضل .. روحي صبي غده

الاء .. منين اكو غده اشو طبخت جدر شكده  ماظاله ولاقطرة بي ماخاليلنه اكل.

.. ميخالف روحي سوي اي شي ناكله.

.. اكلك مناضل اذا هي مشكلتها وياك انه شعليه تخلص الاكل عني هاا شاكل هسه؟

.. انه رايح اغسل السيارة سوويلنه لكمة ناكلهه بينما اجي. 
طلع مناضل ..
امه .. ليش تغمين رقية ولج لويلوو لو چي خرسة ماتكدر تردج ..

: وانت ليش منحازة الها ماتشوفينها مخلصة الاكل عنه.

: محد كلج ضلين نايمه للضهاري وكت غده جان كعدتي تغديتي مو زين منها صبت اكل لجهالج.

: ماكايلتلها تصبلهم انه اصبلهم.

: وتخليهم يموتون جوع من الصبح الهسه.

بصياح : الله يصبرني الله يصبرني ..
يجي مناضل اكله يعزلني مااتحمل تصرفات هالخرسة هااي .. ...

----------

سمية .. بعد زواج ابوي فرحان ويتجمع ويانه وقت الاكل .. يضحك ويسولف ويشاقة .. فاطمة حبابة
تأقلمت وي صفا وبيبيتي،بسرعة ..
بس انه وياها ع كد السلام والسؤال .. وادخل للغرفة
بس وي صفا ضحك وسوالف ..،
داومت اجتني ايثار هايجة ..

طاح حظج سمية انت شكد حشرية عود جاي تسوين زين ليش تحجين لامير الي كلته الج هاا.

: شبيج صخام خذيتيني حاصل فاصل واذا كتله.
بهاللحظة اجت زينة ..
وهم ظلت تحجي
كالت ولجن حقيرات امير يهددني بصوري ليش هيج تسوون بيه والله اندمجن اذا انتشرتلي صوره.

سمية .. ليش ويهمج انت طايحة حظ من گاعج تدرين بي يحب انصاف ومع ذلك رحتي سويتي ويا علاقة.
زينة .. اصلا انصاف هي الي اخذته مني هو حبيبي من قبلهه ..

سمية .. وبعدج ويا شگد ماعندج كرامة ..

زينة .. ليش اكو كرامة بالحب وانت مجربة الحب مو عيني؟ ؟!!

سمية .. باوعت لايثار گتلها شكد ثرثارة انت؟
رديت  لزينة كتلها لا سامعه حب برصيد ههههاي.
وعفتهن يتعاركن .. صدك هسه انه شعليه حطيت روحي بنصهن .. اريد اشوف امير واحجي ويا
دورته لكيته يم جماعته ولد.
صحتله اجه مخنزر ومخلي ايدي بجيبه يمشي بتكبر
گال خيير؟
أگلك انت ماتستحي تهدد زينة بصورها هسه بلله ماعندك خوات ماراح يصير عندك مرة مراح تخلف بنات شون تهددهه؟ ؟!!

أمير .. وانت ماتستحين وامج اماليد.

سمية .. انجب ياطايح الحظ شجاب هاي على هاي.

أمير .. ذاك الاسبوع شفتها وي واحد عنده لگزس والگبله صاعدة وي ثاني عنده بي أم يعني كل اسبوع وي واحد شكل تحبين اهينج بعد لو تولين منا لا امسح بيج الكلية هسه.

سمية .. عبالك بحجيك هذا تكسرني لو تأذيني ادري بيك جذاب وحقير انت بلا شرف امير مدام تلعب ع البنات.

أمير .. گتلج ولي منااااا ..
: اصلا مايشرفني اوكف يم واحد مثلك عديم غيرة.

عفته ومشيت صارت مقابيلي انصاف ..
تباوعلي بانزعاج .. اجت يمي ..
كالت هسه تأكد كلامي موو
جاوبتها بعد حسرة طويله .. كتلها باعي مايهمني شنو تعتبريني ولااريد ابررلج.

انصاف .. ا امير حاجيلي كل شي عنج ومحذرني منج .. اصلا انت من جوه ليجوه ..

: مااسمحلج افتهمتي .. خلي يفيدج امير صوجي انه اتدخلت بشي مايعنيني وردت الخير الناس مايستاهلون.
عفتها ومشيت شفتلي مكان وكعدت
هم رجعت سمعة امي ماراح اخلص منها طول عمري الكل يعيرني بيها حتى الغربة  تذكرت كلام اشواق من تكلي تبقين بت اماليد .. صح كلامها.

اخذتني ايدي لتليفوني ولرقم أمان
خابرته ادري بي مسافر من كم يوم
كعدت اسولف ويا يعرفلي سألني شبي صوتج ..

رديت .. شوية مغثوثة
.. منو غاثج احرگه حرگ والله ...اخخ لو يمج ..
.. اريدك هسه يمي ..
.. بعيد اني .. بس مكتيلي منو غاثج ..
.. صديقاتي متعاركه وياهن. 
.. وانت شسويتيلهن وغثنج.
.. يعني اله انه اسويلهن شي ويغثني.
.. اي مو اعرفج اني .. المهم لاتخلين بالج يم شي ولاتضوجين نفسج الباب الي يجيج منه ريح سدي وارتاحي ..
..  تعرفني ؟؟؟؟!!!شهالنظرة عني حتى انت هم؟ ؟ردت اخابرك ارتاح تسمعني كلام مايختلف عن الي سمعته.
.. شبيج سمية انت دتبجين؟ ؟ شنو سمعتي گوولي
صديقاتج؟ لو بدت مشاكلج وي زوجة ابوج.
: أمان !!!مع السلامة ..
سمعته گال انتظري سديته
بعد ماخابرني رجعت للبيت
بالليل خابر وظل يلح ع الموضوع
گتله مومهم بس بيناتنه احنه الصديقات تعاركنه صدگني 
ومرت الايام وخلصنه امتحانات الفاينل
وبقينه نجهز لزواج صفا ..
سوينه الها حنه قبلها بيوم عزمنه اقاربنا.
گتلها خل نعزم هجران شخصيا لان عرفنه اسلام تركها بعد الي سوته ..
خابرتها ..جاوبت  كتلها شلونج
هجران : زينه ..
.. حبيبتي هجورة الحفرة الي حفرتيها وكعتي بيها وحابة ادعوج لحنة صفا تعاي تونسي ركصي لاتظلين بالبيت وحابسة على نفسج وضايجة لان اسلام عافج.

هي گبل سدته بوجهي متنا ضحك عليها
اشوف صفا متحيرة بين فرحانه وبين لا
مااعرف شنو عدها
امي تليفونها مغلق ومانعرف عنها شي من فترة

خابرني أمان .. گال اجتني شكوتين ضدج ..،
سمية .. اي شنو بلله؟
.. اول شي امير كلي مصيحة عليه بالكلية وگدام جماعته هالشي صحيح؟ 
.. جذاب ماصيحت عليه بس صح تعاركت ويا.

أمان .. وثاني شي انت شون تخابرين هجران وتحاجينها بهالاسلوب انت ماتجوزين من سوالفج؟

سمية .. ليش شدعوه طار نصها خو ماطار ردت اعزمها على الحفلة فوگاها بعد؟

أمان .. كم مرة گايلج بطلي هالاسلوب بطلييي اني اصلح وانت تخربين.

سمية .. "بنتر" لاتصيح بلله افتهمنااا ..

أمان .. ماتصيرلج چارة لو مية سنة ماتتغييرين.

وسداه ..
گمت دگيت علي مرة ثانية رفعه گال شكووو بعد
گتله ماكو بس حبيت اسده بوجهك وسديته ..
-----

صفا ..
بليلة زواجي جنت بين الخايفة والفرحانه
مالي ثقة بفراس خاف يأذيني بس اكو شي جاي يجرفني نحوه غصب عني ..
اجو عليه ياخذوني .. اريد ابطل بجي مااكدر
خواتي وبيبيتي وفاطمة يبجن وانه ازيد بجي.

طلعوني من البيت لازمني فراس
الشارع هوسه وناس صعدت بالسيارة كعدت بصف الجامه .. رفعت البرنص .شوية. باوعت من الجامة
من دون الكل صار گدامي اسلام .. وعيونه تشع حزن نحوي مااعرف شنو الي جبرني ابتسم اله وهو هم ابتسم الي بس ابتسامة اكدر اشبهه بعصفور وذابحه الالم ورغم كل هذا يغرد هيج جانت ابتسامته.
صعد يمي فراس .. بكل هدوء وحركت السيارة
وصلنا لبيتهم نزلت كعد يمي شويه وسط الهلاهل والدك والردح والركص فرحانيين.
بس انه الخوف والغربة مسيطره عليه محد يمي
بعدها صاحوو الزلم وراح بقيت كاعده
وصبوا العشا النسوان تعشوا واجوا عليه اخذوني للغرفه كعدت انتظره بينما يزفونه
متت حر البدله ضوجتني
اجت عمتي رشت عليه ملح
كالت لايحسدونج كلهم يكولون عروستكم تخبل
ابتسمت الها .. سمعت هلاهل وصوت چراقي
كالن خواته اجه ..
انطني الشموع لزمتهن .شعلوهن. من دخل سلمتهن اله
طفاهم وباسني على راسي كعد يمي حولنه الحلقات
طلعوا كلهم كام نزع السترة .. وعلگها بالزاوية ..
اجه وكف يمي وانه كاعده ع السرير متوترة
واعصر بايدي .. مارفعت راسي
كال كومي بدلي.
هزيت راسي بقبول كمت بدلت .. لبست فستان طويل شيفون ربع ردن .. استحيت منه وخايفة
هو كاعد ع السرير وناطيني ظهر
خلصت باوعلي كال تعاي كعدي يمي
رحت كعدت بعيد عنه.
مد ايده الي حسيت باطمئنان .انطيته ايدي ومنصية. قربني اله صرت بصفه لزم ايدي اثنينهم ظل يضغط عليهم باوعتله مبتسمة ..
كال نبدي من اليوم حياة جديدة وننسى الماضي
هزيت راسي بقبول ..
گال وين تليفونج؟
كمت ورحت جبته
فراس .. اكدر اخذه مو ؟ حسب اتفاقنا
هزيت راسي موافقة بس بحزن
سلمته اله خلاه بجيبه
كام من على السرير فتح المجر
طلع منها علبة تليفون
كال كعدي كعدت كعد بصفي
اخذ ايدي
كال هذا التليفون الجديد الج بي رقم جديد وكل شي جديد
مهما كان الي حاول يخرب بينا ووصل الي السكرينات مااريدج تتواصلين ويا بعد وما مبرية الذمه تتواصلين ويا من وراي
كتله ان شاءالله بس بالتليفون صوري مال الكلية وصور خواتي وصديقاتي
فراس .. عادي ننقلهم للتليفون الجديد.
هزيت راسي كلت  ان شاءالله.
جابوا العشا تعشينا ..
غسلت ورحت بدلت لبست سيت نوم ابيض طويل بي چاكه صفح
كعدت انتظره بس خجلانة كلش .. ومامتعودة ولا ماخذه عليه.
اجه يمي گعد وتحسر حسيته متحير او شاك بشي.
رفعت راسي اله بحزن وتوسل گتله تره الي شفته مجرد كلام .. ماصار بينا اكثر من هذا
خله ايده على حلكي سكتني كال اششش بهدوء وهمس.
حسيت بشفافه على جبيني وتنتقل لخدي لشفتي

مددني  على الفراش لحظات وصرت مسلوبة الارادة وكلي ملكه ..

-----

اسلام ..
رغم زعل عمي وصياح عمتي والحاحهم حتى هجران هم مخابراتها وجياتهم للبيت حتى ماافسخ الخطوبة كلها مااهتميت الها ..
وفسخت ..
بيوم رجعت من الدوام وعرفت اليوم زفة صفا
اليوم راح تصير الغيري
كعدت باالسيارة خليت راسي ع الستيرن
فكرت لازم انزل واشوفها لقلبي هي بالفستان الابيض
بلكي يتراجع عن حبها بلكي ينساها يكرهها ع الاقل
نزلت وصرت كدام سيارة الزفة ..
شفتها بالفستان المفروض تكون بي الي
المفروض هاي زفتي والليلة ليلتي
لكن هذا نصيب كل واحد منا وماالي نصيب بيها لحد هي اللحظة ..
باوعتلي شفتها ابتسمت الي معناهه خلص انسى الماضي ماالنه نصيب ببعض
ابتسمت الله يوفقج من كل قلبي مسامحج ياعشگ روحي انه غلطت وياج ماتمسكت بيج فضلت كرامتي عليج مودعة بالله وبمحمد وعلي ......

-----
سمية .. بعد زواج صفا البيت فارغ موحش بارد ومظلم.

خواتي مو يمي امان زعلان عليه امي ماادري وين صديقات ماعندي. فاطمة حامل وابويه وبيبيتي شايلينها بالصلوات ..

مااعرف شون يمر الوقت ..
ونوب عطلة ودوام ماكو ..،
وباقية بالبيت ضوجه فول ..

دك تليفوني رفعته شفته امان ابتسمت اي اكيد مايستغنى عني.

رديت بتكبر گلت الوو.
گال راضيني يله
جاوبته شون بلله؟
أمان .. بعد كم يوم حفلة رجوان انخطبت واريدج تحضريها وبله عناد ومااريد اسمع لا.

سمية .. صدك رجوان انخطبت منو خطبها  رضوان؟؟؟

للحكاية بقية
حبيباتي اسفة ضرف طارئ
البارحة مانزلت
راح نرجع انزل يومية بارت.
❤❤😍احبكم

الفديو حالة اسلام 😭اعذريني يوم زفافك