رواية لمْ تكُنْ خطيئَتُنا الفصل الثلاثون 30 - بقلم نورا ناصر

#لم_تكن_خطيئتنا
بارت 28
نورا ناصر

سمية .. صددك منو خطبها رضواان موو. ؟

أمان .. لا مو رضوان الي خطبها واحد ابن صديق ابوية

: شعجب وافقت وامك تريدها لرضوان ..

: رضوان مستحيل يتزوجها لان هي ربت ويا ومثل اخته ..

: ها ..
: اي حبيبي وراح يبقى رضوان عائق ويأخر خطوبتنا.

: هو بس رضوان وامك؟ تگلي زواجج من امان گطنة وشيليها من اذنج ..

: لاتهتمين الكلامها بساعة عصبية
  انت حاولي تكسبينها وبالحفلة اريد حضورج مميز تسلمين ع امي والبنات وبحرارة وباركي لرجوان .. وتبسمي مو شايله لسان مال عشر نسوان تتنظرين احد يحجي عليج حتى تهدين.

: تره اعرف ماحاجة تعلمني ..

:لخاطري سمية هاي اخر فرصة كدامنا حتى نرتبط تعبت وانت بعيدة عني ..
فراكج معذبني اريدج يمي الصبح اريد اكعد الكاج متمدده بصفي وراسج على صدري وايدي محاوطتج وملمس شعرج بكفي احس بدفو جسمج.. اكعد ابوسج على راسج واشم عطر شعرج ارفع راسج الي واتذوق عسل شفافج واترك علامة على عنقج ..

  اوووويلي يمه شديحجي بداخلي فرحانه شكد رايدني ورايد اكون يمه ماتوقعت انحب هالدرجه
اووف كلامه ينزل مثل الشهد على قلبي واخجل خجل عشاگ.

قفلته بوجهه بسرعة خجلني منه
.. لحظات ورجع خابرني
جاوبته طگاهــــه ضحكه شكبرها .. ابتسمت على اثرها ..گال شبيج سديتي؟

سمية:  امان هوب هوب على هالكلام تره عبرت الرونگ سايد.

ضحك ورجع يتغزل بيه .. اذوب بصوته ..
البيت وحشة وضوجه .. بعد رقية وصفا
بس امان يرد عني وحشتي دومه متواصل وياي ..

فاطمة مو هالگد وياها كله منعزله لان مااحس نفسي احب اتعمق بالحجي وياها والشقة فبقيت عازلة نفسي.

.. لبيت رغبته واستعديت للحفلة.كل شي يهون لاجله.يوم ثاني الصبح گعدت شفت ابوي وفاطمة گاعدين ع الريوگ يشاقون ويضحكون بيبيتي كاعده يمهم وتشرب جاي ..
شافني ابوي كال تعاي اكلي بابا ..
كتله مااشتهي بس اريد اروح للسوگ ممكن توديني.

ايوب .. اي صار تدللين باوع لفاطمة
كال تكدرين ترحين وياها ..

فاطمة:  اي اروح ليش لا تدلل سمية

سمية.  لا انه مااريد اتعبج انت حامل وتعبانة ومابيج ع الفرة..

: لا حبيبتي ماكو تعب ان شاءالله ..

: لا بابا انت وديني اي محل ملابس مومشكلة ادبر حالي بلا مااتعبها ..

: فد نوب انه هم محتاجة امر ع الطبيبة طلبت مني سونار هالشهر وهم امر وياج ع السوگ .. وها ناخذ رقية ويانه مناضل خابرني اوديها للطبيبة

: ليش شبيها رقية .خو مامريضة. ؟

: لاتخافين عليها راح تصيرين خالة قريبا ان شاءالله.

: ضحكت يعني رقية حامل؟ فديتها بعد عمري الله يسهللها.

ايوب : اي حامل راح تسويج خاله وتسويني جدو.

: خطية عمري رقية 

فاطمة .. جهزي نفسج العصر على وكت ..

: خوش ان شاءالله ..

-----------
مناضل .. ظلت رقية فوك الشهرين ورا ما رجعتها
مانعتني من نفسها وانا مااكدر اضغط عليها اذيتها بما فيه الكفاية .. مااكدر اذيها اكثر ..
خليتها على هواها .. وتركتها بعد حتى ماصعدت الها فوك بعد.
فد يوم المغرب انطفت الكهرباء
وابو السحب ماشغل بقى فوك النص ساعة ماكو والبيت ظلمه .. فگدت رقية ماكو مانزلت بس لا ماتشوف فوك ومايمها ضوه.. وهي ماعدهه تليفون لان ماتعرفله ..
اخذت تليفوني وصعدت فوك ..خايف عليها خاف انرعبت هسه .. افكر بيها مثل الطفلة اعتبرها بنيتي مثل سرى ..
صعدت الدرج سويته بايتين من الاستعجال .. 
دخلت للصالة الفوك شفتها جاي تملس بالحايط
شافتني رحت الها اركض حضنتها ..
دفعتني وجرت دموعها
خلت ايديها على وجهها وتشهگ مثل الطفلة
اخذتها بين ذرعاني
اهمس باذنها وادري ماتسمع
كتلها فدوه العمرج كافي زعل
لمساتي على كل جسمها
اطمنها هدأت حضنتها
اخذتها وكعدنه على القنفة الي بالصالة
دموعها تنزل وتحجي وكأنها تعاتبني
انت استخدمتني وسيلة من اجل غايه
استغليت ضعفي وهواني
لان انه مو سويه وانت تعرف كلش زين مو اي واحد يتزوجني .. بس انه مااقبل بالخداع
انا بشر قلبي ينكسر ودمي يحترگ ومشاعري تنجرح باختصار انا كتلة مشاعر واحساس
وممكن هواي اتأذى وانت ماقصرت بأذيتي .

نتجيت على القنفه خليتها على صدري
مسحت جبينها جو حار عرگت.
وعدتها مااخلي احد يأذيها بعد ابد شمرت نفسها
نامت على صدري لازمه فانيلتي بقوه
دموعها تنهمر على جسمي حسيت بحرارتها تجويني وكانها تعاقبني ..
حسيتها مشتاقة الي .. ورجعت الي صاحبة قلب طيب سامحتني بعد زعل لايام طوويله مرمرتني.
وعدتها مااخلى احد يأذيج بعد ابد وراح اعوضج عن كل شي ..
بعدها بشهرين شفتها تعبانه وجهه اصفر ..
امي طلبت مني اجيب الها تحليل حمل بيتي
وطلع ايجابي ..

---------
سمية ...
العصر رحنا على رقية .. طلعنا للسوگ .. هي راحت حجزت عند الطبيبة وبينما يوصل سراها ..
نزلنا للسوگ اشتريت ملابس
ورجعنا للطبيبة .. دخلت فاطمة اخذت سونار وطلعت فرحانه گالت راح يصير عندج اخوو ولد هسه ابوج يفرح ..
باوعتلها گتلها اي اكيد يفرح
اشرت لرقية دخلت جيكتها الطبيبة وطلعت
طلعنه من العيادة
جاي نمشي صار ليل.
خابرنا لابوي اجانه ..
وصلنه رقية لبيتها ..
ابوي سمع الخبر فرحان طاير كلساع يلزم ايد فاطمة
وكلساع يكللها خما مشتهيه شي.
اندار عليه وهو يسوق
كلي سمية افرحي راح يجيلج سند.
كتله ياسند هذا انه بكد بيبيته هسه.
فاطمة .. شنو رايج انت تسمينه سميه؟
سمية .. لا مااعرف بالاسماء انتوا سموو.
ايوب. انه اريده طيف حتى اذا صار عدنه بعد نسمي سيف.
سمية .. هزيت ايدي والله ومكيف لعد شبيهن البنات.

------

صفا .. مرت ايام حلوة .. حسيت بنفسي عايشة
من صدگ ماشفت هيج احترام عائلة متكاملة
فراس هادئ كلش ..
اهله محترمين ويحبوني ..
كلش يحبون طبخي ..
فراس دوم يگلي طبخ ايدج ماجاي اكدر اشيع منه
گتله انه يمك وان شاءالله اخليك تشبع منه ..
يوم منهن تحضرنا حتى نطلع كلنا سوه
اخوات فراس واخوانه
للمدينة العاب الساحل ..
طلعت بدي بيجي ورداناته فسفوري جلد لحد الركبة وبنطرون جلد  فسفوري لبستهن.
ظل يباوعلي فراس
گال صفاوي حياتي شنو هاي تره هذا اللبس كلش بارز انوثتج وجمالج وانه اغار بدلي.

صفا .. لا حبيبي مابي،شي وكعدت امكيج.

فراس .. صفا نزعي شوفيلج غيره.

صفا .. حبيبي،شبيك تره مابي شي لعد مااروح انتوا روحوا.

: يله يله لبسي هسه ماصار شي.

صفا .. وانه كاعده اخلي مكياج باوعتله ضايج وجاي يلبس قميصه ..
رحت للكنتور طلعت جبه بنفسجي فاتح
وبيها جيوب بيجي ودگم بيجي من الوسط تتشكل
ولبستها وخففت المكياج.
كتله وهسه شلوني باوعلي فرح كال اي هسه تخبلين مااريد احد يحجي عليج.
اجه تقرب يمي باسني على راسي
كال عندي الج مفاجاه ابتسمت كتله شنوو
: ان شاءالله هالسنة اتداومين كلية.
: صدك فراس يعني ماتحرمني من دوامي.
: اي حبيبتي ماطول هيج مطيعة انت.
: حياتي تشلع عيني وتاخذها.
: يلا خلصي لايصيحون علينه.

كملت لبست شال بيجي وكب بنفسجي بلون الجبه وطلعت وياهم وصلنه للساحل ..
نزلنه اغراضنه كعدنه بمكان قريب على شط العرب الهوا حلو والقوارب جايه ورايحة كلش حلوه

كعدنا قريب على قاعة الاعراس
فاتوا عوائل معزومين بحفلة بالقاعة
ووياهم بنت يجي عمرها 3 سنوات لابسه بدلة بصلي منفوشة شعرها كيرلي عسلي لحد كتفها بيضة حيل ومخلين الها حمرة .
تمشي وبدلتها تتحرك منا ومنا.
ندسني فراس كال صفا هاي بتج
ضحكت ظليت اركز بيها وهي تمشي باوعتله لزمته من عكسه نظراته بعيدة عني
كتلة بس بتي وبتك انت هم سكت
ولاجنه يسمعني استغربت حتى ماباوعلي شنو مايريد مني اطفال لو مايريد بنية.
خجلت كدامهم كتله بس انه شعري سرح هاي شعرها كيرلي.
ضحك وظلينه نتمشى.
كلش فرحانة .. وراح يخليني اداوم وبدون اي جهد مني.
وراها بكم يوم سافرنا لتركيا السفرة على حساب اولاد خواله وخالاته هدية كلهم مشتركين بيها جانت سفرة من العمر كلش تونست بيهاا.

------
سمية ... بيوم حفلة رجوان توسلت بيبيتي تبقى وماتروح گبلها بيوم لبيت عمه اشواق ..
لان فاطمة تكول مابيها
ورقية هم نفس الشي نساوتها مأذيتها
وصفا بتركيا
وانا لازم اروح وارفع راس امان كدام اهله مثلما وعدته.
بدلت لبست فستان بيجي من فوك لف مخملي لماع والتنورة مالته  كيبور بيها فتحه من النص.
الردانات لحد العكس.
جاي ابدل خابرني امان
رديت عليه
كال هاا حبيبي راح تجين مو؟
اي اكيد اجي
كل شي تمام مثلما وصيتج موو؟
اي كلشي تمام.
سديته منه.
وصلنه ابوي للقاعة الي راح اتم بيها الحفلة ..
نزلنا انه وبيبيتي ..
سلمت على الي اعرفهم والباقين مااعرفهم بس لچحت فرح طالعه حيل حلوه.
سلمت على اشواق كوه ردت عليه.
وتباوعلي من فوك الجوه ضجت واحتريت كلش
من العصبية ويصير كبالي امان واكول الخاطره اتحمل.
زوج رجوان حلو بس هي مبينة ضايجه
صارت حفلتها ولا بالاحلام تجننن اقاربهم كلهم ابها وطاگين احس نفسي بيناتهم ولا شي.
خلصت الحفلة ومحد يوديني للبيت وبيبيتي اصرت اله انروح لبيت عمتي اشواق وياهم.
طلعنا من القاعة صارت مقابيلي سيارة امان بس هو ماشافني.
امه انتبهت عليه وصعدت فرح يمه كدام
وانه اشتعلت بنار الغيرة
جنت مااريد اروح لبيت اشواق بس هسه اله اروح واتعارك ويا.
اخذت تليفوني واحنه واكفين بالشارع
نتظر يسون النه مكان حتى نصعد  بشي سيارة
اتصلت بي مايجاوب
ظلت الوم بروحي هذا شون يخليها تكعد يمه
زين ليش ماخابرني، اكيد هسه كاعد يدك فج وياها.
شافوا النه سيارة وصعدنا بيها انه وبيبيتي.
وصلنه البيتهم.
نزلنه عدهم كعدنه بالصالة.
شفت امل وايناس وعمه زينب وامتثال
اجت عمه اشواق ظلت تعرفهم على بعض
وصلت الي وغلست عني.
بلحظتها حسيت بالاهانه والذل بينهم
بقيت كاعدة بدون حركه تمنيت الكاع
تنشگ وتبلعني.
السبلت الكنتورري كبالي كلش واحس حاره وظليت اتصببب عرگ.
مااحسيت غير على صوت بصفي
تكولي انت سمية؟
باوعتلها اله هاي فرح
كتلها بانزعاج وانا امسح العرگ من جبيني اي.
شفتها ضحكت بسخرية.
وانه شون محتره منها ومن شكلها
كتلها شبي اسمي يضحك.
كالت ببراءة لا وكامت من يمي.
بقيت كاعده شويه
وكمت ادور امان دكيت عليه ماكو مايجاوب شبي
ظليت امشي بالبيت مثل الضايعه اطب الصاله واطلع من الثانية.
سمعت صوته يضحك.
تبعت مصدر الصوت، شفته بممر يفصل الصالة الوسطانية عن المطبخ ..
واكف يم فرح ويضحكون
وجان تخلي ايدها على كتفه تحجي ويا بكل رقه وانوثه
مشاعري متخربطة حسيت بالم يوجع قلبي
حرارة تطلع من جوفي مااكدر اسيطر على نفسي بعد شبعت ذل واهانات اليوم
وبعد وبعد لا انه مو هيج ولااكدر اتحمل بعد.
اباوعلهم وعقلي يكلي حييل لايكين لبعضهم
هو هيج يريد وحدة عدها اسلوب وذوق وهاي ظالته گبال عيونه بس ماادري بشنو يفكر.
تعب عقلي من التفكير
غادرت مكاني بدون مااخليهم يشوفوني
سمعت اشواق تصيحلي تعااي سمية
رحت وراها بس مثل العاجزة عن كل شي.
كالت لاعبالج من لبستي لبس حلو واجيتي تتلوگين اقبل اخطبج لأمان تره تبقين بنت اماليد انت.
لساني ثگل وانشل جسمي جمد عن الحركة
عافتني وراحت ..
فكرت انا شكو اجيت ارضي انا شلي بي
حقها صفا لو رفضت اسلام تريد تقدير ماتريد ذل وانا نفس الشي شكو مجلبة بي.
شكد متشابهه قصتنه اكيد لان انولدنا بنفس اليوم.
طلعت من البيت للحديقة ابجي
رحت بصف البيت مسحت الحمرة بظاهر كفي
اريد املخ نفسي اريد اصرخ
ياربي نار نار جوواية.
دگ تليفوني اخذته من شفته امان نهديت بي بس مو بصوت عالي،
حتى لااحد يسمعني
گتله انت شكووو مخابرني بعد ابقى يم حبيبتك خطيبتك وانه خليني لإهانات امك وادك عليك وماتجاوب.
صاح كال انت وين
كتله ماعليك بيه وسديته بقيت كاعده مكرفصة
بصفي درج خارجي رفيع يروح لبلكونه ليفوگ
وابجي وامسح مكياجي بيدي
تلفت الدنيه وجههي وايدي عبارة عن بقايا مكياج حتى الكعب شمرته. وبقيت حافية
مااحس اله واكف يمي رفعت راسي باوعتله
كال شمسوية بنفسج؟
كتله ماعليك بيه.
لزمني من زندي رفعني لمستواه
كال بله هالاسلوب شكتلج اني! !!
هديت ايدي منه بالقوه
گتله لهنا وكلشي ينتهي بيننا انه مااتحمل ذل
عمود بقايا حب وانا مومناسبة الك.

امان:  كلش زودتيها سمية
لزمني من ايدي قوي كلش صعدني الدرج وانه ادفع بي بس هو اقوه مني
بس وصلنه لنهاية الدرج شمرني قوي وكعت بالكاع بصف القنفة .. ايدي المكسورة مسبقا تاذت كلش كوه سيطرت على نفسي وماعطت.
اجه كرفص كبالي ومبين معصب كلش ..
للحكاية بقية.