رواية لمْ تكُنْ خطيئَتُنا الفصل الثالث والعشرون 23 - بقلم نورا ناصر

#لم_تكن_خطيئتنا
بارت 21
نورا ناصر

اخر كلام سمعته من رضوان
ولج تخبلتي لا تنقلب بيناا ..

مااخذت كلامه ..
بين الوعي والاوعي شفت نفسي مايلة على صدر رضوان وهو يأن من الالم .. بالكوه رفعت روحي من الوجع.
الناس اللتمت علينا
االالم موتني
ايدي مااكدر احركها
والدم ينزل من راسي على وجهي واذني نسدت
فكري يم رضوان مادريت عنه
رغم انا ارتميت بحضنه بس من شدة الالم ميلت روحي واللتهيت بوجعي وظليت اللوب.. باوعت على مكانه ماكو
شوكت طلعوا ماحسيت .. ..
اسمعهم يگولون ياا شبي ماسيطر على السيارة خاف شارب! !!
شون بشر ذولي يتهمون الواحد بدون وجه حق.
طلعوني ونقلوني للمستشفى
بالمستشفى سألت الممرضات على رضوان
ماكو اجابة محد يجاوبني
خيطولي راسي والالم بكل جسمي
ضربوني ابر ومددت
اريد احد يطمني .. ياربي كون محد متأذي
كون محد ميت يااربي مااريد احد يموت بسببي
اه شكد غبية كون انا اموت ولا احد يمووت ..
فدواتك ربي والله مااتحمل ..
عيوني تغوش
هذا ابوي يمي واكف على يمنتي
حسيت بارتياح
باوعتله عيونه مدمعه نصى عليه
شتحسين بنتي هسه انت زينة .. ؟

يابه رضوان شلونه خو ماصار عليه شي ..

سمعت صوت اشواق تبجي ومنهارة
ولج شسويتيله وهيج فقد السيطرة على السيارة هاا بس گولي اكيد تعاركتي ويا والله اذا صار عليه شي انت المسؤؤلة ..
ابوي ولا كلمة
احس روحي بحلم مو حقيقة امان اخذها من ايدها
يكوللها صدك جذب هسه وكتج .تعاليي.

يبووو وأمان شجابه ولا انتبهت عليه

اخذ امه وطلع .. بعد ماباوعلي بنظرات احسه مصدوم.
حجيت وي ابوي: يعني رضوان عايش ماصارله شي؟
ايوب .. اي عايش بس كتفه متأذي كلش ..
ياربي الله ياخذني .. شون سويت هيج .. !!
اخذني ابوي وسويت اشعة
طلع عندي كسر بأيدي ..
جبسوها الي ..
بلليل كلش اجتني صفا شمرت نفسها عليه منهارة وتبجي.
ولج خوفتيني عليج
وخري صفا جاي تأذيني كلش
بعدت عني تباوعلي بتمعن وعيونها كلها دمووع
هااي شصاير بيج ولج سمية شنو الي صار.

سكتي وخليها ..
جبتلج ملابس واكل ..
مادريتي عن رضوان شلونه
ماادري ماسألت ... تعالي خلي ابدلج
ولج وشون راح انزع من ايدي اموت والله.
اگص ملابسج ..!
لالا هاي السترة احبها ..
لعد شون؟ !ملابسج كلها دم
اووف ياربي ولج اريد انام والله نعسانه بس الوجع مايخليني روحي كليلهن ينطوني اي شي يخليني انام.
خووش ..

راحت صفا وبقيت بس افكر برضوان شلت خطيته ياربي ... ظليت ادعيله مايصير بي شي ..

صفا .. رحت گتلهم هسه يجونج ولج محد بحال احد.
هنا كلمن يگوول ياروحيي.

: ابوي وين ولج صفا ..

: ماادري يمكن يم رضوان ..

: اووف يارضوان كون مابي شي ..

: شبيه رضوان مايعرف يسوق لو الغلط من السايق الثاني ..

: اكلج خو ما احد مااات؟ !!! ..

: ماادري قابل جنت وياكم اناا؟ ؟!! ..

دخل ابوي بايده علاليك ..
گال .. صفا خلي تاكل وتشرب حليب ..

سمية .. يابه يمته اطلع

: باجر ان شاءالله هسه ارتاحي لازم تبقين هنا خاف يصير عندج مضاعفات.

: ورضوان شلونه هسه ..

: زين بس كتفه متأذي كلش نقلوا للخاص ..
يلله انه اروح ردهة نساء مايقبلون ابقى هواي ..

طلع ابوي .. بقينه انا وصفا
مقابيلنه مره وبنتها رجلها مكسورة
تباوعلنا خفنه من نظراتها ..
اجت يمنه ..
گالت انتن اشو وحدجن ماعدجن ام احد جبير يبات وياجن
باوعت لصفا دنگت گتلها لا امي منفصلة عن ابوي
.. اي جا ميخالف خلي تجيلجن ..

سكتنه عنها .. شنحجي وشنو نگوول ..
سألت انتن متزوجات لو لا؟ اريد وحده منجن لابن بنتي يريد يتزووج.

سميه .. لا خاله اختي مخطوبه وانا مااريد.
.. يا وليش ماتردين عشتووو؟
.. جاي ادرس هسه بعد الي هواي يلله اتخرج.
..ماعدجن بعد اخت.
.. اختنا متزوجة ..
المهم سديناهه بوجهه .. بس خطيه كل شوي تجي تكول شنو محتاجين وتبقى يمي بينما صفا تروح تصيح للسستر تنطيني الابرة ..
وبقيت الليل كله اللوب واتألم رضوض بكل جسمي ووجع راسي ..
الدم دبگ عليه ومامرتاحة كلش ..
افكر برضوان شلونه هسه
تأنيب الضمير ماتركني ولا لحظة ..

مناضل .كاعدين بالهول كلنه امي، وفاطمه ورقية كعده عائلية . دك تليفوني

أيوب .. مناضل جيب رقية وتعال المستشفى اختها مسوية حادث خلي تجي تشوفها ..

مناضل .. حمدلله على سلامتها خير خو ماصار الها شي؟
.. ايدها مكسوره واربع خياطات براسها ياريت لوتجيب رقية تشوفها.
.. اي عمي ان شاءالله
سديته منه .. باوعت لرقية ماتدري عن شي.
ام مناضل .. خير يمه خو ماكو شي؟
: يمه اخت رقية مسوية حادث وبالمستشفى.
: ياخطيه ..
فاطمة: خطية رقية شون راح نگللهه ..،؟
مناضل .. وابوها يريدني اوديها لاختها للمستشفى
ام مناضل .. وديهه يمه خاف يصير مايصير يظلون يلومونك ليش ماجبتها ..
مناضل .. اوو شيطلعني بهالليل ..
اشرت لرقية كومي لبسي .. تفاجئت وتاشرلي شكوو؟
كتلها وانا متنرفز واشرلها بيدي يعني كومي وفضيها.

رقية لبست عباية اسلاميه وشال وملامحها متسائلة وقلقة وتفكر بأهلها .. كل شويه تسأله شنو شصاير وين راح نروح بالاشارة بس هو معصب وروحه بخشمه خافت منه وسكتت ..
ظل يباوعلها بنظرات قويه ومخنزر تقرب منها وهي خافت رجعت للخلف سحبها من اكتافها ومد ايده وظل يدخل خصلات شعرها الطالعة من الحجاب ..

من وصلوا للمستشفى زاد قلقلها وقلبها صارت دكاته الف ودموعها صارت على خدودها وتريد تعرف منو من عائلتها متأذي ..؟
هو يمشي سريع وهي تمشي وراه تحاول تلاحق خطواته بخطوات رقيقة متوتره وتبجي .. وبخاطرها الف سؤال وسؤال والخوف متملكها ...
تشوفه يخابر ومحتار زادت حيرتها ويا واكثر ..
تمنت تسمع شنو يگول
وتخاف تلح عليه خاف لايعصب وهي تخاف من العصبية ..
صار گبالها ابوها راحت اله تركض مثل الطفلة البريئة والدموع تطاير من بين رموشها
حضنته .. قبلها على راسها بكل حنية
لزمته من ايده وتباوع لعيونه وتتأمل حمرتهم ومتسائلة ليش عيونه حمر ..
سألته منو هنا بيبي بيها شي
صفا او سمية شبيهم طمني عليهم فدوه مااتحمل بعد. ابوها يعرف حركاتها وگللها على كل الي صار بسمية زاد المها وبجيها ..
راحت وي ابوها لردهة الكسور وبعدها منهاره وتحسب الخطوات بس تريد توصل لأختها ..

سمية .. دخلت علينه رقية تبجي اجت ركض الي شمرت روحها عليه.
: ولج اخخخ مو هيجييي عفيه صفا وخريها يااابه لحد يحضني ولكمم امووت والله.
صفا: بهمس. شنو رايج يجي امان يحضنج؟
: ضحكت اطيب والله. .
: طلعتي طايحة حظ
: طايحة حظ من گاعي لو ماهيج ماحبيته المغرور المتكبر الحقير الخاين الغشاش الغدار الحراميي الللل..،
: حرااميي؟ ؟
: اي حرامي باگ گلبي وطار بي ..
..ههههه راح تنزلين عليه هسه ارحمي روحج.
: خليني اضحك شويه انسى الي صار بهالمغربية الگشرة.. ودگليلها لاختج كافي بجي انه بزونة بسبع ارواح ومايصير بيه شي ..
_________
مناضل .. ايوب اخذ رقية ودخل بيها للمستشفى
بقيت 3 ارباع الساعه انتظر ..
طلعت تليفوني خابرت ايوب .. اساله عن رقية حتى اخذها ونروح ..
ايوب .. خليها انه فد شويه اخذها وياي للبيت والصبح تطلع سمية ..
.. لا عمي انه باجر من الصبح اجيبها لبيتكم.
.. شدعوه عليك خليها فد ليلة تبات عدنا محتكرها كلش.
.. والله ياعمي ماترهم كتلك انه باجر من الصبح اجيبها لبيتكم.
.. يعني بس على نومة الليل هذا هو بعد هي مرتك وانت حر بيها هسه راح اجيبهه.

سمية .. دخل ابوي اشر لرقية كللهه يلله رجلج يريدج .. شسالفه خليهه يابه وانه باجر اطلع تروح ويانه للبيت.
ايوب .. مايقبل رجلهه يريدها.
صفا .. شدعوه عليه من تزوجت لهسه ليلة ماباتت عدنه!
ايوب .. يلله بويه يلله بعد زوجته ويريدها.

______
مناضل ..
اخذت رقية ضايجه ومطنكره ..،اشرتلهه ماتجاوبني .. مبين زعلت لان ماخليتها يم اختها.
وصلنه للبيت نزلت من السيارة بسرعه
وركض صعدت فوك
دخلت وراها ..
شافتني امي وفاطمة ..
هاا شبيها رقية خير ياستار؟
.. ماكو شي يمه بس زعلت لان ماخليتها تبقى يم اختهه.
فاطمة .. اي جان خليتهه ياعيني. خطية هسه يظل بالها عليها.
مناضل .. لا مااريدها تتعود تبات بره البيت ..

ام مناضل .. شو ذيج النسره جان تظل عند اهلهه بالاشهر ماتحاجيهه لو هاي جيف فقيرة وخرسه.

..اي يمه ولان ذيج رخيتلهه الحبل صارت هيج النسوان ماينطن وجه.
تصبحون على خير.
صعدت لغرفة النوم فتحت الباب باوعتلها بشفقة وندم شفتها كاعده على السرير ومامبدلة ملابسها ..
بدلت ملابسي .. ورحت يمها .. حضنتها حييل
دفعتني ودارت نفسها ومددت صفح صار ظهرها عليه. ضحكت حتى زعلها حلو غير اريدج يمي يابعد عمري. مديت ايدي الهه درتها عليه
رفعتها الي ونزعتها العباية
جواه الدشداشة اهووو
وهي تبعدني عنها باستياء وماتقبل اتقرب منها.
گمت شگيت الدشداشة من عليها .. باوعتلي مصدومة وطگت بچييي .. اخذتها لحضني وهي مستسلمة ومخلية نهاية كفها على عيونها وتمسح دموعها
همست باذنها وادري ماتسمع
لو مو تبجين هسه اريدج اريدج ..
نزعتها ماتبقى من الدشداشه .. ومسحت دموعها وقبلتها من شفايفها ومن كل مكان .. ...
________
سمية .. هسه هذا مناضل شدعوه عليه والله قهرتني رقية تريد تبقى سودة عليه.

يوم ثاني الصبح كعدت .. اخذتني صفا للحمام
وامنه اغراضنا يم المره.
الالم فضيع
غسلت گوه .. ورجعت .. اجه ابوي عليه.
يلله بويه خلصتن ماعدكم شي بعد ..

بتلكؤ گتله خلي اروح اشوف رضوان قبل لانطلع.

: يلله امشي مدام عمتج اشواق راحت للبيت توها وهسه اكيد ترجع بسرعة .. لا تشوفج وتظلن وحده ترمي على الثانية بلسانها.

ضحكنا انا وصفا ورحنه وراه .. للخاص شلون عناية وغرفة لوحده ..
يلله بس دموع ابوي وخوفه عليه عندي تسوه الدنيا كلها ..
دخلنا عليه .. بس شافني ضحك من كل گلبه
وجهه بي زراگ من اثر الحادث .. وراسه مشدود ..،
وايده مجبسينها ..
ضحكت بخجل تقربت منه وكفت يمه ..
بتلكؤ،كتله حمدالله على السلامة ودنگت ..
رضوان .. الله يسلمج حمدلله على سلامتج انتي.
اللتفت على ايوب .. والله ياخالو ماادري شلون فقدت السيطرة على السيارة دخت كلش وصار الي صار.

ايوب .. بعد هي لو متعوقه او صاير بيها شي انت تاخذهه وتبتلي بيها ..

سميه .. رضوان .. ضحك .رفع راسه عليه. ويباوعلي ظل يهمس بصوت ناصي .. هسه يحقلي اخذج فصلية موو ؟؟ويضحك .. من كل گلبه
بگلبي گتله انجب ياخذني فصلية هو ..
ضحكت بخجل ودنگت .. طلعنه من يمه ..
ابوي يمشي گدامنا ..
صفا .. شنو گلج بصوت ناصي؟
سمية .. عيب سوالف مال كبار ..،
صفا. .. يعني انه جاهله خوش لاتحجين اريد اشوف منو راح يداريج بالبيت ..
سمية: غصبا عليج ..
وصلنه لسيارة ابوي كعدنا وره .. انطاني جنطتي جانت بالسيارة ..
وصلنه للبيت سبحتني صفا بالشافعات لان كلش متأذاية ..
بعد ماسبحت مشطتلي صفا ..
ونمت بفراشي ..
اخذت تليفوني .. فتحت نت ..
طبيت على المحادثة الي بيني وبين امان ..
بدون احساس ومشاعر ..
حذفتها كلها مابقيت رسالة تعتب ..
وبالاخير .. سويت اله حضر .. احس دست على روحي ..وقلبي .. احس انهزمت شر هزيمة
احس تخليت عن شي من روحي شي احبه ومتعلقة بي ..
بس بالاخير حمدت الله كدرت اسويها
يمكن لو صاير بيننا شي اكبر مثلا معترفلي بحبه او مواعدني بخطوبة جان ماكدرت اتركه ..
لان فعلا نسيت نفسي ويا ..
نمت شويه .. وبعدها جتي عمه زينب وجناينها
وعمه امتثال .. يطمئنون على صحتي ..
وراهم اجت رقية وعمتها وحماتها ..
مابقى شي ماجلفته رقية ..
وللعصر راحوا وهم ماقبل رجلها تبات يمنه وراحت ودمعتها على خدها .. مثل كل مره تريد تبات وهو مايقبل ..

بعد ماراحو .نمت احس بتعب للمغرب كعدت . لزمت تليفوني ..
رضوان مراسلني
دازلي شلونج ..
رديت عليه لان فعلا لازم نحجي بخصوص كل الي صار ..
كتبت .. زينه وانت ..
رد .. ماتوقعتج هيج عصبية سمية ..
رديت : وانا ماتوقعتك هالكد خبيث.
.. ليش تسمينها خباثة والله جاي اخليج تگطعين الامل حتى لاتتعذبين.
: أمليش هذا .. وديتني حتى اسمع اهانات امك وانت تباوع وساكت.
.. شنو تريديني اسوي مثلا اضربها لو اتجاوز عليها.
وكدامج ..
: لا ماگلت هيج ولاااريد هيج اصلا بس تخليها عد حدها تواجهه ليش تخليها تأذيني بكلامها وكدام عمك وابوك ..
.. مااگدر اواجهه كدام احد بيني وبينها اي نحجي.
: لعد ليش امان يكدر يواجهه ويحاجيهه كدامي.
. ..هاااا لهيج تحبي مووووو؟
.. شمدريك بلله وشون عرفت تره انت متوهم مابينا شي؟
: لعد ووكفاتج يمه بالكلية وسوالفكم نظراتكم والابتسامات توترج من تشوفي او تسمعين اسمه.

: هذا منو المجذب عليك وكايلك نوكف بالساعات نسولف اكيد امير الحقير ادري بي ينقل حجي ويزيد عليهم ملح وبهارات ..
على العموم ماله داعي تغطي على فعلتي والي سويته انه مستعدة اتحمل ذنبي والحجي همين اصلا
امك حست انا السبب واجت رزلتني ..

.. سمية احنا اذا قبلتي وتزوجنا ماراح اخليج تعيشين وي امي ..

: عجيب امرك رضوان من جهه تكلي ادري بيج تحبين امان ومن جهه تريدني وتعرف مشاعري مو الك كلي شنو انت؟ ليش تخليني اكولك كلام يجرحك ليش.

: لا مااله داعي تحجين اي كلام بعد
سبق وان كتلج جاي اداوي روحي من حبج وتصبحين على خير.

خفةً وراحة ..
دخلت صفا بيدها كوب حليب
يكول ابوي شربي
اووو اندبلت من كد ماشربت حليب ..

صفا .. اكلج سمية باجر الصبح امي تريد تجي تشوفج. حجيت بصوت ناصي.

سميه .. هلا بيها
: اي مدام بيبيتي مهي هنا وكالت من يطلع ابوي اخابرها تجي ..
: خوش.

يوم ثاني انتظرنا يطلع ابوي واجت امي ..
جابت النا هدايا وخلت بيدنا فلوس،
وراحت بسرعة طلعت صفا ودعتها للباب واجت.

ولج هذا الي جايه ويا امي يخبل صاك ومعدل وسيارته فخمه حييل كعدت وياه كدام.

.. يا منين هو هذا؟

.. شمدريني خاف تزوجت ولج واحنا ماندري

.. شو ماكالت مو دوم نحاجيهه

.. اله تگول ..

ماادري قلقتيني .. ماتكعد راحه مو بناتها صارن بطولها ونوب شون جايه اللبس مو مال عمرها والمكياج ياالله يمته اتوب هاااي. ..

اكلج سمية مريم اخت فراس خابرت وكالت هالاسبوع يجون نتفق على المهر وهاي السوالف وبيبيتي ماكو احنا نستحي شلون؟

ندز على عمه زينب لعد شنسوي منو يتفق وياهم.

ماكو غيرها بعد..

وفعلا بعد ايام اجو وكعدت وياهم عمه زينب واتفقوا على الغايب والحاضر وحددوا حفلة المهر بعد 10 ايام.

داومت ..
بعدها ايدي كلش جاي اعاني منها ومتقيدة باللبس.
كاعدين انا وصديقاتي .. باوعت شفت امان گبالي بلعت ريق حسيت بداخلي كل شي ضعف وجبال من القوة انهارت ..
شفته رفع ايده يسلم عليه ..
سويت نفسي مامهتمه اله ..
انصاف .. ولج هذا رفع ايده سلم عليج ليش مارديتي. سمية .. مالي مزاج ارد .. وبعدين مو عيب ارفع ايدي واسلم عليه كدام الول.
ايثار .. ليش ولج خطية.
سمية .. هسه حس نفسه مكالمة لم يرد عليها هههه.
اشو هذا جاي باتجاهنا .. صخام هذا شيريد.

اجه يمنه وكال سلام عليكم ..
البنات ردوا عليه وانا شبگت الملازم االي بايدي.
ومدنگه ..
امان .. سمية تعاي عندي حجي وياج اذا ممكن على انفراد.
ظليت افر بعيوني منا ومنا ..
البنات انسحبوا من يمي بسرعة
وانا ولا كلمة ..
احسه قريب عليه
والملازم الي بيدي من گد الضغط اذوو ايدي المصابة.
گال شونج ماصرتي احسن.
بدون مااباوعله وبتكبر گلت بخير حمدلله ..
: اگدر اعرف ليش حاضرتني؟
: عجبني احضر صفحتي وبكيفي ..عندك اعتراض
:لا ماعندي طبعا بس هذا يسموو قلة ذوق مااعتقد زعجتج بشي حتى تحضريني مو صح؟

رفعت راسي باوعتله بعيونه وبقوة ميلت راسي
هسه شتريد؟
حسيت بي عصب .. وشنو اريد منج مثلا؟ ؟
درت وجهي عافني ويريد يروح
بگلبي گلت لاعفية ابقى بعد يعز عليه افارگگ والله.
مشيت خطوات وصلت إله ..
گتله اي نسيت اگلك مبروك على الخطوبة على الاقل جان عزمتنه؟
امان .. هه خطوبة؟ ؟ وانت زعلانة لان ماعزمتج؟
.. يعني انت خاطب؟
.. ياجذاب گلج؟
... هسه الصدگ وين الجذب وين؟
.. ماخاطب ولا مفكر اخطب تره ..،
.. ليش؟
.. الي فكرت اخطبها طلعت مو من نصيبي.
باوعتله بقهر تمنيت الي جاي يحجي عنها هيه انا!
.. لعد وبنت عمك الحلوة الي اسمها فرح.
.. ههه شبيها
.. مو خطيبتك؟
.. لا طبعا.وماكو هيج شي ابد.
.. اهاا
.. وانت شوكت تحنين على رضوان بلله؟
.. تره ماكو ماكو هيج شي ابد رضوان يشاقة وي بيبيتي او اباله غاية ..
.. بس سمعت من اخواتي سبق وان متقدم الج وانت جنت موافقة عليه واول ماصحيتي وبالمستشفى سألتي عنه؟
.. باوعتله مقهورة وانا ناويه انزل جبال الهم الي على اكتافي گتله سألت عنه لان الحادث انا افتعلته ووافقت على الخطوبة لان شردت من البيت بالظهرية وشردت خواتي وياي وبعد شنوو تريد تعرف عن ماضيي سمية الاسود؟
جاوبني مصدووم شنوووو
وكانه مايعرف كل هذاا ..
يتبع ..
اي اخطاء غلسوا بدون مراجعة 😐💋