رواية لمْ تكُنْ خطيئَتُنا الفصل الثاني والعشرون 22 - بقلم نورا ناصر

لم_تكن_خطيئتنا
بارت 20
نورا ناصر.

مناضل..هاي الخرسة الي مو بعينج سوتلي الي ماتكدرين انت الصاحية تسوينه ..

.. هه وشسوت بلله ..

.. عندج نت تفتحين كاميرا هسه ..

.. اي عندي! !!

مناضل .. فتحت كاميرا الخلفية شوفتها الغرفه
كتلها اكو فد يوم اجيت والغرفة هيج مرتبة ونضيفة
فتحت الكاميرا الاماميه رقية بعدها نايمه على صدري
غطيتها لان كتفها طالع وخليت الكاميرا عليها
گتلها صارلج اشگد مانايمه هيج على صدري مثلها.

الاء.بصدمه وصوت عالي . هااي وين مناضل هااا؟ هااي فوگ وبيتي.

..سديت الكاميرا  وحاجيتها اتصال
هسه صار بيتج؟  موتركتي وردتي يم اهلج
اي ليش يبقى مهجور وياكله التراب
جبت بي شون وحدة صاكه ونضيفة وبعدها عنونه بدقيقة وحده سوت المكان يلمع.

.. يعني جايبها خدامة هو هذا الي تريده ..

.. وعليمن خدامة زوجتي على سنة الله ورسوله وراح اطلعلها جواز واخذها لتركيا افرها اونسها واعرضها على طبيب يشخص حالتها ويمكن تطيب وتصير احسن منج بعد لو اكلج وليش تطيب مااريدها تسمع خليها هيج انه رايدها هيج شحصلت منج وانت تسمعين وتحجين بس الهم والقهر .

.. ليش هيج مناضل  هانت عليك العشرة والحب.

.. ليش ماگلتي لنفسج هذا الكلام من اخوانج طردوني لان متعنيلج حتى ارجعج معززة مكرمة
ليش ماحاجيتي نفسج من وديتج زيارة لأهلج وتكليلي ماارجع وياك تخليلي بيت يم اهلي
لو من حرمتيني من اطفالي اشهر لايوم ولايومين 6 اشهر وانه اتمنى اسمع صوتهم على الاقل.

.. من حقي مااتحمل امك اني ..

.. مو سويتلج مكان فوگ ورتبته احسن ترتيب وطلعتلج درج خارجي بس انت اله تنزلين يمها وتتكافشين وياها ليش ماغزر كل هذا بعينج دللتج دلال ماصاير ولامرة اذيتج او ضربتج او غلطت عليج رغم تدرين بيه انه عصبي بس وياج انسى اعصابي  ..

..بالنسبة لامك اني ماانزل لسواد عيونها غير جهالي يجون يمها واروح اخذهم.

.. هم وين نازلين غير يم بيبيتهم قابل هيه غريبه وماتخلينهم يرحون يمها.  

.. المهم دز لجهالك فلوس تره مصاريف هواي سرى مدرسة وعبودي روضة ..

.. ماادز الهم شيجيبني يمكم وبعدني عريس مااگدر اترك زوجتي.

.. يعني شنووو.؟؟

.. يعني انت حيري بيهم صار عندي كلش عادي خلي اخوانج الي وكفولي بالباب وكلولي ارجع منين مااجيت هم يصرفون عليهم.

.. مناضل طلگني.

.. مااطللللگ خوش باي.

سديته بوجهه گلت اذا مااخليج ترجعيلي خاضعه وندمانه ياالاء مااطلع انه مناضل.
اخذت رقية لأحضاني بقوة وجريتها نومه للمغرب وانا احس براحة موطبيعية ويا هالانسانة ..

سمية....
للمغرب بقيت جوه البطانية اسمع صفا تكلمني بس ماارد عليها واسوي نفسي غافية ..

بعدت الغطاء عني شفتها كاعده على السرير تقرا
باوعتلي ..
صفا .. شبيج سمية كولي اليوم كله انت مو طبيعية!

سمية .. نزلت من السرير نزلت دشداشتي على رجليه واباوعلها.

: شبيج مخنزرة ..

: ماعليج بس گليلي شصار ابوي گال الهم على فراس؟

: بقهر " اي " ...

: وإسلام شنو گاال؟

: حجيتلها كل شي ..،

: الله كريـــــم .. أكوم اتوضى وأصلي. 

: تعااي ماراح تحجين؟

: الصلاة ابده

: سممييييوووو شبيييج حرام تضمين عليه.

: ماعندي شي احجيي خووش.
تجاهلت صيحاتها طلعت من يمها شفت بيبيتي متمددة بالهول ومخليه ايدها على راسها كانها تعبانة
كرفصت يمها خليت ايدي على ايدها
: بيبي شبيج؟
وخرت ايدها باوعتلي عيونها مدمعة ..
سودة عليه هاليتيم طلع مقهور منانه.
.. بيبي ماتريده هي گوه.
كامت بعصبية وتنتر ماتريده وسوالفها وياا
كومي وديني يمهم كومي لااطيح بالباب.
كومتها من ايدها تمشي وتدردم مالي خلك حتى احجي احس لساني مربوط.
وصلتها لباب بيت عمي وهي دخلت ..
رجعت توضيت وصليت ..

محد منا تعشه تعبانين وابوي اجه متأخر ومتعشي بره
بيبيتي بقت يم بيت عمي ..
صفا جاي تكوي ملابسها
اخذت تليفوني على امل اشوف رسالة من امان على الاقل يعاتبني بيها بس مالگيت
فكرت انه شگد غبية ليش يعاتبني بلله شنو بيني وبينه حتى يعتب عليه ..
صدك غبية شون وكعت هالوكعه وبالممنوع .
رضوان يگول عني جريئه
لا انا مو جريئه انما غبيه ..
ليش غبية وليش مايحقلي احب الي اختاره گلبي الي حسيته نصفي الثاني ويشبهني لييش ياربي.

صفا .. جاي اگلللج وين ملابسج الي راح تروحين بيها باجر حتى اكويهم؟ صاير تسرحين هواي.

غمضت عيوني تنهدت .. كتلها طلعيلي اي شي من الكنتور وانه رايحه انضف المطبخ.

: تره نضفته بس انت تردين تشردين وماتحجين.

سكتت عنها ..
كعدت يمي
سميه جاي احس ماعندي مشاعر اتجاه إسلام مااعرف حسيت براحة هسه بس الشفقه موجودة خطيه عطفت عليه.

: هاي معناها عمرج ماحبيتي كنتي مراهقة ومحتاجة حنان وعطف وفرغتيهن باسلام المسكين وتالي ضربتي بوري وتره هذا ماراح يمر بدون عقاب لان انت اذنبتي بحقه.

: هه مثلج انت مووو؟ شبيج ندمانه على رضوان لان اذيتي برفض لو شنو.

: مااذيت رضوان ولاظلمته من اول كايلتله 

مااريدك مااعندي مشاعر اتجاهك بس انه ظلمت نفسي واذنبت بحقها على حب من طرف واحد وممنوع فرضته على قلبي مس وجداني وروحي وألهب احساسي بس للاسف مامكتوبله يكمل.

: صدمتيني سمية تحبين امان؟ ؟ صدك تحجين مالگيتي غيره ؟

: مالگييت للاسف ..واحس اكتفيت بي بس هو. 

: زين شنو صار هسه يعني هو مايدري رضوان متقدم الج من قبل.

: لا مايدري.

:من هيج زعل موو؟  زين راسلي شوفي 

: لا مااراسله مااكدر

: بس هيج تخسرينه.

: اريد انام تعبت.

: مو المغرب گعدتي.

اشرت الها براسي بعد مابيه احجي.
اخذت تليفوني وماكو منه مسج.
ظليت اكل بروحي واتسائل ياتره شنو من نضرة اخذها عليه هسه
شبهني بحبيبته الخانته وي رضوان وقارني وياها؟
عباله انا احجي وياهم اثنينهم واملهم بيه
لو امي وسمعتها السيئه.
منين مااتلگاهه مسدودة شون موقف خليت نفسي بي.
وارجع واگول احنا ماكان بيننا شي كل كلامنا خالي من الحب والغزل ليش انا مقهورة.
مو بيدي انقهر حبيته كلش وهانت عليه نفسي.

صفا .. سميه باجر اكول المريم احنا موافقين.

سميه .. بنتر .. لا انجبي لاتحجين انت خلي هم يحجون يلله هسه شيگولون مامصدگه ومستعجلة.
ولو هو مو جذب بس اصبري هي تحجي وياج يلله.
شوية اخذي ثگل ..

: هههه خوش بس هيه هواي خابرت وسألتني وگتلها بعدنه يعني عادي اذا اكوللهه اليوم.

: لا مو عادي عوفيهه هي تحجي.

يوم الاحد داومت وعيوني منا ومنا تدوره
تمنيت اشوفه وماشفته ..
صديقاتي يكلولي متغيرة
اتمنى اشكي بس مااحب اشوف الشفقة بعيون احد تجاهي ..

كتلهم حابه ابقى وحدي .. وفعلا شفت الي مكان وگعدت بي .. سمعت صوت أمير وراي تمنيت اللتفت واشوف امان ويا ..
اللتفتت بحماس بس ماشفته ويا للاسف.
تنهدت بضيق گتله هاا شتريد؟
اجه يمي.
امير .. اريد منج فد شغلة ..

: وشگلولك عني يابه مخلفتك وناسيتك لو شنو بلله؟

: اسمعي لا اطفي عينج بسويج السيارة هسه.

: انت جرب والله لطفيلك عيونك الاثنين واكسر ايدك همينه.
:  اووو ولج جاي اريد منج شغلة شيفكني من لسانج.

: گول وخلصنيي. . 

: اريدج تنسقيلي ويا صاحبتج ذيج ام عيون كبار.

: منو تقصد انصاف ..؟

: ليش هي جم نص ؟

: لا والله تره ماتضحك .. المهم انت شتريد تريد تخطبها؟
حك لحيته وصفن شويه گال
: اكلج هم اهلها طاگيين لو فگوور ..

انتفضت من مكاني گتله انت حرامات الله صارف عليك طين ساعة السودة الي صرت بيها ابن عمي.

عفته واسمعه يگوول ثوول حتى ثوول ..
 
توجهت رأسا لانصاف سحبتها على جنب
همست الها .. انصاف ديري بالج من امير ابن عمي

ضحكت .. ليش شكوو؟

: انه جاي احذرج منه لان نيته سوء  وخلص ..

: اشوفه دائما يباوعلي ويتبعني وين مااروح ..
ضربتها على الخفيف ولج خاف مخليه عينج عليه وتردينه ماتردين وحدة تتقرب لابن عمج.

: عاد من حوره ابن عمي والله ماالي خلگ جان عرفت شحچي هسا!»

: ههههه امشي نرجع يم البنات احسن هسه ايثار تكول عدنا شي ومانكوللها

: تضحك الفطيرة جنج راضية بي تره انه ماعليه بعد كتلج نيته سوء وقد اعذر من انذر.

: دمشي امشي ..

صفا ..
داومت ومثل ماتوقعت بس نزلنا بالكلية مريم سألتني هاا شنو گالوا اهلج؟

: حبيبتي اهلي موافقين.

: ها يعني نجيكم نتفق على المهر وهاي السوالف مثلما ماتعرفين؟

: اي تعالو هلا بيكم ..

: زين شوكت نجي؟

: براحتج يمتى مايصير ..

: اوكي اكول لاهلي واخابرج اذا ردنه نجي ..

: ان شاءالله.  ..

اسلام ..
بقيت انتظر منها مسج يصلح كل الي نكسر بيننا ونسيت الي انكسر مايصلح ..
بس ماكو مبينه مصرة ..

كنت گاعد بالغرفة كئيب وحزين ..
رن تليفوني وي كل رنه قلبي يفز عبالي هي
اخذته شفته امير ابن عمي
حجينه كال تدري منو الي خطب صفا

اي اعرفه غير فراس ..

وهذا فراس يوصلهم للكلية يعني معقولة ماعدهه شي ويا ولك هم زين مو من نصيبك هاي الله ربك ويحبك.

شنو هالحجي هذا امير انت شايف بعينك حتى تتهمها عندك دليل؟.

تعرفني بيهن هذن امهن منووو المهم هذا ابوي يريد يحجي وياك ..

بعد كلامه شطت اكثر مما انا محترگ ومتأذي
كلمت عمي گلي اريد اخطب الك هجران بنت عمتي اشواق ..
گتله افكر بالموضوع وسديته
ماابالي شي معقولة خانتني ويا؟ ؟
الليل كله بقيت سهران افكر والصداع دمرني
لازم احجي وياها.
فكرت اكعد الصبح على وكت انتظرها من تطلع للدوام احاجيها اعرف مايفيد بعد بس البيه مايخليني. !

گعدت الصبح متأخر مالحگت اكيد هسه راحت
حتى للدوام ماكدرت اروح ..
خليتها من ترجع اطلع الها رجعت نمت. 
ومن كعدت انتظرت موعد رجعتها
بقيت بالحديقة انتظر .. وكل شوية اطل خاف اجت.

الا ان سمعت صوت سيارة طلعت شفتها نزلت
يم الباب ..
بس شافتني وگفت
تأملت جمالها .. گتلها هو هذا الي خنتيني ويا ..

صفا .. ابد مايهمني النضرة الي اخذتها عني هسه لو قبل كلها واحد ولامحتاجه ابررلك .. بس انه ماعندي شي ويا تريد اسأل عني مجرد خطبني ووافقت حتى اخلص منك ومن كلامك وضربك من حقي اريد احترام.

.. فدوه الج گلبي الي انكسر والايام الي انتظرتج بيها انا خسرتج صحيح بسبب عصبيتي جان المفروض احتويج ماجاي اكلج هذا الكلام حتى ترجعيلي الله يسعدج مامقسومين لبعض.

.. خليها ابالك مو كل وحدة امها موزينه يعني هي مثلها ولا كل وحده تلبس وتمكيج يعني عاهرة
ودخلت ..

سمية .. بقت بيبيتي اسبوع تعبانة
ياضغط ياسكر ..
رجعت من الدوام .. صاح عليه ابوي،بدلي حتى ترحين ويا بيبيتج اوديكم للمجمع الطبي.
گتله خوش ..
بدلت ملابس الكلية لبست ستره سوده قصيرة وبيها لمعه من كدام
بدي رصاصي غامق، تنورة بينصل رصاصية.

لبست بيبيتي فوطتها جواريبها وعبايتها
واخذتها  لسيارة ابوي
  گوه تمشي تعبانة.

خليتها وره مددتها وكعدت يم ابوي گدام.
وصلنه للمجمع انطاني فلوس گال هنا رضوان ينتظركم انه راح اروح عندي شغلة.
قلبي گرصني ماارتاحيت كلش.
بس شسوي نزلت غصب عني
نزلت بيبيتي ودخلتها للمجمع الطبي  كعدتها على الكرسي بصالة الانتظار ..
ورحت اگص باص ..
باب المجمع كله من الجام
باوعت شفت رضوان ووياه بنيه ضهرها جان عليه
وهو مقابيلي .. يسولف ويضحك وياها ماادري شون صفنت عليهم وهو انتبه عليه عاف نظراته من عليها وركز عليه ضحكلي ..  درت وجهي بسرعة  وانتظرت دوري.
قطعت وصل ورحت گعدت يم بيبي ..
لزمت ايدي.
اجه رضوان سلم ودنگ باس بيبي من راسها واجه گعد يمي.
تنهدت بضيق قرب وجهه مني.
يهمس قريب اذنبي.

سبيج جنتي صافنة علينه غرتي منها
ووبعد ووجهه مني.

درت وجهي  عليه ضحكت ضحكة استفزازية
هههه مو اگلك مو صاحي وعليمن اغار بلله؟

تعرفيها منو؟

درت وجهي منه گتله ومنين اعرفها انه زين من اعرفك ..

هذه بنت الدكتور مالك هذا المجمع وان ساءالله من اتخرج راح استغل هنا.

اي ان شاءالله من تتخرج عود.

مابقى سي بس كم سهر وهاي صيدلانية هم راح تستغل هنا.

اوكي ..

قسما بالله غرتي منها ...

هزيت بايدي باستهزاء ..
رجع قرب عليه وجهه ويهمس
: انا اعرف سون ومنين انت تغارين ويحترق قلبج.

باوعتله بغضب رفعت حاجبي شتقصد بلله؟

غمز وحرك وجهه وهو مبتسم گال بعد سويه تعرفين.
وگام من يمنه ..
تنهدت بضيق .. صاير كلش استفزازي وماينحمل مكررووووه.
اجه مره ثانية ونظراته تخترقني گال يلله اجت الدكتورة گومي خلي تشوف بيبيتي ..

شخصتها الدكتورة ..
ضغطها صاعد وسوت تخطيط قلب
عدها تسارع بضربات القلب
هواي انقهرت على اسلام اكيد أثر عليها وطلع بصحتها..

طلعنا من يم الدكتورة .. رضوان اخذ وصفة العلاج مني.
گال جيبيها انا اجيب الدوه
وصعدنا بسيارته .بيبيتي مددتها وره  وغطيتها بعبايتها. وهو رجع دخل للمجمع .. وانا گعدت گدام
وبعدها اجه .. وساق سيارته
بس شفته رايح بغير طريق

باوعتله سألته .. وين مودينه هذا مو طريق بيتنا

.. اريد اجيب الدوا لبيبي ..

.. ومنين راح تجيبه؟ !

.. منين يعني من الصيدلية ..

.. الطريق متروس صيدليات بس انت صيدليتك هالگد بعيده.

باوعلي وضحك .. عرفت مدبرلي لعبة
وصلنه لمنطقه راقية بيوت حلوة ..
وگفنه يم بيت عالي وحلو من بره كلش دخل سيارته جوه
گال نزلي ونزلي بيبيتي.

- هاي وين احنه رضوان؟ ؟
مارد عليه ونزل ..
نزلت ورحت وراه تعال ماتفهمني شسالفة ..
وين جايبنه يباوعلي ويضحك
عساك لاضحكت
باوعت حديقة
مرجوحة متحركة وكراسي
صار گبالي أمان! !!
احس انهاريت وكل قوة ماظلت عندي
أشواق بناتها ،زوجها وخطار عندهم ..

تراجعت خطوات .. ورحت نزلت بيبيتي من المقعد الوره ..
اجت اشواق واخذتها
بس گلت سلام عليكم ..
بعد مارفعت راسي بوجه اي احد كلش انحرجت ..
اول مرة اجي عدهم مازايرتهم من قبل ابد ..
ولا شايفة بيتهم ..

گعدت بينهم مثل الغريبة .. ورضوان بصفي
ظل يحجي وياي بصوت ناصي ..
گال هذول بيت الخطار بيت عمي
ابو فرح خطيبة أمان ..
رفعت راسي بقهر
باوعت لرضوان ابتسم ..
درت وجهي عليهم ..
جاي يشوون مشاوي بالحديقة. ..
وهاي الي اسمها فرح .. تتشاقة وتضحك ويا أمان وهو هم
اخخ غرورك بس يمي تبيع عليه ثگل لان مو من مقامك وهاي من مستواك وانا لا
الله ياخذ قلبي الي حبك وين جان عقلي ليش استسلم بسرعة ..
گللهه شي ظلت تضحك ولزمت ايده من عكسه
متت احترگت ليش هيه الها حق تلزمه وانا لا! ؟
ليش؟ ؟
تمنيت اختفي واروح اكسر ايدها .. حتى بعد لاتتقربله.
ياريت مانخليت بهذا الموقف
ياريت دزيت صفا بمكاني .. ولاطلعت من البيت.

حجيت بصوت ناصي .. يلله رضوان ودينه للبيت.

: لا بعد وكت تعشوا واوديكم.

اشواق .. لا وين امي ماتروح انه باجر اوديها دكتور اختصاص هذا ابوج بطران دازهه للمجمع ..

موتتني قهر وماگدرت ارد عليها
كدام ابو امان واخو ومرته .. مو حلوه بحقي رغم الاهانة ..
كالت .. دخلوا امي جوه خلي ترتاح ..
اخذتها من ايدها .. ورضوان من الايد الثانيه ودخلناها جوه بالصالة كبيرة والقنفات ملكية والستائر المنسدله من السقف غاية بالفخامه ..
حسيت نفسي ضايعة .. البيت كلش كبير

كعدناها على القنفة باوعت لرضوان بعصبية
انت شنو من بشر ماتگلييي عجبك هيج انهانيت گدام الكل ..
دخلت اشواق .. شبيج تجوعرين نصي صوتج عدنا خطار ..
ماتحملت وجاوبتها .. ماجاي اصيح جابني هنا بدون مايگلي وبدون رضاتي .. وعيب عليج هيج تحجين على اخوج كدام خطارج وتكولين علي بطران تره كلمن يمد ايده على گد غطاه .. صارلها اسبوع بيبيتي مريضة منو سأل عليها؟

.. ليش عيني بدون رضاتج تجين هنا اي حقج مامتعودة على هيج بيوت متعودة على شقق الايجار لو البيوت العتيگه والمهدمة. 

جاوبتها .. والله البيت العتيگ الي انا عايشه بي هسه انت قبل هم جنتي عايشة بي ..
سمعت صوت امان وراي يگول شكووو شجاي يصير هنا؟ !
باوعتله بقهر بصفه واگفه فرح بنت عمه قصيرة وجسمها شوي مليان لابسه جينز وقميص احمر وبي اسود مخطط
وشال على راسها ونص شعرها طالع.
.. لحظات انحطت عيوني بعيونه غصب وبعد نظراته عني.
حسيت بضعف تملك كل شبر بيه لاول مره احسن نفسي هيج عديمة النفع ..
نزلت روحي على بيبيتي گتلها بيبي انه رايحه
فتحت باب وطلعت .. صارت مقابيلي بيبان اثنين
لاادري صاله لاادري ممر او كليدور
تهت منين اطلع ..
سمعت صوت رضوان ..
تعااي شدعوه هيج عصبية ..
مانطقت بو لا كلمة
حسيت ماعندي لسان احجي ..

فتح الباب وطلعت وراه
من الحديقة وصلت لسيارته ..
احس مخنوگه وهذا الهوا كله مايكفيني
اريد اصعد وره وبنص خنگتي حسيت امان يباوعلي
غيرت وجهتي وفتحت باب الگدام ..
مااعرف شنو اريد اثبتله او اريد احرگ گلبه مثل ما حرگ گلبي.
گعدت بصف رضوان .. وحرك السيارة وطلعنه ..
ليل وازدحامات
رضوان .. ماتردين سي تاكلينه
سكتت
رضوان .. هاي خطيبة امان سفتيها مره حجيتلج عنها

باوعتله .. اعتقد انت گتلي  مايريدها مو هيج؟

.. هه لا مدام فسل بعلاقته وياج اكيد راح يتزوجها ماكدامه اي خيار اخر.

.. ماصار بيناتنه علاقه لاتظل تخربط بكيفك.

ظل يضحك واستمر يستفزني وانا نار ومشعولة بيه كل شوية يمر على اسماعي صوت اشواق وهي تهيني لو صورة امان ويا بنت عمه ..
ورضوان واستفزازه ..
ماسيطرت على اعصابي ..
مديت ايديه على الستيرن ودرته قوي
بلحظة وحده السياره عبرت على السايد الثاني
صوت ارتطام قووي صمم اذني اضويه قويه صارت بعيوني عمتهه جسمي ظل يختض اصوات هورنات السياررات خرعتنيي رطوبه على وجهي ريحة الدم بكل مكان ..

للحكاية بقية ..