رواية لمْ تكُنْ خطيئَتُنا الفصل الثامن والثلاثون 38 - بقلم نورا ناصر

#لم_تكن_خطيئتنا
بارت 35
نورا ناصر

اسلام .. طلع عمي سليمان من يمنه وماحصل الي يريده مني .. صعبة اتزوج صفا
مو راهمة كلش بعد كل شي صار
مااريد انجرح مرة ثانية لان ادري ماراح تتقبلني
بعد ماشفتها شون ملتزمة
يعني ماتكدر تخون زوجها حتى بعدتها
عكس توقعي وشكوكي الي جانت محاوطتني عليها.

وهذا عمي يخوط بصف الستكان ..
وبكيفه يحجي مخلي عينه على مأوى هالايتام
ويريد يزوجهن غصب لا وبعدها اربعينية اخو ماطالعة وفوكاها البنية بعدها بالعدة وجاي يخطب الها
صدگ ان لم تستحي فاصنع ماشئت!

اخذت الستكاين وديتهن للمطبخ .. انطيتهن لامي
..
هاا يمه عمك راح
اي راح
شنو يريد؟

جريت كرسي وكعدت عليه
تحسرت .. بطران يريد اتزوج صفا

مرة ثانيه وهم صفا من يوم الي اترملت وانه خايفه منها
يايمه جاي اكلك خل اخطب الك خاف صدك عمك يلزگها بيك.

يمه شون اخطب وعمي توه ميت ..

مابيهه شي نگللهم احنه خاطبين فلانه وناطين لاهلهه حجاية وفشلة منهم نكسر حجايتنه وهو عمك من كيفه يسكت.

اسلام .. كمت على حيلي .. گتلها عوفيها هاي السالفة ماتفيدج لازواج ولاخطوبة ولاهم يحزنون خليني عايش هيج احسلي .. شوفيني شحلاتني عزوبي واخبل.

يا يمه انه تعبت ابحدي اريد وحدة وياي تعيني على البيت وهم اريد اطلع اروح عمرة حج.

اي روحي منو كاضج؟ انه مو جاهل حتى ماتگدرين تعوفيني وحدي.

اسلام يمه ياخوفي يلزگون صفيه بيك وهذا عمك ماينگدر عليه مو تضعف وتوافق تره مااريدها هنا
مو تگوول.

اطمئني عمي مايكدر يسوي شي ..

لا والله كل شي يسوي بس انت ماتعرفه زين
الهسه اتذكر زينب من تسولفلي شلون جبر مؤيد حتى يتزوج امل وماخلاه ياخذ الي يحبها.

ذاك ابنه وانه ابن اخو وهو مااله اي سلطة عليه وانا مااسوي شي مو بارادتي انت بس شيلي هالافكار من راسج ونامي رغد وتصبحين على خير.

وانت بخير يمه ..

صعدت فوگ .. ولغرفتي گبل
نزعت التيشيرت
وتمددت .. عيوني بالفراغ
انقلبت عليه المواجع الليلة ..
ظليت افتش عن بقايا حبها بيه
والگاه موجود بس اكو شي اسمه عزة النفس،الكرامة والكبرياء ..
هذا عندي اقوه مبرر
لان احس قلبي جاي يعاتبني ..

سحبت التليفون وطلعت ذكرياتي الي ماگدرت اتخلص منها ..
طلعت صورها
وحدة منهن جنه كاعدين بالحديقة
مخلية ايدها على كتفي ومبتسمة بقوة
لابسة شال زيتوني ومطلعه كم خصلة من شعرها الاسود.
وين جنه ووين صرنا
3سنوات حب ومشاكل
لاكدرت اتقبلها  ولاتتقبلني ..  .. ..

&&&*&&&

سليمان .. أمير حضر نفسك تعدي كم شهر لوفاة عمك الله يرحمه حتى ازوجك سمية ..

زينب .. يااااا

أمير .. يابه سمية بيش الكيلو مااريدها هالسعلوة
وانه مو خطبت وحدة وياي بالكلية.وجاي انتظرها تتخرج ونتزوج. 

سليمان. . يولون ذوله **** لو يردون ينطونه جان نطونه مو يوميه مأجلينها.

زينب .. وبعدين يارجال تره سمية اكبر من امير بسنة

سليمان .. واذا بسنة هو ع العمر دشوفي جنه بعير يحطها جوه اباطه. 

أمير .. يابه انه سمية هاي مااريدها.

سليمان .. مو بكيفك تتزوجها ورجليك فوگ راسك ..

أمير .. واذا ماتزوجتها شسوي ..

سليمان .. تاخذ هدومك وتطلع منا يلاااا
ماعندي لحية مسرحة ولا رگه تلعب شناو والي اكوله يتنفذ
انت واخوك سمير حالكم من حال اخوتكم الكبار مؤيد ووعد ما تتزوجون اله الي اختارهم انه واگطع ..
أمير:  رضوان مو خطبها كبل جم سنه وماقبلوا كله هسه خل يرجع يخطبها.

سليمان:  رضوان كلي على بنية متفق وياها ع الزواج كبل لايموت عمك عود يريد يخطبها بس عمك مات واجلهه  واشواق ماتقبل بسمية وامان خاطب بنت عمه ماكو غيرك انت.

زينب :  والبنية اذا ماقبلت شراح تسوي؟

سليمان:  افرك خشمها فرك اشحدهه ماتقبل والله اعلمها النبي العربي مااطلع انه سليمان.

زينب .. ادري شنو الي تريد توصل اله تره مايصير تجبرهم حرام والله ..

: وين يولن اذا ماتزوجن .اديحهن .؟'?:

: خليهن كاعدات بالبيت شكوو عليهن ..

: البيت ابيعه بيت ابوي هذا وانه بنيته وتعبت بي كبل مااخلي الهمفعوصات شمدريني شيسوون مايسوون.

: وامك؟

: لو تاخذها اشواق لو اجيبها هنا عندي ..

: وفاطمة مو عيب منها مو هي كاعدة وياهن خطية وماتركتهن لحظة وحدة.

: نزوج البنات ونبيع البيت وننطيهه حصتها ..

زينب :..طلعت مخطط الكل شي .. الله يهدي النفوس ويطيب الخاطر ..

&&&&
سمية .. مرت الايام ومكان ابوي فارغ كلش،
مايعدي يوم اذا مانتجمع ونبجي كلنه ..

(سأختصر الكثير من الحزن لاننا بكينا بمافيه الكفاية)

خابرنه مناضل وگال رقية متأخرة ولادتها والطبيبة دزتها للمستشفى
صفا وفاطمة بالعدة
وام مناضل مريضة كلش ..
رحت وياها بالبداية ماعدها الم
دخلنه للمستشفى واسمع يونن من الالم وشي يصرخن
بطني مغصتني ردت اتقيئ.
باوعت لرقية الله رحمها ماتسمع هالصريخ ..

فحصتها الدكتورة .. وانطتها مغذي
شكلته السستر ..
بقينه ننتظر كل شي ماكو وماعدهه اي اعراض ولادة ..

اباوع لباقي البنات الي جاي يجيبن كل وحدة ووياها امها .. هاي الي تبجي وي بنتها وهاي الي مخلية راسها بحضنها وهاي الي توكلها وووو
واحنا بلا ام ..

انقهرت كلش .. خابرت عمه زينب تجينه
لان مااكدر وحدي ومااعرف لهيج حالات وطولنه كلش  اجت وماقصرت ..

بعد وقت صار عدها الم وظلت تلوب وانا مااكدر حتى اباوع الها انقهر كلش
مابيها تصرخ وتوون ..
كسرت گلبي وگلب كل الي شافوها
ظلن محتارات شيسون الها
وحده تمسح ظهرها  ووحدة تقرا عليها ووحدة تدعي الها
عافن بناتهن واجن يم رقية
حتى الممرضات. انقهرن عليها  و اهتمن بيها  من دون الكل..
دخلوها لصالة الولادة ..
ودموعي تكت منا ومنا .. وعمه زينب تهدأ بيه
بعدها سمعت صوت الطفلة ..
فرحت كلش حضنت عمه زينب وابجي
اجت بعد معاناة .. ومناضل جان مختار الها اسم
"رحمة " ..
طلعوها من صالة الولادة بالكرسي المتحرك
ووياها الطفلة ..
جان يوم حلو فرحنا بسلامتها والمولودة
الي نورت عائلتنه .. وزاد عدد افرادها ..

رجعنا للبيت .. بقت عدنا رقية
نداريها احنا ..
بعدها اجه مناضل اخذها وامه صارت صحتها احسن.

بهالفترة بدأ الدوام ..
گعدت الصبح بدلت ملابسي
دخلت عليه فاطمة ..

صباح الخير
صباح النور ..

خذت ايدي وخلت 25الف ..
باوعت الايدي ورفعت راسي باوعت الها گتلها شنو هاي؟ !

-  هاي فلوس سمية ...

-اعرف فلوس بس المن ؟

- الج خاف طبعا ..

مديت ايدي وبيها الفلوس باتجاهها
- لا اخذيهن مامحتاجة فلوس انه عندي الحمدلله.

- سمية لاتخلين بيننا حواجز وانا مو غريبة اعتبريني بمكان ابوج هسه.

- فاطمة انا اعرف معدنج مايحتاج تنطيني فلوس وانه عندي مال شغلي وي رضوان ماصرفت منهن شي وراح احاول اكله يشغلني هالفترة ويا هم.

- موتجين تعبانه العصر ماراح تكدرين اهتمي بدراستج احسن.

- حتى لو الجمعه والسبت لان المجمع مالتهم يفتح بهيج ايام.

-ميخالف سمية اخذيهن ولاتضوجيني وتقهريني وتحسسيني بانه انه غريبة خنصير عائلة وحدة وبهالضروف هاي لازم نتكاتف .

- فاطمة  انت عندج طفل صغير ومحتاج مصاريف ضميهن اله والله مامحتاجة.

- انه ماخذة امومه براتب ويكفينة الحمدلله.

- ميخالف يصير مايصير اسم الله عليه حبيبي يحتاج طبيب اي شي يفيدنج.

بعد اصرار منها اخذت الفلوس وخليتهن على جهه.

اجه ابو الخط وصعدت ويا ..
اول ماوصلت للكلية شافتني انصاف
تباوعلي محتارة بعدها اجتني
كالت البقية بحياتج
و حضنتني وظلت تبجي وانه هم بجيت بحرگة
وخرت مني وعيونها كلها دموع صادقة

انصاف: - سمية عذريني ماخابرت ولا سألت بس والله ماادري شجاني واخر مرة سمعتج كلام مو حلو خجلت من نفسي وخاف تفشليني.

:- لاعادي ماصار شي وادري بيج طيبة وگلبج على گلبي مو مال افشلج.

:- حبيبتي وشونكم هسه وصفا شوكت تطلع من العدة.

:- هواي وتطلع ان شاءالله هم مصيبتها مصيبة شنسوي لااعتراض على حكمه هو ادرى بعبادة

جاي احجي وياها واشوف امير يباوع النا بنظرات غريبة ومثل الي بگلبه حسرة.
ظليت متسائلة شبي؟
باوعتله انصاف وضحكت
باوعتلي وبوجهه ابتسامه
گالت من رخصتج سمسم
وراحت وراه باوعتلهم ظلوا يحجون ويمشون الى ان اختفوا من امام انظاري ..

ظليت اباوع ع الطلاب وانه وحيدة
ظليت افكر بأمان ..
كون هسه يطلعلي من بينهم واكحل عيونه بشوفته
بس ادري بروحي اذا شفته مستحيل اضعف
مدام خطب وماسأل بعد عني
هذا هو وهم مايصير احشر روحي بينه وبين خطيبته لان هسه هو مو ملكي بعد ملكها هي
مهناية بي والله احسدها.

ظليت افكر هسه شنو يسوي وياها
هم يسولف وياها مثل مايسولف وياي ويضحكها هم من يختلي بيها يخلي راسها على صدره
اووف هنيالها والله والف هنيالها
بس هي يمكن تحبه قبلي والها حق بي اكثر مني وتعبت علما حصلته لذلك حضت بي
الك الله يگلبي والله يصبر روحي.

خلصت دوام ورجعت للبيت نزلت من الخط
طبگت سيارة عمي سليمان
يم بابنه استغربت
يمه شبي هذا.
نزل معصب
گال وين جنتي؟
تحسرت بگلبي گلت بدت التدخلات شراح يگضيها
ماتحجين وين جنتي؟
گتله وكاتمة عصبيتي
جنت بالجامعه بعد وين؟
نتر بيه ومنو گلج ترحين وغير تستأذنين مني انه ولي امرج هسه ماتطلعين من الباب اذا ماتگليلي.

اريد احجي سكتني
كال سويلي طريق افوت عندي موضوع وياج.
تأفأفت وهو يخوزر بيه
دخلت جوه شمرت الكتب وادردم عليه
هسه هو شعليه يتحكم بيه وبعدين انه شنو مسوية؟
والله يعلم شنو يريد.

دخلت للهول شفتهم كاعدين
صفا وبحضنها الصغير فراس جاي تنطي ممه
فاطمة وبيبيتي جاي يشربن جاي.

گلت سلام عليكم ..
ردوا وعليكم السلام ..
گتلهم عمي سليمان هنا راح اطببه بالديوانية.
گامت فاطمة ودخلت جوه.
اجت بيبيتي وراي.
طلعنه بره.
بوسته بيبيتي
وهو دخل للديوانية.
كعدنه تلاثتنه على القنفة
بيبي. : كومي صبي لعمج جاي.
كمت
صاح بعصبية مااريد گعدييي.
عبالك طالبني طلابة بس يصيح. .
كعدت واتأفأف ..

گال سمعي سمية جاي اريد اگلج علمود بس تخلص عدة مرت ابوج واختج تتزوجين امير.

گمت على حيلي شنوو؟ مااريد اتزوج انه عمووو.

: انه ماجاي اخذ رأيج جاي اكلج بس وخلي يكون بعلمج هو عقد وهو زواج احنا عدنا مصيبة وكلشي مانسوي راسا ناخذكم للبيت.

: بس انه مااريده عمو وانت مو من حقك تجبرني على الزواج من ابنك.

: مااريد اعتراض مفهوم وهذا الامر تم من يمي.

: بس هو يريد بنية ويانه بالكلية وسبق وان تقدم الهاا .. 

: تولي ذيج ماكو غيرج تصيرين مرته افتهمتي وكافي لغوة زايدة وصيري عاقلة لاتخليني اذيج.

باوعت لبيبيتي بيبي  احجيلج كلمة  ؟

بيبي:  يمه سليمان ...

سليمان .. يمه انت لاتدخلين ويلله اودعناكم.
وطلع ..

ركضت على بيبيتي كتلها بيبي هذا شجاي يحجي هو مو بكيفه تره.

يابيبي مابيدي عليكم شي انه.
رحت ركض للغرفة ... محتارة شسوي
واردد لا مايگدر يجبرني والله احرگ روحي والله
اذا جبرني على هالاملح هذا وانوب حبيب صديقتي وانا ماصدگت رجعت صداقتنا.
ياربي طلعني من هالمأزق .. شسوي ياربي دبرني.

يتبع