رواية لمْ تكُنْ خطيئَتُنا الفصل الثاني والأربعون 42 - بقلم نورا ناصر

#لم_تكن_خطيئتنا
بارت 39
نورا ناصر.

سمية ..
كل قوتي تلاشت ومن جهه اصبر روحي اكول انا اذا اضل محبوسة مااكدر اسوي شي.

ومن جهه اختنگت فوگ وكلش اخاف واحس مو وحدي ومرات اسمع طكه اظل ارجف
من زين طلعت منها سلامات وماصار بيه شي
يمكن لو احد غيري وعلى هالخوف يموت بمكانه.

استسلمت لكل شي
بدلت وخلصت ورحت وياهم لبيت واحد سيد وعقد النه ..
ورجعنه مالحگنه نكمل عقد المحكمه .. بس سوينه تحليل دم ..

سليمان: باجر نكمل باقي اجرائات عقد المحكمة

امير: يابه انه باجر عندي امتحان مااكدر مااداوم.

سليمان: انجب كتلك باجر يعني باجر.

سمية ... هذا امير شمايگوله ابو يكله صار
اتمنيت اكتله گدام ابو وافوخ گلبي.

رجعنه للبيت .. سألت عمه زينب على بيبيتي

كالت مريضة كلش ونايمة بالفراش .. ودوم تسأل »عليكم البارحة جنت يمها.

اوووف خطية ياربي ..

بعدها اجت فاطمة ورقية وبنتها
حضنتهم حييل كلش حييل مابودي اتركهم من كثر شوگي الهم ..

&&&&

صفا ...رفعت البوشي سلمت على خالي صار هواي ماشايفته
كبران والشيب مالي شعره وابتسامته الحنونه بعدها مرسومة على محياه ..

اخذني بأحضانه .. كال هاي شنو شگد باچيه
مسحت دموعي ..
كال شكول على امجن دمرتكم والله وانه مابيدي شي عليكم.
سكتت وزدت بالبجي ..
گال كعدي هنا كعدي .. هسه اخابر مروان يوديج للبيت.
كتله بسرعه خالوا اخاف لايجي عمي ..

لاتخافين مايكدر يسويلج شي انت بحمايتي ..

اطمنت الكلامه .. وگعدت وسكتت ..

كال هاي كدامج المحل خاف جوعانه ..

تسلم خالو مااشتهي ..

گعدت انتظر مروان حتى يجي،يوديني لبيتهم
والخوف موتني، التفكير اكل عقلي

بكل لحظة اتوقع عمي يچفت عليه وياخذني وماراح اعرف مصيري ساعتها.
كل شخص يدخل للمحل يشتري انه عبالي عمي واغطي روحي واندار.

الى ان اجه مروان واخذني لبيتهم انه وخالي ..
اول مادخلت من الباب رحبوا بيه مرة خالي وبناتها 3

ودوني يم بيبيتي ام اماليد .. هم بوستني وكعدت يمها .. حسيت براحة وحسيت انه انا مو غريبة بينهم.

رغم صار سنين ماداخلة بيتهم .. ناس طيبين وبسطاء
بقيت يومين .. باليوم الثالث اندگت الباب بالليل وره اذان العشاء ..

طلع مروان ورجع كالو سوو طريق جايين زلم ..
انه بلحظتها متت خوف لزمت ايد خالي. .

وابجي ومرعوبة گتله خالو انا دخيلتك عفية لاتنطيني اله يذبحني والله ..

گال اهدي خالو ماانطيج صدگ جذب
صاح على بناته ياخذوني يضموني ..

طلعوني من باب المطبخ ع الحديقة
گعدنه وره البيت وطفينه الضوه ..
البيت صغير والصوت ينسمع
اسمع صوت عمي يصيح بس ماينفهم شنو يكول
وويا زلم يهدأون بي ..

ظليت ابجي وگوة حابسة نفسي
وبنات خالي يهدأن بيه ..
وارجف من الخوف والبرد ..

بعدين سمعت صوت سيارات شحطت وصار هدوء
صاح علينه مروان .. دخلنه جوه ..

باوعت الخالي بعيون تتوسل ..
سألته مرته ها يارجال شنو صار وشنو هالصياح.

جاوبها .. خلي يولي هذا يحجي عشرة بالشهر گتله مو على كيفك البنية بنيتنه ومثل ماانت عمها انه خالها ومحد يگدر يدنالها وهي بالغة عمرها 21 سنة مو زغيرة ومن حقها تقرر كل شي يخص حياتها.

مرته: اي وشنو جاوبك؟

: ظل يهوبز ويصيح وجماعته مساندينه .. عبالهم يخوفوني لو ماعندي احد هددتهم والله گتلهم حجاية زايدة اروح ع الشيخ مالتنه هو يحلها ..
هم ماقبلوا كالوا نريد بتنه واحنه احق بيها وانتوا شجعتوها تشرد وظلوا يهددون وراحوا.

صفا .. ظليت بس افكر وميته الخوف عمي هذا ماراح يسكت وخطية خالي فقير خاف يأذي.

لشوية اجت مرة خالي انطتني تليفونها
كالت هاي امج تحجي وياج.

اخذتها منها وگبل لااسلم عطت بيها
كتلها وينج مو على الاساس،تجين وتشتكين على عمي علمود سمية.

اماليد .. ولج سمية خابرتني وتسأل عنج.

سديته بوجها ورحت ركض لتليفوني فتحته ودكيت رقم سمية ..

جاوبتني: انت وينج ياحمارة ..

: سمية شونج ووين جنتي خو ماصايرلج شي؟

: كل شي مابيه جني العافية بس انت شخبارج؟

: احجيلي ولج.

سمية: حجيتلهه كل شي ووين كنت. !

صفا .. انا اريد اجي يمكم مشتاقتلكم كلش بس خايفة كلش خايفة.

: لا تخافين اليوم حاجاني اسلام وكال اذا تكدرين توصليلهه كليلهه لاتخاف الها الامان وبحمايتي بس خلي ترجع.

: خاف هذا جذاب ولج استنجدت بي ظل يبيع عليه ثگل.

: تنحل ان شاءالله صبري.

:يعني هسه انت مخطوبة لأمير؟

:اي. ..

: سمية شلون استسلمتي ماجاي اصدگ ..

: ولج اختنگت فوگ اجيت اموت والله ومن گلي عمي انت شاردة هم كلش انصدمت وتأذيت ماكدرت ابقى محبوسة بعد .وافقت وانه مأيسة من كل شي .

سديته من سمية مرت كم يوم وانا متواصلة وياها
كالت كملت عقد المحكمة متت قهر عليها مامقسوم الها تتزوج الي تحبه وماادري شعجب عايفها كل هالفترة ماسأل عنها ..

بهالكم يوم عمي مابطل جياته وهوساته
وانه ظليت خايفة على خالي خاف يسويله شي خطية مايستاهل.

كلما تخابرني سمية اكللها اخاف اجي
بعدها اجه عمي ومن طلع
اجه يمنه خالي
كال هذا ويا ولد خوش يحجي شخصية ورزن
بس انه مااخليج تروحين اله تأمنين يلله.

عرفت جايب ويا اسلام بس انه هم مااثق بي
لان اخر مرة خذلني ..

خابرت سمية .. كالت رجعي
گتلها اخاف ماارجع ..
للعصر راحت دنيا بنت خالي تفتح الباب
اجت ووياها سمية .. ركضت الها حضنتها وانه ابجي وهي ابجي ..
گتلها ولج عبالك قرن ماشايفتج مو شهر ..

دخلت وراها بيبيتي .. گوة تمشي وتبجي
تحاضنه احنه الثلاثة .. ودموعنا تكت.

بيبي .. شسوه بيجن ظالم النفس يايمه انه جنت على فراش المرض واگول البنات مافگدني ..

سمية .. ولج صفا شون عفتيني وحدي بالبيت لو انه والله ماجان عفتج!

صفا .. اعرف سمية ماجان تعوفيني بس، متت خوف منه بذيج الساعه الله لايردهه ..

گالت .. بيبيتي يلله اسلام يتانينه بالسيارة.

صفا .. وعمي ويا؟

سمية .. لاء موو ويا اجينه وحدنه.

صفا .. خلي اكول لخالي بالاول خطية هو هسه بالمحل راح اخابرله ..
كعدوا سميه وبيبيتي يم مرة خالي وبيبيتي ام اماليد.

وانه رحت خابرت خالي گتله راح اروح ..

كال انه جاي هسه اصبري لاتطلعين.

لبست ملابسي ورحت يمهم بالصالة جاي يسولفون ..

كعدت بصف سمية ولزمت ايديها ..

اباوع بعيونها واشوف التعب والحزن

جوه عيونها اسود وضعفانه كلش.

لشوية اجه خالي .. سلم على الكل

كال هاا بوية انه وصيت الولد يقصد اسلام عليج ولان مبين ثقة وزلمة وعند كلمته كال بت عمي واحطها بعيوني ماحاجة توصيني ..

گتله ماقصرت خالو الله يطول بعمرك ويحفظ الك خاله والبنات ومروان ..

ودعتهم وطلعت تعودت عليهم بهالفترة ..

خالي ومرته كلش طيبين ..
بناتهم حبابات ..
مروان مؤدب وفقير عينه مايرفعها عليه ..
الحمدلله الي سخرهم الي حتى يحتووني
اما امي مااجت بعد تكول مريضة وباقية يم اقاربها.

طلعنا برة وويانا خالي .. اسلام جان بالسيارة
من شافنه نزل ..
راحله خالي كله بعد مااوصيك عليها.

گاله لاتوصي حريص ..

صعدت بيبيتي كعدت بصف اسلام ..

انه وسمية ورة ..
هي وره مقعد السايق وانا وره بيبيتي ..

اول ماصعد اسلام اندار عليه
صارت عيونه بعيوني ..
انزعجت من نظراته .. دنگت

اجاني صوته .. هيه هاي سواية تسوينها؟ !

رفعت راسي حجيت .. انت اخر واحد تحاسبني لان طلبتك توكف بجانبي وصديتني.

اندار مني ومد ايده للسويج شغل السيارة وحركها وهو يحجي ..
اسلام .. جان المفروض يوم ثاني اجي العمي واحاجي واطلبج منه بس صار عندي ضرف.

صفا .. وانه من طلبت ماردتك تتزوجني تره.

اسلام .. ويطبج طوب وانه شنو داخل بجيبي بس ردتج على ذمتي حتى عمي بعد لايتدخل بحياتج بس انت صدگ ماتستاهلين.

سمية .. اسلام مو بهذا الاسلوب على كيفك وياها تره
هي هسه مجروحة.

اسلام .. وليش بس هيه مجروحة عشتوو ختولي حتى بعد لاتگلي اتدخل واوگف بوجه عمي.

صفا .. بس انت وعدت خالي لو راح تخلف بوعدك؟ !

بيبي .. ماعليك منها ماعليك هي وين تلگه مثلك
وندارت على صفا تسويلهه حركات بوجهه.

اسلام .. لا والله بيبي ختولي تتمضيگ عبالها ميت عليها انه.

صفا .. كيفكم الي تريدو سوو بس خلوا عمي يفك ياخة مني.

اسلام ..انجبي بعد ولا الي غرض بيج.

صفا .. هو انت هم يجي يوم وتنعدل والله ولا راح تنعدل.

اسلام .. انجبي واحجي عدل ..

سمية .. ظلوا يتناگرون هذول شون راح يتزوجون ولا عنده اسلوب بس والله مالي خلگ اطلع لساني عليه وهو ماقصر والمهم صفا بحمايته لو غيره علي سوته بي مايباوع بوجهه.

ظليت اباوع من ابجامه هلبت اشوفه والله گلبي خبلني عليه احسه بكل نبضة يسألني عليه
صح انه على ذمة رجال بس عقد باطل لان اثنينه ماقابلين بهالزواج.

رجعنا للبيت .. رقية يمنه وعمه زينب استقبلوا صفا
اخذت الجهال وخلتهم اثنينهم بحضنها وتبوس بيهم وهما هستوهم يكعدون.
كعدتهم على رجليها وتلعبهم.

صاحتني عمه زينب .. تعاي شوفي شنو جبت الج سميه.

باوعت جايبه جنطتين ملابس ومكياج فتحتهم الي
وعلبة بيها ذهب.

هزيت ايدي گتلها عمه انت والله بطرانه.

زينب .. ليش ياعمه انت عروسه هسه وجنتي بعد هاي لازم الشعلات اجيبها الج وانه معارفي هواي واهلي وصديقاتي بالدوام يجون يتباركون لازم تكشخين كدامهم ويلله تعاي يمي جبتلج محابس وحلقة گدريهن خاف مو على گد اصابعج.

سمية .. عمه هذا زواجنا باطل شبيج انت انه وامير مانرهم البعض انه قبلت بس اريد رجلج الي مثل الثور الهايج يخف علينه شوية.

: لا ولج تره امير مو مثل ابو انت بس كسبي هسه يظل يحبج ويموت عليج وتعيشون عيشة سعيدة.

: امير يحب صديقتي انه ويا مستحيل يصير بيننا حب.

: يحبها بس ماصارت القسمه شسوين بعد.

: اه شكد سهل الكلام .. انا گايمة ارتاح عمه من رخصتج.

: ولج والملابس على الاقل تعاي كدري اذا مو ع قياسج الشي ارجعه.

مشيت ولا كأني اسمعها مو ذنبها ولاذنبي.
بس الدنيا كلها طالعة من عيني.

دخلت للغرفة .. طلعت المدالية الي بإسم امان
بس هي ظلتلي منه حتى المحادثات حذفتهن.
شميتها خليتها على قلبي ..

جاي احاول انساه.. وا فتح صفحة جديدة ..
و اصحى كل يوم .. وانه مامنتظره شي منه ولا ادخل لمحادثته واجيك اخر ظهور
ولاادخل لصفحته واباوع بمنشوراته وتعليقاته
..
واغير من نمط الاغاني الي اسمعها .. ..
واكدر اتماسك من تجي سيرته ..
ع انو شي حلو بس ما يهمني ..
و الموضوع طبيعي ..
و حتى اخباره مااحاول اعرفها ..
..
لكن! ! القوة الي بيه ..
مثل الي يحط طبقة من طين ع روحه ..
حتى تبين صلبة .و. قوية ..

بس من يجي الليل وتنزل الدموع ..
الطين ينحل ويروح ... ..

حاولت مثل العادة اقتل حبه الي بقلبي.
بس انا وجاي اقتلها رجفت روحي، سمعت صوت جوايه يقول ..
والله اشتاقيتله.. اه شوكت اتشافى من حبك.

مرت 5 اشهر على وفاة ابوية
دوام بعد ماداومت اجلت هاي السنه .. امان ماشفته بعد ولا عرفت اخباره وماادري عنه .. بيبيتي تكول مسافر ومقاطع اهله وحتى خطيبته. .

وحان موعد زواجي .. بيومها ماجان عندي اي احساس.

حفل زواج بسيط لان بعده الحزن مخيم علينه
وعلى مشاعرنه ..

زفونا للغرفة .. بدلنه وتعشينه ..

اجه يمي امير يباوعلي ويصد بعيونه.

گال يلله تعاي خلي نفضها لا يظل ابوي يحجي مالي خلگه تره گوة متحمله.

كمت على حييلي وگفت على الجرباية
كتله اسمعني تره ماراح اعيدها مرتين دير بالك تجيسني هذا العقد باطل واحنا مابيننا زواج

گال اوووو بلله لاتاكلين تبن تردين يكولون عليه مو رجال.

وليش هم يكولون خو انه اكلك انت صدك مو رجال الي تخلي ابوك يجبرك ع زواج وتعوف حبيبتك.

ايا طايحة الحظ ..

سحبني من ثوبي وطيحني ع الجرباية
مديت ايدي وخرمشته حييل بأيده على طولها.

صاح اخخخ انه اعلمج .. يريد يهجم عليه
طفرت من فوگ الجرباية ورحت ركض للحمام
فتحته ودخلت ورديت قفلت الباب عليه.

ظليت شوية مااسمع اله حس فكرت
كلت هو انه من ابو مااخاف انوب منه
خل اطلع.

فتحت الباب وطلعت .. شفته لازم وصلة قماش بيضة ويمسح الدم من على ايده بمكان ماخرمشته.

وكفت بالجهه الثانية من الجرباية ..
گتله شجاي تسوي ..

باوعلي مخنزر وسكت .. لما خلص
كال سمعي ولج مخبلة .. راح اوديلهم هاي واكللهم هذا نيشانج حتى يسكتون ..

طگيتها ضحكه گتله ولك هذا مو نيشاني هذا نيشانك وانه سويته الك.

كال وگبرررر واخذ الوصله وطلع.

وخرت فرشة العرس من الجرباية
نزلت غطه وتمددت بالنص ..

دخل كال وخري سويلي مكان خل انام ..

رفعت روحي گتله دير بالك تجي تمدد يمي
خليها ابالك خوفك مني تره.

تخصر گال وليش اخاف منج عيني راح تحبليني خو ماراح تحبليني.

ضحكت گتله اي كل شي يصير مو هستوه طلعت نيشانك.

گال كومي من على الجرباية انه انام عليها.

سمية .. والله هسه اذا تضوجني اروح لابوك اكله امير جذاب مااخذني وهذا مو نيشاني.

امير .. روحي كليله هسه يكلي روح اخذها وانت تطيحين بيهه.

سمية .. هاا لعد اگله يشرب جگاير.

امير .. الله ياخذج واخلص منج ..

شمرت عليه مخاد واخذ بطانية
تمدد جوه ونام ..

مرت الايام واحنا مابيننا شي وكاضينها كله عرايك ودوم اطلع انه المنتصرة واخلي يدگ على راسه.

عمي متسلط ودكتاتور بالبيت والكل يهابه ويخاف منه.
بس يدخل للبيت يسكتون.

فد يوم شفته بالحديقة كاعد على كرسي وبيده مرايه جاي يصبغ شواربه ..

ويمه طبلة وعليها محتويات الصبغ
وعلبة حجم كبير اوكسجين اتوسا الاصفر

ظليت اباوع اله من شباك المطبخ وهو يصبغ.

لشوية اندگت الباب وعاف اغراضه وطلع للباب.

ودخل خطار للديوانية وگعد يمه.

تذكرت مزيل الشعر مالة عمه زينب
يصير بودرة ينحل بالسائل ويستخدم.

ايبااه والله فكرة جهنمية ..

رحت للحمام واخذت المزيل
وتسللت للحديقة .. باوعت منا منا محد
انطيت ظهري للمطبخ
فتحت علية الاوكسجين وفرغت المزيل وسديتها ولا من شاف ولا من دره ..

اذا مااخليك اتدگ شواربك تاتو ياسلوم ياابن زكاوي مااطلع انه سمية.

صفا .. عمي يومية وجاي جايب مشتري للبيت
لعبها لنفسنه .. وغير الحاحه عليه بالزواج
ومسامير وحجي وتهديداات.

مره من المرات گلي لاعبالج غفرتلج على سوايتج
تره ماناسيهه ..

اما اسلام باقي زعلان عشتو ..
الى ان فد يوم جابه عمي واجه وويا شيخ وعقد
النه بالغصب واثنينه مطنگرين.
على يا بو المشتري يريد البيت ويلله فرغوا.

بجيت بجي ماصاير ومتت قهر ياربي اذا سمعوا اهل فراس شراح يكولون عليه.
بعدها سنوية ابنهم ماطالعه وانه عقدت منو راح يعذر ويكول انجبرت وعمها ظالم .

اجت يمي من فاطمة تهوون عليه ..

قبل العرس بيوم اجاني اسلام العصر ..
گال امشي اختاري بدلة للعرس.

گتله مااريد اللبس بدلة انه لابستها من گبل وكافي.

: زين لبسيها الي ..

: مااريد اسلام لاتضغط عليه ..

صاح بنتر مالازم مالازم وراح ..

دخلت لفاطمة حجيت الها ..
گالت خطية اكو بدلات بسيطة ومو مدنفشة
امشي نختار وحدة وروحي صالون
خطية تره هو هم من حقه يشوفج بالابيض ..

انه اقتنعت بكلامها دزينه على سمية ورحنه اجرنه بدله بيضة كصتها حورية رداناتها للعكس كيبور وعلى الكتف مثل الرتبة نازلة لحد الزند وحفرة الصدر عريضة على شكل قلب ..
المكياج بسيط كلش والتسريحة هم بف من فوگ والباقي مفتوح و بيرمن ..

اجو حتى ياخذوني لبيتهم ..حسيت بفرحته من شافني بالابيض .. لزمني من ايدي
تشابكت اصابعنه ظل يضغط بقوة ايده دافية
بس تأذيت وخفت سحبتها منه وگعدنه ..

رفعت راسي اشوف نظرات امه وايناس
معاجبهم شي .. واحس الكل يحجي عليه
ومنا انا نفسيتي تعبانه كلش ..
زدت تعب .. زفونا للغرفة .. جابوا العشا

باوعلي كال تعاي اكلي
كلت مااريد .. عصب بس مااحجه
شكد عصبي .. شراح يخلصها ويا! !

بقيت كاعدة على السرير .. ومرت على ذاكرتي هواي اشياء ومنها ليلة عرسي الاول ..
كوه تماسكت ومابجيت ..

تعشه وراح اجه متوضي وصله ..
واجه يمي لزمني من كتفي ..
اقشعر جسمي .. گتله وخر والله تعبانه وما الي خلگ

گام دفعني قوي وگعت جوة .. شمر عليه مخدة وبطانية .. كال نامي يمج خوش.

تغطيت ونمت جوه البطانية شبعت بجي
دموعي غسلن وجهي ..

اسلام .. گعدت الصبح نزلت جوه شافتني امي وخالاتي
بوستني كالت بعد ماحاجة اسألك عن ليلتك شون جانت.

گتلها يممه تره انه مايهمني وحاولي تصيرين وياها زينة ..

صفا .. كعدت الصبح عيوني مورمة تعبانة كلش ولا عبالك عروس،اباوعله نظراته تعذرني على الي انه بيه بس تصرفاته وقساوته تبين العكس.

خابرتني سمية .. جاوبتها
ها ولج شونج بشري.

شبشر يعني طردني ونمت جوه ع الكاع.

سمية .. امده حظج اي والله ولج انه الي اطرده وخلي ينام بالگاع.

: انت منو يكدر عليج بس ذاك الرجال.

: انجبي وخليني ملتهية بالمقالب الي اسويهن بعمي ومتناسيته

: هههههع خربيومج شسويتي.

: من اشوفج اكلج اليوم العصر نجيكم بس لازم تعذريني ع الهدية تدرين رجلي الشفية طالب وابو يصرف عليه.

: ههههه نجبي قابل بيناتنه هدايا احنا.

ختمتها وياها اجو العصر كلهم هي ورقية وفاطمة
بقوا يمنه على العشا وراحوا ..

اسلام .. مرت الايام واحنه مانحجي وواحد كالب وجهه على الثاني .. حتى امي حست بس من يمي اطمطم السالفة وماانطي بيها ..

فد ليلة حسيتها تعبانة بس ماحاجيتها
تعشينه كعدت يم امي شوية وهي راحت تغسل مواعين وتنضف .. صعدت فوك تمددت على السرير وبيدي موبايلي ..

شفتها دخلت وتعبانه تجر روحها جر وتمشي ..
كعدت على السرير ونتجت على تاج الجرباية.

لزمتها ايدها حارة كلش مسخنه كتلها بيج شي؟
تباوعلي وتهز راسها بالنفي
خليت ايدي جوه ظهرها ورفعتها الصدري
وظليت اتأملها شگد ترفه جنهه گيمر الصبح

اخذتني نظراتي لشفايفها .. وماكدرت اسيطر على رغبتي بيهم .. دنگت عليها واللتهمتهم مثل الجوعان.
وهي بين ايديني يائسة ومسلوبة الارادة ..

صبي عتابك في فمي تقبيلا                              ماضر لو كان العتاب جميلا

للحكاية بقية قليلة .. 😟
البارت بلا تعديل
واعتذر على التأخير