رواية لو انك لم تعد ..... الفصل الخامس عشر 15 - بقلم نورا ناصر

#لو_انك_لم_تعد ...15....
بقلمي نوره

كلش انقهرت .. ضجت من نفسي اكثر من نضرات كرم .. وزيد فتح عيونه ماادري حس على نفسه
ماردت اتقمص شخصية ريم  ابد بس مااعرف شليصارلي ..
رحت للمطبخ وظليت اشتغل واشتغل حتى ملك نسيتها .. بعدهه رحت الغرفة مرت خالي
قبل لااطب اسمعها تكوله مدام ماتريد غرور تتزوج زيد انت تزوجها وخليها تربي الزغيره شبيها مناقصها شي .. هو يكللها رجعي شهد لزيد واني احب وحده وقريبا راح ترجع للعراق ونتزوج
اني كلش تعصبت طبعا يردون يحرموني منها .
طبيت عليهم سكتوا واني مرتبكه  شفت ملك  تحتاج تغيير ملابسها وحفاضها .. اخذتها
وصعدت فوك .. اريد افتح باب الغرفه .. صاحلي كرم من وره
زيد بالغرفه شتسوين طابه
اريد اخذ الملك ملابس قابل شسوي يعني ؟!
*اي لتطبين .. وهو بالغرفه كافي تلزكين بي افهمي ولج ديشوفج كانج ريم راح تموتينه وهو مريض

*اي اكيد يشوفني ريم لان دااهتم بي مثلهه وبعدين ليش ماتريدني اتزوج زيد هاا كرم ..تقرب الي اكثر ويحجي
*شنو ليش هاا نسيتي السويته بيج لو لا لج بابا انت متصلحين للزواج ولج نمت وياج هنا بهي الغرفه وياشر على غرفته
*اكوله غلطت وي اخوك ويتفهم هو من يمه ويسترني
خاصة واني خالة ملك وامها ومتكدر عليه كرم تره افتهمت وانت عندك صور واثباتات تثبت السويته بيه
انت بالذات مو غيرك اكعد عني وابتعد عن طريقي
*صدوك مااتوبين انت يعني مو متجوزين مني اشو انطينياهه
*بعدت ملك عنه كتله وخر لاتتعلم تخمشها مني ممسؤؤل عنها انت .. ابوها موجود 

اني اشوفج شون ابوها موجود اشو جيبيها
لا اموتج هنا ومحد يدري عنج تحتمين بابوها موو

انت ليش هيج دتسوي لك كافي دمرتني انت
ماتخاف من الله ابد شنو من قلب عندك

هسه جايه تحجين .. عن القلب هاا
لج تتذكرين من خابرتج ابجي وكتلج بس ارجعيلي
بعد كل السويتي بيه لج تره مو سهله الرجال من يبجي ويتوسل هسه اريد اشوفج السويتي بيه اريدج تحسين

كافي كرم الخاطر الله اني خسرت هواي
خسرت خطيبي واختي بعد كافي دخيلك ارحمني

بعد اني متشفيت منج والي صارلج مجان بسببي
بسببج انت مو بسببي وريم جان قضاء الله وقدره
وملك تحبيها واريد اشوفج شون تبعدين عن شخص تحبي بسبب قسوة كلب

دكافي زودتها انت اصلا مو صوجك صوجهم هوايا ناطينك مجال واني مو منهم ولاعبالك اخلي هي الادب سز التحاجيها تربي ملوكه لو شميصير
رفع ايده يريد يضربني حضنت ملك ونزلت الدرج
حتى ظلت تبجي خطيه من الصوت العالي وهي هسه عمرها 3شهر 
نزلت الجوه شفت مرت خالي يمكن سمعت صوتنا
كالت خيركم شبيكم شسالفه شصار عليكم راح تخرعون البنيه واخذت ملك مني وهي تبجي
نزل كرم ورايه .. كتلها خاله صارت بلا ملح ميصير هيج تره . اني خالتها قابل غريبه اشو كرم زودها

ليش شبي كرم شسوالج گتلها خاله اريد ابدللها ميقبل ميخليني

شدعواج كل شويه تبدلليلهه ... والدنيا بارده حقه لو حجه
خاله انت شدعوه هيج خاضعه اله صيري حقانيه
تره الله ميرضاهه هيج حرام

يمه يمه من لسانج تره كرم عمها وهي بنتنه عيب
لسانج شطوله متستحين نهارج كله هنا تاكلين وتشربين وتاليتها يطلع منج هالحجي

عيب خاله هالحجي ششايفتني ماماكله ماشاربه
لو شنو .. اني مجايه حتى اكل واشرب جايه عمود
بنت اختي ..

ولج انت شون تتجاوزين على امي هاا

ممتجاوزه على امك  واني طالعه وانتم غصبا عليكم تجيبوها النه
اخذت جنطتي على الطبله بالصاله وطلعت
اجه ورايه ولزمني من ايدي وين موليه اني اوصلج اريد املص ايدي منه مكدرت كتله عوفني معليك بيه
تردين تديحين
اسكت كرم احترم نفسك اني مودايحه افتهمت
وهو مستمر يسحب بيه وطببني للسياره كدام  وصعد
اجه يحرك السياره ..  گتله كرم نزلني اكعد وره
گال كعدي هنا ونجبي ضربته على ايده بصم ايدي
رفع صبعه عليه يهدد كتلج اكعدي هنا لتشوفين شي ميعجبج عيونه وهو معصب يخوفن
درت وجهي وسكتت تذكرت ايامي ويا من جنه نحب بعض .. وين راحت كل هالمشاعر والله تعبت ياترى بعد اكو شي بداخلنا لو كل شي انتهى بعد
وفاة ريم صرت بلا شعور واحساس القهر طغى على كل شي بداخلي وصرت مااحس بشي .....
وصلنا للبيت ونزلت قبله اجه ورايه .. وصار سابقته  اكيد حيكول لاهلي
طبينه للشقه . ودخلت منهاره شافوني كلهم شبيج
طب ورايه سلم عليهم وردوا
باوع الرضا وظل يحجي شوف رضا تره اختك زودتها لسانهه طويل وتتجاوز عليه وعلى امي ها والله ليش
لان كلنالهه لتبدليلهه
اني جنت بصف المطبخ واكفه وايديه صافتهم على الحايط
كتلهم جذاب والله جذاب كل كلامه جذب
كام رضا اخذني وطببني للغرفه كال طبي وبلا مشاكل طبيت وسكتت شكد حقير مافكر بامي مريضه مافكر برضا وحالته .. التعبانه
اجه رضا وامي يحجون ويايه ومصدكين كل كلمه كايلهه عليه هالحقير والله يعلم شحاجي وكلولي كافي بعد روحه لهناك احنه نجيبها الج هنا تشوفيها
متت قهر اني .. مرت الايام وملك بعيده عني وميقبلون نجيبها يمنه امي بين فتره وفتره رغم تعبها تروح تشوفها مر شهر كامل مشفتها رضا يصورها الي
ويشوفنياهه رجع رضا يشتغل .. نفس الشي عامل بناء وهالمره بموقع مشروع  جبير شافه اله كرم بعتباره مهندس هو اني قلبي كرصني من كل هذا مثل احس كرم وانتقامه لعنه علينه
بفد مااتحملت خابرته الكرم .. رد عليه
كتله اريد اشوفهه الملك
اوك بس بشرط
شنوه
اريدج هسه تبجين وتتوسلين بيه اخليج تشوفيها
شكلتي ؟؟
كلشي اسوي بس اشوفها
لعد يله اتوسلي بيه وابجي
كرم اصلا اني داابجي الله يخليك خليني اشوفهه اتوسلك اني فدوه الكلبك بعد شتريد صرت اشهك وابجي واحاجي هو طكاههه ضحكه من كل گلبه
كال الله شعور كلش حلو من تتوسلين بواحد وبعدها يكولج لا لا لاااا
وسداه بوجهي ذلني شكد حقير موتني قهر بليلته املخ بروحي وماارتاح نمت مقهوره مثل كل ليله
امي بهالفتره تصحى وترجع تنتكس مره لخ وهذا ينضاف القهري وعذابي
بفد يوم امي تريد تروح تشوف ملك اني اصريت اله اروح وياهه اشوفها .. مقبلت عاندت اني وبحكم رضا مموجود اصريت اروح ..
وصلنا البيتهم .. سلمنه عليهم
كالت تره كرم ميقبل تجي تشوفها شسويله
كتلها شدعوه يابه هم زين الهوا مو بيدكم لاجان العالم ماتت بسببكم
اللتفتتلي امي كالت يمه غرور بلا مشاكل ولج خلصان كلبنه انه اشوفها واجي روح طلعي ولج اختج جوه التراب وانت تدورين مشاكل وصارت تخرمش بخدها خفت عليها وطلعت بالحديقه .. بوكتها كرم مموجود بس امه الحيه
تمنيت اسمع صوت ملك حتى لو تبجي بس مسمعتها
ابد .. جتي امي خطيه ومبين عليها باي لحظه توكع
اخذتها ورحنه للبيت ..
وصدك بس رجعنا للشقه امي وكعت وطرنا بيها للمستشفى
بين هالوكعات التوكعها امي ولوعة فراك ريم
وحرماني من بنتها اني عايشه بجحيم وهالجحيم مناوي يخلص
صرت متعوده على كل شي .يصير الي . بفد يوم قررت خلص مااتتحملهم بعد ابد ..
طلعت من الصبح لبيت خالي طبيت للبيت من باب المطبخ صوتهم ديتريكون بالصاله معزوله عن الدرج والهول .. بوجهي صعدت فوك اخذت ملك وكلبي يرجف ميته خوف وانهزمت صعدت تكسي وابوسها واشمشمها والعبها فرحانه بيهه بس ساعه ردت يمها
صارلهم شهر حارميني منها فديتها تضحكلي اخخ بيه ريحة امج مو فدوه االروحج  ياروحي بقيت بالشارع وكاعده ع الرصيف بس اشبع منها وارجعها مناويه على شي اني
خفت ارجع لبيت خالي من كرم قررت ارجع لشقتنا وهناك اهلي يودوها ..
بالفعل رجعت الهناك والكه المفاجاه كدامي الشرطه وكرم اكيد جايبهم الي وامه وياهم
بسرعه اخذوهه مني وشفت امي واكعه كوه تتنفس
كلي الضابط الجاي ويا انت متهمه باختطاف هي الطفله
كتله هي بنت اختي وهم حارميني منها اخذتها اشوفها وارجعها مجنت ناويه اسوي اي شي اني غير اني اشوفها. وبعدين هذا مو ابوها
كال اي لان ابوها فاقد الاهليه عمها ولي امرها وانت
لازم تتفضلين ويانه للمركز
كتله بس اشوف امي رحت الها لزمت ايدها مااعرف مين جبت القوه ماضعفت ولابجيت كتلها ماما لتخافين عليه اني بخير وراح ارجع الج
نزلت جوه وياهم وهو وامه هم الناس تباوع علينه مكفاه الي سواه فوكاهه ديشوه سمعتنا كلنا
دخلت امه لسيارته هو اجه للضابط كله يصير تروح ويايه بسيارتي كتله لا سيدي اروح بسيارة الشرطه اني مااريد اروح ويا خزرني وهو ابو الراهي فوكاهه
دخلني الضابط بالسياره .. ووصلنه للمركز وويايه كرم وبعد اجرئات
انجبرت اكتب تعهد. ماادنه ابد لملك كتبته ومااعرف احس نفسي فضا خالي من اي شعور بعد مااتتحمل هالروح شي
طلعت من المركز وهو ورايه اجه كال تعالي اوصلج البيتكم بنتر وخزر
كتله انت اكبر منحط وسافل ولك انت شنو من غيره سكط تشوه بسمعتي مكفاك السويته بيه لك كافي كافي ابتليت صرت بنت عمتك لو ابتليت على عمري اختي تزوجت اخوك انت شكد حقير ولك شون تسوي زيد مجنون متحس ولك هذا اخوك
كال لا تتجاوزين لاهسه هنا اموتج
كتله باع هذا هو المركز اتوخر عني لاهسه اروح اشتكي عليك واطلع ضيم كلبي كله هسه هنا اكوللهم اغتصبني واجيب اياد شاهد عليك وعلى صورك وخر عني الله لايهنيك الله يفجعك بعزيز كلبك ويحرمك من اطفالك اذا تزوجت مثل ما حرمتني من بنت اختي احجي بحركة كلب واشهك الم ووجع وقهر وحقد وعفته واكف بمكانه ومشيت بالاتجاه المعاكس اله هو حاقد ومغرور وقاسي واني عنيده واخطائي سابقتني ومااتحكم بعقلي  مشيت سريع ماادري وين اروح وشيخلصها هالحياة صارت طويله عليه كلش صار كل همي شون يخلص يومي على خير بس مديصير خير ابد
يتبع