رواية لو انك لم تعد ..... الفصل الرابع عشر 14 - بقلم نورا ناصر

#لو_انك_لم_تعد ....14......
بقلمي نوره

بوكتها خفت منه بس من راح رجع الدم بوجهي عادي
رحت لغرفة مرت خالي خليت يمها ملوكه
واشرت الروان براسي جتي ورايه
رحنه للمطبخ وبدينا نسوي الغدا

ونحجي كتلها روان انت منين تعرفين بكرم متزوج
جتي تقربت مني وتحجي بهمس ولج مرات افتح فيس واراسل اصدقائه واعرف اخباره

ولج مااتوبين يكشفج مره لخ
اي كم مره اراسله ويكشفني كمت اراسل اصدقائه
وبحجة هذا صديق مشترك ومنو هو ومتزوج اولا
يحجولي
وشحجولج
باعي هذا واحد يكول هو متزوج بروسيا وحده جانت طالبه ويا بنفس السكن هناك من جان يدرس وتزوجها
هاا .. زين روان بعدج تحبي لكرم ؟!
اخ متدرين شسوه بيه ميته منه اخ بجاني على زماني شسوالج ..
من كشفني احاجي صديقه طيح حظي وكل لامي عليه واخذوا الفون مني وكتلوني شبعت سحل
بعدها بفتره رجعولي الفون ورجعت حاجيته بدون ميعرفني من دزيتلج السكرينات
وهم كشفني وكللهم ومن ذاك الوقت وهم اموتيني كلش حصره الفلس واللبس والفون ماكو اخذو مني
بين فتره وفتره اخذ ايباد علوش ابن محمد اخويه وافتح حساب واعرف اخباره ..
اكولج روان علي مو خاطبج ليش متقبلين بي
اه غرور خايفه ليفضحني كدامه هو متحلف بيه
والا اتمنى اتزوج وارتاح واخلص
يعني شنو انت صاير بينكم شي مثلا لازمج شي
لا بس بالفون هيج جنه نسوي شغلات بس بالحقيقه ابد ولالازمني .. ولاشي ولا مره

اخخ بقلبي اكول نيالج مالازمج بس اني شون بيه
وين اودي نفسي .. سوينا الغدا وصبينا وكعدنا ناكل
زيد ولا كلمه واكل شويه وكام
كرم يباعلنه بعيونه ويخزر
كملنا اكل وغسلنا المواعين .. والعصر راحت خالتي
ومرت خالو وكرم راحو للطبيبه لان ام زيد مريضه .. بقيت يم اهلي  .. خابرت اهلي
كالوا ابقي ميهم
بقيت كل الوقت وحدي بغرفة ريم .. لسه على حطتهم ملابسهه مره اشمشمهم مره ابجي
مره احسها يمي مكدرت اصدك بانه هي ميته ابد

المغرب جتي مرت خالي وطلع كرم. سويت العشا
وتعشينا بس زيد مقبل ياكل

كالت مرت خالي نامي بغرفة زيد هو ينام بالصاله
كتلها خوش. . صارت ساعه 10سويت ممه لملوكه  وصعدت فوك شربتها ومتنام متعوده اله احضنها وافرها يلا
خبلتني ساعه 11ونص يلا نامت
سمعت صوت سياره يمكن اجه كرم خفت وقفلت الباب
سمعت اصوات مشيته ع الدرج كمت قفلت الباب
وكفت يمه بعدها تشجعت .. وكلت احاجي على روان
خطيه خلي تعيش حياتهه
فتحت الباب هستوه يريد يطب لغرفته صحتله كرم
اللتفتلي واجه صوبي هو يتقدم واني ارجع الوره لحد ما فتت للغرفه ووكفت وره الباب وبس مطلعه راسي
دفر الباب وسحبني اله يمه متت خوف منه
كتله شبيك متكولي
كال مو صحتيلي دنلعب تصيحيلي وتنهزمين
كتله اريد احاجيك عمود روان
شبيها
كرم ليش متعوفها تعيش حياتها هسه علي يريدها وانت واكفلها شوكه بالبلعوم خطيه علي هو هم ابن عمتك  ميصير هيج ارحمهم مخلي ايده على الحايط ويحك بلحيته بيده الثانيه كال
هو لان ابن عمتي ماريده ياخذ وحده ساقطه وبعدين انت ليش هالكد مهتمه الها نسيتي شون فشت سرج

الدنيا متسوي مدري شوكت بيها نروح لدار حقنا وينه ابويه وين ابوك وين اخخ وينها ريم كلتها بالم وحسره وضربت ايدي على الجرجوب مال باب وبعدين على طاري ساقطه الدتحجي وياهه شنو مو ساقطه هي

امم لا مو مثلجن صارت الي خبره واعرف اختار بس اني جنت اريد اوزع انتقامي ابينكم بس هسه روان راح استثنيها كل انتقامي راح ينصب عليج انت وماراح ارحمج

  يحجي ببرود هنيالك ماعدك هموم طب لغرفته طبيت انام قفلت الباب ورحت تمددت على السرير افكر بي وبحبيبته مااعرف زوجته وتسائل ياتره يجبها اكثر مني زين هم بقى بقلبه ذرة حب الي
ماادا عرف شعوره شنو بس ليش ميحط عينه بعيني

بعدها نعست و احس ريم بكل مكان متخيلت نفسي انام بغرفتها وهي جوه التراب بعد روحي خيه مع الاسف اني انام ع فراشج وانت بالگبر  بجيت لحد مانمت
بس اكعد على صوت ملك اشربها ممتها وانام
الصبح .. كعدت .. شفت مرت خالي كتلها صباح الخير صباح النور شونها ملك البارحه خو مااذتج
لاخاله مااذتني بس انت شونج اليوم
زوينه على الدوه هسه هم تريكت وشربته وشويه احسن اخ ياالم المفاصل
سلامتج خاله .. اكدر اخذ ملك ويايه اليوم .خطيه امي هم تريد تشوفها وهي متكدر تجي تعرفين حالتها كلش
هاا والله ماادري خلي اشوف كرم اذا يقبل
خاله هي بنت كرم لو بنت زيد اشو زيد ميحجي ميكول شي اذا اخذهه
انت متعرفي الكرم كلش نحس وكل شي هو يفرض رايه عليه وهسه هو شايل البيت من كل شي ولازم حلال ابو والعقارات وحتى مكتب زيد
لان مثل مدتشوف عينج زيد كل شي ماكو هالايام
كلها براس كرم واكعه
هي تحجي واجه كرم . باوعتله گتله اريد ملك
هي هنا ودتشوفيها وشتسوين ماخذتها بعد
امي مريضه متكدر تجي وتريد تشوفهه
زين اخذيهه واني اوصلج وباجر اجي عليها

هزيت راسي عفته وصعدت فوك حضرت ملابس ملك وافكر ليش هيج ديسوي ميريد تتعلق بيه
لبست جنطتها بكتفي .واخذت ملك من سريرها. وطلعت من الغرفه سديت الباب ونزلت .. كلت لامه اني اخذتها كالت روحي الله وياج ديري بالج عليها ولو ادري ميحتاج اوصيج كتلها اكيد

طلعت للكراج هو ينتظرني واكف بصف سيارته ويهز محجيت ويا فتحت الباب الوره مال سيارته بصعوبه لان بيدي ملك وهو ماتقرب وساعدني ابد .. صعدت بالسياره وهو هم وحرك ومشه بينه جنت لازمه واباوع الها شون نايمه واتمعن بملامحها واترجاهه بقلبي عفيه اطلعي مثل امج بالشكل والروح
رفعت راسي اباوع الكرم صافن عليه بالمرايه وجت عيني بعينه قبل لاابعدها اني هو بعد  نضراته مني
مكدرت افسرها اني ابد
وصرت افكر بداخلي  ليش هالنضرات وشنو معناهه
وصلنا للمكان الي يوكف سيارته بي حتى نروح للعماره الي بيها شقتنا تذكرت من جان يوصلني
نزلت وهو جر حسره ونزل هم .. انقهرت بداخلي كل شي سويته الخاطر ريم ومشاعرها وهسه وينها هي جنت اخاف لامشاعرها تنجرح تالي جسمها كله تجرح وكبالي عيني كل شي جان مقدر ومكتوب لسه صورتها بخيالي مطبوعه .. من مدمايه ومجرحه ولاكادره انساهه ابد
مشيت وهو ورايه يمشي .. وصلنا لشقتنا دكينا الباب فتحت رفل النا ودخلنه ... طب ورايه سلم على رفل .. امي جانت ماكو بالهول انخطف كلبي من البارحه ماخابرتهم
باوعت الرفل كتلها لعد وين امي
وداها رضا للطبيب لتخافين مابيها شي
صدك مابيها شي
اي اطمئني
الحمدلله مابيه حيل فراك بعد
كرم كال اني راح اروح وباجر هيج وكت بالضبط اجي عليها يحجي وميباوع بعيوني كتله خوش
طلع بعدها
اخذت ملك ورحت للغرفه
للظهر اجت امي .جابهه رضا . تلكيتهم سلمت على رضا وامي حضنتها وبوستها من ايديهه وراسه ماما شونج صرتي احسن اخذتها من ايدها وكعدتها على القنفه .. باوعتلي كالت شونهه ملك
هياتهه بالغرفه اجيبها الج هسه جنج على ملك
رحت للغرفه اخذت ملك جانت نايمه وديتها لامي
متكدر تشيلها ايديها توجعها .. قربتها منها واني شايلتها امي تباوع الها وتكوللها يمه ريوم يمه فديتج شون حلوه صدقه لالله ريمه
تحاجيها وتكول الها ريمه ماتحملت شفت رضا نطيتها اله وكعدت ع القنفه دموعي تهل
وامي هم دموعها تجري .. وارتكت على القنفه
رضا كال كبرانه ملوكه
كتله صار عمرها شهرين ويوم واحد ..
ياعيني تعال ولك حماده شوف عروستك كبرانه حماده كال ويع مااريدهه
ليش ولك
تلبس حفاضه
غرور .. ههه عابتلك يعني انت مجنت تلبس حفاضه

باليوم الثاني اجت مرت خالي اخذتها وراحت
ومشت  الايام هيج يااني اروح وابقى هناك
يااجيبهه ويايه وتبقى يوم واحد مو اكثر
وكرم مااقابله هوايه كله شغل واسمع مكالماته وي حبيبته وبقى شخص غامض مااعرف شنو عنده معنده كتلني الفضول وحبيت اعرف بس ماعرفت

واستمر هالحال ليوم الاربعين رحنا للمقبره لحتى انزور قبر ريم شفت قبرها ومتت قهر تمنيت موتي بهاللحظه جانت اصعب من شوفتي الها تموت
معقوله انت هنا ريم قريت اسمها على القبر احس قلبي تفتت بوسته وصرت انحب وابجي ممصدكه انت هنا ريم شبسرعه نمتي هنا وسكنتي .. بعد هوايه ايام كدامنا نعيشها مع بعض .. امي وزيد ورضا حالتهم يرثى لها بجينه هواايه على القبر
هنا يلا اقتنعت بانه ريم بعد خلص هذا مسكنها واني جنت بحلم مجرد احس انه هي عايشه ويايه بس من شفت قبرها استسلمت والخيبه كانت احساسي الوحيد
خلص اختي الوحيده  وشمعة عمري بعد مااشوفها
كوه كومنا امي من القبر انهارت على الاخير
رجعنا احنه عايشين والحياة مستمره بس حياتنا ناقصها ريم سوالفها وطيبتها مبقه منه بس الصور والذكريات وهالطفله هي
مرت الايام .. وكالعاده اروح البيت خالي اشوف ملوكه مرات امي تروح ويايه مرات رضا يوصلني
كعدت الصبح بدلت ملابسي واكيد اللبس كله اسود
وطلعت وصلني رضا وراح يدور على شغل
دكيت الباب وطبيت زيد بالحديقه سلمت عليه ورد السلام وتفس حالته لحيته من يوم الماتت ريم هيه هي وقميصه الاسود وصفنته ..متغير منه شي ..رحت على مرت خالي جانت بالمطبخ
صباح الخير خاله
هله بنيتي صباح النور شونج
تمام الحمدلله ملوكه شونهه
اوف ياملوكه البارحه كله مانامت موتتني واني مابيه عليها ياخاله هسه الفجر يلا نامت
زين خلي اخذهه ويايه علما تكبر وبعدين تظل تجي عدكم وعدنا وماشيه
ليش ماانت تجين هنا ..
خاله مااكدر ابقى هنا تعرفين صعبه البنيه تبقى بيت موبيتهه
اي هذا قصدي يايمه اكعدي خلي نسولف لتبقين واكفه باعي لتفهميني غلط اني تعبانه وهي بنتكم واكيد بيها ريحه من المرحومه وانت ماتبقين هيج هم يجي يوم لازم تتزوجين ويصير عندج اطفال ومسؤؤليه ويمكن تنسينها غصبا عنج
راح اكولها الج من الاخير ليش متتزوجين زيد وهم تربين بنت اختج وهم تطلعي من الحاله الي هو بيها

...شنو خاله اني أأأ مستحيل اريد ارد عليها اجه صوت زيد من الحديقه كلها يووم تعاي
طلعت هي من باب المطبخ الي يودي للحديقه ورايه سمعت صوت كلاص انكسر نزيت باوعت شفت كرم وكع من ايده الكزاز نزيت اني اجه تقرب مني اني كاعده ع الكرسي ويمي الطاوله
حط ايديه على الطاوله وصار يباوعلي احس ضايعه بنضرات عيونه ماتتفسر شنو بس مبين معصب
كال كطنه وشيليهه من اذنج لاتفكرين حتى بالموضوع  افتهمتي ....

صرت اتنفس سريع نضراته خوفتني ايده ظل يطلع منها دم .. كتله شتقصد ..

راسمه على اخويه ولج تردين تتزوجي مو ولج اذبحج بليله ظلمه واخلص منج اذب براسج مصايب الها اول مالها تالي واخلي شوفتها الملوكه عليج حسره لذلك اكعدي وسكتي وجياتج هنا قلليهن مفهوم

شبيك كرم شدتحجي تايهه عندك اني جايه هنا على مود بنت اختي لولاها فلا اوصل ابد والله وبعدين امك الكالت هالحجي مو اني

اني كتلج هسه وشوفي شحيصير
عافني وراح بقه اثار دم على الطاوله .. عفت جنطتي ومسحتها ولملمت الكزاز بالارض
وافكر بنفسي شون وي كرم هو اكيد متزوج ومااعنده استعداد بعد يتزوجني لان يكرهني لازم اخلي زيد يوكف على رجلي ويبدي من جديد ويوكف كرم عند حده .. لازم اساعده
دخلت ام زيد ..
كملت كم ششغله وكرم جان طالع من بعد ما حاجاني طلع ..
اني  صعدت فوك شفت ملك كاعده وتنوص اخذتها الحضني وصرت ابوس بيها
شون اذا انحرمت منها والله خايفه
بدلت ملابسها وانطيتها ممه
واخذتها جوه بالحديقه .. لزيد ..
كعدت يمه مااهتم هو الجيتي واصلا ميهتم الشي ابد
صحتله زيد ابو ...ملك اللتفتلي وميحجي حالته دتسوء اكثر كتله ملوكه مشتاقتلك تريد تشوفك انت ممشتاقلها باوعلها اخذ ايدها وبوسها گال مااكدر اباوعلها اتعب فوك مااني تعبان
لعد شون انت لازم تقوي نفسك على مودها معدها غيرك هي
البركه بيج وبكرم وامي ممقصرين انتم

سكتت عنه وبقينه يمه بالحديقه اني وملك ساعتين والجو حلو .. بعدها اجه كرم واني كاعده يم زيد
نزل من سيارته اشوف من بعيد جاي معصب كلما يتقرب مني يبين شون خازرني ..
اخذت ملك وطبيت جوه ..
العصر المفروض اروح رحت لام كرم كتلها خاله
اذا انت تعبانه وملك هم متنام بالليل نومتها مخربطه خلي اخذهه ويايه هناك على الاقل نتساعد عليها اني وامي
كالت ماادري اكول الكرم .. وكفت يم الدرج وصاحتله
طلع من غرفته ووكف براس الدرج الفوك كال هاا
كرومي غرور راح تاخذ ملك وياهه الليله

اذا تريد خلي تبات وياهه هنا شتسوي ماخذتها
انوب تتعود خليها هنا وابقي يمها

اي بس ياماما معليها شي اذا بقت يمها اني
تعبانه ومابيه حيل عليها

يووم كلت تبقى هنا وانت تحملي هالوضع
علما اني اتصرف
غرور ..مكدرت اسكتله والله شلع كلبي كتله كرم اني وين ماخذتها بيت غرب ماهو بيت عمتك ليش هيج تعاملنا على انه احنا غرب بالنسبه الملك هم بنتنا بنت اختي بعد ليش كل هذا
هو نزل بسرعه من الدرج .. وخمشها مني وانطاهه لامه ودفعني من كتفي وكال ولج عين تلاسنيني هاا روحي وملك تبقى هنا معليج بيها انت مفهوم
واللتفت لامه كللها اني اخذها منج
باوعتلي امه وسوتلي حركه عود تراضيني بيها ميخالف
شبيك كرم لاتدفعني اني موتايهه يمك مو من حقك تسوي كل هذا ماشي
خاله اني رايحه وباجر اجي باوعتله بنظرة غضب وطلعت
ششايف نفسه شكد كرهته كلش كرهته حيموتني
رجعت للبيت وبين كل هالعذاب يحاول يفرض رايه ويتجاوز شكد قاسي
لازم افكر بكلام مرت خالي صح هي صعبه اخذ مكان ريم واتزوج زيد  بس خايفه لا كرم ناوي على شي ويجيب زوجته وهي تربيها على جثتي والله على عمري مااخليها تربيها
ظليت على عناده يوميه اروح .. وهو يتبعني خاصة من اروح يم زيد اوديله ملك يجي يمينا واني اكوم
يطلعلي من كل مكان خبلني
بيوم رحت الهم سويت كم شغله وصعدت طليت على ملك نايمه نزلت شفت
زيد كاعد بالصاله الوحده حتى التلفزيون مطفي
هيج كاعد وصافن بنفس اللحيه والقميص الاسود
رحت سويت عصير وخليت كليجه بالصينيه
ورحت قدمتهم اله جنت اشوف ريم تقدمله هيج تكول يحبها
اخذت الصينيه وطبيت عليه .. بين ما داخلي الصينيه ع الطبله ومدنجه زيد خله ايده على راسي وكال ريم رفعت راسي بوجهه ودمعت عيوني .. وكفت بسرعه اشوف گبالي كرم
يتبع ..

اعتذر منكم صارت مشكله بالكوكل