رواية لو انك لم تعد ..... الفصل الثالث عشر 13 - بقلم نورا ناصر

#لو_انك_لم_تعد ........بارت .....13.....
بقلمي نوره ...

من شفته ع الدرج ورفع نضره باتجاهي رجفت كلي ماادري ليش حب خوف مااعرف
باعدت نضري عنه ولزكت بالحايط لحتى انزل
صعد هو واني نزلت ..
ماحجه ويايه ولا كال البقيه بحياتج
مااهتميت ولااريدها منه ..

نزلت جوه خالتي كالت رضا  بالهول يم امج روحي سالو عنج .. كتله اي ...ورحت يمهم كال.... رضا
ها غرور يلا حتى نروح ..
هاا لعد وملك اريد اخذهه
اترخصي منهم قبل لاتاخذيها خاف ميقبلون وبعدين
هي بنتهم لتنسين هالشي ماشي
خوش رايحه .. رحت لزيد جان بالصاله كاعد ..
باوعتله من صدك منظره يكسر القلب بس ياتره لشوكت لشكم يوم ويتزوج كلهم هيج
كتله ابو ملك تسمحلي اخذها الملك ويايه
كال اخذيها ...
صعدت فوك .. لغرفة ريم فتحت الباب وطبيت
مرت خالي وكرم جانوا بالغرفه وكرم شايلهه لملك ويباوع الها  تفاجئت .. بي بالغرفه
االمهم مااهتميت اله وحاجيت مرت خالي كتلها
خاله اني اريد اخذ ملك ويايه اني كلت الزيد وكال اخذيها هي كالت اي بنتي اخذيها وياج هالفتره
نطق كرم يباوع لامه ويحجي  وشكو ياخذوها شنو مفروض هي بنتنه وتبقى هنا وهذا بيتها
اني جنت اعرف هو متقصد يستفزني بس اني ماالي خلكه
مرت خالي ردت عليه كلتله ياماما اني تعبانه من العزه خلي تاخذها هالشكم يوم ارتاح واروح للطبيبه وبعدين نرجعها
كللها ماشي وخله ملك بسريرها اني مأباوعله بس هو من راد يطلع باوعلي وطلع
رحت طلعت جنطه من الكنتور .. وخليت بيها ملابس
الها وبعد اي شي  تحتاجه واخذتها واباوع ع الغرفه مااصدك بعد مااشوف ريم هنا اني شون راح اصبر دونها والله ماادري شون صعبه حيل صعبه طلعت منهاره بجي وبيدي ملك وجنطتها ولااعرف اشيلهه ابد كوه مسيطره ..
نزلت الدرس الا شويه جان وكعت اني وملك
احس نفسي مدااسيطر .. شافني رضا اخذ مني ملك

  .. بالهول جانو كاعدين كرم وابن خالي اسمه علي وبعد خالاتي لسه مارايحين
اباوع للدرج وابجي .. بعد مراح اشوفها تنزل منه وتسلم علينا من نجي .. لازمه الجنطه اني واعصر بيها من شدة الالم وهي ملفوفه بباندج لان مصابه وتوجعني
من صدك منهاره اجتي خالتي يمي كالت
صيري قويه امج ماعدهه غيرج لاتنهارين كدامها
وهي بهالحاله .. اني امسح دموعي وتجري دموع غيرها وبس ساكته ومااعرف شون راح تگضى
احس كرم يباوع الي بس ماانطيته اي اهتمام واعتبره مموجود ابد
اخذت ملك من رضا ومااعرف اشيلها رادت توكع مني تسرح من لحافها الشايلته بي اخذتها رفل مني
واني بيدي بس  الجنطه وامي اخذها رضا
ووصلنه علي ابن خالي للشقه
طبينه وويانه ملك واني كولشي مااعرف الها لااعرف ابدلها ولااغسلها ابد
رفل جانت تساعدني بيها الا ان صرت اجبر نفسي اهتم بيها وامي مريضه وتعبانه ومن تشوف ملك تزيد بجي
مرت الايام .. وماكدرت اتعايش وي فراك ريم ابد
لسه طيفها يلمح خيالي لدرجه صرت احس اني داشوفها هنا وهنا
وصوتها يرن باذني رن
وغير الذكريات التي تركتها

وماكو شي يعوضني عنها حتى بنتها
طفله زغير وشتعوض
بعد مرور كم يوم .. رضا تعب وصار حلكه ييبس ومرات ايده تخدر وميقبل يروح للطبيب يكول عادي
كتله ياخويه روح وشوف حالك احنه منو النه غيرك

سمعتني امي .. كلتله روح وبصوت مخنوك ومتكدر تحجي من حلكهه ولاتقبل تبقى بالمستشفى ورضا ميقبل يجيك نفسه
كتلهم شون وياكم انتوا تعبتوني والله مابيه حييل فراك بعد دخيلكم وانهاريت وصرت ادك واللطم
اجه رضا يمي ولزم ايديه كال خلص خلص لتسوين
هيج بنفسج
اني راح اروح للطبيب
وفعلا راح للطبيب ورجع كال عندي سكري
احنه تفاجئنه متنه قهر عليه هو صح السكري ميعرف عمر بس انقهرت على رضا وعمره33سنه بس
تعب هالفتره كلش وحتى مظل يروح للشغل
الحد مااتخلى عنه الاسطه الي جان يشتغل ويا

بعد مرور 10ايام ماادري شون مرت بلا ريم
بس مافاركة الدموع عيني وداخلي محروك حرك
وامي منظرها يدمي القلب
ملوكه من تبجي تعصر بقلبي عصر وكلش اخاف ابدلها واغسلها اله بمساعدة رفل
اندكت الباب رحت فتحتها شفت مرت خالي ام زيد
ووياهه كرم عرفت راح تاخذ ملك 
سلموا على.
امي جانت بالهول احنه فارشين الها فراش ونايمه عليه
بقيت اباوع لمرت خالي مستغربه انتظرها شوكت تنطق وتكول جيبي ملك
كرم ممهتمه اله ولامهتمه لنظراته احس بدون شعور اني فقط الحزن والحطام الي بداخلي
واخيرا نطقت ام. زيد بالي جنت خايفه منه
ام زيد.. ام رضا اريد اخذ ملك اني
متتصورين زيد شكد منهار وميهتم لاي شي بس كاعد ومكتئب لو يحط لكمه بحلكه لو ميحط
اريد اخذ ملك بلكي يشوفها يتغير على مودها

انقهرت اني كلش وماردت انطيها الهم وماعرف ليش حاسه كرم وره هالسالفه ..
مردت تصير مشاكل من هسه كتلها خاله بس بين فتره وفتره اريد اجيبهه يمي كالت اي ليش لا هي هم بنيتكم
اخذوها وطلعوا رحت للغرفه مكانها كلش فارغ
والله تعبت من الحزن ياربي
مرت كم يوم وماتحملت ابد مااشوف ملك
امي نايمه بالفراش لسه ورضا تعبان وحالته حاله
كتلهم اني رايحه اشوف ملك كالوا روحي
بدلت ملابسي وعلى هالاسود الي صار بلون حياتي
وطلعت .. وصلت لبيتهم .. اول ماطبيت زيد كاعد بالحديقه مثل المريض النفسي شكله لحيته حيل طولانه وشكله يكسر القلب بعد مرور 20يوم على وفاة ريم ..
فتت سلمت عليه بس رفع ايده وهز راسه
تحسرت كلنا تدمرنا اني هيج صرت عباره عن جسد يمشي ماالي اي رغبه باي شي بالحياة ابد

دكيت الباب وطبيت لان مجان مسدود
رحت بوجهي للمطبخ اكيد مرت خالي بي
وشفتها هناك سلمت عليها كاعده ع الكرسي ومبينه صدك تعبانه ونفسها سريع
كالت هم زين اجيتي اني اليوم كلش تعبانه
واليوم كله كرم يهتم بيها خو ابوها كلش عبالك جثه مو بشر ولاقابل يطلع من حالته
ان شاءالله خاله هي وينها هسه
فرك بغرفة زيد ويمها كرم
ماشي رايحه اشوفها
زين متكدرين تبقين اليوم هنا
خاله والله مااكدر خلي اخذهه ويايه كم يوم علما تتحسن حالتج .. اشو هي ارتبكت وكالت لالا انت ابقي هنا .. احسن
والله ياخاله ماادري ماما هم لسه تعبانه يعمي ميضر اذا اخذها كم يوم اني وين ماخذتها غير بيت بيبيتها

ان شاءالله يصير خير حبببتي الله كريم والله خطيه اني الي قاهرني زيد حالته ابد موطبيعيه

الله كريم خاله اني صاعده لحتى اشوفها
كالت صعدي عفتها ورحت صعدت فوك
وصلت الغرفة زيد واسمع صوت كرم طالع منها
كانه يحجي بالتليفون يكول
صدكيني مااكدر اجي اني هم مشتاقلج هوايه بس اهلي ديمرون بضروف كلش صعبه لج لا انت تدرين شكد احبج بس اهلي محتاجيني هالفتره خو مااعوفهم اي عادي من ارجع اسوي اجرائات من جديد

اني خليت ايدي على حلكي خررب هذا يحب اخخخ گلبي سودت الدنيا بعيني اكثر مااشوف بس ظلام حالك يحيطني من كل جانب وماكو اي نفق ونهايته نور مكدرت اطخ الباب و افوت نزلت الكم بايه وكعدت على الدرج ونزلن دموعي يربي شكد اريد ابجي
جنت اعتقد بعد رحيل ريم عني صرت بلا شعور بس شلون حبقى هيجي طول عمري هو متونس ويحب ويتمعشك  وفرحان واني طايح حظي ومكسوره ومتدمره بسببه ..اني الك كرم اله اردها الك الصاع صاعين هيجي تسوي بيه ... قويت نفسي وكمت وهالحياة هي يرادلها واحد حوووك ويواجهه
صعدت الدرج وصلت الباب الغرفه يمكن جان منهي الاتصال
فتحت الباب  وسويت نفسي مصدومه بوجوده بالغرفه هو جان كاعد على السرير ومخلي رجل على رجل ولابس كيمونه سوده وشورت لحد الركبه ومخلي ملك على السرير يمه
يمه حسيت بالرهبه اتجاهه تذكرت الي سواه بيه وخفت لاهسه هم يسوي بيه هيج
طبيت وماسلمت ولاحجيت وهو ظل يباوع الي
رجفت وتقربت  الملك اريد اخذها .. لزمني من معصمي سحبت منه توجعت لان مصاب سابقا ولاراجعت عليه طبيب ولاشي ..صحت بي اتركني
كال وهو
شنو هي هيته تاخذيهه وترحين وين موديتها

شي ميخصك مو ملكك هي بنت اختي هي اشو محتكرهه الك شنو مو اهلها احنه هاا وكفت وهو واكف ولازم ايدي وميقبل يتركها

ههه شبيج ترجفين خايفه مني مو
لا مااخاف منك اني تدري ليش لان انت جبااااان وكلتهه بحده وبوجهه قريب عليه .. لو شجاع صدك تسويها بيه واني صاحيه مو تخدرني ولو مو جبان هم متشوف صوري لرجلي جان ببساطه تكدر تسوي اي شي غيره بس هذا يسموو غدر والغدار جباان

سفطني على الحايط وگال وانت ساااقطه بعتي نفسج الي تتذكرين لو نسيتي وملك متاخذيها مفهوم متاخذيها ومااريد وحده مثلج تربيها مفهووم

مو على كيفك استاذ كرم مو على كيفك شنو انت من بشر وتحرمني منها ليش هيج دتسوي مكافي الي سويته بيه قبل وهسه جاي تحرمني منها بعد ما حرمني القدر والزمن منها

لسسسسه مااتشفييت منج وماراح يشفه غليلي بعد ينتظرج هواي مني لذلك ابتعدي عن طريقي وستري على روحج

اباوعله يخوف وقريب من جسمي كلش ولازمني يربي شيريد يصير بيه بعد اكثر كتله اترك ايدي تركتني بدفع بس بقى موحطني على الحايط
خليت ايديه على صدره ودفعته حييل

ونزلت جوه اركض .ميته خوف. وابجي طكت روحي فوك ضيم الدنيا انوب كرم اخخ يربي
وكفت يم باب المطبخ اخذت نفس وهديت حالي
وطبيت عليها لسه على كعدتها والمطبخ مهوس والمواعين تارسه السنك كالت هاا شفتيها
كتلها لا خاله اعتقد كرم يمها واستحي افوت اخذها
يابنتي كرم مثل اخوج. . جان طبيتي
اني نزلت راسي يربي شجابه لاخويه
كالت هي اني راح اصيحله ينزلها جوه طلعت من المطبخ واني وراها .. وكفت يم الدرج صاحت كرم كرم هو طلع ووكف فوك ببداية الدرج
كلتله جيب ملوكه خالتها تريد تشوفها
خلي تصعد تشوفها فوك
روحي بنيتي شوفيها
اني باوعتله وخفت كلش كتلها خاله اني راح اساعدج بالمطبخ وبعدين اتفرغ الها ..
كالت عوفيهم انت خطار كتلها لا خاله اني موخطار
وهذا بيتي عادي
طبيت للمطبخ وهي راحت للغرفه
تشكلت وبديت اغسل اول شي بالمواعين
خلصتهم كلهم .. ومسحت الكاونتر ورتبته
جنت لابسه تنوره كصيفه وقميص

كلش تضايقت بيها ومنا اني ممتعوده ع الشغل
لشويه وطب كرم باوعتله ودرت وجهي اخذت الماسحه ودااعصرها لحتى امسح الارضيه وكف اباب
المطبخ ومرتكي عليه كال هه خفتي مني  تصعدين مو ؟؟
درت عليه كتله مينخاف من الجبان بس لازم ناخذ الحذر
هه شدتسووين
مثل مدتشوف
دتسويلج مكان هنا موو
ميحتاج اسويلي مكان
تحلمين يصير الج مكان هنا مفهوووم
صبيلي مي يالله
انت اشرب .. اني كلت اله هيج لو ابتليت اجه هايج عليه ضرب سطل المي مال الماسحه بالمطبخ وطلع من الباب الثاني الي يودي للحديقه وهو معصب وركع الباب
يمه مخبل هذا يربي شرجعه لو ماراجع جان كلشي تمام هسه
مسحت بسرعه وجففته وصعدت الفوك بسرعه بسرعه .. اخذت ملك ونزلت جوه يم ام زيد شفتها نايمه بغرفتها .. حتى فوك مبوست ملك ولاشميته
يمه حياتي فديتها تخبش تخبش بيها هوايه من امها هيج احس اني مو يمكن بالشكل لان زغيره ومتبين هسه بس بالبرائه ..
بعدها اجت خالتي ام روان وروان ..
سلمت عليهم .. بقت خالتي يم ام زيد
اني وروان طلعنا ورحنه للمطبخ ... روان اخذت ملك وشالتها وتلعبها فدوه لالله تجنن شكد حلوه
ثواني وطب كرم وعيونه تجدح غضب جان يكول
شون اثنين يمي شون ثنائي مكروه
نزت روان گلتله شونك كرم
وانت شعليج بيه تسألين شونك وبعدين باعي ملك متشيليها بيدج مفهوم يلا ولج غرور اخذيهه منها يله

اول مره اسمع اسمي بلسانه من هواي يمكن من خابرني اخر مره وهو يبجي
اخذتها منها بسرعه راحت روان وكفت يمه شبيك كرم متكولي شبيك وبعدين انت اشو طولت الكعده هنا
ومارحت لزوجتك مو متزوج هناك انت

ولج وانت شعليج تنبشين ورايه هاا ليش تدخلين بخصوصياتي ماتبتي من الي سويته بيج اخر مره اله اندمج مره ثانيه بعد موو

طلعت روان من المطبخ وهي ضايجه
واجه باتجاهي باعي وبيدي ملك واني خايفه منه واحتمي بملك واحضن بيها گلي

انت لاعبالج مستثنيج انت حالج حالها اثنينجن ساقطات وروينه اخر يوم الها تجي هنا وانت تلحكيها بس خلي ارتب وضعي
وطلع
خلاني ارجف وابجي ....
يتبع
اسفه ماادري شبي النت ويايه موتني اعتذر منكم