رواية لو انك لم تعد ..... الفصل الثاني والعشرون 22 - بقلم نورا ناصر

#لو_انك_لم_تعد بارت 22
بقلمي نوره ..

اني بالبدايه جنت اخاف منه .. بعدهه عرفت نومه ثگيل تعودت كمت الاشي يااغسل وجهه او اضربه بالمخده يبقى دقايق يله يصحى
واني اخرب ضحك عليه اخذني الحضنه ونمنه

مشت الايام بعدها صارت اجرائات طلاقه من وئام وطلكهه ..
مشه الوكت عادي .. اكثر شي مضوجني جانت شهد بتصرفاتها احسها تكرهني .. حييل ومن شافتني رجعت اداوم هم قررت تداوم
طبعا اني مو من النوع اسكت اذا احد ضوجني بفتره ما جنت مجبوره بس هسه لا احس رجعت كرامتي الي واريد ارجعها بعد
جان الشغل مقسم بينا اني بحكم دوامي  العصر الشغل جان عليه .. العشا اني اسوي وبالاضافه لبعض التنضيفات وهم ملوكه مسؤؤليتي ارجع الكاهه نفس الكفشه ونفس ملابسها مال الليل لان اني من اطلع هي نايمه
خالتي ام زيد تشكي من مفاصلها وتكول مااكدر ابدل الها متقبل تركض ومااسيطر عليها
وشهد عود مرت ابوها متهتم الها ابد صار عمرها سنتين حاولت اخليهه تعوف الممه وتشرب حليب بالكوب وتاكل
من اوكف اسوي العشا تجي شهد توكف ع راسي
دااكلي بتيته واكلب بيها تكولي عوفيها لا كل شويه تكلبيها عوفيها براحتها تستوي وتكسب
اكول شهد انت مو عليج شغل الصبح شلج علاقه بيه هسه هذا شغلي
اي والله اصلا شغل الصبح اكثر واني مبقى شي لامتحاناتي اريد امتحن خارجي وادخل جامعه
اي الله يوفقج ام عبودي بس اشو شويه خليني اشتغل
اي عيني اشتغلي احد لازمج
طلعت من المطبخ . ارتاحيت منها اني بروحي روحي بخشمي
كملت العشا وحضرته وكعدنا نتعشه ملوكه اله تريد تكعد بحضن ابوهه وعبودي هم كبر وصار. واحد يغار من الخ .. ظلت تبجي ملوكه وشهد شون تبط الكلب ولايهمها اخذت ملوكه واني معصبه وطلعت بيها للحديقه مكملنه عشه حتى وكعدت اسكتها اجه ورايه كرم
ها حبي ليش مكملتي اكل دنطيني ملوكه ورجعي اكلي
مااريد بصياح
ولج شبيج شدعوه جهال هم تره
هسه مدتشوف شهد شون حقيره متكول هي يتيمه خطيه لااخليها تبجي هيج ..
شنو حقيره غرور عيب هالحجي تره ميصير
اللتفتت اله حقيره ونذله وبعد خبيثه هسه موتتني مدتشوفها
ميخالف لتضخمين الامور اخذيها بهداوه
اوو كرم هسه انت وياي لو وياهه مو اني مرتك
اي بس نسيت شهوده ام المؤامرات والتخطيطات وتوكف وياك بكل شي لذلك متقبل عليها استاذ كرم
هي شدتحجين انت ولج اني مااريد مشاكل هذا كل الموضوع
لا مومتريد مشاكل انت دومك هيج ويايه اني باطل راكبني من راسي لرجليه هيج اني عندك
اهووو الحجي وياج ضايع اروح اطلع اشم هوا احسن تردين شي ؟
مجاوبته حرك السياره وطلع
اخذت ملك .. وفتت جوه اجه زيد يريد ياخذهه كتله عوفها تريد تنام روح اخذ عبودي انت بنتر حجيت وسمعتني شهد هو بقه صافن وصعدت فوك
حضنت ملك وتذكرت ريم وانقهرت كلش وظليت ابجي بحركه يربي مااتحمل هيج يعاملوها يعني ذاك لان ولد .. يفضلوا عليها هي تباوعلي وتطل بوجهي وتكولي ماما يبعد امج انت كوليلي رورو فدوه لتكولين ماما انت امج ريم مو اني
رغم حبي الها ماريد تكولي ماما انقهر حيل مااتحمل بس هي مرات تكولي ماما ومرات رورو
شربتها كوب حليب ونامت .. نزلت جوه غسلت المواعين باقيه على حالها ونضفت المطبخ ورجعت صعدت فوك
غسلت وبدلت ملابسي لبست كيمونه قصيره ورديه
وفليت شعري .مثل كليله استعد بيها للنوم . ولسه كرم ماكو يمكن زعل مني صيحت عليه يربي اباوع للفون اريده اخابره صارت ساعه 11:00بس متردده خلي يتعلم يوكف ويايه مو ضدي مددت ع الجربايه وبيدي فوني .. سمعت صوت سيارته فاتت للكراج وبنفس الوقت سمعت باب غرفة زيد انفتحت لان هي كبال غرفتنا ..
بقيت مدده .. بعدهه فات كرم للغرفه شمر المفاتيح ع الميز واجه يمي لزمني من ايدي قوي
وللج غرور ليش تنترين بزيد ها مو عيب شيكول هسه
لزمت كف ايده الازمني بيهه من ايدي كتله شيكوول يعني شيكول معناهه مو هو كلك هي العگربه مرته گلتلك مو .. ؟
دنجبي واحترمي اخويه ميريد يشيل بنته انت معليج متدخلين
دفعته وخر وخلي شهد تاثر عليك الله يعلم بعد شعدك وياهه
شتقصدين ولج ___؟
اصلا انت وياهه بينكم مصايب بلاوي الله يعلم بيها لو ماانت مارجعت شهد لهنا
واذا رجعت انت شكو ليش مترجع رجعت الزوجها ميخصج انت ___
وخر عني دتأذيني كرم وعود خليها تاثر هيج عليك وتوزك عليه انت لوصدك تحترمني جانت جيت تسال صدك اني نترت بزيد لو كذب بس ثقتك بيها عميا
كمت من الجربايه ورحت اللبس روب
اجه يمي گال مااريد اسمع مره ثانيه معليه صوتج ع امي او زيد وشهد حاولي تكسبيها يحجي ورافع ايده يهدد
باوعتله بخزر واني اللبس وهو واكف بصفي خلص الحجي مابيه احجي بعد فتحت الباب وطلعت نزلت جوه كعدت بالحديقه والجو برد مقهوره منهم كلهم يربي مدداتحمل هالبيت هذا بي اسوء ايام حياتي ومكان اختي كبال عيني وبعد كرم ميوكف ويايه تعبت اني مدداركز حتى ع دروسي وبين كل هذا اني حامل والحمل متعبني
مااعرف شكد بقيت نص ساعه اقل او اكثر انفتحت

الباب باوعت طلع كرم .. درت وجهي عنه .. اجه وكف يمي واني كاعده
يلا كومي طبي بارده عليج
سكتت مجاوبته
موداحاجيج يله طبي
مايخصك عوفني ..
معليه بيج ابني ابطنج اني على موده ..
باوعتله بخزر ودرت عنه .. اجه كعد يم رجليه ولزم ايديه خرب بيومج .. ولج ايديج بارده
اريد اسحبهم منه مكدرت اخذهم باسهم كال غرور انت زوجتي ومحسوبه عليه مااريد هيج تتصرفين ويا اخويه هو فد هالاخو عندي معندي غيره وبعدين انت غلطانه تره عبود زغير واثنينهم اطفاله انت ميصير تدخلين ..بينه وبين اطفاله حتى لو فضل واحد على واحد
ظل يقنع بيه افوت واني ساكته كمت وفتت ويا وهو حاضني من اكتافي ودخلنه للبيت وصعدنا للغرفه
مااعرف اذا اقتنعت بكلامه او لا ..
طبينه للغرفه .. هو تمدد بالفراش
اني نزعت روبي ورحت تمددت وتغطيت ونطيته ظهر اجاني اشو وخري الغطا اشوف شلابسه اويلي امووت ع الوردي
درت جسمي عليه كلي گتله گول كرم شهد كالتلك
باعي سدي الموضوع دخيلج وخلينه بساعة صفا
وظل يقربني اله
گتله وين الله وتكعد ملوك وتفركش عليك لحظتك
ادفرج بره انت وياهه
كومي ملوك حبي ماتردين ميمي
لاملوك انت متشربين ميمي
ميخالف ماحنيتي الها اطيجياهه الليله
ياخبيثه هههههههههههه
يوم ثاني اخذني اني وملك وطلعنا تونسنه ورحنه للالعاب وملك حبيبي متونسه شويه طلعنه من جو البيت والكابه

ومرت الايام على حالها شهد توصل حجي الكرم ويجي يحجي عليه وازعل منه ويرجع يحاجيني بس ماادري بشنو يرد عليها وكبالهم يحترمني ولامره قلل من قدري كدامهم بس اني اضوج كلش من يحجي عليه
بفد يوم جنه بالمطبخ اني وخالتي وشهد جانت طالعه هي وزيد وبعدين جتي سلمت ودخلت وردينا عليها السلام كالت تاخرنا احنا عبالنه تعشيتوا
اني عبالي دتضوجني لان متاخره بالحجي طلعت دتفتح موضوع كالت مرينه على بيت وئام وكال زيد خلي ننزل نشوف ابن اخويه نزلنه سلمنه عليهم وشفته علاوي فدوه خطيه شوفته شوفت يتيم
خالتي كالت اسم الله ابو موجود ليش يتيم
اني كتلها زين والله زيد بعد هالمشاكل الصارت ويا اهل وئام طب البيتهم .. وبعدين ليش تفاولين على ابو شرايده منه
شهد .. لاعيني اني مرايده شي تره بس هيج خطيه يعيش بدون ابو
غرور .. شهد شتلمحين الشنو ناويه انت مداافهم
شهد .. عيني ماقصدت شي شبيج انت ..
غرور .. شفتيها خاله تره شهد متكعد عني وتسكت واللتفتت عليها شهد كعدي عني ولتنسين الدفاتر القديمه
شهد .. شقصدج بالله ماافتهمت
غرور .. جلسة التصوير القمتي بيها ودبرتيها تره مناسيتها اني افتهمتي لو لا
خاله اني شويه واجي اكمل العشا
وطلعت من المطبخ واريد اصعد اسمع خالتي تكول الها انت اله تستفزينها بالحجي وبعدين شسالفة الدفاتر القديمه ..
صعدت بدون مااكمل شحجو بعد . 
ورحت للغرفه كرم جان متمدد ع الجربايه وملك يمه بالغرفه دتباوع بالايباد ..
دخلت عصبيه وكفت يم الميز اتنفست شويه يحاجيني ماانتبه اجه يمي هاا شكو اللتفتت اله
گتله كرم هم الك نيه ترجع وئام ؟!
ليش هالسؤال
مجرد سؤال وجاوبني عليه
انت شبيج هيج معصبه وضايجه ارحمي نفسج انت حامل ميصير هيج تره
اريد اعزل وحدي يعني قصدي اريد بيت وحدي شهد مااتحملها اني
شصار بعد
تستفزني هوايه مداتحمل ..
حبيبي رورو اني سبق وان كتلج اني بس هالاخ وشهد اني طالع احاجيهه هسه بس شيلي هالفكره من راسج
شهكت كتله مراح ارتاح اني تعبت منها تجي انت تحجي عليه وهي تأذيني بافعالها وتفتن عليه شكد اريد اتحمل
انت ابقي هنا هسه اني انزل احاجيهه
نزل جوه بقيت وحدي بالغرفه وتوقعت حتكوله على كلامي واجه وجان توقعي صحيح
اجه معصب ..
انت شنو كايله الشهد صح هالحجي لو لا
قصدك ع الصور
اي بالضبط
كرم ضوجتني والله وحجيت هيج
ظل ينفخ ويستغفر شون اني مراح اخلص .. مراح ارتاح بيوم ..
حبيبي موداكولك نعزل بيت وحدنه ..
انت تبقين هيج عقلج زغير ومتتحكمين بنفسج
سكتت ظل معصب ويدفر بالكاع والكنتور والجربايه
اخذت ملك ونزلت جوه شفت شهد دتريد تصعد وهي مخنزره ..
عفتها محاجيتها ورحت للمطبخ
نزلت ملك بالكاع ورجعت ع العشا اكمله اجت خالتي يمي كالت لتهتمين لحجي شهد
وكرم يحبج تره لتحاولين كل مشكله تصير بينكم توصليهه اله اجه رزلها كدامي ولو سامع زيد حجيج هم صارت مشكله جبيره لان هم ميقبل عليها ويدري بيها لسانها طويل
اني اهز براسي واشتغل
كالت تعاي اكولج شنو سالفة التصوير الكلتي عليه اكدر اعرف ؟!..
يتبع ______