الفصل الخامس

رواية ليست النهاية الجزء الخامس 5 بقلم ندبة ليست النهايةرواية ليست النهاية الحلقة الخامسة علي بدموع:الكانسر رجع ليكِ ليلى اتصدمت وسكتت دموعها نازله زي الشلال وفي قلبها قهره متتوصفش بالكلام وقتها كانت عايزة تعرف رد فعل حماتها بصت ليها بدموع واتكلمت بقهره:اتمنى تكوني سعيدة يا طنط ضحكت بسخريه وكملت ابنك مبقاش متجوز واحده كانت مريضه هي بقت مريضه اصلا بصت لعلي ومسحت دموعها بهدوء واتكلمت بثبات مزيف:طلقني يا علي

علي بصدمه:ليلى انتِ بتقولي ايه ليلى:بقول الصح يا علي مي بدموع:ليه بس يا ليلى ليلى بقهره ودموع:اخوكِ يستاهل واحده سليمه فعلا وبصت لزينات وابتسمت بحسرة زي ما طنط بتقول زينات وقتها طلبت تتكلم مع ليلى لوحدهم فوافقوا وخرجوا من الاوضة ~~~~~~~~~~~~~~~~~~~~~~~~~~~~~~~~~~~

زينات بهدوء:بصي يا ليلى يا بنتي انا مش هنكر اني لحد اخر وقت مكنتش موافقه كملت بدموع كنت مقتنعه ان علي يستاهل واحده سليمه متزعليش مني يا بنتي بصراحه انا كنت غيرانه منك وكنت بقول مبررات فارغه عمري ما اتربيت عليها او كنت متخيله اني اقولها في يوم ..اصل علي ده اول فرحه ليا بعد طول انتظار اه يا بنتي انا اتأخرت في الخلفه وخُفت ..خُفت علي يتعب في حياته زي ابوه عارفه انها انانيه بس والله غصب عني وانا طالبه منك انك تسامحيني على تفكيري الاناني و كلامي الي اذاكي كتير

ليلى صعبت عليها وحضنتها واتكلمت بدموع:بس انتِ عندك حق ..أنا منفعش لعلي زينات:لا يا ليلى متقوليش كده ليلى قاطعتها :لا…لازم اقول انا ممكن اموت في اي لحظه وقتها هو هيبقى لوحده دموعها نزلت وشهقاتها عليت بقهره زينات بهدوء وحنان:يا حببتي انتِ مؤمنه بقضاء ربنا وقدره صح..طب تعرفي ممكن حد يكون سليم ومفهوش حاجه وينام ميصحاش وممكن حد يكون مريض ويخف ويبقى سليم.. يا ليلى بلاش تفكري بالطريقة دي عشان متتعبيش في حياتك

ليلى بصت ليها بخوف:بس علي هيتعب معايا زينات ابتسمت:يتعب …الي بيحب لازم يتعب عشان حبيبه ايه المشكلة يعني بصت لها ليلى بقلق بسيط هي خايفه تكون بتظلم علي معاها وفي نفس الوقت هي بتحبه ومش هتقدر تستغنى عنه ~~~~~~~~~~~~~~~~~~~~~~~~~~~~~~~~~ مر يومين وليلى كانت خرجت من المستشفى وراحت قعدت عند ابوها وديما قاعده في اوضتها مبتتكلمش مع حد دخلت سعاد الاوضة وقعدت قدامها سعاد بهدوء:لحد امتى يا ليلى ليلى بصت ليها ومتكلمتش

سعاد بغلب:لحد امتى هتفضلي قاعده في اوضتك لا بتاكلي ولا بتتعالجي ولا حتى بتردي على علي الي من ساعة ما جيتي وهو بيجي في اليوم يجي ثلث مرات شهقت ليلى ببكاء وهي مش عارفه ترد او قادرة تتكلم دخل حازم وقتها وطلب من سعاد انها تطلع وتسيبه مع ليلى حازم :لولو حببتي انتِ كده بتأذي نفسك وكأنك بتنتحري بالبطيء ليلى ببكاء:يا بابا انا مش عارفه اعمل ايه

حازم بهدوء:لو من ناحيت علي فا هو راضي بيكِ في كل احوالك ولو من ناحيت مرضك فأنتي لازم تتعالجي براضكِ او غصب عنك ليلى بخوف:بس انا كده هبقى بظلم علي معايا حازم:تبقي بتظلميه لو هو ميعرفش مرضك وانتِ معاه بس هو عارف من اول ما تعبتي اول مره اصلا وهو راضي وعايزك ليلى:يعني مش هبقى بظلمه يا بابا دخل علي وهو بيبتسم :لا يا لولي مش هتبقي بتظلميني ليلى بصدمة

بصت لابوها فقال حازم: يلا انا مش قولتلك انا هطلع واقولك تدخل ولا لاء وبعدين خد يلا هنا انت بتتصنت عليا انا وبنتي قام حازم وهو بيجري ورا علي الي اول ما شافه قام طلع جري وليلى لأول مرة بعد ما عرفت مرضها… تضحك ~~~~~~~~~~~~~~~~~~~~~~~~~~~~~~~~~ بدأت ليلى العلاج.. اشعة وتحاليل جلسات وارهاق عليها وعلى اهلها الي بيتوجعوا كل ما يشوفوها بتتآلم وهما مش قادرين يعملوا حاجه والايام بتمر بسرعه بين التعب والمواساة مر شهرين

وفي مرة بعد ما خلصت ليلى الجلسه علي قرر يمشيها على البحر شوية اتكلم علي وهو عايز ينسيها وجعها شويه فقال علي:سبحان الله البحر ده شهد على اغلب مواقف حياتنا فرح وحزن وتعب ليلى:عندك حق و افتكرت حاجه فضحكت بص علي باستغراب:بتتضحكي ليه ليلى:افتكرت زمان لما كنا بنروح المصيف وانت كنت مبتعرفش تعوم وانا الي كنت بلحقك من الغرق علي بص ليها بغيظ وقال بتبرير:انا كنت بعرف اعوم بس كنت بخاف من الحسد ليلى بضحك:طبعا طبعا انت هتقولي

بص ليها علي وضحك على ضحكها وحس بامل وفرحة بتملى قلبه وايقن ان اهم حاجه نشوف الي بنحبهم كويسين وان لما بنشوفهم بيضحكوا بس قلبنا بيضحك لوحده كأن ابتسامتهم بتأكد لينا ان لسه في أمل في الدنيا ~~~~~~~~~~~~~~~~~~~~~~~~~~~~~~~~~~ تاني يوم علي موبايله رن فقام يرد وهو نايم لقاه الدكتور بتاع ليلى الدكتور:ازيك يا استاذ علي علي بقلق:انا الحمدلله كويس .. هو في حاجه ولا ايه

الدكتور: لا بس محتاجك تيجي العيادة لو حضرتك فاضي انهاردة العصر تعالى عشان في خبر مهم لازم تعرفه علي قام ومصحاش ليلى وفضل قلقان لحد ما العصر اذن فقام صلى ولبس ونزل ~~~~~~~~~~~~~~~~~~~~~~~~~~~~~~~~~ ليلى فاقت لما علي نزل فقامت وصلت وكلمت اهلها والباب خبط فقامت تفتح لقتها مي ليلى:مي عامله ايه وحشتيني مي:انا كويسة يا لولو انتِ عامله ايه ليلى:في زحام من النعم الحمدلله…..خشي البيت بيتك

مي بمرح وهي بتدخل:لا يا ختي ده بيتك انتِ وكملت بدعاء يارب ارزقني ببيت شرح و برح ورُجل ملتحي من النساء يستحي ليلى ضحكت عليها وكملت بقلق:مي هو علي مكلمكيش انهارده مي. :لا ليه ليلى:جاله تليفون ونزل من العصر لحد دلوقتي مرجعش ومش بيرد مي:خير بأذن الله مكملتش الكلمه وعلي دخل علي بهدوء:السلام عليكم ليلى ومي ردو السلام ليلى اتكلمت بقلق:علي انت اتأخرت ليه كده علي:كنت عند الدكتور بتاعك ليلى بخضه:وقالك ايه علي بدموع………………

~~~~~~~~~~~~~~~~~~~~~~~~~~~~~~~~~~~ وما العالم بدونك إلا غريب وبدون دفء عيونك عجيب ومن يطمأن قلبي حين يقلق ونتأمل جمال الشمس حين تُشرق وتُحدثني عن أمل جديد لأبدأ يومي بنشاط سعيد لأن ابتسامتك تُريح قلبي وتُنير دربي ليتعجب كل من حولي