الفصل الرابع

رواية ليست النهاية الجزء الرابع 4 بقلم ندبة ليست النهايةرواية ليست النهاية الحلقة الرابعة طلع علي وليلى يعملوا العمرة ومر ثلث شهور في تجمع عائلي اتكلمت زينات زينات بخبث:شوفتي جميلة بنت عم علي جابت ولد ليلى بتوتر:بجد..الف مبروك زينات:انتِ لسه معملتيش التحاليل عشان نطمن عليكِ يعني ليلى لسه هتتكلم علي رد عليها

علي:لا يا ماما انا مش موافق على التحاليل دي ملهاش لازمه ده نصيب وانا راضي بأي حاجه ربنا كاتبها لينا وكمل بمرح عشان شاف نظرات ريم لليلى الي كلها شماته علي بمرح:المهم اني مع لولي حببتي ريم بغيظ:بس انت تستاهل تبقى اب علي بهدوء:وهو ليه العيب منها مش يمكن يكون العيب فيا انا علي كمل بهدوء:بعد اذنكم يا جماعه انا اصلا مش فاهم انتم بتدخلو ليه دي حاجه بيني وبين مراتي وبعدين انا صدعت حسن بهدوء:قوم يا بني روح بيتك

~~~~~~~~~~~~~~~~~~~~~~~~~~~~~~ علي اخد ليلى على البحر عشان حس بزعلها وجابلها شاورما وهما بيتمشوا علي:انا اسف يا لولي ليلى باستغراب:بتتأسف على ايه علي:على الي امي قالته ليلى بهدوء:عادي يا رمانتي انت مسكتش برضو وانا حسيت طنط زعلت روح بكرة راضيها ..علي:بس هي كسفتك وبعدين ليلى بمقاطعه وحزم:بس هي مامتك علي :ايوه ليلى بمقاطعه:مفيش بس يا رمانتي هي والدتك مهما عملت لازم تبرها وتنول رضاها علي بمرح عشان يفكها:مراتي حكيمه

يا ناس ليلى بغرور مصطنع:انت بس مش مقدر النعمه علي وهو بيقرب منها:بقى كده ليلى :انت بتقرب ليه اوعا تكون هتبيع اعضائي علي:شكلي كده طلعت ليلى تجري وعلي وراها وهما بيضحكوا ~~~~~~~~~~~~~~~~~~~~~~~~~~~~~~~~~ تاني يوم ليلى كانت قاعده مستنيه علي يرجع من شغله لحد ما موبايلها رن ولقتها حماتها ردت ليلى باستغراب:الو زينات بسخريه :عامله ايه يا استاذة ليلى ليلى بهدوء: الحمدلله في حاجه ولا ايه يا طنط

زينات:انتِ كمان بتسألي يا حربايه انتِ خليتي ابني يكلمني بطريقه وحشه قدام خالته ليلى بهدوء:يا طنط حضرتك الي بدأتي وبعدين انا متكلمتش اصلا زينات:ايوه اظهري على حقيقتك كده وبعدين انتِ بتملي ودانه بالكلام من ناحيتي وبتخليه يبعد عني ليلى:والله أبداً ربنا يعلم اني ما اتكلمت كلمه وحشه عن حضرتك او ساعدته انه يبعد عنك

زينات:وكمان عايزة تقنعيني انه هو الي بيبعد لوحده بصي يا ليلى ..انتِ متستحقيش ابني ابني يستحق واحده سليمه مش واحده كانت مريضه ليلى بوجع:بس انا مخترتش اني اكون مريضه زينات:وابني ملهوش ذنب يعيش مع واحده كانت مريضه ليلى بعصبيه وصوت مبحوح نتيجة وجعها:لو بنتك كانت مكاني كان ايه هيكون رد فعلك وقتها.. و بعدين انا مضربتش ابنك على ايده عشان يتجوزني متجيش تلوميني على حاجه انا مليش ذنب فيها زينات بعند:وكمان بتتعصبي عليا

ليلى:لسه هتتكلم حست بدوخه داهمتها مرة واحده واشتد وجعها وزينات على التليفون بتتكلم وليلى مش قادره ترد ومرة واحده وقعت على الارض ومبقتش شايفه غير سواد ~~~~~~~~~~~~~~~~~~~~~~~~~~~~~~~~~~~~ فوقت والنور ضرب في عيني فقفلتها بسرعه وبدأت افتح عيني براحه ولقيت نفسي في اوضه شكلي في المستشفى بس مين الي جابني انا مش فاكرة حاجه انا آخر حاجه فاكراها اني كنت بتكلم مع طنط ودوخت دخل علي وجرى حضنها وعينه مدمعه

علي بدموع:لولي انتِ حاسه بأيه دلوقتي ليلى بهدوء:صداع بسيط هو انا ايه جابني هنا علي:انا جيت من الشغل لقيتك واقعه على الارض ليلى بمرح عشان حسته لسه خايف:وشلتني بقى زي الافلام ووجعت ضهرك صح علي ابتسم:اه بصراحه انتِ تقيله اوي ليلى بصدمه:بجد يا علي هو ضهرك وجعك اوي انا لازم. اخس اصلا علي قاطعها بهدوء: يا لولي حتى لو تقيله جوزك سبايدر مان اصلا ليلى:ده بدل ما تقولي انتِ خفيفه يا حببتي علي:واكذب واشيل الذنب بقى

ضحكت ليلى بهدوء دخلت سعاد ووراها الباقي جريت سعاد بخوف وحضنتها وهي بتعيط بحرقه ليلى:يا ماما انا كويسه خلاص ممتش يعني محدش اتكلم الاوضه في حالة صمت مش قاطعه غير صوت شهقات سعاد العاليه بصت ليلى عليهم لقتهم كلهم مدمعين حتى زينات …وحازم ابوها كانت عينه لونها احمر وكاتم الدموع في عنيه ليلى مشافتش ابوها كده غير لما….لما الكانسر جالها اتكلمت ليلى بخوف ودماغها رافضة الفكرة:هو انتم عاملين كده ليه

علي حاول يهديها:كانوا خايفين عليكِ يا حببتي ليلى ردت وهي بتحاول تصدقه:تمام دخل الدكتور وشاف ليلى واطمن عليها بعدين اتكلم مع علي وقال الدكتور: حضرتك لازم نبدأ العلاج التأخير مش في صالح الاستاذة اتكلمت ليلى بصدمه و تلعثم:اس…استاذة مين بصت ليلى لعلي وهي على وشك الانهيار:ع.. علي ه..هو قصده ايه اتكلم علي وهو بيحاول يطلع صوته فطلع مبحوح وعينيه مليانه دموع:لولي انتِ بتؤمني بقضاء ربنا وقدره اتكلمت ليلى بدموع وخوف:قول

يا علي في ايه علي بدموع:الكانسر رجع ليكِ ~~~~~~~~~~~~~~~~~~~~~~~~~~ وانهارت حصوني وضاع اماني حين رأيت حبيبي يتآلم امامي ورأيت عجزي يقيدني ويقيد سلامي ورأيت اليأس يطرق بابه وحبيبي فقد آماله وقلبي يفطر من آلامي على حبيب قلبي وأيامي