رواية معتقل الصحراء الفصل التاسع والعشرون 29 - بقلم الكاتبه أم مختار

مساء الحب
وصلت قصتنه ٤٠٠ الف مشاهده يلا نشد الهمه ونوصلها مليون مستعدين هههههه
قراءة ممتعة ولا تنسون التصويت و التعليقات الحلوة

#معتقل_الصحراء ٢٨
#بقلم_ام_مختار
#دنيا_غانم

مناسك _ اني هم ما گلت لا بقيت يمهم شويه و انسحبت للغرفه الي نام بيها اني وامه خليت المخده واتغطه بعباتي بعدنه فراش كامل ما عدنه
بعدني هسا غمضت عيوني ونفتح الباب

ام سائد _ماما سائد هنا ننام اني وياك ومناسك

مناسك _غطيت وجهي بالعبايه وما بدر مني اي رد فعل
بس ضايجة منه حيللل

سائد _لاا انطوني مخده  انام بالصاله

_لا يوم هنا ابرد اكو مروحة
بالصالة ماكو شي

سائد _ يلا هم مو شكال بس انطوني مخدة  بعد ما بيه حيل اوكف

مناسك _ دقايق يمكن  وصوت شخيره عبر القارات
درت مبتسمه الام سائد

_تعبان سوده عليه

مناسك _خطيه سوده عليه حجيتها بضحك

_ماما مناسك تعاي تقربي شوي يمي

_تقربت يمها واني اعرف شنو راح تحجي

_متعاركة وي  سائد

_لا

_لعد شبي يوم

_ما ادري

_ليش هيج مناسك والله سائد خطيه

مناسك _ بشنوو خطيه گوليلي

_يريدج ما تشوفي شلون يباوعلج

_واني  ما اكدرر

_لويش يوم

_خاله اني الصار بيه موو شويه وأبنج  كمل عليه
هو غير اليحب يحب من ذاته بس اني تردوني احب جبر حتى هاااي جبرر

_الله عليج سائد مثل العرفتيهم

_ترديني ازعلج خاله لو ترديني اروح انام

_ميخالف زعليني  خلينه نحجي والله من شفت حاله وجعني گلبي عليه اريده يعيش اريده يستقر  تره الصار مو بأيده مثل ما انتِ نغصبتي هو هم

مناسك _ البيني وبين ابنج مو جروح وتترمم
ولا واحد يجبر الثاني
البيني وبين ابنج شررفي و طفليي
انتِ عبالج انيي ناسيه لاا صدگ اني فرحت من نزل بسس انيي حسيت بيي هم نكسر گلبي ليش مو هسا ابني بين ايديا وفرحانه بي ليش اخذو مني بسببب ابنج وبسبب سجونهم الظالمة

_حاجي وشوفي شنو رد فعله حتى تعرفين ترسين  على بر وترسي هو هم

_ما اريددد احجي وي اي احد
اني هيج تردوني ابقه وياكم خير علي خير  ما تردوني  اطلع تره محد يموت والعراقيين والسوريين هنا جاي يساعدون الكل
واني احجي وياها غاب صوت شخيره
بقيت احجي وياها بصوت انصه
هناك وصاحلها

سائد _يوووم

_هاا ماماتي

_لا تحجين وي احد الما يريدنه ما نريده

مناسك _ ما رديت عليه اخذت مخدتي وعبايتي وطلعت للهول خليت المخده ونمت حاره صح  بس واحد شيسوي هو يريد يدوس ببطني واني ما عندي طاقه

بسرعة طلع الصبح وطلع الكل من غرفه ايي ما اجذب عليكم جاهد ورحمة بغرفة
مياسين وصليل كذلك همه هيج يردون
يجوز اني لو قابلت سائد بغير ظروف يجوز  هم جان جرفتني مشاعري
بس اني تعبانه احس محطمة  من داخلي
ما بيه شي صلب استند علية حتى اگوم مره لخ واعيش مثل هذوله اني لا من جنت ابيت ابوي شفت الراحة ولا من بعد بيت ابوي شفت الراحة

رحمة _لويش هنا نايمه

_خليهم يرتاحون بالغرفة 

_روحي فوتي نامي بغرفتنه جاهد راح يطلع

_ايي هسا دخلت ونمت
ما فزيت غير على وقت الغدا تگعدني مياسين 

_شنوو اليوم ميته؟

_لج مكدرت انام امس عوضت ههههه  صارت صلاة الظهر؟

مياسين _ ايي و هسا صابين غدا تعاي تغدي

_گمت عدلت حجابي و طلعت

ام سائد _صباح الخير شنو اليوم تأخرتي

مناسك _وكفت يم باب الحمام احجي وياها ما نمت امس  الحد ماطلع الصبح استحليت غرفة بيت جاهد

جاهد _ كلمن يروح البيته وكعت عليه جكليته
وصلت  الرسالة لو لا

مناسك _غسلت وجهي وجاوبته
عندي غرفة الله لا يحوجني الك
فرجت سنوني و گعدت يمهم

ام سائد _امس نمنه بيه اني  ووليدي ارتاحيت  منج

مناسك _اليوم  على گلبج انام منووو طبخت

مياسين _انييي

_صبوليي جوعانه
احجي وهو عيونه بالصحونه اني اسرق نظر واضحك على روحي بحجة لا جاي اباوع على ام سائد او علي البنات بس لا عيوني تتنقل حتى اخطف نظره ما هامني بس كرهت تجاهله

مياسين _بيج  خير اكلي هذا الصحن كله
وهاي كاسة المرگ وبيها لحمة يلا ع سرريع

صليل _ايي سمنوها لأن اذا تبقه هيج  نشتريلها ملابس من محلات الاطفال ياله يجن كل ما جايها تكش

مناسك _ وانت تسمن اني اكل و انت تسمن

صليل _اني اسمن من الراحة

سائد _على طاري الراحة شنو ما نطلع طلعوووني ما اريد انحبس بعدد

جاهد _ترحون الدمشق ناحية القصر الاموي و سوگ الحميديه كلش حلو هناك المكان

سائد _ اخذوني بس طلعوني مو راح انفجر  من الگعده

جاهد _ تدلل هسا نتغدا نرتاح شوي ونطلع

ام سائد _احنه هم اخذونه تره كافي حبس ونسونه

مياسين اي  حبيبي فدوه

صليل _ عيديها واخذج شيل على ظهري

مياسين _هههههههه حبيبي و عمري

صليل _ وحده وحده  حتى ما اتهور كدام الناس

ام سائد _احترررم حالك وانتِ ولج مياسين صايره خفيفه ما عاجبني  حالج

مياسين _ بس اني مو هاي رحمة هم

ام سائد _يوم انتو اذا تردوهن لويش ما تزوجون يعني عاجبكم هذا  الوضع

مناسك _رحمة رأساََ گامت

صليل _ وشلون خاله احنه لا اوراق عدنه لا مفتهمين راسنه من رجلينه

ام سائد _الحد ما تفتهمون الگه البنات  بطونهن كدامهن وهذا لا يرضي الله ولا رسوله
وانتو من تحجون تگولون اريد نبدي بداية صحيحة وين الصحيحة وانتو سادين بيبانكم على نفسكم بالحرام لا تزعلون مني بس هاي الحقيقة

صليل _و الله ما مسوين شي بس نسولف وسأليها

ام سائد _ ميخالف يوم عقدو ع الاقل واحنه موجودين اشهار حتى ربك يصلح حالكم

جاهد _مناسك ولج تحرضين خالتي علينه

مناسك _واني شدخلني والله يا الله عسا ما تغرگون بالحرام اني شنوو
جنكم ابويه جانت امي لو البنات يضوجو يكتلني اني اني شنوو ذنبي

سائد _ من حجت هيج باوعتلها ما كادره تتخطى هاي الفتره
وولا تعرف تتخطى
يلاا كافي لغوه يوم عوفي الولد همه شنو يشوفو صح يسوو مدام البنات قابلات و الما قابل يحافظ على نفسه عود

ام سائد _ بكيفكم الذنوب عليه لو عليكم

مناسك _العصر طلعنه بالسياره لدمشق
اول ما خذونه السوگ الحميديه
هاي  جانت اول طلعه النه كلش تونست بوقتها
فرحانه هواي بداية السوق للتحفيات او التراث السوري اشياء تسحر العين
لازمه بأيد ام سائد واني وياها متعجبين علي الجاي نشوفه هواي حلو هواي يونس

جاهد _تعالو ناكل موطه

سائد _بالفستق يا يابه

مناسك _جانت الموطه يسووها بطريقة بدائية بفخار او ما شابه ويدكون الموطة بالعراق نسميها دوندرمة و همه هم يمكن هيج يسموها يخلي الفستق ويدك
انطاهم جاهد كلهم واني وره صرت نسوني
وانيييي

جاهد _اهووو نسينه الصغيره

مناسك _خليي يخليلي هواي
انطاني موطتي و گلي

سائد _اكلي هاي واذا ما شبعتي نجيبلج بعد

مناسك _ اخذتها من ايده وبديت اكل بيها
جانت كلش طيبه وبرودتها حلوه نمشي بالسوگ وناكل دخلونه جوه جانت اكو محلات ملابس
رحمة گالت تعالو اشتريلكم على حسابي
بسس البنات  هاا مالي دخل بالولد

جاهد _ فلوسي يم سائد اشترو الي تردو

مناسك _ جاهد هواي حنين بحيث حتى فلوس شغله يسلمهن  السائد ورغم هو اول يوم اله بسوريا بس من طلعنه خلاهن بأيده

رحمة _ها يوم ام سائد شنو تردين

_عجبني هذا

مناسك _باوعتلها وضحكت هااا عيني تردين مورد

ام سائد _ايي اريد البس على صياح مورد

سائد _حضنتها انسيي خيولي راح وي الايام العفنه  هسا خليج بنفسج دلعيها واني وياج

ام سائد _مدام انت وياي حياتي كلها دلع يوم

مناسك _ختارت ثوب مورد كلش حلو و عبايه مثل مالت الخليجيات

رحمة _وانت مياسه

مياسين _ اني عجبني هذا الثوب شتگول حبيبي

مناسك _حبتج حيه ان شاء الله حجيتها همس
ام سائد سمعتني وضحكت

صليل _حلو
رحمة _تردين  شي للطلعه؟

مياسين _لا  لا مو هسا خلي اشتغل اني و اشتري
هسا بس اريد ثوب علمود نسبح ونغير

رحمة _وانتِ مناسك اني عجبني هذا باوع هذا البنطرون يجنن وويا هذا القميص شتگول جاهد

جاهد _ هذا هو مدام عجبج اشتري واني هم اساعدج بالفلوس

رحمة _خوش شو ساكته مناسك

مناسك _ ما اعرف صراحة شنو اختار باعي عجبني هذا البنطرون وهذا التشيرت
جان محل بصف الخ وعجبتني هاي الدشداشه هم
جانت طويله سوده مخططه فضي
انطوني رأيكم حلو لو لا
من گلت  انطوني رأيكم هو ابتعد وگف بعيد ع الجهة المقابله النه

ام سائد _ تموتين لو گلتي انطيني رأيك

مناسك _بطلت ما اريد اشتري
طلعت من المحل و طنكرت عليهم كتلهم ما اريد حاولو رادو ابددد ما اريد

جاهد _ خلوها براحتها اي وقت تريد تشتري نجيبج

مناسك _اي هيج افضل

جاهد _هاا ولكم تشترون ما اريد هاي رحيمة تشمت بينه

صليل _ ايي نشتري

مناسك _تعمقنه بالسوگ اكومحلات رجاليه واحذيه
وكفهم جاهد
جانت القمصان اكثر
صليل اول واحد دخل للمحل
ودخلت ورا مياسين يأشرون ويضحكون
جاهد ورحمة  كذلك اني وكفت يم امه
فدوه خاله اي كلمة ما اريد

ام سائد _تعال يوم اني وياك نختار

سائد _يلاا شوفي اني عجبني هذا القميص المقفل

ام سائد _ حلو  كلشي على وليدي حلو
واخذ البنطرون الحبري هذا لو الاسود ويا

ام سائد _انت شنو عاجبك اكثر

مناسك _سمحت الروحي ادخل وگتله
الاسود يرهم وي كلشي حتى لو تشتري فد شي لخ هم يرهم ويا
وهو عينه على البنطرون جاوبني اي وباوع الامه
انتِ شنو تگولين

ام سائد _رأيي من رأي مناسك

سائد _اذن اخذ الحبري

مناسك _ باوعت الامه وابتسمت
اجتي يمي

ام سائد _تستاهلين هيج زين موو جان يباوع الحلگج من تحجين هسا حتى التردي ما يريده

مناسك _ براحته مدام هو مرتاح خلي يسوي الي يريده
الكل اشتره و بيدهم اكياسهم فرحانين
رحنه للسيدة رقية

سائد _انطوني الاكياس وروحو زورو
بنات ديرو بالكم على اميي

رحمة _ لا ينشغل بالك تدلل  يلا بنات

مناسك _زرنه وخلصنه طلعنه للقصر الاموي مكان وضع الرأس الشريف من شفنه المكان ما كدرنه نقاوم دموعنه لا اردياََ تنزل زرنه وطلعنه  جان يوم حافل تونسنه و ضحكنه و فرحنه امور صار  هوااي ما مسويها
نتحرك بالشارع مثل ما اريد ما خايفين ما مرعوبين رجعنه للحجيره بصعدتنه للشقة بالطابق الاول جانت اكو مرأة سوريه وبناتها
بس شلون بنات ما شاء الله الجمال السوري وما يحتاج احجي بعد
جسم وشعر وعيون وبياض و وجنات بحيث من شفتهن صرت وره ام سائد من الخجل
هيه وگفت تحجي وي ام سائد وتتعرف علينه

صليل _ اكلج مياسه ما يصير نفصخ العقد الي بينه

مياسين _اذا باووعت صليل اشلع عيوونك والله

صليل _ياا ما باوع دخيل الله هذني حور العين

مياسين _باوعتله ووخرت من يمه وكفت يم ام سائد

جاهد _ذنوب ربي ذنوب خاف احنه ناقصين
رحمة _باوع على راحتك وبعدين استغفر

جاهد _ههههههه

ام راما _اهلا وسهلا فيكي هدول كناينك

ام مناسك _اي نعم

سائد _بس هاي بنتها يعني اختي

مناسك _اشر عليه خربت من ضحك اني  ردف  وگلها

_اني عزابي

_ههههه الله يبعتلك النصيب

_والله اظاهر النصيب اجه

ام راما _ شو حلوين حكياتكن

مياسين _بس بنات عندج

ام سائد _ههههه اهلا وسهلا تشرفنه بيج يلا بنات يلا راح تصير مصيبه صعدوو

مياسين  _والله اذا حجيت وياي اكلب الدنيا كلاب

رحمة _جاهد بعد شوي عيونه تصير يمهن وحتى سائد

سائد _اني رجال ما مرتبط خلوني اتمعن في ما خلق الله وابدع ما شايف هيج نسوان حلوه اني

مناسك _ صعدنه ودخلت للغرفه
سمعت البنات يحجون شوي صارت لغوه خاصه صليل ومياسين
مياسين تغار وهو طبعة هيج بس هيه مقبلت عصب وطلع وي جاهد و سائد كذلك

ام سائد _ ما مكتوبتلنه نفرح خربتوها بالاخير

مياسين _بس شافهن باعني ذيل الجلب ما ينعدل

رحمه _هسا تحاسبين على النظره انتِ

مياسين _يقبل اني هيج احجي

ام سائد _تعرفين انتِ هذا اسلوبه

مياسين _خلي  يبطله مو حلو

رحمة _لبست الملابس الجديده وطلعت اني رايحة للشغل لا تبقن معبسات ضحكن هسا همه جاي يضحكون علينه وانتن ضايجات

مناسك _ رحمة اكدر  البس ثوبج الغسلتي اريد اسبح

_ايي فوتي بالغرفة تلگي

_دخلت اخذت الثوب غسلت روحي غسل معدل طلعت انشف بشعري نزل نصه بالخاولي
شعري قصير وتعبان وما بي اي حيوية
مقدمة شعري بيها فراغات باوعت للمراية وجهي حيل ضعيف
هو مو يگول انتِ كلشي بيج حلو
شو هسا بدل هم ما عنده كلمة ابن صياح
ههههههههه
نظفنه البيت اني طبعاََ انظف
و مياسين و خالتي عليهم الطبخ انظف حتى الغرف لأن فارغه
و الملابس كل وحده تغسل الملابس الي تخصها
رجعو الولد واول ما دخلو سالتهم خالتي وين جنتو

صليل _بالگهوه شلون گهوه عراقية ابيع كل عمري بس اگعد بيها بعد اتغده وارجع هنا

سائد _مشهودتلك الگهاوي انت عبالك كاعد بملهى الضحكة واصله السابع جار

جاهد _ لازم تشتغل ابو الگعده وسوالف

سائد _ايي لازم نشتغل المسكين بس هو يشتغل طايح حظه انط من عنده  اطردنه جلاليق

جاهد _نجب واكلو خرا بس هم دورو شغل

صليل _لازم لازم اريد نطلع نتونس اني ما اريد اظل محبوس بالبيت كافي الحبسة العشنه بيهاا

مناسك _ فرشت مفرش الاكل و البنات نقلو

ام سائد _صليل صالح  مياسين لا تخليها ضايجة

صليل _ هيه عقلهااا صغيررر جاي تشوفني اني اضحك واسولف ليش تصدگ

مياسين _عقلييي صغيررر هاا
انت شايف اخووو راما شلون حلووو يقبر قلبي

صليل _ طيح الله حظج

مناسك _حتى گام من الاكل وما قبل  يتغده و الكل ما اكل

مياسين _ منووهسا العقله صغيررر هو واكف كدامها ويتغزل بيهاا اني اصلاََ َ ما ادري اذا  عدها اخو  وهو هيج ضاج واني من اضوووج عقلي صغيررر ليششش

مناسك _همه كلهم راحو الغرفة صليل واحنه كلنه اجتمعنه  بغرفتنه

ام سائد _ خلصت المصايب على راسنه هسا مصايبكم اجتي

مياسين _لا يگلييي عقلج صغيرر وهو يتغزل بيها گدامي ليش هو ينقهر واني لا

رحمة _مو جاهد وسائد هم تغزلو شبيج

مياسين _لا تخليني احجي المستورر

جاهد _شنوالمستوره

رحمة _ خزرتها

جاهد _ما جاوبتيني

مياسين _ماكووو شي عوفوني ابحدي

مناسك _ صارت مصيبه من لا شيء
و المصيبة الاكبر من صارت عصرية الولد سبحو ولبسو ملابسهم الجديده وكشخو همه حلوين صارو احلى بعد وهمه جاي يفتحون الباب وطبعاََ صليل بالمقدمة اجتي راما لابسه ذاك البنطرون الحصر و البدي الكيمون و والشعر مفتوح ليگلك شلال مو شعر و العيون كبار وملونات لون عجيب غريب
وگالت  بكل هدوء وحب

راما _هيدي شاكرية ماما عملتها حبينه تدوقو الاكل السوري ان شاء الله يعجبكو

صليل _ احنه كلشي يعجبنه

مناسك _ ركضت اخذت الصحن و كتله والله خطيه كااافي

صليل _ختوولي حتى تحترم حالها
شكرََا ع صحن الشاكريه هيج اسمها مو

_صح

مناسك _ دفعته روحححح اطلعوو الله يهديكم
حجه سائد وهو يلبس حذائه غسليلي ملابسي الذبيتهن واذا ما تردين اني من اجي اغسلهن

مناسك _سهله اني اغسلهن
گام وغطاني بطوله الفارع

سائد _ راما حلوه موو؟

مناسك _انت شتگول

سائد _تطير العقلللل

مناسك _ هم صحيح تطير العقل البنيه حلوه الله يحرسها
ضربني جتف بجتف وطلع

رجعو بالليل جاهد و سائد صليل ماكو
ام سائد خافت راح وي وحده

سائد _لا  يابه شسالفه هو يشاقه شجاكم
بس الگهوه الرحنالها يردون عامل و هو شكل وياهم بس يعزلون يجي

رحمة _گهوه وصليل كلش يتراهمون

جاهد _سلوبه حلو و اضحوكي الناس ترغبه
ابو الگهوه جلب بي

رحمة _حتي انت يعني اقصد كليتكم حلوين واسلوبكم حلو

سائد _ احنه بطرك ضحكتنه الما ادري منين جبناها  دخلت ابدل ملابسي هيه ع سريع اجت تطلع
احنه ما ناكل بشر تره

_لا كلت اعوفك ترتاح وهم اساعد البنات بالعشا

_اي احسنن خليني ارتاح

مناسك _طلعت وي البنات جنه نشتغل ع كيفنه ننتظر صليل يجي
وهذيج لبست ثوبها الجديد و شبعت خدها كرص و شفايفها تعضعض شبيججج

مياسين _حتى يصيرون حمر الشيطان الاكبر علمني

رحمة _ والشيطان  الاصغر طبق

مناسك _كرصت خدي جديات يصير احمر

مياسين _اي و الله دباعي صرتي تخبلين

مناسك _هههههههه راما تخبل بدون كرص

مياسين _اهووووو هم جابتلي طاري هاي دسكتي فدوه

مناسك _صبينه الاكل ومياسين جابت سراحية الماي جانت كزاز وخلته بعصبيه وگعدت

صليل _واني صاعد شفت راما يابه شحلاتها اني وياها اذا تزوجنه نخلف  ملاك والحسين مو هيج تگولون

مياسين _اي فدوه الله تلعبون النفس

مناسك _ههههههههه هيج زين تستاهل

سائد _ ما ثنتها

رحمة _ تفضل سائد هاي خبزه

سائد _تسلمين

مناسك _ بشرفك كافي صليل خطيه تضوجها لويش

صليل _عمي هيه غير معشعشه بالگلب اني بس اسربت راما وابو راما يرحولها فدوه

مناسك _ابتسمت مياسين
سوده عليه نضحك عليج مووو

سائد _ انتِ الي تحسبين كلشي ضحك وضغينه اكووو ناس كلوبهاا نضيفه تلين وتميل وي الهوا

مياسين _شايفين مناسك عركاتها صامته البنيه هادئه زياده عن اللزوم حتى من تصيح ناصي جاوبته بكل عصبيتها البارده

_انت ميل احنه ناس مستقيمين

سائد _ انتو ناسسس تجردتووو من كلشي

مناسك _ من شنو بالله من انسانيتنه
لو من گلوبنه
اذا تحجي بالتجريد انتو اهل لذلك
سائددد لوو نسيت شنووو سويت بيهه

سائد _شنوو سووويت لوو ما انييييي اليوم انتِ ووووين خلي الله بين عيونج الله التحجين بيييي لو ما انييي هسا انتِ من ضابط الضابط ومن حضن الحضنن لووو اني غلطاااان

مناسك _ماكووووو فرق اذا اني من حضن الحضن فـ اني جنت من حضن الحضن ومن اجيتك انت خلصصصت عليه وهم صرت بحضنك

صليل _كااافي شسالفة

مناسك_هووو اليحجي ويغث هووو گلوله كااافي

سائد_ لوو ادري انتِ هيجج  اخيرر وحده افكررر اتقربلهااا على شنووو شايفه روووحج
ولج انييي نقذتججج من طيحان الحظ

مياسين _ هو بركان وثارر وهيه بارده كـ الثلج
بس من گلها نقذتج هيه صح واطيه موجتها بس كامت تعارك بأيديها ورجليه ودموعها تسابق علي وجناتها

مناسك _ انت اخذت منييي اغلى ما  املك
انت عرينتني گدام الكل
انت جريتني حتى اسبحح كدام هذوله كلهمم مصلخة.
ومن ما قبلت طلعتني بالبررررد...
انت جنت تجبرني حتى تسلب روحييي مني
وختامهااا شنووو سائد
حامللل بالحررررام
منووو منجن ما تتمنى تصيررر ام
وهذاااا الجاي يحجيي اليوم و يتباها بالي سواا الي وقع بكل برووود على عملية اجهاض طفله ولو اني اشكررره

مياسين _هيه جابت طاري الطفل وهو لزم الصراحية الگزاز و رگعها بالگااع

سائد _ لا تجيبين طارررري لا تحجييين بجروووح ما راضيه تشفى لااااا تجيبين طارررري ابنيييي سمعتيييي

مياسين _تخبل تقدم عليها يحجي جدح والله
الولد  بعدو

سائد _هاااي اول مره واخيرررر مره تفتحين هذااا الموضوع اذا تكررر يا ويلج منييي

مناسك _فتح الباب وطلع

جاهد _ هذا الموضوع حيل يأذي سائد
حتى ويانه ما يحجي بي
كلششش مو وقته

مناسك _هوو يحجي ما تشوووفه يبسمر من اجه الصار ومن اني احجي تجون عليه

صليل _ انتِ ما تدرين شصار بسائد من فقدتو هذا الطفل وهذني صاحباتج يمج وسأليهن هنه شافن كلشي بعيونهن رغم الوضع الانتو بي و رغم السجون الجنه بيها بس هو جان يتمنى من الله طفل

مناسك _ فتحت غرفة مياسين   رفعت بردة البلكونه وقفلت بابها عليه و گعدت
هو يفكرر انيي ناسيه لااا
اي صحيح اني گلت احسن يمووت بس اني هم مثلي مثل اي ام حسيتهم اخذوو مني قطعة
رغم من وقت العرفت الحد العمليه يجوز ربع ساعة بس اني هم حبيته حبيته بأول لحضه عرفت ونكسر گلبي ساعت الگلت  احسن يمووت
وين يعيش بسجون وما نعرف مصيرنه وابن حرام هم
و الا السواا بيه يريدني انسه كل هذاا
صعبب رغم  اني هسا عايشة وياهم بس محد يحب يعيش هيج عيشه بس اني ما عندي اهل
همه صارو كل اهلي وتأقلمت وياهم
صارو همه كلشي الي بهاي الدنيا بس ما يجبرني على حب صعب
اذا هو صدگ يحبني يساعدني حتى احبه رغم كلشششي بيه يگول هذا الحب  صعببب بس هم هو لازززم  يحاوول
موو من شافني ما نطيته مجال ظل يحجي عليه
ندگ الباب باوعت مياسين فتحتلها ودخلت يمي

مياسين _ويلي للهادء من يبجييي

مناسك _ هوو جاي يأذيني بكلامة وماا يحس

_ليش تتأذين مو تگولين ما يهمني

_يعني الضباط من جانو يصيحولنه كح.. وابشع الكلامات واحنه اصلاََ ما شايفيهم ما جنتي تتأذين
تره الكلمة التوجع ادگ وجعها بالگلب مهما يكن الشخص الي يگولها

مياسين _ لا تضوجين حج والله ما يلوگ هذا البجي الج انتِ الترفة

مناسك _ يگلي احبج وهو يوجعنييي وين الحببب هو الي يحب يأذي الي يحبه حاتم ما جان يأذيني هو موقف واحد ووصلني الهاي المواصيل

مياسين _ رجال عن رجال يختلف اكو ناس ما تعرف تظهر مشاعرها واكو ناس كتله من المشاعر

و اكو ناس تعامل بسلبيه حتى تغطي عن الحب الي تكنه للمقابل

مناسك _ تره هووو اغتصبني شلووون احب شخص مارس وياي ابشعععع  شي بهذا الكووون

مياسين _ الصار كله جان نظام جانو همه متعودين عليه ومن حبج انتفض عليه كله ليش ما تفكرين بهاي الطريقة

مناسك _......

مياسين _ اكتشفي الزين الي بداخل سائد وطلعي

مناسك _صعبب انيي مو هيج حتى لو احاول افشل..

مياسين _انتِ محضره الفشل قبل المحاولة طبيعي تفشلين فكري هو شنو سوه علمودج
شلون طلعنه شلون خاف عليج فكررري بهذا كله

مناسك _ وشلون من عقلي يجاوبني ويگلي هذا قاتل

مياسين _.......
اخليج هسا اني انتِ بعد حره بكيفج

مناسك _ اليوم سمحولي ابقه  بالبلكونه ما اريد ارجع للغرفه

مياسين _على راحتج

مناسك _بس سدي البرده وراج ما اريد اي ضوه يوصلني

_تمام

مياسين _صارت الساعة بالوحدة و سائد ماكو
ام سائد كلش ضايجة ومعصبه من مناسك بس ما حجت وي مناسك
رجع هو من دخل رأساََ سبح ودخل للغرفة
صليل اجه يمي بعد ما اطمنو عليه

صليل _صاحبتج مخبله

مياسين _اسس گاعده بالبلكونه

_اي اريدها تسمعع خلي تروح تشوفه العيووون حمررر سائد يمووتو ولا يفتحون هذا الموضوع گدامه

مياسين _هيه هم متوجعه ومحد منهم عارف يداوي جروح الثاني

.......
سائد_ نامت امي وهيه ماكو  عيني على الباب وينها وين راحت طلعت للصاله ماكو احد
يجوز راحت تنام يم البنات لا مو يجوز اكيد قابل وين تروح دكيت الباب على بيت صليل

صليل _ادخللل

سائد _ الله يساعدهم

صليل _تره هاي غرفتنه مو دار رعاية اجتماعية

سائد _يابه سمحولي شوي بالبلكونه هسا اني ميت عليك وعلى غرفتك قابل

صليل _ايي اذا تريد البلكونه  تفضللل تدلل بس باجر مو بالجرايد نلكاكم
تشهد مدينة الحجيره وضواحيها شمر شابه من الطابق الثاني

سائد _اهوو مالي خلكك صليل فتحت البرده  الباب مقفول باوعت على اليمين جانت گاعده ومكرفصه روحها  فهمت قصد صليل دگيت الجام

مناسك _باوعت جان  هو فتحت الباب وهميت اريد اطلع لزمني من ايدي تعاي نحجي شوي

مناسك _ما اريد احجي وياك اني
جراني الحضنه وقيدني بين ايدي

سائد _اذا انتِ مقهورة على قطعة لحم خسرتيها
اني وقعت على خسارتها
ضعف الوجع الجاي تتوجعي اني اتوجعه
يجوز عبالج ابالغ بس هذا الموضوع خط احمر
وجنت لازم انتِ لو ابني حتى لوو مثل ما تگولين ابن حرام بسس هو ابنييي اني من گلولي رجليه بعد ما حملني والله الخاطر لا يأذوني بيج وكفت
والخاطر لا يهددوني بي وقعت على الاجهاض
والخاطر لا انتِ تنذبحين اني وافقت يجهضو
تره اني صدگ تشوفيني گدامج وحش وضخم بس انا مثلكم احب واتوجع وعندي جروح  ما اطيب واولها هذا الطفل
بس اني اختاريت بين الصعب والاصعب

ومن اجيتي للمعتقل اني ما جنت نبي اني سجين
مجبور يذبح حتى هو يبقه
عوفي كلشي فكري بفكرري اني ما جنت صح ادري بس ما جنت راضي جنت مجبور
ومن حسيت گلبي مال الج ما تقربتلج
ومن خيروني وديتج للمعتقل حتى  ما  تبقين يمي حتى لا انا ولا همه نأذيج
وبعدين من تردين تعاتبين اوو تحجين
ذكريني بكلشييي بس  الا بالربطني بيج طول العمر
اني اتمنى الله يرزقني طفل امنيت حياتييي
فـ لا توجعيني اكثرررر

مناسك _هذا كله واني بحضنه بعدت روحي منه
مدام انت متوجع واني ما كادره اتجاوز اتركني بحال سبيلي اذا الله قاسم النه  حياة سوه لو شما يصير قسمت الله هيه الي تصير

سائد _ واني ما اريد منج شي بس حسسيني اني
موجود وتشوفيني لا تجاهليني حتى بنظراتج
مااا اتحمللل

_احاوول

سائد _ حاولي لزمت ايدها وگعدنه بالارض هيه تحاول توخر واني اشدد
ما تردين تعرفين شنو صار وياي وليش تأخرت بالعراق

_لا ما اريد اعرف

_شوووفي مو اكلج مجاهلتني

_احجيي يلا خلي اسمعك

........
جاهد بعد مده من الافراج الي صرنه بي
بعد ما تعلمنه على سوريا وسوق العراقيين و السورين الطيبين
و الناس الي تبسط بالشارع اني عادتاََ اروح نهاية سوگ العراقيين هناك الرزق افضل المحلات  كلها تشتري مني جاي وهم ما اخرب على صليل اليشتغل بالگهوه
ذاك اليوم مشيت وكملت البداية السوگ بأيدي الصينيه وبأيدي الخ القوري
افتر هذا رزقي بعد شسوي احنه لازم نشتغل كلشي في سبيل نعيش هذا الصح
الطفل الي شفته من مده براس الشارع
اجه عليه كل  سرعته وهو يصيح أمن أمنننن
اني من سمعت كلمة أمن  ذبيت الصينيه وركضت للشقة

يتبع.....